Press Information Bureau

ৱাহৌদোক

মসি মায় পাকপগী ৱারী খক্তমক নত্তে, অদুবু নেস্নেল কঞ্জ্যুমর হেল্পলাইননা মতৌ করম্না মীচম প্রজাগীদমক লাইফলাইন অমা ওইনা থবক তৌরিবগে হায়বগী ময়েক শেংবা খুদমশিংনি। নেস্নেল কঞ্জ্যুমর হেল্পলাইন অসি কঞ্জ্যুমর এফিয়র্স দিপার্তমেন্তনা কঞ্জ্যুমরশিংদা লমজিং-লমতাকপীবা, মখোয়গী অৱা-অনাগী ৱারোইশিন পুরকপা অমসুং মখোয়গী হকশিংগী মরমদা খঙহনবা ঙম্নবগীদমক পায়খৎলিবা মরুওইবা খোঙথাং অমনি। মসিনা পোর্তেল consumerhelpline.gov.in গী খুত্থাংদা মথৌ তৌই। পোর্তেল অসিনা ইন্তিগ্রেতেদ গ্রিভান্স রিদ্রেস মেকানিজম ওইনা মথৌ তৌই। প্লেতফোর্ম অসিনা কঞ্জ্যুমরশিং, সরকারগী এজেন্সীশিং, রেগ্যুলেতরশিং, ওম্বুদসমেনশিং, কম্পেনীশিং অমসুং কোল সেন্তরশিংবু সিঙ্গল সিস্তেম অমদা পুনশিল্লি।

মেকানিজম অসিগী খুত্থাংদা, কঞ্জ্যুমরশিংনা কমপ্লেন্টশিং ওনলাইন ওইনা রেজিষ্টর তৌবা ঙম্মী অমসুং প্রি-লিতিগেসন স্তেজদা সোলুসন অমা লৌবা ঙম্মী। করিগুম্বা মখোয়না অপেনবা ফাওবা লৈরবদি, মখোয়না কঞ্জুমর কম্মিসনদা চৎপা য়াবগী ওপশন লৈরি। পোর্তেল অসিনা মখোয়গী হকশিং ঙাক্লগা নাগরিকশিংদা মখোয়গী থৌদাংশিংগী মতাংদা পাউতাক পীনবা লৌশিংগী প্লেৎফোর্ম অমা ওইনা মথৌ তৌরি।

কঞ্জ্যুমরগী ৱাকৎশিংগী ৱারোইশিন পুরকপা ঙমখিবশিং

তেক্নোলোজী শীজিন্নদুনা হেল্পলাইনগী য়ৌগদবা অমসুং ইফিসিএন্সী অসি য়াম্না হেনগৎহল্লে। কোল ভোল্যুম অসি 2015গী দিসেম্বরদা 12,553 ওইরম্বদগী 2024গী দিসেম্বরদা 1,55,138দা হেনগৎতুনা শরুক 10 হেনখ্রে। হৌজিক্তি প্লেৎফোর্ম অসিদা থা অমদা কমপ্লেন্ট লাখ অমা হেনগৎলক্লি। মসিনা কঞ্জ্যুমরশিংগী থাজবা হেনগৎলক্লিবা অদু উৎলি। 2017দা থা খুদিংগী রেজিস্ত্রেসন তৌরকপা চিংনবা মশিং অসি 37,062দগী 2025দা 1,70,585দা হেনগৎলে। দিজিতেল মোদশিং হৌদোকপগা লোইননা, হেল্পলাইনদা লৈবা কঞ্জ্যুমরগী কমপ্লেন্টশিংগী চাদা 65রোমদি ওনলাইন অমসুং দিজিতেল চেনেলশিংগী খুত্থাংদা রেজিস্তর তৌখ্রে। ৱাৎএপ্সকী খুত্থাংদা গ্রিভেন্স রেজিস্ত্রেসন তৌবগী চাং অসি মার্চ 2023দা চাদা 3দগী মার্চ 2025দা চাদা 20দা য়াম্না হেনগৎলে।

মখা তানা, জুলাই 2025দা, নেস্নেল কঞ্জ্যুমর হেল্পলাইননা তোঙান তোঙানবা সেক্তর 27দা কঞ্জ্যুমরগী গ্রিভান্স 7,256গী ৱারোইশিন পুরক্তুনা লুপা করোর 2.72 হন্দোকপদা তেংবাংখ্রে। মসি এপ্রিল 2025দা লুপা লাখ 62গী অপুনবা রিফন্দ ফংদুনা কঞ্জ্যুমরগী গ্রিভান্স 1079দগী হেনগৎলে। জুলাই 2025গী ওইনা ই-কমর্স সেক্তরদা রিফন্দগা মরী লৈনবা কমপ্লেন্ত মশিং খ্বাইদগী য়াম্না লাকখি। মসিগী মনুংদা কেস 3,594দা লুপা করোর 1.34গী রিফন্দ ফংখি। ত্রাভেল অমসুং তুরিজম সেক্তরনা লুপা লাখ 31গী রিফন্দ পীখি।

কনভর্জেন্স ইনিসিয়েতিবকী মখাদা, কম্পেনীশিংনা নেস্নেল কঞ্জুমর হেল্পলাইনগা ভোলুন্তরি অমসুং ফ্রী ওইনা পার্তনরশিপ তৌদুনা কস্তমরশিংগী কমপ্লেন্টশিং অসি অথুবা মতমদা অমসুং নুংঙাইনা লোইশিন্নবা হোৎনরি। কমপ্লেন্টশীং অসি রিয়েল টাইমদা ফোরৱার্দ তৌই অমসুং কম্পেনীশীংনা নুমিৎ 30গী মনুংদা পাউখুম পীরগনি হায়না পানৈ।

কনভর্জেন্স পার্তনরশিংগী মশিং অসি 2017দা 263 ওইরম্বদগী সেপ্তেম্বর 2025 ফাওবদা কম্পেনী 1142দা লেপ্পা লৈতনা হেনগৎলক্লি। মসিনা মতম চানা গ্রিভেন্সী রিদ্রেসেল তৌনবগীদমক্তা কোলাবোরেতিব মেকানিজমশিং মপাঙ্গল কনখৎহল্লি।

এন.সি.ঐচ.কা খুৎশম্নবনা খুদোংচাবা কয়া ফংহল্লি।

• কম্পেনীশিংনা কঞ্জ্যুমরগী কমপ্লেন্টশিং প্রোএক্টিভ ওইনা কোকহনবা ঙম্মী, মসিনা য়ানিংদবা কয়া থোকহন্দনা থিংবা ঙমগনি।
• থৌওং অসিনা কাস্তমর অমসুং কম্পেনী অনিমক্তা কান্নবা ফংহন্দুনা হেন্না থুনা অমসুং নাকল অনিমক্না নুংঙাইবা ৱারোইশিন পুরকপা ঙমহল্লি।
• মসিনা হেন্না ফবা সর্ভিসকী খুত্থাংদা কস্তমর রেতেনসন ফগৎহনবদা মতেং পাংই অমসুং লোয়ালিতী শেমগৎলি।
• শরুক য়াবা অসিনা মপাঙ্গল লৈরবা কোর্পোরেত গবর্নান্স অমা প্রোমোট তৌই অমসুং মসিনা সোসিএল রেস্পোন্সিবিলিটিদা কম্মিটমেন্ট অমা উৎলি।

নেস্নেল কঞ্জ্যুমর হেল্পলাইন্না মহৈরোইশিংদা রিফন্দগা মরী লৈনবা চয়েৎনবশিংগী ৱারোইশিন পুরকপা ঙমহল্লি

কোচিং সেন্তরশিংনা মখোয়গী রিফন্দ কম্মিতমেন্তশিং ইকাই খুম্নদবগী মতুং ইন্না 2025গী ফেব্রুৱারী ফাওবদা দিপার্তমেন্ত ওফ কঞ্জুমর এফিয়র্সনা সিভিল সর্বিসেস, ইঞ্জিনীয়রিং অমসুং অতোপ্পা কোর্সশিংদা মিং চনখিবা মহৈরোই 600 হেনবদা লুপা করোর 1.56গী শেনফম হন্দোকখ্রে। নেস্নেল কঞ্জ্যুমর হেল্পলাইনদা পীখিবা গ্রিভেন্সকী মতেংনা পাংথোকখিবা এক্সন অসিনা ফংদ্রিবা সর্ভিসশিং, কেন্সেল তৌরবা ক্লাসশিং অমসুং অরানবা থবকশিং অসি মতম চানা লোইশিন্নবা হোৎনখি। কোচিং ইন্সতিত্যুৎশিংনা ত্রান্সপরেন্ত, মহৈরোইগা চান্নবা রিফন্দ পোলিসীশিং চৎনহন্নবা থৌরাং তৌখি।

এন.সি.ঐচ.কা নেক্স-জেন জি.এস.তি. রিফোর্ম্স 2025কা পুনশিন্নখ্রে

কঞ্জ্যুমর এফিয়র্স দিপার্তমেন্তনা নেস্নেল কঞ্জ্যুমর হেল্পলাইন অসি 2025গী সেপ্তেম্বরদা কেন্দ্রগী শেলথুম মন্ত্রীনা প্রসিদেন্ত ওইদুনা পাংথোকখিবা জি.এস.তি. কাউন্সিলগী 56শুবা মীফমদা অয়াবা পীরম্বা নেক্স-জেন জি.এস.তি. রিফোর্মস 2025গা লোয়ন-লোইননা শেমখ্রে। 2025গী সেপ্তেম্বর 22দগী রিভাইস তৌরবা জি.এস.তি. চার্জশিং, রেৎশিং অমসুং একজেম্পসনশিং হৌদোক্লবা মতুংদা লাক্কদৌরিবা কঞ্জুমর ক্বেয়রীশিং অমসুং কমপ্লেন্টশিং য়েংশিন্নবা, ইনগ্রাম পোর্তেলদা অখন্নবা কেতগোরী অমা শেমখ্রে। কাংলুপ অসিদা ওটোমোবাইল, বেঙ্কিং, কঞ্জ্যুমর দ্যুরেবল, ই-কমর্স, ফাস্ত মুভিং কঞ্জ্যুমর গুদস অমসুং অতৈ মরুওইবা সেক্তরশিং য়াওরি। মসিদা কঞ্জ্যুমরশিংনা জি.এস.তি.গা মরী লৈনবা কমপ্লেন্টশিং হকথেংননা রেজিস্তর তৌবা য়াই।

নেক্স জেনরেসন জি.এস.তি. রিফোর্মস 2025 চৎনহল্লবা মতুংদগী, নেস্নেল কঞ্জুমর হেল্পলাইনদা ওক্তোবর 2, 2025 ফাওবদা জি.এস.তি.গী ইসুশিংগা মরী লৈননা কোল 3,981 লাকখি। মসিগী মনুংদা 31%দি ৱাহংশিংনি অমসুং 69%দি মখা তাবা থবক লৌখৎনবা য়েংশিনখিবা ফোর্মেল কমপ্লেন্টশিংনি।

অপুনবা অসিগী মনুংদা, গ্রিভান্স 1,992 সেন্ত্রেল বোর্দ ওফ ইন্দাইরেক্ত তেক্স এন্দ কস্তমস (সিবি.আই.সি.) দা মখা তানা থবক লৌখৎনবগীদমক ফোংদোকখ্রে, অদুগা গ্রিভান্স 761না রিয়েল তাইমদা মরী লৈনবা কন্ভর্জেন্স পার্তনর কম্পেনীশিংদা হকথেংননা ৱারোইশিন পুরক্নবগীদমক ফোংদোকখ্রে।

জি.এস.তি.গী অহোংবশিং অসিগী মতুংদা কঞ্জুমরশিংনা ক্লিয়রিতী অমসুং এক্সন লৌখৎনবা হোৎনরিবা মরুওইবা সেক্তর কয়া অমা থোক্লক্লি:

• অৱাবা কয়াগী মশক থোকপা শরুক অমা শঙ্গোমগী মমলগা মরী লৈনৈ। নৌনা শেমদোক্লবা জি.এস.তি. রেৎনা মরম ওইরগা শঙ্গোম য়োনবা কম্পেনীশিংনা শঙ্গোমগী মমল হন্থফম থোক্লে হায়না থাজবা থমদুনা কঞ্জ্যুমর কয়ানা এন.সি.ঐচ.তা পাউ পীরকখি, অদুবু অনৌবা শঙ্গোমশিং অসি জি.এস.তি.দগী হান্ননা কোম্থোক্লে অমসুং য়ু.ঐচ.তি. শঙ্গোম অসিশু হৌজিক্তি কোম্থোক্লে হায়না পাউখুম ফংনখি।
• অতোপ্পা অচৌবা কমপ্লেন্টশিংগী কাংলুপ অমনা ওনলাইনদা য়োনবা ইলেক্ত্রোনিক্কী পোৎলমশিংনি। কঞ্জ্যুমরশিংনা জি.এস.তি. হন্থরক্লবসু কান্নবা অমত্তা পীখিদে হায়খি। থিজিনবগী থৌওং অসিনা উৎখি মদুদি তেলিভিজন, এ.সি., মোনিতর অমসুং দিসৱাশরগুম্বা পোৎলমশিংদা রেৎ হন্থহনবশিং (28%দগী 18%দা) চৎনরি, অদুগা লেপ্তপোৎ, ফ্রিজরেতর অমসুং ৱাশিং মেছিনগুম্বা পোৎলম খরদি হান্ননা 18%দা তেক্স লৌনরম্মি।
• দোমেস্তিক এল.পি.জি. সিলিন্দরশিংগী মতাংদা কমপ্লেন্তশিংসু লাকখি। মীশিংনা মমল হন্থখিদে হায়খি। দোমেস্তিক এল.পি.জি.দা জি.এস.তি.গী চাং অসি 5%দা লৈহৌরগনি হায়না ফোংদোকখি।
• অৱাবা খরদি পেট্রোলগী মমলদা হন্থরকপা অদুগা মরী লৈনৈ, মসিদা মীয়াম্না হন্থরকপা পাম্মি। অদুবু পেত্রোল অসি জি.এস.তি.গী চৎনবীগী মপান্দা লৈ।

জি.এস.তি.গা মরী লৈনবা গ্রিভেন্স রিপোর্তিংগী অহানবা চয়োলদা কঞ্জুমর এফিয়র্স দিপার্তমেন্তনা শেমখিবা মেকানিজমশিংদা হেন্না চাউনা খঙহনবা অমসুং থাজবা থম্লিবা অসি উৎলদুনা কঞ্জুমরশিংনা রিদ্রেসেল সিস্তেমগা লোয়ননা এক্তিব ওইনা শরুক য়াবা উবা ফংলে।

মীওই অমনা মহাক্কী ৱাকৎ করম্না রেজিস্তর তৌগনি?

কঞ্জ্যুমরশিংনা নেস্নেল কঞ্জ্যুমর হেল্পলাইন্দা মখোয়গী ৱাকৎশিং চেন্নেল কয়াদা রেজিস্তর তৌবা য়াইঃ

• টোল ফ্রী নম্বর 1800 11 4000দা ফোন তৌবীয়ু অমসুং এজেন্ত অমগা হকথেংননা ৱারি শানবীয়ু। টোল ফ্রি নম্বর 1915গী খুত্থাংদা লোন 17দা কমপ্লেন্টশীং রেজিষ্টর তৌবা য়াই।
• পোর্তেল consumerhelpline.gov.in দা রেজিস্তর তৌবীয়ু। অমুক্তং সাইন-অপ অমসুং ই-মেইল ভেরিফিকেসন তৌরবা মতুংদা, য়ুজর আই.দি. অমসুং পাসৱার্দ অমা শেমগনি। ক্রেদেন্সিএলশিং অসিগা লোইননা, কঞ্জ্যুমরশিংনা লোগইন তৌবা, কমপ্লেন্টশিং থাগৎপা অমসুং সপোর্তিং দোক্যুমেন্তশিং অপলোদ তৌবা ঙম্মী।
• 8800001915দা এস.এম.এস. অমা থাবা অমসুং তীম অদুনা কঞ্জ্যুমরগা পাউ ফাওনগনি।
• কমপ্লেন্ট অদু থাগৎনবা WhatsApp শিজিন্নবা।
• এন.সি.ঐচ. মোবাইল এপ্লিকেসনগী খুত্থাংদা কমপ্লেন্টশীং পীশিনবা।
• উমং এপকী খুত্থাংদা সর্ভিসতা এক্সেস তৌবীয়ু।

মসিগী মথক্তা, কঞ্জ্যুমরশিংগীদমক্তা https://consumerhelpline.gov.in/public/feedback গী খুত্থাংদা মখোয়গী ৱাখল্লোনশিং শেয়র তৌনবা পুক্নিং থৌগৎতুনা অখন্নবা ফিদবেক মেকানিজম অমা হৌদোকখ্রে। ফংলিবা ফিদবেক অসি পথাপ নাইনা য়েংশিল্লি অমসুং নৈনৈ, অমসুং মসি কঞ্জ্যুমরগী মথৌ তাবশিংগা চুনবা লেপ্তনা ফগৎনবগীদমক মরুওইবা ইনপুৎ অমা ওইনা মথৌ তৌই।

ৱারোইশিন

নেস্নেল কঞ্জ্যুমর হেল্পলাইন অসি কঞ্জ্যুমরশিংগী হকশিং ঙাকথোক্নবা অমসুং অচুম্বা ললোন-ইতিক্কী থবকশিং পাংথোক্নবগীদমক মরু ওইবা প্লেৎফোর্ম অমা ওইনা মশক তাক্লি। মতম চানা কমপ্লেন্ট রিদ্রেসেল পীদুনা, কঞ্জ্যুমর, কম্পেনী অমসুং ওথোরিটিশীংগী মরক্তা কোলাবোরেসন লৈহনবা, অমসুং হেন্না ইফিসিএন্সি লৈহন্নবা টেক্নোলোজি শিজিন্নদুনা, NCHনা মীওই অমবু মতম শাংনা চত্থগদবা লিগেল প্রোসেসশীং লৈতনা জষ্টিসকীদমক খোংজেল য়াংশিনহল্লি। মসিগী প্রো-এক্তিব এপ্রোচ অসিনা ত্রান্সপরেন্সীবু মপাঙ্গল কনখৎহল্লি, সিস্তেম অসিদা থাজবা হেনগৎহল্লি, অমসুং একাউন্তেবিলিতীগী কলচর অমা প্রমোৎ তৌই, মসিনা ভারতকী কঞ্জুমর প্রোতেক্সন ফ্রেমৱার্কতা তঙাইফদবা খুৎলাই অমা ওইহল্লি।

রিফরেন্সশিং

কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন মন্ত্রালয়

নেস্নেল কঞ্জ্যুমর হেল্পলাইন

https://consumerhelpline.gov.in/public/about

https://consumerhelpline.gov.in/public/convergenceprogram

https://consumerhelpline.gov.in/public/dashboard/refundReport?from=2025-04-01&to=2025-04-30

পি.আই.বি.গী প্রেস রিলীজ

https://www.pib.gov.in/PressReleasePage.aspx?PRID=2159698

https://www.pib.gov.in/PressReleasePage.aspx?PRID=2168858

https://www.pib.gov.in/PressReleasePage.aspx?PRID=2105466

https://www.pib.gov.in/PressReleasePage.aspx?PRID=2174242

নেস্নেল কঞ্জ্যুমর হেল্পলাইন

*****