Press Information Bureau

ৱাহৌদোক

চহি খুদিংগী ওক্তোবর 16দা পাংথোকপা ৱার্ল্দ ফুদ দে অসি ফুদ সেক্যুরিতী, ন্যুত্রিসন, অমসুং সস্তেনেবল এগ্রিকলচরেল প্রেক্তিসকী মতাংদা মীয়ামদা হেন্না খঙহন্নবা কৎথোকপা মালেমগী থৌরম অমনি। মসিনা মীপুম খুদিংমক্না শাফবা, মতীক চানা অমসুং মচি ওইবা চিঞ্জাক ফংহনবদা লেপ্তনা থেংনরিবা শিংনবশিং অদু নিংশিংহল্লি। চিঞ্জাক অসি পুন্সিগী য়ুম্ফমনি, হকশেল, চাউখৎপা অমসুং য়াইফ-থৌরাংগীদমক তঙাই ফদবা অমনি। চিঞ্জাক পুথোকপদা মালেমগী থাক্তা খুমাং চাওশিল্লবসু, মীওই মিলিয়ন কয়ানা হৌজিক ফাওবা অনাবা অমসুং মচি ওইবা চিঞ্জাক্কী অৱাবা মায়োক্নরি। মসিনা ইফেক্তিব পোলিসীশিং, রেসিলিয়েন্ত চিঞ্জাক্কী পথাপশিং অমসুং কোলাবোরেতিব এক্সনগী তঙাই ফদবা অদু উৎলি।

ৱর্ল্দ ফুদ দে অসি 1945দা য়ুনাইতেদ নেসন্সকী ফুদ অমসুং এগ্রিকলচর ওর্গানাইজেসন লিংখৎখিবগী থৌরমনি। মসি "ফুদ কম্স ফর্স্ত" হায়বা থীমগা লোয়ননা 1981দা অহানবা ওইনা ওফিসিএল ওইনা পাংথোকখি অমসুং 1984দা য়ুনাইতেদ নেসন্স জেনরেল এসেমব্লীনা নুমিৎ অসিবু অয়াবা পীখি। মালেমগী লৈবাক 150দা পাংথোকপা অপুনবা এক্সন অসিনা ৱার্ল্দ ফুদ দে অসি য়ু.এন.গী কেলেন্দরদা খ্বাইদগী য়াম্না পাংথোকপা নুমিৎ অমা ওইহল্লি। মসিনা অনা-অয়েক্কী মরমদা খঙহন্নবা অমসুং চিঞ্জাক, মীওইবা অমসুং গ্রহ অসিগী তুংলমচৎকীদমক থবক পায়খৎনবা প্রমোৎ তৌই। 2025গী থীম, "হেন্না ফবা চিঞ্জাক অমসুং তুংলমচৎ অমগীদমক্তা খুৎশম্ননা চৎমিন্নবা"না এগ্রি-ফুদ সিস্তেমশিং শেমদোক্নবা সরকারশিং, ওর্গনাইজেসনশিং, কম্ম্যুনিতীশিং অমসুং সেক্তরশিংগী মরক্তা মালেমগী ওইবা মতেং পাংনবা মরুওইনা তাক্লি।

মচি লৈবা অমসুং সস্তেনেবল ওইবা লৈবাক অমা শেমগৎপা

মালেমগী মীশিং য়াম্লবা মফম অমা ওইরিবা ভারতনা মচি ওইবা চিঞ্জাক্কী অৱাবা হন্থহন্নবা, লায়রবা হন্থহন্নবা অমসুং লৌউ-শিংউগী সস্তেনেবিলিতী প্রমোৎ তৌনবা পান্দম থম্লিবা প্রোগ্রাম অমসুং পোলিসীশিংগী পরিং অমগী খুত্থাংদা অঙকপা খোংজেল য়াংনা চংশিল্লি। চহি অসিগী ৱার্ল্দ ফুদ দেগী থিমগা চুননা, লৈবাক অসিনা লেপ্তনা হোৎনরিবশিং অসিনা মীওই মিলিয়ন কয়াগী পুন্সি ফগৎহনবদা অমসুং মচি ওইবা চিঞ্জাক্না ইমুং খুদিংদা য়ৌহন্নবা হোৎনবদা মরুওইবা থৌদাং লৌরি।

ভারতকী তোঙান তোঙানবা ফুদ সেক্যুরিতী ফ্রেমৱার্ক অসিদা নেস্নেল স্কিমশিং অমসুং লায়রবা ইমুংশিং, অঙাংশিং অমসুং অহল ওইরবা মীওইশিংদা মতেং পাংনবা লোকেল ইনিসিয়েতিবশিং য়াওরি। হৌখিবা চহি তরা অসিদা, ভারতনা চানবা থক্নবা থক্নবা মশিং মেত্রিক তন মিলিয়ন 90 হেনগৎলক্লি। অদুগা মহৈ-মরোং অমসুং মনা-মশিং থাবগী মশিং মেত্রিক তন মিলিয়ন 64 হেনগৎলে। ভারত অসি হৌজিক্তি শঙ্গোম অমসুং মিল্লেত পুথোকপদা মালেমগী ওইনা অহানবা মফমদা লৈরে অমসুং মালেমগী ওইনা ঙা, উহৈ অমসুং মনা-মশিং পুথোকপদা অনিশুবা খ্বাইদগী চাউবা লৈবাক ওইরে। খোইহী অমসুং য়েরুম পুথোকপসু 2014গা চাংদম্নবদা শরুক অনি হেনগৎলে। লৈবাক অসিনা মালেমগী থাক্তা ময়েক শেংখ্রে মরমদি হৌখিবা চহি 11 অসিদা ভারতকী লৌউ-শিংউগী পোৎ পুথোক মীরমদা থাদোকপগী চাং অসি শরুক অনি হেনগৎখ্রে।

ফুদ অমসুং ন্যুত্রিস্নেল সেক্যুরিতী লৈহন্নবা সরকারনা পায়খৎপা মরু ওইবা খোঙথাংশিং

লৈবাক্কী চাউখৎপদা চানবা চিঞ্জাক অমসুং লৌউ-শিংউগী মরুওইবা থৌদাং অদু মশক খঙলদুনা, সরকারনা মগুন লৈবা চানবা চিঞ্জাক পুম্নমক ফংহন্নবা, তুং কোইনা চৎনবা য়াবা লৌউ-শিংউগী থবকশিং অমসুং লৌমীশিংগী পুন্সি মহিং ফগৎহন্নবা খোংথাং কয়া পায়খৎলি। হায়রিবা সরকারগী য়াইফ-থৌরাংশিং অসিনা অনাবা অমসুং মেলন্যুত্রিসনবু মপুং ফানা লোইশিন্নবা ভারতনা লেপ্তনা হোৎনরিবা অদু উৎলি। চিঞ্জাক্কী সেক্যুরিতী হায়বসি মীপুম খুদিংমক্না, মতম পুম্নমক্তা, মখোয়গী দাইএতরীগী মথৌ তাবশিং অমসুং এক্তিব অমসুং হকচাং ফনা হিংনবগীদমক চানবা চিঞ্জাক্কী অপাম্বশিং ফংহনবা ঙম্নবা মরাং কায়বা সেফ অমসুং ন্যুত্রিসিব ওইবা চিঞ্জাক্কী ফিজিকেল অমসুং ইকোনোমিক এক্সেস লৈহনবা হায়বসিনি। মসি ফংনবগীদমক্তা চানবা চিঞ্জাক পুথোকপা খক্তা নত্তনা মদুবু চপ চানা য়েন্থোকপসু মথৌ তাই।

নেস্নেল ফুদ সেক্যুরিতী মিসন (এন.এফ.এস.এম.)

মহৈ-মরোং পুথোকপা হেনগৎহন্নবা, সরকারনা নেস্নেল ফুদ সেক্যুরিতী মিসন (এন.এফ.এস.এম.) অসি 2007-08দা হৌদোকখি। মসিগী পান্দমদি লম পাকথোক চাউথোকহন্দুনা চেং, গেহু অমসুং হৱাইগী পোত্থোক পুথোকপা হেনগৎহনবা, লৈহাউগী ফর্টিলিতী হেনগৎহনবা, থবক ফংহন্নবগী খুদোংচাবা শেম্বা অমসুং ফার্ম লেভেল ইকোনোমী হেনগৎহনবা অসিনি। 2014-15দা, এন.এফ.এস.এম. অসি মহৈ-মরোং, লৈহাউগী হকশেল অমসুং লৌমীশিংগী শেল-থুমদা মীৎয়েং থমদুনা, অপৌবা সেরিয়েলশিং য়াওহন্নবা পাকথোক চাউথোকহনখি। 2024-25দা, মসি নেশনেল ফুদ সেক্যুরিতী এন্দ ন্যুত্রিসন মিসন (এন.এফ.এস.এন.এম.) হায়না মমিং ওন্থোকখি, মসিদা ফুদ প্রদক্সন অমসুং ন্যুত্রিসনদা মরুওইবা পীখি।

নেস্নেল ফুদ সেক্যুরিতী এক্ত (এন.এফ.এস.এ.)

এক্ত অসিনা এন্ত্যোদয়া অন্ন য়োজনা (এ.এ.ৱাই.) অমসুং প্রাইওরিতী হাউসহোল্দশিংগী মখাদা 2011গী সেন্সসকী মতুং ইন্না অপুনবা মীওই করোর 81.35 ওইরিবা খুঙ্গংগী চাদা 75 অমসুং অর্বানগী চাদা 50 ফাওবা কোনশিল্লি। এ.এ.ৱাই.গী ইমুংশিংনা থা অমদা চিঞ্জাক কিলোগ্রাম 35 ফংলি, অদুগা প্রাইওরিতী লৈবা ইমুংশিংনা মীওই অমদা থা অমদা কিলোগ্রাম 5 ফংলি। হৌজিক্কী ওইনা, কান্নবা ফংলবা মীওই করোর 78.90 রোম্না এক্ত অসিগী মখাদা কোনশিল্লি।

এন.এফ.এস.এম./এন.এফ.এস.এন.এম.না সেন্ত্রেল পুলগীদমক অহেনবা চিঞ্জাক্কী পোত্থোক পুথোকপা ঙমহল্লি। নেস্নেল ফুদ সেক্যুরিতী এক্ত (এন.এফ.এস.এ.), 2013না মখোয়বু চপ মান্ননা য়েন্থোকপগী গেরেন্তী পীরি। পুন্না এন.এফ.এস.এম./এন.এফ.এস.এন.এম. অমসুং এন.এফ.এস.এ.না পুন্না পুথোকপা অমসুং মীয়ামদা মদু য়ৌহন্দুনা ভারতকী ফুদ সেক্যুরিতী ফ্রেমৱার্ককী য়ুম্ফম ওইরি। মসিনা ইনক্লুসিব গ্রোথ, সস্তেনেবিলিতী অমসুং ন্যুত্রিসনেল সেক্যুরিতীগা লোয়ননা প্রদক্তিবিতীগী কান্নবশিং পুন্সিল্লি।

প্রধান মন্ত্রী গরিব কলয়ান অন্ন য়োজনা (পি.এম.জি.কে.এ.ৱাই.)

প্রধান মন্ত্রী গরীব কল্যান অন্ন য়োজনা (পি.এম.জি.কে.এ.ৱাই.) অসি লৈবাক অসিদা কোবিদ-19না মরম ওইদুনা ওইরক্লিবা শেন্মিৎলোনগী অৱা-অনাশিং অসি কোকহন্নবা অখন্নবা পান্দমগা লোয়ননা হৌদোকখিবনি। পি.এম.জি.কে.এ.ৱাই.গী মরুওইবা মথৌদি হান্ননা এন.এফ.এস.এ.না মশক খঙদোক্লবা অমসুং কভর তৌরবা য়ুমথোংশিংদা চিঞ্জাকশিং লেম্না য়েন্থোকপনি। স্কিম অসি ফেজ তরেৎতা ওপরেস্নেল ওইখি। পি.এম.জি.কে.এ.ৱাই.গী ফেজ 7 অসি 31.12.2022 ফাওবা মথৌ তৌখি।

লায়রবা বেনিফিসরীশিংগী শেল-থুমগী চৈথেং লৌথোক্নবা অমসুং লৈবাক শিনবা থুংনা মান্নবা অমসুং লায়রবশিং মতেং পাংনবা প্রোগ্রাম অসি মপুং ফানা ইমপ্লিমেন্ত তৌনবা, কেন্দ্র সরকারনা পি.এম.জি.কে.এ.ৱাই.গী মখাদা 2023গী জনুৱারী 1দগী হৌরগা এন্ত্যোদয়া অন্ন য়োজনা (এ.এ.ৱাই.) 2024গী জনুৱারী 1দগী চহী মঙাগী ওইনা লেম্না চিঞ্জাক য়েন্থোকপগী মতম শাংদোক্লে। লুপা করোর লাখ 11.80 অসি কেন্দ্র সরকারনা মপুং ফানা পুথোক্কনি।

পি.এম. পোশন (পোশন শক্তি নির্মান) স্কিম

• পি.এম. পোশন (পোশন শক্তি নির্মান) স্কিম অসি সরকার অমসুং সরকারগী এদেদ স্কুলশিংগী মহৈরোইশিংগী ন্যুত্রিসনগী থাক হেনগৎহন্দুনা মহৈ-মশিং নীংথিনা তমহন্নবা অমসুং অরাম খৌরাং পোকহন্নবা মওং শেম্বা লৈবাক্কী মরু ওইবা খোংথাং অমনি, মসিনা মরম ওইরগা শোত্থরনা মহৈরোইশিংনা স্কুল চাং নাইনা কাহল্লি। স্কিম অসিগী মখাদা, চহি 14 ওইবগী প্রাইমরী মহৈরোইশিংদা নুমিৎ খুদিংগী অফবা অমসুং ফোং-ফোং শাবা চাক এজৈ। ন্যুত্রিসনগী থাক য়ৌবা মিদ-দে মীল শোইদনা পীজবনা মহৈরোইশিংগী হকশেল হেন্না ফহল্লি, স্কুলদা চাং নাইনা কারকহল্লি অমসুং অঙাংশিংগী মরক্তা মহৈ নীংথিনা তম্বা ফংহল্লি, লোয়ননা, মসিনা সোসিএল ইকুইতী অমসুং কম্ম্যুনিতী পার্তিসিপেসন লৈহল্লি।
• শেনবা চহি 24-25কী দি.এফ.পি.দি.দগী তৌবা এলোকেসন: চেং অমসুং গেহুগী এল.এম.তি.

ভারত্তা চেংদা অহেনবা মচি হাপ্পা

ভারতকী মীয়ামগীদমক ফুদ সেক্যুরিতী অমসুং মাইক্রোন্যুত্রিএন্ত ইন্তেক ফগৎহনবা অসি ভারত সরকারগী অখন্নবা মরুওইবা অমনি। ফুদ অমসুং পব্লিক দিস্ত্রিব্যুসন দিপার্তমেন্তনা মসিগী মরম অসিদা থাজবা থম্লি অমসুং অপুনবা ন্যুত্রিসনগী ফিভম ফগৎহন্নবা হোৎনরি।

• দিপার্তমেন্ত অসিনা হৌদোকখিবা মরুওইবা ইন্তরভেন্সনশিংগী মনুংদা রাইস ফোর্তিফিকেসন ইনিসিএতিব য়াওরি

• মরুওইবা মাইক্রোন্যুত্রিএন্তশিংগা লোইননা স্তেপলশিংবু মপাঙ্গল কনখৎহনবা অসি মাইক্রোন্যুত্রিএন্তশিংগী অৱাবা হন্থহন্নবা মালেমগী ওইনা খঙনরবা, সেফ, কোস্ত ইফেক্তিব, অমসুং এভিদেন্সতা য়ুম্ফম ওইবা ইন্তরভেন্সন অমনি।
• ভারতকী মীশিংগী চাদা 65রোমগী চেং অসি মরু ওইবা চিঞ্জাক অমা ওইবনা, ভারত সরকারনা 2019দা রাইস ফোর্তিফিকেসনগী পাইলোত প্রোগ্রাম অমা হৌদোকখি। 2021দা ভারতকী 75শুবা নীংতম্বা নুমিৎকী থৌরমদা, প্রধান মন্ত্রী শ্রী নরেন্দ্র মোদীনা সরকারগী ফুদ-বেজ স্কিমশিংগী খুত্থাংদা 2024 ফাওবদা খ্বাইদগী লায়রবশিং অমসুং খ্বাইদগী খুদোংচাদবা মীওই কাংলুপশিংদা স্তেজগী মওংদা ফোর্টিফাইদ রাইস ফংহল্লগনি হায়না লাউথোকখ্রে।
• ফোর্টিফাইদ রাইস অসি এক্সত্রুদেদ ফোর্টিফাইদ রাইস কর্নেলশিং (এফ.আর.কে.) অসি ভেল্যুগী চাদা 1গী রেসিওদা চেংগাআ পুন্সিন্দুনা শেম্মী। হায়রিবা এফ.আর.কে.শিং অসিদা চেংকুপ অমসুং মরুওইবা মাইক্রোন্যুত্রিএন্ত অহুম, হায়বদি আইরন, ফোলিক এসিদ, অমসুং ভিটামিন B12 য়াউই। মখোয় অসি চাউরাকপা, মওং, অমসুং মচুগী ওইনা মিলদা তক্লবা চেংগা মান্নৈ অমসুং মহৌশাগা মান্নবা চাংগা চপ মান্নবা মনম, মহাও অমসুং মশক নাই।
• ভারত্তা রাইস ফোর্টিফিকেসন চৎনহন্নবা ৱারেপ অসি পাইলোতিং, স্তেন্দার্দাইজেসন, মথৌ তাবা ইকোসিস্তেম শেম্বা, ইমপ্লিমেন্ত তৌবা অমসুং স্কেল তৌবা য়াওবা প্রোজেক্ত লাইফ সাইকল মপুং ফানা চৎনখি।
• স্কীম অসি তাঙ্কক নাইনা পাকথোক চাউথোকহনখি। ফেজ I (2021-22) না আই.সি.দি.এস. অমসুং পি.এম. পোশন স্কিম, অমসুং ফেজ II (2022-23) না আই.সি.দি.এস., পি.এম. পোশন, অমসুং টি.পি.দি.এস. ফেজ III (2023-24) অসিদা TPDSগী মখাদা লৈরিবা দিস্ত্রিক্তশিংসু য়াওখি।
• 2024গী মার্চ ফাওবদা, কেন্দ্র সরকারগী স্কিমশিং হায়বদি পি.এম.জি.কে.এ.ৱাই., আই.সি.দি.এস., পি.এম.-পোশন, অসিনচিংবা পুম্নমক্তা রাজ্যশিং/য়ু.তি.শিংদা সপ্লাই তৌরিবা চেংগী 100% ফোর্টিফাইদ তৌখ্রে।
• ইকুই কুইদ্রিঙৈদা কেবিনেৎনা পি.এম.জি.কে.এ.ৱাই.গী শরুক অমা ওইনা ভারত সরকারনা 100% ফন্দিং (লুপা করোর 17,082) পীদুনা সেন্ত্রেল গবর্নমেন্ত স্কিম পুম্নমক্কী মখাদা ফোর্টিফাইদ রাইসকী য়ুনিভর্সেল সপ্লাই 2028গী দিসেম্বর ফাওবা মখা চৎথনবা অয়াবা পীখ্রে।

পব্লিক দিস্ত্রিব্যুসন সীস্তেমগী মোদর্নাইজেসন অমসুং তেক্নোলোজী দ্রিবন রিফোর্ম

ভারত সরকারনা পব্লিক দিস্ত্রিব্যুসন সিস্তেমদা স্মার্ত-পি.দি.এস. (স্কিম ফোর মোদর্নাইজেসন এন্দ রিফোর্ম্স থ্রু তেক্নোলোজী ইন পব্লিক দিস্ত্রিব্যুসন সিস্তেম) গী খুত্থাংদা পব্লিক দিস্ত্রিব্যুসন সিস্তেম মোদর্নাইজ তৌখ্রে। ভারতনা স্মার্ত-পি.দি.এস.কী খোঙথাং অসি দিসেম্বর 2025 ফাওবদা তাঙ্কক নাইনা হৌদোক্কদৌরি। মসিগী পান্দমদি পি.দি.এস.গী তেক্নোলোজিকেল বেকবোন মপাঙ্গল কনখৎহনবা অমসুং মরুওইবা মোদ্যুল মরিদা মীৎয়েং থমদুনা ত্রান্সফোর্মেতিব ওইবা অহোংবা পুরকপা অসিনি:

1. চেং-হৱাই লৈশিনবা

2. সপ্লাই চেন য়েংশিনবা অমসুং চেং-হৱাই য়েন্থোকপা

3. রাসন কার্দ অমসুং ফেয়র প্রাইস শোপ য়েংশিনবা

4. বাইওমেত্রিক শিজিন্নবা চেং-হৱাই য়েন্থোকপগী মোদ্যুল (ই.-কে.ৱাই.সি.)

• মেরা রেসন 2.0: প্রধান মন্ত্রী গরীব কল্যান অন্ন য়োজনা (পি.এম.জি.কে.এ.ৱাই.) গী মখাদা কান্নবা ফংলবশিংগীদমক ত্রান্সপরেন্সী অমসুং কান্নবা হেনগৎহন্নবা, ফুদ অমসুং পব্লিক দিস্ত্রিব্যুসন দিপার্তমেন্ত (দি.এফ.পি.দি.) না 20 আগস্ত 2024দা মেরা রেসন 2.0 মোবাইল এপ্লিকেসন হৌদোকখ্রে। অপগ্রেদ তৌরবা এপ অসিনা বেনিফিসরীশিংদা মখোয়গী এটেম্পশিং, শেল লৌথোকপগী অকুপ্পা মরোলশিং, অমসুং খ্বাইদগী নকপা ফেয়র প্রাইস শোপ (এফ.পি.এস.) গী মফম, লোয়ননা অনৌবা ভেল্যু এদেদ ফিচরশিংগী স্যুট অমা সিমলেস, য়ুজর-ফ্রেন্দলী এক্সপরিয়েন্সকীদমক পীরি। হৌজিক ফাওবদা দাউনলোদ করোর 1 হেন্না তৌখ্রে।

সরকারনা পব্লিক দিস্ত্রিব্যুসন সিস্তেম (পি.দি.এস.) গী রিফোর্মশিং হেনগৎহন্নবা অতোপ্পা খোঙথাং কয়া পায়খৎলে: -

• দিজিতাইজেসন: রেসন কার্দশিং অমসুং বেনিফিসরীশিংগী দেতাবেজ অসি রাজ্য অমসুং য়ুনিয়ন তেরিতোরী পুম্নমক্তা মপুং ফানা (100%) দিজিতাইজ তৌখ্রে।
• ত্রান্সপরেন্সী অমসুং গ্রিভান্স রিদ্রেসেল: ত্রান্সপরেন্সী পোর্তেল, ওনলাইন গ্রিভান্স রিদ্রেসেল ফেসিলিতী অমসুং টোল ফ্রী নম্বর অমা লৈবাক শিনবা থুংনা চৎনহনবা হৌখ্রে।
• ওনলাইন এলোকেসন অমসুং সপ্লাই চেন মেনেজমেন্ত: দি.বি.তি.গী দাইরেক্ত বেনিফিৎ কেশ ত্রান্সফর স্কিমশিং শিজিন্নরিবা চন্দীগর, পুদুচেরী অমসুং দাদরা অমসুং নগর হাভেলীগী অর্বান এরিয়াশিং নত্তনা রাজ্য/য়ু.তি. পুম্নমক্তা ওনলাইন এলোকেসন চৎনহনখ্রে। অমরোমদা, রাজ্য/য়ু.তি. 31দা সপ্লাই চেন মেনেজমেন্ত কম্প্যুতরাইজ তৌখ্রে।
• আধার সিদিং: চাউরাক্না রেসন কার্দ 99.9%দি নেস্নেল লেভেলদা আধার নম্বরগা লোয়ননা সিদিং তৌই।
• ফেয়র প্রাইস দুকানশিং (এফ.পি.এস.) ওতোমেসন তৌবা: হৌজিক্তি এফ.পি.এস. পুম্নমক্তা ই.পি.এস. দিভাইসশিং লৈরে। মসিনা এন.এফ.এস.এ.গী মখাদা চিঞ্জাক্কী ইলেক্ত্রোনিক অমসুং ত্রান্সপরেন্ত দিস্ত্রিব্যুসনগীদমক বাইওমেত্রিক/আধারদা য়ুম্ফম ওইবা ওথেন্টিকেসন তৌবা ঙমহল্লি।
• ৱান নেসন, ৱান রেসন কার্দ (ও.এন.ও.আর.সি.): মসিগী খোঙথাং অসিনা কান্নবা ফংলবা মীওইশিংদা লৈবাক অসিগী মফম অমহেক্তদা পি.দি.এস.গী কান্নবা ফংবা ঙমহল্লি।
• হেল্পলাইন নম্বর 1967/1800- স্তেৎ সেরিজ নম্বর অসি পব্লিক দিস্ত্রিব্যুসন সিস্তেমদা কমপ্লেন্তশিংগা পাউ ফাওনবা অমসুং রিদ্রেসেল তৌনবা অমসুং পান্দম থম্লিবা বেনিফিসরীশিংনা মখল অমহেক্তগী কমপ্লেন্তশিং ফাইল তৌনবগীদমক্তা রাজ্য/য়ু.তি. পুম্নমক্তা ওপরেস্নেল ওইরে। পি.দি.এস.তা অরানবা থবকশিং অমসুং লান্না শিজিন্নবগী মতাংদা কমপ্লেন্টশিং অসি দিপার্তমেন্ত অসিদা ফংলকপা মতমদা, মখোয়শিং অদু ইনক্বারি অমসুং মতিক চাবা থবক লৌখৎনবা মরী লৈনবা রাজ্য/য়ু.তি.না মতিক চাবা থবক লৌখৎনবা থাগনি।

ওপন মার্কেত সেল্স স্কিম (দোমেস্তিক) [ও.এম.এস.এস. (দি.)]

অহেনবা চিঞ্জাক্কী শঙ্গোমশিং (গেহু অমসুং চেং) অসি কৈথেলদা ফংহন্নবগী চাং হেনগৎহন্নবা, শেন-থুমগী চাং য়েংশিন্নবা অমসুং মীয়াম্বু শেল চঙহন্নবগীদমক ওপন মার্কেত সেল স্কিম (দোমেস্তিক) [ও.এম.এস.এস. (দি.)]গী খুত্থাংদা য়োল্লি।

মসিনা মতেং পাংবশিং:

• কৈথেলদা চিঞ্জাক্কী হৱাই-চেংৱাই ফংহনবা

• মমল হন্থহন্দুনা ইনফ্লেসন লাকশিনবা

• ফুদ সেক্যুরিতী লৈহনবা

• মীপুম খুদিংমক্কী ওইনা চিঞ্জাক্কী মমল হোংহনবা

মসিগী মথক্তা, ভারত অত্তা অমসুং ভারত রাইস অসি ওপন মার্কেত সেল স্কিম দোমেস্তিক (ও.এম.এস.এস.এস.-দি.) পোলিসীগী মখাদা সবসিদী পীরবা মমলদা মহৌশানা কঞ্জ্যুমরশিংদা গেহু অত্তা অমসুং চেং ফংহন্নবা হৌদোকখি।

হৱাই পুথোকপদা আত্মানির্ভর ওইহন্নবা মিসন

প্রধান মন্ত্রীনা 2025গী ওক্তোবর 11দা লুপা করোর 11,440গী বজেৎ এলোকেসনগা লোইননা মিসন ফোর আত্মনির্ভরতা ইন পলস (2025-26দগী 2030-31) হৌদোকখি। পলস মিসনগী পান্দমদি পোৎ-চৈ পুথোকপা অমসুং মশা-মরোমদোম লেপচবা হেনগৎহন্নবগীদমক্তা দোমেস্তিক পলস পুথোকপা হেনগৎহনবনি। মসিনা পলস লৌমী করোর অনিরোমদা কান্নবা ফংহল্লগনি। লোয়ননা, হৱাই থাবগী মফমশু হেক্ত্যর লাখ 35তা হেনগৎহনখ্রে।

ৱর্ল্দ ফুদ ইন্দিয়া: ভারতনা চিঞ্জাক্কী মতাংদা মালেমদা লুচিংলিবা অসি উৎপা

সেপ্তেম্বর 2025দা ফুদ প্রোসেসিং ইন্দস্ত্রীজ মন্ত্রালয়না শীনবা ৱার্ল্দ ফুদ ইন্দিয়া 2025 অসি ভারতপু “মালেমগী ওইবা ফুদ হব” অমা ওইহন্নবা পান্দম থমদুনা পাংথোকপা মরুওইবা থৌরম অমনি। মসিদা মালেমগী ওইবা পার্তনরশিপশিং শেমগৎপা অমসুং ফুদ প্রোসেসিং, সস্তেনেবিলিতী অমসুং ইন্নোবেসনদা লৈবাক্কী মপাঙ্গল উৎলি। লৈবাক 90 হেনবনা শরুক য়াবা অমসুং এক্সিবিতর 2,000 হেনবনা শরুক য়াখিবা, থৌরম অসিনা পুন্না হোৎনমিন্নবা অমসুং তেক্নোলোজিকেল এদভান্সশিংগী খুত্থাংদা মালেমগী ওইবা ফুদ সেক্যুরিতী হেঙ্গৎহনবদা ভারতকী থৌদাং অদু ময়েক শেংলে।

ভারতকী থালিদা মালেম্না মিৎয়েং তাবা

দবল্যু.দবল্যু.এফ.কী লিভিং প্লানেৎ রিপোর্তনা ভারতকী থালি অসি ন্যুত্রিসন অমসুং সস্তেনেবিলিতীদা অচৌবা থৌদাং লৌবগীদমক মালেমগী থাক্তা শকখঙনরক্লি। অয়াম্বা মতমদা মনা-মশিংগী মথেলদা য়ুম্ফম ওইবা, ভারতকী নাৎকী ওইবা দাইট অসি, মহৈ-মরোং, লেন্তিল, অমসুং মনা-মশীংশীংদা য়ুম্ফম ওই। মসিনা মহৌশাগী রিসোর্সশীং শীজিন্নবা অমসুং শা-ষনগী ওইবা দাইটশীংগা চাংদম্নবদা গ্রিনহাউস গ্যাস থাদোকপা হন্থহল্লি। রিপোর্ত অসিনা হায়রি মদুদি মালেমগী মীশিং অসিনা ভারতকী কঞ্জ্যুমর পেতর্নশিং লৌশিনলবদি মালেমগী ওইনা চানবা পোৎথোক পুথোক্নবগীদমক্তা ঐখোয়না 2050 ফাওবদা মালেমগী শরুক 0.84 খক্তমক মথৌ তাগনি। মসিগী শকখঙবসিনা ভারতপু সস্তেনেবল ফুদ প্রেক্তিসকী মাংজিল থারিবা মফমদা থম্লি। মসিনা উৎলি মদুদি লোকেল ত্রেদিসনশিংনা মীওই খুদিংমক্কী হকশেলদা মতেং পাংদুনা অকোইবগী ফিভমগী শিংনবশিং কোকহনবদা মতেং পাংলি।

ৱারোইশিন

2025গী ৱার্ল্দ ফুদ দেনা ঐখোয় পুম্নমক্কীদমক সেফ, ন্যুত্রিসন লৈবা অমসুং সস্তেনেবল ওইবা চিঞ্জাক ফংহনবগী মরুওইবা অদু নীংশিংহল্লি। "হেন্না ফবা চিঞ্জাক অমসুং তুংলমচৎকীদমক্তা খুৎশম্ননা চৎমিন্নবা" হায়বা থিম অসিনা অনাবা অমসুং মেলন্যুত্রিসন থেংননবা মালেমগী ওইনা মতেং পীনবা অমসুং অপুনবা থবক পায়খৎপগী তঙাই ফদবগী মতাংদা পুক্নিং থৌগৎলি। হায়রিবা শিংনবশিং অসি থেংননবা ভারতনা লৌখৎলিবা খোঙথাংশিং অসিনা লৈবাক অসিগী চিঞ্জাক্কী সেক্যুরিতী অমসুং নাগরিকশিংগী পুন্সি মহিং ফগৎহন্নবা লৈবাক অসিনা লৌরিবা ফিরেপ অদু উৎলি। লৌউ-শিংউগী পোত্থোক হেনগৎহনবা, চিঞ্জাক য়েন্থোকপা অমসুং লায়রবা মীওইশিংদা মতেং পাংনবা পান্দম থম্লিবা মপুং ফাবা প্রোগ্রামশিংগী খুত্থাংদা, ভারতনা চোকথবা মুথৎপগী মায়কৈদা চাউনা খুমাং চাউশিল্লি। ঙসিগী নুমিৎ অসিদা, হোৎনরিবশিং অসিনা লৈবাক অসিনা অরেপ্পা চিঞ্জাক্কী পথাপ অমা শেমগৎনবা হোৎনরিবা অদু উৎলি অমসুং মালেমগী ওইনা অইং-অশাগী মায়োক্তা লান্থেংনবদা পোজিতিব ওইবা খুদম অমা পীরি।

রিফরেন্স

ফুদ এন্ড এগ্রিকলচর ওর্গনেসন

https://www.fao.org/world-food-day/about/en

ফুদ অমসুং পব্লিক দিস্ত্রিব্যুসন বিভাগ

https://nfsa.gov.in/portal/nfsa-act

এজুকেসন মন্ত্রালয়

https://pmposhan.education.gov.in/Union%20Budgetary.html

লোক সভা

https://sansad.in/getFile/loksabhaquestions/annex/185/AU4410_Jc3GA9.pdf?source=pqals

https://sansad.in/getFile/loksabhaquestions/annex/184/AU3624_K90Fbi.pdf?source=pqals

https://sansad.in/getFile/loksabhaquestions/annex/185/AS242_Qrobv3.pdf?source=pqals

https://sansad.in/getFile/loksabhaquestions/annex/185/AU4518_ge2pFO.pdf?source=pqals

https://sansad.in/getFile/loksabhaquestions/annex/185/AU2844_3rLPAM.pdf?source=pqals

মাইস্কিম পোর্তেল

https://www.myscheme.gov.in/schemes/pm-poshan

হরিয়ানা সর্কার

https://haryanafood.gov.in/rice-fortification/

পি.আই.বি. প্রেস রিলীজ

https://www.pib.gov.in/PressNoteDetails.aspx?NoteId=153283&ModuleId=3

https://static.pib.gov.in/WriteReadData/specificdocs/documents/2025/aug/doc202588602801.pdf

https://www.pib.gov.in/PressNoteDetails.aspx?id=155126&NoteId=155126&ModuleId=3

https://www.pib.gov.in/PressReleasePage.aspx?PRID=2177772

https://www.pib.gov.in/PressNoteDetails.aspx?NoteId=151969&ModuleId=3

https://www.pib.gov.in/PressReleasePage.aspx?PRID=2159013

https://www.pib.gov.in/PressReleasePage.aspx?PRID=2170508

পি.দি.এফ. ফাইল য়েংনবা মফমসিদা নম্বীয়ু।

*****