पत्र सूचना कार्यालय

SHE-LEAPS: লাখপতি দিদিসকলৰ বাবে ডিজিটেল সবলীকৰণ

মহিলা-নেতৃত্বাধীন আত্মসহায়ক গোট উদ্যোগসমূহৰ বাবে তথ্য-ভিত্তিক বিকাশ সক্ষম কৰা

ডিজিটেল সবলীকৰণৰ জৰিয়তে গ্ৰামীণ জীৱিকাৰ ৰূপান্তৰ

SHE-LEAPS-ৰ পূৰ্ণৰূপ হৈছে Self-Help Entrepreneur-Livelihoods and Enterprise Application for Prosperity and Sustainability। ই সমগ্ৰ গ্ৰামীণ ভাৰতৰ আত্মসহায়ক গোটসমূহ(SHGs)-ৰ সৈতে জড়িত মহিলাসকলক সবলীকৰণৰ বাবে এক ডিজিটেল প্লেটফৰ্ম। একক প্লেটফৰ্মৰ জৰিয়তে উদ্যোগ সৃষ্টি আৰু প্ৰদৰ্শন অনুসৰণৰ সুবিধা প্ৰদান কৰি এই লক্ষ্য পূৰণ কৰা হৈছে। SHE-LEAPS-এ গ্ৰামীণ মহিলাসকলৰ জীৱিকা সৃষ্টি, উদ্যোগৰ বিকাশ আৰু আৰ্থিক অন্তৰ্ভুক্তিক সমৰ্থন কৰে। ই কৃষিভিত্তিক আৰু অকৃষিভিত্তিক দুয়ো ধৰণৰ গ্ৰামীণ উদ্যোগক সমৰ্থন কৰে, যাৰ লক্ষ্য হৈছে অধিক শক্তিশালী আৰু বহনক্ষম গ্ৰামীণ অৰ্থনীতি গঢ়ি তোলা।

SHE-LEAPS-ৰ ল’গ’

SHE-LEAPS মোবাইল এপ্লিকেচনটো ডিজিটেল ইণ্ডিয়া কৰ্পৰেশ্যন (Digital India Corporation)-এ বিকাশ কৰিছে আৰু LokOS প্লেটফৰ্মৰ অধীনত কাৰ্যকৰী কৰা হৈছে। LokOS হৈছে ভাৰতজুৰি সম্প্ৰদায়ভিত্তিক সংস্থাসমূহ (Community-Based Organizations)-ৰ কাৰ্যকলাপ সংগ্ৰহৰ বাবে প্ৰস্তুত কৰা এক ডিজিটেল ব্যৱস্থা। ইয়াৰ অন্তৰ্গত আত্মসহায়ক গোটসমূহ, গ্ৰাম্য সংস্থাসমূহ আৰু ক্লাষ্টাৰ লেভেল ফেডাৰেশ্যনছ অন্তৰ্ভুক্ত। LokOS-এ সদস্যৰ তথ্য, আৰ্থিক লেন-দেন, জীৱিকাৰ নথি সংৰক্ষণ, আৰু সমন্বয়মূলক পদক্ষেপসমূহ অনুসৰণ কৰাৰ দৰে সম্প্ৰদায়ভিত্তিক সংস্থাসমূহৰ কাৰ্যকলাপক ডিজিটেল ৰূপ দিয়ে।

SHE-LEAPS-ৰ শুভাৰম্ভ ২০২৬ চনৰ ২৯ জুন তাৰিখে নতুন দিল্লীত অনুষ্ঠিত ৰাষ্ট্ৰীয় গ্ৰামীণ বিকাশ সন্মিলন(Rashtriya Gramin Vikas Sammelan)-ত কৰা হয়। ‘গ্ৰামোদয়া চে ৰাষ্ট্ৰোদয়া (Gramodaya Se Rashtrodaya)’ শীৰ্ষক এই দুদিনীয়া সন্মিলনত মুখ্য গ্ৰামীণ উন্নয়ন আঁচনিসমূহৰ ৰূপায়ণ আৰু অগ্ৰগতি পৰ্যালোচনা কৰা হয়। ইয়াৰ মূল লক্ষ্য আছিল চৰকাৰৰ ‘বিকশিত গ্ৰাম- বিকশিত ভাৰত(Viksit Gram - Viksit Bharat)’ দৃষ্টিভংগীক বাস্তৱায়িত কৰিবলৈ কৌশল প্ৰস্তুত কৰা।

SHE-LEAPS-ৰ দেশজোৰা ৰূপায়ণ

SHE-LEAPS-ৰ লক্ষ্যসমূহ হ'ল—

• সমগ্ৰ দেশৰ গ্ৰামীণ আত্মসহায়ক গোটৰ মহিলা উদ্যোগীসকলক সবলীকৰণ কৰা।
• গ্ৰামাঞ্চলত মহিলা-নেতৃত্বাধীন উদ্যোগ সৃষ্টি আৰু শক্তিশালী কৰা।
• গ্ৰামীণ উৎপাদকসকলক আনুষ্ঠানিক মূল্য শৃংখলাৰ সৈতে সংযুক্ত কৰা।
• আত্মসহায়ক গোটৰ পৰিয়ালসমূহৰ আৰ্থিক অন্তৰ্ভুক্তি বৃদ্ধি কৰা।
• তথ্য-ভিত্তিক গ্ৰামীণ উদ্যোগীকৰণ সক্ষম কৰা।

SHE-LEAPS ৩৪খন ৰাজ্য আৰু কেন্দ্ৰীয় শাসিত অঞ্চলত ৰূপায়ণ কৰা হ’ব। ই নিৰ্বাচিত ৰাজ্য/কেন্দ্ৰীয় শাসিত অঞ্চলসমূহৰ ৰাজ্যিক গ্ৰাম্য জীৱিকা অভিযানসমূহ(State Rural Livelihood Missions)ক সহায় কৰিব। এই প্লেটফৰ্মে বাস্তৱ-সময়ত উদ্যোগ-সম্পৰ্কীয় তথ্য সংগ্ৰহ কৰে, যাৰ ফলত গ্ৰামীণ অৰ্থনৈতিক কাৰ্যকলাপসমূহ অধিক স্পষ্টভাৱে দৃশ্যমান হয়। ফলস্বৰূপে, এই ব্যৱস্থাই বিভিন্ন স্তৰত নিৰীক্ষণ ব্যৱস্থা অধিক শক্তিশালী কৰে। ইয়াৰ জৰিয়তে স্থানীয় আৰু ৰাষ্ট্ৰীয়—উভয় স্তৰৰ সিদ্ধান্ত গ্ৰহণ প্ৰক্ৰিয়াক সমৰ্থন আগবঢ়োৱা হ’ব।

উদ্যোগ বিকাশৰ বাবে ডিজিটেল সেৱা

SHE-LEAPS-এ বিভিন্ন খণ্ডৰ বাস্তৱ-সময়ৰ কাৰ্যকৰী তথ্য সংগ্ৰহ কৰে আৰু জীৱিকাৰ সম্পূৰ্ণ যাত্ৰা অনুসৰণ কৰে। এই প্লেটফৰ্মে প্ৰফাইল সৃষ্টি কৰাৰ পৰা উদ্যোগৰ প্ৰদৰ্শন অনুসৰণলৈকে প্ৰতিটো পৰ্যায়ত সহায় কৰে। ইয়াৰ উপৰিও, ই ডিজিটেল নিৰীক্ষণ শক্তিশালী কৰে, শাসন ব্যৱস্থা উন্নত কৰে, আৰু উত্তম পৰিকল্পনা, হস্তক্ষেপ আৰু তথ্যভিত্তিক নীতিগত সিদ্ধান্ত গ্ৰহণ সক্ষম কৰে। SHE-LEAPS মোবাইল এপ্লিকেচনে আগবঢ়োৱা সেৱাসমূহ হ'ল—

লাখপতি দিদি পদক্ষেপক আগুৱাই নিয়া

SHE-LEAPS-এ আয় বৃদ্ধিৰ আৰু উদ্যোগৰ প্ৰদৰ্শনৰ শেষৰ পৰা শেষলৈকে অনুসৰণৰ সুবিধা প্ৰদান কৰি লাখপতি দিদি অভিযানক অধিক শক্তিশালী কৰিব। শেহতীয়াকৈ চৰকাৰে লাখপতি দিদি আঁচনিৰ লক্ষ্য ৩ কোটি মহিলাৰ পৰা ৬ কোটি মহিলালৈ বৃদ্ধি কৰিছে।

আগন্তুক পাঁচ বছৰত লাখপতি দিদিসকলক উপকৃত কৰাৰ বাবে চৰকাৰে ১০ লাখ কোটি টকা মুকলি কৰাৰ পৰিকল্পনা কৰিছে। ই মহিলা সবলীকৰণৰ প্ৰতি চৰকাৰৰ এক বৃহৎ অংগীকাৰৰ প্ৰতিফলন। সেয়েহে, SHE-LEAPS মোবাইল এপ্লিকেচনটো বৃহৎ পৰিসৰত উদ্যোগ সম্প্ৰসাৰণক সমৰ্থন জনোৱা এই পৰিকল্পনাৰ এক অবিচ্ছেদ্য অংশ।

অধিক শক্তিশালী মহিলা-নেতৃত্বাধীন গ্ৰামীণ অৰ্থনীতি গঢ়ি তোলা

ডিজিটেল আন্তঃগাঁথনি, উদ্যোগীকৰণ আৰু মহিলা সবলীকৰণক একেলগ কৰি SHE-LEAPS-এ ডিজিটেল গ্ৰামীণ ৰূপান্তৰৰ ক্ষেত্ৰত এক গুৰুত্বপূৰ্ণ পদক্ষেপ গ্ৰহণ কৰিছে। উদ্যোগৰ বিকাশক সমৰ্থন জনোৱা আৰু আৰ্থিক অন্তৰ্ভুক্তি শক্তিশালী কৰাৰ জৰিয়তে, এই প্লেটফৰ্মে সমগ্ৰ দেশজুৰি লাখপতি দিদি মিছনক বৃহৎ পৰিসৰত সম্প্ৰসাৰণ কৰাত সহায় কৰিব। ই অন্তৰ্ভুক্তিমূলক আৰু বহনক্ষম গ্ৰামীণ ৰূপান্তৰৰ এক মুখ্য চালিকা শক্তি হিচাপে আত্মপ্ৰকাশ কৰিবলৈ সাজু।

তথ্যসূত্ৰ

গ্ৰামোন্নয়ন মন্ত্ৰালয়

https://lokos.dord.gov.in/home

https://x.com/MoRD_GoI/status/2071507758046916762

https://www.pib.gov.in/PressReleasePage.aspx?PRID=2279029&reg=6&lang=1

ইলেক্ট্ৰনিক্স আৰু তথ্য প্ৰযুক্তি মন্ত্ৰালয়

https://play.google.com/store/apps/details?id=com.nrlm.gramudyamita&hl=en_IN

Pdf ফাইলৰ বাবে ইয়াত ক্লিক কৰক

***

পিআইবি গৱেষণা

(तथ्य सामग्री आईडी: 150672) आगंतुक पटल : 7