Press Note Details: Press Information Bureau

Technology

چھ6 جی کے ساتھ ایک ترقی یافتہ بھارت(وکست بھارت) کی تعمیر

چوتھی4 جی خود انحصاری سے 6جی عالمی قیادت تک

Posted On: 26 OCT 2025 1:59PM

تعارف
حکومتِ ہند ایک جامع اور دوررس حکمتِ عملی کے تحت ملک کو اگلی نسل کی رابطہ کاری کی سمت لے جا رہی ہے، جس کا مقصد 6جی ٹیکنالوجیز کے فروغ کے ذریعے جدید، مستحکم اور خودکفیل ڈیجیٹل مستقبل کی بنیاد رکھنا ہے۔ سستی، پائیداری اور ہمہ گیری کے اصولوں پر مبنی بھارت کا 6جی وژن مقامی اختراعات، اعلیٰ معیار کی تحقیق و ترقی، اور بین الاقوامی تعاون کے ذریعے معاشرے کو بااختیار بنانے پر مرکوز ہے۔ صنعت، تعلیمی اداروں اور تحقیقی تنظیموں کی بھرپور شمولیت کے ساتھ، بھارت تیزی سے مستقبل کی ٹیلی کام ٹیکنالوجیز کا ایک عالمی مرکز بن کر ابھر رہا ہے—جو 2047 تک ’’وِکست بھارت‘‘ (ترقی یافتہ بھارت) کے قومی مقصد سے بخوبی ہم آہنگ ہے۔

6جی کیا ہے؟
6جی، یعنی چھٹی نسل کی وائرلیس ٹیکنالوجی، 5جی کے بعد آنے والا جدید ترین ارتقائی مرحلہ ہے، جو انٹرنیٹ کنکشن کو نہایت تیز، مستحکم اور ہموار بنا دے گا۔ یہ ٹیکنالوجی 5جی کے مقابلے میں کہیں زیادہ بلند ریڈیو فریکوئنسیز استعمال کرے گی، جس کی بدولت یہ بیک وقت بےپناہ مقدار میں ڈیٹا کو تقریباً بغیر کسی تاخیر یا وقفے کے منتقل کرنے کی غیر معمولی صلاحیت رکھتی ہوگی۔

6جی نیٹ ورک جدید امیجنگ، درست مقام کی نشاندہی، اور حقیقی زندگی کے مشابہ ورچوئل تجربات جیسے فیچرز کو بھی بہتر بنائے گا۔ جب اسے مصنوعی ذہانت کے ساتھ یکجا کیا جائے گا، تو یہ خودکار طور پر فیصلہ کرنے کے قابل ہوگا کہ ڈیٹا کہاں ذخیرہ، پروسیس، اور شیئر کیا جائے، جس سے ٹیکنالوجی ہر جگہ زیادہ مؤثر اور تیز ردعمل دینے والی بن جائے گی۔
بھارت کا 6جی وژن: بھارت کو عالمی ٹیلی کام انوویٹر (اختراع کار)کے طور پر قائم کرنا ہے
بھارت 6جی وژن منشور کا مقصد بھارت کو جدید ٹیلی کام ٹیکنالوجیز کا ایک نمایاں فراہم کنندہ بنانا ہے، جو وِکست بھارت کے اہداف کے ساتھ ہم آہنگ ہے۔ 5جی کا تیز رفتار نفاذ اور ملکی سطح پر اپنانا بھارت کے 6جی وژن کی بنیاد رکھ رہا ہے اور ملک کو مستقبل کی ٹیلی کام جدت کاری میں عالمی رہنما کے طور پر پیش کر رہا ہے۔ 6جی وژن سستی، پائیداری، اور ہمہ گیری کے اصولوں پر مبنی ہے۔
22 مارچ 2023 کو "بھارت 6جی وژن" دستاویز جاری کی گئی، جس میں 2030 تک بھارت کو 6جی ٹیکنالوجی کے ڈیزائن، ترقی اور نفاذ میں ایک فرنٹ لائن کنٹریبیوٹر کے طور پر تصور کیا گیا۔ حکومت نے ملک میں 6جی ٹیکنالوجی کی ترقی کو فروغ دینے کے لیے درج ذیل اقدامات کیے ہیں:
•   ملک میں تحقیق و ترقی اور اختراعات کو فروغ دینے کے لیے دو ٹیسٹ بیڈز یعنی 6جی THz ٹیسٹ بیڈ اور ایڈوانسڈ آپٹیکل کمیونیکیشن ٹیسٹ بیڈ کے لیے فنڈنگ کی۔
•   مالی سال 2023-24 میں ملک بھر کے تعلیمی اداروں میں 100 5جی لیبز کی منظوری دی گئی، تاکہ صلاحیت سازی کے ساتھ ساتھ ملک میں 6جی کے لیے تیار تعلیمی اور اسٹارٹ اپ ماحولیاتی نظام قائم کیا جا سکے۔
•   6جی نیٹ ورک ایکوسسٹمز پر تحقیق و جدت کاری کو فروغ دینے کے لیے 104 تحقیقی تجاویز کی منظوری دی گئی، تاکہ عالمی 6جی ٹیکنالوجی کے روڈ میپ کے مطابق تحقیق اور اختراعات کو بڑھایا جا سکے۔

بھارت 6جی الائنس
بھارت 6جی الائنس (بی 6 جی اے) ہندوستانی صنعت، ٹیلی کام سروس فراہم کنندگان، تعلیمی اداروں، قومی تحقیقی اداروں اور معیاری تنظیموں کا ایک مشترکہ اقدام ہے۔ حکومت اور صنعت کے تعاون سے یہ اقدام ملکی 6جی تحقیق و ترقی کو فروغ دیتا ہے تاکہ جدید مواصلاتی ٹیکنالوجیز کے لیے ایک خودکفیل اور عالمی سطح پر مسابقتی ماحولیاتی نظام قائم کیا جا سکے۔ جدید لیبز اور اختراعی توجہ کے ساتھ، ملٹی چپ ماڈیولز، ایس او سیز، اور جدید آئی او ٹی ایپلیکیشنز پر کام کرتے ہوئے، ہندوستان عالمی 6جی تحریک کی قیادت کرنے کا ہدف رکھتا ہے۔ بی 6 جی اے ایک صنعت کی قیادت میں چلنے والا ادارہ ہے، جسے حکومت سہولت فراہم کرتی ہے، اور یہ سرکاری و نجی کمپنیوں، تعلیمی اداروں، تحقیقی اداروں، اور معیاری ترقیاتی تنظیموں سمیت ٹیکنالوجی کے اسٹیک ہولڈرز کے لیے ایک مشترکہ اور باہمی تعاون کا پلیٹ فارم فراہم کرتا ہے۔ بھارت 6جی الائنس نے 6جی کے مختلف شعبوں جیسے اسپیکٹرم، ٹیکنالوجی، ایپلیکیشنز، گرین و پائیداری، اور استعمال کے کیسز پر سات ورکنگ گروپس قائم کیے ہیں۔

عالمی مواصلات کے مستقبل کی نئی تعریف کی جانب ایک قدم کے طور پر، بھارت 6جی الائنس نے معروف تحقیقی اتحادوں کے ساتھ مفاہمت نامہ پر دستخط کیے، جن میں نیکسٹ جی الائنس (امریکہ)، 6جی آئی اے (یورپ)، 6جی فلیگ شپ اوولو یونیورسٹی (فن لینڈ)، 6جی فورم جنوبی کوریا، ایکس جی ایم ایف جاپان، این جی ایم این الائنس، 5جی اے سی آئی اے، یو کے آئی ایف این آئی، یو کے ٹی آئی این، یورپی خلائی ایجنسی، اور 6جی برازیل (برازیل) شامل ہیں، تاکہ مشترکہ تحقیق اور معیاری کاری کو فروغ دیا جا سکے۔ قومی ہم آہنگی کو بروئے کار لانے کے لیے ٹی ایس ڈی ایس آئی اور نیسکام کے ساتھ بھی مفاہمت نامے کیے گئے ہیں۔ 6جی تحقیقی اتحادوں کے ساتھ یہ مفاہمت نامے لچکدار سپلائی چین سمیت محفوظ اور قابل اعتماد ٹیلی مواصلاتی ٹیکنالوجی کی ترقی کو مزید ممکن بنائیں گے۔

بھارت کا 6جی مشن
بھارت کی 6جی کی تلاش ایک بلند حوصلے والے وژن کے ساتھ شروع ہوئی، جس کا مقصد اگلی نسل کی وائرلیس مواصلات میں عالمی رہنما بننا تھا۔ اس وژن نے ایک متحرک ماحولیاتی نظام کو جنم دیا، جس میں اختراعی لوگ، محققین، اسٹارٹ اپس، اور پالیسی ساز شامل ہیں، جو سب رابطہ کاری کو آگے بڑھانے کے لیے پرعزم ہیں۔ جیسے جیسے یہ مشن اگلے مرحلے میں داخل ہو رہا ہے، تو توجہ ماضی کی کامیابیوں کو بڑھانے، ٹیکنالوجی میں گہری اختراعات کو فروغ دینے، اور اس بات کو یقینی بنانے پر مرکوز ہے کہ 6جی نہ صرف بھارت کے لیے فائدہ مند ہو بلکہ یہ یہاں ہی پیدا ہو۔ تعاون اور مشترکہ مقصد کے ذریعے، بھارت عالمی ڈیجیٹل مستقبل میں قیادت کے لیے راہ ہموار کر رہا ہے۔

انڈیا موبائل کانگریس 2025 میں ہندوستان توجہ کا مرکز (اسپا ٹ لائٹ)
انٹرنیشنل 6جی سمپوزیم 2025، جو انڈیا موبائل کانگریس 2025 کے دوران منعقد ہوا، بھارت کے اگلی نسل کی مواصلاتی ٹیکنالوجیز کے سفر میں ایک اہم سنگ میل ثابت ہوا۔ اس موقع پر ملک کی ٹیلی کام میں جدت کاری، مقامی تحقیق و ترقی، اور عالمی ڈیجیٹل قیادت میں بڑھتی ہوئی صلاحیت کو نمایاں طور پر اجاگر کیا گیا۔

بھارت کی تکنیکی خود انحصاری کی ترقی
بھارت کی تیار کردہ 4جی اسٹیک کو تکنیکی خود انحصاری اور برآمد کے لیے تیاری کی جانب ملک کی کوششوں میں ایک تاریخی کامیابی کے طور پر پیش کیا گیا۔ یہ مقامی ایجاد ‘انڈیا 6جی وژن 2030’ کی بنیاد فراہم کرتی ہے، جس کا مقصد مستقبل کے لیے تیار، محفوظ اور قابل توسیع ٹیلی کام نیٹ ورکس قائم کرنا ہے۔

بھارت کا 6جی روڈ میپ اس شعبے سے توقع رکھتا ہے کہ 2035 تک یہ قومی جی ڈی پی میں تقریباً 1.2 ٹریلین امریکی ڈالر کا حصہ ڈالے گا۔ ملک عالمی 6جی پیٹنٹس کا 10 فیصد حاصل کرنے کا ہدف رکھتا ہے، جو ٹیلی کام ٹیکنالوجیز میں اختراع کے عالمی مرکز کے طور پر اس کے ابھرتے ہوئے کردار کو اجاگر کرتا ہے۔ اسی دوران، سیٹلائٹ کمیونیکیشنز کے بازار کے 2033 تک تین گنا بڑھنے کی پیش گوئی کی گئی ہے، جو بھارت کے خلائی منسلک رابطہ کاری کے ماحولیاتی نظام کو مزید مستحکم کرے گا۔

تعاون اور شمولیت پر مرکوز توجہ
اس سمپوزیم میں بین الاقوامی تعاون، مقامی تحقیق و ترقی، اور تعلیمی اداروں، صنعت، اور حکومتوں کے درمیان ہم آہنگی کی ضرورت پر زور دیا گیا تاکہ ایک شمولیتی اور سستی عالمی 6جی فریم ورک قائم کیا جا سکے۔ خاص طور پر اس بات پر توجہ دی گئی کہ ایک سوادیشی ٹیلی کام ماحولیاتی نظام تشکیل دیا جائے، جس کی بنیاد حالیہ پیش رفتوں پر ہو، جیسے ملک بھر میں ایک لاکھ مقامی 4جی ٹاورز کی تنصیب، جو اگلی نسل کے نیٹ ورکس کے لیے مضبوط اور قابل اعتماد انفراسٹرکچر تیار کرنے کی جانب ایک اہم قدم ہے۔
رہنمائی کرنے والے وژن میں اس بات پر بھی زور دیا گیا کہ بھارت اب ٹیکنالوجی کا محض صارف ہونے کی حد سے آگے بڑھ رہا ہے اور 6جی انقلاب میں شریک تخلیق کار اور شریک رہنما کے طور پر ابھر رہا ہے، جو مواصلات کے مستقبل کو ملکی اور عالمی دونوں ضروریات کے مطابق تشکیل دے رہا ہے۔

اہم اعلانات اور جاری کردہ دستاویزات
اس تقریب میں بھارت کی 6جی تیاری کو تیز کرنے کے لیے متعدد اہم نتائج پیش کیے گئے:
•   6جی کے اصولوں پر مشتمل مشترکہ اعلامیہ 10 اکتوبر 2025 کو جاری کیا گیا۔
•   بھارت 6جی الائنس نے دو مفاہمت نامے (ایم اویوز) پر دستخط کیے: ایک نیسکام کے ساتھ اور دوسرا یورپی خلائی ایجنسی کے ساتھ، تاکہ 6جی اور متعلقہ ٹیکنالوجیز میں مشترکہ تحقیق اور اختراعات کو فروغ دیا جا سکے۔
•   بھارت 6جی الائنس نے چار وائٹ پیپرز بھی جاری کیے، جو اس شعبے کے لیے حکمت عملی کی رہنمائی فراہم کرتے ہیں:
1.   بھارت میں 6جی کے لیے اسپیکٹرم روڈ میپ
2.   اگلی نسل کے ٹیلی کام کے لیے توانائی کے ذرائع
3.   مصنوعی ذہانت اور نیٹ ورک کی ترقی سے 5جی تک
4.   6جی فن تعمیر، سیکیورٹی، اور ریڈیو فریکوئنسی سینسنگ کے لیے ایکسپوژر فریم ورک

حکومتی اقدامات برائے مستقبل کے لیے تیار 6جی ٹیلی کام ماحولیاتی نظام
بھارت اگلی نسل کے ٹیلی کام میں جدت، تعاون اور مہارت کو فروغ دینے والے اقدامات کے ذریعے 6جی کے لیے تیار ماحولیاتی نظام کی طرف مؤثر انداز میں بڑھ رہا ہے۔ یہ اقدامات مقامی تحقیق، صنعت و تعلیمی اداروں کے شراکت داری، اور اسٹارٹ اپس کی حمایت پر مرکوز ہیں تاکہ جدید ترین اور پائیدار حل فراہم کیے جا سکیں۔
۱۔ملک بھر کے تعلیمی اداروں میں 100 5جی لیبز: 6جی کے لیے تیار اختراعی ماحولیاتی نظام کی تعمیر
جدید ٹیلی کام ٹیکنالوجیز میں مہارت، تحقیق اور عملی تجربات کو فروغ دینے کے لیے، حکومتِ ہند نے ملک بھر کے تعلیمی اداروں میں 100 5جی لیبز قائم کی ہیں۔ ان کا بنیادی مقصد درج ذیل ہے:

•   طلباء اور تعلیمی حلقے میں 5جی ٹیکنالوجیز میں مہارت اور فعال شمولیت پیدا کرنا۔
•   طلباء کے لیے انڈر گریجویٹ اور پوسٹ گریجویٹ سطح پر 5جی ماحول میں تحقیقی اور عملی منصوبے ممکن بنانا۔
•   تعلیمی اداروں اور صنعت کے درمیان شراکت داری کو فروغ دینا تاکہ 5جی کے استعمال کے مختلف کیسز تخلیق اور ترقی دی جا سکیں۔
•   اسٹارٹ اپس اور مائیکرو، اسمال اور میڈیم انٹرپرائزز کے لیے تعلیمی ادارے کے ارد گرد 5جی ٹیسٹ سیٹ اپ تک مقامی رسائی فراہم کرنا۔
•   بھارتی تعلیمی اور اسٹارٹ اپ ماحولیاتی نظام کو 6جی کے لیے تیار بنانا۔

۲۔ٹیلی کام ٹیکنالوجی ڈیولپمنٹ فنڈ (ٹی ٹی ڈی ایف): ٹیلی کام میں مقامی تحقیق و ترقی کو فروغ دینا

1 اکتوبر 2022 کو شروع کیے گئے ٹیلی کام ٹیکنالوجی ڈیولپمنٹ فنڈ (ٹی ٹی ڈی ایف) اسکیم کا مقصد ٹیلی کام میں، بشمول 6جی ٹیکنالوجیز، تحقیق و ترقی اور جدت کو تیز کرنا اور ملکی سطح پر مضبوط اختراعی بنیاد فراہم کرنا ہے۔
اہم نکات:
•   ٹیلی کام ٹیکنالوجی ڈیولپمنٹ فنڈ اسکیم کو ملکی کمپنیوں اور اداروں کے لیے نوٹیفائی کیا گیا ہے جو ٹیلی کام مصنوعات اور حل کے ڈیزائن، ترقی، اور کمرشلائزیشن میں سرگرم ہیں، تاکہ دیہی اور دور دراز علاقوں میں سستی براڈبینڈ اور موبائل خدمات فراہم کی جا سکیں۔
•   اس اسکیم کا مقصد ٹیلی کام ٹیکنالوجیز میں تحقیق و ترقی (آر اینڈ ڈی) اور اختراعات کو مالی معاونت فراہم کرنا ہے، اور تعلیمی اداروں، اسٹارٹ اپس، مائیکرو، اسمال اور میڈیم انٹرپرائزز، تحقیقی اداروں اور صنعت کے درمیان تعاون کو فروغ دینا ہے تاکہ بھارت میں ٹیلی کام ماحولیاتی نظام کو مزید مضبوط بنایا جا سکے۔
•   ٹی ٹی ڈی ایف اسکیم کے تحت 30 ستمبر 2025 تک 5جی اور 6جی سے متعلق مجموعی طور پر 115 منصوبے، جن کی مالیت 310.6 کروڑ روپے ہے، کی منظوری دی گئی ہے۔ ان تحقیق و ترقی کے منصوبوں کی مدت 1 سے 5 سال کے درمیان ہے اور یہ منصوبے اس وقت ترقی کے ابتدائی مراحل میں ہیں۔
۳۔بھارت 6جی الائنس: عالمی 6جی قیادت کے لیے ایک متحدہ قومی اقدام
بھارت 6جی وژن کو آگے بڑھانے کے لیے، بھارت نے بھارت 6جی الائنس کا آغاز کیا، جو صنعت، تعلیمی اداروں، اسٹارٹ اپس، تحقیقی اداروں اور معیاری تنظیموں کو یکجا کرتا ہے۔ یہ الائنس مقامی اختراعات کو فروغ دینے اور عالمی تعاون کو مضبوط بنانے پر مرکوز ہے۔
جولائی 2025 تک، اس الائنس میں 80 سے زائد ممبر تنظیمیں شامل ہیں، جن میں 30 سے زائد اسٹارٹ اپس شامل ہیں۔
عالمی علم کے تبادلے اور مشترکہ ترقی کو فروغ دینے کے لیے متعدد بین الاقوامی 6جی اتحادوں کے ساتھ مفاہمت ناموں(ایم او یوز)پر دستخط کیے گئے ہیں۔
عالمی معیار زندگی کے تجربے کے لیے ہمہ گیر، ذہین، اور محفوظ کنیکٹیویٹی فراہم کرنا اس کا مقصد ہے۔
دیہی اور شہری علاقوں کے درمیان فرق کو کم کرنا اور عالمی ڈیجیٹل شمولیت کو فروغ دینا اس کی کوشش ہے۔
ابتدائی مرحلے میں تصدیقی تصور پر کام کیا جاتا ہے، جس کے بعد بھارت اور عالمی کمیونٹی کے لیے ٹیکنالوجی حل کی تعیناتی کی جاتی ہے۔
۴۔آئی آئی آئی ٹی-بنگلور میں ٹیکنالوجی انوویشن ہب: 6جی کے لیے تیار ٹیکنالوجیز میں قیادت
بین الشعبہ جاتی سائبر فزیکل سسٹمز (این ایم-آئی سی پی ایس) پر قومی مشن کے تحت، آئی آئی آئی ٹی بنگلور میں ایک ٹیکنالوجی انوویشن ہب قائم کیا گیا ہے، جس میں جدید مواصلاتی نظاموں پر توجہ مرکوز کی گئی ہے جو مستقبل کے 6جی نیٹ ورکس کی تشکیل کریں گے۔
•   یہ ہب جدید مواصلاتی نظاموں کے لیے وقف ہے، جو موجودہ اور مستقبل کی قومی ضروریات اور بین الاقوامی رجحانات دونوں کو پورا کرتا ہے۔
•   کوریج، صلاحیت، اور سینسنگ کو بڑھانے کے لیے ری کنفیگرایبل ذہین سطحیں اور او-آر-اے-این ماسیو ایم آئی ایم او تیار کیے جا رہے ہیں۔
•   اہم فوکس ایریاز میں 5جی ایڈوانسڈ (5جی+) اور 6جی سسٹمز اور نیٹ ورکس کے لیے ٹیکنالوجی کے بنیادی بلاکس کا ڈیزائن اور ترقی شامل ہے۔
•   ترجیح مقامی تحقیق کو دی جاتی ہے جو تجارتی استعمال کے لیے پروڈکٹ آئی پی سمیت دانشورانہ ملکیت (آئی پی) کی تخلیق کا باعث بنتی ہے۔
•   مصنوعات پر مبنی اختراع کو فروغ دینے اور آنے والے 5جی ایڈوانسڈ اور 6جی معیارات میں شمولیت کو آسان بنانے کے لیے پیٹنٹس (آئی پی آر) تیار کرنے پر زور دیا جاتا ہے۔
یہ تمام اقدامات مل کر ایک محفوظ، شمولیتی، اور مستقبل سے محفوظ ڈیجیٹل بنیادی ڈھانچہ تشکیل دے رہے ہیں، جو نہ صرف بھارت کی عالمی 6جی دوڑ میں قیادت کو مضبوط کرتا ہے بلکہ سب کے لیے معلومات، کنیکٹیویٹی اور خدمات تک مساوی رسائی کو بھی فروغ دیتا ہے۔ اسٹارٹ اپس کو بااختیار بنا کر، ٹیلنٹ کو پروان چڑھا کر اور عالمی شراکت داری کو گہرا کر کے، بھارت ایک مربوط، خود انحصار اور ڈیجیٹل شمولیتی مستقبل کی بنیاد رکھ رہا ہے۔
نتیجہ
بھارت کی اگلی نسل کی ٹیلی کام ٹیکنالوجیز کی تلاش خود انحصاری، اختراع، اور عالمی تعاون کے وژن کے تحت رہنمائی حاصل کر رہی ہے۔ انٹرنیشنل بھارت 6جی سمپوزیم 2025 میں ہونے والی گفتگو اور اعلانات نے ایک محفوظ، شمولیتی، اور مستقبل کے لیے تیار ڈیجیٹل ماحولیاتی نظام کی ترقی کے لیے قومی عزم کی تصدیق کی۔ بھارت 6جی الائنس، ٹیلی کام ٹیکنالوجی ڈیولپمنٹ فنڈ، اور عالمی تحقیقی اداروں کے ساتھ فعال شراکت داری جیسے اقدامات کے ذریعے بھارت بتدریج ٹیکنالوجی کے صارف سے ٹیکنالوجی کے خالق اور معیارات کے مقرر کرنے والے کی طرف منتقل ہو رہا ہے۔
یہ اسٹریٹجک اقدامات نہ صرف ملکی ٹیلی کام ماحولیاتی نظام کو مضبوط کرتے ہیں بلکہ بھارت کو عالمی 6جی فریم ورک میں ایک اہم شراکت دار کے طور پر بھی متعین کرتے ہیں۔ سستی، پائیداری، اور ہمہ گیری پر مسلسل زور یہ یقینی بنائے گا کہ بھارت کی تکنیکی ترقی معاشرے کے ہر طبقے کے لیے فائدہ مند ہو اور 2047 تک ’’وِکست بھارت‘‘ کے وژن کو فروغ دے۔
حوالہ جات