पत्र सूचना कार्यालय

’سستی ادویات، 60 کی عمر میں اعتماد بحال‘

60 سال کی عمر میں شویتا جی اکیلی رہتی ہیں۔ پھر بھی وہ اپنے گھر کے قریب واقع جن او شدھی کیندر تک اعتماد کے ساتھ  جاتی ہیں۔ پچھلے آٹھ سالوں سےیہ اسٹور ان کے اعتمادکا کا مرکزرہا ہے۔ جس سے انہیں بہت مدد ملتی ہے۔ وہ باقاعدگی سے مرکز سے ذیابیطس، تیزابیت، کیلشیم، وٹامنز اور انسولین کی دوائیں خریدتی ہیں۔

’’پہلے ادویات مہنگی تھیں اور ماہانہ اخراجات کا انتظام دباؤ تھا‘‘۔ ’’ وہ کہتی ہیں کہ’’میں اب ہر ماہ ایک معقول رقم بچاتی ہوں۔‘‘ شویتا جی کے لیے فائدہ صرف مالی نہیں ہے۔ دوا کی یہ دوکان قریب ہونے سےانہیں آزادانہ طور پر باہر نکلنے اور اپنی صحت کے لئے خود انتظام کرنے کی طاقت ملتی ہے۔ ’’معیار میں کوئی موازنہ نہیں ہے۔‘‘وہ  زور دے کر کہتی ہیں کہ’’دوائیں موثر ہیں اور میں مکمل طور پر مطمئن ہوں۔‘‘ ان کی کہانی اس بات کی عکاسی کرتی ہے کہ کس طرح سستی صحت کی دیکھ بھال خاص طور پر اکیلے رہنے والے بزرگ شہریوں کے لیے اعتماد بحال کر سکتی ہے ۔

’کوئی طویل سفر نہیں، کوئی بھاری بل نہیں، صرف باوقار دیکھ بھال‘

گووردھن جی کے لیےیہ کیندر ایک نعمت کی طرح محسوس ہوتا ہے۔ پچھلے چھ سالوں سے وہ یہاں سے بلڈ پریشر اور شوگر کی دوائیں خرید رہے ہیں۔

’’یہ ہمارے گھر کے قریب ہے اس لیے ہم کسی پر انحصار کیے بغیر خود  یہاں تک آسانی سےآ سکتے ہیں‘‘۔ وہ کہتے ہیں’’ہمیں اچھی کوالٹی کی ادویات سستی قیمتوں پر ملتی ہیں جو خود  کوبااختیار ہونے کا احساس دلاتی ہیں۔‘‘اس کے قابل رسائی اور ہماری استطاعت  کے مطابق ہونے کے سبب ہمیں آزادی کا احساس ہوتا ہے۔ کوئی لمبا سفر نہیں، کوئی بھاری بل نہیں، صرف قابل اعتماد دوائیں وہ  بھی ہماری پہنچ کے اندر ہمیں دستیاب ہو رہی ہیں۔

’7,000 روپے کے بلوں سے مالی راحت تک‘

صرف چند قدم کے فاصلے پر سنجیو کمار کاؤنٹر پر انتظار کر رہے ہیں۔ پچھلے سات سالوں سے وہ ایک ہی مرکز سے اپنے اور اپنی بیوی کے لیے دوائیں خرید رہے ہیں۔ ’’میں اپنی اور بیوی کے لیے2,000 روپئےمیں دوائیاں حاصل کر لیتا ہوں۔ وہ کہتے ہیں کہ’’ اگر ہمیں ان دواؤں کو باہر سے خریدنا پڑے تو ہمیں ہر ماہ تقریباً6,000-7,000 روپے خرچ کرنا پڑ ے گا۔‘‘

بچت نے ان کے گھریلو بجٹ میں نمایاں فرق پیدا کیا ہے۔ وہ مزید کہتے ہیں کہ“جو رقم اب ہم بچا لیتے ہیں وہ خاندان کی دیگراہم ضروریات پر خرچ ہو جاتی ہے۔”دائمی بیماریوں کا سامنا کرنے والے خاندانوں کے لیے طبی اخراجات میں کمی کا مطلب ہے کم ذہنی دباؤ اور بہتر مالی منصوبہ بندی۔

‘جیب پر بوجھ ڈالے بغیر صحت کی سہولت’

اشوک کمارجو ایک مکینیکل کارکن ہیں، وہ بھی کچھ اسی طرح کے احساس کا اظہار کرتے ہیں۔ جب بھی انہیں یا ان کے خاندان کو دواؤں کی ضرورت ہوتی ہے تو جن اوشدھی کیندر اُن کی پہلی ترجیح ہوتا ہے۔

وہ کہتے ہیں“ہمیں یہاں سستی ادویات ملتی ہیں۔ یہ ہماری جیب پر کوئی بوجھ نہیں ڈالتی ہیں۔”ان جیسے محنت کش خاندانوں کے لیےایک ایک روپے کی قیمت ہے۔ سستی دوائیں اس بات کو یقینی بناتی ہیں کہ علاج مالی پریشانی کا سبب نہ بنے۔

‘نسخے کی پریشانی کو  راحت میں بدلنا’

سنیل کمار علاقے میں کیندر کی موجودگی کے وسیع تر اثرات پر بھی روشنی ڈالتے ہیں ۔  وہ بتاتے ہیں کہ یہاں دوائیں نمایاں طور پر زیادہ سستی ہو گئی ہیں ۔  اس سے پہلے صرف ڈاکٹر کے نسخے کو دیکھنے سے متوقع زیادہ اخراجات کی وجہ سے لوگوں کی بے چینی بڑھ جاتی تھی ۔  اب جن اوشدھی کیندر میں سستی ، اعلیٰ معیار کی دوائیں دستیاب ہونے سے یہ تشویش راحت میں بدل گئی ہے ۔

’ایک دیویانگ کاروباری اپنی برادری کو بااختیار بنا رہا ہے‘

رام ادھار ایک دیویانگ کاروباری  ہیں جو جن اوشدھی کیندر چلاتے ہیں ہے ۔لیگ لینتھ ڈسکریپینسی(ایل ایل ڈی)کے ساتھ رہنا جس میں ایک ٹانگ دوسرے سے چھوٹی ہوتی ہے ۔انہوں نے اس چیلنج کواپنی طاقت میں تبدیل کرنے کا انتخاب کیا ۔  جسمانی معذوری کا بہانہ بنانے کے بجائے وہ عزم اور ایک واضح مقصد کے ساتھ آگے بڑھے کیونکہ گھر کے قریب معیاری ، سستی دوائیں فراہم کرکے اپنی برادری کی خدمت کرناان کا مقصد بن گیا ۔