Press Information Bureau

মুখ্য তথ্য

উড়ানে (UDAN) আঞ্চলিক সংযোগত বিপ্লৱ আনিছে যাৰ দ্বাৰা ১.৫৬ কোটি যাত্ৰীৰ সৈতে ৩.২৩ লাখ বিমানৰ উৰণ সম্ভৱপৰ হৈছে।

২০৪৭ চনৰ ভিতৰত চৰকাৰে বিমানবন্দৰৰ সংখ্যা ৩৫০-৪০০ লৈ বৃদ্ধি কৰাৰ লক্ষ্য গ্ৰহণ কৰিছে।

সামগ্ৰিকভাৱে ভাৰতৰ বিমান পৰিবহণ খণ্ডই ৭.৭ নিযুতৰো অধিক চাকৰিক সমৰ্থন কৰে।

ডিজি যাত্ৰা, গ্ৰীণফিল্ড বিমানবন্দৰ নীতি আৰু ড্ৰোন পিএলআই আঁচনিৰ দৰে পদক্ষেপসমূহে উদ্ভাৱন আৰু যাত্ৰাৰ সুবিধাক আগুৱাই লৈ গৈছে।

পাতনি

ইতিহাসে কয় কেনেকৈ আঞ্চলিক সংযোগে অঞ্চলসমূহৰ বিকাশ, বাণিজ্য আৰু অৰ্থনৈতিক বিনিময়ৰ পথ মুকলি কৰিছিল, যাৰ ফলত বিকাশ সৰ্বাংগীন আৰু ভাৰসাম্যপূৰ্ণ হৈছিল। বৰ্তমান সময়তো, সংযোগে কেৱল পৰ্যটন আৰু বাণিজ্য খণ্ডৰ বাবেই নহয়, জৰুৰীকালীন অৱস্থা আৰু বাহ্যিক বজাৰৰ ওপৰত নিৰ্ভৰশীলতা হ্ৰাস কৰাৰ ক্ষেত্ৰতো এক গুৰুত্বপূৰ্ণ ভূমিকা পালন কৰিছে। ঘৰুৱা বজাৰৰ বিকাশত অৰিহণা যোগোৱা বহুতো কাৰকৰ ভিতৰত, উড়ান (উড়ে দেশ কা আম নাগৰিক) - ২০১৬ চনৰ ২১ অক্টোবৰত আৰম্ভ কৰা এক আঞ্চলিক সংযোগ আঁচনিয়ে আঞ্চলিক বিমান সংযোগ শক্তিশালী কৰাত এক গুৰুত্বপূৰ্ণ ভূমিকা পালন কৰিছে। উড়ানে ন বছৰ সম্পূৰ্ণ কৰাৰ লগে লগে, এই আঁচনিখন এক পাইলট পদক্ষেপৰ পৰা এক ৰাষ্ট্ৰীয় সাফল্যৰ কাহিনীলৈ বিকশিত হৈছে, যিয়ে দূৰত্ব হ্ৰাস কৰি সমগ্ৰ দেশৰ নাগৰিকৰল বাবে বিমান যাত্ৰা সহজলভ্য কৰি তুলিছে।

ভাৰতৰ বিমান পৰিবহণ: সৰ্বাংগীন বিকাশৰ দিশত উৰণ

যোৱা দশকত ভাৰতৰ আকাশ পূৰ্বতকৈ অধিক ব্যস্ত হৈ পৰিছে। ভাৰত বিশ্বৰ তৃতীয় বৃহত্তম ঘৰুৱা বিমান পৰিবহণ বজাৰ হিচাপে আত্মপ্ৰকাশ কৰিছে। বিমান বন্দৰৰ সংখ্যা ২০১৪ চনত ৭৪টাৰ পৰা বৃদ্ধি হৈ ২০২৫ চনত ১৬৩টা হৈছে। ভাৰতে ২০৪৭ চনত স্বাধীনতাৰ এশ বছৰ উদযাপন কৰাৰ সময়ত চৰকাৰৰ লক্ষ্য হৈছে বিমান বন্দৰৰ সংখ্যা ৩৫০-৪০০ লৈ বৃদ্ধি কৰা।

বিমান পৰিবহণ সেৱাৰ জৰিয়তে আৰু পৰোক্ষভাৱে পৰ্যটন, বাণিজ্য, লজিষ্টিক আৰু উৎপাদনৰ জৰিয়তে অৰিহণা যোগোৱা বিমান পৰিবহণ খণ্ডটোও ভাৰতৰ অৰ্থনীতিৰ দ্ৰুতগতিত বিকশিত খণ্ডসমূহৰ ভিতৰত অন্যতম।

আন্তৰ্জাতিক অসামৰিক বিমান পৰিবহণ সংস্থা (আইচিএঅ')ৰ মতে, বিমান পৰিবহণত কৰা বিনিয়োগৰ এক শক্তিশালী প্ৰভাৱ অৰ্থনীতিৰ ওপৰত পৰে। প্ৰতিটো মুদ্ৰাৰ বিনিময়ত এই খণ্ডটোৱে তিনিগুণতকৈ অধিক মূল্যৰ অৰ্থনৈতিক কাৰ্যকলাপ সৃষ্টি কৰে আৰু সংযুক্ত উদ্যোগসমূহত ছয়গুণতকৈ অধিক চাকৰিৰ সমৰ্থন কৰে।

আজি, এই খণ্ডটোৱে প্ৰত্যক্ষভাৱে ৩৬৯,০০০ চাকৰিকে ধৰি পৰোক্ষভাৱে ৭৭ লাখতকৈও অধিক চাকৰিক সহায় কৰে। দক্ষ কৰ্মচাৰী—পাইলট, অভিযন্তা, কৰ্মচাৰী আৰু লজিষ্টিক পেছাদাৰীসকলৰ চাহিদা দ্ৰুতগতিত বৃদ্ধি পোৱাৰ সম্ভাৱনা আছে। ১১৬খনতকৈও অধিক দ্বিপাক্ষিক বিমান সেৱা চুক্তিৰ সৈতে ভাৰতে বিশ্বব্যাপী সংযোগ গভীৰ কৰিছে, কিয়নো ভাৰতীয় বিমান পৰিবহণ সংস্থাৰ আন্তঃৰাষ্ট্ৰীয় সম্প্ৰসাৰণে এছিয়াত বিমান পৰিবহণ কেন্দ্ৰ হিচাপে দেশখনৰ স্থিতিক শক্তিশালী কৰিছে। অসামৰিক বিমান পৰিবহণে বিমান নিৰ্মাণ, পৰিচালনা, মেৰামতি, আৰু অপাৰেচন (এমআৰঅ') সেৱাসমূহত এফডিআইৰ আগমন, প্ৰযুক্তিৰ হস্তান্তৰ, আৰু মেক ইন ইণ্ডিয়া পদক্ষেপসমূহকো আগুৱাই লৈ গৈছে। বিগত দশকটোত, ঘৰুৱা বিমান যাত্ৰীৰ চলাচল বছৰি ১০-১২% বৃদ্ধি পাইছে।

২০৪০ চনলৈকে যাত্ৰী পৰিবহণৰ সংখ্যা ছয়গুণ বৃদ্ধি হৈ প্ৰায় ১.১ বিলিয়ন হ’ব বুলি আশা কৰা হৈছে। ভাৰতৰ বাণিজ্যিক বিমান সংস্থাৰ বহৰ ২০১৪ চনত ৪০০ খনৰ পৰা ২০৪০ চনৰ মাৰ্চ মাহত প্ৰায় ২৩৫৯ খনলৈ বৃদ্ধি পোৱাৰ সম্ভাৱনা আছে। ২০৪০ চনত বিমান খণ্ডৰ বাবে মুঠ নিযুক্তি প্ৰায় ২৫ নিযুত হ’ব বুলি আশা কৰা হৈছে - যি ভাৰতৰ এক উন্নত অৰ্থনীতি হোৱাৰ দিশত এক মূল ইঞ্জিন হিচাপে আত্মপ্ৰকাশ কৰিব।

উড়ান (UDAN): প্ৰতিজন নাগৰিকৰ বাবে বিমান যাত্ৰা গণতান্ত্ৰিকীকৰণ

মেট্ৰ’ চহৰৰ পৰা পৰ্বত উপত্যকালৈকে ভাৰতীয় আকাশ নতুন সম্ভাৱনাৰ মানচিত্ৰ হৈ পৰিছে — সৰু চহৰসমূহক সংযোগ কৰি, পৰ্যটন সক্ষম কৰি আৰু স্থানীয় অৰ্থনীতি চালিত কৰিছে। এই পৰিৱৰ্তনৰ কেন্দ্ৰবিন্দু হৈছে অসামৰিক বিমান পৰিবহণ মন্ত্ৰালয় (MoCA)ৰ অধীনত উড়ান (উড়ে দেশ কা আম নাগৰিক) আঁচনি, যিয়ে বিমান যাত্ৰাক গণতান্ত্ৰিক কৰি তুলিছে আৰু ভাৰতৰ আঞ্চলিক সংযোগৰ দৃশ্যপট সলনি কৰিছে।

নীতি আয়োগৰ মতে, ২০১৯ চনত মুঠ পৰ্যটন ব্যয়ৰ ৮৩% তকৈ অধিক ঘৰুৱা যাত্ৰীৰ দ্বাৰা কৰা হৈছিল, যি ২০২৮ চনলৈ প্ৰায় ৮৯% লৈ বৃদ্ধি পোৱাৰ সম্ভাৱনা আছে। এই পৰিৱৰ্তনে দেখুৱাইছে যে কেনেকৈ উড়ানৰ দৰে চৰকাৰী পদক্ষেপে আন্তঃগাঁথনিৰ ব্যৱধান দূৰ কৰিছে আৰু লাখ লাখ লোকৰ বাবে বিমান যাত্ৰা সহজ কৰি তুলিছে, দূৰৱৰ্তী অঞ্চলসমূহক সংযোগ কৰিছে আৰু বিমান যাত্ৰা সুলভ আৰু সহজ কৰি তুলিছে।

ই উড়ানৰ দৰে পদক্ষেপৰ দ্বাৰা সমৰ্থিত বিমান যাত্ৰা সুলভ আৰু অন্তৰ্ভুক্তিমূলক কৰাৰ বাবে চৰকাৰৰ প্ৰচেষ্টা প্ৰতিফলিত কৰে। এই ৰূপান্তৰে ভাৰতৰ ভ্ৰমণ মানচিত্ৰখনো নতুন ৰূপ দিছে। একালৰ দূৰৱৰ্তী গন্তব্যস্থান- কুল্লু, দৰভংগা, হুব্বলী আৰু শ্বিলং এতিয়া পোনপটীয়াকৈ বিমানৰ দ্বাৰা সংযুক্ত হৈ স্থানীয় অৰ্থনীতি আৰু আঞ্চলিক পৰ্যটনক উদগনি যোগাইছে।

উড়ানৰ দৃষ্টিভংগীয়ে বিমান যাত্ৰাৰ গণতান্ত্ৰিকীকৰণৰ প্ৰয়োজনীয়তাৰ ওপৰত গুৰুত্ব আৰোপ কৰিছে, যাৰ দ্বাৰা অধিক অন্তৰ্ভুক্তিমূলক বিমান পৰিবহণ খণ্ডৰ দৃষ্টিভংগীক উদ্ৰাৱিত হৈছে। সাধাৰণ মানুহৰ সপোনৰ প্ৰতি থকা এই দায়বদ্ধতাই উড়ানৰ জন্ম দিছিল।

উড়ানৰ সাফল্য

আৰচিএছ-উড়ানৰ দ্বাৰা ভাৰতক সংযোগ: আঞ্চলিক সংযোগ আঁচনি (আৰচিএছ) – উড়ানে ৬৪৯টা বায়ুপথ কাৰ্যকৰী কৰিছে আৰু সমগ্ৰ দেশৰ ৯৩টা বিমান বন্দৰ (২টা জল বিমান বন্দৰ আৰু ১৫টা হেলিপৰ্টকে ধৰি) সংযোগ কৰিছে, যাৰ ভিতৰত উত্তৰ-পূব অঞ্চলত ১২টা বিমান বন্দৰ/হেলিপৰ্ট আছে। ইয়াৰ লগতে আন্দামান, নিকোবৰ আৰু লক্ষদ্বীপ দ্বীপপুঞ্জক ৰাষ্ট্ৰীয় বিমান পৰিবহণ নেটৱৰ্কৰ সৈতে একত্ৰিত কৰা হৈছে।

মাইলৰ খুঁটি: ১.৫৬+ কোটিৰো অধিক যাত্ৰীয়ে আৰচিএছ-উড়ান বিমানত যাত্ৰা কৰিছে আৰু সমগ্ৰ দেশৰ আঞ্চলিক পথসমূহত মুঠ ৩.২৩ লাখ আৰচিএছ বিমান পৰিচালনা কৰা হৈছে। বিমান সংস্থাৰ বাবে আঞ্চলিক পথসমূহ বাণিজ্যিকভাৱে বহনক্ষম কৰিবলৈ প্ৰায় ৪,৩০০ কোটি টকাৰ ভায়েবিলিটি গেপ ফাণ্ডিং (ভিজিএফ) বিতৰণ কৰা হৈছে।

সম্প্ৰসাৰিত উড়ান: এই আঁচনিৰ লক্ষ্য হৈছে অহা ১০ বছৰত ৪ কোটি যাত্ৰীৰ সুবিধাৰ বাবে সমগ্ৰ দেশৰ ১২০টা নতুন গন্তব্যস্থানলৈ আঞ্চলিক সংযোগ বৃদ্ধি কৰা। এই আঁচনিয়ে পাহাৰীয়া, উচ্চাকাংক্ষী আৰু উত্তৰ-পূব অঞ্চলৰ জিলাসমূহত হেলিপেড আৰু সৰু বিমানবন্দৰসমূহকো সহায় কৰিব।

বিমানবন্দৰৰ উড়ান যাত্ৰী কেফেত সুলভ খাদ্য: কলকাতা আৰু চেন্নাই বিমানবন্দৰত আৰম্ভ কৰা উড়ান যাত্ৰী কেফেত সুলভ মূল্যত উন্নত মানৰ আহাৰ (চাহ ১০ টকাত, চিঙৰা ২০ টকাত) পোৱা যায়, যাৰ ফলত বিমান যাত্ৰা সকলোৰে বাবে অধিক অন্তৰ্ভুক্তিমূলক আৰু সহজলভ্য হৈ পৰে।

আগন্তুক: ২০৪৭ চনৰ বাবে পৰিকল্পনা

ভাৰত স্বাধীনতাৰ শতবৰ্ষৰ দিশে আগবাঢ়িছে, আৰু বিমান পৰিবহণ খণ্ডটোৱে এক উচ্চাকাংক্ষী বিকাশৰ পথ নিৰ্মাণ কৰিছে — ২০২৫ চনত ১৬৩টা বিমানবন্দৰৰ পৰা ২০৪৭ চনলৈ ৩৫০টাতকৈ অধিক আৰু যাত্ৰীৰ চলাচল এক বিলিয়ন অতিক্ৰম কৰাৰ সম্ভাৱনা আছে। এই সংখ্যাবোৰে পৰিষ্কাৰ ইন্ধন, ডিজিটেল বিমানপথ আৰু অন্তৰ্ভুক্তিমূলক গতিশীলতাৰ দিশত এক পৰিৱৰ্তনক প্ৰতিনিধিত্ব কৰে।

২০৪৭ চনৰ ভিতৰত ২৫ নিযুত চাকৰিৰ অনুমান আৰু এমআৰঅ', ড্ৰোন নিৰ্মাণ আৰু পাইলট প্ৰশিক্ষণত সুযোগ বৃদ্ধিৰ লগে লগে বিমান পৰিবহণ ভাৰতৰ ১০ ট্ৰিলিয়ন ডলাৰৰ অৰ্থনীতিৰ এক গুৰুত্বপূৰ্ণ স্তম্ভ হৈ পৰিব।

ইফালে, বিমান পৰিবহণ খণ্ডৰ নিম্নলিখিত পদক্ষেপসমূহ ভাৰতৰ ২০৪৭ চনৰ লক্ষ্যত উপনীত হোৱাৰ ক্ষেত্ৰত গুৰুত্বপূৰ্ণ - দূৰৱৰ্তী অঞ্চলসমূহক সংযোগ কৰা, জীৱিকাৰ সহায় কৰা আৰু বহনক্ষম বিকাশৰ অগ্ৰগতি সাধন কৰা।

কৃষি উড়ান: ২০২০ চনৰ ছেপ্টেম্বৰ মাহত আৰম্ভ কৰা কৃষি উড়ানে বিশেষকৈ জনজাতীয় আৰু উত্তৰ-পূব ৰাজ্যসমূহক লাভান্বিত কৰিবলৈ কৃষি উৎপাদন আৰু পচনশীল সামগ্ৰীৰ দ্ৰুত পৰিবহণ সক্ষম কৰে। অপাৰেচন গ্ৰীণছ আঁচনিৰ সৈতে একত্ৰিত হৈ ই ৫০% মালবাহী ৰেহাই, মাল্টিমোডেল পৰিবহণ বিকল্প আৰু উদ্যান শস্য আৰু আনুষঙ্গিক উৎপাদনৰ কভাৰেজ প্ৰদান কৰে।

লাইফলাইন উড়ান: এই বিশেষ পদক্ষেপটো ২০২০ চনৰ মাৰ্চ মাহত ক’ভিড-১৯ লকডাউনৰ সময়ত চিকিৎসা আৰু অত্যাৱশ্যকীয় সামগ্ৰীৰ নিৰৱচ্ছিন্ন যোগান নিশ্চিত কৰিবলৈ আৰম্ভ কৰা হৈছিল। ৫৮৮ খনতকৈও অধিক বিমানৰ জৰিয়তে ৫.৪৫ লাখ কিলোমিটাৰ দূৰত্বত ১০০০ টন সামগ্ৰী কঢ়িয়াই নিয়া হৈছিল, য’ত বিশেষকৈ উত্তৰ-পূৰ্বাঞ্চল, দ্বীপপুঞ্জ আৰু পাহাৰীয়া অঞ্চলসমূহৰ ওপৰত গুৰুত্ব দিয়া হৈছিল। লাইফলাইন উড়ানে ক’ভিড লেব স্থাপন, চিকিৎসা দলৰ পৰিবহন আৰু বিশাখাপট্টনম গেছ লিকৰ দৰে জৰুৰীকালীন অৱস্থাত সহায় কৰিছিল।

গ্ৰীণফিল্ড বিমান বন্দৰ নীতি: গ্ৰীণফিল্ড বিমানবন্দৰ নীতিয়ে ভাৰতৰ বিমান পৰিবহণ আন্তঃগাঁথনি সম্প্ৰসাৰণ আৰু মেট্ৰ’ হাবসমূহৰ ভিৰ হ্ৰাস কৰিবলৈ ৰাজহুৱা-ব্যক্তিগত অংশীদাৰিত্বৰ জৰিয়তে অব্যৱহৃত ভূমিত নতুন বিমানবন্দৰ নিৰ্মাণৰ বাবে এক কাঠামো প্ৰদান কৰে।

ভ্ৰমণৰ অভিজ্ঞতা উন্নত: ভ্ৰমণৰ অভিজ্ঞতা উন্নত কৰিবলৈ, পুনৰাবৃত্তি হ্ৰাস কৰিবলৈ আৰু সময় ৰাহি কৰিবলৈ চৰকাৰে ডিজি যাত্ৰাকে ধৰি বিভিন্ন পদক্ষেপ আৰম্ভ কৰিছে। ২০২২ চনৰ পৰা ৰূপায়ণ কৰা ডিজি যাত্ৰাই মুখমণ্ডল চিনাক্তকৰণ প্ৰযুক্তি ব্যৱহাৰ কৰি যাত্ৰীসকলৰ কাগজবিহীন, সংস্পৰ্শবিহীন প্ৰক্ৰিয়াকৰণ সক্ষম কৰিছে। ২০২৫ চনৰ মাৰ্চ মাহৰ ভিতৰত ৫২.২ নিযুততকৈও অধিক যাত্ৰীয়ে এই সুবিধা ব্যৱহাৰ কৰিছিল। ডিজি যাত্ৰা এপটো এণ্ড্ৰইডৰ লগতে আইঅ'এছ প্লেটফৰ্মতো উপলব্ধ আৰু এতিয়ালৈকে ১২.১ নিযুততকৈও অধিক ব্যৱহাৰকাৰীয়ে ইয়াক ডাউনলোড কৰিছে।

উৰণ প্ৰশিক্ষণ আৰু পাইলট বিকাশ: অহা ১০-১৫ বছৰত ৩০,০০০-৩৪,০০০ পাইলটৰ প্ৰত্যাশিত চাহিদা পূৰণ কৰিবলৈ চৰকাৰে বিমান প্ৰশিক্ষণ সংস্থা (এফটিঅ') আৰু বাণিজ্যিক পাইলট অনুজ্ঞাপত্ৰ সম্প্ৰসাৰণ কৰিছে। ১৩-১৮% মহিলা পাইলটৰ সৈতে লিংগ অন্তৰ্ভুক্তিৰ প্ৰচাৰ কৰি ডিজিচিএ-এ ২০২৫ চনৰ ভিতৰত সকলো বিমান চালনাৰ ভূমিকাত ২৫% মহিলাৰ প্ৰতিনিধিত্বৰ লক্ষ্য নিৰ্ধাৰণ কৰিছে।

ড্ৰ'ন বিধি ২০২১, উৎপাদন-সংলগ্ন ইনচেণ্টিভ (পিএলআই): ড্ৰোন বিধি, ২০২১-এ ভাৰতৰ ড্ৰোন খণ্ডৰ নিয়মাৱলীক সৰলীকৰণ কৰি আৰু ব্যাপক বাণিজ্যিক ব্যৱহাৰ সক্ষম কৰি উদাৰ কৰি তুলিছে। ইয়াৰ পৰিপূৰক হিচাপে, উৎপাদন-সংলগ্ন ইনচেণ্টিভ (পিএলআই) আঁচনি, ২৪-২৫ বিত্তীয় বৰ্ষত ৩৪.৭৯ কোটি টকা বিতৰণ কৰা হৈছে যিয়ে ই ঘৰুৱা উৎপাদনক উৎসাহিত কৰিছে আৰু আমদানিৰ ওপৰত নিৰ্ভৰশীলতা হ্ৰাস কৰিছে তথা ভাৰতৰ স্বনিৰ্ভৰশীল ড্ৰোন পৰিৱেশ তন্ত্ৰক উদগনি যোগাইছে।

ভাৰতীয় বায়ুযান অধিনিয়ম, ২০২৪: ভাৰতৰ বিমান পৰিবহণ খণ্ডক আধুনিকীকৰণৰ লক্ষ্যৰে বিমান আইন, ১৯৩৪-ৰ পুনৰ প্ৰণয়ন কৰা হৈছে। এই আইনখন সাম্প্ৰতিক প্ৰয়োজনীয়তা আৰু বিশ্ব মানদণ্ডৰ সৈতে সংগতি ৰাখি প্ৰস্তুত কৰা হৈছে। নতুন বিধেয়কখনে মেক ইন ইণ্ডিয়া আৰু আত্মনিৰ্ভৰ ভাৰতৰ অধীনত থলুৱা উৎপাদনক উৎসাহিত কৰে। ইয়াৰ লগতে চিকাগো কনভেনচন আৰু আইচিএঅ'ৰ দৰে আন্তৰ্জাতিক চুক্তিৰ সৈতে সংগতি ৰাখি আৰু অনুজ্ঞাপত্ৰ প্ৰদানৰ দৰে নিয়ন্ত্ৰণ প্ৰক্ৰিয়াসমূহ সৰল কৰি নিয়ন্ত্ৰণ প্ৰক্ৰিয়াসমূহ সুচল কৰে। এই আইনে পুনৰাবৃত্তি দূৰ কৰে আৰু আবেদনৰ বাবে ব্যৱস্থা প্ৰদান কৰে।

সামৰণি

ভাৰতৰ অসামৰিক বিমান পৰিবহণ খণ্ড দ্ৰুতগতিত বিকশিত হোৱা খণ্ডসমূহৰ ভিতৰত অন্যতম হিচাপে পৰিগণিত হৈছে, যাৰ ফলত দেশখন বিশ্বৰ তৃতীয় বৃহত্তম ঘৰুৱা বিমান পৰিবহণ বজাৰ হৈ পৰিছে। যিহেতু দেশে অভূতপূৰ্বভাৱে যাত্ৰীৰ চলাচল বৃদ্ধি কৰা, আঞ্চলিক সংযোগ সম্প্ৰসাৰণ কৰা আৰু বিমান পৰিবহণৰ আন্তঃগাঁথনি আধুনিকীকৰণ অব্যাহত ৰাখিছে, সেয়ে মন্ত্ৰালয়ৰ প্ৰচেষ্টাই লাখ লাখ লোকৰ ভ্ৰমণ অভিজ্ঞতা বৃদ্ধি কৰে আৰু অৰ্থনৈতিক সমৃদ্ধি, ৰাষ্ট্ৰীয় সংহতি শক্তিশালী কৰে আৰু ভাৰতক এখন উন্নত দেশ হোৱাৰ দৃষ্টিভংগী— বিকশিত ভাৰত @২০৪৭-ৰ দিশত আত্মবিশ্বাসেৰে আগুৱাই যাবলৈ সক্ষম কৰে।

সমল

https://www.iata.org/en/iata-repository/publications/economic-reports/the-value-of-air-transport-to-india

https://www.pib.gov.in/PressReleasePage.aspx?PRID=2098780

https://www.pib.gov.in/PressNoteDetails.aspx?NoteId=152143&ModuleId=3

https://www.pib.gov.in/PressReleasePage.aspx?PRID=2123537

https://www.pib.gov.in/PressReleaseIframePage.aspx?PRID=2066445

https://sansad.in/getFile/annex/266/AU669_kOqHSU.pdf?source=pqars#:~:text=Out%20of%20which%2C%20RCS%20flights,economic%20growth%2C%20and%20enhance%20tourism

https://www.iata.org/en/iata-repository/publications/economic-reports/the-value-of-air-transport-to-india

https://www.pib.gov.in/PressNoteDetails.aspx?NoteId=154624&ModuleId=3

https://www.pib.gov.in/PressNoteDetails.aspx?ModuleId=3&NoteId=153352

https://www.pib.gov.in/PressReleaseIframePage.aspx?PRID=1943211#:~:text=Government%20of%20India%20has%20formulated,these%2C%2011%20Greenfield%20airports%20viz

https://sansad.in/getFile/annex/268/AU5_1mFQzx.pdf?source=pqars#:~:text(a)%20&%20(b):,Nadu%20under%20the%20UDAN%20Scheme

https://www.pib.gov.in/PressReleasePage.aspx?PRID=2124459

https://www.pib.gov.in/Pressreleaseshare.aspx?PRID=1847005

https://www.pib.gov.in/PressReleasePage.aspx?PRID=1989139

https://www.pib.gov.in/PressReleasePage.aspx?PRID=1908939

***

SM/DPS