Farmer's Welfare
ভারত্ত লৌউ-শিংউগী তাকপী-তম্বীবা অমসুং ত্রেনিং
प्रविष्टि तिथि:
04 NOV 2025 10:10 AM
লৌউ-শিংউগী থবক্না ভারতকী অপুনবা মীশিংগী তঙ্খায় অমগী মরুওইবা হিংনবগী লম্বী ওইরি অমসুং জি.দি.পিগী চাদা ১৮ রোম মতেং পাংলি। ইজুকেসন, রিছার্স অমসুং ত্রেনিংগী খুৎথাংদা পোৎথোক হেনগৎহনবা, লৌ উবদা চঙবা শেনফম হন্থহনবা অমসুং লৈবাক্কী পান্দমশিং ফংবা অসি মরুওই। লৌউ-শিংউগী ইজুকেসন, রিছার্স অমসুং ত্রেনিং অসি সেক্তর অসিগী মরুওইবা য়ুম্বীশিংনি, চাদা ৫ গী লৌউ-শিংউগী গ্রোথ রেতগী পান্দম ফংনবা ইন্সতিতুৎ অমসুং সাইন্তিফিক বেজ অসি তঙাইফদে অমসুং বিকসিত ভারতকী মরুওইবা পান্দম ওইরিবা লৈবাক্কী পান্দম “বিকসিত কৃষি ওর সমরুধ কিষান” অসি মরুওইবনি। পান্দমশিং অসি ফংনবা, “ৱান নেসন-ৱান এগ্রিকলচর-ৱান তিম” গী ফিদমগী মখাদা য়ুম্বী অহুম অসি পুন্না থবক তৌমিন্নগনি।
ইন্দিয়ান কাউন্সিল ওফ এগ্রিকলচরেল রিছার্স (আই সি এ আর)
• লৌউ-শিংউগী থিজিনবা অমসুং ইজুকেসনগী মরুওইবা বোদি: ১৯২৯ দা লিংখৎখিবা ইন্দিয়ান কাউন্সিল ওফ এগ্রিকলচরেল রিছার্স অস লৌউ-শিংউগী থিজিনবা অমসুং অৱাংবা থাক্কী মহৈ তম্বীনবা ভারতকী অৱাংবা থাক্কী লুপনি। মসিনা লৌউ-শিংউ, হোর্তিকলচর, ঙা য়োকপা অমসুং এনিমেল সাইন্সেসগী লমদা থিজিল্লিবা ইন্সতিতুৎশিং অমসুং য়ুনিভর্সিতিশিং লমজিংবগী থৌদাং লৌরি।
• লৈবাক শীনবা থুংবগী নেতৱার্ক: ইন্দিয়ান কাউন্সিল ওফ এগ্রিকলচরেল রিছার্সনা রিছার্স ইন্সতিতুৎ ১১৩ (অকুপ্পশিং https://icar.org.in/institutes দগী ফংগনি) অমসুং ভারত শীনবা থুংবগী এগ্রিকলচরেল য়ুনিভর্সিতি ৭৪ য়েংশিনবগী থবক পাংথোক্লি। মসিনা গ্রিন রিভোলুসনগী থবক মাঙজিল থাখি অমসুং অইং-অশা মায়োক্নবা ঙম্বা, চাথোক লৈবা মহৈ-মরোং মখলশিং অমসুং লৌউ-শিংউগী তেক্নোলোজিশিং পুথোকপদা লুচিংলি।
• এক্সতেন্সন অমসুং ক্বালিতি: লৌমীশিংদা তেক্নোলোজিশিং ফংহন্নবা মসিগী দিবিজনশিংগী খুৎথাংদা, ইন্দিয়ান কাউন্সিল ওফ এগ্রিকলচরেল রিছার্সনাগী মখাদা কৃষি বিগ্যান কেন্দ্র ৭৩১ থবক তৌরি। মসিনা ‘আই.সি.এ.আর মোদেল এক্ত (রিভাইস ২০২৩)’ অমসুং ‘মিনিমম রিকুইয়াারমেন্ত ফোর ইষ্টব্লিসিং দ এগ্রিকলচরেল কোলেজস’ ফংহল্লি অমসুং নেসনেল এগ্রিকলচর ইজুকেসন এগ্রিদিতেসন বোর্দগী খুৎথাংদা ইন্সিতিতুৎশিং মশক খঙলি।
সরকার অমসুং লনাই ইন্সতিতুসনশিং
সরকারগী য়ুনিভর্সিতিশিং অমসুং ইন্সতিতুসনশিং: ভারতকী ষ্টেৎ এগ্রিকলচরেল য়ুনিভর্সিতি ৬৩, সেন্ত্রেল এগ্রিকলচরেল য়ুনিভর্সিতি ৩ (পুসা, ইম্ফাল, ঝান্সি), দিম য়ুনিভর্সিতি ৪ (আইরি-দিল্লি, এন.দি.আর.আই-করনাল, আই.ভি.আর.আই-ইজতনাগর, সি.আই.এফ.ই-মুম্বাই) অমসুং এগ্রিকলচরেলগী ফেকলতি য়াওরবা সেন্ত্রেল য়ুনিভর্সিতি ৪ লৈরি।
প্রাইভেদ সেক্তর: এগ্রিকলচরগী ইজুকেসন অসি রাজ্য সরকারশিংগী মখাদা লৈরি অমসুং মখোয় মশাগী থৌশিলশিং অমসুং শেম্লি অমসুং লাইন ইন্সতিতুসনশিং য়োকখৎলি। আই.সি.এ.আরগী থৌদাংদি এগ্রিদিতেসন পীবা খক্তনি। হৌখিবা চহি মঙাদা, আই.সি.এ.আরনা এগ্রিদিতেসন পীবা লনাই এগ্রিকলচরেল কোলেজ ২০২০-২১ দা ৫ লৈরম্বদগী ২০২৪-২৫ দা ২২ দা হেনগৎলে।
সেন্ত্রেল এগ্রিকলচরেল য়ুনিভর্সিতিশিং
হৌজিক ভারত্ত সেন্ত্রেল এগ্রিকলচরেল য়ুনিভর্সিতি অহুম থবক তৌরি। মখোয় লমদম লমদমগী দরকার ওইবশিং পীনবা পর্লিয়ামেন্তগী এক্ত অমনা শেমখিবনি:
দোক্তর রাজেন্দ্র প্রসাদ সি.এ.য়ু, পুসা (বিহার): হান্না রাজেন্দ্র এগ্রিকলচরেল য়ুনিভর্সিতি (১৯৭০ দা লিংখৎপা) ওইরম্বদগী ওক্তোবর ২০১৬ দা সি.এ.য়ু অমা ওন্থোকখ্রে। মসিদা কোলেজ ৮ য়াওরি:
1. তিরহুদ কোলেজ ওফ এগ্রিকলচর
2. পোষ্ট গ্রেজুয়েত কোলেজ ওফ এগ্রিকলচর
3. কোলেজ ওফ এগ্রিকলচর ইঞ্জিনিয়ারিং এন্দ তেক্নোলোজি
4. কোলেজ ওফ কম্মুনিতি সাইন্স
5. কোলেজ ওফ বেসি সাইন্সেস এন্দ হুমেনিতিস
6. কোলেজ ওফ ফিসরিজ
7. পন্দিৎ দিন দয়াল উপধ্যায় কোলেজ ওফ হোর্তিকলচর এন্দ ফোরেষ্ট্রি
8. স্কুল ওফ এগ্রিব্যুজিনেস এন্দ রুরেল মেনেজমেন্ত
হিরম ৮ হায়বদি এগ্রিকলচর, হোর্তিকলচর, এগ্রিকলচরেল ইঞ্জিনিয়ারিং, কম্মুনিতি সাইন্স, ফিসরিজ, বাইওতেক্নোলোজি, ফোরেষ্টরি অমসুং ফুদ তেক্নোলোজিদা আর.পি.সি.এ.য়ুনা অন্দরগ্রেজুয়েত কোর্সশিং পীরি। য়ুনিভর্সিতিনা মাষ্টর অমসুং পি.ঐচ.দি প্রোগ্রাম কয়া পীরি। মুজফরপুর জিলাগী ধোলি, সমাস্তিপুর জিলাগী পুসা অমসুং বিহারগী ইষ্ট চম্পরান জিলাগী পিপ্রাকোথিদা লৈবা কেম্পসশিংদা থবক তৌরি। অনৌবা ইজুকেসন পোলিসিগী শরুক অমা ওইনা য়ুনিভর্সিতিনা অতেনবা কোর্সশিং অমসুং দিপ্লোমা প্রোগ্রামশিং হৌদোকখ্রে।
• জনুৱারি ১৯৯৩ দা সি.এ.য়ু ইম্ফাল লিংখৎতুনা অরুনাচল প্রদেস, মনিপুর, মেঘালয়, মিজোরম, সিক্কিম, নাগালেন্দ অমসুং ত্রিপুরাগী থবক তৌরি। চীঙগী রাজ্য ৭ শীনবা থুংনা কোলেজ ১৩ দা (মমিং https://cau.ac.in/about-cau-imphal/ দা ফংগনি) দা সি.এ.য়ু ইম্ফালনা তাকপী-তম্বীবা, থিজিনবা অমসুং ত্রেনিংগী থবক পাংথোক্লি। য়ুনিভর্সিতি অসিদা হৌজিক অন্দরগ্রেজুয়েত কোর্স ১০, মাষ্টর কোর্স ৪৮ অমসুং পি.ঐচ.দি প্রোগ্রাম ৩৪ চৎথরি অমসুং একাদেমিক চহি ২০২৪-২৫ দা অপুনবা মহৈরোয় ২৯৮২ তমখি।
• রানি লক্সমী বাই সি.এ.য়ু, ঝান্সি, য়ু.পি: মসি এগ্রিকলচর রিছার্স এন্দ ইজুকেসন দিপার্তমেন্তনা লিংখৎখিবনি। য়ুনিভর্সিতি অসিদা এগ্রোনোমি, হোর্তিকলচর, ভেভেরিনারি সাইন্স অমসুং এগ্রিকলচরেল ইঞ্জিনিয়ারিংদা অন্দরগ্রেজুয়েত, মাষ্টর অমসুং পি.ঐচ.দি প্রোগ্রামশিং হাংদোক্লি। য়ুনিভর্সিতি অসিগী মখাদা কোলেজ ওফ এগ্রিকলচর অমসুং কোলেজ ওফ হোর্তিকলচর এন্দ ফোরেষ্ট্রি, ঝান্সি অমসুং ফিসরিজ কোলেজ অমসুং কোলেজ ওফ ভেতেরিনারি এন্দ এনিমেল হসবেন্দরি, দাসিয়া লৈরি।
লৌউ-শিংউদা ইন্তরনেত ওফ থিংস অমসুং আর্তিফিসিএল ইন্তিলিজেন্স
• তেক্নোলোজি শীজিন্নবা: লৌউ-শিংউগী থবক মতমগা চুন্নবা সরকারনা ইন্তরনেত ওফ থিংস অমসুং আর্তিফিসিএল ইন্তিলিজেন্স শীজিন্নবা পুক্নিং থৌগৎলি। ফোতো লৌনবা অমসুং তিলহিদাক চাইনবা দ্রোনশিং শীজিন্নরি, শা-ষন য়েংশিনবা, গ্রিন হাওসশিং , এ.আইনা তিল তাবা য়েংশিনবা অমসুং রিমোত সেন্সিংদা ইন্তরনেত ওফ থিংস অমসুং আর্তিফিসিএল ইন্তিলিজেন্স শীজিন্নরি।
• ইন্নোবেসন হবশিং: নেসনেল মিসন ওন ইন্তরদিসপ্লিনারি সাইবর-ফিজিকেল সিষ্টেমসগী মখাদা দিশেম্বর ২০২২ দগী তেক্নোলোজি ইন্নোবেসন হব ২৫ লিংখৎলে। আই.আই.তি খারাগপুরনা এ.আই/এম.এল পাম্বৈশিংগীদমক এ.আই.৪.আই.সি.পি.এস শীজিন্নরি অমসুং আই.আই.তি বোম্বেনা ইন্তরনেত ওফ থিংসকী তি.আই.ঐচ অমা য়ুম্বু ওইখি।
• দিজিতেল ইনফ্রাষ্ট্রকচর: ইলেক্ত্রোনিক্স মিনিষ্ট্রিনা বেঙ্গালুরু, গুরুগাম, গান্ধীনগর অমসুং বিশাখাতপ্নমদা আই.ও.তিগী সেন্তর ওফ এক্সলেন্সশিং লিংখৎলে। সেন্তরশিং সিনা এগ্রি-তেক, ষ্টার্দঅপশিং, ইন্দষ্ট্রি, ইনভেষ্টরশিং অমসুং মহৈলোয়শঙগী অওনবশিং পুরক্লি। নেসনেল ই-গভর্নান্স প্লান ফোর এগ্রিকলচরগী মখাদা, দিজিতেল এগ্রিকলচর প্রোজেকশিং পায়খৎনবা রাজ্যশিংদা শেন্থং পীরে।
ষ্টার্দ-অপ ইকোসিষ্টেম: ২০১৮-১৯ দগী রাষ্ট্রিয়া কৃষি বিকাস য়োজনাগী মখাদা এগ্রি-ইনকুবেসন ইকোসিষ্টেম ফগৎনবা ইনোবেসন অমসুং এগ্রিপ্রেন্যুরশিপকী থবকশিং পায়খৎতুনা লাক্লি। এগ্রিকলচরগী ষ্টার্দ-অপশিং অমসুং মরি লৈনবা হিরমশিং শৌগৎতুনা লৌমীশিংগী শেন্থোক হেনগৎনবা থবক পায়খৎলি। থৌরম অসিগী মখাদা লৌউ-শিংউ অমসুং মরী লৈনবা হিরমশিং, এগ্রো-প্রোসেসিং, ফুদ তেক্নোলোজি অমসুং আর্তিফিসিএল ইন্তিলিজেন্স, আই.ওত.ই, আই.সি.তি, দিজিতেল এগ্রিকলচর, ব্লোকচেন তেক্নোলোজিদা ষ্টার্দ-অপশিংগী মতেং পাংলি।
লৌমীশিংগী স্কিল ত্রেনিং
ভারতকী লৌউ-শিংউগী অওনবা পুরকপদা লৌমীশিংগী স্কিল লৈহনবা অমসুং ত্রেনিং পীবা অসি য়াম্না মরুওই। তোঙান তোঙানবা থৌরমশিং হায়বদি স্কিল ত্রেনিং ওফ রুরেল য়ুথ, সব-মিসন ওন এগ্রিকলচরেল মেকানাইজেসন, প্রধান মন্ত্রী কৌসাল বিকাস য়োজনানা কে.ভি.কেশিং অমসুং এগ্রিকচরেল তেক্নোলোজি মেনেজমেন্ত এজেন্সিগী খুৎথাংদা লৌমীশিংদা লৌশিং অমসুং তুংকোইনা চৎনবা য়াবা লৌউ-শিংউগী থবকশিংগী লৌশিং পীরি।
• কে.ভি.কেশিং: ২০২১-২২ অমসুং ২০২৩-২৪ গী মনুংদা কে.ভি.কেশিংনা লৌমী লাখ ৫৮.০২ ত্রেনিং পীখ্রে। ২০২৪-২৫ গী অহানবা থা ১০ দা লৌমী লাখ ১৮.৫৬ কে.ভি.কেশিংনা ত্রেনিং পীখ্রে। মখোয়না এগ্রোনোমি, শা-ষন লোইবা, লৈবাক লৈহাও ফগৎহনবা, পোষ্ট হার্বেষ্ট তেক্নোলোজিগী কোর্সশিং পীখি।
• অত্মা (এগ্রিকচরেল তেক্নোলোজি মেনেজমেন্ত এজেন্সি) : লৌউ-শিংউগী ত্রেনিং পীবদা এগ্রিকচরেল তেক্নোলোজি মেনেজমেন্ত এজেন্সিনা মরুওইবা থৌদাং অমা লৌরি। থবক অসিগী মখাদা, ২০২১-২২ দা লৌমী লাখ ৩২.৩৮, ২০২২-২৩ দা লৌমী লাখ ৪০.১১ অমসুং ২-২৩-২৪ দা লৌমী লাখ ১৮.৩০ ত্রেনিং পীখ্রে। ২০২১-২৫ মনুংদা এগ্রিকচরেল তেক্নোলোজি মেনেজমেন্ত এজেন্সিনা লৌমী করোর ১.২৭ ত্রেনিং পীখ্রে।
• স্কিল ত্রেনিং ওফ রুরেল য়ুথ: স্কিল ত্রেনিং ওফ রুরেল য়ুথগী মখাদা ২০২১-২২ দা লৌমী ১০,৪৫৬, ২০২২-২৩ দা লৌমী ১১,৬৩৪ অমসুং ২০২৩-২৪ দা লৌমী ২০,৯৪০ ত্রেনিং পীখ্রে। ২০২১ দগী দিশেম্বর ২০২৪ ফাওবদা নহারোল ৫১,০০০ ত্রেনিং পীখ্রে।
• ফার্ম মেকানাইজেসন : এগ্রিকলচরেল মেকানাইজেসনগী সব-মিসনগী মখাদা লৌমীশিংদা মেছিন শীজিন্নবগী ত্রেনিং পীরি। ২০২১-২৫ মনুংদা লৌমী ৫৭,১৩৯ দা ফার্ম মেকানাইজেসনগী ত্রেনিং পীখ্রে।
• সোইল হেল্থ কার্দ স্কিম: স্কিম অসিগী মখাদা লৌমীশিংদা সোইল হেল্থ কার্দশিং পীরি অমসুং হার চাং চানা হাপ্নবগী মতাংদা ত্রেনিং পীখি। জুলাই ২০২৫ ফাওবদা, কার্দ করোর ২৫.১৭ লৈবাক শীনবা থুংনা য়েন্থোকখ্রে। সোইল হেল্থ কার্দ ত্রেনিং ৯৩,০০০ পাংথোকখ্রে অমসুং ফিল্দ দেমোন্সত্রেসন লাখ ৬.৮ পাংথোকখ্রে।
• ফার্মর প্রদুসর ওর্গনাইজেসন : সরকারনা ফার্মর প্রদুসর ওর্গনাইজেসন ১০,০০০ হেন্না রেজিষ্টার তৌখ্রে। দিজিতেল মোদুলশিং অমসুং ৱেবিনারশিংগী খুৎথাংদা ফার্মর প্রদুসর ওর্গনাইজেসনশিংগী লৌমীশিংদা এগ্রি-ব্যুজিনেস, ভেলু চেনশিং অমসুং য়োনফমগী মতাংদা ত্রেনিং পীখ্রে।
ৱারোইশিন
হৌজিক পায়খৎলিবা ভারতকী লৌউ-শিংউগী ইজুকেসন অমসুং ত্রেনিং অসিদা ইজুকেসন, রিছার্স, তেক্নোলোজি অমসুং স্কিল দিবলপমেন্ত শম্নবগী মমি অমা তারে। ৱান নেসন-ৱান এগ্রিকলচরগী পান্দমনা লমজিংদুনা, আই.সি.এ.আর, সেন্ত্রেল অমসুং ষ্টেৎ এগ্রিকলচর য়ুনিভর্সিতিশিং, কে.ভি.কেশিংনা লৌউ-শিংউ হেন্না কান্নবা ওইনবা অমসুং লৌশিংদা য়ুম্ফম ওইনবা অকনবা য়ুম্ফম অমা থোল্লে। লেপ্তনা পায়খৎলিবা থবকশিং অসিনা সাইন্তিফিক রিছার্স অমসুং থবক ওইনা পাংথোকপদা লৈরিবা অহোবশিং মেনখৎপা ঙমহল্লে।
লৌউ-শিংউদা ইন্তরনেত ওফ থিংস অমসুং আর্তিফিসিএল ইন্তিলিজেন্সগুম্বা তেক্নোলোজি শীজিন্নবা অসিনা অনৌবা অমসুং দেতাদা য়ুম্ফম ওইনা লৌউ-শিংউগী থবক্ত অহোংবা অমা পুরক্লে। অত্মা, এস.তি.আর.ৱাই অমসুং এস.এম.এ.এমগুম্বা থবকশিংনা খুঙ্গংগী লৌমীশিংদা তঙাইফবদা তেক্নিকেল অমসুং ওন্ত্রেপ্রেন্যুরশিপকী লৌশিং ফংহল্লে। থবকশিং অসিনা পোৎথোক হেন্না পুথোকপা, শেন্থোক হেনগৎহনবা অমসুং তুংকোইনা লন-থুমশিং শীজিন্নবা ঙমহল্লে। ভারতনা মশাগী ওক্নবা চীঞ্জাক পুথোক্নবা পান্দম থমবগা লোয়ননা অমসুং খুঙ্গংগী শেন্মিৎলোন ফগৎনবা পান্দম থম্বগা লোয়ননা, ইজুকেসন, ইন্নোবেসন অমসুং স্কিল দিবলপমেন্তগী মরক্ত পুন্না থবক তৌমিন্নবনা লৈবাক অসিগী লৌউ-শিংউ চাউখৎহনবা ঙমগনি।
রিফরেন্সশিং:
PIB:
• https://www.pib.gov.in/PressReleseDetail.aspx?PRID=1739601
https://www.pib.gov.in/PressReleseDetailm.aspx?PRID=2112391#:~:text=Central%20Agricultural%20Universities%3A
• https://www.pib.gov.in/PressReleasePage.aspx?PRID=1885193
• https://www.pib.gov.in/PressReleasePage.aspx?PRID=2172960
• https://www.pib.gov.in/Pressreleaseshare.aspx?PRID=1885193
ICAR:
• https://icar.org.in/institutes
• https://icar.org.in/en/national-agricultural-education-accreditation-board-1
• https://icar.org.in/en/deemed-universities
• https://icar.org.in/sites/default/files/2025-04/ICAR%20Annual%20Report%202023-24-english.pdf
• https://rpcau.ac.in/about-pusa/
• https://icar.org.in/en/about-us
CAU
• https://cau.ac.in/wp-content/uploads/2025/07/FINAL-CAU-PROFILE_2025.pdf
• https://cau.ac.in/about-cau-imphal/
• https://rlbcau.ac.in/about-rlbcau/
• https://rlbcau.ac.in/colleges/
Click here to see pdf
***
(तथ्य सामग्री आईडी: 150466)
आगंतुक पटल : 49
Provide suggestions / comments