पत्र सूचना कार्यालय

ৱাহৌদোক

ভারতকী হেন্দিক্রাফ্ত সেক্তরনা লৈবাকসিগী শেন্মিৎলোন্দা, মরুওইনা খুঙ্গংগী লমদমদা মরুওইবা থৌদাং অমা য়ারি। মসিনা খুঙ্গং অমদি সেমি-অর্বান মফমশশিংদা লৈবা মশিং য়াম্লবা খুৎশা হৈবা মীওইশিংগী হিংনবগী লম্বী পীরি, মপান্দা পোৎ থাদোকপদা থৌদাং য়ারি, অমদি ভারতকী ইনাক খুল্লবা পারী পুরীগী লন য়োক্তুনা থম্বদা মতেং পাংলি। GI-তেগ তৌরবা হেন্দিক্রাফ্ত পোত্থোক ৩১৮ অমদি ফোর্মেল ওইনা মখল খায়দোক্লবা ক্রাফ্ত কাংলুপ ৪৫৫ লৈদুনা, সেক্তর অসিদা ভারতকী ক্রিএতিবকী মচৎকী শিংথানিংঙাই ওইরবা খেন্নবা শক্তম মমি তারি।

ভারত মালেমগী মরুওইবা হেন্দিক্রাফ্ত সপ্লাইয়রশিংগী মনুংদা অমনি; অমদি অশেংবা, তুং কোইগদবা খুৎনা শাবা পোত্থোকশিংগী দিমান্দ মালেমগী ওইনা হেনগৎলকপগা লোয়ননা লৈবাক অসি মাগী হেন্দিক্রাফ্তকী শেন্মিৎলোন পাকথোক চাউথোকহন্নবা তোপ তোপ্পা মফম অমদা লেপ্লি। ভারতকী স্তেত শিনবা থুংনা লৈরিবা খুৎহৈবশিংদা মশাগী লোয়নজরকপা হৈথোই শিংথোইবা, মওং মতৌ অমদি চৎনরকপা শেম শাবগী মহৈ য়াওজদুনা হেন্দিক্রাফ্ত ইন্দস্ত্রীগী য়াঙলেন শরু ওইরি। খুৎহৈবা অয়াম্বনা শেল য়াম্না থাদদনা মতম খরখক্তমক কাইথোক্লগা মখোয়গী শেম শাবগী থবক্তা মায় ওনশিঞ্জরবসু, ভেল্যু হাপচিনবগী চাংদি ৱাংনা লৈদুনা হেন্দিক্রাফ্তপু চৎনবা য়াবা শেন্থোক লম্বী অমা ওইহল্লি। সেক্তর অসি থবক চঙই অমদি মফম অমদা নৈশিন্দুনা লৈতে, লৈবাক্কী কাচিন কোয়া থুংনা শন্দোক্তুনা লৈ।

হেন্দিক্রাফ্ত সেক্তরগী শেন্মিৎলোনগী মপাঙ্গল

এমপ্লোইমেন্ত অমদি অর্তিজন দিমোগ্রাফিক্স

হেন্দিক্রাফ্ত ইন্দস্ত্রীনা মশিং য়াম্লবা, মরুওইনা খুঙ্গংগী লমদমদগী খুৎহৈবশিংদা থবক পীরি। ভারত্তা হৌজিক হেন্দলুম অমদি হেন্দিক্রাফ্তকী খুৎহৈবা লাখ ৬৪.৬৬ লোম লৈ, মখোয়গী মনুংদা অয়াম্বা শরুক্তি উত্তর প্রদেশ, রাজস্থান, অসাম, ওরিসা, ৱেস্ত বেঙ্গল অমদি তামিল নাদুগুম্বা স্তেতশিংদা তাশিন্দুনা লৈ। ওগস্ত ২০২৫ ফাওবদা, নুপীনা হেন্দলুমগী ফিশাবা মীশিংগী ৭১% অমদি অপুনবা খুৎহৈবা মশিংগী ৬৪% ওইরি। অসুম্না নুপী মশিং য়াম্লিবা অসিনা খুঙ্গং অমদি সেমি-অর্বান কাঙলুপশিংদা নুপীদা থবক পীবা অমদি মপাঙ্গল হাপ্পদা সেক্তর অসিনা লৌরিবা থৌদাং উৎলি।

সেক্তর অসিনা খেন্নবা কাঙলুপকী খুৎহৈবশিংগা লোয়ননা, অয়াম্বনা সিদ্যুল্দ কাস্ত (SCs), সিদ্যুল্দ ত্রাইব্স (STs) অমদি অদক বেকৱার্দ ক্লাসেস (OBCs) কাঙলুপকী ওইদুনা, সেক্তর অসিনা শেন্মিৎলোন্দা খুন্নাইগী থাক ৱাংখৎহনবদা মরুওইবা শক্লোন অমা লৌরি। মসিদা ক্রাফ্তকী থবক থৌওংশিংদা তোঙান তোঙানবা ফুরুপশিংগী মীওইশিং পাক শন্না য়াওবগী মমি তাদুনা হেন্দিক্রাফ্ত সেক্তরবু খুন্নাইগী তোঙান তোঙানবা কাঙলুপ থুংনা পুন্না চাওখৎমিন্নবা অমদি হিংনবা লম্বী শেমগৎমিন্নবগী পাম্বৈ অমা ওইরি।

ভারতকী হেন্দিক্রাফ্ত সেক্তরনা লৌউ শিংউ তৌদুনা অমদি অতৈ শিনফম পায়দুনা হিংলিবা ইমুংশিংদা মতম খরখক্কী নৎত্রগা মতেং পাংশিনগদবা থবকসু পীদুনা সীজন মতম নত্তবা অমদি লৌউ-শিংউগী থবক মরাঙ কায়দবা মতমদা শেন্থোক চাং নাইনা লাকহনবদা মতেঙ পাংলি। মসিগী মথক্তা, ক্রাফ্তশিং অসি মফম ইকন কন্দনা (য়ুমগী মচি অমদা) অমদি শেল ইথা থাদদনা তৌবা য়াবা মরম্না মখোয়না মরুওইনা মনুং হঞ্জিনবা মফমশিংদা লৈবা ইমুংশিংদা চৎনবা য়াবা হিংনবগী লম্বী অমা পীরি।

লৈঙাক অসিনা হেন্দিক্রাফ্তপু ফার্মগী নত্তবা থবক পীবগী চাং হেনগৎহনবদা মতেঙ পাংলিবা হিংনবগী লম্বী পীরিবা মরুওইবা পাম্বৈ অমা ওইনা শকখঙলি। থাইনদগী চৎনরকপা ক্রাফ্ত স্কিল কয়া অমা চারোল শুরোল নাইনা থঙথরকপনি অমদি ইন্সতিত্যুসনগী ওইবা তেংবাঙগা লোয়ননা হায়রিবা স্কিলশিং অসি শকখঙদুনা য়োকখৎলি। পেহচান ID কার্দ পীননবা লৈঙাক্কী থৌশিল অসিনা খুৎহৈবশিং অসিবু ফোর্মেল ওইবা শেন্মিৎলোন্দা পুশিল্লক্তুনা মখোয়গী ভারত লৈঙাক্কী স্কীমশিংগী মখাদা পীরিবা কান্নবশিং ফংহন্নবা পান্দম থম্লি। খুৎহৈবশিংগী শক্তম ফোর্মেলাইজ তৌদুনা অমদি মখোয়বু ওর্গনাইজ তৌদুনা হেন্না ফবা থবক্কী ফীভম লৈহন্নবা অমদি ক্রাফ্ত ৱর্করশিংগী মতিং লোকশিন্নবা য়ুম্ফম থোল্লি।

এক্সপোর্ত পর্ফোর্মেন্স

FY2025 (এপ্রিল-সেপ্তেম্বর ২০২৫) গী অহানবা তঙ্খায়দা ভারতকী অপুনবা তেক্সতাইল অমদি এপরেল (হেন্দিক্রাফ্ত য়াওরগা) এক্সপোর্ত US$ ১৮,২৩৫.৪৪ মিলিয়ন ওইখি। ভারতকী হেন্দিক্রাফ্ত এক্সপোর্ত নীংথিনা হেনগৎলক্লি, অদি মসি মালেমগী শিংনবশিং লৈনা লৈনা অপুনবা তক্সতাইল্স অমদি এপরেল সেক্তরগী চাং নাইবা পর্ফোর্মেন্সতসু উবা ফংলি। হেন্দিক্রাফ্তকী (খুৎনা লোনবা কার্পেৎ য়াওদনা) এক্সপোর্ত ২০১৪-১৫ দা লুপা করোর ২০,০৮২.৫৩ ওইরম্বদগী ২০২৪-২৫ দা লুপা করোর ৩৩,১২২.৭৯ য়ৌরে।

২০২৪-২৫ মনুংগী এক্সপোর্তকী মরুওইবা কাঙলুপশিংগী মনুংদা মেতল ৱ্যার (লুপা করোর ৪,৩৮৬), ৱুদৱ্যার (লুপা করোর ৮,৫২৪), হেন্দপ্রিন্তেদ তেক্সতাইল্স (লুপা করোর ৩,২১৭), এমব্রোইদর্দ অমদি ক্রোচেৎ পোৎলমশিং (লুপা করোর ৪,৩৫০), অমদি ইমিতেসন জিৱেল্লরী (লুপা করোর ১,৫১১) য়াওরি। মশিংশিং অসিদা ভারতকী ক্রাফ্ত এক্সপোর্তকী পাক চাউবগী মমি তারি অমদি ভারতকী ক্রাফ্তকী পোত্থোকশিং মালেম্না পাম্নরি হায়বা উৎলি। USA না ৩৭% লৈদুনা অচৌবা বাইয়র অমা ওইরি, অদুগা ভারতকী হেন্দিক্রাফ্তকী পোত্থোক্কী ৬১% না অতৈ অচৌবা কৈথেলশিংদা য়ৌরি।

ভারত্তা চাউনা শেন্মিৎলোন চাওখৎলক্লিবা অমদি লৈঙাক্না এক্সপোর্তরশিংদা ইচঙ থৌনা ঙাক্লৌ পীরিবা অসিগা লোয়ননা হেন্দিক্রাফ্ত এক্সপোর্তকী মঙম শান্না লৈরি।

ক্রাফ্তসমেনসিপ মপাঙ্গল হাপ্পা: হেন্দিক্রাফ্ততা লৈঙাক্কী তেঙবাং

লৈঙাক অসিনা অখন্নবা স্কীম অমদি পোলিসী ইন্তরভেন্সন কয়াগী খুত্থাদা হেন্দলুম অমদি হেন্দিক্রাফ্ত সেক্তরদা শক্লৌ পীরি। লেপ্পা নাইদনা পীরিবা ঙাক্লৌ অসি সেক্তর অসিবু মতমগা চুনহনবদা, খুৎহৈবশিংগী শেন্থোক হেনগৎহনবদা, অমদি সেক্তর অসি তুং কোইনা খাঙদুনা লৈহনবদা য়াম্না মরুওই। মরুওইবা লৈঙাক্কী থৌশিলশিং অমদি মখোয়গী ইথিলশিংদি:

নেস্নেল হেন্দিক্রাফ্ত দিভেলপমেন্ত প্রোগ্রাম (NHDP):

NHDP অসি হেন্দিক্রাফ্ত সেক্তর য়োকখৎনবা ফ্লেগসিপ স্কীম্নি। মসিগীদমক FY2022-26 কী ওইনা লুপা করোর ৮৩৭ গী শেল খাক্তুনা থম্লি। ২০২৩-২৪ মনুংদা প্রোজেক্ত অমদি থৌরম ২,৩২৫ NHDP গী মখাদা সেংসন তৌদুনা খুৎহৈবা ৬৬,০০০+ তা কান্নবা পীখি।

স্কীম অসিনা হেন্দিক্রাফ্ত ক্লস্তর অমদি খুৎহৈবশিংদা মচং ওইবা মচাক, ইনফ্রাস্ত্রকচরগী ঙাক্লৌ, অমদি পান্দম থম্লিবা কৈথেলনা পাম্লিবশিং পীননবা কেপাসিতী হেনগৎহন্দুনা মপুং ফাবা ঙাক্লৌ পীরি। মসিগী কম্পোনেন্তশিং অসি হৌবদগী লোইবা ফাওবদা মতেঙ পীননবা, চুনবা ফীভম লৈহন্নবা অমদি মেচিন্না শাবা পোত্থোকশিংগা মরম চানা হিদান্নবা য়ানবা শেম্বনি।

মসিনা থম্লিবা মীৎয়েঙদি থাইনদগী চৎনরকপ ক্রাফ্তশিং কায়হন্দনা থম্লগা মার্কেতিং প্লেতফোর্ম, ইনফ্রাস্ত্রকচরগী ঙাক্লৌ, অমদি নৌনা চঙলকপশিংগী দিজাইন অমসুং স্কিল ত্রেনিং পীদুনা খুৎহৈবা খুদিংমক মেনস্ত্রীমদা পুশিল্লকপনি। সেক্তর অসিবু মপাঙ্গল কনখৎহনবা অমদি খুৎহৈবশিংবু মপাঙ্গল হাপ্পগা লোয়ননা স্কীম অসিনা অহল ওইরবা খুৎহৈবশিংগী পেন্সিগী চৈঙাক পীবা য়াওনা আম আদ্মি জীবন জ্যোতী য়োজনা অমদি প্রধান মন্ত্রী জীবন জ্যোতী য়োজনানচিংবা থৌশিলশিংগী খুত্থাঙদা সোসিএল সিক্যুরিতীসু পীরি।

শম্লপ্না হায়রবদা, NHDP স্কীম্না সেক্তর অসিবু হায় গ্রোথ ত্রেজেক্তরীদা থম্নবা লোয়ননা হান্নদগী লৈরক্লবা কলচরেল হেরিতেজশিংবু ঙাক্তুনা থম্নবা মখাদা পীরিবা মমায় অহুম লোঙবা লম্বী অসিদা চঙশিল্লি: -

• নিচ কৈথেলদা প্রেমিয়ম হেন্দিক্রাফ্ত পোত্থোকশিং য়োকখৎপা
• শীজিন্নফমগী মখা পোনবা, পুন্সি মহিংদা চঙবা পোত্থোকশিংগী প্রদক্সন বেজ পাকথোক চাউথোকহনবা অমদি হেন্দিক্রাফ্ত পোত্থোকশিং পাক্তক্ননা পুথোকপা।
• হেরিতেজ / শিথরক্লবা ক্রাফ্তশিং মাঙহন্দুনা অমদি ঙাক শেন্দুনা থম্বগা লোয়ননা খুৎহৈবশিং মপাঙ্গল হাপ্পা অমদি তুং কোইনা চৎহনবা।

সেক্তর প্রমোসন থ্রু অর্তিজন ক্লস্তর্স

• কমপ্রিহেন্সিব হেন্দিক্রাফ্তস ক্লস্তর দিভেলপমেন্ত স্কীম (CHCDS)

FY 2022-26 গী ওইনা লুপা করোর ১৪২.৫ গী শেনফম খাক্তুনা থম্লগা কমপ্রিহেন্সিব হেন্দিক্রাফ্তস ক্লস্তর দিভেলপমেন্ত স্কীম (CHCDS) না NHDP দা মতেঙ পাংশিল্লি। প্রোগ্রাম অসিগী পান্দমদি লম লমগী খুৎহৈবশিং অমদি স্মোল এন্দ মেদিয়ম এন্তরপ্রাইজেজ (SMEs) গী বিজিনেসকীম থৌ তাবশিং ফংহন্নবা, পোত্থোক হেন্না পুথোকহন্নবা অমদি মপান্দা হেন্না থাদোক্নবা মালেমগী থাক্কী ইনফ্রাস্ত্রকচর লৈবা হেন্দিক্রাফ্ত ক্লস্তরশিং শেমগৎপনি।

ক্লস্তরশিং অসিনা কৈথেলগা মরী শেমগৎপা অমদি পোত্থোক মখল মরাঙ কায়না পুথোকপগা লোয়ননা খুমাঙ চাওশিল্লবা ইনফ্রাস্ত্রকচর, মতমগা চুনরবা তেক্নোলোজী, অমদি ত্রেনিং মরাং কায়না তৌদুনা অমসুং হ্যুমেন রিসোর্স দিভেলপমেন্তকী মচাকশিং য়াওপা মতমগা চুনবা য়ুনিৎশিং লিংখৎপদা খুৎহৈবশিং অমদি ওন্ত্রপ্রিন্যুরশিংদা চৈঙাক পীনবা পান্দম থম্লি।

প্রোগ্রাম অসিগী মপুং ওইবা পান্দমশিংদি:

• হেন্না ৱাংবা য়ুনিৎ ভেল্যু রিএলাইজেসন তৌদুনা মার্কেৎ শেয়র অমদি পোত্থোক পুথোকপগী চাং হেনগৎহন্দুনা খনগৎলবা ক্লস্তরশিংগী হিদান্নবগী চাং হেনগৎহনবা।
• মচোই মচোই তারিবা খুৎহৈবশিং পুনশিন্নবা, গ্রাসরুত এন্তরপ্রাইজশিং মপাঙ্গল কনখৎহনবা, অমদি শেন্মিৎলোন পাকথোক চাউথোকহন্নবা, ক্রিতিকেল মাস শেমগৎনবা, অমদি ক্বালিতী অমসুং স্তেন্দর্দাইজেসনগী মালেমগী মথৌ তাবশিং পীবা ঙম্নবা মখোয়বু SMEs শিংগা মরী লৈনহনবা।
• মতম শাংনা হিংদুনা লৈননবা ইনফ্রাস্ত্রকচর, তেক্নোলোজী, প্রদক্ত দাইভর্সিফিকেসন, দিজাইন শেম্বা, রো মেতরিএল বেঙ্ক, মার্কেতিং, প্রমোসন, অমদি সোসিএল সিক্যুরিতীগী লমদা মথৌ তাবা চৈঙাক অমদি মরী শেমগৎপগী মতেঙ পীবা।
• থম্লিবা লাল্লোংশিংগী মনুংদা কেপাসিতী বিল্দিং, দিজাইনিং ইন্তরভেন্সিগী অকনবা তেক্নিকেল অমদি প্রোগ্রাম মেনেজমেন্তকী তেঙবাং, অমদি মখোয়বু মতিক চাবা প্রোফেস্নেল এজেন্সী অমগী খুত্থাঙদা থবক ওইনা পায়খৎপা।

• স্কীম ওফ ফন্দ ফোর রিজেনেরেসন ওফ ত্রেদিস্নেল ইন্দস্ত্রিজ (SFURTI)

ভারতকী হেন্দিক্রাফ্ত সেক্তর অসি লৈবাক অসিনা খুঙ্গং চাওখৎহন্নবা হোৎনরিবা অমদি ফার্মদগী নত্তবা হিংনবগী লম্বীদা চৈঙাক পীবগা নক্নবা মরী লৈনৈ। স্কীম ওফ ফন্দ ফোর রিজেনেরেসন ওফ ত্রেদিস্নেল ইন্দস্ত্রিজ (SFURTI) গী মখাদা হেন্দিক্রাফ্ত ক্লস্তর ১০০ হেন্না লৈদুনা, মখোয়না তেলেন্ত, ক্রিএতিবিতী, এন্তরপ্রাইজ, অমদি লম মখল মখা কয়াদা খুঙ্গংগী খুৎহৈবশিংনা কন্না হোৎনরিবশিংবু মশক খঙদোক্নবা, অমদি ত্রেদিস্নেল ইন্দস্ত্রীশিংবু পোত্থোক, শেন্দোং হেনগৎহন্নবা অমদি তুং কোইনা থবক পীবা ঙমহন্দুনা খুৎহৈবশিংবু মপাঙ্গল হাপ্তুনা মশানা চলাইচবা ওন্ত্রপ্রিন্যুরশিং ওন্থোক্নবা পান্দম থম্লি।

মার্কেত এক্সেস, অমদি গ্লোবেল ইন্তিগ্রেসন

খুঙ্গং চাওখৎহনবদা হেন্দিক্রাফ্ত সেক্তরনা পীরিবা ঙাক্লৌ অসি সেক্তর অসি লৈঙাক্কী তোঙান তোঙানবা থবক থৌরমশিংদা য়াওহনবা অসিনা খুদম চাংদম ওইরি। খুদম ওইনা হান্নদগী চৎনরক্লবা স্কিলশিং হিংহন্দুনা থম্লিবা GI তেগ তৌরবা পোত্থোকশিংদা ঙাক্লৌ পীীদুনা, ৱন দিস্ত্রিক্ত ৱন প্রদক্ত (ODOP) থৌশিলনা দিস্ত্রিক্ত কয়াগী রিজনেল প্রদক্তশিং হায়লাইত তৌদুনা চাওখৎপা পুরকপদা ঙাক্লৌ পীরি। সেল্ফ-হেল্প গ্রুপ (SHG) কয়া কেপাসিতী বিল্দিং অমদি ইকো-ফ্রেন্দলী ইনোভেসন্না ঙাক্লৌ পীদুনা খুৎশা হৈবগী পোত্থোক পুথোকপদা থবক তৌরি। খুঙ্গংগী খুৎহৈবশিংগা গ্লোবেল ইন্তিগ্রেসনসু ফংহল্লিবা ময়োল্লমগী কৈথেলশিংগা শম্নহন্নবগীদমক লৈঙাক্না মার্কেতিংগী থৌরম অমদি একজিবিসনশিং পাঙথোক্লি।

FY ২০২৩-২৪ খক্তদা, দিজাইন অমদি ত্রেনিং থৌশিলশিংগা লোয়ননা লৈবাক মনুংগী অমদি মালেমগী মার্কেতিংগী থৌরম ৭৮৬ নেস্নেল হেন্দিক্রাফ্ত দিভেলপমেন্ত প্রোগ্রামগী মখাদা সেংসন তৌদুনা ভারত পুম্বগী খুৎহৈবা ৬৬,৭৭৫ রোমদা কান্নবা ফংহল্লি। ২০২৫-২৬ তা NHDP গী মখাদা মার্কেতিং থৌরম পুন্না ১৩২ পাঙথোক্নবা থৌরাং তৌরি। থৌরমশিং অসি খুৎহৈবশিংগী মার্কেত এক্সেস হেনগৎহন্নবা শেম শাবনি।

হেন্দলুম সেক্তর ইনিসিএতিবশিং

হেন্দলুম অমদি হেন্দিক্রাফ্তকী মরক্তা লৈনরিবা নক্নবা মরীগী য়েংলগা, লৈঙাক্না লৈবাক শিনবা থুংনা হেন্দলুমগী ফিশাবীশিংদা কান্নবা পীননবা হৌখিবা চহি ৫ সিদা মেগা হেন্দলুম ক্রস্তর অপীকপা ৩৫৬ অমদি অচৌবা ২ সেংসন তৌখি, মার্কেতিং থৌরম ৮৮০ শিনখি, মুদ্রা লোন ৪২,৮৯৫ কাইথখি, ফিশাবী ৫,৩৪,১৬২ প্রধান মন্ত্রী জীবন জ্যোতী বিমা য়োজনা (PMJJBY)/ প্রধান মন্ত্রী সুরক্সা বিমা য়োজনা (PMSBY) গী মখাদা মিং চনখি অমদি প্রদ্যুসর কম্পেনী ১৬৩ (০২.১২.২০২৫ ফাওবদা) শেমখি। কান্নবশিং অসি লৈবাক থুংনা হেন্দলুমগী ফিশাবী লাখ ৬.৪৫ দা য়ৌখি।

প্রদক্সন-লিঙ্ক ইন্সেন্তিব (PLI) স্কীম ফোর MSME পার্তিসিপেসন: মখা তানা, MSME না শরুক য়াবা হেনগৎহন্নবা, লৈঙাক অসিনা অনৌবা এপ্লিকান্তশিংগী ইনভেস্তমেন্তকী মথৌ তাবশিং হন্থহন্দুনা স্কীম অসি শেমদোকখি। ইনভেস্তমেন্তকী মথৌ তাবা অসি লুপা করোর ৩০০ দগী লুপা করোর ১৫০ দা (পার্ত-১) অমদি লুপা করোর ১০০ দগী লুপা করোর ৫০ দা (পার্ত-২) হন্থহল্লে। মিনিমম ইনক্রিমেন্তেল তর্নওভর ক্রাইতিরিয়াসু ২৫% দগি ১০% দা হন্থহল্লে অমদি প্রদক্ত বাস্কেতসু মেন-মেদ ফাইবর (MMF) এপরেল, ফেব্রিক, অমদি তেক্নিকেল তেক্সতাইল য়াওহন্নবা হেন্না পাকথোক চাউথোকহল্লে। স্কীম অসিগী কান্নবা ফংননবা অনৌবা কম্পেনী লিংখৎপগী মথৌ তাবশিং অসিসু লৌথোকখ্রে।

স্কিল দিভেলপমেন্ত সপ্পোর্ত: প্রদক্সন ইন্সেন্তিবকা লোয়ননা, স্কীম ফোর কেপাসিতী বিল্দিং ইন তেক্সতাইল সেক্তর – SAMARTH গুম্বা স্কীমশিং খুৎহৈবশিং অমদি ফিশাবীশিং ত্রেন তৌবদা চৎনহল্লে। সমর্থগী মখাদা, দিসেম্বর ২০২৫ ফাওবদা বেনিফিসরী লাখ ৫.৩৫ ত্রেন তৌখ্রে অমদি থবক লাখ ৪.২০ পীখ্রে।

মার্কেত প্রমোসন এন্দ ইনফ্রাস্ত্রকচর: লৈবাক্কী অমদি মালেমগী থাক অনিমক্তা তেক্সতাইল অমদি হেন্দিক্রাফ্ত য়োকখৎনবা, ত্রেদ ফৃার অমদি এক্সপোশিংদা শরুক য়াননবা হেন্দলুম এক্সপোর্ত প্রমোসন কাউন্সিল (HHEC), কার্পেত এক্সপোর্ত প্রমোসন কাউন্সিল (CEPC), অমদি এক্সপোর্ত প্রমোসন কাউন্সিল ফোর হেন্দিক্রাফ্তস (EPCH) গুম্বা ত্রেদিস্নেল প্রদক্ত-ফোকস কাউন্সিলশিং য়াওনা এক্সপোর্ত প্রমোসন কাউন্সিল (EPCs) দা মতেং পাংলি। ভারতকী তেক্সতাইল ভেল্যু চেনগী মপাঙ্গল উত্তুনা অমদি তেক্সতাইল, ফেসন, অমদি হেন্দিক্রাফ্ত সেক্তরদা লৈরিবা খ্বায়দগী নৌবা ইনোভেসনশিং উত্তুনা ভারতপু সোর্সিং অমদি ইনভেস্তমেন্তকী মালেমগী পাম্নবা লমথুংফম ওইনা মফম কনহল্লিবা গ্লোবেল মেগা তেক্সতাইল ইভেন্ত ভারত তেক্সতসু মন্ত্রালয়না ঙাক্লৌ পীরি।

এক্সপোর্ত প্রমোসন ইনিসিএতিব্স: হেন্দিক্রাফ্ত য়াওনা তেক্সতাইল অমদি এপরেলগী ভারতকী এক্সপোর্তনা  FY ২০২৫-২৬ কী অহানবা তঙ্খায়দা মালেমগী ওইনা খুদোংচাদবা মায়োক্নজরবসু শিংথানিংঙাই ওইনা খাঙবা কনবগী মতৌ উৎখি। সেক্তর অসিগী এক্সপোর্ত (হেন্দিক্রাফ্ত য়াওনা) মালেমগী ওইনা য়োকখৎনবা অমদি এক্সপোর্ত কম্পিতিতিবনেস হেনগৎহন্নবা, লৈঙাক্না রিবেত ওফ স্তেত এন্দ সেন্ত্রেল তেক্সেস এন্দ লেভিজ (RoSCTL) স্কীম চৎনহনখি। RoSCTL গী মনুং চন্দবা তেক্সতাইলগী পোত্থোকশিং (এপরেল/গার্মেন্ত অমদি মেদ-অপশিংগী পায়খৎপা) রিবিসন ওফ দ্যুতিজজ এন্দ তেক্সেস ওন এক্সপোর্তেদ প্রদক্তস (RoDTEP) গী মখাদা কোনশিন্দুনা লোত্তুনা লৈবা এক্সপোর্তকী শেঞ্জং (তেক্স অমদি দ্যুতিশিং) হন্থহনগনি। মসিগী মথক্তা, MSME শিংনা হেন্দিক্রাফ্ত পুথোকপদা মরুওইনা থৌদাং লৌবা মরম্না, হন্দক্কী এক্সপোর্ত প্রমোসন মিসন্না নিরয়াত প্রোতসাহন (ফাইনেন্সিএল ইনেব্লরশিংদা মীৎয়েঙ থমবা) অমদি মিরয়াত দিশা (নন-ফাইনেন্সিএল ইনেব্লরশিংদা মীৎয়েঙ থম্বা) হায়রিবা কম্পোনেন্ত অনিসিগী খুত্থাঙদা হেন্দিক্রাফ্ত সেক্তরগী মপুং ওইবা পোত্থোক পুথোকপা, ফংহনবা অমদি চাওখৎহনবদা থৌদাং লৌগনি হায়না পারি।

হেন্না পাক চাউবা পোলিসী রিফোর্মশিং

খ্বায়দগী নৌবা পোলিসী রিফোর্মশিংগী মনুংদা GST রেস্নেলাইজেসন অমদি লেবর লো ২৯ বু কোদ ওন ৱেজেজ ২০১৯, কোদ ওন সোসিএল সিক্যুরিতী ২০২০, কোদ ওন ইন্দস্ত্রিএল রিলেসন্স ২০২০ অমদি কোদ ওন ওকুপেস্নেল, সেফ্তী, হেল্থ এন্দ ৱর্কিং কন্দিসন্স ২০২০ হায়রিবা লেবর কোদ ৪ সিদা পুনশিনবা য়াওরি। মীতম, অয়েকপা লাই, ইনলেগী থবক, তেরাকোতা, হেন্দবেগ, আর্তৱ্যার, তেবলৱ্যারদা GST রেত হন্থহনবনা খুৎহৈবা অমদি ক্রাফ্ত তৌরিবা মীওইশিংদা চাউনা মতেঙ ওইরি। মসিনা ভোকেল ফোর লোকেলগী মখাদা লমদমসিদা পোত্থোক পুথোক্নবা পুক্নিং থৌগত্তুনা মপান্দগী পুশিল্লকপা পোৎলমশিংদা তাংবগী চাং হন্থহল্লি, অমদি থবক পীরি। কোদশিং অসিনা পুল্লগা শিন্মীশিংগী য়াইফনবা অমদি ইকায়খুম্নবা ঙাক্নবা ঙাক্লৌ পীরি। য়ুনিভর্সেলাইজেসন ওফ মিনিমম ৱেজেজ, প্রোহিবিসন ওফ জেন্দর দিস্ক্রিমিনেসন অমদি এক্সতেন্দেদ সোসিএল সিক্যুরিতী নচিংবা প্রোভিজনশিংনা শিন্মী পুম্নমক্তা কান্নহনগনি।

ৱারোইশিন

ভারতকী হেন্দিক্রাফ্ত সেক্তরনা লৈবাকসিগী শেন্মিৎলোন অমদি নাৎকী শক্তমদা মরুওইবা শক্লোন অমা লৌরি। খুঙ্গং অমদি সেমি-অর্বান মফম থুংনা খুৎহৈবা মিলিয়ন কয়াদা ঙাক্লৌ পীদুনা, মসিদা ভারতকী য়াম্লবা হান্নদগী চৎনরক্লবা হৈথোই শিংথোইবা অমদি ক্রাফ্তসমেনসিপকী লনগী মমি তারি। খুৎনা শাবা অমদি তুং কোইগদবা পোত্থোকশিংদা মালেমগী অপাম্বা হেনগৎলকপগা লোয়ননা, সেক্তর অসি পাকথোক চাউথোকহন্নবা মতিং চাউনা লৈ। স্কিল ত্রেনিং, ক্লস্তর দিভেলপমেন্ত, মার্কেতিং সপ্পোর্ত, দিজিতেল প্লেতফোর্ম, অমদি এক্সপোর্ত ফেসিলিতেসন কোনশিল্লিবা লৈঙাক্কী থৌশিল অমদি স্কীমশিংনা খুৎহৈবশিংদা হেন্না ফবা খুদোংচাবা ফংহন্নবা অমদি মখোয়বা হেন্না পাক চাউবা কৈথেলদা চঙবা ঙমহন্নবা পান্দম থম্লি। ইন্তরভেন্সনশিং অসিনা পোত্থোক পুথোকপগী চাং হেনগৎহল্লি, ভেল্যু চেন মপাঙ্গল কনখৎহল্লি, অমদি খুৎহৈবশিংবু খুৎ থেক্লগা পাবা য়াবা অমদি হেন্না ৱাংবা শেন্থোক ফংবা ঙমহল্লি।

ইনাক খুল্লবা পারী পুরীগী লন, হৈথোই শিংথোইরবা খুৎহৈবশিং, অমদি চাং মান্নবা খুজিল থৌরাংগী ঙাক্লৌনা পুল্লগা, ভারতকী হেন্দিক্রাফ্ত সেক্তরনা পুম্নমক চাওখৎমিন্নবা পুরক্নবা, খুঙ্গংগী হিংনবগী লম্বীদা ঙাক্লৌ পীননবা, অমদি তুংদা লাক্কদৌরিবা চহিশিংদা ভারতকী শেন্মিৎলোনগী খোঙজেলদা ৱাহন্থোক লৈবা থৌদাং লৌননবা মফম চপ চানা কন্দুনা লৈরি।

PIB রিছর্চ

রিফরেন্সশিং

DC-MSME (হেন্দিক্রাফ্তস):

About Us | Official website of Development Commissioner (Handicrafts), Ministry of Textiles, Government of India

https://handicrafts.nic.in/pdf/GIList.pdf

https://handicrafts.nic.in/pdf/NewCraft.pdf

handicrafts.nic.in/CraftDefinition.aspx

https://handicrafts.nic.in/pdf/Scheme.pdf

https://indian.handicrafts.gov.in/static-pdf/scheme-guideline.pdf

https://handlooms.nic.in/assets/img/upcoming_markeing/AMC2025-26_02-04-2025.pdf

M/o MSME:

sfurti.msme.gov.in/SFURTI/Reports/DPR_Functional_Upto.aspx

https://www.msme.gov.in/sites/default/files/MSME-ANNUAL-REPORT-2024-25-ENGLISH.pdf

https://static.pib.gov.in/WriteReadData/specificdocs/documents/2022/apr/doc20224636101.pdf

M/o Textiles:

https://www.pib.gov.in/PressReleasePage.aspx?PRID=2199236&reg=1&lang=1

https://www.pib.gov.in/Pressreleaseshare.aspx?PRID=2089306&reg=3&lang=2

https://www.pib.gov.in/PressReleasePage.aspx?PRID=2197522&reg=3&lang=1

https://www.pib.gov.in/PressReleasePage.aspx?PRID=2157864&reg=3&lang=2#:~:text=Govt,reliant

https://www.pib.gov.in/PressReleasePage.aspx?PRID=2073886&reg=3&lang=2

https://www.pib.gov.in/PressReleasePage.aspx?PRID=2197519&reg=3&lang=2

https://www.pib.gov.in/PressReleasePage.aspx?PRID=2199515&reg=3&lang=1

M/o Finance:

https://www.pib.gov.in/PressReleasePage.aspx?PRID=2192229&reg=3&lang=2

https://www.pib.gov.in/FactsheetDetails.aspx?Id=149281&reg=3&lang=1

M/o Labour & Employment:

https://www.pib.gov.in/FactsheetDetails.aspx?Id=150508&reg=3&lang=1

Export Promotion Council for Handicrafts:

https://www.epch.in/sites/default/files/policies/exportsofhandicrafts.htm

Parliamentary Responses:

https://sansad.in/getFile/loksabhaquestions/annex/185/AS237_eb5QqY.pdf?source=pqals

https://sansad.in/getFile/loksabhaquestions/annex/185/AU351_GpRWNL.pdf?source=pqals

https://sansad.in/getFile/loksabhaquestions/annex/184/AU4956_YS5OfB.pdf?source=pqals

Others:

https://ddnews.gov.in/en/president-murmu-to-confer-handicrafts-awards-on-december-9/

https://www.ibef.org/blogs/empowering-districts-empowering-india-the-odop-revolution

Click here for pdf file.

****