Press Information Bureau

মরু ওইবা ৱাফমশিং

• 1950দা কন্সতিত্যুএন্ত এসেমব্লীনা ভারতকী জাতিগী ঈশৈ ওইনা এদোপ্ত তৌখি।
• ভন্দে মাতরাম অসি অহানবদা মশা মথন্তা ইরম্মি অমসুং তুংদা বঙ্কিম চন্দ্র চেত্তর্জীগী উপন্যাস “অনন্দমথ” (1882দা ফোংখিবা)দা য়াওখি।
• অহানবা ওইনা রবীন্দ্রনাথ তেগোরনা 1896তা কলকতাদা পাংথোকখিবা কংগ্রেস সেসনদা শকখি।
• ভন্দে মাতরাম, অসি পোলিতিকেল স্লোগান অমা ওইনা অহানবা ওইনা ওগস্ত 7, 1905দা শীজিন্নখি।

ৱাহৌদোক

চহি অসিগী নবেম্বর 07, 2025 অসি ভারতকী জাতিগী ঈশৈ ভন্দে মাতরামগী 150শুবা মপোক কুমওননি। মসিগী ৱাহন্থোক্তি "ইমা, নহাক্কী নফমদা খুরুমজরি" হায়বনি। মতম পুম্নমক্তা হোংবা লৈতনা লাক্কদবা ঈশৈ অসিনা ভারতকী নেস্নেল আইদেন্তিতী অমসুং অপুনবা ৱাখল্লোনগী মতম পুম্নমক্কী ওইবা খুদম অমা ওইদুনা নীংতম লান্মীশিং অমসুং লৈবাক শেমগৎপশিংগী মীরোল কয়াদা ইথিল পীরি। বঙ্কিম চন্দ্র চেত্তর্জীনা শৈরেংখিবা 'ভন্দে মাতরাম' অসি অহানবা ওইনা নবেম্বর 7, 1875দা বঙ্গদর্শন কৌবা সাহিত্যগী জর্নেল অমদা ফোংখি। মতুং তারকপদা, বঙ্কিম চন্দ্র চেত্তর্জীনা 1882দা ফোঙখিবা মহাক্কী অমর ওইরবা উপন্যাস 'অনন্দমথ'দা লাইশোন ঈশৈ অসি য়াওহনখি। মসিবু রবীন্দ্রনাথ তেগোরনা সুর হাপখি। মসিনা লৈবাক অসিগী সিভিলাইজেস্নেল, পোলিতিকেল অমসুং কলচরেলগী ৱাখল্লোনগী তঙাইফদবা শরুক অমা ওইরক্লি। মাইলস্তোন অসিবু নীংশিংবা অসিনা ভারত মচা পুম্নমক্কীদমক ভন্দে মাতরম্বনা পীরক্লিবা অমত্তা ওইবগী, থৱায় কৎথোকপগী অমসুং ইকাই খুম্নবগী মতম চুপ্পগী ওইবা পাউজেল অসিবু অমুক হন্না ফোংদোক্নবগী তাঞ্জা অমা পীরি।

পুৱারীগী ওইবা হৌরকফম

ভন্দে মাতরামগী মরুওইবা অদু খঙনবগীদমক, মসিগী পুৱারীগী হৌরকফম, সাহিত্য, নেস্নেলিজম অমসুং ভারতকী নীংতম লানগী মরী শম্নহল্লিবা লম্বী অসি নৈনবসি তঙাইফদে। নিংশিংবা য়াবদি লাইশোন ঈশৈ অমা ওইরকপা অসিনা কোলোনিএল দোমিনেসনগী মায়োক্তা ভারতকী অপুনবগী ওইবা ৱাখল্লোন পোকহনখিবগী খুদম ওইখি।

• ঈশৈ অসি অহানবা ওইনা 1875দা ফোঙখি। ইংলিস দেলি বন্দে মাতরামদা এপ্রিল 16, 1907দা শ্রী ঔরোবিন্দোনা ইখিবা ৱারেং অমনা মসিগী শৌগৎখি, মদুদি বঙ্কিম্না মহাক্কী মমিং চৎলবা ঈশৈ অসি কুমজা 32গী মমাংদা ইখিবনি। মহাক্না মখা তানা হায়খি মদুদি মতম অদুদা কনাগুম্বা খরা খক্তনা মদুবু তাখি, অদুবু মতম শাংনা ককঙাওন্দুনা লৈরুরগা ৱাখল তারকপা মতমদা বেঙ্গলগী মীয়াম্না অচুম্বা অদুগীদমক অকোয়বদা য়েংখি, অমসুং মমশল্লক্লবা তাঙ্কক অমদা, কনাগুম্বা অমনা "ভন্দে মাতরম" শকখি।
• লাইরিক্কী মওংদা ফোঙদ্রিঙৈগী মমাংদা, অনন্দমথ অসি বেঙ্গালীগী থাগী মেগাজিন বঙ্গদর্শনদা সিরিএলাইজ তৌদুনা ফোঙখি, বঙ্কিম অসি মসিগী ফাউন্দর এদিতরনি।
• "ভন্দে মাতরম" হায়বা ঈশৈ অসি মার্চ-এপ্রিল 1881গী ইশুদা উপন্যাস অসিগী সিরিয়ালাইজেসনগী অহানবা ইন্সতোলমেন্তদা য়াওখি।
• 1907দা, শ্রীমতি ভিকাজী কামানা ভারতকী মপান্দা অহানবা ওইনা স্তুতগার্ত, বর্লিনদা মচু অহুমগী ফিরাল চীংখৎখি। ভন্দে মাতরম হায়বা ৱাহৈশিং অসি ফিরাল অদুদা ইখি।

অনন্দ মথ অমসুং লৈবাক নীংবগী ৱাখল্লোন

'অনন্দ মথ' উপন্যাস অসিগী সেন্ত্রেল প্লোৎ অসি সনাতন, হায়বদি অঙাংশিং হায়না খঙনবা সন্যাসিনশিংগী কাংলুপ অমগী মতাংদা ওইখি, মখোয়না মখোয়গী পুন্সি অসি মখোয়গী মমা লৈবাক্কীদমক কত্থোকখি। মখোয়না মমাবু লাইনি হায়না মশক তাক্তুনা মমা লৈবাকপু ইকাই খুম্নৈ; মখোয়গী ইকাই খুম্নবা অসি মখোয়গী পোক্নফম লমদমখক্তদা ওই। "ভন্দে মাতরম" অসি অনন্দ মথকী শান্তানশিংনা শকপা ঈশৈনি। মসি অনন্দ মথকী মরুওইবা থিম ওইরিবা "দেশপ্রেমগী ধর্ম"গী খুদম্নি।

মখোয়গী লাইশঙদা, মখোয়না মমাগী মীতম অহুম থম্লম্মি, মখোয়না মমা লৈবাক্কী মহুৎ শিন্দুনা উৎলি: মাগী মতিক মগুন লৈরবা অমসুং শিংথানিংঙাই ওইরবা মমা; মাগী অৱাবা অমসুং উফুলদা তৈরবা মমা; মাগী অশেংবা শিংথানিংঙাই ওইরবা মমা। শ্রী ঔরোবিন্দ্রোগী ৱাহৈদা হায়রবদা "মহাক্কী ৱাখল্লোনদা শাগৎলিবা মমা অদু মিলিয়ন হুমফু তরাগী শরুক অনি ওইবা মখুৎতা অথৌবা স্তীল পাই অমসুং চাকনীবগী তেঙ্কোৎ পাইদে।"

বঙ্কিম চন্দ্র চেত্তর্জী

বঙ্কিম চন্দ্র চেত্তর্জী (1838 - 1894), ভন্দে মাতরমগী অইবা অসি 19শুবা চহিচাগী বেঙ্গলগী খ্বাইদগী শক্নাইরবা মীওই অমনি। মহাক্না তরামাপলশুবা চহিচাগী মতমদা বেঙ্গলগী ইন্তলেকচুএল অমসুং লিতরেচরগী পুৱারীদা মরু ওইবা থৌদাং অমা লৌখি। শক্নাইরবা নোভেলিস্ত, শৈরেংবা অমসুং ইশৈ ময়েক ইবা অমা ওইনা, মহাক্কী থৌদাংশিংনা মোদর্ন বেঙ্গালী প্রোসকী চাউখৎলকপদা অমসুং হৌরক্লিবা ভারতকী নেস্নেলিজমগী ৱাখল্লোন ফোংদোকপদা য়াম্না চাউনা ইথিল পীখি।

অনন্দমথ (1882), দুর্গেশ্নন্দিনী (1865), কপালকুন্দলা (1866), অমসুং দেবী চৌধুরানী (1884) য়াওনা মহাক্কী মমিং চৎলবা থবকশিং অসিনা মশাগী মশক খঙনবা হোৎনরিবা কোলোনাইজ সোসাইতী অমগী খুন্নাইগী, চৎনবীগী, অমসুং লমচৎ শাজৎকী ওইবা ৱাফমশিং উৎলি।

ভন্দে মাতরমগী কম্পোজিসন অসি নেস্নেলিস্তকী ৱাখল্লোনগী মাইলস্তোন অমনি হায়না শকখঙনরি, মসিনা মমা লৈবাক অমসুং স্পিরিচুএল আইদিএলিজমদা ইথিল পীবগী মশক তাক্লি। মহাক্কী অইবশিংগী খুত্থাংদা, বঙ্কিম চন্দ্র চেত্তর্জীনা বেঙ্গলী লিতরেচরবু মপাঙ্গল কনখৎহনবতা নত্তনা ভারতকী অঙনবা মতমগী নেস্নেলিস্ত মুভমেন্তকী ফাউন্দেস্নেল আইদিওলোজিকেল প্রিন্সিপলশিংসু ওইখি। ভন্দে মাতরমদা মহাক্না লৈবাক অসিদা মমাগী মিংদা মশক তাকপা মমা লৈবাকগী ৱাখল্লোন পীখি।

ভন্দে মাতরম – অখাং কনবগী ঈশৈ

ওক্তোবর, 1905দা উত্তর কলকতাদা ইমা লৈবাক্কী ৱাখল্লোনবু মিসন অমসুং ধর্মগী অপাম্বা ওইনা পুক্নিং থৌগৎনবা বন্দে মাতরাম সামপ্রদয়া লিংখৎখি। নোংমাইজিং নুমিৎ খুদিংগী, সোসাইতী অসিগী মেম্বরশিংনা প্রভাত পেরিসতা চৎতুনা "ভন্দে মাতরম" শক্লম্মি অমসুং মমা লৈবাক অসিবু মতেং পাংনবগীদমক্তা মীয়ামদগী ভোল্যুন্তরী কন্ত্রিব্যুসন লৌরম্মি। রবীন্দ্রনাথ তেগোরসু করিগুম্বা মতমদা সমপ্রদয়াগী প্রভাত ফেরিসতা শরুক য়াখি।

মে 20, 1906তা, বরিসাল (হৌজিক বঙ্গলাদেশতা)দা, ভন্দে মাতরামগী ফিরালশিং পুদুনা শহরগী মরুওইবা লম্বীশিংদা চৎপা হিন্দু অমসুং মুস্লিম অনিমক্না শরুক য়ারিবা মীওই লিশিং অমদগী হেনবগা লোয়ননা, অমুক্তা ওইখিদ্রিবা ভন্দে মাতরামগী খোঙচৎ অমা পাঙথোকখি।

1906গী ওগস্ত থাদা, ইংলিসকী দেলী অমা বন্দে মাতরম কৌবা বিপিন চন্দ্র পালগী এদিতরশিপ মখাদা হৌদোকখি, শ্রী ঔরোবিন্দোনা মতুং তারকপদা জোইন্ত এদিতর ওইনা য়াওখি। মসিগী অকনবা অমসুং পুক্নিং চিংশিন্নিংঙাই ওইবা এদিতোরিএলশিংগী খুত্থাংদা, পাউচে অসি ভারতপু নীংশিংহন্নবা, মশা-মরোমদোম লেপচবা, অমত্তা ওইবগী অমসুং রাজনিতীগী ওইবা ৱাখল্লোনগী পাউজেল ভারত পুম্বগী মীয়ামদা শন্দোক্নবা শক্তি লৈবা খুৎলাই অমা ওইখি। ভন্দে মাতরাম নুমিৎ খুদিংগী পত্রিকা অসিনা নেস্নেলিজমগী সুসমাচেশন শন্দোক্না তাক্লি। মসিনা নহা ওইরিবা ভারত মচাশিংবু কোলোনিএলগী মখা পোনবগী ৱাংমদা পুখৎনবা পুক্নিং থৌগৎলি। মসিনা নেস্নেলিস্তকী ৱাখল্লোন ফোংদোক্নবা অমসুং মীয়ামগী ৱাখল্লোন পুখৎনবগী মরু ওইবা প্লেৎফোর্ম অমা ওইরি।

ভন্দে মাতরমগী ঈশৈ অমসুং স্লোগান অনিমক্তা হেনগৎলক্লিবা ইথিলদগী চেকশিন্নবা বৃতিশ লৈঙাক্না মসি শন্দোকপা থিংনবা অকনবা খোঙথাংশিং লৌখৎখি। ইস্তর্ন বেঙ্গলগী নৌনা শেমখিবা প্রোভিন্সকী সরকারনা স্কুল অমসুং কোলেজশিংদা ভন্দে মাতরমগী ঈশৈ শকপা নত্ত্রগা থীবদা অথিংবা থমদুনা সর্কুলর থোকখি। এজুকেসনেল ইন্সতিত্যুসনশিংবু দিরেকগনাইজ তৌনবা খঙহনখি, অমসুং রাজনিতীগী থৌওংশিংদা শরুক য়াখিবা মহৈরোইশিংবু সরকারগী থবকশিংদগী অথিংনবা থমজিনখি।

নবেম্বর, 1905দা, বেঙ্গলগী রংপুরদা লৈবা স্কুল অমগী মহৈরোই 200গী মথক্তা লুপা 5গী ফাইন লৌখি, মরমদি মখোয়দা ভন্দে মাতরম শকপগীদমক চৈরাক পীখি। রংপুরদা, পার্তিসনগী মায়োক্তা লৈরম্বা শক্নাইরবা লুচিংবশিংবু স্পেসিএল কন্সতেবল ওইনা থবক তৌনবা অমসুং ভন্দে মাতরম শোনবশিং থিংনবা খঙহনখি। নবেম্বর, 1906দা, মহারাস্ত্রগী ধুলিয়াদা পাংথোকখিবা মীশিং য়াম্লবা মীফম অমদা, ভন্দে মাতরামগী খোঞ্জেলশিং থোরকখি। 1908দা, বেলগাম (কর্নাতকা)দা, লোকমান্য তিলকপু ভর্মাগী মন্দলেদগী থাদোরকপা নুমিত্তা, পুলিসনা নুপা মচা কয়া অমা ফাখি অমসুং ভন্দে মাতরম শকপগীদমক মীওই কয়া অমা ফাখি।

নেস্নেলিজম পোকহন্নবা লানফমদা থেংথাখিবা

"ভন্দে মাতরম"গী ঈশৈ অসি ভারতকী নীংতম লানগী খুদম ওইখি, মসিনা মশানা লৈঙাক্নবগী অপুনবা অপাম্বা অমসুং মীয়াম অমসুং মখোয়গী পোক্নফম লমদমগী মরক্তা লৈবা ইথিলগী মরী অদু উৎখি। অহানবদা স্বদেশী অমসুং এন্তি-পার্তিসনন মুভমেন্তশিংগী মতমদা মীয়াম্না পাম্নবা ওইরকখি, মসিনা জাতিবু মীকপ থোকহন্নবা রিজনেলগী ওইবা অথিংবশিং থুগাইখি। বেঙ্গলগী লম্বীশিংদগী হৌরগা বোম্বেগী কোর অমসুং পঞ্জাবকী তম্পাক ফাওবদা, "ভন্দে মাতরম"গী ঈশৈ অসি কোলোনিয়েল লৈঙাক্কী মায়োক্তা লান্থেংনবগী খুদম অমা ওইনা শন্দোকখি। বৃতিশশিংনা মসিগী রেন্দিসনশিং থিংনবা হোৎনরকপসিনা মসিগী পেত্রিওতিক্কী ওইবা মরুওইবা অদু হেনগৎহনখি, মসিনা জাৎ-বিজাৎ অমসুং লোল কয়াগী মীওইশিংবু পুনশিন্নবা মোরেল ফোর্স অমদা ওন্থোকখি। লুচিংবশিং, মহৈরোইশিং, অমসুং রিভোলুস্নরশিংনা মসিগী ৱাহৈশিং অসিদগী পুক্নিং থৌগৎপীখি, রাজনিতীগী ওইবা এসেমব্লীশিং, খোংজংশিং, অমসুং ইনকার্সেরাসনগী মমাংদা মসিবু শক্নরম্মি। কম্পোজিসন্না দিফেন্সকী থবকশিংদা পুক্নিং থৌগৎপতা নত্তনা ভারতকী নীংতম লম্বীদা ইমোসনেল ওইবা য়ুম্ফম অমা শেমগৎতুনা মুভমেন্ত অসিদা কলচরেল প্রাইদ অমসুং স্পিরিচুএল ইথিলসু পীরম্মি।

"ভন্দে মাতরম" অসি 19শুবা চহিচাগী অথেংবা অমসুং 20শুবা চহিচাগী অঙনবা শরুক্তা ভারতকী নেস্নেলিজমগী হৌরকফম ওইখি।

• ভন্দে মাতরাম অসি কংগ্রেসকী 1896কী মীফমদা রবীন্দ্রনাথ তেগোরনা শকখঙখি।

1905গী অৱাবা মতমশিং অদুদা বেঙ্গলদা এন্তি-পার্তিসন অমসুং স্বদেশী মুভমেন্ত, ঈশৈগী অপীল অদুগা ভন্দে মাতরমগী স্লোগান অসিসু য়াম্না শক্তি লৈখি।

• চহি অসি মক্তদা ইন্দিয়ন নেস্নেল কংগ্রেসকী বারানসী সেসনদা, 'ভন্দে মাতরম'গী ঈশৈ অসি ভারত পুম্বগী থৌরমশিংদা শিজিন্নখি।

এপ্রিল 1906দা, ইস্তর্ন বেঙ্গলগী নৌনা শেমখিবা প্রোভিন্সকী বরিসালদা পাংথোকখিবা বেঙ্গল প্রোভিজনেল কনফরেন্স মনুংদা, ব্রিতিশ ওথোরিতীশিংনা ভন্দে মাতরম অসি মীয়াম্না শকপদা অথিংবা থমখি অমসুং কনফরেন্স অসিসু অথিংবা থমখি। ওর্দর অসিবু থুগাইবা, দেলিগেৎশিংনা স্লোগান অসি লেপ্তনা লাউখি অমসুং পুলিসনা অকনবা মওংদা থেংনখি।

1907গী মে থাদা, লাহোরদা, নহা ওইরিবা ইহৌ হৌরিবশিংগী কাঙলুপ অমনা রাৱলপিন্দিদা স্বদেশী লুচিংবশিং ফাজিনখিবা অদু য়ানিংদবা ফোঙদোক্নবা ভন্দে মাতরম হায়বা স্লোগান লাউদুনা কোলোনিয়েল ওর্দরশিং থুগাইদুনা খোঙচৎ চৎখি। খোঙজং অসি পুলিসনা অকনবা মওংদা থিংখি, অদুম ওইনমক নহারোলশিংনা থোইদোক হেন্দোক্না স্লোগান অসি ফোংদোকপা অসিনা লৈবাক শীনবা থুংনা শন্দোরক্লিবা রেজিস্তেন্সকী ইহুলগী মওং অদু উৎলি।

1908গী ফেব্রুৱারী 27দা, তামিল নাদুগী তুতিকোরিনদা লৈবা কোরেল মিলশিংগী শিন্মী লিশিং অমরোম্না স্বাদেসি স্তীম নেভিগেসন কম্পেনীগা অমত্তা ওইনা অমসুং ওথোরিতীশিংনা লৌখৎলকপা থবকশিংগী মায়োক্তা স্ত্রাইক তৌখি। মখোয়না অথেংবা নুমিদাং ফাওবা লম্বীদা খোঙচৎ চৎতুনা, ভন্দে মাতরম লাউদুনা য়ানীংদবা অমসুং লৈবাক নীংবগী খুদম ওইখি।

1908গী জুন থাদা, লোকমান্য তিলক্কী ত্রাইএল মনুংদা মীওই লিশিং কয়া বোম্বে পুলিস কোর্তকী মপান্দা পুনখি অমসুং মপাঙ্গল কনবা মওংদা ভন্দে মাতরমগী ঈশৈ শকখি। তুংদা, জুন 21, 1914দা, তিলাকপু পুনেদা মহাক থাদোরকপদা চাউনা তরাম্না ওকখি, মহাক্না মহাক্কী মফমদা ফম্লবা মতুং মতম শাংনা ভন্দে মাতরমগী মখোল অদু খোন্থাং য়ৈদুনা লৈহৌখি।

মপালদা লৈরিবা ভারতকী য়াওল্লোইশিংদা পীখিবা ইথিল

• 1907দা, শ্রীমতি ভিকাজী কামানা ভারতকী মপান্দা অহানবা ওইনা স্তুতগার্ত, বর্লিনদা মচু অহুমগী ফিরাল চীংখৎখি, ভন্দে মাতরম হায়বা ৱাহৈশিং অসি ফিরাল অদুদা ইখি।
• ওগস্ত 17, 1909দা, ইংলেন্দদা মদন লাল ধিগনরাবু ফাবা থৌরি য়ানবা মতমদা, মহাক্কী অরোইবা ৱাহৈশিং অদুদি "ভন্দে মাতরম"নি।
• 1909দা, পেরিসতা লৈবা ভারতকী লৈবাক নীংবা মীওইশিংনা জেনেভাদগী ভন্দে মাতারম কৌবা মেগাজিন অমা ফোঙবা হৌখি।
• ওক্তোবর, 1912দা, গোপাল কৃষ্ণ গোখালে খা আফ্রিকাগী কেপ তাউনদা থুংলবা মতমদা, মহাকপু 'ভন্দে মাতরম'গী খোলাউগা লোয়ননা অচৌবা খোঙচৎ অমনা তরাম্না ওকখি।'

জাতিগী থাক

কন্সতিত্যুএন্ত এসেমব্লীদা জন গনা মানা অমসুং ভন্দে মাতরাম অনিমকপু নেস্নেল সিম্বোল ওইনা লৌবদা মপুং ফানা য়ানখি, অমসুং ইসু অদুগী মতাংদা দিবেৎ অমত্তা তৌখিদে। জনুৱারী 24, 1950দা, দোক্তর রাজেন্দ্র প্রসাদনা কন্সতিত্যুএন্ত এসেমব্লীদা ৱা ঙাংখি। মহাক্না হায়খি মদুদি ভন্দে মাতরামনা নীংতম লানফমদা অচৌবা থৌদাং লৌখিবনা মরম ওইদুনা জাতিগী ঈশৈ, জন গনা মনগা মান্নবা থাক অমা লৈগদবনি অমসুং চপ মান্ননা ইকায় খুম্নবা উৎকদবনি। মহাক্না হায়খি,

“খন্ন-নৈনবগীদমক পন্দুনা লৈরিবা ৱাফম অমা লৈ, মদুদি জাতিগী ঈশৈগী ৱাহং অসিনি। মতম অমদা হীরম অসি হাউস অসিগী মমাংদা পুখৎকনি অমসুং হাউস অসিনা রিজোলুসনগী মওংদা ৱারেপ লৌগনি হায়না খল্লি। অদুবু রিজোলুসনগী খুত্থাংদা ফোর্মেল ওইবা ৱারেপ লৌবগী মহুত্তা জাতিগী ঈশৈ মরী লৈননা ঐহাক্না ৱারোল অমা পীবা অসি হেন্না ফগনি হায়না খল্লি। মদুগী মতুং ইন্না ঐহাক্না মসিগী ৱারোল অসি পীজরি।

জন গনা মানা হায়না খঙনবা ৱাহৈ অমসুং ঈশৈগী মচাক অসি ভারতকী জাতিগী ঈশৈনি। মসিগী ৱাহৈশিং অসি সরকারনা অয়াবা পীরবা মতুং ইন্না হোংদোকপা য়াগনি। অমসুং ভারতকী নীংতম লানফমদা পুৱারী ওইরবা থৌদাং অমা লৌখিবা ভন্দে মাতরমগী ঈশৈ অসি জন গনা মানাগা মান্ননা ইকায় খুম্নবা উৎকনি অমসুং মসিগা মান্নবা থাক লৈগনি। (খুবাক খুবা) ঐনা থাজৈ মদুদি মসিনা মেম্বরশিংবু নুংঙাইহল্লগনি।”

মহাক্কী ৱারোল অদু রবীন্দ্রনাথ তেগোরগী জন-গনা-মানা অসি নীংতম্লবা ভারতকী জাতিগী ঈশৈ ওইখিবগা লোয়ননা, বঙ্কিমগী ভন্দে মাতরাম অসি জন-গনা-মানাগা মান্নবা থাক্তা লৈবা জাতিগী ঈশৈ ওইহনখি।

ভন্দে মাতরমনা চহি 150 শুরকপগী নীংশিং থৌরম

লৈবাক অসিনা ভন্দে মাতরামগী চহি 150 মপুং ফারকপগা লোয়ননা ভারত শিনবা থুংনা মসিগী অমত্তা ওইবগী, অখাং কনবগী অমসুং লৈবাক্কী চাউথোকচবগী ঈশৈ অমা ওইনা হোংবা নাইদ্রবা লেগেসী অসিবু ইকায় খুম্নবা উৎনবা থৌরমশিং পাংথোক্লি। ইন্সতিত্যুসনশিং, কলচরেল বোদীশিং, অমসুং এজুকেসনেল সেন্তরশিংনা সেমিনারশিং, একজিবিসনশিং, ম্যুজিকেল রেন্দিসনশিং, অমসুং মীয়ামদা ঈশৈগী পুৱারী অমসুং কলচরেলগী মরুওইবশিং অমুক হন্না য়েংনবা পাংথোক্লি।

ভারত সরকারনা মসি তাঙ্কক মরি থোক্না পাংথোক্কনি।

থবক থৌরম খরা মখাদা পীরি।

নবেম্বর 7, 2025

• দিল্লীদা (ইন্দিরা গান্ধী স্তেদিয়ম) পাংথোক্কদবা নিংশিং থৌরম জাতিগী থাক্তা হৌদোকপগী প্রোগ্রাম।
• লৈবাক শিনবা থুংনা মীয়াম্না শরুক য়াবা VIP থৌরমশিং নবেম্বর 7তা তেহসিলগী থাক ফাওবা পাংথোক্কনি।
• নেস্নেল ইভেন্ত অদুদা কোম্মেমোরেতিব স্তাম্প অমসুং কোইন অমা রিলিজ তৌগনি।
• ভন্দে মাতরমগী পুৱারীগী মতাংদা একজিবিসন অমা পাংথোক্কনি অমসুং অতেনবা ফিল্ম অমা উৎকনি।
• স্তাম্প অমসুং কোইন রিলিজ তৌবগী ফিল্মশিং অসি ওফিসিএল ওইবা থৌরম খুদিংমক্তা উৎকনি।
• থৌরমশিংগী ফোতোশিং অমসুং ভিদিওশিং কেম্পেন ৱেবসাইত্তা অপলোদ তৌগনি।
• নেস্নেল লেবেলদা, প্রোগ্রাম অসিদা লৈবাক শিনবা থুংবদগী শক্নাইরবা শৈশকপশিংনা ভন্দে মাতরমগী তোঙান তোঙানবা এদাপ্তেসনশিং শক্কনি।

চহি চুপ্পা চত্থগদবা থবক-থৌরমশিং

• ওল ইন্দিয়া রেদিও অমসুং দুর্দর্শন অমসুং FM রেদিও কেম্পেনদা অখন্নবা প্রোগ্রামশিং হোস্ত তৌগনি।
• PIBনা তায়র 2 অমসুং 3গী শহরশিংদা ভন্দে মাতরমগী মতাংদা পেনেল দিস্কসন অমসুং দাইলোগশিং পাংথোক্কনি।
• মালেম শীনবা থুংনা লৈরিবা ভারতকী মিসন অমসুং পোস্ত পুম্নমক্তা ভন্দে মাতরমগী ৱাখল্লোনদা কৎথোকপা কলচরেল ইভিনিং অমা পাংথোক্কনি।
• ভন্দে মাতরমগী স্পিরিত অসিগা মরী লৈননা গ্লোবেল ম্যুজিক ফেস্তিবেল অমা শিনবা।
• ভন্দে মাতরম: সলুত তু মাদর আর্থ - ত্রী প্লান্তেসন দ্রাইবশিং পাংথোক্কনি।
•  হায়ৱেশিংদা লৈবাক্কী নীংবগী ইথিল পীবা ম্যুরেলশিং শেম্বা অমসুং দিসপ্লে তৌবা। 
• অদিও মেসেজশিং অমসুং অখন্নবা পাউজেলশিং পাংথোক্কনি। রেলৱে স্তেসনশিং অমসুং এয়রপোর্তশিংদা লৈবা LED দিস্প্লেশিংনা ভন্দে মাতারমগী মরমদা ই-পাউ দিস্প্লে তৌগনি।

অখন্নবা থবক-থৌরমশিং

• ভন্দে মাতরমগী তোঙান-তোঙানবা মায়থোঙশিং, বঙ্কিম চন্দ্র চেত্তর্জীগী পুন্সি ৱারী, নীংতম লান ইহৌদা ভন্দে মাতরমগী থৌদাং, অমসুং ভারতকী পুৱারীগী মতাংদা মিনিত অমমগী ফিল্ম 25 পুথোক্কদৌরি অমসুং সোসিএল মীদিয়াগী খুত্থাংদা মীয়ামদা শন্দোক্কদৌরি।
• লৈবাক নীংবগী ইনর্জী অসি শন্দোক্নবা, ভন্দে মাতরম কেম্পেন অমসুং হর গর তিরঙ্গা কেম্পেন অসি অমুক্তং পাংথোক্কনি।

খোঙথাংশিং অসিনা বঙ্কিম চন্দ্র চত্তোপাধ্যায়গী মতম চুপ্পগী ওইবা থবকশিংবু ইকাই খুম্নবা উৎপতা নত্তনা নীংতম লানগী মতমদা মীরোল কয়াদা ইথিল পীনবদা মহাক্কী থৌদাংবুসু ময়েক শেংহল্লি। থৌরমশিং অসিগী খুত্থাংদা, লৈবাক অসিগী চাউথোকচনীংঙাই ওইরবা মমাঙদগী লৈরক্লবা মরী অমসুং অপুনবা, মশা-মরোমদোম লেপচবা অমসুং চাউরবা নাৎকী তুংলমচৎ অমগী পান্দমশিংগা শম্নহন্দুনা হৌজিক্কী ভারতকীদমক্তা ভন্দে মাতরামগী স্পিরিৎ অসি নৌনা শন্দোক্না তাক্লি।

ৱারোইশিন

ভন্দে মাতরমগী চহি 150 শুরকপা অসি ভারতকী নেস্নেল আইদেন্তিতী শেমগৎপদা ঈশৈ অসি য়াম্না মরু ওইবা পুৱারীগী অমসুং চৎনবীগী ওইবা তাঞ্জা অমা পীরি। তরামাপলশুবা চহি চাগী অরোইবা শরুক্তা ইন্তলেকচুএল অমসুং লিতরেরী মিলেজদগী হৌরকখিবা ভন্দে মাতরম্না মাগী লিতরেরী ওরিজিনশিংদগী হেন্দোক্লদুনা এন্তি-কোলোনিএল রেজিস্তেন্স অমসুং কলেক্তিব এস্পিরেসনগী মপাঙ্গল লৈবা সিম্বোল অমা ওইখি। হৌজিক পাংথোক্লিবা থৌরম অসিনা বঙ্কিম চন্দ্র চত্তোপাধ্যায়গী মীৎয়েংগী মতম চুপ্পগী ওইবা মরী অদু অমুক্কা হন্না নিংশিংহল্লি। মসিদা নত্তনা অনৌবা ভারতকী নেস্নেলিজম, য়ুনিতী অমসুং কলচরেল সেল্ফ-এৱেরনেসকী দিস্কোর্স শাগৎপদা ঈশৈগী থৌদাং অদুগী মতাংদা নৌনা খন্ন-নৈনবগী তাঞ্জা পীরি।

রিফরেন্সশিং:

কলচর মন্ত্রালয়

https://indianculture.gov.in/digital-district-repository/district-repository/vande-mataram-nationalist-artwork

https://knowindia.india.gov.in/national-identity-elements/national-song.php

https://www.abhilekh-patal.in/Category/Search/QuerySearch?query=vande%20mataram

https://indianculture.gov.in/node/2820573

https://amritkaal.nic.in/vande-mataram

প্রেস ইনফোর্মেসন ব্যুরো:

PIB আর্কাইবশিং

https://static.pib.gov.in/WriteReadData/specificdocs/documents/2024/nov/doc20241125450301.pdf

https://www.pib.gov.in/newsite/erelcontent.aspx?relid=11804

PDFতা  য়েংনবা মসিদা নম্মু

***