Farmer's Welfare
নেস্নেল কোওপরেতিব দিবেলপমেন্ত কোর্পোরেসন (NCDC)
“ভারতকী কোওপরেতিব ইকোসিস্তেম মপাঙ্গল কনখৎহনবা”
Posted On:
05 NOV 2025 3:19PM
|
মরু ওইবা ৱাফমশিং
- শেনবা চহি 2025–26গী ওইনা ওক্তোবর 2025 ফাওবদা NCDCনা লুপা করোর 49799.06 দিসবর্স তৌখ্রে।
- 2024–25দা NCDCনা লুপা করোর 95,182.88 দিসবর্স তৌখ্রে, মসি শীংথানিংঙাই ওইনা গ্রোথ লৈদুনা 2014-15দা লুপা করোর 5,735.51দগী চাউনা হেনগৎলকপনি।
- SC/ST কোওপরেতিবশিংদা হৌখিবা চহি অহুমগী (FY 2021-22 to FY 2024-25) মনুংদা NCDCনা পুন্না লুপা করোর 57.78 গী লোনগী শেনফম দিসবর্স তৌখি।
- কোওপরেতিব সেক্তরদা নুপীশিংনা শরুক য়াবা হেনগৎহন্দুনা FY 2021-22দগী FY 2024-25গী মনুংদা নুপী কোওপরেতিবশিংদা পুন্না লুপা 4823.68 দিসবর্স তৌখ্রে।
- 2022–2025গী মনুংদা ইনফ্রাস্ত্রকচর প্রোজেক্তশিংগীদমক অখন্ননা নুপী কোওপরেতিবশিংদা লুপা করোর 2.37 পীখ্রে।
- পুন্না মার্চ 2025 ফাওবদা NCDCনা কোওপরেতিব সুগর মিলশিংদা শেলগী তেংবাং লুপা করোর 33311.79 পীখি।
|
ৱাহৌদোক
গুজরাতকী গুজরাত স্তেৎ কোওপরেতিব মার্কেতিং ফেদরেসন লিমিতেদ (GUJCOMASOL), হিমাচল প্রদেশকী লাহুল পোতেতো গ্রোৱর্স কোওপরেতিব সোসাইতী, ঝারখন্দগী নুপীশিংগী সেল্ফ সপ্পোর্তিং পোলত্রী কোওপরেতিব ফেদরেসন, অমসুং মহারাস্ত্রগী ভিথথলরাও শিন্দে সাহাকরি সখর করখানা - মায় পাক্লবা কোওপরেতিব মোদেলশিং অসিনা ভারতকী কোওপরেতিব মুভমেন্তকী শক্তি অমসুং য়ৌশিনবা ঙম্বা অদুগী খুদম্নি।
মখোয়গী মায় পাকপগী থৌদাং অসি নেস্নেল কোওপরেতিব দিবেলপমেন্ত কোর্পোরেসন (NCDC), ভারত সরকারগী কোওপরেসন মন্ত্রালয়গী মখাদা লৈবা স্তেচ্যুতোরি ওর্গনাইজেসন অমনি, মসি 1963দা লিংখৎখি। NCDCগী পান্দম অমসুং মথৌশিংগী মনুংদা মখাগীসি চল্লি:
- পোত্থোক পুথোকপা হেনগৎহন্নবা অমসুং লৌরোক মতুংদা খুদোংচাবশিং ফংহন্নবা ফার্মর কোওপরেতিবশিং প্রমোৎ তৌবা, মপাঙ্গল কনখৎহনবা অমসুং চাউখৎহনবা
- লৌউ-শিংউগী পোত্থোকশিং প্রোসেসিং, স্তোরেজ, কোল্দ চেন অমসুং মার্কেতিং অমসুং মরু, হার অমসুং অতোপ্পা লৌউ-শিংউগী ইনপুতশিং সপ্লাই তৌবগী সেক্তরশিংদা কোওপরেতিবশিং শেমগৎনবা মতেং পীবা।
- লৌউ-শিংউগী খোংথাংশিংগী মথক্তা, NCDCনা লৌউ-শিংউগী নত্তবা তোঙান তোঙানবা সেক্তরশিংদা শেল থাদবা কোওপরেতিবশিংদা মতেং পাংলি। মসিগী মনুংদা দাইরী, শা-ষন য়োকপা, খুৎশা হৈবগী থবকশিং, সেরিকলচর, পোলত্রী, ফিসরিজ, সেদ্যুল্দ কাস্ত অমসুং সেদ্যুল্দ ত্রাইবশিং, নুপী কোওপরেতিবশিং অসিনচিংবা য়াওরি।
- NCDCনা স্পোন্সর তৌরিবা স্কিমশিং অমসুং NCDCনা ইমপ্লিমেন্ত তৌরিবা তোঙান তোঙানবা ভারত সরকারগী স্কিমশিংগী খুত্থাংদা কোওপরেতিব সেক্তরবু মখোয়গী শেন্মিৎলোন চাউখৎনবা অমসুং খুন্নাইগী থাক ৱাংখৎনবা শেলগী মতেং পীরি।
চহি কয়া অসিদা, নেস্নেল কোওপরেতিব দিবেলপমেন্ত কোর্পোরেসন (NCDC)না ভারতকী কোওপরেতিব ইকোসিস্তেমবু লেপ্তনা শেলগী মতেং পীদুনা মপাঙ্গল কনখৎহন্নবগীদমক কন্না অমসুং লেপ্তনা হোৎনরি। কোর্পোরেসনগী দিসবেসমেন্ত অসি 2014-15দা লুপা করোর 5,735.51 ওইরম্বা অদুদগী 2024-25দা লুপা করোর 95,182.88দা চাউনা হেনগৎলকখ্রে মসিনা সেক্তর পুম্নমক্তা পাকথোক চাউথোকপা উৎলি। হেনগৎলকপগী খোঙচৎ অসিবু মখা চত্থদুনা,2025-26 ফাওবদা, NCDCনা2025গী ওক্তোবর ফাওবদা লুপা করোর 49799.06 পীখ্রে। মসিনা হৌজিক লৈরিবা শেনবা চহি অসিদা চাউনা খুমাং চাওশিনবা উৎলি। মসিগী মথক্তা, ইনক্লুসিবিতী অমসুং ইক্যুইতী প্রমোৎ তৌনবা, NCDCনা হৌখিবা চহি মরি অসিদা (শেনবা চহি 2021-22দগী শেনবা চহি 2024-25 ফাওবা) SC/ST কোওপরেতিবশিংদা লুপা করোর 57.78গী লোন পীখ্রে। মসিনা কোওপরেতিব দিবেলপমেন্তকী কান্নবশিং অসি খুন্নাইগী সেক্সন খুদিংমক্তা য়ৌহনগনি।
ফাইনান্সিএল সপোর্ত লেপ্তনা হেনগৎলকপসিগী থোংদা, NCDCনা কোওপরেতিবশিংবু ইনফ্রাস্ত্রকচর অপগ্রেদ তৌবা, ভেল্যু চেনশিং মপাঙ্গল কনখৎহনবা, অমসুং হাই গ্রোথ সেক্তরশিংদা দাইভর্সিফাই তৌবা ঙমহন্দুনা মখোয়গী দিবেলপমেন্তল ফুতপ্রিন্ত পাকথোক চাউথোকহল্লে। দিসবর্সমেন্তশিংদা মশক থোকপা হেনগৎলকপা অসিনা কোওপরেতিব-লেদ দিবেলপমেন্তকীদমক হেনগৎলক্লিবা দিমান্দ অদু উৎলি। মসিদা নত্তনা মতম চানা অমসুং পান্দম চানা ক্রেদিৎ পীনবগী NCDCগী ইনস্তিত্যুস্নেল কেপাসিতী হেনগৎলকপসু উৎলি। অপুনবা ওইনা, মাগী ইন্তরভেন্সনশিং অসিনা ভারত্তা ইনক্লুসিব, মার্কেত রেস্পোন্সিব, অমসুং সেল্ফ রিলাইএন্ত কোওপরেতিব ইকোসিস্তেম অমা পুথোকপদা NCDCগী মরুওইবা থৌদাং অদু উৎলি।
|
কোওপরেতিব সেক্তর অসিনা ভারতকী শেন্মিৎলোনগী মপাঙ্গল কনবা য়ুম্বী অমা ওইরি। মসিনা খুন্নাই অমসুং শেন্মিৎলোন চাউখৎহনবা, খুঙ্গংগী ইনফ্রাস্ত্রকচর অমসুং থবক ফংহনবদা মরুওইবা থৌদাং অমা লৌরি। কোওপরেতিবশিং অসি ক্রেদিৎ অমসুং বেঙ্কিং, ফর্তিলাইজরশিং, সুগর, দাইরী, মার্কেতিং, কঞ্জ্যুমর গুদস, হেন্দলুম, হেন্দিক্রাফ্তস, ফিসরিজ, অমসুং হাউজিংগুম্বা হীরম কয়াদা এক্তিব ওই। ঙসিদি ভারত্তা মীওই করোর 30গী মথক্তা মেম্বর ওইরিবা কোওপরেতিব লাখ 8.44 হেন্না লৈরে অমসুং লৌমীশিংগী চাদা 94রোমদি কোওপরেতিবশিংগা মরী লৈনরি। খুঙ্গংগী পুন্সি মহিংদা মতেং পাংবদা মখোয়গী মরুওইবা থৌদাং অসি য়েংলগা, দাইরী, পোলত্রি, লাইবস্তোক, ফিসরিজ, সুগর, তেক্সতাইল, প্রোসেসিং, স্তোরেজ অমসুং লেবরগুম্বা সেক্তরশিংদা কোওপরেতিবশিং মপাঙ্গল কনখৎহনবা অসি য়াম্না মরু ওই। হায়রিবা কোওপরেতিবশিং অসিদা অশাংবা মতমগী অমসুং ৱার্কিং কেপিতেলগী লোনশিং পীবনা মখোয়গী ওপরেসনশিং পাকথোক চাউথোকহনবদা, ইনকম জেনরেসন ফগৎহনবদা অমসুং খুঙ্গংগী লমশিংদা তুংকোইনা চাউখৎহনবদা মতেং পাংগনি।
|
NCDCগী দেদিকেতেদ ওইবা খোঙথাংশিং
নেস্নেল কোওপরেতিব দিবেলপমেন্ত কোর্পোরেসন (NCDC) না কোওপরেতিব সেক্তরগী তোঙান তোঙানবা সেগমেন্তশিং মপাঙ্গল কনখৎহন্নবা অমসুং ইন্নোবেসন, ইনক্লুসিবিতী অমসুং মোদর্নাইজেসন প্রমোৎ তৌনবা পান্দম থম্বা স্কিম কয়া অমা হৌদোকখ্রে।
য়ুবা সহাকার-কোওপরেতিব এন্তরপ্রাইস সপ্পোর্ত অমসুং ইন্নোবেসন স্কিম
শেনবা চহি 2019-20দা হৌদোকখিবা স্কিম অসি অনৌবা ৱাখল্লোনশিংগা লোয়ননা নৌনা শেমখিবা কোওপরেতিবশিংবু সপোর্ত তৌদুনা তোঙান তোঙানবা সেক্তরশিংদা কোওপরেতিব স্তার্ত-অপশিং প্রমোৎ তৌনবা দিজাইন তৌবনি। স্কিম অসিনা য়ুং (য়ুভা) ওন্তপ্রিন্যুওর কোওপরেতিব সোসাইতীশিংবু য়ামদ্রবদা থা 3গী ওইনা মথৌ তৌদুনা লাক্লবা মতমদা পুক্নিং থৌগৎলি। মসি NCDCনা শেমখিবা কোওপরেতিব স্তার্ত-অপ অমসুং ইন্নোবেসন ফন্দগা মরী লৈনৈ। অৱাং নোংপোক লমদমদা লৈবা কোওপরেতিবশিং, নিতি আয়োগনা মশক খঙদোক্লবা এস্পিরেস্নেল দিস্ত্রিক্তশিংদা মথৌ তৌরিবা নুপী, SC, ST নত্ত্রগা PwD মেম্বরশিং য়াওবা কোওপরেতিবশিংদা প্রিফরেন্সিএল সপ্পোর্ত পীবগনি।
ইলিজিবিলিতী:
a) অনৌবা, ইন্নোবেসন, অমসুং ভেল্যু চেন এনহেন্সমেন্ত ইন্তেন্দেদ প্রোজেক্তশিং য়াওবা কোওপরেতিব সোসাইতীগী মখল।
b) মদু য়ামদ্রবদা থা অহুমগী ওইনা ওপরেসন তৌগদবনি।
c) পোজিতিব নেৎ-ৱার্থ লৈবা ওইগদবনি।
d) মসিনা মমাংগী চহি (শিং) গী ওপরেসনগী মনুংদা শেল মাংখিবা লৈরোইদবনি, অমসুং হৌখিবা চহি অহুমদা শেল মাংখিবা লৈরোইদবনি (করিগুম্বা সোসাইতী অদু চহি অহুমদগী হেন্না ওপরেসন তৌরবদি) ।
2019দগী হৌনা য়ুভা সহাকারগী মখাদা প্রোজেক্তশিং ইমপ্লিমেন্ত তৌনবা NCDCদগী সপ্পোর্ত ফংখিবা কোওপরেতিব সোসাইতীশিংগী মশিং অসি মখাদা পীরি:
|
ইমপ্লিমেন্ত তৌরিবা কোওপরেতিব সোসাইতীশিংগী মশিং
|
সেঙ্কসন তৌখিবা শেনফম
(লুপা করোরদা)
|
কাইথখিবা শেনফম
(লুপা করোরদা)
|
|
32
|
49.35
|
3.71
|
আয়ুশ্মান সাহাকর
2020-21গী শেনবা চহিদা হৌদোকখিবা, আয়ুশ্মান সাহাকরনা কোওপরেতিব ইন্সতিত্যুসনশিংগী খুত্থাংদা হেল্থকেয়র ইকোসিস্তেম মপাঙ্গল কনখৎহন্নবা অপুনবা থৌরাং অমা লৌখৎলি।
মসিগী পান্দমদি কোওপরেতিব সোসাইতীশিংদা মতেং পীবনি:
কোওপরেতিব সোসাইতীশিংনা হোস্পিতালশিং/ হকশেল/ এজুকেসন ফেসিলিতীশিংগী খুত্থাংদা শেল চংদবা অমসুং হোলিস্তিক হেল্থকেয়র ফংহনবা।
কোওপরেতিব সোসাইতীশিংনা আয়ুশ ফেসিলিতীশিং প্রমোৎ তৌনবা;
নেস্নেল হেল্থ পোলিসীগী পান্দমশিং ফংনবা,
নেস্নেল দিজিতেল হেল্থ মিসনদা শরুক য়াবা।
এজুকেসন, সর্ভিসশিং, ইন্সুরেন্স অমসুং মসিগা মরী লৈনবা থবকশিং য়াওনা কমপ্রেহেন্সিব হেল্থকেয়র ফংহনবা।
ইলিজিবিলিতী:
হোস্পিতাল/হেল্থকেয়র/হেল্থ এজুকেসনগা মরী লৈনবা সর্ভিসশিং পাংথোক্নবগীদমক বাই-লোশিংদা চুনবা প্রোভিজন লৈবা লৈবাক অসিদা লৈবা রাজ্য/মলতি-স্তেৎ কোওপরেতিব সোসাইতী এক্তকী মখাদা রেজিস্তর তৌরবা কোওপরেতিব সোসাইতী অমা হেক্তা।
আয়ুশ্মান সাহাকর স্কিমগী মখাদা FY 2024-25 ফাওবদা হৌদোকখিবদগী হৌনা প্রোজেক্তশিং ইমপ্লিমেন্ত তৌনবা NCDCদগী সপ্পোর্ত ফংখ্রবা কোওপরেতিব সোসাইতীশিংগী মশিং মখাদা পীরি:
|
ইমপ্লিমেন্ত তৌরিবা কোওপরেতিব সোসাইতীশিংগী মশিং
|
সেঙ্কসন তৌখিবা শেনফম
(লুপা করোরদা)
|
কাইথখিবা শেনফম
(লুপা করোরদা)
|
|
9
|
161.90
|
43.19
|
দাইরী সাহাকর
শেনবা চহি 2021-22দা হৌদোকখিবা দাইরী সাহাকরগী পান্দমদি দাইরী কোওপরেতিবশিংবু মপাঙ্গল কনখৎহন্নবা অনৌবা প্রোজেক্তশিং অমসুং হৌজিক লৈরিবা ইনফ্রাস্ত্রকচরগী মোদর্নাইজেসন নৎত্রগা এক্সপান্সন অনিমক্তা শেলগী মতেং পীবনি। স্কিম অসিনা দাইরী সেক্তরগী এন্দ-তু-এন্দ এক্তিবিতীশিংদা মতেং পাংই, মসিদা বোভাইন দিবেলপমেন্ত, মিল্ক প্রোক্যুরমেন্ত অমসুং প্রোসেসিং, ক্বালিতী এস্যুরেন্স, ভেল্যু এদিসন, ব্রান্দিং, পেক্কেজিং, মার্কেতিং, ত্রান্সপোর্ত, স্তোরেজ অমসুং দাইরী প্রদক্তশিং এক্সপোর্ত তৌবা য়াওরি।
মসিগী মথক্তা, NCDCনা মরী লৈনবা সর্ভিসশিং অমসুং মপাঙ্গল হাপ্পা থবকশিং হায়বদি রিন্যুএবল ইনর্জী শিজিন্নবা, ICT সোলুসনশিং, কেত্তল ফীদ অমসুং সপ্লিমেন্ত মেন্যুফেকচরিং, রিসর্চ অমসুং দিবেলপমেন্ত, পেকেজিং মেতরিএল মেন্যুফেকচরিং, দাইরী ইক্বিপমেন্ত অমসুং মেছিনরী মেন্যুফেকচরিং, দাইরীগা মরী লৈনবা মেন্তেনেন্স সর্ভিসশিং, ভেতেরিনরী দ্রগশিং মেন্যুফেকচরিং, ভেতেরিনরী হেল্থকেয়র সর্ভিসশিং পীবা, অমসুং ভেতেরিনরী/দাইরী এজুকেসন্দা এজুকেসন অমসুং কেপাসিতী দিবেলপমেন্তগুম্বা কয়াদা শেলগী তেংবাংলি।
ইলিজিবিলিতী:
বাই-লোশিংদা চুনবা প্রোভিজন অমগা লোয়ননা লৈবাক অসিগী রাজ্য/মলতি-স্তেৎ কোওপরেতিব সোসাইতী এক্তকী মখাদা রেজিস্তর তৌরবা কোওপরেতিব সোসাইতী অমা হেক্তা।
(31.10.2021দগী) 2024-25 ফাওবা দাইরী সাহাকরগী মখাদা সেঙ্কসন অমসুং দিসবর্স তৌখিবা তেংবাং:
|
ইমপ্লিমেন্ত তৌরিবা কোওপরেতিব সোসাইতীশিংগী মশিং
|
সেঙ্কসন তৌখিবা শেনফম
(লুপা করোরদা)
|
কাইথখিবা শেনফম
(লুপা করোরদা)
|
|
16
|
162.28
|
177.72
|
দিজিতেল সাহাকর
2021-22দগী হৌদুনা থবক পায়খৎলিবা স্কিম অসি দিজিতেল ইন্দিয়াগী ভিজনগা লোয়ননা চৎমিন্নরি। মসিনা দিজিতেল ওইনা শক্তি লৈরবা কোওপরেতিবশিং প্রমোৎ তৌনবা, ক্রেদিৎ ফংহনবদা হেন্না ফবা অমা লৈহন্নবা অমসুং গবর্নমেন্ত গ্রান্তশিং, সবসিদীশিং অমসুং ইন্সেন্তিবশিংগা লোয়ননা লেপ্পা লৈতনা মরী লৈনহন্নবা ফাইনান্সিএল অমসুং তেক্নিকেলগী মতেং পীরি।
ইলিজিবিলিতী:
স্তেত/মলতি-স্তেত কোওপরেতিব সোসাইতী এক্তকী মখাদা রেজিস্তর তৌরবা কোওপরেতিব সোসাইতী অমা হেক্তনা স্কিম অসিগী মখাদা শেলগী তেংবাং ফংনবগীদমক ইলিজিবল ওই। FPOশিং, FFPOশিং, অমসুং ফেদরেতেদ SHG কোওপরেতিবশিংসু ইলিজিবল ওই। NCDCনা কোওপরেতিবশিংদা হকথেংননা নত্ত্রগা রাজ্য সরকারশিং/য়ু.তি. এদমিনিস্ত্রেসনশিংগী খুত্থাংদা কোওপরেতিবশিংদা পী।
দীরঘাৱাধি কৃশক পুঞ্জি সাহাকর য়োজনা
2022-23দা হৌদোকখিবা দিরঘাৱাদ কৃশক পঞ্জি সাহাকর য়োজনা অসিনা লৌউ-শিংউগী ক্রেদিৎ কোওপরেতিবশিংদা মতম শাংনা শেলগী তেংবাং পীরি। মসিনা মখোয়দা NCDCগী মেন্দেতকী মখাদা লৈবা লৌউ-শিংউগী থবকশিং, পোত্থোকশিং অমসুং সর্ভিসশিংগী পাক চাউবা রেঞ্জ অমগীদমক ক্রেদিৎ পীবা ঙমহল্লি:
- কোওপরেতিবশিং অমসুং মখোয়গী মেম্বরশিংদা ক্রেদিৎ ফ্লো হেনগৎহনবা অমসুং লেপ্তনা ফংহনবা।
- লৌউ-শিংউ অমসুং মসিগা মরী লৈনবা সেক্তরশিংদা কেপিতেল ফোর্মেশন হেনগৎহনবা।
- লৌউ-শিংউগী নত্তবা সেক্তরগী থবক থৌরমশিংদা মতেং পীনবা, মসিনা খুঙ্গংগী অমসুং সেমি-অর্বানগী মফমশিংদা অতোপ্পা থবক ফংবগী খুদোংচাবশিং ফগৎহনগনি।
ইলিজিবিলিতী:
মখাদা পীরিবা এগ্রিকলচরেল ক্রেদিৎ কোওপরেতিবশিং অসি স্কিম অসিগী মখাদা NCDCগী লোনগীদমক ইলিজিবল ওইগনি:
প্রাইমারী এগ্রিকলচরেল ক্রেদিৎ সোসাইতী (PACS)
দিস্ত্রিক্ত সেন্ত্রেল কোওপরেতিব বেঙ্কশিং (DCCBs)
স্তেত কোওপরেতিব বেঙ্কশিং (StCBs)
প্রাইমারী কোওপরেতিব এগ্রিকলচর এন্দ রুরেল দিবেলপমেন্ত বেঙ্কশিং (PCARDS)
স্তেত কোওপরেতিব এগ্রিকলচর এন্দ রুরেল দিবেলপমেন্ত বেঙ্কশিং (SCARDS)
2024-25 ফাওবদা দিরঘাৱাদ কৃশক পঞ্জি সাহাকর য়োজনাগী মখাদা সেঙ্কসন অমসুং দিসবর্স তৌখিবা তেংবাং:
|
ইমপ্লিমেন্ত তৌরিবা কোওপরেতিব সোসাইতীশিংগী মশিং
|
সেঙ্কসন তৌখিবা শেনফম
(লুপা করোরদা)
|
কাইথখিবা শেনফম
(লুপা করোরদা)
|
|
5
|
5400.76
|
2137.00
|
নুপী কোওপরেতিবশিংদা পীবা তেংবাং
মসিগী মথক্তা, নেস্নেল কোওপরেতিব দিবেলপমেন্ত কোর্পোরেসন (NCDC)না নুপী কোওপরেতিবশিংগীদমক্তা অখন্নবা স্কিমশিংসু পায়খৎলি: a. স্বয়ম শক্তি সাহাকর য়োজনা, অমসুং b. নন্দিনী সাহাকর। হায়রিবা ইনিসিএতিবশিং অসিনা নুপীশিংবু শক্তি লৈহনবদা অমসুং খুঙ্গংগী শেন্মিৎলোন চাউখৎহনবদা মখোয়গী কন্ত্রিব্যুসন মপাঙ্গল কনখৎহনবদা মরুওইবা থৌদাং অমা লৌরি।
স্বয়ম শক্তি সাহাকর য়োজনা
শেনবা চহি 2022-23দা হৌদোকখিবা স্কিম অসিনা নুপী সেল্ফ হেল্প গ্রুপ (SHG)শিংদা লোন অমসুং এদভান্স পীনবগীদমক এগ্রিকলচরেল ক্রেদিৎ কোওপরেতিবশিংদা শেলগী তেংবাং পীরি। স্কিম অসিগী মখাদা, প্রাইমরী এগ্রিকলচরেল ক্রেদিৎ সোসাইতীশিং (PACS), দিস্ত্রিক্ত সেন্ত্রেল কোওপরেতিব বেঙ্কশিং (DCCBs), স্তেৎ কোওপরেতিব বেঙ্কশিং (StCBs) অমসুং SHG ক্রেদিৎকী খুদোংচাবা হেনগৎহন্দুনা, স্কিম অসিনা খুঙ্গংগী শেন্মিৎলোনগী থবকশিংদা নুপীশিংনা শরুক য়াবা হেনগৎহনবদা মরুওইবা থৌদাং অমা লৌরি।
নন্দিনী সাহাকর
কোওপরেতিবশিংদা মখোয়গী শরুক য়াবা হেনগৎহন্দুনা নুপীশিংদা শক্তি পীনবা পান্দম থম্লি। মসিনা নুপীশিংনা লুচিংবা কোওপরেতিবশিংদা বিজিনেস প্লান্নিং, ইন্তর্প্রাইজ দিবেলপমেন্ত, কেপাসিতী বিল্দিং, অমসুং অতোপ্পা সরকারগী স্কিমশিংদগী ক্রেদিৎ, সবসিদী অমসুং ইন্তরেস্ত সবভেন্সনগী খুত্থাংদা শেলগী মতেং পীদুনা মতেং পাংই। স্কিম অসি শেনবা চহি 2020-21দগী চৎনবা হৌখ্রে।
ইলিজিবিলিতী:
|
FY 2021-22 দগী FY 2024-25 ফাওবদা NCDCনা তেংবাং পীরিবা নুপী কোওপরেতিবশিংগী মশিং
|
FY 2021-22 দগী FY 2024-25 ফাওবদা সেঙ্কসন তৌখিবা শেনফম (লুপা করোরদা)
|
FY 2021-22 দগী FY 2024-25 ফাওবদা কাইথখিবা শেনফম (লুপা করোরদা)
|
|
34
|
6283.71
|
4823.68
|
লৈবাক অসিদা লৈরিবা স্তেত/মল্তি-স্তেত কোওপরেতিব সোসাইতী এক্তকী মখাদা রেজিস্তর তৌরবা নুপী কোওপরেতিব সোসাইতী অমা হেক্তনা ইলিজিবল ওইগনি। প্রাইমরী থাক্তা নুপী মেম্বরগী মশিং য়ামদ্রবদা 50% লৈবা কোওপরেতিব সোসাইতী অমা হেক্তসু ইলিজিবল ওই। অনৌবা অমসুং/নত্ত্রগা ইনোবেতিব এক্তিবিতীশিংগা মরী লৈনবা প্রোজেক্তশিংগী মতাংদদি, য়ামদ্রবদা থা অহুমদগী মথৌ তৌদুনা লাক্লবা নুপী কোওপরেতিবশিংসু মতেং ফংনবগী ইলিজিবল ওই।
- কোওপরেতিব সেক্তরদা নুপীশিংনা শরুক য়াবা মপাঙ্গল কনখৎহন্দুনা 2022-2025গী মরক্তা নুপী কোওপরেতিবশিংদা পুন্না লুপা করোর 4823.68 দিসবর্স তৌখি।
- 2022–2025গী মনুংদা ইনফ্রাস্ত্রকচর প্রোজেক্তশিংগীদমক অখন্ননা নুপী কোওপরেতিবশিংদা লুপা করোর 2.37 পীখি।
|
নেস্নেল কোওপরেতিব দিবেলপমেন্ত কোর্পোরেসনদা গ্রান্ত-ইন-এদকীদমক হান্নগী সেন্ত্রেল সেক্তর স্কিম
কোওপরেতিব সুগর মিলশিং মপাঙ্গল কনখৎহন্নবা NCDCদা গ্রান্ত-ইন-এদ স্কিমগী মখাদা সরকারনা নেস্নেল কোওপরেতিব দিবেলপমেন্ত কোর্পোরেসনদা 2022-23 অমসুং 2024-25গী মনুংদা লুপা করোর1,000গী গ্রান্ত পীখ্রে। মসিগী মতেং অসি শিজিন্নদুনা, NCDCনা কোওপরেতিব সুগর মিলশিংদা ইথানোল নৎত্রগা কোজেনেসন প্লান্তশিং লিংখৎনবা অমসুং ৱার্কিং কেপিতেলগী মথৌ তাবশিং ফংহন্নবা লুপা করোর 10,000 ফাওবগী লোন পীরি। ক্রেদিৎ হেন্না ফংহন্নবা, NCDCনা মসিগী ফন্দিং পেতর্ন অসি 70:30দগী 90:10দা শেমদোকখ্রে। মসিনা সোসাইতীশিংনা প্রোজেক্তকী শেনফমগী চাদা 10 খক্তমক কন্ত্রিব্যুত তৌগনি, অদুগা লেমহৌরিবা অসি NCDCনা শেল থাদগনি। তর্ম লোনশিংগী ইন্তরেস্ত রেৎসু চাদা 8.5দা হন্থখ্রে।
স্কিম অসিগী খুত্থাংদা, NCDCনা লুপা করোর 10,005গী শেন-থুমগী তেংবাং অসি লৈবাক শিনবা থুংনা কোওপরেতিব সুগর মিল 56 লৈরে।
অতোপ্পা মন্ত্রালয়শিংগী স্কিমশিং
কমপ্রিহেন্সিব ওভরভ্যু অমা পীনবগীদমক্তা, NCDCনা অহেনবা ইনিসিএতিবশিংদা শরুক য়াবা অসি মরুওই। কোর্পোরেসন অসিনা ভারত সরকারগী সেন্ত্রেল সেক্তর অমসুং সেন্ত্রেল্লী স্পোন্সর তৌরবা স্কিম কয়া অমসু ইমপ্লিমেন্ত তৌরি। মসিনা লৌউ-শিংউ, হোর্তিকলচর, ফিসরিজ, দাইরী, লাইবস্তোক, ফুদ প্রোসেসিং, মার্কেতিং, স্তোরেজ অমসুং কোল্দ চেন ইনফ্রাস্ত্রকচর য়াওনা সেক্তর খুদিংমক্তা কোওপরেতিব ইন্সতিত্যুসনশিং পুন্না চাউখৎহনবদা মতেং পাংলি।
কোওপরেতিব সেক্তরদা লৈরিবা অনৌবা দিবেলপমেন্তশিং
কোওপরেতিব সেক্তর সিবেলপমেন্তগীদমক NCDCদা পীবা গ্রান্ত-ইন-এদ সপ্পোর্ত
কেন্দ্রগী মন্ত্রীমন্দলনা 2025-26দগী 2028-29 ফাওবগী মনুংদা লুপা করোর 2,000গী অপুনবা শেনফমগা লোয়ননা “গ্রান্ত ইন এদ তু নেস্নেল কোওপরেতিব দিবেলপমেন্ত কোর্পোরেসন (NCDC)” সেন্ত্রেল সেক্তর স্কিম অমা অয়াবা পীখ্রে। স্কিম অসিগী মখাদা চহি খুদিংগী লুপা করোর 500 থাদোক্কনি, মসিনা NCDCদা হায়রিবা গ্রান্তশিং অসি শীজিন্নবা ঙমহল্লগনি অমসুং চহি মরিগী মনুংদা ওপন মার্কেত্তগী লুপা করোর 20,000 রোম পুথোকপা ঙমহল্লগনি।
ফাইনান্সিএল কেপাসিতী হেনগৎলকপনা NCDCনা কোওপরেতিব সোসাইতীশিংদা অনৌবা ভেঞ্চরশিং লিংখৎনবা, হৌজিক লৈরিবা প্লান্তশিং পাকথোক চাউথোকহন্নবা অমসুং মখোয়গী ৱার্কিং কেপিতেলগী মথৌ তাবশিং ফংহন্নবা লোন পীনবদা মতেং পাংগনি। লৈবাক শিনবা থুংনা মখল কয়াগী সেক্তরশিংদা লৈরিবা কোওপরেতিব সোসাইতী 13,288গী চাউরাক্না মেম্বর করোর 2.9না কান্নবা ফংগনি হায়না পানরি। মখোয়শিং অদুদি দাইরী, লাইবস্তোক, ফিসরিজ, সুগর, তেক্সতাইল, ফুদ প্রোসেসিং, স্তোরেজ অমসুং কোল্দ স্তোরেজ, লেবর অমসুং নুপীশিংনা লুচিংবা কোওপরেতিবশিংনি।
নেস্নেল কোওপরেতিব সোসাইতী পোলিসী
নেস্নেল কোওপরেসন পোলিসী (NCP) 2025না 2047 ফাওবদা বিক্সিত ভারত ওইহন্নবা লৈবাক অসিগী পান্দমগী মতুং ইন্না ভারতকী কোওপরেতিব মুভমেন্তপু নৌনা হিংগৎহন্নবা ময়েক শেংবা ভিজন অমা থম্লি। সাহাকর-সে-সমৃদ্ধিগী ৱাখল্লোনগী লমজিং মখাদা, পোলিসী অসিনা কোওপরেতিব ফ্রেমৱার্ক মপাঙ্গল কনখৎহন্নবা, ইনক্লুসিব ইকোনোমিক গ্রোথ প্রোমোৎ তৌনবা অমসুং খুঙ্গংগী কম্ম্যুনিতীশিংবু পুন্না শরুক য়ামিন্নদুনা শক্তি লৈহন্নবা হোৎনরি। কোওপরেতিবশিং অসি ত্রান্সপরেন্ত, তেক্নোলোজী-দাইভর্স অমসুং প্রোফেস্নেল ওইনা মেনেজ তৌরিবা এন্তরপ্রাইজশিং ওইহনবা ঙম্বা সপোর্তিব লিগেল, ইকনোমিক অমসুং ইন্সতিত্যুস্নেল এনভাইরনমেন্ত অমা শেমগৎপদা মীৎয়েং থম্লি। ইনিসিয়েতিব অসি নেস্নেল কোওপরেতিব দিবেলপমেন্ত কোরপোরেসন (NCDC) না মরুওইবা কোওপরেতিব ইন্সতিত্যুসন তরেৎ - IFFCO, NAFED, অমুল, KRIBHCO, NDDB, NCEL, অমসুং NABARD- খুৎশম্নদুনা পায়খৎলি।
ৱারোইশিন
নেস্নেল কোওপরেতিব দিবেলপমেন্ত কোর্পোরেসন অসি ভারতকী কোওপরেতিব গ্রোথকী য়ুম্বী ওইদুনা লৈরি। মসিনা তুং কোইনা ফাইনান্সিএল পর্ফোমেন্স অমসুং সেক্তরেল ইনক্লুসিবিতীগী খুত্থাংদা ইনক্লুসিব ইকোনোমিক গ্রোথ পুরক্লি। য়ুভা সাহাকর, আয়ুশ্মান সাহাকর, দাইরী সাহকর, দিজিতেল সাহাকর, স্বয়ম শক্তি সাহাকর অমসুং নন্দিনী সাহাকরনচিংবা শেন-থুমগী তেংবাং অমসুং শাফু পীবা স্কিমশিংনা লৌউ-শিংউ অমসুং দাইরীদগী হৌরগা হকশেলগী লমদা, দিজিতেল এম্পাৱরমেন্ত অমসুং নুপীশিংনা লুচিংবা এন্তরপ্রাইজশিংদা মপাঙ্গল কনখৎহল্লে।
সুগর, দাইরী, ফিসরিজ অমসুং অতৈ মরুওইবা সেক্তরশিংদা কোওপরেতিবশিংদা লেপ্তনা তেংবাংদুনা, NCDCনা মশা-মরোমদোম লেপচবা অমসুং ইনক্লুসিব দিবেলপমেন্ত পুক্নিং থৌগৎপদা মরুওইবা থৌদাং লৌরি। হন্দক্তা হৌদোকখিবা গ্রান্ত-ইন-এদ স্কিম অমসুং নেস্নেল কোওপরেসন পোলিসী 2025না গবর্নমেন্তকী ত্রান্সপরেন্ত, তেক্নোলোজী-দ্রিভেন অমসুং মালেমগী থাক্তা কম্পিতিতিব ওইবা কোওপরেতিব সেক্তর অমা শেমগৎনবা অচেৎপা ফিরেপ অদু হেন্না চেৎশিলহল্লি। কোওপরেতিবশিংনা লৈবাক শীনবা থুংনা মখোয়গী খোঙজং মখা তানা পাকথোক চাউথোকহল্লকপগা লোয়ননা, শেল-থুমগী খুদোংচাবশিং ফংহনবা, কেপাসিতী-বিল্দিং অমসুং স্ত্রেতেজিক সেক্তরেল ইন্তরভেন্সনশিং ফংহনবদা NCDCগী থৌদাং অসি য়াম্না মরু ওইগনি। NCDCনা মাগী কন্না হোৎনবশিংগী খুত্থাংদা কোওপরেতিব ইন্সতিত্যুসনশিংবু মপাঙ্গল কনখৎহনবতা নত্তনা আত্মনির্ভর অমসুং তুংকোইনা চৎথগদবা খুঙ্গংগী চাউখৎপগী মায়কৈদা ভারতকী খোঙচৎতা মশক থোক্না তেংবাংলি।
ফিরেন্সেশিং
কোওপরেসন মন্ত্রালয়
https://www.ncdc.in/index.jsp
নেস্নেল কোওপরেতিব দিবেলপমেন্ত কোর্পোরেসন
https://www.ncdc.in/index.jsp?page=successful-cooperatives
https://www.ncdc.in/documents/booklet/2609240524English-Compendium-as-on-22.05.2024.pdf
লোক সভা
https://sansad.in/getFile/loksabhaquestions/annex/185/AU4216_29yz87.pdf?source=pqals#:~:text=5.,%2C%20subsidy%2C%20incentives%2C%20etc.
রাজ্য সভা
https://sansad.in/getFile/annex/268/AU2591_4ZHE2g.pdf?source=pqars
https://sansad.in/getFile/annex/268/AU1129_3OlIvD.pdf?source=pqars
PIB প্রেস রিলিজ
https://www.pib.gov.in/PressReleseDetailm.aspx?PRID=2152473
https://www.pib.gov.in/PressReleasePage.aspx?PRID=2155612
https://www.pib.gov.in/PressReleasePage.aspx?PRID=2150641
https://www.pib.gov.in/FactsheetDetails.aspx?Id=149229#:~:text=The%20National%20Cooperation%20Policy%20(NCP,driver%2C%20especially%20in%20rural%20India.
https://www.pib.gov.in/PressReleasePage.aspx?PRID=2153188
https://www.pib.gov.in/PressReleasePage.aspx?PRID=2150238
https://www.pib.gov.in/PressReleasePage.aspx?PRID=2112725
https://www.pib.gov.in/PressReleasePage.aspx?PRID=2155612
https://www.pib.gov.in/PressReleasePage.aspx?PRID=2150641
https://www.pib.gov.in/FactsheetDetails.aspx?Id=149229
https://www.pib.gov.in/PressReleasePage.aspx?PRID=2157873
https://www.pib.gov.in/PressReleasePage.aspx?PRID=2082789
PDFদা য়েংবীয়ু
***
(Backgrounder ID: 155908)
Visitor Counter : 1
Provide suggestions / comments