Farmer's Welfare
ইন্তেগ্রেতেদ কোল্দ চেন এন্দ ভেলু এদিসন ইনফ্রাষ্ট্রকচর (আই সি সি ভি এ আই)
লৌবুক্কী থোঙ্গালদগী কঞ্জুমর ফাওবগী ভারতকী পোষ্ট-হার্ভেষ্ট সপ্লাই চেন
Posted On:
29 OCT 2025 10:13AM
ৱাহৌদোক
উহৈশিং, মনা-মশিং, শঙ্গোম, শা, য়েন অমসুং য়েরুম অমসুং ঙা য়াওনা য়াম্না পৎকনবা পোৎথোকশিং য়াওনা পোষ্ট-হার্ভেষ্টকী মাঙবা অসি ভারতকী অচৌবা খুদোংচাদবা অমনি। লোকপা, পুবা, লীদুনা থম্বা অমসুং শেম-শাবদা য়াওনা সপ্লাই চেন শীনবা থুংনা মাঙহল্লি হায়বা থিজিনবদগী খঙলে অমসুং মসিনা লৌমীশিংগী শেন্থোক হন্থহল্লে, পোৎকী মমল হেনগৎহল্লে অমসুং চীঞ্জাক ৱাৎহল্লে। খুদোংচাদবশিং অসি কোকহন্নবা, প্রধান মন্ত্রী কিষান সম্পদা য়োজনাগী শরুক অমা ওইনা কোল্দ চেন স্কিম ওইনা ফুদ প্রোসেসিং ইন্দষ্ট্রি মিনিষ্ট্রিনা ইন্তেগ্রেতেদ কোল্দ চেন এন্দ ভেলু এদিসন ইনফ্রাষ্ট্রকচর (আই সি সি ভি এ আই) পায়খৎলে।
স্কিম অসিগী পান্দমদি পোষ্ট-হার্ভেষ্টগী মাঙবা হন্থহন্নবা অমসুং লৌমীশিং মখোয়গী পোৎথোকশিংগী চুনবা মমল ফংহনবদা মতেং পাংগনি। স্কিম অসি মাঙজৌননা হৌদোকখ্রবসু, মসি অমুক হন্না শেমদোক্লে অমসুং ২০১৬-১৭ দা প্রধান মন্ত্রী কিষান সম্পদা য়োজনাগী মখাদা লৈহল্লে। প্রধান মন্ত্রী কিষান সম্পদা য়োজনা অসি ফুদ প্রোসেসিং ইন্দষ্ট্রি মিনিষ্ট্রিগী মখাদা লৈদুনা লৌবুক্তগী য়োনফম ফাওবা সপ্লাই চেন মেনেজমেন্তগী অনৌবা ইনফ্রাষ্ট্রকচর শেমগৎনবা পান্দম থম্লি। লৌমীশিং, শেম-শারিবশিং অমসুং কৈথেলশিং শম্ননবা অমসুং মাঙবা হন্থহন্নবা, থবক ফংবা হেনগৎনবা অমসুং পৎকনবা পোৎলমশিং চাংদম্না হেনগৎহন্নবা প্রধান মন্ত্রী কিষান সম্পদা য়োজনাগী মখাদা লৈবা কোল্দ চেন স্কিমনা মপুংফাবা কোল্দ চেনগী থবকশিং পায়খৎলে। কোল্দ চেন ইনফ্রাষ্ট্রকচর অসি লীদুনা থম্বা খক্তগী নত্তে। মসিদা ফার্মশিং, প্রোসেসিং সেন্তরশিং, য়েন্থোক্নবা মফমশিং অমসুং অইং-অশা কন্ত্রোল তৌবা পুথোক-পুশিনগী থবকশিংদা প্রি-কুলিংগী খুদোংচাবশিং পীবা য়াওরি। স্কিম অসিদা হোর্তিকলচর, শঙ্গোম, শা, য়েন অমসুং সমুদ্র অমসুং ঙাগী পোৎথোকশিং য়াওরি, মরম অদুনা লৌউ-শিংউ অমসুং মসিগা মরী লৈনবা উদ্যোগশিংগী য়াম্না পৎকনবা পোৎলমশিং কোনশিল্লে। অমুক হন্না শেমদোকপা অসিনা ফজনা মতেং পাংনবা অমসুং অনি থোকপা মাঙজৌননা থিংনবা পান্দম থম্লি। মসিনা উহৈশিং, মনা-মশিংশিং অমসুং খজিং ওপরেসন গ্রিন স্কিমগী মখাদা লৈহল্লে অমসুং মসি সপ্লাই চেনশিং ফজনা লৈহন্নবা পি.এম.কে.এস.ৱাইগী অতোপ্পা মচাক অমনি।
২০২০ দা নাবার্দ কন্সলতেন্সি সর্বিসেস প্রাইভেদ লিমিতেদনা পাংথোকখিবা থিজিনবা অমদা ইন্তেগ্রেতেদ কোল্দ চেন এন্দ ভেলু এদিসন ইনফ্রাষ্ট্রকচর (আই সি সি ভি এ আই) স্কিমনা উহৈশিং, মনা-মশিং, শঙ্গোম অমসুং ঙা পৎপদগী মপুংফানা হন্থহল্লি হায়না ফোঙদোকখি।
ইন্তেগ্রেতেদ কোল্দ চেন এন্দ ভেলু এদিসন ইনফ্রাষ্ট্রকচর (আই সি সি ভি এ আই) গী পান্দমশিং
স্কিম অসিগী পান্দমদি কোল্দ চেন ইনফ্রাষ্ট্রকচর মপুংফানা চাউখৎহনবনি:
ইন্তেগ্রেতেদ কোল্দ চেন এন্দ ভেলু এদিসন ইনফ্রাষ্ট্রকচর (আই সি সি ভি এ আই) গী মরুওইবা মচাকশিং:
লৌফমগী থাক ফাওবদা সপ্লাই চেন শীনবা থুংনা খুদোংচাবশিং শেমগৎপদা স্কিম অসিনা শৌগৎলি। কোল্দ চেন স্কিমগী মখাদা শেন্থং ফংনবা, মখোয়না ফার্ম লেভেল ইনফ্রাষ্ট্রকচর শেমগৎকদবনি অমসুং মসিগা দিষ্ট্রিব্যুসন হব অমসুং রেফ্রিজেরেতেদ/ইন্সুলেতেদ ত্রান্সপোর্তকা শম্নগনি।
মসিগী মরুওইবা মচাশিংদা য়াওরিবদি:
ফুদ প্রোসেসিং য়ুনিত লিংখৎনবা পি.আই.এগী ইলিজিবিলিতি
ইন্তেগ্রেতেদ কোল্দ চেন এন্দ ভেলু এদিসন ইনফ্রাষ্ট্রকচর (আই সি সি ভি এ আই) অসি দরকারগী মতুংইন্না পায়খৎপা স্কিম অমনি। পি.আই.এশিংনা ফুদ প্রোসেসিং য়ুনিতশিং লিংখৎপা য়াগনি। মখাগী অসিদগী অমা হেক্ত পি.আই.এ ওইবা য়াগনি:
• লনাই লৌমীশিং
• ফার্মর প্রদুসর ওর্গনাইজেসনশিং, ফার্মর প্রদুসর কম্পেনিশিং, এন.জি.ওশিং, পি.এস.য়ুশিং, ফার্মশিং, কম্পেনিশিং, কোর্পোরেসনশিং, কোওপরেতিপশিং অমসুং সেল্ফ-হেল্প গ্রুপশিংগুম্বা লুপশিং।
ফন্দ লৈবগী মতুংইন্না, এক্সপ্রেসন ওফ ইন্তরেষ্টগী খুৎথাংদা শরুক য়াবা য়াবা লুপশিংদগী মিনিষ্ট্রিনা এপ্লিকেসনশিং কৌরে। চীঞ্জাকশিং পৈশীন্দুনা থম্নবা রাজ্যশিংদগী অয়াবা লৌবা দরকার ওইদে, অদুবু ফুদ প্রোসেসিং য়ুনিতশিং লিংখৎনবা রাজ্যশিংগী মতেং দরকার ওই।
ইন্তেগ্রেতেদ কোল্দ চেন এন্দ ভেলু এদিসন ইনফ্রাষ্ট্রকচর (আই সি সি ভি এ আই) স্কিম মতেং পাংনবা সরকারগী মরুওইবা থবকশিং
মিসন ফোর ইন্তেগ্রেতেদ দিবলপমেন্ত ওফ হোর্তিকলচর, নেসনেল হোর্তিকলচর বোর্দ অমসুং এগ্রিকলচর ইনফ্রাষ্ট্রকচর ফন্দ অসি ইন্তেগ্রেতেদ কোল্দ চেন এন্দ ভেলু এদিসন ইনফ্রাষ্ট্রকচর (আই সি সি ভি এ আই) স্কিম মতেং পাংনবা সরকারগী মরুওইবা থবক খরনি।
1. মিসন ফোর ইন্তেগ্রেতেদ দিবলপমেন্ত ওফ হোর্তিকলচর
মিসন ফোর ইন্তেগ্রেতেদ দিবলপমেন্ত ওফ হোর্তিকলচরগী মখাদা, লৈবাক শীনবা থুংনা এম.তি ৫০০০ ফাওবগী কোল্দ ষ্টোরেজশিং শাবা, পাকথোক-চাউথোকপা অমসুং মতমগা চুন্না শেমগৎপা য়াওনা হোর্তিকলচরগী থবকশিংদা শেন্থং পীরি। রাজ্যশিং অমসুং য়ু.তিশিংনা পীখৎলকপা এন্নুয়েল এক্সন প্লানশিংদা য়ুম্ফম ওইদুনা প্রোজেকশিং অসি পায়খৎলি। কোল্দ ষ্টোরেজগী মচাক অসি দরকারগী মতুংইন্না পায়খৎপনি অমসুং মসিদা জেনেরেল এরিয়াশিংদা অপুনবা শেনফমগী চাদা ৩৫ সবসিদি ওইনা পীরি অমসুং অৱাং-নোংপোক অমসুং চীঙগী শরুকশিং অমসুং সেদুল এরিয়াশিংদা চাদা ৫০ পীরি। মাগী মাগী রাজ্যগী হোর্তিকলচর মিসনশিংগী খুৎথাংদা মতেং পাংলি।
2. ওপরেসন গ্রিন্স স্কিম
লৌমীশিং শেন্দোং হেন্না ফংনবা অমসুং পোষ্ট-হার্ভেষ্ট মতুংগী অমাং-অতাশিং হন্থহন্নবা পান্দমগা লোয়ননা, ২০১৮-১৯ দগী হৌনা প্রধান মন্ত্রী কিষান সম্পদা য়োজনাগী মখাদা মিনিষ্ট্রিনা অতোপ্পা কেন্দ্র সরকারগী স্কিম অমা পায়খৎলে। স্কিম অসি অহানবদা খামেন অশীনবা, তিলহৌ অমসুং অলুগীদমক পায়খৎখিবনি অদুবু তুংদা তোঙান তোঙানবা উহৈশিং অমসুং মনা-মশিং অমসুং খজিং কোনশিনখিবনি।
3. নেসনেল হোর্তিকলচর বোর্দকী থবকশিং
নেসনেল হোর্তিকলচর বোর্দনা “কেপিতেল ইনভেষ্টমেন্ত সবসিদি ফোর কন্সত্রক্সন /এক্সপান্সন/মোদর্নাইজেসন ওফ কোল্দ ষ্টোরেজ এন্দ ষ্টোরেজেস ফোর হোর্তিকলচর প্রদক্স” কৌবা স্কিম অমা পায়খৎলি। স্কিম অসিনা জেনেরেল এরিয়াশিংদা অপুনবা শেনফমগী চাদা ৩৫ সবসিদি ওইনা পীরি অমসুং অৱাং-নোংপোক অমসুং চীঙগী শরুকশিং অমসুং সেদুল এরিয়াশিংদা চাদা ৫০ পীরি। মসিনা কোল্দ ষ্টোরেজ শাবা, পাকথোক-চাউথোকপা অমসুং মতমগা চুন্না শেমগৎপগী মতেং পীরি অমসুং পোৎথোকশিং লোক্লবা মতুংদা পৎতুনা মাঙবা হন্থহন্নবা, এম.তি ৫,০০০ দগী এম.তি ২০,০০০ ফাওবগী কন্ত্রোল এদমোস্ফিয়ার ষ্টোরেজশিংগী মতেং পাংলি।
4. এগ্রিকলচর ইনফ্রাষ্ট্রকচর ফন্দ
লৈবাক শীনবা থুংনা এগ্রিকলচর ইনফ্রাষ্ট্রকচর মখা তানা ফগৎহন্নবা, সরকারনা লুপ করোর লাখ ১ গী কোর্পস অমগা লোয়ননা এগ্রিকলচর ইনফ্রাষ্ট্রকচর ফন্দ হৌদোক্লে। ফন্দ অসিনা কোল্দ ষ্টোরেজশিং, পোৎ-চৈ থমফমশিং অমসুং প্রোসেসিং য়ুনিতশিং য়াওনা পোষ্ট-হার্ভেষ্ট মেনেজমেন্ত অমসুং লৌমীশিংগী লন-থুমশিং শেমগৎনবা পান্দম থম্লি। বেনিফিসরিশিংদা চহি অমগী শেন্দোয় চাদা ৩দা গরেন্তি য়াওদনা লুপা করোর ২ ফাওবা লোন লৌবা য়ারে।
শেন্থং পীবা
প্রধান মন্ত্রী কিষান সম্পদা য়োজনা (২০২৫) গী মখাদা বজেতকী শেনফম হেনগৎহল্লে
জুলাই ২০২৫ দা কেন্দ্রগী মন্ত্রীমন্দলনা প্রধান মন্ত্রী কিষান সম্পদা য়োজনাগীদমক লুপা করোর ১৯২০ গী অহেনবা শেনফম অমা কাইথোকপগী অয়াবা পীখ্রে, মসিগা লোয়ননা ১৫শুবা ফাইনান্স কম্মিসন সাইকল (মার্চ ৩১, ২০২৬ ফাওবা) গীদমক অপুনবা শেনফম লুপা করোর ৬৫২০ য়ৌরে। অয়াবা অসিগী মনুংদা ইন্তেগ্রেতেদ কোল্দ চেন এন্দ ভেলু এদিসন ইনফ্রাষ্ট্রকচর (আই সি সি ভি এ আই) স্কিমগী মখাদা মল্তি-প্রদক ফুদ ইরিদিএসন য়ুনিত ৫০ লিংখৎনবা লুপা করোর ১০০০ পীবা য়াওরি। মসিদা কোল্দ চেন ইনফ্রাষ্ট্রকচর ফগৎনবা সরকারগী অকনবা থবকশিংগী মমি তারে। স্কিম অসিনা কোল্দ চেন প্রোজেকশিং লিংখৎনবা জেনরেল এরিয়াদা অপুনবা প্রোজেক কোষ্টকী চাদা ৩৫ অমসুং খুদোংচাদবা এরিয়াশিংদা চাদা ৫০ সবসিদি নত্ত্রগা গ্রান্তশিং পীরি। লোয়ননা এস.তি/এস.সি কাংবু, এফ.পি.ওশিং, এস.ঐচ.জিশিং, অৱাং-নোংপোক রাজ্যশিং, উত্তরখন্দ, হিমাচল প্রদেস, জম্মু অমসুং কাস্মির, লাদাখ অমসুং ইন্তেগ্রেতেদ ত্রাইবেল দিবলপমেন্ত প্রোগ্রাম এরিয়াশিং অমসুং ইথৎশিংদা চাদা ৫০ পীরি। প্রোজেক অমনা লুপা করোর ১০ ফাওবগী শেন্থং লৌবা য়াগনি।
মাইপাকপশিং অমসুং চাউখৎলকপা
কোল্দ চেন স্কিম ২০০৮ দা হেক লিংখৎপদগী স্কিম অসিগী মখাদা জুন ২০২৫ ফাওবা অপুনবা কোল্দ চেন প্রোজেক ৩৯৫ অয়াবা পীখ্রে। প্রোজেকশিংগী মনুংদা, প্রোজেক ২৯১ লোইশিনখ্রে অমসুং থবক তৌরি অমসুং চহি অমদা মেত্রিক তন লাখ ২৫.৫২ লীদুনা থম্নবা কেপাসিতি অমা শেম্লে অমসুং চহি অমদা মেত্রিক তন লাখ ১১৪.৬৬ শেম-শাবা ঙমগনি। শেমগৎপা লোইরবা অমসুং থবক তৌরবা প্রোজেকশিংনা ভারত শীনবা থুংনা থবক ১,৭৪,৬০০ ফংহনবদা মতেং পাংলে।
২০১৬-১৭ দগী শিংথাবা য়ানা চাউখৎলকপা উরে। ২০১৬-১৭ দগী, অয়াবা পীখ্রবা প্রোজেক ২৬৯ থবক ওইনা পায়খৎনবা লুপা করোর ২০৬৬.৩৩ গী সবসিদিশিংগী মনুংদা লুপা করোর ১৫৩৫.৬৩ থাদোকখ্রে অমসুং লৈবাক শীনবা থুংনা কোল্দ চেন প্রোজেক ১৬৯ লোইশিনখ্রে অমসুং থবক তৌরে।
মরুওইবা হনগৎনা য়েংশিনবা অমসুং থৌশিলশিং নৌথোকহনবা
নৌনা দরকার ওইরকপশিং পীবা ঙম্নবা অমসুং ফজনা পায়খৎনবা স্কিম অসি কয়ারক হনগৎনা য়েংশিনবগী থবক পাংথোক্লে:
জুন ২০২২ রিভিজন: স্কিম অসি জুন ৮, ২০২২ দা থৌশিলদা অহোংবা অমা লাক্তুনা উহৈ অমসুং মনা-মশিংগী ওইনা কোল্দ চেন প্রোজেকশিংদা মতেং পীবা লেপখ্রে। মসিগী মথক্ত, হোর্তিকলচর সেক্তরদা মমল হেনগৎলকপা থিংনবা অখন্ননা দিজাইন তৌরবা পি.এম.কে.এস.ৱাইগী অতোপ্পা কম্পোনেন্ত অমা ওইরিবা ওপরেসন গ্রিন্স স্কিমদা হোংলে। মরম অদুনা, অখন্নবা ওইনা ফন্দ অমুক হন্না পীবা অসিনা অখন্নবা মীৎয়েং চঙবা অমসুং ফন্দশিং নিংথিনা শীজিন্নবা ঙমহল্লে।
ওগষ্ট ২০২৪ চৎন-কাংলোনশিং: কোল্দ চেন স্কিমগী মখাদা মল্তি-প্রদক ফুদ ইরিদেসন য়ুনিতশিং লিংখৎনবা ওগষ্ট ৬,২০২৪ দা স্কিমগী চৎন-কাংলোনশিং ফোঙলে। মরম অদুনা, মসিনা মতমগী অনৌবা লীদুনা থম্নবা তেক্নোলোজিশিং শীজিন্নবা অমসুং মচী ওইবা গুনশিং মাঙহন্দনা চীঞ্জাক ফজনা লীবা অমসুং মপুন্সি শাংদোকপা ঙমহল্লে।
মে ২০২৫ রিবিজন: মে ২২, ২০২৫ দা থোকখিবা খ্বাইদগী নৌবা চৎন-কাংলোনশিংদা, ফার্মগী থোঙ্গালদগী হৌরগা কঞ্জুমরশিং ফাওবগী অপুনবা সপ্লাই চেন শীনবা থুংনা লীদুনা থম্নবা অমসুং মগুন হেনগৎহন্নবা ইনফ্রাষ্ট্রকচর ফগৎনবা পান্দম থম্লি। থবকশিং অসিনা হোর্তিকলচরগী পোৎথোকশিং নত্তবশিং লৌক্লবা মতুংদা মাঙবা হন্থহন্নবা পান্দম থম্লি অমসযষুং মসিনা মীয়ামদা চহি চুপ্পা চীঞ্জাকশিং ফংহনগনি অমসুং লৌমীশিংনা চুনবা মমলদা য়োনবা ঙমগনি।
ৱারোইশিন
২০২২ দা সেক্তরশিং অমুক হন্না শেমদোক্তুনা উহৈশিং অমসুং মনা-মশিং ওপরেসন গ্রিন্সতা চিংহল্লে। কোল্দ চেন ইনফ্রাষ্ট্রকচর ফগৎনবা ২০২৫ দা সরকারনা বজেত লুপা করোর ৬৫২০ দা হেনগৎলে। ইরিদেসন ফেসিলিতিশিং হৌদোকপা অমসুং চৎন-কাংলোনশিং চাংনাইনা য়েংশিনবা অসিনা তেক্নোলোজি চাউখৎনবা থবক পায়খৎপা অদু উবা ফংলে।
স্কিমগী শেনগী ঙাক্লৌ অসিনা কোল্দ চেন শেমগৎতুনা লনাই লৌমীশিংদগী হৌরগা অচৌবা কোর্পোরেতশিং ফাওবা কান্নবা পীরে। মসিনা প্রোজেকশিংনা কৈথেলনা দরকার ওইরিবা থবকশিং পাংথোকপা ঙমহল্লে। স্কিম অসিদা কান্নবা কয়া লৈরি। অনৌবা তেক্নোলোজিশিং হায়বদি আই.ও.তি-বেজ মোনিতরিং, মৈ চাদবা থবকশিং অমসুং এ.আইগী থবকশিংনা থবক ফগৎহল্লে। লৌউ-শিংউগী কৈথেলশিংগী অওনবশিং অসিনা মখা তানা লৌমীশিংদা কান্নবা পীরগনি।
রিফরেন্সশিং
ফুদ প্রোসেসিং ইন্দষ্ট্রি মিনিষ্ট্রি
প্রেস ইনফোর্মেসন ব্যুরো
সংসদ
Click here to see PDF
***
(Backgrounder ID: 155827)
Visitor Counter : 1
Provide suggestions / comments