57th International Film Festival of India 2026
20 – 28 Nov 2026

ভাৰতীয় কাহিনী কথনত নতুন কণ্ঠস্বৰৰ সন্ধানত ৫৭ সংখ্যক ইফিত প্ৰসাৰ ভাৰতীৰ ‘পেজ ছে পিচ টক’ মুকলি

উদ্বোধনী দিনটোত দহগৰাকী অংশগ্ৰহণকাৰীয়ে বিশিষ্ট জুৰীৰ সন্মুখত উপস্থাপন কৰিলে নিজৰ মৌলিক চিত্ৰনাট্য; অহা ২৪ নৱেম্বৰত ঘোষণা কৰা হ’ব বিজয়ীসকলৰ নাম

পোষ্ট কৰা হৈছে: 21 NOV 2026 8:34PMby PIB Guwahatiৰিলিজ আই ডি : 2339772Views: 3

৫৭ সংখ্যক ভাৰতীয় আন্তঃৰাষ্ট্ৰীয় চলচ্চিত্ৰ মহোৎসৱৰ (ইফি) অংশ হিচাপে আজি পানাজীৰ কলা একাডেমীত প্ৰসাৰ ভাৰতীয়ে ইয়াৰ প্ৰথমটো চিত্ৰনাট্য উপস্থাপন কৰ্মশালা বা স্ক্ৰিপ্ট পিচিং লেব ‘পেজ ছে পিচ টক’ উদ্বোধন কৰে। প্ৰসাৰ ভাৰতীৰ অধ্যক্ষ পদ্মশ্ৰী প্ৰসূন যোশীৰ পৰিকল্পনাত গঢ় লৈ উঠা এই পদক্ষেপটোক সমগ্ৰ ভাৰতৰ উদীয়মান লেখকসকলে ফীচাৰ ছবি, তথ্যচিত্ৰ আৰু চুটি ছবিৰ শিতানত দহটা ভাৰতীয় ভাষাত নিজৰ মৌলিক চিত্ৰনাট্য উপস্থাপন কৰিব পৰা এক বাৰ্ষিক ৰাষ্ট্ৰীয় মঞ্চ হিচাপে কল্পনা কৰা হৈছে।

অনুষ্ঠানত বক্তব্য প্ৰদান কৰি প্ৰসূন যোশীয়ে ব্যক্তিগত অভিজ্ঞতা আৰু সাংস্কৃতিক দৃষ্টিভংগীৰ শিপাত প্ৰোথিত মৌলিক তথা প্ৰকৃত কাহিনী কথনৰ গুৰুত্বৰ ওপৰত আলোকপাত কৰে। তেওঁ কয় যে দেশৰ বিভিন্ন প্ৰান্তৰ পৰা উদ্ভৱ হোৱা কাহিনীসমূহক এখন মঞ্চ প্ৰদান কৰা আৰু সুকীয়া কণ্ঠস্বৰসমূহক লালন-পালন কৰাৰ ক্ষেত্ৰত প্ৰসাৰ ভাৰতী দায়বদ্ধ। ভাৰতৰ প্ৰতিটো অঞ্চল আৰু লোক-পৰম্পৰাই নিজা স্বকীয় আখ্যান বহন কৰে বুলি মন্তব্য কৰি তেওঁ কয় যে স্থানীয় সংস্কৃতিৰ প্ৰতি থকা শ্ৰদ্ধা আৰু বুজাবুজিৰ জৰিয়তেহে এই কাহিনীবোৰক প্ৰকৃত ৰূপত ক’ব আৰু বুজিব পাৰি।

দূৰদৰ্শনৰ সঞ্চালক প্ৰধান শ্ৰীমতী ৰীণা সোণোৱাল কৌলীয়ে আদৰণি ভাষণ প্ৰদান কৰে আৰু ভাৰতৰ ভাষিক তথা সৃজনশীল বৈচিত্ৰ্য প্ৰদৰ্শন কৰাৰ ক্ষেত্ৰত এই পদক্ষেপটোৰ ভূমিকাৰ ওপৰত আলোকপাত কৰে।

এই উপস্থাপন বা পিচিং অধিৱেশনসমূহত দহগৰাকী অংশগ্ৰহণকাৰীয়ে এখন বিশিষ্ট জুৰীৰ সন্মুখত নিজৰ মৌলিক চিত্ৰনাট্য দাঙি ধৰিছে। এই জুৰীখনত আছে অভিনেতা তথা শ্ৰেষ্ঠ সহ-অভিনেতাৰ ৰাষ্ট্ৰীয় চলচ্চিত্ৰ বঁটা বিজয়ী পদ্মশ্ৰী মনোজ যোশী; ভাৰতীয় ইতিহাস, সংস্কৃতি আৰু সাহিত্যৰ লেখক, সম্পাদক তথা স্বতন্ত্ৰ গৱেষক সন্দীপ বালকৃষ্ণ; ‘টয়লেট: এক প্ৰেম কথা’ আৰু ‘বাট্টি গুল মিটাৰ চালু’ৰ দৰে ছবিৰ বাবে পৰিচিত চলচ্চিত্ৰ নিৰ্মাতা তথা সম্পাদক শ্ৰী নাৰায়ণ সিং; আৰু ৰাষ্ট্ৰীয় চলচ্চিত্ৰ বঁটা বিজয়ী সাংবাদিক, লেখক তথা চলচ্চিত্ৰ সমালোচক আৰু পুনেৰ এফটিআইআইৰ পৰিচালনা পৰিষদৰ উপাধ্যক্ষ অনন্ত বিজয়।

উদ্বোধনী অনুষ্ঠানটোত প্ৰেছ ইনফৰ্মেচন ব্যুৰ’ৰ প্ৰধান সঞ্চালক প্ৰধান শ্ৰী ধীৰেন্দ্ৰ ওঝা, ভাৰতৰ প্ৰধান সঞ্চালক প্ৰধান তথা প্ৰেছ পঞ্জীয়ক প্ৰধান (পিআৰজিআই) শ্ৰী যোগেশ কুমাৰ বাৱেজা আৰু তথ্য আৰু সম্প্ৰচাৰ মন্ত্ৰালয়ৰ যুটীয়া সচিব (সম্প্ৰচাৰ আৰু প্ৰশাসন) শ্ৰী পৃথুল কুমাৰ উপস্থিত থাকে।

এই চিত্ৰনাট্য উপস্থাপন কৰ্মশালাখন অহা ২১ নৱেম্বৰৰ পৰা ২৩ নৱেম্বৰ, ২০২৬ লৈ অনুষ্ঠিত হ’ব। এই বাৰ্ষিক পদক্ষেপটোৰ জৰিয়তে প্ৰসাৰ ভাৰতীয়ে উদীয়মান লেখকসকলক চলচ্চিত্ৰ উদ্যোগৰ পেছাদাৰীসকলৰ সৈতে সংযোগ স্থাপন কৰাবলৈ আৰু তেওঁলোকৰ মৌলিক ধাৰণাসমূহক ফীচাৰ ছবি, তথ্যচিত্ৰ আৰু চুটি ছবিৰ ৰূপত পৰ্দালৈ অনাৰ সুযোগ প্ৰদান কৰিবলৈ প্ৰয়াস কৰিছে।

অহা ২৪ নৱেম্বৰ, ২০২৬ তাৰিখে ‘পেজ ছে পিচ টক’ৰ বিজয়ীসকলৰ নাম ঘোষণা কৰা হ’ব।

 

ইফিলইড ইয়াত পঢ়ক: https://www.pib.gov.in/iffi/57/iffiLoid.aspx?yr=2026&lang=1&reg=48

 

PIB IFFI Team | Rajith Chandran/ Supriya Ghaytadak/ Mohammad Aqib Khan/ Darshana Rane | IFFI 57 - 054


Great films resonate through passionate voices. Share your love for cinema with #IFFI2026 and #StoriesWithoutBorders. Tag us @pibindia on Instagram and @PIB_India on X, and we will help amplify your festival moments!

For accredited journalists, critics, bloggers, and vloggers seeking 1-on-1 interviews with filmmakers and festival juries, write to us at:
iffi.mediadesk@pib.gov.in with the subject line: Take One with PIB.


Official Release ID: 2339772
•
Media Centre: Goa
•
Festival Dates: Nov 20 – 28, 2026