Press Information Bureau

کاربن پرائسنگ ایک پالیسی ٹول ہے جو گرین ہاؤس گیسوں کے اخراج، خاص طور پر کاربن ڈائی آکسائیڈ، پر مالی لاگت عائد کرتا ہے تاکہ آلودگی میں کمی کی حوصلہ افزائی کی جا سکے اور صاف توانائی کے ذرائع کی طرف منتقلی کو فروغ دیا جا سکے۔ یہ اس طرح کام کرتا ہے کہ جو ادارے یا افراد آلودگی پیدا کرتے ہیں، ان سے اس ماحولیاتی نقصان کی قیمت وصول کی جاتی ہے جو وہ پیدا کرتے ہیں، تاکہ وہ اپنے اخراجات کو کم کرنے کی کوشش کریں۔

ریٹ بیسڈ ایمیشنز ٹریڈنگ سسٹم (ریٹ بیسڈ –ای ٹی ایس) ایسا نظام ہے جس میں کل اخراج کی حد مقرر نہیں کی جاتی، بلکہ ہر ادارے کو ایک کارکردگی کا معیار (پرفارمنس بینچ مارک) دیا جاتا ہے جو ان کے مجموعی اخراج کی حد کے طور پر کام کرتا ہے۔ ریٹ بیسڈ ای ٹی ایس مستقبل میں نمو کی غیر یقینی صورتحال کو بہتر طریقے سے سنبھالنے اور بین الاقوامی مسابقت کے مسائل کو حل کرنے میں اضافی لچک فراہم کرتا ہے۔

کاربن کریڈٹ ٹریڈنگ اسکیم (سی سی ٹی ایس) بھارت میں گرین ہاؤس گیسوں (جی ایچ جی) کے اخراج کو کم کرنے کے لیے کاربن پرائسنگ کے ذریعے بنائی گئی ایک میکانزم ہے۔ اس میں دو اہم عناصر شامل ہیں: ایک تعمیل کا نظام جو ذمہ دار اداروں (خاص طور پر صنعتی شعبوں) کے لیے ہے اور دوسرا ایک آفسٹ میکانزم ہے جو رضاکارانہ شرکت کے لیے ہے۔ سی سی ٹی ایس کا مقصد اداروں کو ان کی کوششوں میں حوصلہ افزائی اور مدد فراہم کرنا ہے تاکہ وہ بھارتی معیشت کو کم کاربن بنانے کی طرف لے جا سکیں۔ سی سی ٹی ایس نے بھارتی کاربن مارکیٹ (آئی سی ایم) کی بنیاد رکھی ہے اور اس کے لیے ادارہ جاتی ڈھانچہ قائم کیا ہے۔

ملک

ای ٹی ایس کی قسم

شامل شعبے

عملی صورتحال

بھارت

ریٹ- بیسڈ

9 صنعتی شعبے

ضابطہ کاری کے مراحل میں

چین

ریٹ- بیسڈ

بجلی، سیمنٹ، اسٹیل، ایلومینیم

عملی طور پر کام کر رہا ہے

برازیل

کیپ -بیسڈ

زرعی شعبہ کے علاوہ تمام شعبے

قانون دسمبر 2024 میں منظور

انڈونیشیا

ریٹ -بیسڈ

2024 میں شعبوں میں اضافہ، گرڈ سے جڑے کوئلہ/گیس بجلی گھر شامل کیے گئے

عملی طور پر کام کر رہا ہے

1. مشن لائف کیا ہے؟:مشن لائف ایک عالمی مہم ہے جو بھارت نے شروع کی ہے تاکہ پائیدار طرزِ زندگی کو فروغ دیا جا سکے۔ اس کا مقصد ماحول دوست اور سوچ سمجھ کر کی جانے والی روزمرہ عادات کو اپنانا ہے، اور افراد کو ‘‘پرو-پلانیٹ پیپل’’ (زمین دوست افراد) بننے کی ترغیب دینا ہے۔
2. یہ کیا کرتا ہے؟:یہ مہم لوگوں کے رویوں میں تبدیلی پیدا کرنے پر زور دیتی ہے - جیسے توانائی کی بچت، پلاسٹک کا کم استعمال، اور نامیاتی فضلے سے کمپوسٹ بنانا۔یہ مارکیٹ کو متاثر کرتا ہے اور ایسی پالیسی اصلاحات کو فروغ دیتا ہے جو ماحولیاتی پائیداری کی حمایت کریں۔
3. اس کے اہداف کیا ہیں؟:2028 تک دنیا بھر میں 1 ارب افرادکو انفرادی اور اجتماعی طور پر ماحول کے تحفظ کے لیے سرگرم کرنا۔بھارت کے 80 فیصد دیہات اور شہری اداروں کو ‘‘گرین کمیونٹیز’’  میں تبدیل کرنا۔موسمیاتی اثرات کے حوالے سے قابلِ پیمائش نتائج حاصل کرنا۔

1. جی سی پی کیا ہے؟:گرین کریڈٹ رولز  کو 12 اکتوبر 2023 کو ماحولیاتی تحفظ ایکٹ 1986  کے تحت نوٹیفائی کیا گیا۔ یہ ایک رضاکارانہ اور مارکیٹ پر مبنی نظام ہے، جس کا مقصد خراب شدہ جنگلاتی زمینوں پر درخت لگانے کی حوصلہ افزائی کرنا ہے۔ شرکاء کو گرین کریڈٹس  دیے جاتے ہیں، اور یہ تمام عمل ایک ڈیجیٹل پورٹل اور رجسٹری کے ذریعے منظم ہوتا ہے۔

2. یہ کیسے کام کرتا ہے:

لینڈ  بینک اور انتخاب:محکمہ جنگلات خراب شدہ جنگلاتی زمینوں کو ‘‘زمین کے بینک’’  میں رجسٹر کرتے ہیں، جو جی سی پی پورٹل پر موجود ہوتا ہے۔ شرکاء وہاں سے پودے لگانے کے لیے زمین کا انتخاب کرتے ہیں۔

کون حصہ لے سکتا ہے:حکومت کے ادارے، پبلک سیکٹر یونٹس (پی ایس یوز)، این جی اوز، کمپنیاں، فلاحی ادارے، سوسائٹیز اور انفرادی افراد جو پورٹل پر رجسٹرڈ ہوں، اس منصوبے میں حصہ لے سکتے ہیں۔

پودے لگانا اور کریڈٹ حاصل کرنا:شرکاء کو دو سال کے اندر درخت لگانے ہوتے ہیں اور 10 سال تک ان کی دیکھ بھال کرنی ہوتی ہے۔ اس کے بعد انہیں درختوں کی تعداد کے مطابق گرین کریڈٹس دیے جاتے ہیں۔ ان کی تصدیق ڈیجیٹل ٹریکنگ، زمینی نگرانی، اور تھرڈ پارٹی آڈٹ کے ذریعے کی جاتی ہے۔

3. مقاصد:اس اسکیم کے اہم مقاصد یہ ہیں:بھارت میں جنگلات اور درختوں کے رقبے میں اضافہ کرنا، خراب شدہ زمینوں کی مکمل فہرست تیار کرنا  اور ماحول دوست اقدامات کرنے والوں کو گرین کریڈٹس کے ذریعے انعام دینا

1. حکمرانی اور نگرانی:نیشنل اسٹیئرنگ کمیٹی برائے انڈین کاربن مارکیٹ (این ایس سی- آئی سی ایم) مختلف وزارتوں، ریاستی حکومتوں، اور صنعت کے ماہرین کو ایک پلیٹ فارم پر اکٹھا کرتی ہے۔یہ بھارت کی کاربن مارکیٹ کے قیام اور اس کے مؤثر طریقے سے کام کرنے کی اعلیٰ ترین نگراں اتھارٹی کے طور پر کام کرتی ہے۔

2. بنیادی فرائض:یہ کمیٹی بیورو آف انرجی ایفیشنسی (بی ای ای) کو مندرجہ ذیل اہم معاملات پر سفارشات فراہم کرتی ہے:

کاربن مارکیٹ کو ادارہ جاتی شکل دینا (طریقہ کار، ضوابط، اور قواعد و قوانین کی تشکیل)

گرین ہاؤس گیسوں (جی ایچ جی) کے اخراج کی شدت کے اہداف مقرر کرنا:

کریڈٹ جاری کرنے، درستگی، تجدید، اور بین الاقوامی تجارت کے لیے رہنما خطوط ترتیب دینا

ورکنگ گروپس کی تشکیل اور مارکیٹ آپریشنز کی نگرانی

1. مقصد اور دائرہ کار:بیورو آف انرجی ایفیشنسی (بی ای ای) کو 2002 میں بھارت کے انرجی کنزرویشن ایکٹ (2001) کے تحت قائم کیا گیا تھا۔یہ ایک نیم انتظامی (کواسی -ریگولیٹری) ادارہ ہے جس کا بنیادی کام ملک بھر میں توانائی کی بچت کی کوششوں کی قیادت کرنا ہے۔بی ای ای مختلف اہم شعبوں جیسے صنعت، عمارات، نقل و حمل، اور زراعت میں توانائی کی شدت اور گرین ہاؤس گیسوں کے اخراج کو کم کرنے کے لیے پالیسیاں تیار کرتا ہے، معیارات طے کرتا ہے، کارکردگی کی نگرانی کرتا ہے اور قوانین پر عمل درآمد کرواتا ہے۔

2. بنیادی فرائض اور حکمت عملیاں: بی ای ای ایک ‘‘سسٹمز آپریٹر’’ کے طور پر مارکیٹ پر مبنی اور ضابطہ کاری کے اوزاروں کا استعمال کر کے توانائی کی بچت کو فروغ دیتا ہے۔ اس کی اہم حکمت عملیاں درج ذیل ہیں:

الیکٹریکل آلات اور مشینری کے لیے معیارات اور لیبلنگ

عمارتوں کے لیے انرجی کوڈز

صنعتوں کے لیے توانائی کی کارکردگی کے اصول

عوامی آگاہی اور صلاحیت سازی کے پروگرام