पत्र सूचना कार्यालय

ntroduction

ফাইনান্সিয়েল স্তেবিলিতী অসি লৈবাক অমগী শেন্মিৎলোনগী মপাঙ্গল মপুং ওইবা শরুক অমা ওই- অমসুং ভারতকী বেঙ্কশিংগী ওইনা, মসি খোংফম চেৎপা নোরথ স্তার অমগুম ওইরি। মালেমগী মরিশুবা খ্বাইদগী চাউবা শেন্মিৎলোন ওইরিবা ভারতকী ফাইনান্সিয়েল সেক্তর অসি লৈবাক অসিগী গ্রোথ এম্বিশনশিং অমসুং ইনভেস্তমেন্তকী মথৌ তাবশিং ফংহন্নবা শেম-শারিবা রেজিলিয়েন্ত অমসুং দাইনামিক ফোর্স অমা ওইরক্লি।

হৌখিবা অনি মখাই অসিগী মনুংদা, ভারতকী বেঙ্কিং সিস্তেম অসি অখন্নবা অহোংবা অমা লাক্লে- ATM নেতৱার্ককী অঙনবা মতমদগী হৌদুনা RTGS, NEFT, IMPS, অমসুং রিভোলুস্নরী UPIনা মখোয়গী ফ্রন্তিয়র অসি দিজিতেল করেন্সী তম্না খোং থাংজিল্লক্লি। অসিগুম্বা অনৌবা পুথোকপগী খোঙজং অসিনা ভারতনা ত্রাঞ্জেক্সন, সেভিং অমসুং ইনভেস্ত তৌবগী মওং মতৌদা অহোংবা পুরক্লি। ঙসিদি, বেঙ্কিং সেক্তর অসি মমাংদগী হেন্না মপাঙ্গল কনখৎলে। মসিদা মপাঙ্গল লৈরবা কেপিতেল অমসুং লিক্বিদিতী বফরশিং, এসেত ক্বালিতী ফগৎলকপা, অমসুং তুং কোইনা শেন্দোং লৈ। পব্লিক সেক্তর বেঙ্কশিং (PSBশিং) অমসুং ত্রেদ তৌরবা কম্মর্সিএল বেঙ্কশিং (SCBশিং) গী রেজিলিয়েন্স, মখোয়গী অৱাংবা ক্বালিতীগী কেপিতেল, হন্থরক্লিবা লোন মাং-তাকপা, অমসুং ময়েক শেংলবা শেংন্দোংনা উৎলি, মসিনা শিংনবশিং মায়োক্নরগা গ্রোথকী শেল থাদবা ঙম্বগী মখোয়গী তৌবা ঙম্বগী মতিক অদু তাক্লি।

২০০৯গী অঙনবা শরুক্তা লোইখিবা গ্লোবেল ফাইনান্সিয়েল ক্রাইসিসকী মতুংদা, ভারতকী মপাঙ্গল কনবা ফিসকেল অমসুং মোনিতরী স্তিমুলসনা ইম্পেক্ত অসি কোকহনবদা মতেং পাংখি। অদুম ওইনমক, মখা তারকপা চহিশিং অসিদা, ওভরলিভরেজ তৌরবা কোর্পোরেৎশিং অমসুং মোনিতর স্ত্রেসনা মরম ওইদুনা, "ত্বিন বেলেন্স শীত"গী প্রোব্লেম অমা থোক্লকখি। অদুম ওইনমক, মদুগী মতুংদা লাকখিবা থৌওংনা শিংনবদু খুদোংচাবা অমদা ওন্থোকখি অমসুং অরোইবদা ভারতপু মালেমগী শেন্মিৎলোনগী  “খ্বাইদগী ফবা মঙা”গী লিস্ততা পুরকখি।

“অফবা ক্রাইসিস অমত্তা মাংহন্দবা” হায়বা কাংলোন অসিগী মখাদা হৌখিবা চহি ১০ অসিদা, শেল-থুমগী পথাপকী অশাংবা মতমগী পাঙ্গল অমসুং তংদু লৈতাবা অদু অমুক হন্না শেমগৎনবা পান্দম থমদুনা, মপুং ওইবা স্ত্রকচরেল রিফোর্ম কয়া অমা হৌদোকখি। ঙসিদি, ভারতকী বেঙ্কশিং অসি চহী তরাগী মমাংদা লৈরম্বা অদুদগী হেন্না মপুং ফানা লৈরে।

• বেঙ্ক দিপোজিৎ অমসুং ক্রেদিৎ (দোমেস্তিক) অসি ২০১৫ অমসুং ২০২৫গী মরক্তা চাউরাক্না শরুক অহুম হেনগৎখ্রে। দিপোজিৎ অসি লুপা করোর লাখ ৮৮.৩৫দগী লুপা করোর লাখ ২৩১.৯০দা হেনগৎখ্রে অমসুং ক্রেদিৎ অসি লুপা করোর লাখ ৬৬.৯১দগী লুপা করোর লাখ ১৮১.৩৪দা হেনগৎখ্রে।
• কেপিতেল বফরশিং মপাঙ্গল কনখৎলে- কেপিতেল তু রিস্ক ৱেতেদ এসেতশিং (CRAR) বেঙ্ক অমনা পায়খৎপা খ্বাইদগী ফবা কেপিতেল ওইরিবা CET-১ অসিগা লোইননা, কেপিতেল এদেক্বেন্সীগী চাং অসি মার্চ ২০১৫গী ১২.৯৪%দগী মার্চ ২০২৫দা ১৭.৩৬%দা হেনগৎখি, হায়রিবা অসি চপ মান্নবা মতমগী মনুংদা ৯.৯৮%দগী ১৪.৮১%দা হেনগৎখি।
• এসেত ক্বালিতীসু ফগৎলক্লি। গ্রোস নন-পর্ফোর্মিং এসেতশিং (GNPA) অমসুং নেৎ নন-পর্ফোর্মিং এসেতশিং (NNPA) অসি মার্চ ২০১৮দা মথংশিৎনা ১১.১৮% অমসুং ৫.৯৪% হেনগৎলম্বদগী মার্চ ২০২৫দা ২.২% অমসুং ০.৫%দা হন্থখ্রে।
• বেঙ্কশিংগী শেন্দোংশিং য়াম্না হেনগৎলে। ফাইনান্সিয়েল য়িবর ১৭-১৮ অমসুং ২৪-২৫গী মরক্তা, রিতর্ন ওন এসেতশিং (RoA) অসি -০.২২%দগী ১.৩৭%দা হেনগৎখি, অমসুং রিতর্ন ওন ইক্বিতী (RoE) অসি -২.৭৪%দগী ১৪.০৯%দা হেনগৎখি।

NPA Decline: An Upward Shift in the Quality

এসেত অমনা বেঙ্ককীদমক্তা শেন্দোং পুথোকপা লেপ্লবদি মদু নোন-পর্ফোর্মিং ওইরকই। নন-পর্ফোর্মিং এসেতশিং (NPA) হেনগৎলকপনা শেন্দোং লৈবগী চাং হন্থহল্লি, মরমদি বেঙ্কশিংনা শেল তিংদবা লোনশিং শিংগৎনবগীদমক অহেনবা কেপিতেল হাপচিনবা তাই, মসিনা ক্রেদিৎ ক্রঞ্চ অমা থোকহল্লি অমসুং লোন পীবদা অথিংবা থমহল্লি, মসিনা অপুনবা শেন্মিৎলোনগী গ্রোথতা শোকহল্লি।

দোমেস্তিক ওপরেসনশিংদা রিজর্ব বেঙ্ক ওফ ইন্দিয়া (RBI) গী দেতাগী মতুং ইন্না SCBশিংগী অপুনবা গ্রোস এদভান্স অসি ২০০৮গী মার্চ ৩১ ফাওবদা লুপা করোর লাখ ২৩.৩৪দগী ২০১৪গী মার্চ ৩১ ফাওবদা লুপা করোর লাখ ৬১.০১দা হেনগৎখি। হায়রিবা মতম অসিগী মনুংদা এগ্রেসিব ওইবা লোন পীবগী থৌওংশিংগা লোইননা ৱিলফুল দিফোল্ত/ লোন ফ্রোদশিং, শেন্মিৎলোন তপথরকপা অসিনচিংবশিং অসি স্ত্রেস তৌরবা এসেতশিং অসিদা হেনগৎলকপগী মরুওইবা মরমশিংনি হায়না উবা ফংখি।

মার্চ ৩১, ২০১৪ ফাওবদা, SCBশিংগী স্ত্রেস তৌরবা এসেতশিং অসি মখোয়গী লোন বুক্কী ৯.৮% ওইরম্মি, অদুগা রিস্ত্রকচর তৌরবা স্তেন্দর্দ লোনশিং অসি ৫.৭% ওইরম্মি। ইং ১০১৫দা ক্লিন অমসুং ফুল প্রোভিশন বেঙ্ক বেলেন্স শীৎশিংগীদমক হৌদোকখিবা এসেত ক্বালিতী রিভিয়ু (AQR)না নন-পরফোর্মিং এসেতশিং (NPAশিং)গী অৱাংবা ইনসিদেন্স উৎলকখি। AQR অমসুং বেঙ্কশিংনা মতুংদা তৌখিবা ত্রান্সপরেন্ত রিকোগনিসনগী মহৈ ওইনা, স্ত্রেস একাউন্তশিং অসি NPAশিং ওইনা অমুক হন্না কাংলুপ খায়দোকখি অমসুং স্ত্রেস ওইবা লোনশিংদা মাং-তাক্কদবশিং, হান্নগী রিস্ত্রকচর তৌরবা লোনশিংদা পীরিবা ফ্লেক্সিবিলিতীগী মখাদা পীরমদবা অদু পনখি। মসিগী মতুং ইন্না বেঙ্কশিংগী GNPA রেসিও অসি হেনগৎলকপা হৌরকখি অমসুং ২০১৮দা মসি ১১.১৮% ওইদুনা খ্বাইদগী ৱাংবা ওইখি। GNPA রেসিওশিংনা বেঙ্কশিংগী এসেত ক্বালিতী তাকই। মরুওইনা স্ত্রেস তৌরবা এসেতশিংবু NPA শিং ওইনা ত্রান্সপরেন্ত ওইনা শকখঙবগী মহৈ ওইনা, দোমেস্তিক ওপরেসনশিংদা RBIগী দেতাগী মতুং ইন্না, SCBশিংগী অপুনবা NPAশিং অসি ২০১৪গী মার্চ ৩১দা লুপা করোর ২,৫১,০৫৪ (৪.১%গী গ্রোস NPA রেসিও) দগী হেনগৎখি অমসুং ২০১৮গী মার্চ ৩১দা লুপা করোর ৯,৬২,৬২১ (১১.৪৬%গ্রোস NPA রেসিও) দা য়ৌখি।

সরকারগী স্ত্রাতেজীগী মহৈ ওইনা রিকোগনিসন, রিজোলুসন, রিকেপিতেলাইজেসন অমসুং রিফোর্মশিং, গ্রোস NPA রেসিও অসি মার্চ ৩১, ২০২৫ ফাওবদা লুপা করোর ২,৭৩,৪১৩ (২.৭৯%গী গ্রোস NPA রেসিও) দা হন্থখ্রে। মখা তানা, দোমেস্তিক ওপরেসনশিংদা RBIগী দেতাগী মতুং ইন্না, স্ত্রেস ওইরবা এসেতশিং, স্ত্রেস্তেদ এসেতশিং শেমদোক-শাদোকপা য়াওনা, SCBশিংদা গ্রোস এদভান্সকী চাদা ওইনা ২০১৪গী মার্চ ৩১দা ৯.৮%দগী ২০২৫গী মার্চ ৩১দা ৩.৫৫%দা হন্থখ্রে।

মসিগী মথক্তা, GNPA রেসিওশিং অসি ২০১৮-১৯দগী লেপ্পা লৈতনা ফগৎলকখি অমসুং হৌখিবা চহি ২০গী মনুংদা খ্বাইদগী নেম্বা থাক্তা হায়বদি ২০২৫গী মার্চকী অরোইবা শরুক্তা ২.৩১% য়ৌখি। মসি ভরতকী বেঙ্কিং অমসুং নন-বেঙ্কিং ফাইনান্সিয়েল সেক্তরশিংদা ইনোৎ হাপ্লিবা মপাঙ্গল লৈরবা মেক্রো-ইকোনোমিক ফন্দামেন্তেলশিংগা মপান্দগীনি হায়বা য়াই। মসিগা মান্ননা, NNPA রেসিও অসিসু হৌখিবা চহি ২০দা খ্বাইদগী নেম্বা 0.52%দা য়ৌখি। মসিনা মপাঙ্গল কনখৎলকপা প্রোভিজন বফরশিংনা মরম ওইদুনা ২০১৮দা খ্বাইদগী ৱাংবা ওইখিবা 6.1%দগী লেপ্পা লৈতনা হন্থরকখি। শেন্দোং লৈবগী ইন্দিকেতরশিং অমসুং NPA রেসিওশিং অসি মখা তানা ফগৎলকপগা লোয়ননা কেপিতেল এদেক্বেন্সী রেসিও অসি মপাঙ্গল কনখৎলকপগা লোয়ননা ফিবম অসি ফনা লৈরি।

PSBশিংগী গ্রোস NPA অসি হৌখিবা ফাইনান্সিয়েল য়িয়র মঙা অসিদা হন্থরক্লি- মার্চ ২০২১দগী মার্চ ২০২৫ ফাওবগী মনুংদা মসি ৯.১১%দগী ২.৫৮%দা হন্থরে। চপ মান্ননা, PSBশিংগী NNPAশিং অসি ফাইনান্সিয়েল য়িয়র ২৪-২৫দা ফাইনেল য়িয়র ২২-২৩দা ১.২৪% ওইরম্বদগী চহি কয়াগী মনুংদা খ্বাইদগী নেম্বদা লৈখি। মসিনা এসেত ক্বালিতী অমসুং রিস্ক মেনেজমেন্তদা লেপ্পা লৈতনা ফগৎলকপগী খুদম ওইরি। ওইরক্লিবা ফিবম অসি NPA অমসুং GNPA অনিমক্তা হন্থরকপগা লোয়ননা SCBশিংশু উবা ফংলে।

Bank Profitability on the Rise

ভারতকী বেঙ্কিং ইন্দস্ত্রীদা শিংথানীংঙাই ওইরবা শেন্মিৎলোন পাকথোক চাউথোকপা, দিসপোজেবল ইনকম হেনগৎলকপা, কঞ্জ্যুমরশিজম হেনগৎলকপা অমসুং ক্রেদিৎ ফংহনবদা লায়না হেনগৎলকপনা মরম ওইদুনা চাউখৎপা অমা উবা ফংলে। UPIনা দোমিনেৎ তৌবা দিজিতেল পেমেন্ত মোদশিং অসি হৌখিবা চহি খরা অসিদা খুমাং চাওশিল্লক্লি। RBIগী মতুং ইন্না, ভারতকী বেঙ্কিং সেক্তর অসি মতিক চানা কেপিতেলাইজ তৌরে অমসুং ফজনা রিগুলেত তৌরে। মরু ওইনা, বেঙ্কশিংগী কান্নবা অসি ইং ২০২৩-২৪দা মথং-মথং তরুকশুবা চহিদা ফগৎলকখি।

পব্লিক সেক্তর বেঙ্কশিং

• ফাইনান্সিয়েল য়িয়র ২২/২৩দগী ফাইনান্সিয়েল য়িয়র ২৪/২৫ ফাওবদা পব্লিক সেক্তর বেঙ্কশিংগী অপুনবা বিজিনেস লুপা লাখ ২০৩দগী লুপা লাখ ২৫২দা হেনগৎলে।

• ফাইনান্সিয়েল য়িয়র ২২/২৩দগী ফাইনান্সিয়েল য়িয়র ২৪/২৫ ফাওবদা, নেৎ প্রোফিৎ অসি লুপা করোর লাখ ১.০৫দগী লুপা করোর লাখ ১.৭৮দা হেনগৎলে।

• দিভিদেন্দ পীবা অসি লুপা করোর ২০,৯৬৪দগী লুপা করোর ৩৪,৯৯০দা হেনগৎখি, মসিনা শেল-থুমগী থবকশিং মপাঙ্গল কনখৎলকপগী মমি তারি।

সেদ্যুলদ কমর্চিয়েল বেঙ্কশিং (SCBs)

• ফাইনান্সিয়েল য়িয়র ২৪-২৫গী মনুংদা, SCBশিংনা এগ্রাগ্রেতেদ নেৎ প্রফিৎ ওইনা খ্বাইদগী ৱাংবা লুপা করোর লাখ ৪.০১ রেকোর্দ তৌখি, ফাইনান্সিয়েল য়িয়র  ২৩-২৪দা লুপা করোর লাখ ৩.৫গী নেৎ প্রফিৎ অদুগা চাংদম্নবদা। চাউখৎপগী খোঙথাং অসি মখা তানা চত্থরি, মরমদি SCBশিংনা ফাইনান্সিয়েল য়িয়র ২৬কী অহানবা থা অহুমদা অপুনবা নেৎ প্রফিৎ লুপা কোতি লাখ ১.০২ রেকোর্দ তৌখি।
• মায় পাকপগী মখা চত্থরকপদা, ফাইনান্সিয়েল য়িয়র ২৫দা SCBশিংগী শেন্দোয় ফগৎলকখি। তেক্স লৌরবা মতুংদা ফংলকপা শেন্দোয় অসি চাদা ১৪.৭ (YoY) হেনগৎখি। শেন্দোং লৈবগী চাং হেনগৎলকপা অসি রিতর্নস ওন এসেতস (RoA) অসি ১.৩৭% অমসুং রিতর্নস ওন ইক্বিতী (RoE) অসি ১৪.১% ওইদুনা মখা চত্থখি।

বেঙ্কশিংগী কেপিতেল পোজিসন অসি লিভররেজ রেসিও (বেঙ্ক অমগী তিয়র ১ কেপিতেলনা অপুনবা এসেতশিংদা পীরিবা চাং অদু, রিস্ক এক্সপোজর ৱাংখৎহন্দনবা ঙাকথোক্নবা থবক ওইনা পাংথোকপা) অমসুং কেপিতেল তু রিস্ক ৱেতেদ এসেত রেসিও (CRAR), অপুনবা কেপিতেল ফন্দশিং তু রিস্ক ৱেতেদ এসেতশিংগী রেসিও ওইনা তাকই। সেপ্তেম্বর ২০২৪দা SCB পুম্নমক্কী লিভরেজ রেসিও অসি ৭.৯% ওইখি (৬দগী ৮%গী রেঞ্জ অসি মহৌশানা চেকশিন্না লৌগনি) । PSBশিং অসি মতিক চানা কেপিতেলাইজ তৌই, মখোয়গী CRARনা জুন ২০২৫ ফাওবদা ১৬.৪% ওইরি।

বেঙ্কশিংগা মান্নবা সর্ভিসশিং হায়বদি লোন অমসুং ইনভেস্তমেন্তশিং পীবা অদুবু বেঙ্কিংগী মপুং ফাবা লাইসেন্স লৈতবা নন-বেঙ্কিং ফাইনান্সিয়েল কম্পেনীশিংনা (NBFCশিং) ক্রেদিৎকী মপাঙ্গল হেনগৎলকপগা লোইননা মখোয়গী বেলেন্স শীৎশিং হেন্না মপাঙ্গল কনখৎলকখি, ক্রেদিৎকী ক্বালিতী অমসুং শেন্দোই লৈবগী চাং হেনগৎলকখি, অমসুং মতিক চাবা কেপিতেল বফরশিং লৈখি।

Factors Propelling Performance of India’s Banks

স্ত্রেস রিকোগনিসন, এসেত রিজোলুসন, রিক্যুপিতালাইজেসনগা মরী লৈননা সরকারনা পায়খৎলিবা মপুং ফাবা খোঙথাংশিংনা বেঙ্কিং সেক্তরগী শেল-থুমগী হকশেল অমসুং রেসিলিয়েন্সবু ময়েক শেংনা মপাঙ্গল কনখৎহল্লে। মসিদি চহী তরাগী খুজিং কয়াগী মমাংদা হৌখিবা রেগ্যুলেতরীগী খোঙথাং কয়াগী মতুং ইন্না ওইরকখিবনি-

• ২০১৫দা হৌদোকখিবা এসেত ক্বালিতী রিভিয়ু (AQR)না বেঙ্কশিংবু মখোয়গী লোন বুকশিংগী অশেংবা ফিভম খঙনবা হোৎনখি, মসিনা লুপ্লবা NPAশিংবু ময়েক শেংহনখি অমসুং সুপরভাইজরী ফ্রেমৱার্ক মপাঙ্গল কনখৎহনখি। মসিগী মথক্তা, সরকারনা NPAশিংবু ত্রান্সপরেন্ত ওইনা শকখঙবা, রিজোলুসন অমসুং স্ত্রেস তৌরবা একাউন্তশিংদগী ভেল্যু রিকভরী তৌবা, PSBশিং অমুক হন্না কেপিতেলাইজ তৌবা, অমসুং PSBশিং অমসুং হেন্না পাক শন্না শেল-থুমগী ইকোসিস্তেমদা রিফোর্মশিং পাংথোক্তুনা দায়ত্ব লৈবা অমসুং ক্লিন ওইবা সিস্তেম অমা শেমগৎপা য়াওনা কম্প্রিহেন্সিব 4Rগী স্ত্রেতেজী অমা ইমপ্লিমেন্ত তৌখি।
• প্রোম্ত কোরেক্তিব এক্সন (PCA) ফ্রেমৱার্কনা লায়রবা বেঙ্কশিংগী ফিভম অমুক হন্না ফগৎহনবদা মতেং পাংখি। মসিগী মতুংদা PSB ২৭বু ২০২০ ফাওবদা ১২দা পুনশিনখি। ক্রেদিৎ রিস্ককা মরী লৈনবা থবকশিংগা লোয়ননা সস্তেনেবিলিতী, রিবনেবিলিতী, ভাইএবিলিতী অমসুং প্রোজেক্তশিংগা মরী লৈননা বিজিনেসকী অকুপ্পা মরোল য়েংশিনবা অসি কান্নবা ওইখি।
• ইন্সোলভেন্সী অমসুং বেঙ্ক্রোপসী কোদ (IBC) ২০১৬তা হৌদোকখিবগা লোয়ননা কম্প্লিমেন্তরী আউৎ-ওফ-কোর্ত রিজোলুসন মেকানিজমশিংগা লোয়ননা ভারতকী ক্রেদিৎ কলচরদা অহোংবা পুরকখি অমসুং রিকোভরী প্রোসেস ফগৎহনখি। মসিনা ক্রেদিতর-বোরোৱরগী মরী অদু হোংদোকখি, দিফোল্ত তৌরিবা কম্পনি অদুগী কন্ত্রোল অদু প্রমোতরশিং/ওনরশিংদগী লৌথোকখি অমসুং রিজোলুসন প্রোসেসতগী দিফোল্ত তৌরবা দিফোল্তরশিং লৌথোকখি।
• হেন্না অকনবা রিকোভরী লোশিং: SARFAESI এক্ত, ২০০২ (সেক্যুরিতাইজেসন অমসুং ফাইনান্সিএল এসেতশিং অমুক হন্না শেমগৎপা অমসুং সিক্যুরিতী ইন্তরেস্ত এক্ত, ২০০২) অমসুং রিকোভরী ওফ দেব অমসুং বেঙ্ক্রোপসী এক্ত অসি এসেত রিকোভরীদা মখোয়গী ইফেক্তিবিতী হেনগৎহন্নবা শেমদোকখ্রে।
• ফোকস দেব রিজোল্যুসন: দেব রিকোভরী তইব্যুনেলস (দি.আর.তি.) শেন-থুমগী ৱায়েল-পথাপ অসি লুপা লাখ ১০দগী লুপা লাখ ২০দা হেনগৎহনখি। মসিনা মখোয়দা হেন্না মরু ওইবা কেসশিংবু মরুওইনা লৌবা অমসুং শেন-থুমগী ফিবম ফগৎহনবদা মতেং পাংগনি।
• অখন্নবা রিকোভরী মেকানিজমশিং: PSBশিংনা NPAশিংবু কুপ্না য়েংশিন্নবা অমসুং অথুবা মতমদা রিজোলুসন তৌনবগীদমক্তা দিদিকেতেদ স্ত্রেস এসেত মেনেজমেন্ত য়ুনিৎশিং লিংখৎলে। ললোন-ইতিক্কী পাউ ফাওনবশিং থাগৎপা অমসুং কস্তমরশিংগা হকথেংননা ৱারী শানবদা ফিজিকেল সেল্স অমসুং মার্কেতিং ফোর্স শিজিন্নবা ললোন-ইতিক্কী থৌরাং অমা (ফীৎ-ওন-স্ত্রিত মোদেল) পুন্সিনবনা শেন্থোক ফগৎহন্নবা হোৎনবদা মখা তানা মতেং পাংলি।
• ২০২৫গী ওক্তোবরদা, RBIনা মাগী দ্রাফ্ত দাইরেক্সন ২০২৫গী খুত্থাংদা এক্সপেক্তেদ ক্রেদিৎ লস (ECL) ফ্রেমৱার্কদা হোংদোক্নবা খোংথাং অমা পুথোকখি। ফ্রেমৱার্ক অসিনা সেদ্যুল কম্মর্সিয়েল বেঙ্কশিং, মপানগী বেঙ্কশিং য়াওনা, চৎনগনি অমসুং প্রোভিজনিংদা রিস্ক-সেন্সিতিব এপ্রোচ অমা হৌদোক্কনি। মখোয়শিং অসিনা ক্রেদিৎ রিস্ক মেনেজমেন্ত প্রাক্তিসশিং মখা তানা শৌগৎকনি, ফাইনান্সিএল ইন্সতিত্যুসনশিংগী মরক্তা হেন্না চাংদম্নবা হেনগৎহনগনি, অমসুং রেগ্যুলেতরী নোর্মশিং অসি মালেমগী ওইনা য়ানবা রেগ্যুলেতরী অমসুং একাউন্তিং স্তেন্দর্দশিংগা মান্নহনগনি হায়না পানরি।
• প্রোএক্তিব স্ত্রেস মেনেজমেন্ত: স্ত্রেস তৌরবা এসেতশিংগী রিজোলুসনগীদমক RBIগী প্রুদেন্সিয়েল ফ্রেমৱার্কনা স্ত্রেস তৌরবা লোনশিং অঙনবা মতমদা মশক খঙদোকপা, রিপোর্ত তৌবা, অমসুং মতম চানা রিজোলুসন তৌবদা মতেং পাংই, অমসুং লোন পীরিবশিংদা অথুবা মতমদা থবক লৌখৎনবা ইন্সেন্তিব পীরি।

Evolving Priorities in India’s Banking Landscape

মপাঙ্গল কনবা ফাইনান্সিএল পর্ফোমেন্স অমসুং এসেত ক্বালিতী ফগৎলকপা অসিদা য়ুম্ফম ওইদুনা, ইন্দিয়ন বেঙ্কশিংনা হৌজিক ইনোভেসন, ইনক্লুজন অমসুং স্ত্রেতেজিক এক্সপান্সনগী থোংদা গ্রোথ লেংদনা থম্বদা মীৎয়েং থম্লি। মখাদা পীরিবা প্রাইওরিতিশিং অসিনা বেঙ্কিং ইকোসিস্তেম মপাঙ্গল কনখৎহন্নবা অমসুং ভারতকী চাউখৎপগী পান্দমশিংদা মতেং পাংনবা মখাদা পীরিবা লম্বীশিং অসি উৎলি:

তার্গেতেদ দ্রাইবশিং, ব্রাঞ্চ নেৎৱার্কশিং ইফেক্তিব ওইনা শীজিন্নবা অমসুং মপাঙ্গল কনবা ক্রেদিৎ গ্রোথ অমা থম্নবগীদমক্তা সেমি-অর্বান অমসুং রুরেল এরিয়াশিংদা হেন্না য়ৌশিন্দুনা দিপোজিৎ মোবিলাইজেসন মপাঙ্গল কনখৎহনবা।

লাক্কদৌরিবা চহি তরা অসিদা শেন্দোং লৈহনবা হেনগৎহন্নবা অমসুং শেন্মিৎলোন পাকথোক চাউথোকপগী খোঙজেল তুংকোইনা চংশিন্নবগীদমক্তা অনৌবা কম্মর্সিয়েল গ্রোথ এরিয়াশিং মশক খঙদোকপা।

মপাঙ্গল লৈবা অন্দররাইতিং অমসুং রিস্ক মেনেজমেন্ত প্রাক্তিসশিং ঙাক্না চত্তুনা প্রদক্তিব সেক্তরশিংদা কোর্পোরেত ক্রেদিৎ পীবা হেনগৎহনবা।

রিন্যুৱেবল অমসুং সস্তেনেবল ইনর্জী সেক্তরশিংদা লোন পীনবা হেনগৎহন্দুনা ভারতকী গ্রীন গ্রোথ এজেন্দাদা খুমাং চাউশিলহনবা। বজেৎ ২০২৫-২৬দা লাউথোকখিবা স্মোল মোদ্যুলর ন্যুক্লিয়র রিএক্তরশিং (SMR)গুম্বা অনৌবা খোংথাংশিং শৌগৎনবগীদমক্তা মওং চুম্বা ক্রেদিৎ মোদেলশিং শেমগৎপা।

সরকারগী মরুওইবা স্কিমশিং- PM MUDRA য়োজনা, পি.এম. বিশ্বকর্মা, PM সুর্য় ঘর মুফ্ত বিজলী য়োজনা, PM বিদ্যালক্ষ্মী অমসুং কিসান ক্রেদিৎ কার্দ (KCC)গী খুত্থাংদা হেন্না পাক চাউরবা ফাইনান্সিয়েল ইনক্লুজন।

লৌউ-শিংউগী পোত্থোক অমসুং লোকেল ইকোনোমিক গ্রোথ হেনগৎহন্নবা, কস্তমাইজ তৌরবা ক্রেদিৎ প্রদক্তশিংগা লোইননা PM ধন ধন্যা য়োজনাগী মখাদা নেম্না পোত্থোক পুথোকপা জিলা ১০০দা এগ্রি ক্রেদিৎতা মীৎয়েং থম্বা।

GIFT সিতিদা ওপরেসনশিং মপাঙ্গল কনখৎহন্দুনা, ভারতকী মালেমগী শেন-থুমগী পান্দমশিং শৌগৎতুনা অমসুং ইন্দিয়া ইন্তর্নেস্নেল বুল্লিয়ন এক্সচেঞ্জ (IIBX) দা শরুক য়াবা হেনগৎহন্দুনা মালেমগী থাক্তা মশক খঙবা হেনগৎহল্লগনি।

মেত্রো অমসুং অর্বান সেন্তরশিংদা কস্তমর এক্সপরিয়েন্স হেন্না ফগৎহন্নবা, অঙকপা গ্রিভান্স রিদ্রেসেল, য়ুজর-ফ্রেন্দলী মল্তিলেঙ্গ্বেল দিজিতেল প্লেতফোর্মশিং, অমসুং ক্লিন, এক্সেসিবল ওইবা ফিজিকেল ব্রাঞ্চশিং শেম্বা।

ভারতকী বেঙ্কিং সেক্তর অসি স্ত্রেসকী মতমদগী মপাঙ্গল অমসুং অচেৎপা মতম অমদা ওন্থোকখ্রে। ক্লিনর ব্যালান্স শীতশিং, মপাঙ্গল লৈরবা কেপিতল বফরশিং, অমসুং রেকোর্দ ওইবা শেন্দোই লৈবনা, বেঙ্কশিং ঙসিদি হেন্না রেজিলিয়েন্ত, ইফিসিএন্ট অমসুং তুংলমচৎকীদমক শেম-শারি। রিফোর্মশিং, দিজিতেল ইন্নোবেসন অমসুং ফাইনান্সিয়েল ইনক্লুজননা লমজিংদুনা, সেক্তর অসিনা ভারতকী গ্রোথ এম্বিসনশিং- ফাইনান্সিং ইনফ্রাস্ত্রকচর, এন্ত্রিপ্রেন্যুওরশিং সপোর্ত তৌবা, অমসুং গ্রীন অমসুং ইনক্লুসিব দিবেলপমেন্তকী খোংজেলদা মতেং পাংলি।

ভারতনা মালেমগী খ্বাইদগী চাউবা অহুমশুবা শেন্মিৎলোন ওইবগী মায়কৈদা চংশিল্লকপদা, মসিগী বেঙ্কশিংনা শেন-থুমগী অচেৎপা লৈহনবা অমসুং লৈবাক অসিগী মথংগী চহী তরাগী চাউখৎপা হেনগৎহনবদা মাংজিল থারি।

PIB রিসর্চ

রিফরেন্সশিং

রিজার্ব বেঙ্ক ওফ ইন্দিয়া (RBI)

https://rbidocs.rbi.org.in/rdocs/Publications/PDFs/0FLTP577BF4E172064685A26A73A6BC9210EC.PDF

https://rbidocs.rbi.org.in/rdocs/Publications/PDFs/01APPTBIV_14EF518BE28CC4B78A2F08F366C66BCDE.PDF

https://rbidocs.rbi.org.in/rdocs/PublicationReport/Pdfs/0FSRJUNE20253006258AE798B4484642AD861CC35BC2CB3D8E.PDF

https://rbidocs.rbi.org.in/rdocs/Publications/PDFs/0RTP261220247FFF1F49DFC04C508F300904A90C7439.PDF

https://www.rbi.org.in/Scripts/BS_SpeechesView.aspx?Id=1529

https://www.rbi.org.in/Scripts/BS_SpeechesView.aspx?Id=1522

https://www.rbi.org.in/Scripts/BS_SpeechesView.aspx?Id=1530

https://www.rbi.org.in/Scripts/BS_SpeechesView.aspx?Id=1511

https://www.rbi.org.in/commonman/english/scripts/FAQs.aspx?Id=1167

https://www.caalley.com/exp_drafts/rbidraft1007-1.pdf

https://www.rbi.org.in/commonman/english/scripts/Notification.aspx?Id=2523#AN1

শেল-থুম মন্ত্রালয়

https://www.pib.gov.in/PressReleasePage.aspx?PRID=2146819

https://www.pib.gov.in/PressReleasePage.aspx?PRID=2140270

https://www.pib.gov.in/PressReleasePage.aspx?PRID=2088182

https://www.pib.gov.in/PressReleasePage.aspx?PRID=2034950

https://www.pib.gov.in/PressReleasePage.aspx?PRID=2097888

https://www.pib.gov.in/PressReleasePage.aspx?PRID=1578985

Indiabudget.gov.in

https://www.indiabudget.gov.in/economicsurvey/doc/eschapter/echap02.pdf

https://www.indiabudget.gov.in/economicsurvey/doc/Infographics%20English.pdf

IBEF

https://www.ibef.org/industry/banking-india

indiacode.nic.in

https://www.indiacode.nic.in/bitstream/123456789/2006/1/A2002-54.pdf

PIB আর্কাইবস

https://www.pib.gov.in/PressNoteDetails.aspx?NoteId=153247&ModuleId=3#:~:text=India%20has%20witnessed%20significant%20employment,continues%20to%20inspire%20the%20world

https://www.pib.gov.in/PressNoteDetails.aspx?NoteId=154660&ModuleId=3

PDF য়েংনবগীদমক্তা অসিদা ক্লিক তৌবীয়ু

***