Infrastructure
এস.এ.আই.এল. ইন্দিয়াগী শিপবিলদিং চাউখৎহন্নবা নৌহৌননা পায়খৎপা থবকশিং
Posted On:
14 OCT 2025 4:15PM
|
মরু ওইবা হীরমশিং
- সেপ্তেম্বর 2025তা লুপা করোর 69,725কী জহাজ শাবগী অমসুং মেরিতাইম সেক্তর রিফোর্ম পুথোকখি।
- ₹24,736 কাইথবা শিপবিলদিং ফাইনেন্সিএল এসিস্তেন্স স্কিমনা শেলগী তেংবাং, শিপ-ব্রেকিং ক্রেদিৎ নোৎ পীরি অমসুং দোমেস্তিক মেন্যুফেকচরিংবু নেস্নেল শিপবিলদিং মিসনগী খুত্থাংদা মায়কৈ তাক্লি।
- ₹25,000 করোরগী মেরিতাইম দিভেলপমেন্ত ফন্দ অসিনা ইনভেস্তমেন্ত অমসুং ইন্তরেস্ত ইন্সেন্তিবাইজ তৌবদা অহেনবা মিৎয়েং থম্লি।
- শিপবিলদিং দিভেলপমেন্ত স্কিম্না ₹19,989 করোর কাইথবগা লোয়ননা জহাজ শাবা ক্লস্তরশিংগীদমক্তা কেপিতেল সপ্পোর্ত, রিস্ক কভরেজ অমসুং কেপাসিতী বিলদিংগী তেংবাং পীরি।
- দোমেস্তিক শিপবিলদিং খুমাং চাউশিলহন্নবা অচৌবা জহাজশিংদা ইনফ্রাস্ত্রকচর স্তেতস পীরে।
|
মপুং ওইবা ৱারোল
চৎনবীগী তুং ইনবা অমসুং তেক্নোলোজীনা পাঙ্গল হাপ্লিবা ভারতকী জহাজ শাবগী লেন্দস্কেপ অসি মালেম্না শকখঙহন্নবা শেম শাদুনা লৈরে। ভারতকী মেরিতাইম সেক্তরনা চহি চা কয়াদগী চৎনরক্লবা সীফেয়রিং অমসুং কম্মর্সনা মশাগী শেন্মিৎলোনগী ফম্বাক অমা শেমদুনা সব-কন্তিনেন্ত অসিবু মালেমগী লল্লোন-ইতিক্কী লম্বীগা শম্নহনবা মরু ওইবা লম্বী অমা ওইদুনা পুৱারীদগী তেংবাংদুনা লাক্লি। ভারতকী জহাজ শাবগী চৎনবী অসি ইন্দস ভেলী সিভিলাইজেসনগী মতমদগী চৎনদুনা লাক্লবনি, মসি লোথল (হৌজিক মতমগী গুজরাত)গুম্বা মফমশিংদা ফংবা আর্কিওলোজীগী খুদমদগী খঙবা ঙম্মি। মফম অসিদা হিথাংফম অমসুং সমুদ্রগী লম্বীদা পাংথোক্লম্বা ললোন ইতিক্কী খুদমশিং ফংলি। লোথলগী হিথাংফম অসি তাইদেল দোক হায়না খঙনবা মালেমগী খ্বাইদগী অঙনবা মতমগী হিথাংফম অমনি হায়না খন্নরি।
শিপ বিল্দিং অসি 'হেভি ইঞ্জিনীয়রিংগী মমা' হায়না তোয়না খঙনৈ। মসিনা থবক পীবা, ইনভেস্তমেন্ত লাকহনবা অমসুং নেস্নেল সেক্যুরিতী অমসুং স্ত্রেতেজিক ইন্দিপেন্দেন্সী মপাঙ্গল কনখৎহন্দুনা মরু ওইবা থৌদাং অমা লৌরি। ভারতকী শিপ বিল্ দিং সেক্তরনা শেল-থুমগী ইম্পেক্ত য়াম্না লৈহল্লি। ইনভেস্তমেন্ত অমমম্না থবকশিংগী শরুক 6.4 হেনগৎহল্লি অমসুং কেপিতেলগী শেন্দোং শরুক 1.8 হেনগৎহল্লি। মসিনা গ্রোথ অমসুং দিবেলপমেন্তদা মতেং পাংবা ঙম্বগী শক্তি উৎলি। মসিগী ইন্দস্ত্রী অসিনা অথাপ্পা, সমুদ্র মপাল অমসুং খুঙ্গংগী লমশিংদা পাক-শন্না থবক ফংহন্নবগী খুদোংচাবশিং ফংহন্নবগীদমক অচৌবা থাজবা লৈ। মসিগী দিবেলপমেন্ত অমসুং প্রমোসন অসি আত্মানির্ভর ভারতকী ভিজন অসি মাংলোমদা পুখৎপদা মরুওইবা দ্রাইভর অমা ওইনা মরুওইবা পীরি।.
শিপবিলদিং গ্রোথ অমসুং দিভেলপমেন্ত
|
নীংতম্লবা মতুংদা, শিপ বিলদিংগী থবকশিং অসি মজাগোন দোক শিপ বিল্দর্স লিমিতেদ (মুম্বাই), গার্দেন রিচ শিপ বিল্দর্স এন্দ ইঞ্জিনীয়র্স লিমিতেদ (কোলকাতা), অমসুং হিন্দুস্তান শিপয়ার্দ লিমিতেদ (বিশাখাপত্তনম) গুম্বা পব্লিক সেক্তরগী য়ুনিৎশিংদা মরুওইনা পায়খৎপা হৌরকখি। হৌখিবা চহী তরা অসিদা, সেক্তর অসিদা প্রাইবেৎ শিপ প্লেয়রশিং য়াওরকপগা লোয়ননা, ক্রুইজ তুরিজম, ইনলেন্দ ৱাতর ত্রান্সপোর্ত, অমসুং পোর্ত ইনফ্রাস্ত্রকচরদা চাউনা খুমাং চাউশিল্লকপগা লোয়ননা ভারতকী শিপ্পিং অমসুং মেরিতাইম সেক্তরদা মশক থোকপা অহোংবা লাক্লি।
|
|
স্ত্রেতেজিক ইনবেস্তমেন্তশিং, পোলিসী রিফোর্মশিং অমসুং চাউথোক্লবা ঈশিং লম্বীশিংনা অপুনবা ওইনা কার্গো মুভমেন্ত, কোস্তেল কনেক্তিবিতী অমসুং থবক ফংহন্নবগী খুদোংচাবশিং হেনগৎহল্লে। মসিনা সেক্তর অসি শেন্মিৎলোন চাউখৎপা অমসুং লমদমগী ইন্তিগ্রেসনগী মরুওইবা মপাঙ্গল অমা ওইহল্লে। নবেম্বর 2024 ফাওবদা, ভারতনা অপুনবা গ্রোস তনেজ (জি.তি.) মিল্লিয়ন 13.65 ওইরিবা ভারতকী ফ্লেগ য়াওবা জহাজ 1,552গী ফ্লিৎ অমা লৈরে।
|
সরকারগী মরু ওইবা পোলিসী অমসুং খোঙথাংশিং
|
|
শিপ বিল্দিং ফাইনান্সিএল এসিস্তেন্স পোলিসী (এস.বি.এফ.এ.পি.): গ্রীন ফ্যুলশিং নৎত্রগা হাইব্রিদ প্রোপলসন সিস্তেমশিং শীজিন্নরিবা জহাজশিংদা 20-30%গী ফাইনান্সিএল এসিস্তেন্স পীরি।
|
|
রাইৎ ওফ ফার্ষ্ট রিফ্যুজেল (আর.ও.এফ.আর.): ইন্দিয়ন শিপয়ার্দশিংনা জহাজ লৌশিনবগীদমক সরকারগী তেন্দরদা অখন্নবা মীৎয়েং থম্লি। নৌনা শেমদোক্লবা হৈরারকী অসিনা ভারতনা শাবা, ভারতকী ফ্লেগ য়াওবা অমসুং ভারতকী মপু ওইবা জহাজশিংবু পাম্মি।
|
|
পব্লিক প্রোক্যুরমেন্ত প্রিফরেন্স: মেক ইন ইন্দিয়া ওর্দর, 2017গী মতুং ইন্না লুপা করোর 200গী মখাদা লৈবা জহাজশিং অসি ভারতকী শিপয়ার্দশিংদগী লৈগদবনি।
|
|
গ্রীন তগ ত্রাঞ্জিসন প্রোগ্রাম (জি.তি.তি.পি.): কার্বন থাদোকপা হন্থহন্নবা ইকো-ফ্রেন্দলী তগ বোত ওপরেসনশিং প্রোমোট তৌই।
|
|
হরিত নাওকা গাইদলাইনশিং: ইনলেন্দ ৱাতরৱেজগী জহাজশিংদা গ্রীন তেক্নোলোজী শিজিন্নবা পুক্নিং থৌগৎলি।
|
|
স্তেন্দর্দ তগ দিজাইনশিং: য়ুনফোর্মিতী লৈহন্নবা অমসুং দোমেস্তিক মেনুফেকচরিং হেনগৎহন্নবা মরুওইবা পোর্তশিংদা শিজিন্ননবা ভেরিএন্ত মঙা থাদোকখি।
|
• এম.ও.য়ু. অমসুং তেংবাংনবশিং: ভারতনা স্ত্রেতেজিক পার্তনরশিপশিং, ইনফ্রাস্ত্রকচর পাকথোক চাউথোকহনবা অমসুং ফাইনান্সিএল কোলাবোরেসনশিংগী খুত্থাংদা মসিগী শিপ বিল্ দিং অমসুং মেরিতাইম কেপাসিতীশিং মাংলোমদা পুখৎলি। মসিগী হোৎনরিবশিং অসিনা দোমেস্তিক মেন্যুফেকচরিং মপাঙ্গল কনখৎহন্নবা, মপান লৈবাক্কী ফ্লিৎশিংদা মখা পোনবা হন্থহন্নবা অমসুং সেক্তর অসিদা তুংকোইনা চাউখৎপা পুরক্নবা পান্দম থম্লি।
শিপ্পিং কোর্পোরেসন ওফ ইন্দিয়া অমসুং ওইল পি.এস.য়ু.শিংনা ভেসেলগী-মপু ওইবা জে.ভি (জোইন্ত ভেঞ্চর) অমা শেম্নবা এম.ও.য়ু. অমা খুৎয়েক পীনখ্রে। মসিনা মপানগী জহাজশিংদা মখা পোনবা হন্থহল্লগনি অমসুং ভারত্তা শাবা জহাজশিংগী দিমান্দ হেনগৎহল্লগনি।
2047 ফাওবদা ভারতপু মালেমগী খ্বাইদগী মকোক থোংবা শিপ বিল্দিং নেসন মঙাগী মনুংদা থম্নবা পান্দম থমদুনা পুন্না শেল থাদদুনা শিপ বিল্দিং ক্লস্তরশিং শেমগৎনবা মরুওইবা পোর্তশিং অমসুং কোস্তেল স্তেতশিংগী মরক্তা এম ও য়ুশিং খুৎয়েক পীনখি। হায়রিবা হবশিং অসিনা শিপয়ার্দশিং, আর.এন্দ.দি., এম.এস.এম.ই.শিং, অমসুং গ্রীন ইনোবেসনবু সস্তেনেবল মেরিন ইঞ্জিনীয়রিংগীদমক পুন্সিনগনি।
কোচিন শিপয়ার্দ অমসুং মজাগোন দোকনা তামিল নাদুগী এজেন্সীশিংগা লোয়ননা চহিগী ওইনা জি.তি. মিলিয়ন অমগী কেপাসিতী লৈবা অমসুং থবক য়াম্না ফংহনগদবা লুপা করোর 15,000গী ফেসিলিতী য়াওনা অচৌবা শিপ বিল্দিং কমপ্লেক্সশিং লিংখৎনবা এম.ও.য়ু. গী খুৎয়েক পীনখ্রে।
সাগরমালা ফাইনান্স কোর্পোরেসন্না মরুওইবা শেন-থুমগী ইন্সতিত্যুসনশিংগা লোয়ননা গ্রীন শিপ বিল্দিং, ফ্লিৎ অপগ্রেদেসন অমসুং মেরিতাইম লোজিস্তিক্সকীদমক তোঙান তোঙানবা শেন-থুমগী খুদোংচাবশিং ফংহন্নবা এম.ও.য়ু.শিং খুৎয়েক পীনখি। মসিদা ইনভেস্তমেন্তকী অচৌবা ইকোসীস্তেম অমা শেম্নবা মালেমগী ক্লাইমেত ফাইনান্সকা দোমেস্তিক কেপিতেলগা পুন্সিন্নরি।
কোচিন শিপয়ার্দ অমসুং এইচ.দি. কোরিয়া শিপ বিল্দিংনা ভারত্তা অচৌবা কম্মর্সিএল ভেসেলশিং শাবদা পার্তনরশিপ তৌখ্রে। সি.এস.এল.গী অনৌবা দ্রাই দোক অমসুং কোচিদা লুপা করোর 3,700গী মেনুফেকচরিং ফেসিলিতীনা মতেং পাংগনি। মসিনা থবক লিশিং কয়া ফংহল্লগনি অমসুং এম.এস.এম.ই.গা মরী লৈনবা সপ্লাই চেন হেনগৎহল্লগনি হায়না পানরি।
শিপবিলদিং সেক্তরদা ইনোৎ হাপ্পা
শিপ বিলদিং সেক্তরগীদমক সেপ্তেম্বর, 2025দা সরকারনা লাউথোকখিবা অদুদা দোমেস্তিক কেপাসিতী পাকথোক চাউথোকহনবা, অশাংবা মতমগী ফাইনান্সিংদা এক্সেস ফগৎহনবা অমসুং মালেমগী থাক্তা কম্পিতিতিব ইকোসিস্তেম অমা শেমগৎপদা মিৎয়েং থম্লি। মসিগী খোঙথাংশিং অসিনা থবক য়াম্না পীবা, শেল থাদবা পুক্নিং চিংশিনবা অমসুং মোদর্ন ইনফ্রাস্ত্রকচর অমসুং পোলিসী রিফোর্মশিংগী খুত্থাংদা ভারতকী স্ত্রেতেজিক অমসুং ইকোনোমিক রেসিলিয়েন্স মপাঙ্গল কনখৎহন্নবা পান্দম থম্লি।
- পিল্লর 1: শিপ বিল্দিং ফাইনান্সিএল এসিস্তেন্স স্কিম - মসিগী স্কিম অসিসু ফাউন্দেস্নেল পিল্লর অমা ওইনা উরি। মসিগী পান্দমদি ভারতকী লমদমসিগী শিপ বিল্দিংগী তৌবা ঙম্বশিং অমসুং মেরিতাইম ইন্নোবেসন পুন্সিন্নবনি। লুপা করোর 24,736গী শেনফমগা লোইননা, মসিনা দোমেস্তিক শিপ বিল্দিং কেপাবিলিতীশিং অমসুং মেরিতাইম ইনোবেসনশিং কেতালাইজ তৌনবা ফাউন্দেসনগী য়ুম্ফম ওইগনি। মসিনা ভারতকী শিপ বিল্ দিং ইকোসিস্তেম মপাঙ্গল কনখৎহন্নবা পান্দম থম্লবা ইন্সেন্তিবশিং, স্ত্রেতেজিক মিসনশিং অমসুং লাইফ সাইকল সপোর্ত পুন্সিল্লি।
|
কম্পোনেন্ত 1: শেলগী তেংবাং
|
|
পান্দম: কোস্ত দিসএদভান্তেজ লৈহন্দনবা অমসুং চাংয়েংনবা ঙম্বগী মতিক হেনগৎহন্নবা ভারতকী শিপয়ার্দশিংদা শেলগী তেংবাং পীগনি।
|
|
ইন্সেন্তিব পীবগী থৌওং
- ₹100 করোরগী মখাদা লৈবা ভেসেলশিংগী ওইনা 15%গী তেংবাং
- ₹100 করোরগী মথক্তা লৈবা ভেসেলশিংগী ওইনা 20%গী তেংবাং
- গ্রীন, হাইব্রীদ নত্ত্রগা স্পেসিএলাইজ ভেসেলশিংগী ওইনা 25%গী তেংবাং
|
|
দোমেস্তিক ভেল্যু এদিসনঃ ইন্সেন্তিব লৌবা য়ানবা, লোকেল মেন্যুফেকচরিং পুক্নিং থৌগৎনবা য়ামদ্রবদা দোমেস্তিক ভেল্যু এদিসন 30% তৌবগী মথৌ তাগনি।
|
|
শেল কাইথোকপা: পুন্না করোর ₹20,554 কাইথবগী অয়াবা পীখ্রে, মার্চ 2036 ফাওবা চৎনগনি।
|
|
কম্পোনেন্ত 2: শিপ-ব্রেকিং ক্রেদিৎ নোৎ
|
|
ইন্সেন্তিব ভেল্যু: ভারতকী শিপয়ার্দ অমদা স্ক্রেপ তৌরবা মতমদা জহাজ অদুগী স্ক্রেপ ভেল্যুগী 40%গী ক্রেদিৎ নোত
|
|
শীজিন্নবা: ভারতকী শিপয়ার্দ অমদা অনৌবা জহাজ অমা শাবগী মমলগী মায়োক্তা শকচিন্নবা য়াই
|
|
ফ্লেক্সিবিলিতী: নোতশিং অসি স্তেক তৌবা, ত্রান্সফর তৌবা অমসুং চহি 3গী ওইনা চৎনবা য়াগনি
|
|
বজেৎ এলোকেসন: স্কিম অসিগীদমক অপুনবা শেনফম লুপা করোর 4,001
|
|
কম্পোনেন্ত 3: নেস্নেল শিপবিলদিং মিসন
|
|
মিসন লিদরশিপ: সেক্তরশিংগী মরক্তা নেস্নেল শিপ বিল্দিং ইনিসিএতিবশিং য়েংশিন্দুনা পাংথোকহনবা
|
|
ফন্দ মেনেজমেন্ত: এপ্লিকেসনশিং য়েংশিনবা, ক্লেমশিং ভেরিফাই তৌবা, অমসুং মতম চানা ফন্দ থাদোকপা য়েংশিনবা
|
|
প্রোক্যুরমেন্ত কোওর্দিনেসন: দিমান্দ পুনশিনবা অমসুং স্ত্রকচর তৌরবা, সেন্ত্রেলাইজ তৌরবা প্রোক্যুরমেন্ত প্রোসেসশিং য়াহনবা
|
|
গ্লোবেল পার্তনরশিপ: দোমেস্তিক কেপাসিতীশিং মপাঙ্গল কনখৎহন্নবা মপানগী কোলাবোরেসনশিং মশক খঙদোকপা অমসুং তেংবাংবা
|
|
স্কিমগী মতম: চহি 10গী মতম, স্কিমগী মতমগী ৱাংমদা লাইএবিলিতীশিং ইকায় খুম্নবা
|
- পিল্লর 2: মেরিতাইম দিবেলপমেন্ত ফন্দ (লুপা করোর 25,000) - মেরিতাইম দিবেলপমেন্ত ফন্দ অসিনা ভারতকী এক্সিম ত্রেদকী মপাঙ্গল কনখৎহন্নবা পান্দম থম্লি, মসি মেরিতাইম ত্রান্সপোর্ততা য়াম্না থাজৈ - ভোল্যুমগী মতুং ইন্না ত্রেদকী 95% অমসুং ভেল্যুগী মতুং ইন্না 65% লৌই। মসিগী স্ত্রেতেজিক ওইবা মরুওইবা লৈরবসু, সেক্তর অসিনা শেল চঙবা ফাইনান্সিং ফংবদা লেপ্তনা অৱাবা মায়োক্নরি। ভারতকী মেরিতাইম ইকোনোমীগী মপুং ফানা পোতেন্সিএল ফংনবগীদমক্তা হায়রিবা অথিংবাশিং অসি কোকহনবা অসি তঙাইফদে।
|
কম্পোনেন্ত 1: মেরিতাইম ইনভেস্তমেন্ত ফন্দ
|
|
ফন্দ কোর্পস: লুপা করোর 20,000গী অহানবা এলোকেসন।
|
|
ফন্দিং অমসুং ইনভেস্তরশিং: ইক্বিতীদা য়ুম্ফম ওইবা ফন্দিং অমসুং অহেনবা ইনভেস্তরশিংগী কন্ত্রিব্যুসনশিংনা মেরিতাইম ইনভেস্তমেন্ত ফন্দগী কেপিতেল স্ত্রকচরদা এঙ্কর তৌগনি।
|
|
স্ত্রেতেজিক ফোকস এরিয়াশিং:
- ইন্দিয়ন শিপ্পিং কেপাসিতী (তোনেজ) পাকথোক চাউথোকহনবা।
- শিপ্পয়ার্দশিং, শিপ রিপেয়রিং ফেসিলিতীশিং অমসুং সপ্পোর্তিং ইন্দস্ত্রীশিং দিবেলপ তৌবা।
- পোর্ত অমসুং মসিগা মরী লৈনবা ইনফ্রাস্ত্রকচর মপাঙ্গল কনখৎহনবা।
- মোদেল শেয়র ফগৎহন্নবা ইন্তর্লেন্দ অমসুং কোস্তেল ৱাতর ত্রান্সপোর্ত প্রমোৎ তৌবা।
|
|
ফাইনান্সিএল স্ত্রকচর: পব্লিক ফন্দিংগা লোয়ননা প্রাইবেৎ সেক্তর ইনভেস্তমেন্ত মোবিলাইজ তৌনবা ব্লেন্দ ফাইনান্সিং মোদেল অমা ওইনা দিজাইন তৌখি।
-
- কন্সেস্নেল রেৎতা লৈঙাক্কী চাদা 49গী কেপিতেল।
- মল্তিলেতরেল লোন পীরিবশিং, পোর্ত ওথোরিতীশিং অমসুং সোভরেন ফন্দশিংদগী কম্মর্সিএল কেপিতেলগী 51% ফংলি।
|
|
কম্পোনেন্ত 2: ইন্তরেস্ত ইন্সেন্তিবাইজেসন ফন্দ
|
|
ফন্দ কোর্পস: ইনিসিয়েতিব অসিগীদমক লুপা করোর 5,000গী এলোকেসন তৌখ্রে
|
|
স্কিমগী মতম: চহি 10, মার্চ 2036 ফাওবা চৎনবা য়াগনি
|
|
ইন্সেন্তিব স্ত্রকচর:
- চাদা 3% ফাওবগী ইন্তরেস্ত ইন্সেন্তিব
- বেঙ্কশিং অমসুং ফাইনান্সিএল ইন্সতিত্যুসনশিংদা পীরি
- ইন্দিয়ন শিপয়ার্দশিংদা পীবা লোনশিংদা এপ্লিকেবল ওইগনি
|
|
ইমপ্লিমেন্তেসন: মশক খঙদোক্লবা ইমপ্লিমেন্তেসন এজেন্সীশিংগী খুত্থাংদা কোওর্দিনেৎ তৌগনি।
|
- পিল্লর 3: শিপ বিল্দিং দিবেলপমেন্ত স্কিম (লুপা করোর 19,989) - হেন্না ফবা ইনফ্রাস্ত্রকচর, সেফতী মেজরশিং অমসুং রিস্ক মেনেজমেন্তকী খুত্থাংদা শিপ বিল্দিং খুমাং চাউশিলহন্নবা মতম শাংনা তেংবাং পীনবা থৌরাং তৌরি।
|
শিপ বিল্দিং দিবেলপমেন্ত স্কিম
|
|
শিপবিলদিং ক্লস্তরশিংগী কেপিতেল সপ্পোর্ত:
- গ্রীনফিল্দ ক্লস্তর: করোর ₹9,930
- ব্রাউনফিল্দ কেপাসিতী পাকথোক চাউথোকপা: করোর ₹8,261
|
|
শিপবিলদিং রিস্ক কভরেজ: করোর ₹1,443
|
|
কেপেবিলিতী দিভেলপমেন্ত ইনিসিএতিব: করোর ₹305
|
|
অপুনবা কোর্পস :করোর ₹19,989
|
|
মতম: চহি 10 (মার্চ 2036 ফাওবা)
|
- পিল্লর 4: লিগেল, পোলিসী অমসুং প্রোসেস রিফোর্মশিং - লিগেল, পোলিসী অমসুং প্রোসেস রিফোর্মশিংগী শরুক অমা ওইনা, অচৌবা জহাজশিংদা ইনফ্রাস্ত্রকচরগী থাক পীখ্রে। মসিনা শেল চঙবা ফাইনান্সিংদা হেন্না লায়না এক্সেস তৌবা ঙমহনগনি। মেরিতাইম লোশিং মোদর্নাইজ তৌনবা অমসুং রেগুলেতরী ফ্রেমৱার্কশিং মপাঙ্গল কনখৎহন্নবা লেজিস্লেতিব অপদেৎ কয়া অমা পুথোকখ্রে।
|
লিগেল, পোলিসী অমসুং প্রোসেস রিফোর্ম
|
|
লোং তর্ম, লো-কোস্ত ফাইনান্সিংগী খুদোংচাবশিং ফংহন্নবা 2025গী সেপ্তেম্বর 19দা অচৌবা জহাজশিংদা ইনফ্রাস্ত্রকচর স্তেতস পীখ্রে।
|
|
ওইল অমসুং গ্যাস পি.এস.য়ু.শিংগী খুত্থাংদা দিমান্দ এগ্রেগেসনগী পান্দমদি মথংগী চহি 10দা ভারত্তা জহাজ 110+ শাবা হায়বসিনি।
|
|
লিগেল রিফোর্মশিং হৌদোকখ্রে
- বিল ওফ লোদিং এক্ত, 2025
- সমুদ্রগী লম্বীদা পোৎ-চৈ পুথোক-পুশিন তৌবগী এক্ত, 2025
- কোস্তেল শিপ্পিং এক্ত, 2025
- মর্চেন্ত শিপ্পিং এক্ত, 2025
- ইন্দিয়ন পোর্তস এক্ত, 2025
|
- রিফোর্মগী ইফেক্তশিং - রিফোর্মশিং অসিনা ভারতকী শিপ্পিং অমসুং পোর্ত ইনফ্রাস্ত্রকচরবু মালেমগী থাক্তা পুখৎনবা পান্দম থম্লি। মসিনা থবক পীবা, ইনভেস্তমেন্ত অমসুং শিপ বিল্দিং অমসুং মেরিতাইম কেপাসিতী পাকথোক চাউথোকহনগনি। মখোয়না সেক্তর অসিগী অপুনবা কম্পিতিতিবনেসকী মপাঙ্গল কনখৎহন্দুনা জহাজ মশিং অমসুং পোর্ত থ্রোপুৎ মশক থোকপা হেনগৎলকপা ওইরগনি হায়নসু থাজবা পীরি।
ৱারোইশিন:
ভারতকী শিপ বিল্ দিং সেক্তর অসি চাউখৎপা অমসুং পোলিসী রিফোর্মশিংগী পরিংনা মতেং পাংদুনা চাউখৎপগী আশা তৌরবা তাঙ্কক অমদা চঙশিল্লি। ইনফ্রাস্ত্রকচর মোদর্নাইজ তৌবা, দোমেস্তিক মেন্যুফেকচরিং কেপাসিতী হেনগৎহনবা, অমসুং মালেমগী ইনবেস্তমেন্ত লাকশিনবা, মতম শাংনা চাউখৎনবগীদমক্তা অচেৎপা য়ুম্ফম অমা থম্বা অসি মসিগী পান্দম্নি। ইনোবেসন, সস্তেনেবিলিতী, অমসুং স্কিল দিবেলপমেন্তদা মীৎয়েং থমদুনা, সেক্তর অসিনা মেরিতাইম ইন্দিয়া ভিজন 2030দা পনখিবা স্ত্রেতেজিক ওইবা পান্দমশিং ফংনবা ফজনা লৈরে। মসিগী মথক্তা, মসিগী পাকথোক চাউথোকপা অসি 2047 ফাওবগী বিক্সিত ভারতকী পাক চাউবা নেস্নেল এস্পিরেসনগা লোইননা শেনমিৎলোনগী রেসিলিয়েন্সী, থবক পীবা অমসুং মালেমগী চাংদম্নবদা মতেং পাংলি। ইন্দস্ত্রী অমসুং সরকারগী মরক্তা লেপ্তনা তেংবাং পীনদুনা, ভারতকী শিপ বিলদিং ইন্দস্ত্রী অসি লৈবাক অসিগী মেরিতাইম পাৱরগী মরুওইবা য়ুম্বী অমা অমসুং ইনক্লুসিব গ্রোথকী দ্রাইভর অমা ওইগদৌরি।
রিফরেন্স:
প্রেস ইনফোর্মেসন ব্যুরো:
https://www.pib.gov.in/Pressreleaseshare.aspx?PRID=2035583
https://www.pib.gov.in/PressReleasePage.aspx?PRID=2168994
https://www.pib.gov.in/PressReleaseIframePage.aspx?PRID=2085228
https://www.pib.gov.in/PressReleasePage.aspx?PRID=2110319
https://www.pib.gov.in/PressReleseDetailm.aspx?PRID=2172488
https://www.pib.gov.in/PressReleasePage.aspx?PRID=2170575
পি.দি.এফ. ফাইলগীদমক্তা মফমসিদা নম্বীয়ু।
***
(Backgrounder ID: 155573)
Visitor Counter : 6
Provide suggestions / comments
Read this release in:
English
,
Urdu
,
हिन्दी
,
Hindi_Ddn
,
Marathi
,
Nepali
,
Assamese
,
Bengali
,
Odia
,
Kannada
,
Malayalam