Rural Prosperity
জল জীবন মিসন
কেন্দ্রগী লুপা করোর লাখ 2.08গী আউৎলেগা লোয়ননা খুঙ্গংগী ইমুং করোর 15.72 হেনবদা তোতি ঈশিং ফংহল্লি
Posted On:
26 OCT 2025 10:26AM
|
মরু ওইবা ৱাফমশিং
- খুঙ্গংগী য়ুমথোং করোর 15.72 হেনবনা হৌজিক্তি অফবা তোতি ঈশিং ফংলে।
- মিসন অসি হৌদোকপা মতমদা (2019) ইমুং করোর 3.23 খক্তদা তোতি ঈশিং ফংলমখি। মদুদগী হৌরগা, অহেনবা ইমুং করোর 12.48না তোতি ঈশিং পুশিনখি, মসিনা ভারতকী খ্বাইদগী য়াঙবা ইনফ্রাস্ত্রকচর পাকথোক চাউথোকপগী মশক অমা ওইখি।
- মিসন অসি শেমগৎলকপা মতমদা পর্সন-ইয়র করোর 3গী থবক পীবা ঙম্বগী মতিক লৈখি, মসিদা ফিল্দ তেস্তিং কিৎশিং শীজিন্ননবা নুপী লাখ 25 রোম ত্রেনিং পীখি।
- WHOনা থাজবা থম্লি মদুদি লৈবাক অসিদা সেফ ওইনা মেনেজ তৌরবা থক্নবা ঈশিং ফংহনবা অসিনা দাইরিয়াগী লাইনা-লাইচৎনা মরম ওইদুনা শিবদগী মীওই লাখ 4 ঙাকথোকপা ঙমগনি। লৈবাক অসিদা সেফ ওইনা মেনেজ তৌরিবা থক্নবা ঈশিংগী য়ুনিভর্সেল কভরেজ ফংহন্দুনা, চাউরাক্না দিসএবিলিতী-এদজস্তেদ লাইফ ইয়ার (DALY) মিলিয়ন 14দগী ঙাকথোক্কনি হায়নসু পানরি।
- WHO না মসিসু হায়রি মদুদি খুঙ্গংগী ইমুং খুদিংদা তেপ কনেক্সন ফংহনবা অসিনা মরুওইনা নুপীশিংগী মরক্তা (পোৎলুম অসিগী শরুক ক্বাতর অহুম) ঈশিং শোকপা চৎপদগী মতম য়াম্না কনবা ঙমগনি (নোংমদা পুং করোর 5.5)।
- ভারত শিনবা থুংনা লৈরিবা ৱাতর তেস্তিং লেবোরেতরী 2,843না 2025-26দা সেম্পল লাখ 38.78 তেস্ত তৌদুনা ঈশিংগী ক্বালিতী মোনিতরিং তৌখি।
|
ৱাহৌদোক
হৌজিক্তি খুঙ্গংগী ইমুং 81% হেনবনা অফবা তোতি ঈশিং ফংবগা লোয়ননা ভারতনা জল জীবন মিসন (হর ঘর জল) গী মখাদা মরুওইবা মাইলস্তোন অমা ফংলে। 2025গী ওক্তোবর 22 ফাওবদা, খুঙ্গংগী ইমুং করোর 15.72 হেনবনা য়ুমথোংদা য়ৌরকপা তোতিশিংগী খুত্থাংদা থকনবা অফবা ঈশিং ফংদুনা মসিনা রুরেল ইন্দিয়াদা য়ুনিভর্সেল ৱাতর সেক্যুরিতীগী মায়কৈদা মরুওইবা মায়পাকপা অমা ওইরি। মিসন অসিগী মখাদা সরকারনা রাজ্যশিং অমসুং য়ুনিয়ন তেরিতোরীশিংদা কেন্দ্রগী শেনফম লুপা করোর 2,08,652গী মতেং পীনবা অয়াবা পীখি।
মিসন অসি প্রধান মন্ত্রী নরেন্দ্র মোদীনা 2019গী ওগস্ত 15দা খুঙ্গংগী য়ুমথোং খুদিংদা থক্নবা ঈশিং ফংহন্নবা ভিজনগা লোয়ননা হৌদোকখি। মতম অদুদা, ইমুং করোর 3.23 (16.71%) খক্তনা তোতি ঈশিং ফংলম্মি। মদুদগী হৌরগা অহেনবা ইমুং করোর 12.48 কন্নেক্সন ফংহন্দুনা ভারতকী খুঙ্গংদা বেসিক ইনফ্রাস্ত্রকচর য়াম্না থুনা পাকথোক চাউথোকহনবগী মওং অমা ওইরে।
জল জীবন মিসননা ইমাশিং অমসুং ইচে-ইচলশিংবু মখোয়গী য়ুমগী ঈশিং হোনবগী চহি চা কয়াগী ওইবা অরিবা পোৎলুম অসিদগী কোকপীনবা হোৎনরি। মসিগী পান্দমদি মখোয়গী হকশেল, এজুকেসন অমসুং সোসিও-ইকোনোমিক কন্দিসনশিং ফগৎহনবা, হিংবদা লাইথোকহনবা অমসুং খুঙ্গংগী ইমুংশিংদা চাউথোকচবা অমসুং ইকাই খুম্নবা পীবনি।
মিসন অসিনা সস্তেনেবিলিতী অমসুং কম্ম্যুনিতী পার্তিসিপেসনদা চপ মান্নবা মীৎয়েং থম্লি। মসিদা সোর্স সস্তেনেবিলিতী মেজরশিং হায়বদি রীচার্জ তৌবা অমসুং গ্রে ৱাতর মেনেজমেন্ত, ঈশিং য়োকশিনবা, অমসুং নোংগী ঈশিং য়োকশিনবা অসিনচিংবগী খুত্থাংদা রিয়ুজ তৌবা য়াওরি। মসি কম্ম্যুনিতিদা য়ুম্ফম ওইবা এপ্রোচ অমগী খুত্থাংদা ইমপ্লিমেন্ত তৌই, মসিদা ইনফোর্মেসন, এজুকেসন এন্দ কম্ম্যুনিকেসন (IEC) এক্তিবিতীশিং অসি এৱারনেস অমসুং ওনরশিপ লৈহন্নবগী মরুওইবা কম্পোনেন্তশিং ওইরি। মিসন অসিনা ঈশিংবু অপুনবা নেস্নেল প্রাইওরিতী অমা ওইহন্দুনা মসিগীদমক্তা মীয়ামগী খোঙজং (জন অন্দোলন) অমা শেমগৎনবা হোৎনরি
পান্দমশিং
জল জীবন মিসনগী মপুং ওইবা পান্দমশিংদা য়াওরিবা অদুদি:
জল জীবন মিসনগী মখাদা খুমাং চাউশিনবা (ওক্তোবর 22, 2025 ফাওবদা)
ভারতকী খুঙ্গংগী য়ুমথোং খুদিংদা শাফবা অমসুং মতিক চাবা থক্নবা ঈশিং ফংহন্নবা জল জীবন মিসননা লেপ্তনা খুমাং চাউশিল্লি।
- জিলাগী থাক্তা খুমাং চাউশিনবা: জিলা 192গী ইমুং, স্কুলশিং অমসুং অঙ্গনৱাদি সেন্তর পুম্নমক্তা তোতি ঈশিং য়ৌহনখ্রে, মসিগী মনুংদা জিলা 116দি গ্রাম সভাগী রিজোলুসনশিংগী খুত্থাংদা ভেরিফিকেসন তৌরবা মতুংদা ওফিসিএল ওইনা সর্তিফাইদ তৌখ্রে।
- ব্লোক, পঞ্চায়ত অমসুং খুঙ্গংগী কভরেজ:
- ব্লোকশিং: 1,019 সর্তিফাইদ তৌবগা লোয়ননা 1,912না ফুল কভরেজ তৌবগী রিপোর্ত তৌরকখ্রে।
- গ্রাম পঞ্চায়তশিং: 1,25,185না রিপোর্ত তৌরকখ্রে অমসুং 88,875 না সর্তিফিকেসন ফংবা ঙমখ্রে।
- খুঙ্গংশিং: হর ঘর জল থৌশিলগী মখাদা 1,74,348 অসি সর্তিফাইদ তৌবগা লোয়ননা 2,66,273না রিপোর্ত তৌরকখ্রে।
- 100% কভরেজ লৈবা রাজ্যশিং/য়ু.তি.শিং: রাজ্য অমসুং য়ুনিয়ন তেরিতোরী তরামাথোই, গোৱা, অন্দমান অমসুং নিকোবর আইলেন্দ, দাদরা অমসুং নগর হাভেলি অমসুং দমন অমসুং দিউ, হরিয়ানা, তেলঙ্গনা, পুদুচেরী, গুজরাত, হিমাচল প্রদেশ, পঞ্জাব, মিজোরাম অমসুং অরুনাচল প্রদেশনা খুঙ্গংগী ইমুং খুদিংমক্তা তোতি ঈশিংগী কন্নেক্তিবিতী মপুং ফানা ফংহল্লে।
- ইন্সতিত্যুস্নেল কভরেজ: লৈবাক শিনবা থুংনা স্কুল 9,23,297 অমসুং অঙ্গনৱাদি সেন্তর 9,66,876দা তোতি ঈশিংগী সপ্লাই ফংহনখ্রে।
"রিপোর্ত তৌখি" হায়বসিনা রাজ্য/য়ু.তি.গী ৱাতর সপ্লাই দিপার্তমেন্তনা এদমিনিস্ত্রেতিব য়ুনিৎ অদুদা লৈরিবা য়ুমথোং, স্কুল অমসুং অঙ্গনৱাদি সেন্তর পুম্নমক্তা তোতিগী খুত্থাংদা ঈশিং সপ্লাই তৌরি হায়না কনফার্ম তৌখ্রে হায়বনি।
'সর্তিফাইদ' হায়বগী ৱাহন্থোক্তি গ্রাম সভা অসিনা ৱাতর সপ্লাই দিপার্তমেন্তনা য়ুমথোং, স্কুল অমসুং অঙ্গনৱাদি সেন্তর পুম্নমক্তা খুঙ্গংদা থক্নবা ঈশিং ফংহল্লে হায়বগী ৱাফম অদু খঙদোক্লবা মতুংদা রিজোলুসন অদু পাস তৌখ্রে হায়বনি। ৱাতর সপ্লাই দিপার্তমেন্তনা গ্রাম পঞ্চায়তশিংদা য়ুমথোং খুদিংমক্তা থক্নবা ঈশিং ফংহল্লে হায়না সর্তিফিকেৎ পীরবা মতুংদা মসিগী থবক অসি পায়খৎলি।
ক্বালিতী এস্যুরেন্স অমসুং মোনিতর তৌবা
জল জীবন মিসনগী মখাদা, খুঙ্গংগী মফমশিংদা থক্নবা ঈশিং মরাং কায়না ফংহন্নবা ক্বালিতী এস্যুরেন্স অমসুং মোনিতরিংগীদমক্তা মপাঙ্গল কনবা পথাপ অমা পায়খৎলি। 2025-26 (2025গী ওক্তোবর 21 ফাওবদা) মনুংদা, লৈবাক অসিগী খুঙ্গং 4,49,961দা অপুনবা লেবোরেতরী 2,843 (ইন্সতিত্যুস্নেল 2,184 অমসুং WTPদা য়ুম্ফম ওইবা 659) না ঈশিংগী সেম্পল লাখ 38.78 তেস্ত তৌখি।
কম্ম্যুনিতীগী থাক্তা শরুক য়াবা হেনগৎহন্নবা, খুঙ্গং লাখ 5.07দা ফিল্দ তেস্তিং কিৎশিং (FTKশিং) শীজিন্নদুনা ঈশিংগী মগুন চাংয়েং তৌনবা নুপী লাখ 24.80দা ত্রেনিং পীখ্রে। কম্ম্যুনিতি-দ্রিভন ওইবা থৌওং অসিনা ঈশিং কন্তামিনেসন ঙন্না খঙদোকপা ঙমহল্লি অমসুং খুঙ্গংগী ঈশিংগী ক্বালিতী য়েংশিনবদা লোকেল ওনরশিপ মপাঙ্গল কনখৎহল্লি।
জল জীবন মিসন (JJM)গী মরু ওইবা মচাকশিং
জল জীবন মিসনগী পান্দমশিং ফংনবগীদমক মখাগী মচাকশিং অসি শেমখি:
- ইন-ভিলেজ পাইপ ৱাতর সপ্লাই ইনফ্রাস্ত্রকচর – খুঙ্গংগী য়ুমথোং খুদিংমক্তা তোতি ঈশিংগী কন্নেক্সনশিং ফংহন্নবা খুঙ্গংশিংগী মনুংদা পাইপ ৱাতর সিস্তেমশিং দিবেলপ তৌবা।
|
- সস্তেনেবল দ্রিঙ্কিং ৱাতর সোর্সশিং – ৱাতর সপ্লাই সিস্তেমদা লোং-তর্ম সস্তেনেবিলিতী ফংহন্নবা থাজবা য়াবা থক্নবা ঈশিংগী সোর্সশিং দিবেলপ তৌবা অমসুং/নত্ত্রগা হান্নদগী লৈরবা সোর্সশিং ওগমেন্তেসন তৌবা।
|
- বল্ক ৱাতর ত্রান্সফর অমসুং দিস্ত্রিব্যুসন – বল্ক ৱাতর ত্রান্সফর সিস্তেমশিং, ত্রীৎমেন্ত প্লান্তশিং অমসুং দিস্ত্রিব্যুসন নেৎৱার্কশিং লিংখৎপা।
|
- ৱাতর ক্বালিতীগীদমক তেক্নোলোজীকেল ইন্তরভেন্সনশিং – ৱাতর ক্বালিতী অসি ইসু ওইবা মফমশিংদা কন্তামিনেন্তশিং লৌথোক্নবা তেক্নোলোজীশিং ইমপ্লিমেন্ত তৌবা।
|
- হান্নদগী লৈরবা স্কিমশিংগী রিত্রোফিত্তিং তৌবা – নোংমদা পর কেপিতা লিতর 55 (lpcd) গী মিনিমম সর্ভিস লেবেল অমদা ফঙ্কস্নেল হাউসহোল্দ তেপ কন্নেক্সনশিং (FHTCশিং) ফংহন্না লোইশিনখ্রবা অমসুং চত্থরিবা স্কিমশিং অপগ্রেদ তৌবা।
|
- গ্রে ৱাতর মেনেজমেন্ত – ঈশিং য়োকশিনবা থৌগৎনবা গ্রে ৱাতরগী ত্রীৎমেন্ত অমসুং রিয়ুজ
|
- কম্ম্যুনিতী কেপাসিতী বিল্দিং – সস্তেনেবল ৱাতর মেনেজমেন্তগীদমক কম্ম্যুনিতীশিংগী কেপাসিতী বিল্দিং তৌনবা পান্দম থম্মিবা সপ্পোর্ত এক্তিবিতীশিং।
|
- কন্তিনজেন্সী ফন্দশিং – তম্বা ঙমদবা শীংনবশিং নত্ত্রগা মহৌশাগী খুদোংথিবশিংদগী থোরকপা খুদোংচাদবশিং কোকহন্নবা ফন্দশিংগী প্রোভিজন
|
দিজিতেল ইন্নোভেসনগী থোংদা খুঙ্গংগী ৱাতর সপ্লাইদা অওনবা পুরকপা
জল শক্তি মন্ত্রালয়গী দিপার্তমেন্ত ওফ দ্রিঙ্কিং ৱাতর এন্দ সেনিতেসন (DDWS) গী অপগ্রেদ তৌরবা রুরেল পাইপ ৱাতর সপ্লাই স্কিম (RPWSS) ক্রিএসন মোদ্যুল অসিনা রুরেল ৱাতর সর্ভিসেসতা দিজিতেল গভর্নান্সকী মায়কৈদা অচৌবা খোঙথঅং অমা ওইরি।
পাইপকী ঈশিংগী স্কিম পুম্নমক্কী দিজিতেল রেজিস্ত্রী অমা ওইনা মথৌ তৌগদবা অনৌবা সিস্তেম অসি, ত্রান্সপরেন্সী, ত্রেসএবিলিতী, অমসুং দেতা-দ্রিভন মোনিতরিং লৈহন্নবা RPWSS ID অমমম পীনবা থবক পায়খৎলি। রাজ্য অমসুং য়ু.তি.শিংদা RPWSS ID শেম্বা নবেম্বর 2025 ফাওবদা লোইশিন্নবা খঙহনখ্রে।
GIS মেপ্পিং অমসুং পি.এম. গতি শক্তিগা পুনশিন্নদুনা, প্লেতফোর্ম অসিনা রিএল-তাইম দেশবোর্দশিং, প্রিদিক্তিব এনালাইতিক্স অমসুং ইফিসিএন্ত ওপরেসন অমসুং মেনতেনেন্সকীদমক খুৎলাইশিং পীরি। মসিনা পঞ্চায়তশিং অমসুং ভিলেজ ৱাতর এন্দ সেনিতেসন কম্মিতীশিংদা ৱাতর সিস্তেমশিং মেনেজ তৌনবগীদমক ভেরিফাই তৌরবা দেতাশিংগা লোয়ননা শক্তি পীরি অমসুং WASH সেক্তরদা লোকেল স্কিল দিবেলপমেন্ত প্রমোৎ তৌরি।
হৌজিক থবক পায়খৎলিবা অপগ্রেদ তৌরবা RPWSS id ক্রিএসন মোদ্যুল অসিনা জল জীবন মিসনগী মখাদা একাউন্তেবিলিতী, সস্তেনেবিলিতী অমসুং কম্ম্যুনিতী পার্তিসিপেসনবু মপাঙ্গল কনখৎহল্লি।
JJMগী কান্নবা
নেস্নেল অমসুং ইন্তর্নেস্নেল ইন্সতিত্যুসন কয়ানা হায়খিবগী মতুং ইন্না জল জীবন মিসন (JJM) গী থবক পায়খৎপদগী খুঙ্গংগী পুন্সিদা চাউনা ফগৎলক্লি।
- ৱার্ল্দ হেল্থ ওর্গনাইজেসন (WHO) না পান্দম থম্লিবা অসি খুঙ্গংগী ইমুং খুদিংদা, মরুওইনা নুপীশিংগী ওইনদি (মসিগী পোৎলুম অসিগী শরুক ক্বাতর অহুম) তেপ কন্নেক্সন ফংহনবা অসিনা নুমিৎ খুদিংগী পুং করোর 5.5 হেন্না কনবা ঙমগনি।
- ভারতকী য়ুমথোং খুদিংদা থক্নবা ঈশিং ফংহন্নবা হোৎনবনা দাইরিয়াগী লাইনা-লাইচৎশিংদগী শিবা লাখ 4 রোম থিংবা ঙমগনি, চাউরাক্না দিসএবিলিতী এদজস্তেদ লাইফ ইয়র (DALY) মিলিয়ন 14 কোকহনবা ঙমগনি অমসুং মসিনা হেল্থ কোস্তশিংদা লুপা করোর লাখ 8.2 ফাওবগী চাদিং কনবা ঙমগনি হায়নসু WHO না পান্দম থম্লি।
- SBI রিসর্চকী মতুং ইন্না, মপান্দগী ঈশিং শোকপা ইমুংশিংগী চাদা 8.3 হন্থরে। মসিনা মরম ওইদুনা নুপী করোর 9না ঈশিং শোকপগী মথৌ তাদ্রে। লৌউ-শিংউ অমসুং মসিগা মরী লৈনবা থবকশিংদা নুপীশিংগী শরুক য়াবগী চাং অসি চাদা 7.4 হেনগৎলক্লি।
- নোবেল লোরিয়েৎ প্রোফেসর মাইকেল ক্রেমরগী রিসর্চনা হায়রি মদুদি সেফ ৱাতর কভরেজনা চহি মঙাগী মখাদা লৈবা অঙাংশিংগী মরক্তা শিবগী চাং চাদা 30 হন্থহনবা ঙম্মি, মসিনা চহি খুদিংগী পুন্সি 1,00,000 হেন্না কনবা ঙমগনি।
- ইন্দিয়ন ইন্সতিত্যুৎ ওফ মেনেজমেন্ত বেঙ্গলোরগী মতুং ইন্না, ইন্তর্নেস্নেল লেবর ওর্গনাইজেসন (LLO) গা খুৎশম্নদুনা, JJMনা মাগী বিল্দ আউতকী মনুংদা চাউরাক্না পর্সন-ইয়র করোর 3গী থবক পীবা ঙমগনি লোয়ননা ফিল্দ তেস্তিং কিৎশিং শীজিন্ননবা নুপী লাখ 25 ত্রেনিং পীরগনি।
কম্ম্যুনিতীনা লমজিংবা অমসুং তেক্নোলোজী-দ্রিভন ওইবা মায়পাকপগীঔ ৱারীশিং
প্রধান মন্ত্রী শ্রী নরেন্দ্র মোদীনা হায়খি, "জল জীবন মিসন অসি য়ুমথোং খুদিংদা ঈশিং ফংহন্নবা চাউখৎ-থৌরাংগী মরুওইবা পরামিতর অমা ওইরে।" জল জীবন মিসন (JJM)গী মায়পাকপা অসি ইনফ্রাস্ত্রকচর শেমগৎপদা নত্তনা 'জন ভাগিদারী সে পেজল প্রবন্ধন'গী স্পিরিৎ, কম্ম্যুনিতীনা লুচিংবা ৱাতর গবর্নান্স অমসুং তেক্নোলোজীগী ইন্নোভেতিব শিজিন্নবদা লৈ।
- ৱাতর মেনেজমেন্তদা নুপীনা লুচিংবা - মহারাস্ত্রা
মহাপান খুঙ্গংদা, অমৃতনাথ মহিলা সামুহা, নুপীগী সেল্ফ হেল্প গ্রুপ অমনা খুঙ্গংগী তেপ ৱাতর স্কিম পায়খৎলি। মখোয়গী থৌদাংশিং অদুদা পম্প মথৌ তৌহনবা, সিস্তেম শেন্নবা, মিতরগী রিদিং লৌবা, ঈশিংগী বিল খোমজিনবা, অমসুং কমপ্লেন্তশিং লোইশিন্নবা য়াওরি। গ্রুপ অসিনা স্কিম অসিগী ফাইনান্স স্তেবিলাইজ তৌদুনা অমসুং মশা-মরোমদোম লেপহন্দুনা ৱাতর বিল 100% খোমগৎপা ঙমখি। ইফিসেন্ত মেনেজমেন্তকী খুত্থাংদা, SHGনা লুপা 1,70,000 তান্দুনা কাংলুপ অসিবু সস্তেনেবল ওইবা ইনকম-জেনেরিং য়ুনিৎ অমসুং কম্ম্যুনিতী-লেদ য়ুতিলিতী মেনেজমেন্তকী মোদেল অমা ওইহনখি।
- সোর্স সস্তেনেবিলিতী অমসুং ক্লাইমেৎ রেজিলিয়ন্স - নাগালেন্দ
নাগালেন্দগী ৱোখাদা, মীয়াম্না জল জীবন মিসনগী মখাদা মখোয়গী ঈশিংগী সোর্সশিং ঙাক-শেল্লি। কম্ম্যুনিতীশিংনা "পিপল-ফার্স্ত, সোর্স-ফার্স্ত" এপ্রোচ ঙাক্না চৎলি। ৱোখাগী কম্ম্যুনিতীশিংনা খঙলে মদুদি কেৎচমেন্তশিংবু ঙাক-শেন্দুনা থম্বা অসি মখোয়গী তেপশিংবু ঙাক-শেন্দুনা অমসুং চহি কয়াগী ওইনা ঈশিং নীংথিনা চেলহন্নবগী মরুওইবা অমনি। JJMনা মতেং পাংদুনা অমসুং ফোরেস্ত অমসুং সোইল এন্দ ৱাতর কঞ্জর্বেসন দিপার্তমেন্তশিংগা খুৎশম্নদুনা খুঙ্গংগী মীওইশিংনা দিগ্রেদেদ স্লোপশিং অমুক হন্না ফগৎহন্নবা হোৎনরি। মখোয়না ত্রেঞ্চশিং, রীচার্জ পিৎশিং, অমসুং পরকোলেসন তেঙ্করশিং শেমদুনা সোইল ইরোজন থিংনবা অমসুং নোংগী ঈশিংবু লৈমায়দা চুপশিনহন্নবা হোৎনরি। অল্দর, ওক, অমসুং ৱাগুম্বা মফম অদুগী উ পাম্বীশিং অসি লৈহাউদু ফাজিন্নবা থাখি। নুপীগী কাংলুপশিংনা প্লান্তেসন দ্রাইবশিং অসি লমজিংই, অদুগা য়ুথ ক্লবশিংনা রিচার্জ স্ত্রকচরশিং অসি য়েংশিল্লি।
- হেল্থ অমসুং হাইজিনদা অওনবা পুরকপা - অসাম
অসামগী বোর্বোরি খুঙ্গংদা, জল জীবন মিসন (JJM) গী মখাদা কম্ম্যুনিতী সেন্সিতাইজেসন তৌবনা মতম শাংনা লৈরক্লবা ঈশিংদগী থোক্লকপা অনাবশিং মুত্থৎপদা মতেং পাংখি। রিপোর্ত তৌরবা কেসশিং অসি 2022-23দা 27 লৈরম্বদগী চহি অনিগী মনুংদা জিরোদা হন্থরে, পাইপ ৱাতর অমসুং হায়জিনগী মতাংদা এৱারনেস কেম্পেনশিং হৌদোক্লবা মতুংদা, মীওই অমত্তা শীবগী রিপোর্ত তৌখিদে। মফম অদুগী লুচিংবা বিন্দু দেবীনা ৱাতর সপ্লাই স্কিম অসিগীদমক্তা মহাক্কী লম পীবতা নত্তনা য়ুমথোং খুদিংমক্না নোংমদা লুপা 1 কন্ত্রিব্যুত তৌদুনা ৱাতর সিস্তেম অসি নীংথিনা মথৌ তৌহন্নবা সস্তেনেবল মেন্তেনেন্স মোদেল অমা প্রমোৎ তৌখি। থৌওং অসিনা সিস্তেম অসি অপনবা লৈতনা অমসুং মতম শাংনা মথৌ তৌহনবদা তেংবাংদুনা কম্ম্যুনিতীগী মপু ওইবা অমসুং থৌদাং লৌবা থৌগৎকখি।
- ৱাতর স্কার্সিতীবু ৱাতর সেক্যুরিতীদা ওন্থোকপা - রাজস্থান
বোথারা খুঙ্গংদা পাঙথোকখিবা কম্ম্যুনিতি মীফম অমদা ঈশিং য়াম্না চংদবা অমসুং গ্রাউন্দৱাতর এক্সপ্লোইতেসন 103% হেনবা উবা ফংখি। অসিগুম্বা ৱাখল্লোন অসিনা মরম ওইদুনা জল জীবন মিসন (JJM) গী মখাদা য়ুমথোং খুদিংমক্তা তুং কোইগদবা থক্নবা ঈশিং ফংহনবদা মীৎয়েং থমদুনা ৱাতর সেক্যুরিতী প্লান অমা শেমখি। ৱাতর সেক্যুরিতী কম্মিতী (WSC) গী মীফম অমদা, খুঙ্গংগী মীওইশিংনা JJMগী মখাদা শাবা অনৌবা ওপন ৱেল অসি ইফেক্তিব রিচার্জ তৌনবা থৌরাংশিংগী মতেং মথৌ তারে হায়বগী ৱাফম পুখৎখি। মখোয়শিং অসি য়াওদ্রবদি, গুহা অদু কংলম্বা য়াই। WSCনা ৱাতর সেক্যুরিতী প্লান অমা শেমখি অমসুং রিদজ-তু-ভেলী এপ্রোচ অমা শিজিন্নখি। চেক দামশিং অমসুং কন্তোর ত্রেঞ্চশিং শারম্মি, মসিনা চেক দামশিং অসি লোইরবা মতুং নুমিৎ 10নিগী মনুংদা ওপন ৱেল অমগী ঈশিং লেবেল ফুত 70 হেনগৎহনখি। খুঙ্গংগী চহিগী ঈশিং থম্নবা কেপাসিতী অসি 11.77% হেনগৎহনখি অমসুং রিচার্জ স্ত্রকচরশিংগী অপুনবা শেনফমগী 5%দা কম্ম্যুনিতীনা শরুক তমখি।
- দিজিতেল গভর্নান্স অমসুং ত্রান্সপরেন্সী – ৱেস্ত বেঙ্গল
ৱেস্ত বেঙ্গলগী "জল মিত্র" এপ্লিকেসন অসিনা কম্ম্যুনিতী ৱাতর গভর্নান্সকী মোনিতরিং অমসুং ত্রান্সপরেন্সীদা অহোংবা পুরক্লে। 'জল মিত্র' মোবাইল অমসুং ৱেব এপ্লিকেসন অসি দিজিতেল ইন্নোভেসনগী খুত্থাংদা তুংকোইনা সর্ভিস দেলিভরী, কম্ম্যুনিতী ওনরশিপ অমসুং পার্তিসিপেতিব মোনিতরিংদা মরুওইবা পীরদুনা খুঙ্গংগী ইমুং খুদিংদা ফঙ্কস্নেল হাউসহোল্দ তেপ কন্নেক্সন (FHTC) ফংহন্নবা পান্দম থম্মিবা জল জীবন মিসন (JJM)গী পরিং মখাদা শেম্বা মেনেজমেন্ত ইনফোর্মেসন সিস্তেম (MIS) অমনি। দিজিতেল মেনেজমেন্ত ইনফোর্মেসন সিস্তেম (MIS) প্লেৎফোর্মনা কম্ম্যুনিতীগী থবক থৌরম করোর 13.70 (এপ্রিল 2024-ওগস্ত 2025) ত্রেক তৌখি, মসিনা খুঙ্গং 22,111গী ইমুং লাখ 80.39গী মথৌ তাবগী এসেসমেন্ত তৌবদা মতেং পাংখি অমসুং জল বচাও কম্মিতী 4,522 শেমগৎপদা মতেং পাংখি। এপ অসিনা রিএল-তাইম, দেতা-দ্রিভেন সিস্তেম অমগা লোয়ননা মচেৎ মচেৎ থোকপা মেনুএল প্রোসেস অমগী মহুৎ শিনখি, মসিনা একাউন্তেবিলিতী অমসুং লেপ্তনা মথৌ পাংথোকপা ঙমহল্লি।
ৱারোইশিনা
জল জীবন মিসননা রুরেল ইন্দিয়াবু শেমদোক্লি। মসিনা ইমুংশিংগী 81% হেনবদা থক্নবা ঈশিং ফংহল্লগনি। চহি তরুক্কী মনুংদা, মসিনা হর ঘর জলগী মঙলান অসি য়াম্না থুনা পাকথোক চাউথোকহনবা, দিজিতেল ইন্নোভেসন, অমসুং কম্ম্যুনিতীগী মপাঙ্গল কনখৎপা থৌরাংগী খুত্থাংদা তশেং তশেংনা ওইহল্লক্লি। ইনফ্রাস্ত্রকচরগী মথক্তা, JJMনা খুঙ্গংশিংদা হকশেল, পুন্সি মহিং অমসুং ইকাই খুম্নবা হেনগৎহল্লি। মসিনা থবক কয়া ফংহল্লি, নুপীশিংগী মতম কনবা ঙমহল্লি, অমসুং ঈশিংনা শন্দোকপা লায়নাশিং হন্থহল্লি। সস্তেনেবিলিতী অমসুং ইক্ব্যুতীবু মরুওইনা লৌরগা, মিসন অসিনা গুদ গভর্নান্স অমসুং মীয়ামনা লুচিংবা চাউখৎপগী মোদেল অমা ওইদুনা ভারতপু য়ুনিভর্সেল অমসুং থাজবা য়াবা ৱাতর সেক্যুরিতীদা হেন্না নকশিলহল্লি।
রিফরেন্সশিং
জল শক্তি মন্ত্রালয়
PIB বেকগ্রাউন্দরশিং
PDFতা য়েংঙু
***
(Backgrounder ID: 155748)
Visitor Counter : 1
Provide suggestions / comments