पत्र सूचना कार्यालय

মরু ওইবা হীরমশিং:

• ভারত শিনবা থুংনা এস.ঐচ.জি. ৯০.৯ লাখ ওইহন্নবা খুঙ্গংগী ইমুং করোর ১০.০৫বু থৌরাং তৌখি।
• এন্তরপ্রিনরশিপ প্রোগ্রামশিংগী খুত্থাংদা মহিলা কিসান করোর ৪.৬ অমসুং এন্তরপ্রাইস লাখ ৩.৭৪দা তেংবাং পীখ্রে।
• দি.দি.য়ু.-জি.কে.ৱাই.গী মখাদা খুঙ্গংগী নহারোল লাখ ১৭.৫ ত্রেন তৌখ্রে, অপুনবা লাখ ১১.৪৮দি হান্ননা প্লেস তৌখ্রে।
• রুরেল ফাইনান্সিএল ইনক্লুজন অমসুং ক্রেদিৎ এক্সেস হেনগৎহন্নবা বেঙ্ক সখী ৪৭,৯৫২ থাদোকখ্রে।
• লৌউ-শিংউ, নন-তিম্বর ফোরেস্ত প্রদক্তশিং, শা-ষন অমসুং নন-ফার্ম ইন্তর্প্রাইজশিংগী খুত্থাংদা সস্তেনেবল লাইবলিহুদশিং প্রমোৎ তৌরি।uction

দীনদয়াল অন্ত্যোদয়া য়োজনা - নেস্নেল রুরেল লাইবলিহুদ মিসন (দি.এ.ৱাই.-এন.আর.এল.এম.) অসি লায়রবা ইমুংশিংদা শেন্দোং লৈবা সেল্ফ-ইমপ্লোয়মেন্ত অমসুং স্কিল লৈরবা শেন-থুমগী থবক ফংহন্দুনা লায়রবা মীওইশিংগীদমক তুং কোইনা চৎকদবা অমসুং তোঙান তোঙানবা পুন্সি মহিংগী খুদোংচাবশিং ফংহন্দুনা লায়রবা কোকহন্নবা ভারত সরকারগী রুরেল দিবেলপমেন্ত মন্ত্রালয়না পায়খৎলিবা মরুওইবা লায়রবা কোকহন্নবা থৌরাং অমনি। দি.এ.ৱাই.-এন.আর.এল.এম.গী পান্দমদি খুঙ্গংগী লায়রবা ইমুংশিংবু সেল্ফ হেল্প গ্রুপ (এস.ঐচ.জি.) ওইহনবা অমসুং মখোয়না লাইরবগী খয়াত্তগী থোক্লকপা ঙমদ্রিবা ফাওবগী মতমদা মশাগী অফবা শেন্থোক লৈহন্নবা শেন্মিৎলোনগী থবকশিং পায়খৎপা ঙম্নবা তেংবাংবনি।

দি.এ.ৱাই.-এন.আর.এল.এম.না খুঙ্গংগী পুন্সিদা অহোংবা পুরকপগী মওংদা মসিগী মাই পাকপা অসি উবা ফংই। অসিগুম্বা ৱারী অমা মেঘালয়াগী, হেনীদামঙ্কি কানাইগীনি। মহাক্না জনুৱারী ২০২০দা কাইরশানলাং সেল্ফ হেল্প গ্রুপ (এস.ঐচ.জি.) দা য়াওরকপদগী মাই পাক্লবা ইন্তর্প্রিনর অমা ওইবগী খোঙচৎ হৌখি। মহাক্কী এস.ঐচ.জি.গী তেংবাং অমসুং নেস্নেল রুরেল লাইবলিহুদস মিসন (এন.আর.এল.এম.) গী লমজিং-লমতাকপগা লোইননা, হাইনীদামঙ্কিনা খুৎনা শাজবা সাপোনশিং - রোস, এলো ভেরা, ওরেঞ্জ অমসুং লেমোন গ্রাস শেম্বা হৌরকখি। মহাক্কী কন্না হোৎনবনা এপ্রিলদা মহাক্কী ব্যুজিনেস হৌখিবা থা খরগী মতুংদা ২০২৩গী ওগস্ততা কান্নবা ফংখি। মহাক্কী পোতেন্সিএল অদু উদুনা মহাক্না মহাক্কী এস.ঐচ.জি.গী খুত্থাংদা বেঙ্কতগী লুপা লাখ ১.৮কী লোন লৌখি। মসিগী মতেংনা মহাক্না অনৌবা মেছিনরি, খুৎলাইশিং লৈখি, অমসুং মহাক্কী সাপোনশিংগী ক্বালিতী অসি য়েংশিন্নবা লেবোরেতরী তেস্তশিং ফাওবা পাংথোকখি।

হেনইদামঙ্কিগী থবক অসি তপ্না তপ্না চাউখৎলকখি। মহাক্কী চহিগী শেন্থোক্না লুপা লাখ ১ হেনখি, মসিনা মহাক্কী পুন্সিদা অহোংবা পুরকখি অমসুং মহাক্কী মঙলানবু হেন্না চাউখৎহন্নবা থাজবা পীখি। মহাক্না মহাক্কী মায় পাকপদা লোইশিনখিদে, মহাক্না মহাক্কী খুঙ্গংগী এস.ঐচ.জি.গী অতোপ্পা মেম্বরশিংবু সাপোন শেম্বদা ত্রেনিং পীবা, লৌশিং শন্দোকপা অমসুং অতোপ্পশিংদা মখোয়গী এন্ত্রিপ্রেন্যুরিয়রগী মঙলানশিং ঙাক্নবা পুক্নিং থৌগৎপা হৌখি।

নেস্নেল রুরেল লাইবলিহুদ মিসন (এন.আর.এল.এম.) অসি ২০১০দা মিসন-মোদ স্কিম অমা ওইনা হান্নগী স্বর্ণজয়ন্তী গ্রামীণ স্বরোজগর য়োজনা (এস.জি.এস.ৱাই.) গী শেমদোক-শাদোক্তুনা হৌদোকখি। ২০১৬দা প্রোগ্রাম অসি দীনদয়াল অন্ত্যোদয়া য়োজনা - নেস্নেল রুরেল লাইবলিহুদ মিসন (দি.এ.ৱাই.এন.আর.এল.এম.) হায়না মিংথোনখি। কেন্দ্র অমসুং রাজ্য সরকারশিংনা পুন্না শেল থাদদুনা মসিগী সেন্ত্রেল্লি স্পোন্সর তৌরবা স্কিম অসি পায়খৎলি। মসিনা লাইরবশিংগী পুন্সি মহিং ফগৎহন্নবা মালেমগী খ্বাইদগী চাউবা খোঙথাং অমনি। মিসন অসিনা মরুওইবা কম্পোনেন্ত মরিদা ইনবেস্তমেন্ত তৌদুনা মসিগী পান্দম অসি ফংনবা হোৎনরি:

  খুঙ্গংগী লাইরবা নুপীশিংগী মশানা পানজবা অমসুং শেলথুমগী হীরমদা সস্তেনেবল ওইবা খুন্নাই চাউখৎহন্নবা অমসুং মপাঙ্গল লৈহন্নবা খুন্নাই পুন্না শরুক ইয়ামিন্নবা;

  ফাইনেন্সিএল ইনক্লুজন;

  সস্তেনেবল ওইবা পুন্সি মহিং; অমসুং

  কনভর্জেন্সকী খুত্থাংদা সোসিএল ইনক্লুজন, সোসিএল দিভেলপমেন্ত অমসুং এন্তাইতলমেন্ত ফংহনবা

দি.এ.ৱাই.-এন.আর.এল.এম.গী পান্দম

দি.এ.ৱাই.-এন.আর.এল.এম.না লায়রবশিং, মরুওইনা নুপীশিংগীদমক সেল্ফ-হেল্প গ্রুপশিং (এস.ঐচ.জি.) গুম্বা মপাঙ্গল কনবা ইন্সতিত্যুসনশিং শেমগৎপা অমসুং ইন্সতিত্যুসনশিং অসিদা শেল-থুমগী সর্ভিসশিং অমসুং হিংনবগী লম্বী কয়া ফংহনবদা মতেং পাংই। ইন্সতিত্যুসনশিং অসিনা মখোয়গী হিংনবগী লম্বীদা মখল কয়াগী মতেং পীদুনা মখোয়গী ইনকম হেনগৎহল্লি অমসুং মখোয়গী পুন্সি মহিং ফগৎহল্লি। মিসন অসিগী ইন্তরভেন্সন অয়াম্বসি এস.ঐচ.জি.গী নুপীশিংনা মশামক্না পায়খৎলি অমসুং পাকথোক চাউথোকহল্লি। মখোয় অসি কম্ম্যুনিতী রিসোর্স পার্সন (সি.আর.পি.) মিসন অসিনা ইমুং মনুংগী হিংসা, নুপীশিংগী এজুকেসন অমসুং অতোপ্পা জেন্দরগা মরী লৈনবা ৱাফমশিং, ন্যুত্রিসন, সেনিতেসন, হকশেল অসিনচিংবা ইসুশিংদা এৱারনেস জেনেরেসন অমসুং বিহেবিয়র চেঞ্জ কম্ম্যুনিকেসনগী খুত্থাংদা এস.ঐচ.জি. নুপীশিংদা শক্তি পীনবগী থবকসু পায়খৎলি। স্কিম অসিগী মখাদা শেম্বা এস.ঐচ.জি.শিংগী পান্দমদি মখাদা পীরিবশিং অসি লাইথোকহনবনি:

  ফোর্মেল ক্রেদিত ফংহনবা;

  পুন্সি মহিং তোঙালহনবা অমসুং পাঙ্গল লৈহনবদা তেংবাং পীবা; অমসুং

  এন্তাইতলমেন্ত অমসুং পব্লিক সর্ভিস ফংহনবা

দি.এ.ৱাই.-এন.আর.এল.এম.গী খুত্থাংদা নুপীশিংগী পাঙ্গল হাপ্পা

মিসন অসিগী মরুওইবা পান্দমদি লায়রবা ইমুংশিং, মরুওইনা নুপীশিংদা শেল-থুমগী সর্ভিসশিং ফংহনবা, মখোয়গী হিংনবগী লম্বীশিং মখল-মখা কয়া থোকহনবা অমসুং মখোয়গী পুন্সি মহিং ফগৎহনবা ঙম্বগী খুদোংচাবা পীদুনা লায়রবা হন্থহনবনি। শেল থুমগী ওইনা, মিসন অসিনা মরুওইবা শেল থুম, তেক্নিকেল অমসুং মার্কেতিং রিসোর্সশিং পীরিবা কম্ম্যুনিতী ইন্সতিত্যুসনশিং ফগৎহন্দুনা নুপীশিংদা শক্তি পীরি। ফোরমেল ফাইনান্সিএল ইন্সতিত্যুসনশিংগী খুত্থাংদা নুপী সেল্ফ হেল্প গ্রুপ (এস.ঐচ.জি.)শিংদা লুপা করোর লাখ ১১গী ক্রেদিৎ পীরদুনা দীন দয়াল অন্ত্যোদয়া য়োজনা  - নেস্নেল রুরেল লাইবলিহুদস মিসন (দি.এ.ৱাই.-এন.আর.এল.এম.) গী মখাদা মরুওইবা মাইলস্তোন অমা ফংলে। মসি বেঙ্ক সখী অমসুং বেঙ্কিং কোরেসপোন্দেন্ত সখী ওইনা ত্রেন তৌরবা নুপীশিংনা মতেং পাংলি। মখোয়না এস.ঐচ.জি.শিং অমসুং ফোর্মেল বেঙ্কিং ইন্সতিত্যুসনশিংগী মরক্তা লিয়াজন ওইনা থবক তৌই। কোলেতরেল-ফ্রী লোন, ইন্তরেস্ত সবভেন্সন অমসুং অতোপ্পা শেল-থুমগী তেংবাংগা লোইননা লুপা করোর লাখ ১১গী শেন-থুম অসি পীনবা হোৎনখি। মসিগী মতুং ইন্না শেন-থুমগী শেনফম চাদা ৯৮গী মথক্তা অমুক হন্না শিংদোক্লকপগী মতৌনা প্রোগ্রামশিং অসিগী কান্নবা অমসুং সস্তেনেবল ওইবগী শক্তম উবা ফংহল্লি।

হিংনবগী লম্বীগী মতাংদা, দি.এ.ৱাই.-এন.আর.এল.এম.  না ফার্ম অমসুং নন-ফার্ম অনিমক্কী থবক থৌরমশিংদা মতেং পাংই। মসিনা 'মহিলা কিসান' হায়না খঙনবা নুপী লৌমীশিংবু এগ্রো-ইকোলোজিকেল প্রাক্তিসশিং প্রমোৎ তৌদুনা মপাঙ্গল কনখৎহল্লি অমসুং মসিগী ইন্তরভেন্সনশিংগী মখাদা নুপী কোতি ৪.৬২ কোনশিনখ্রে। ত্রেনিং ফংলবা লাইবলিহুদ কম্ম্যুনিতী রিসোর্স পার্সনশিংগী মপাঙ্গল কনবা নেৎৱর্ক অমা কৃশি সাখি অমসুং পশু সাখি হায়না কৌই। মখোয়শিং অসি মহিলাকিশানশিংদা চহী চুপ্পা এক্সতেন্সন সর্ভিসশিং পীবা অমসুং মতেং পাংনবা থবক পায়খৎলি।

মিসন অসিনা স্তার্ত-অপ ভিলেজ এন্ত্রিপ্রেন্যুওরশিপ প্রোগ্রাম (এস.ভি.ই.পি.) গুম্বা সব-স্কিমশিংগী খুত্থাংদা হন্দিক্রাফ্ত অমসুং ফুদ প্রোসেসিংগুম্বা লমশিংদা মাইক্রো-এন্ত্রিপ্রেন্যুওরশিপশিংসু প্রমোৎ তৌরি। মসিনা এন্ত্রিপ্রেন্যুওরশিপ লাখ ৩.৭৪ হেনবদা মতেং পাংলি। মিসন অসিনা ইমুং মনুংগী হিংসা, নুপীশিংগী এজুকেসন অমসুং অতোপ্পা জেন্দরগা মরী লৈনবা ৱাফমশিং, ন্যুত্রিসন, সেনিতেসন, হকশেল অসিনচিংবা ইসুশিংদা এৱারনেস জেনেরেসন অমসুং বিহেবিয়র চেঞ্জ কম্ম্যুনিকেসনগী খুত্থাংদা এস.ঐচ.জি. নুপীশিংদা শক্তি পীনবগী থবকসু পায়খৎলি।

কৃশি সখী অসি কম্ম্যুনিতি এগ্রিকলচর সর্ভিস প্রোভাইদর (সি.এ.এস.পি.) অমনি। মসিনা ফার্মদা য়ুম্ফম ওইবা সর্ভিসশিং অসি য়াম্না ৱাৎলিবা নৎত্রগা শেল য়াম্না চঙবা খুঙ্গংগী মফমশিংদা অরোইবা মাইলগী মতেং পাংলি। লৌমীশিংগী ইনকম হেনগৎহন্নবা লৌউ-শিংউগী পোত্থোকশিং পুন্সিনবা অমসুং কৈথেলদা য়োনবা লাইথোকহন্দুনা সস্তেনেবল এগ্রিকলচরদা এৱারনেস অমসুং কম্ম্যুনিতি কেপাসিতী শেমগৎলি।

বেঙ্ক সখী অসি শেল-থুমগী সর্ভিসশিংগা লোয়ননা এস.ঐচ.জি.শিংদা মতেং পাংনবা বেঙ্ক ব্রাঞ্চ অমদা স্তেসন তৌরবা ত্রেন তৌরবা সেল্ফ-হেল্প গ্রুপ (এস.ঐচ.জি.) মেম্বর অমনি। মহাক্না এস.ঐচ.জি. সেভিংস একাউন্তশিং হাংবদা মতেং পাংই, ক্রেদিৎ অমসুং দেবিৎ ত্রাঞ্জেক্সন অনিমক লাইথোকহল্লি, অমসুং এস.ঐচ.জি.শিংনা লোন অমসুং অতোপ্পা বেঙ্কিং ফেসিলিতীশিং ফংবা ঙম্নবা ক্রেদিৎ লিঙ্কেজ তৌবা ঙমহনবদা মরুওইবা থৌদাং লৌই।

পশু সখী অসি কম্ম্যুনিতি এনিমেল-কেয়র সর্ভিস প্রোভাইদর (সি.এ.এস.পি.) অমনি। মসিনা য়াম্না ৱাৎপা নৎত্রগা শেল য়াম্না চঙবা ভেটেরিনরি কেয়রবু খুঙ্গংগী লমশিংদা ফার্মাসিষ্টকী সর্ভিসশিং ফংহল্লি। পশু সখিনা এৱারনেস হেনগৎহল্লি, শা-ষন য়ুম্ফম ওইবা হিংনবগী লম্বীদা কম্যুনিতি কেপাসিতী শেমগৎলি, অমসুং খুঙ্গংগী ইনকম ফগৎহন্নবা শা-ষনগী পোত্থোকশিং পুন্সিন্নবা অমসুং কৈথেলদা য়োনবদা মতেং পাংলি।

দি.এ.ৱাই.-এন.আর.এল.এম.না খুঙ্গংগী নুপীগী ইমুং করোর ১০.০৫বু রাজ্য ২৮ অমসুং য়ু.তি. ৬দা লৈবা এস.ঐচ.জি. লাখ ৯০.৯০ হেনবদা শরুক য়াহনখ্রে। অতোপ্পা মশক থোকপা মাইপাকপশিং অদুদি:

• মহিলা কিসান ওইনা এস.ঐচ.জি. মেম্বর কোতি ৪.৬২না থবক পায়খৎলি।

• কৃষি সখী অমসুং পশু সখী লাখ ৩.৫ রোম শিন্দোকখ্রে।

• ইন্তিগ্রেতেদ ফার্মিং ক্লস্তর 6,000 শেম্লে।

• মহৈ-মরোং পুথোকপা গ্রুপ লাখ ১.৯৫না খুঙ্গংগী নুপী লাখ ৫০ হেন্না কান্নবা ফংহল্লে।

• ব্লোক ২৮২দা এন্তরপ্রাইজ লাখ ৩.৭৪ মতেং পাংখি।

• নুপী এস.ঐচ.জি.শিংনা ২০১৩-১৪দগী হৌরগা লুপা করোর লাখ ১১গী লোন ফংখ্রে।

• এস.ঐচ.জি.শিংগী ক্রেদিৎ লিঙ্কেজ লাইথোক্নবা বেঙ্ক ব্রাঞ্চশিংদা বেঙ্ক সখি ৪৭,৯৫২ থমখ্রে।

দি.এ.ৱাই.-এন.আর.এল.এম.গী খ্বাইদগী হেন্না মথৌ তৌবা রাজ্যশিং

• ২০২৫গী জুন ৩০ ফাওবদা বিহার, উত্তর প্রদেশ অমসুং অন্ধ্র প্রদেশ অসি সেল্ফ হেল্প গ্রুপ (এস.ঐচ.জি.) মশিং খ্বাইদগী য়াম্না লৈবা রাজ্যশিংগী মরক্তা লৈরে অমসুং হৌরকপদগী এস.ঐচ.জি.শিংদা নুপী মচা মশীং খ্বাইদগী য়াম্না য়াওরে।

ফাইনান্সিএল সপোর্ত অমসুং ইনক্লুজনগী মতাংদা, রাজ্য কয়ানা শেনবা চহি ২০২৪-২৫দা ২০২৫গী ফেব্রুৱারী ২৮ ফাওবদা মশক থোকপা পর্ফোমেন্স উৎখ্রে। সেল্ফ হেল্প গ্রুপশিং (এস.ঐচ.জি.) দা পীরিবা কেপিতেলাইজেসন সপোর্তকীদমক্তা, উত্তর প্রদেশ অমসুং বিহারনা মথংশিৎনা লুপা লাখ ১,২৩,৩২৬ অমসুং লুপা লাখ ১,০৫,১৩২ পীখ্রে। মখোয় অনিমক্না মখোয়গী তার্গেৎশিংদগী হেন্না পীখ্রে। এস.ঐচ.জি.শিংগীদমক বেঙ্ক লোনগী খুদোংচাবশিং ফংহনবগী মতাংদা, অন্ধ্র প্রদেশনা লুপা লাখ ৩৪,৮৩,৭২৫গী শেনফমগা লোইননা লৈবাক অসিদা মকোক ওইরি।

তুং কোইনা হিংনবগী লম্বী প্রোমোসন তৌবগী মতাংদা, তোঙান তোঙানবা রাজ্যশিংনা ফার্ম অমসুং নন-ফার্ম সেক্তরশিংদা নীংথিনা মথৌ পাংথোকখি। ফার্মদা য়ুম্ফম ওইবা থৌরাংশিংদা, মহারাস্ত্রানা এগ্রো-ইকোলোজিকেল প্রাক্তিসেসকী মখাদা 'মহিলা কিসান' (নুপী লৌমী) মশিং খ্বাইদগী য়াম্না কোনশিল্লি, মসিদা নুপী ১২,৯৭,০৫১ কোনশিল্লি, মসিগী মতুংদা উত্তর প্রদেশ (১১,৩৭,৯৫০) অমসুং অন্ধ্র প্রদেশ (১০,৪৩,০৮৫) লাক্লি। স্তার্ত-অপ ভিলেজ এন্ত্রিপ্রেন্যুওরশিপ প্রোগ্রাম (এস.ভি.ই.পি.) গী মখাদা নন-ফার্ম মাইক্রো এন্ত্রিপ্রেন্যুওরশিপ প্রমোৎ তৌবদা, আসামনা লুচিংবা রাজ্য ওইদুনা এন্ত্রিপ্রেন্যুওরশিপ ৯,৫৫৭দা মতেং পাংলি। কেরলা (৫,৮০২) অমসুং ৱেস্ত বেঙ্গল (৪,৯৩৩) না মপাঙ্গল কন্না পাংথোক্লি।

দি.এ.ৱাই. - এন.আর.এল.এম.গী মখাদা পায়খৎপা স্কিল দিভেলপমেন্ত অমসুং ইমপ্লোয়মেন্ত প্রোগ্রাম

মন্ত্রালয়না দি.এ.ৱাই.-এন.আর.এল.এম.গী মখাদা সেন্ত্রেল্লি স্পোন্সর তৌরবা স্কিম অনি পায়খৎলি। মসিগী পান্দমদি খুঙ্গংগী লায়রবা নহাশিংবু শেল থোকপা থবক ফংহন্নবা স্কিলশিং পীনবা অমসুং মখাগী প্রোগ্রামশিং অসিগী খুত্থাংদা লায়রবা কোকহন্নবা থৌদাং লৌবনি:

• দীন দয়াল উপাধ্যায় গ্রামীণ ক্বাশল্যা য়োজনা (দি.দি.য়ু.-জি.কে.ৱাই.): চহি ১৫দগী ৩৫ ফাওবগী মনুংদা লৈবা খুঙ্গংগী নহারোলশিংদা প্লেসমেন্ত লিঙ্ক তৌবা স্কিল ত্রেনিং পীরি। প্রোগ্রাম অসিনা থবক ফংহনবগা চুনবা প্রাক্টিকেল স্কিল দিভেলপমেন্ট অমা লৈহল্লগনি। মসিনা শরুক য়ারিবশীংবু ফোর্মেল লেব মার্কেটতা পীবা মিনিমম ৱার্দ অদুগা মান্নবা নত্ত্রগা মদুদগী হেনবা শেনফম ফংবা ঙমহনগনি। ২০২৫গী জুন ফাওবদা অপুনবা কেন্দিদেৎ লাখ ১৭.৫০ ত্রেন তৌখ্রে অমসুং অপুনবা কেন্দিদেৎ লাখ ১১.৪৮দা থবক ফংহনখ্রে।
• রুরেল সেল্ফ এমপ্লোয়মেন্ত ত্রেনিং ইন্সতিত্যুৎশিং (আর.এস.ই.তি.আই.): ইনফ্রাস্ত্রকচর অমসুং ত্রেনিংগী শেনফমশিংগী শেলগী তেংবাংগা লোয়ননা এন্ত্রিপ্রেন্যুওরশিপ ত্রেনিং পীবা অমসুং সেল্ফ অমসুং লেমহৌরিবা এমপ্লোয়মেন্ত প্রমোৎ তৌবা চহি ১৮-৫০গী মরক্তা লৈবা নহাশিংগীদমক বেঙ্কনা স্পোন্সর তৌবা সেন্তরশিং। অপুনবা কেন্দিদেৎ লাখ ৫৬.৬৯ ত্রেন তৌখ্রে অমসুং হৌখিবা মতমদগী জুন ২০২৫ ফাওবদা অপুনবা কেন্দিদেৎ লাখ ৪০.৯৯ সেতল তৌখ্রে।

দি.এ.ৱাই.-এন.আর.এল.এম. গী মখাদা এদভান্স অমসুং মার্কেতিং ত্রেনিং

সরকারনা এস.ঐচ.জি. মেম্বরশিং, মরুওইনা নুপীশিংদা এদভান্স ত্রেনিং অমসুং মার্কেতিং স্কিলশিং পীনবা খোংথাং লৌখৎলি:

• নেস্নেল অমসুং স্তেৎ লেভেলগী সারস আজীবিকা মেলাশিং চহি খুদিংগী পাংথোকই, মসিনা মার্কেতিং অমসুং মরী লৈনবা কম্পেন্সেন্সশিংগীদমক্তা অখন্নবা ত্রেনিং পী। খ্বাইদগী নৌনা পাংথোকখিবা অসি সেপ্তেম্বর ৫দগী ২২ ফাওবা ন্যু দিল্লীদা পাংথোকখি।

(সারস অজীবিকা মেলা ২০২৫গী মরমদা হেন্না খঙনবা ক্লিক তৌবিয়ু @ https://www.pib.gov.in/FeaturesDeatils.aspx? NoteId=155247&ModuleId=2 )

• নেস্নেল ইন্সতিত্যুৎ ওফ রুরেল দিবেলপমেন্ত অমসুং পঞ্চায়তী রাজ (এন.আই.আর.দি. অমসুং পি.আর.) না এস.ঐচ.জি. মেম্বরশিং অমসুং দি.এ.ৱাই.-এন.আর.এল.এম.গী মখাদা মতেং পাংলিবা খুঙ্গংগী ইন্ত্রপ্রিনরশিংগী কেপাসিতী শেমগৎনবা মার্কেতিং স্কিলশিংদা ত্রেনরশিংগী ত্রেনিং পীরি। হৌখিবা চহি অহুম অসিদা, এন.আই.আর.দি. অমসুং পি.আর.না ত্রেনিং অমসুং কেপাসিতী-বিল্ দিং প্রোগ্রাম ৪৪ পাংথোকখ্রে।

ৱারোইশিন

দি.এ.ৱাই.-এন.আর.এল.এম. অসি ভারত্তা খুঙ্গংগী লায়রবা কোকহন্নবা অমসুং নুপীশিংগী শক্তি লৈহন্নবা য়ুম্ফম অমা ওইরক্লি। মসিনা ফোরমেল ক্রেদিৎ, স্কিল অমসুং কৈথেলগী খুদোংচাবশিং ফংহনবগী অয়াবা হেঙ্গৎহল্লে, মসিনা তুং কোইনা হিংনবগী পাম্বৈ অমসুং শেল-থুমগী ফিবম ফগৎহল্লে। স্কিল দিবেলপমেন্ত, এন্ত্রিপ্রেন্যুওরশিপ অমসুং মরুওইবা সরকারগী স্কিমশিংগা পুনশিন্নবা মিৎয়েং চঙবা খোংথাংশিংগী খুত্থাংদা, এন.আর.এল.এম.না ইনকমগী সোর্সশিং তোঙান-তোঙানবা অমসুং খুঙ্গংগী শেন্মিৎলোনবু মপাঙ্গল কনখৎহল্লে। মসিগী মপাঙ্গল কনবা মোনিতরিং সিস্তেমশিং, মপাঙ্গল কনবা এস.ঐচ.জি.- বেঙ্ক লিঙ্কেজশিং, অমসুং কেপাসিতী বিল্ দিং মেজরশিংনা ত্রান্সপরেন্সী অমসুং একাউন্তেবিলিতী লৈহল্লগনি। মসিনা খুঙ্গংগী কম্ম্যুনিতীশিংদা ইনক্লুসিব গ্রোথ অমসুং লাইফ স্তেন্দর্দ ফগৎহনবগী মপাঙ্গল লৈরবা দ্রাইভর অমা ওইহল্লগনি।

রিফরেন্স

রুরেল দিভেলপমেন্ত মন্ত্রালয়

https://static.pib.gov.in/WriteReadData/specificdocs/documents/2023/dec/doc2023126279701.pdf https://aajeevika.gov.in/home https://aajeevika.gov.in/what-we-do/institutional-capacity-building https://darpg.gov.in/sites/default/files/National%20Rural%20Livilihood%20Mission.pdf https://aajeevika.gov.in/about/goal https://nrlm.gov.in/dashboardForOuter.do?methodName=dashboard https://sansad.in/getFile/loksabhaquestions/annex/185/AU380_bavCuN.pdf?source=pqals https://sansad.in/getFile/loksabhaquestions/annex/185/AU2551_O3P2KL.pdf?source=pqals https://sansad.in/getFile/loksabhaquestions/annex/185/AS138_slGOkB.pdf?source=pqals https://sansad.in/getFiles/loksabhaquestions/annex/185/AU3714_fGFnWZ.pdf?source=pqals https://sansad.in/getFile/loksabhaquestions/annex/185/AU380_bavCuN.pdf?source=pqals https://sansad.in/getFile/loksabhaquestions/annex/185/AU4171_T2uTD0.pdf?source=pqals https://sansad.in/getFile/loksabhaquestions/annex/185/AU2591_TWzqam.pdf?source=pqals https://www.pib.gov.in/FactsheetDetails.aspx?Id=149112 https://www.pib.gov.in/PressReleasePage.aspx?PRID=2043778 https://www.pib.gov.in/PressReleasePage.aspx?PRID=2112203 https://msrls.nic.in/sites/default/files/pldsuccess-storiesmeghalaya.pdf

https://asrlms.assam.gov.in/sites/default/files/swf_utility_folder/departments/asrlm_pnrd_uneecopscloud_com_oid_66/portlet

/level_2/Guidance%20Note_Krishi%20Sakhi.pdf

https://asrlms.assam.gov.in/sites/default/files/Hand%20Book%20for%20Bank%20Sakhi.pdf https://asrlms.assam.gov.in/sites/default/files/swf_utility_folder/departments/asrlm_pnrd_uneecopscloud_com_oid

_66/portlet/level_2/Guidance%20Note_Pashu%20Sakhi.pdf https://lakhpatididi.gov.in/about-lakhpati-didi/

https://www.pib.gov.in/PressReleasePage.aspx?PRID=2149656

পি.দি.এফ. ফাইলগীদমক্তা মসিদা ক্লিক তৌবীয়ু

***