पत्र सूचना कार्यालय

বিক্সিত ভারতকী ময়োল নুংদা নারি শক্তি

খুঙ্গংগী খুৎহৈবশিংদগীনা শহরগী ইন্নোভেতর ফাওব্দা লৈরিবা নুপীশিংনা শরুক য়ারবা অমা ওইবদা নত্তনা ৱার্কফোর্স্তা চঙলকপা হায়বসি ভাপ্না অমুক্তং শাদুনা য়েংশি। মসিনি ২০৪৭ ফাওবদা চাউখৎলবা লৈবাক অমগী মঙলান মঙলিবা বিক্সিত ভারতকী ৱাশক, মসিনা নুপীগী শেন্মিৎলোনবু এজুকেসন, স্কিল, সেফতী অমসুং ওন্ত্রপ্রিন্যুরশিপনা নারিশ শক্তি মায়খুম হাংদুনা জাতি চাউখৎনবা হোৎনরি।

বিক্সিত ভারত ফংনবগী মায়কৈদা লৈরিবা মরুওইবা য়ুম্বী অমা হায়রবদি নুপীশিংনা মশানা মশাবু ভারতকী চাউখৎপগী ৱারীদা চপ মান্নবা স্তেকহোল্দরশিং ওইমিন্নদুনা ৱার্কফোর্সকী চাদা ৭০ ওইহনবনি।

নুপী ৱার্কফোর্সনা শরুক য়াবা হেনগৎলকপা

ভারত্তা নুপী ৱার্কফোর্সনা শরুক য়াবা হেনগৎলকপগী চাং অসি অদুক্কী মতীক ৱাংলি। নুপী থক তৌবগী চাং অসিসু ২০১৭-১৮ দগী ২০২৩-২৪ ফাওবদা শরুক অনি হেনগৎলে। লেবর অমসুং ইমপ্লোইমেন্ত মন্ত্রালয়গী দেতা অমগী মতুং ইন্না ফিমেল লেবর ফোর্স রেত (LFPR) অসিস ২০১৭-১৮ দা ২৩.৩% ওইরম্বদগী ২০২৩-২৪ দা ৪১.৭% ওইরে।

নুপী চহি ১৫ শুরবা অমসুং মথক্কী ৱার্করস পোপুলেসন রেতিও (WPR) অসিসু ২০১৭-১৮ দা ২২% ওইরম্বদগী ২০২৩-২৪ দা ৪০.৩% ওইরে, LFPR সু ২৩.৩% দগী ৪১.৭% দা হেনগৎলে।

হন্দক্তা ইনৌ নৌনা, নুপীগী WPR অসিসু ওগস্ত ২০২৫ তা ৩২.০% ওইখি, মসি জুলাই ২০২৫ তা ৩১.৬% ওইরম্মি অমসুং জুন ২০২৫ তনা ৩০.২% ওইরম্মি, অমসুং নুপী LFPR সু ওগস্ত ২০২৫ তা ৩৩.৭% ওইরে, মসি জুলাই ২০২৫ তা ৩৩.৩% ওইরম্মি অমসুং জুন ২০২৫ তা ৩২.০% ওইরম্মি।

মসিগী মথক্তা EPFO পেরোল দেতা অসিনসু নুপীশিংগী মরক্তা ফোর্মেল ইমপ্লোইমেন্ত হেনগৎলকপা উৎলি। ২০২৪–২৫ গী মনুংদা,অপুনবা নুপী সবস্ক্রাইবর লাখ ২৬.৯ EPFO দা হাপচিনখি। ২০২৫ তা, অনৌবা নুপী সবস্ক্রাইবর ~২.৮০ য়াওশিল্লক্তুনা ঙসিগী অপুনবগী ওইবা দাইবর্স ৱার্কফোর্স অসিদা লাখ ~৪.৪২ হাপচিনদুনা মপাংগল হেনগৎহল্লি।

BRICS কী মরক্তা নুপী ৱার্কফোরস হেনগৎলকপদা ভারতকী থৌদাং

হৌখিবা চহি তরারোম অসিদা, ভারতনা BRICS লৈবাকশিংগী মরক্তা নুপী লেবর ফোর্সতা শরুক য়াবগী চাং খ্বাইদগী হেল্লি, হায়না ৱার্ল্দ বেঙ্ক দেতাগী মতুং ইন্না হায়রি।   ২০১৫ অমসুং ২০২৪ গী মনুংদা ভারতকী নুপী লেবর ফোর্সকী শরুক য়াবগী চাং অসি কা হেন্না হেনগৎলক্তুনা ২৩% য়ৌখ্রে। মসিগী ওন্ন-তৈনবদা, ব্রাজিল, চাইনা, অমসুং রসিয়ানা শোত্থরক্লি অমসুং খা অফ্রিকানা খজিক্তমক উবা ফংলি।

অসুম্না মথক্তা ৱাংখৎলক্লিবা ভারতকী নুপীশিংগী শেন্মিৎলোন্দা য়াওবা হেনগৎলক্লিবা মশক অসিনা তাক্লে, মদুদি মসি স্কিল, ক্রেদিত অমসুং ফোর্মেল ইমপ্লোইমেন্তদা পীরিবা খুদোংচাবা কয়া অসিননি।

লৈবাক অসিনা চহি কয়া BRICS লৈবাকশিংগী মরক্তা পুম্নমক্কী চাউখৎপা পুরক্নবা হোৎনবগী মফম অমা কন্দুনা লাক্লি,  মসিনা জাতিগী চাউখৎপা পুরকপা ঙম্নবা নুপীশিংগী শেন্মিৎলোন ফগৎনবা মীৎয়েং থমদুনা লাকপা থৌশিল কয়া অমা উবা ফংলে।

নুপীগীশিংগী থবক শুফম ফগৎনবা লিগেল ফ্রেমৱার্ক

ভারতকী লেবর লোনা নুপী শিন্মীশিংবু ঙাকপী শেনবীনবা অমসুং থবক রিগুলেত তৌনবা প্রোভিজন কয়া অমা পীরি।

মেতর্নিতী বেনিফিত এক্ত, ১৯৬১ (এমেন্দেদ ২০১৭)

মেতর্নিতী বেনিফিত এক্ত, ১৯৬১, নুপী এমপ্লোইয়ীশিংদা খুদোংচাবা কয়া পীখি, মসি ২০১৭ দা শেমদোক্তুনা চয়োল ১২ দগী ২৬ ফাওবা শাংদোক্লে। মেতর্নিতী লিব পীগী মথক্তা, এক্তি অসিনা ইমপ্লোইয়ী ৫০ নৎত্রগা মসিদগী হেন্না লৈবা ইমপ্লোয়রশিংনা থবক শুফমদা ক্রিচ হান্দোক্কদবনি। হায়রিবা ক্রিচশিং অসিনা অঙাংশিংগী তঙাইফদবশিং পীনবগীদমক্তনি, মসিনা থবক শুবী নুপীশিংদা মখোয়গী থবক মতমদা অঙাং মফম চানা লৈহৌনবা হোৎনরি। হৌজিক্তি, এক্ত অসিনা সরোগেত মাদর, গী ৱাফমসু হাপচিন্দুনা নুপীশিংনা ৱার্কফোর্সতা শরুক য়াবদা মতেং পীনবা পান্দম থম্লি।

সেক্সুএল হরাস্মেন্ত ওব ৱিমেন এত ৱার্কপ্লেস এক্ত, ২০১৩

থবক মফমদা নুপীশিংবু সেক্সুএল হরাসমেন্ত (প্রিভেন্সন, প্রোহিবিসন, অমসুং রিদ্রেসেল) এক্ত, ২০১৩না থবক মফমদা সেক্সুএল হরাসমেন্তগী থৌদোক্লশিং থিংনবা অমসুং থেংননবা থবক পায়খৎতুনা, থবক শুফমদা নুপীশিংগী শরুক য়াবা হেনগৎহন্দুনা, সেফ অমসুং সেক্যুর ওইবা থবক শুবগী ফিভম অমা শেমগৎপদা মরুওইবা থৌদাং অমা লৌরি।

মসিগী মরুওইবা প্রোভিজনশিংগী মরক্তগী অমা হায়রগদি ওর্গনাইজেসনশিংগী মনুংদা ইন্তর্নেল কমপ্লেন্তস কম্মিতীশিং (আই.সি.সি.শিং) শেম্বা অসি তঙাইফদে। মখোয়শিং অসি সেক্সুএল হারাসমেন্তকা মরী লৈনবা কমপ্লেন্তশিং য়েংশিনবা অমসুং অচুম্বা অমসুং কনফিদেন্সিএল রিদ্রেসেল প্রোসেস অমা লৈহন্নবা থৌদাং লৌগনি।

আই.সি.সি.দা প্রিজাইদিং ওফিসর অমা, এমপ্লোয়ীশিংগী মরক্তগী মীহুৎশিং অমসুং নুপীশিংগী হকশিংগা মরী লৈনবা নন-গবর্নমেন্তেল ওর্গনাইজেসন নৎত্রগা এসোসিয়েসনগী মেম্বর অমা য়াওনা ইন্তর্নেল অমসুং এক্সতর্নেল মেম্বর অনিমক য়াওরি।

এক্ত অসিনা নুপী এমপ্লোয়ীশিংগী মগুন অমসুং য়াইফ-থৌরাংবু মরুওইনা লৌরিবা থবক মফমগী চৎনবী অমা প্রমোৎ তৌদুনা, কমপ্লেন্টশীংগী রিজোলুসনগী প্রোসিদ্যুওরশীং অমসুং মতমগী ফ্রেমৱার্কশীং পীরি।

পোশ এক্তনা দিস্ত্রিক্ত এদমিনিস্ত্রেসনশিংদা ইন্তরনেল কমপ্লেন্তস কম্মিতী (আই.সি.সি.) শেম্বা লৈতবা ইমপ্লোয়র মশামক নৎত্রগা এমপ্লোয়ী ১০দগী তাদবা ওর্গনাইজেসনশিংদা কমপ্লেন্তশিং থাগৎলকপা কেসশিংদা মীৎয়েং থম্নবগীদমক দিস্ত্রিক্ত খুদিংমক্তা লোকেল কমপ্লেন্তস কম্মিতী (এল.সি.সি.) অমা শেম্নবা হায়রি।

ইক্বেল রিন্যুমরেসন এক্ত, ১৯৭৬

এক্ট অসিনা জেন্দরদা য়ুম্ফম ওইবা শেল-থুমগী খেন্নবা লৈহন্দনবা পান্দম থম্লিবা মরুওইবা আইন অমনি অমসুং নুপীশিংনা চপ মান্নবা নৎত্রগা মান্নবা থবক অমগীদমক চপ মান্নবা শেলগী চাং ফংনবগী কাংলোনবু মিৎয়েং থম্লি। এক্ত অসিনা নুপা অমসুং নুপী অনিমক্কীদমক্তা অচুম্বা, খেন্নবা লৈতবা অমসুং চপ মান্নবা খুদোংচাবশিং ফংহনবদা মতেং পাংই। মসিনা হেন্না চপ মান্নবা থবক্কী অকোয়রোন অমা শেমগৎলি।

সোসিএল সেক্যুরিতী কোদ, ২০২০

কোদ অসিনা নুপীশিংগী ঙাকপী শেনবীববু মেতর্নিতি, হেল্থ অমসুং সোসিএল সেক্যুরিতী বেনিফিসরীশিং অসি শিন্মীগী কাংলুপ খুদিংমক্তা, অনওর্গনাইজ অমসুং প্লেৎফোর্ম সেক্তরশিং য়াওনা শিন্মীশিংগী কাংলুপ খুদিংমক্তা শন্দোক্তুনা মপাঙ্গল কনখৎহল্লি।

কোদ অসিনা ইমপ্লোয়িজ স্টেট ইন্সুরেন্স স্কিমগী মখাদা থবক শুবগী সেক্তর পুম্নমক্তা ইনক্লুসিবনেসতা মিৎয়েং থম্লি, মরুওইনা প্লান্তেসন ৱার্করশিংদা মসিগী কান্নবশিং পীরি। মসিগী প্রোভিজন অসি চা অমসুং কফী প্লান্তেসনশিংদা থবক তৌরিবা নুপীশিংগীদমক্তা অখন্ননা কান্নৈ, মখোয়বু তঙাইফদবা সপোর্ত পীদুনা অমসুং মখোয়গী য়াইফ-থৌরাং লৈহন্নবা হোৎনরি।

ওক্যুপেসনেল সেফটি, হেলথ, অমসুং ৱার্কিং কন্দিসন কোদ, ২০২০

কোদ অসিদা নুপীশিং য়াওনা শিন্মীশিংগী থবক শুফমগী সেফটি, হেলথ অমসুং ৱেলফেয়রগী মতাংদা অখন্নবা প্রোভিজনশিং য়াওই। মসিনা নুপীশিংগী অখন্নবা হকশেলগী মথৌ তাবশিংদা মীৎয়েং থমদুনা সেফ অমসুং হেল্থ ৱার্কিং এনভাইরনমেন্তদা মরুওইবা পীরি অমসুং শিন্মী পুম্নমক্কীদমক্তা চহিগী ওইনা লেম্না হকশেলগী চেক-অপ তৌবা য়াহল্লি। কোদ অসিনা নুপীশিংদা মখোয়গী অয়াবা পীরগা নুমিদাংগী শিফ্ততা থবক তৌবগী অয়াবা পীরি। মসিদা মখোয়গী ইমপ্লোয়রশিংনা মখোয়গী সেক্যুরিতী অদু থাজবা পীগদবনি। মসিদা থবক পীরিবা মীওইশিংদা থবক মফমশিংদা নুপী এমপ্লোয়ীশিংগী প্রোতেক্সন হেঙ্গৎহন্দুনা নুমিদাংগী মতমদা থবক তৌরিবা নুপীশিংদা ত্রান্সপোর্ত পীবা মথৌ তাগনি।

আইন অসিনা এমপ্লোয়রশিংনা খুদোংথিনিংঙাই ওইবা থবকশিংদা নুপীশিংগীদমক মতিক চাবা সেক্যুরিতীগী খোঙথাংশিং লৈহনগদবনি অমসুং সরকারনা প্রেস্ক্রাইব তৌবগুম্না শিন্মী ৫০দগী হেন্না লৈবা ইষ্টাব্লিসমেন্তশিংদা চহি তরুক্কী মখাদা লৈবা অঙাংশিংগীদমক ক্রিচ ফেসিলিতীশিং লৈহনগদবনি হায়নসু য়াথং পীরি।

সরকারগী সেক্তরদা থবক মফমদা ইনক্লুসিভিতী লৈহনবা

সরকারনা থবক মফমদা ইনক্লুসিবিতী, থবক মফমগী ফিবম অমসুং সরকারগী সর্বিসতা নুপী এমপ্লোয়ীশিংগী অপুনবা ফিবম ফগৎহন্নবা নুপী-সেন্ত্রিক ইনিসিয়েতিব কয়া পায়খৎলি। থৌরাংশিং অসিগী মনুংদা মখাগীশিং অসি য়াওরি:

স্কিল অমসুং এমপ্লোইমেন্তকী খুত্থাংদা নুপীশিংবু শক্তি পীবা

সরকারনা নুপীশিংবু লল্লোন-ইতিক, ইন্তর্প্রিনরশিপকী খুদোংচাবশিং অমসুং শেন্মিৎলোনগী মনিংতম্বা ফংনবগী লম্বীশিংদা মরী লৈনবা স্কিলশিং পীনবা, ৱার্কফোর্সতা নুপীশিংগী শরুক য়াবা হেনগৎহন্নবা মন্ত্রালয় কয়াদা থবক পীবা অমসুং স্কিল দিবেলপমেন্তকী খোঙথাং কয়া অমা হৌদোকখ্রে।

নুপী শিন্মীশিংগী ইকোসিস্তেম লৈহনবা

শি-বোক্স (MWCD)

নুপী অমসুং অঙাংশিংগী চাউখৎ থৌরাং মন্ত্রালয়না শি-বোক্স পোর্তেল হৌদোকখ্রে। মসি ওনলাইন সিস্তেম অমনি অমসুং মসি "ৱার্কপ্লেসতা নুপীশিংদা সেক্সুএল হেরাসমেন্ত (প্রিভেন্সন, প্রোহিবিসন, অমসুং রিদ্রেসেল) এক্ত, ২০১৩" (এস.ঐচ. এক্ত) গী তোঙান তোঙানবা প্রোভিজনশিং হেন্না ফজনা ইমপ্লিমেন্ত তৌবদা মতেং পাংনবা শেমখ্রে। এক্ত অসিনা মরী লৈনবা সরকারবু মসিগী ইমপ্লিমেন্ত তৌবগী মোনিতর তৌনবা অমসুং ফাইল তৌখিবা অমসুং লোইশিনখিবা কেস মশীংগী দেতা থম্নবা থৌদাং পীরি।

এসঐচ-বোক্স পোর্তেল অসিনা গবর্নমেন্ত নৎত্রগা প্রাইবেৎ সেক্তরদা লৈরিবা তোঙান তোঙানবা থবক মফমশিংদা শেমখিবা ইন্তর্নেল কমিতীশিং (আই.সি.শিং) অমসুং লোকেল কমিতীশিং (এল.সি.শিং) গা মরী লৈনবা ঈ-পাউগী পব্লিক ওইনা ফংবা সেন্ত্রেলাইজ তৌরবা রিপোজিৎরী অমা অমসুং এন্দ-টু-এন্দ ইন্তিগ্রেতেদ কমপ্লেন্ত মোনিতরিং সিস্তেমসু ফংহল্লি। মসিনা থবক মফম খুদিংদা নোদেল ওফিসর অমা খল্লগনি। ওফিসর অদুনা কমপ্লেন্টশীংগী রিএল তাইম মোনিটরিংগীদমক্তা দেটা/ইনফোর্মেসন চাং নাইনা অপদেট তৌবগী মথৌ তাই।

মিসন শক্তি

নুপী অমসুং অঙাং চাউখৎ থৌরাং মন্ত্রালয়না নুপীশিংগী সেফতী, সেক্যুরিতী অমসুং এম্পাৱরমেন্তকীদমক ইন্তরভেন্সনশিং মপাঙ্গল কনখৎহন্নবা পান্দম থমদুনা এপ্রিল ১, ২০২৪দা 'মিসন শক্তি' চৎনহনখি। মিসন অসিগী পান্দমদি নুপী অমসুং নুপীমচা পুম্নমক, মখোয়গী হোলিস্তিক দিবেলপমেন্ত অমসুং এম্পাৱরমেন্তকীদমক অতেনবা মতমগী অমসুং অশাংবা মতমগী সর্ভিসশিং অমসুং ঈ-পাউশিং পীবা, মসিদা দিসএবল ওইবা, সোসিএল অমসুং ইকোনোমিক ওইনা মার্জিনলাইজ তৌরবা অমসুং খুদোংচাদবা মীওই কাংলুপশিং য়াওনা কেয়র অমসুং প্রোতেক্সন মথৌ তারি।

মিসন শক্তিদা ভর্তিকল অনি লৈরি  "সাম্বাল" অমসুং  "সমরথিয়া"

সম্বল (সেফটি এন্দ সেক্যুরিতী)

• ৱান স্তোপ সেন্তরশিং (ও.এস.সি.): হিংসা মায়োক্নরিবা নুপীশিংদা মেদিকেলগী মতেং, লিগেল এসিস্তেন্স, সাইকোলোজিকেল কাউন্সেলিং, অমসুং য়ুমথোং অমগী মখাদা সেলচরগী সর্ভিসশিংগী খুত্থাংদা ইন্তিগ্রেতেদ সপোর্ত পীবা।

• ৱিমেন হেল্পলাইন (১৮১-WHL): নুপীশিংবু ইমর্জেন্সী রেস্পোন্স সিস্তেমশিং (পুলিস, ফায়র, এম্বুলেন্স) অমসুং ৱান স্তোপ সেন্তরশিংগা শম্নহল্লিবা ২৪/৭গী টোল ফ্রী সর্ভিস।

বেতি বচাও বেতি পধাও (বি.বি.বি.পি.): নুপীমচাশিংগী হিংবা, ঙাক-শেনবা, মহৈ-মশিং তম্বা অমসুং শক্তি পীনবা পান্দম থম্লি।

• নারী অদলৎ: হরাও-তয়াম্বা, হকশিং হন্থহনবা অমসুং অপীকপা ৱাথোকশিং অসি থেংননবা গ্রাম পঞ্চায়ত থাক্তা কম্ম্যুনিতীগী থাক্তা গ্রিভান্স রিদ্রেসেল প্লেৎফোর্ম অমা পীরি।

সমরথিয়া (এম্পাৱরমেন্ত অমসুং রিহেবিলিটেসন)

শক্তি সদান: ত্রাফিকিংগী খুদোংথীবা মায়োক্নরিবা নুপীশিং য়াওনা অৱাবা তারবা নুপীশিংগী ইন্তিগ্রেতেদ রিলিফ অমসুং রিহেবিলিতেসন হোম।

• প্রধান মন্ত্রী মাত্রু বন্দনা য়োজনা (পি.এম.এম.ভি.ৱাই.): নুপীমচা অমা পোক্লবদি অনিশুবা অঙাং অদুদা শেলগী কান্নবা ফংহন্দুনা জেন্দর ইক্যুইতি প্রমোৎ তৌদুনা মীরোনবা অমসুং অঙাং পোকপগী মতুং ইন্না শেলগী কান্নবা ফংহল্লি।

• সখী নিৱাস: থবক শুবা অমসুং পামজবা নুপীশিংগীদমক সেফ ওইবা, শেল চংদবা লৈফম অমসুং দে কেয়রগী খুদোংচাবশিং ফংহল্লি।

• পালনা: অঙ্গনৱাদি সেন্তরশিংগী খুত্থাংদা মগুন লৈবা ক্রিচ ফেসিলিতীশিং ফংহনবা হেনগৎহল্লি। মসিনা চহি তরুক্কী মখাদা লৈবা অঙাংশিংবু সেফ ওইবা, নুংশিবা অকোয়রোন অমদা অঙাংশিং য়েংশিনবা ফংহল্লি।

• সানকল্প: হাব ফোর এম্পাৱরমেন্ত ওফ ৱিমেন (ঐচ.ই.দবল্যু): সরকারগী স্কিমশিংগী মতাংদা ইনফোর্মেসনগী অৱাৎপাশিং কোকহল্লি, নুপীশিংদা কান্নবা ফংহনবদা মতেং পাংলি, অমসুং মিসন শক্তিগী থৌরাংশিংগী প্রোজেক্ত মোনিতরিং য়ুনিৎ অমা ওইনা থবক তৌরি।

ৱারোইশিন

হৌখিবা চহী তরা অসিদা, ভারতনা নুপীশিংগী থবক্তা শরুক য়াবদা মমাংদা অমুক্তা ওইখিদ্রিবা অহোংবা অমা উবা ফংলি। মকোক থোংবা রিফোর্মশিং, স্কিল দিভেলপমেন্ত পাকথোক চাউথোকহনবা, মেতরনেতি অমসুং চাইল্দ কেয়রগী কান্নবা হেনগৎহনবা, অমসুং মিসন শক্তিগুম্বা ইনিসিয়েতিবশিংগা লোইননা সরকারনা ইনক্লুসিব অমসুং সপোর্তিব ৱার্কপ্লেসশিংগীদমক্তা অচেৎপা ফাউন্দেসন অমা শেমখ্রে।

লেবর ফোর্সতা নুপীশিং য়াওরকপা লেপ্পা লৈতনা হেনগৎলকপা, নুপীশিংনা লুচিংবা ইন্তরপ্রাইজশিং হেনগৎলকপা অমসুং জেন্দর সেন্সিতিব ওইবা পোলিসীশিং মরুওইনা লৌখৎপা অসিনা লৈবাক অসিগী চাউখৎপা পুরক্নবা নারী শক্তিনা অনৌবা মতম অমা লাক্লে হায়বা তাক্লি। খুঙ্গংগী ইন্ত্রপ্রিনরদগী হৌরগা কোর্পোরেত লিদর ফাওবা, নুপীশিংনা ভারতকী শেন্মিৎলোন অমসুং খুন্নাইগী লমদমদা অহেনবা থৌদাং লৌরি।

ভারতনা বিক্সিত ভারত@২০৪৭গী মঙলানগী মায়কৈদা চংশিল্লকপদা, থবক তৌরিবা নুপীশিংগী শক্তি লৈহনবা অসি মরুওইবা অমা ওইবতা নত্তনা মসিনা লৈবাক্কী চাউখৎপগী মশক তাকপা পাঙ্গল অমা ওইরি। সেফ, ইক্বেৎ অমসুং ওপোর্চুনিতী-রিচ ৱার্কপ্লেসশিং ফংহন্দুনা লৈবাক অসিনা মসিগী মীশিং শরুক অনিগী পোতেন্সিএল অদু ফংহল্লি। মসিনা হেন্না মপাঙ্গল কনখৎহন্নবা, হেন্না ইনক্লুসিব ওইহন্নবা অমসুং মালেমগী থাক্তা চাংদম্নবা ঙম্বা ভারত অমগী লম্বী য়াৎলি।

রিফরেন্স

https://www.pib.gov.in/PressReleasePage.aspx?PRID=২১৬০৫৪৭

https://labour.gov.in/sites/default/files/০১২৫২৪_booklet_ministry_of_labour_employement_revised২.pdf

https://bricswomen.com/wp-content/uploads/২০২৫/০৭/Brics-Womens-Developmet-Report-২০২৫_EN_v৪-০৬১৬.pdf

https://www.pib.gov.in/PressNoteDetails.aspx?NoteId=১৫৪৮৮০&ModuleId=৩

https://www.pib.gov.in/PressReleasePage.aspx?PRID=২১১৯৭৮১

https://www.pib.gov.in/PressReleasePage.aspx?PRID=২১১৯০৪৫

https://www.pib.gov.in/PressReleasePage.aspx?PRID=২১৫৯১৯০

https://www.startupindia.gov.in/content/sih/en/Prabhaav.html

https://www.pib.gov.in/PressReleasePage.aspx?PRID=২১৪৭২৩৭

https://www.pib.gov.in/PressReleaseIframePage.aspx?PRID=২০৮০৭১০

https://www.pib.gov.in/PressReleasePage.aspx?PRID=২০৮২৩২৪

https://missionshakti.wcd.gov.in/about

https://wcdhry.gov.in/schemes-for-women/onestop-centre/

https://missionshakti.wcd.gov.in/public/documents/whatsnew/Mission_Shakti_Guidelines.pdf?utm_source

https://www.pib.gov.in/PressReleaseIframePage.aspx?PRID=২০৯৮৪৬৩
https://www.pib.gov.in/PressNoteDetails.aspx?NoteId=১৫৫৩৩৬&ModuleId=৩
https://data.worldbank.org/indicator/SL.TLF.CACT.FE.ZS

 PDF তা য়েংবীনবগীদমক মফম অসিদা নম্বীয়ু

***