पत्र सूचना कार्यालय

অরিবা মরী অমুক হন্না শেমগৎপা: কাশী তমিল সঙ্গমম অসি করিনো?

সোর্স: কাশী তমিল সঙ্গমম ৱেবসাইৎ

কাশী তমিল সঙ্গমম অসি ভারতকী কল্পনাদা চহি চা কয়াদগী লৈরক্লবা মরী অমগী কুমহৈ অমনি। মশীং থীঙমদ্রবা তীর্থ চৎপা মীওইশিং, স্কোলরশিং অমসুং থিজিল্লোয়শিংগীদমক্তদি, তমিল নাদু অমসুং কাশীগী মরক্তা চৎপা ফিজিকেল ওইবা খোঙচৎ খক্তা নত্তে। মসি ৱাখল্লোনশিং, ফিলোসোফিশিং, লোলশিং অমসুং হিংলিবা চৎনবীশিংগী খোঙচৎ অমনি। সঙ্গমম অসি মসিগী ৱাখল্লোন অসিদগী হৌরগা, ভারতকী চৎনবীগী মওং-মতৌবু মীরোল কয়াগী মমাংদগী লেপ্তনা শেমদুনা লাক্লবা মরী অদু পুন্সিদা অমুক হন্না পুরক্লি।

2022দা হৌদোকখিবা, লৈবাক শীনবা থুংনা পাংথোকপা আজাদী কা অমৃত মহোৎসবকী মনুংদা, ভারতনা মাগী নীংতম্বগী চহি 75 মপুং ফারকপা অমসুং মাগী সিভিলাইজেস্নেল হেরিতেজকী নুংগী ৱাখল্লোন অদু অমুক হন্না ফংলকপা মতমদা, সঙ্গমম অসি লৈবাক অসিবু শম্নহল্লিবা কলচরেল কন্তিন্যুএন্সী অদু অমুক হন্না পুক্নিং থৌগৎনবা কান্নরবা খোঙথাং অমা ওইনা থোরকখি। মনুং হঞ্জিন্না য়েংবগী অমসুং ভারতকী মতম চানা লৈরক্লবা মপাঙ্গলশিংবু থাগৎপগী ৱাখল্লোন্দা, কাশী তমিল সঙ্গমমনা চহি চা কয়াগী মমাংদগী লৈরক্লবা স্পিরিচুএল ৱাখল্লোন, আর্তিস্তিক এক্সপ্রেসন অমসুং স্কোলারেল একচেঞ্জদা লমজিং-লমতাক্লিবা অরিবা কনেক্ত অসি ময়েক শেংহন্নবা নেস্নেল প্লেৎফোর্ম অমা পীখি।

খোঙথাং অসিনা এক ভারত শ্রেষ্ঠ ভারতকী মগুন অদু ময়েক শেংনা উৎলি। মসিনা মীয়াম্বু মখোয়গী চৎনবীগী ৱাংমদা লৈবা চৎনবীশিংগী মগুন অদু খঙনবা অমসুং থাগৎনবা পুক্নিং থৌগৎলি। এজুকেসন মন্ত্রালয়না শিন্দুনা, আই.আই.তি. মাদ্রাস অমসুং বনারস হিন্দু য়ুনিভর্সিতীনা মরুওইবা নোলেজ পার্তনরশিং ওইনা থবক তৌরি। রেলৱেজ, কলচর, তুরিজম, তেক্সতাইল অমসুং য়ুথ এফিয়র্স অমসুং স্পোর্তস অমসুং য়ু.পি. সরকার য়াওনা মন্ত্রালয় 10না শরুক য়াদুনা, কাশী তমিল সঙ্গমমনা মফম অনিগী মহৈরোয়শিং, আর্তিসানশিং, স্কোলরশিং, স্পিরিচুএল লিদরশিং, ওজাশিং অমসুং কলচরেল প্রেক্তিসশিং পুনশিল্লি। মসিনা মখোয়গী মরক্তা ৱাখল্লোনশিং, কলচরেল প্রেক্তিসশিং অমসুং ত্রেদিস্নেল নোলেজশিং এক্সচেঞ্জ তৌবদা মতেং পাংলি। সঙ্গমমগী ইদিসন খুদিংদা তমিল নাদুগী মহৈরোয়শিং, ওজাশিং, আর্তিসানশিং, স্কোলরশিং, স্পিরিচুএল লিদরশিং অমসুং কলচরেল প্রেক্তিসনরশিংনা কাশীদা চয়োল অমদগী নুমিৎ 10 ফাওবগী ওইনা চৎখি। মসিগী মনুংদা মখোয়না কাশীগী লাইশঙশিং, তমিল লিঙ্কেজ লৈবা মফম খুদিংমক অমসুং অয়োধ্যা অমসুং প্রয়াগরাজগুম্বা য়ুম্লোন্নরিবা মফমশিংদা চৎখি। মখোয়না সেমিনারশিং, ৱারী শানবশিং, কলচরেল প্রোগ্রামশিং, স্পোর্তসকী থৌরমশিং অমসুং মখোয়না কাশীগী মখোয়গী মরূপশিংগা ৱারী শানবদা শরুক য়াখি।

কাশী তমিল সঙ্গমম 4.0: ‘তমিল কার্কলম’ – ঐখোয় তমিল তম্লসি

কাশী তমিল সঙ্গমম 4.0না মসিগী চাউখৎলক্লিবা কলচরেল কনফ্ল্যুএন্স অসিদা মথংগী চেপ্তর অমা ওইহল্লগনি। মসিনা মাগী স্কেল অমসুং এম্বিসন অনিমক পাকথোক চাউথোকহল্লগনি। 2025গী দিসেম্বর 2দা হৌগদৌরিবা, মসিগী ইদিসন অসিনা মমাংগী সঙ্গমমশিংগী মরুওইবশিং অদু ঙাক্না চৎলি, অদুগা লোল তম্বগী অমসুং একাদমিক একচেঞ্জদা হেন্না মরুওইনা মীৎয়েং থম্লি। কুমহৈশিং অসি রামেশ্বরমদা লোইশিনবগী থৌরম অমা পাংথোক্তুনা লোইশিনগনি। মসিনা অৱাংথংবা ভারতকী খ্বাইদগী অশেংবা মফমশিংগী মনুংদা অমা ওইরিবা কাশীদগী তমিলগী খ্বাইদগী মমিং লৈরবা মফম অমা ওইরিবা তমিলগী স্পিরিচুএল হেরিতেজ ফাওবগী খোঙচৎ অসি মপুং ফাহনগনি। অৱাং-নোংপোক্কী আর্ক অসিনা সঙ্গমমগী মপুং ওইবা ৱাখল্লোন অদু উৎলি: মপুং ওইবা কলচরেল জিওগ্রাফী অনিগী মরক্তা থোং অমা।

কাশী তমিল সঙ্গমম 4.0গী থিমদি, “ঐখোয় তমিল তমসি -তমিল কর্কালম”নি। ভারতকী লোল পুম্নমক অসি ভারতিয়া ভাশা ফেমিলীগী মনুং চল্লি হায়বা থাজবা অসি মাংলোমদা পুখৎতুনা, ইদিসন অসিনা তমিল লোল তম্বা অসি মসিগী ভিজন অসিগী ময়াইদা থম্লি। থিম অসিনা অচম্বা অদুবু শক্তি লৈবা পাউজেল অমা পীরি: লোলগী মখল-মখা কয়া অসিনা নাৎকী অমত্তা ওইববু মপাঙ্গল কনখৎহল্লি। চহি অসিগী ইদিসন অসিনা লোলদা য়ুম্ফম ওইবা কলচরেল একচেঞ্জ অমসুং নহাশিংগী থৌদাংবু মরুওইনা লৌদুনা এজুকেস্নেল ফোকস হেন্না মপাঙ্গল কনখৎহল্লি। মসিনা কাশীগী লমদমগী মহৈরোয়শিংদা তমিল লোলদা মপুং ফানা চংশিনবা অমসুং তমিল নাদুগী মঙাল লৈরবা হেরিতেজ অসি মশানা হকথেংননা উনবগী খুদোংচাবা পীদুনা কলচরেল য়ুনিতীগী ৱাখল্লোনবু সিম্বোলিজমগী ৱাংমদা পুখৎলি।

চাউখৎলক্লিবা অসিগা মরী লৈননা, কাশীদা পাংথোক্কদৌরিবা থৌরমশিংদা তমিল নাদুগী মখল তরেৎকী মহৈরোয়শিং, ওজাশিং, অইবশিং অমসুং মীদিয়া প্রোফেস্নেলশিং, লৌউ-শিংউ অমসুং মসিগা মরী লৈনবা সেক্তরশিং, প্রোফেস্নেলশিং অমসুং আর্তিসানশিং, নুপীশিং অমসুং স্পিরিচুয়েল স্কোলারশিং য়াওনা দেলিগেৎ 1400 হেন্না শরুক য়াগনি। মখোয়না শরুক য়াবা অসিনা থিম অসিগী স্পিরিৎ অসি খুন্নাইগী তোঙান তোঙানবা সেক্সনশিংদা য়ৌহনগনি। মসিনা কাশী তমিল সঙ্গমম 4.0 অসি ইনক্লুসিব ওইহল্লগনি অমসুং মসিগী ইম্পেক্ত অসি য়াম্না পাক চাউহনগনি।

কাশী তমিল সঙ্গমম 4.0: মরু ওইবা থৌশিলশিং

উত্তর প্রদেশকী মহৈরোয়শিংদা তমিল তম্বিবা – “ঐখোয়না তমিল তমসি – তমিল কর্কালম”

ইদিসন অসিগী মরুওইবা ইনিসিএতিব অমা হায়রগদি কাশী লমদমদা তমিল লর্নিংগী স্ত্রকচর তৌরবা ইন্ত্রদক্সন অসিনি।

• DBHPS প্রচারকশিং য়াওনা হিন্দী খঙবা তমিলগী ওজা 50 দিসেম্বর 2দগী দিসেম্বর 15, 2025 ফাওবদা বরানসীগী স্কুল 50দা দিপ্লোই তৌগনি।
• মখোয়না উত্তর প্রদেশ য়ৌদ্রিঙৈ মমাংদা সেন্ত্রেল ইন্সতিত্যুৎ ওফ ক্লাসিকল তমিল (CICT) দা ত্রেনিং ফংলগনি।
• ওজা খুদিংমক্না মহৈরোয় 30গী বেৎচকীদমক অতেনবা মতমগী স্পোকন তমিল মোদ্যুলশিং পাংথোক্কনি, মসিদা ৱারী-ৱাতাই শাবা, খোন্থোক অমসুং ময়েকশিং য়াওগনি।
• অপুনবা ওইনা, মহৈরোয় 1500না মসিগী খোঙথাং অসিগী খুত্থাংদা ইন্ত্রদক্তরী তমিল তমগনি।
• BHUগী তমিল দিপার্তমেন্ত, CIIL মৈসুরু, IRCTC অমসুং বারানসী এদমিনিস্ত্রেসননা কোওর্দিনেসন অমসুং লোজিস্তিক্সকী থবকশিংদা মতেং পাংলি।

মসিগী খোঙথাং অসিনা তমিল নাদুগী মপান্দা তমিল লর্নিং হেনগৎহন্নবা অমসুং লোলগী ওইবা ইনক্লুসিবিতী প্রমোৎ তৌনবগী মায়কৈদা মরুওইবা খোঙথাং অমনি।

তমিল নাদু চৎপা মতমদা তমিল তম্বা – স্তদী তুর প্রোগ্রাম

উত্তর প্রদেশতা তমিল তম্বীবগী থবক অসি কাশী লমদমগী নহারোলশিংগীদমক পাক-শন্না পাংথোকপা এজুকেস্নেল ইম্মর্সন অমনি।

• উত্তর প্রদেশকী কোলেজ মহৈরোয় 300না তমিল নাদুদা তমিল লোন তম্নবগীদমক্তা বেৎচ 10 থোক্না চৎকনি।
• মখোয়না চেন্নাইগী সেন্ত্রেল ইন্সতিত্যুৎ ওফ ক্লাসিকল তমিল (CICT) দা ওরিএন্তেসন অমা শরুক য়াগনি। মসিগী মতুংদা তমিল লোলগী ক্লাসশিং অমসুং রাজ্য অসিগী মকোক থোংবা ইন্সতিত্যুৎশিংদা পাংথোকপা কলচরেল সেসনশিং পাংথোক্কনি।
• ইন্সতিত্যুসন খুদিংমক্না মহৈরোইশিংবু হোস্ত তৌগনি, সবজেক্ত কোওর্দিনেতরশিং পীগনি অমসুং তমিল অমসুং কাশীগী পুৱারী ওইরবা মরীশিংগা মরী লৈনবা মফমশিংদা স্তদী তুরশিং পাংথোক্কনি।
• মহৈরোই পুম্নমক্না শরুক য়াবগী সর্তিফিকেৎ ফংলগনি।

ইন্সতিত্যুতশিংগী লিস্ত:

প্রোগ্রাম অসিনা অৱাং থংবা ভারতকী নহা ওইরিবা মহৈরোয়শিংনা তমিল লোল, হেরিতেজ অমসুং হৌজিক্কী মতমগী কলচরেল প্রেক্তিসশিংগা হকথেংননা মরী লৈনহনগনি।

সেজ অগস্ত্য ভেহিকল এক্সপিদিসন (SAVE)

KTS4.0.গী খ্বাইদগী মশক থোকপা খোঙথাংশিংগী মরক্তা অমা হায়রগদি তমিল অমসুং ভারতকী চৎনবীদা মপুং ফানা য়ুম্ফম ওইবা সিভিলাইজেসনগী লম্বী অমা য়েংদুনা চৎপা সেজ অগস্ত্য ভেহিকল এক্সপিদিসন (SAVE) অসিনি।

• এক্সপেদিসন অসি 2025গী দিসেম্বর 2দা তেঙ্কাসি (তমিল নাদু) দগী হৌরগনি অমসুং 2025গী দিসেম্বর 10দা কাশী য়ৌরগনি।
• মসিনা সেজ অগস্ত্যগা মরী লৈনবা মশখ নাইরবা লম্বীদা চৎলি। মসিনা ভারতকী লৌশিং-জ্ঞানগী পথাপশিংদা তমিল নাদুগী থৌদাং অদু উৎলি।
• খোঙচৎ অসিনা পান্দিয়ানগী নিংথৌ ওইরম্বা আদি বীরা পরক্রমা পান্দিয়ানগী লিগেসীবু ইকায় খুম্নবা উৎলি। মহাক্না কলচরেল য়ুনিতীগী পাউজেল শন্দোক্নবা অৱাংথংবা লমদমদা চৎখি অমসুং তেঙ্কাসী (“দক্ষিন কাশী”) হায়না মিংথোনবা শিবা লাইশং অমা শঙ্গাখি।
• মসিগী লম্বীদা, এক্সপিদিসন্না চেরা, চোলা, পান্দ্যা, পল্লৱ, চালুক্য অমসুং বিজয়নগরগী মতমগী সিভিলাইজেসনগী লিঙ্কশিং উৎলি।
• মসিনা ক্লাসিকেল তমিল লিতরেচর, সিদ্ধ মেদিসিন, অমসুং শেয়র হেরিতেজ ত্রেদিসনশিংগী মরমদা খঙহনবা হেনগৎহল্লি।

খোঙচৎ অসিনা তমিল নাদু অমসুং কাশীগী মরক্তা ৱাখল্লোন, চৎনবী অমসুং স্পিরিচুএল লর্নিংগী অচেৎপা পুৱারীগী খোঙচৎ অদুগী খুদম ওইরি।

1.0দগী 4.0 ফাওবা: কাশী তমিল সঙ্গমমগী খোঙচৎ

2022দা কাশী তমিল সঙ্গমম হৌরকখিবদগী তমিল নাদু অমসুং কাশীগী মরক্তা স্ত্রকচর তৌরবা কলচরেল অমসুং এজুকেস্নেল এঙ্গেজমেন্ত অমা ওইরকখ্রে। ইদিসন খুদিংমক্না ক্যুরেৎ তৌরবা দেলিগেসনশিং, থীমেতিক ফোকস এরিয়াশিং, একাদমিক ইন্তরেক্সনশিং, অমসুং হেরিতেজ এক্সপরিয়েন্সশিংগী খুত্থাংদা মসিগী স্কোপ অসি পাকথোক চাউথোকহল্লি, মসিনা রিজন অনি অসিগী মরক্তা লৈবা সিভিলাইজেস্নেলগী মরী অসি লেপ্তনা চেৎশিলহল্লি।

কাশী তমিল সঙ্গমম 1.0 (নবেম্বর - দিসেম্বর 2022)

2022দা প্রধান মন্ত্রী শ্রী নরেন্দ্র মোদীনা শঙ্গাখিবা কাশী তমিল সঙ্গমমগী অহানবা ইদিসন অসিনা মখা তারকপা ইদিসনশিংগী খুত্থাংদা মখা তানা মপাঙ্গল কনখৎলক্লিবা কলচরেল ব্রিজ অসিগী য়ুম্ফম ওইখি। অহানবা ইদিসন অসি নবেম্বর 16তগী দিসেম্বর 15, 2022 ফাওবা পাংথোকখি। মসিনা তমিল নাদু অমসুং কাশীগী মরক্তা লৈরিবা কলচরেল বোন্দ অসি মীয়ামগী মীৎয়েংদা অচৌবা, মপুং ফাবা মওংদা পুখৎখি।

মরু ওইবা হাইলাইৎশিং:

• তমিল নাদুগী তোঙান তোঙানবা কাংলুপ 12গী মহৈরোয়শিং, ওজাশিং, আর্তিসানশিং, লৌমীশিং, অইবশিং, স্পিরিচুএল লিদরশিং, প্রোফেস্নেলশিং অমসুং কলচরেল প্রেক্তিসনরশিংদগী 2500+না শরুক য়াখি।
• বারানসী, প্রয়াগরাজ অমসুং অয়োধ্যাদা নুমিৎ 8নিগী ক্যুরেৎ তৌরবা তুর।
• মরু ওইবা কলচরেল অমসুং স্পিরিচুএল সাইৎশিং: কাশী বিশ্বনাথ লাইশঙ, কেদর ঘাত, সরনাথ অমসুং কাশীদা লৈরিবা তমিল হেরিতেজ পোকেৎশিং চৎকনি।
• মহাকাভি সুব্রাহ্মনিয়া ভারতীগী য়ুমদা চৎপা অমসুং সহর অসিদা লৈরিবা তমিল ঙাঙবা কম্ম্যুনিতীশিংগা ৱারী শানখি।
• তমিল নাদু অমসুং উত্তর প্রদেশকী আর্তিস্তশিং য়াওবা BHUদা নুমিৎ খুদিংগী কলচরেল প্রোগ্রামশিং।
• হেন্দলুমশিং, খুৎশা হৈবগী পোৎলমশিং, ODOPগী পোত্থোকশিং, লাইরিকশিং অমসুং নাৎকী ওইবা চিঞ্জাক্কী প্রদক্সনশিং উৎলি।
• তমিল নাদু অমসুং কাশীগী মরক্তা লৈনরিবা পুৱারী অমসুং সাহিত্যগী মরীশিং নৈননবা একাদমিক সেসনশিং, লেকচর-দিমোন্সত্রেসনশিং অমসুং কম্ম্যুনিতী ইন্তরেক্সনশিং।

অহানবা ইদিসন অসিনা সঙ্গমমগী মোদেল অমা শেমখি। মসিনা হেরিতেজ, কলচর, স্কোলারশিপ অমসুং দাইরেক্ত একচেঞ্জগী খুত্থাংদা মীচম প্রজাশিংবু পুনশিনখি। মসিনা মখা তারকপা ইদিসন পুম্নমক্তা মপাঙ্গল কনবা য়ুম্ফম অমা শেমখি।

Kashi Tamil Sangamam 2.0 (December 2023)

2023গী দিসেম্বর 17তগী 30 ফাওবা বারানসীগী নমো ঘাত্তা পাংথোক্কদৌরিবা, কাশী তমিল সঙ্গমমগী অনিশুবা ইদিসন অসিনা হৌখিবা চহিদা শেমখিবা কলচরেল একচেঞ্জ অদুগী পাক চাউবা অমসুং মরু ওইবা হেনগৎহনখি।

KTS 2.0গী মরু ওইবা হায়লাইৎশিং

• তমিল নাদুগী তোঙান তোঙানবা কাংলুপ তরেৎকী মীহুৎ 1435না বরানসী, প্রয়াগরাজ অমসুং অয়োধ্যাদা নুমিৎ 8নিগী খোঙচৎতা শরুক য়াখি। মসিগী মনুংদা কাশী বিশ্বনাথ লাইশং, সরনাথ অমসুং সুব্রামনিয়া ভারতীগী য়ুমগুম্বা মরুওইবা স্পিরিচুএল অমসুং তমিল হেরিতেজ সাইৎশিংসু য়াওখি।
• ইদিসন অসিনা ইকাই খুম্নরবা প্রধান মন্ত্রীগী ৱারোলগী অহানবা রিয়েল-তাইম তমিল ত্রান্সলেসন হৌদোকখি। মসিনা মীহুৎশিংগা লোইননা অপনবা লৈতনা পাউ ফাওনবগী খুদোংচাবা ফংহনখি।
• নমো ঘাত্তা নুমিৎ খুদিংগী চৎনবীগী প্রোগ্রামশিংদা অখন্নবা অগস্ত্য জয়েন্তী সেসন য়াওনা থীমদা য়ুম্ফম ওইবা একাদমিক সেসন তরেৎ য়াওনা রাজ্য অনিমক্কী ক্লাসিকেল, ফোল্ক অমসুং কন্তেম্পররী পর্ফোর্মেন্স উৎখি।
• হেন্দলুমশিং, খুৎশা হৈবগী পোৎলমশিং, ODOPগী পোত্থোকশিং, লাইরিকশিং অমসুং লমদমসিগী চিঞ্জাকশিং য়াওবা অচৌবা একজিবিসন অমদা লুপা লাখ 22গী সেল রেকোর্দ তৌখি অমসুং ভিজিস্তর লাখ 2 হেন্না লাকখি।

• KTSকী ওফিসিএল সোসিএল মীদিয়া হেন্দলশিংদা ইন্তরেক্সন লাখ 2.5গা লোয়ননা কেম্পেন অসি নাগরিক কোতি 8.5 (ব্রান্দ24) অমসুং অপুনবা য়ৌগদবা মিলিয়ন 80 (লাক্ষ 80) ফাওবা য়ৌহনখি।

কাশী তমিল সঙ্গমম 3.0 (ফেব্রুৱারী 2025)

2025গী ফেব্রুৱারী 15দগী 24 ফাওবা পাংথোকখিবা কাশী তমিল সঙ্গমমগী অহুমশুবা ইদিসন অসিনা তমিল নাদু অমসুং কাশীগী মরক্তা কলচরেল অমসুং ইন্তলেকচুএল ব্রিজ অসি হেন্না কুপ্না হীরমগী ওইবা মীৎয়েংগা লোয়ননা পাকথোক চাউথোকহনখি।

KTS 3.0গী মরু ওইবা হায়লাইৎশিং

• সাহিত্য, লোলগী, ৱাংঙুলোল অমসুং ভারতকী লৌশিংগী চৎনবীদা মহাক্না পীখিবা থৌদাংশিংবু ময়েক শেংনা উৎলিবা এক্সিবিজন অমসুং খন্ন-নৈনবশিংগা লোয়ননা অগস্ত্যরদা অখন্নবা হীরমগী ওইবা মীৎয়েং অমা থমগনি।
• বারানসী, প্রয়াগরাজ অমসুং অয়োধ্যাদা চৎনবীগী ওইবা মরুওইবা মফমশিং, প্রয়াগরাজদা মহাকুম্ভ মেলা 2025 অমসুং নৌনা শঙ্গাখিবা রাম মন্দির য়াওনা মীহুৎশিংবু মপুংফাবা স্পিরিচুএল অমসুং কলচরেল এক্সপরিয়েন্স অমা পীবা।
• NEP 2020গী ভারতকী লৌশিং ত্রেদিসনশিংদা মরুওইবা পীরগা, অরিবা মতমগী তমিলগী লৌশিংগী পথাপশিংবু মোদর্ন রিসর্স, ইন্নোবেসন অমসুং কন্তেম্পোররী এজুকেসনগা শম্নহল্লিবা ৱার্কশোপশিং, সেমিনারশিং অমসুং ইন্তরদিসিপ্লিনরী সেসনশিং।
• তোঙান তোঙানবা কাংলুপশিং - মহৈরোয়শিং, ওজাশিং, অইবশিং, আর্তিসানশিং, এন্ত্রিপ্রেন্যুওরশিং, নুপীগী কাংলুপশিং, DBHPS প্রচারকশিং অমসুং নহা ওইরিবা ইন্নোবেতরশিং শরুক য়াবা। মসিনা কান্নবা ক্রোস-রিজনেল এক্সচেঞ্জ অমসুং হেন্না চেৎশিল্লবা কম্ম্যুনিতী কনেক্সন ফংহল্লি।

KTS3.0.না ত্রেদিসন অমসুং মোদর্নিতীনা থেংনরিবা প্লেতফোর্ম অমা ওইনা সঙ্গমমগী থৌদাংবু মপাঙ্গল কনখৎহনখি। তমিল নাদু অমসুং কাশীগী মরক্তা তম্বগী, ৱারী শানবগী অমসুং কলচরেল এক্সপরিয়েন্স শরুক য়ামিন্নবগী খুত্থাংদা সিভিলাইজেস্নেল কন্তিন্যুএন্সপু মপাঙ্গল কনখৎহনখি।

কাশী – তমিলগী মরী মপাঙ্গল কনখৎহনবা : তুং কোইগদবা কলচরেল কন্তিনম

কাশী তমিল সঙ্গমমগী ইদিসন মরিদা, কলচরেল একচেঞ্জ অসি করম্না তুংলমচৎকী এক্সপরিয়েন্সতা য়ুম্ফম ওইরগা তশেংনা ত্রান্সফোর্মেতিব ওইরকপা য়াবগে হায়বদু উৎখ্রে। ইদিসন খুদিংমক্না মসিগী খোঙচৎ অসিদা তোঙান-তোঙানবা দাইমেন্সন অমা হাপচিনখি: KTS 1.0গী অচৌবা কলচরেল ইম্মিসন, KTS 2.0গী পাকথোক চাউথোক্লবা মীয়ামগী শরুক য়াবা অমসুং থিমেতিক এঙ্গেজমেন্তশিং, অমসুং KTS 3.0গী নোলেজ-সেন্ত্রিক, সেজ অগস্ত্যর ফোকস তৌরবা দিসকোর্স। KTS 4.0গা লোয়ননা, সঙ্গাম্মনা তমিল লোন তম্ববু মরুওইবা মফমদা থমদুনা অনৌবা তাঙ্কক অমদা চংশিল্লি। মসিনা তমিল কর্কালম, তমিল কারপোম অমসুং স্ত্রকচর তৌরবা স্তদী তুরগী খুত্থাংদা লোল অনিগী ওইবা মরী লৈনবগী খুদোংচাবা পীরি।

পুম্নমক পুন্না, হায়রিবা ইদিসনশিং অসিনা সঙ্গমম অসি করম্না কাউঙমদ্রবা থৌরম অমা ওইবদগী কন্তিন্যুয়িং কলচরেল পাথ অমদা ওন্থোক্লিবগে হায়বদু উৎলি। দেলিগেৎশিংনা কাশীগী ঘাতশিং অমসুং লাইশঙশিংদা তমিল হেরিতেজ অমুক হন্না ফংখি। উত্তর প্রদেশকী মহৈরোয়শিংনা তমিল নাদুগী মশক খঙখি। ওজাশিংনা অনৌবা মহৈরোয়শিংদা তমিল শন্দোকখি। অমসুং লমদম অনিমক্কী কম্ম্যুনিতীশিংনা লিতরেচর, ক্রাফ্স, ক্যুজিন অমসুং শেয়র তৌরবা স্পিরিচুএল ত্রেদিসনশিংদা পুনশিনখি।

অসিগুম্বা অপুনবা খোঙচৎ অসিনা 'এক ভারত শ্রেষ্ঠ ভারত'কী মরুওইবা মীৎয়েং অদু উৎলি। মসিদা অমনা অমগী লোল, চৎনবী অমসুং মীৎয়েংগা মরী লৈননা লৈবাক্কী অপুনবা অসি মপাঙ্গল কনখৎহল্লি। অরিবা মতমগী মরীশিং অমুক হন্না উবা ফংলকপা অসি - সেজ অগস্ত্য ভেহিকল এক্সপিদিসনগুম্বা ইনিসিয়েতিবশিংগী খুত্থাংদা ময়েক শেংলকপা অসিগা লোয়ননা স্কুলশিং, য়ুনিভর্সিতীশিং অমসুং কলচরেল ভেন্যুশিংদা হৌজিক মতমগী ওইবা লর্নিং স্পেসশিং শেমগৎলকপা অসিনা চহি চুপ্পা কলচরেল একচেঞ্জ, লোলগী ওইবা এপ্রিসিয়েসন অমসুং নহারোলশিংনা থৌদাং লৌবদা EBSB না মরুওইবা পীবদু উৎলি।

কাশী তমিল সঙ্গমম 4.0 অসি লোল অমসুং এজুকেসনেল ফোকস অমা নৌনা শেমগৎতুনা শাগৎলকপগা লোয়ননা, মসিনা চৎনবীগী ওইবা ৱাখল্লোন অসি লেপ্পা লৈতনা ইন্তরেক্সনগী থোংদা শেমগৎলি হায়বা ৱাখল্লোন অসিবু মপাঙ্গল কনখৎহল্লি। হেরিতেজপু মপাঙ্গল কনখৎহন্দুনা, লোনশিং তম্বদা পুক্নিং থৌগৎতুনা অমসুং মীয়ামগা মীয়ামগা মরী লৈনহনদুনা, সঙ্গমম অসি ঙসি তমিল নাদু অমসুং কাশীগী মরক্তা মতম চানা লৈনরিবা মরী অসি হেন্না চেৎশিলহন্দুনা অমসুং ভারতকী অপুনবা অসি শেয়র সিভিলাইজেস্নেল এক্সপরিয়েন্সকী খুত্থাংদা চাউখৎহন্দুনা মতম চানা চৎথগদবা কলচরেল কন্তিনম অমা ওইনা লৈরি।

রিফরেন্সশিং:

https://kashitamil.iitm.ac.in/home

https://www.pib.gov.in/PressReleasePage.aspx?PRID=2192810

https://www.pib.gov.in/PressReleasePage.aspx?PRID=2187556

https://x.com/PIB_India/status/1992118405592441194

https://www.pib.gov.in/PressReleasePage.aspx?PRID=1980376

https://static.pib.gov.in/WriteReadData/specificdocs/documents/2025/feb/doc2025214502301.pdf

https://static.pib.gov.in/WriteReadData/specificdocs/documents/2025/jun/doc202562561301.pdf

https://blogs.pib.gov.in/blogsdescrI.aspx?feaaid=81

https://www.pib.gov.in/PressReleasePage.aspx?PRID=2192810#:~:text=Sage%20Agasthya%20Vehicle%20Expedition%20from,Kashi%20on%2010th%20December%202025.

https://kashitamil.bhu.edu.in/index.html

https://www.pmindia.gov.in/en/image-gallery/

PDF য়েংনবা মসিদা নম্বিয়ু

***