থাগৎখিবা:
20 NOV 2026 8:09PM by PIB Imphal
হিস এক্সিলেন্সী, এস.সি.ও.গী সেক্রেতরী জেনরেল, ভারতকী কলচর মন্ত্রী, ভারত সরকারগী অতোপ্পা মন্ত্রীশিং, এস.সি.ও. মেম্বর লৈবাকশিংগী মন্ত্রীশিং, এম্বেসেদরশিং, হায় কম্মিসনরশিং, দিগ্নিতরীশিং, মশক নাইরবা স্কোলরশিং, মমিং লৈরবা আর্তিস্তশিং, ইকাই খুম্নরবা মীথুংলেনশিং, নুপী অমদি নুপাশিং।
মসি অহানবা এস.সি.ও. সিভিলাইজেস্নেল দাইলোগ ফোরমনি। ভারত্তা লাক্লিবা মীথুংলেন পুম্নমকপু ঐনা তরাম্না ওকচরি। ঐনা ময়াম পুম্নমকপু য়াইফ-পাউজেল পীজরি। মালেম শীনবা থুংনা খন্ন-নৈনরিবশিং অসি লান অমসুং অৱা-অনাগী মতাংদা ওইরিবা মতম অসিদা ভারত্তা ঐখোয়না সিভিলাইজেস্নেল কনেক্সনগী মতাংদা দাইলোগ অমা পাংথোক্লি। মসি অখন্ননা মরুওই মরমদি কলচরেল কনেক্সন অসিনা মালেমগী শান্তিগী খ্বাইদগী মপাঙ্গল কনবা গরেন্তী অমা ওইনা মথৌ তৌই। মরম অদুনা, ঙসিগী থৌরম অসিগী মরুওইবা অসি হেন্না হেনগৎহল্লি।
মরুপশিং,
থা খরগী মমাংদা, শংঘাই কোওপরেসন ওর্গনাইজেসন (এস.সি.ও.) না মাগী লিংখৎলকপা চহি ২৫ শুবা মপোক কুমওন পাংথোকখি। চহি কয়া অসিদা, এস.সি.ও.না সেক্যুরিতী, শেন্মিৎলোন অমসুং কনেক্তিবিতীগী লমশিংদা তেংবাং পীনবা মশক থোক্না হেনগৎহনখ্রে। মসিগী মতাংদা, কলচরেল অমসুং সিভিলাইজেস্নেল কোওপরেসন্না তোঙান তোঙানবা মেম্বর নেসনশিংগী মরক্তা লৈনরিবা মরীবু হেন্না চেৎশিলহল্লগনি। ফোরম অসিনা অনৌবা ৱাখল্লোনশিং পুথোক্কনি, কলচরেল কোলাবোরেসনগী অনৌবা খুদোংচাবশিং শেম্লগনি, অমসুং ঐখোয়গী মান্নবা সিভিলাইজেস্নেল এক্সপরিয়েন্সশিংনা মালেম অসি পুনশিনবদা মরুওইবা থৌদাং অমা লৌগনি হায়না ঐনা থাজবা থম্লি।
মরুপশিং,
ঐখোয়না হৌজিক দিল্লীগী ওল্দ ফোর্ত (পুরানা কিলা) দা লৈরি। মসি ভারতকী কলচরেল হেরিতেজকী শিংথানীংঙাই ওইরবা শরুক অমনি। মসিগী পুৱারী অসি মসিগী মমাংদা লৈরম্বা নুংঙাইবা ৱারীশিং অদুগুম্না শিংথানিংঙাই ওই। অদোম্না মসিগী মরমদা পারম্বা নৎত্রগা তারম্বা য়াই; স্কোলরশিংগী মতুং ইন্না, লানবন অসিগী পুৱারী অসি মহাভারতকী মতমদগী চহি লিশিং কয়াগী মমাংদগী লৈরকপনি। অরিবা মতমগী ফিভম অসিদা, ভারতকী চৎনবীগী মগুন অদু উৎপতা নত্তনা মীওইবা খুন্নাইগীদমক্তা নুংশিবা অমসুং অমত্তা ওইবগী পাউজেল অমা পীরকপা, ভেদিক মন্ত্রশিং অমসুং বুদ্ধিস্ত ফিলোসোফীগী প্রজেন্তেসনশিংদগী হৌরগা ভগৱান হনুমানগী খোঙচৎ ফাওবা ফজরবা কলচরেল পর্ফোমেন্স কয়া অমা পাংথোকখি।
মসিগী সেন্তিমেন্তশিং, ৱাখল্লোনশিং অমসুং তম্বীরম্বশিং অসি ঙল্লিঙৈ মতমদগী লৈরক্লিবা অদুগুম্না মালেম পুম্বদা চৎনরি। জিওপোলিতিকেলগী ঙমখৈ লান্থোক্তুনা, মখোয়না ঐখোয় অমগা অমগা শম্নহল্লি। মসি মীফম অসিগী পান্দমনি, অমসুং মসি ঙসিগী মতমগী তঙাইফদবা অদুসু ওইরি। ঐনা থাজৈ মদুদি ময়াম পুম্নমক্না থৌরম অসি নুংঙাইনা শরুক য়াগনি অমসুং মসি পুৱারী ওইরবা থৌরম অমা ওইহন্দুনা অনৌবা চৎনবী অমগী য়ুম্ফম থোনগনি – তুংগী মীরোলশিংনা নীংশিংদুনা লৈহৌগদবা চৎনবী অমা।
ঙসিদি, মালেম শীনবা থুংনা ইন্তর্নেস্নেল কোলাবোরেসন অমসুং পিপল-তু-পিপল কনেক্তিবিতীগী মতাংদা খন্ন-নৈনবা কয়া অমা লৈরি। মসি ঐখোয়গী অরিবা ইপা-ইপুশিংনা চহি চা কয়াদগী পাম্লম্বা পাম্বৈ অমনি। চহি লিশিং মঙাগী মমাংদা, ইন্দস ভেলী সিভিলাইজেসন অমসুং মেসোপোতামিয়াগী মরক্তা ললোন-ইতিক্কী মরী লৈনরম্মি। মতুং তারকপদা, অতোপ্পা ললোন-ইতিক্কী লম্বীশিংনা হায়রিবা মরীশিং অসি হেন্না পাকথোক চাউথোকহনখি। ভারত, চাইনা, সেন্ত্রেল এসিয়া অমসুং য়ুরসিয়াগী মফমশিং অসি অরিবা মতমগী ললোন ইতিক্কী নেৎৱার্কশিংনা শম্নহল্লি। ললোন-ইতিক তৌবা মীওইশিং খক্তা নত্তনা স্কোলরশিং, লমকোইবশিং, অমসুং বুদ্ধ লাইনিংগী লম্বোইবশিংনসু লম্বীশিং অসিদা চৎনরম্মি, মসিনা ৱাখল্লোনশিং, লোলশিং, অমসুং চৎনবীশিং শন্দোক্নবা লম্বী ওইহল্লি। গন্ধারা অমসুং সেন্ত্রেল এসিয়াদা চৎতুনা বুদ্ধগী পাউতাকশিং অসি চাইনাদা য়ৌখি; কুচা অমসুং দুনহুৱাংগুম্বা মফমশিং অসি থৌওং অসিদা মরুওইবা মফম অমা ওইখি। ফেক্সিয়ান, জুয়ানজাং, অমসুং য়িজিংগুম্বা চাইনাগী স্কোলরশিংনা ভারত্তা লাকখি, মাগী ইন্তেলেকচুএল ত্রেদিসনশিং নৈনখি, অমসুং মাগী লৌশিং অসি মখোয়গী লমদমদা অমুক পুখি। নালন্দাগুম্বা য়ুনিভর্সিতীশিং অসি লৌশিং পীথোক-পীশিন তৌনবগী সেন্তরশিং ওইনা মথৌ তৌখি। কুচা (সেন্ত্রেল এসিয়া) দা পোকখিবা কুমারাজীবাগুম্বা স্কোলরশিংনা বুদ্ধগী লাইরিকশিংবু চাইনিজ লোলদা হন্দোকখি। অসুম্না, মীওইবা খুন্নাই অমসুং সিভিলাইজেসন্না চাউখৎপা অমসুং অওনবা লাকপগী থৌওং মখা চত্থখি। নীংথৌরেলশিংনা মালেমগী মেপ অদু হোংহনখ্রবসু, সিভিলাইজেস্নেল দাইলোগশিংনা মালেমগী ৱাখল্লোনশিংবু শেমগৎলি অমসুং মসিগী ইন্তেলেকচুএলগী মগুনবু মপাঙ্গল কনখৎহল্লি। মরম অদুনা, এস.সি.ও. সিভিলাইজেস্নেল সমিৎ অসি থৌরমগী প্লেৎফোর্ম অমা খক্তমক নত্তে। মসিনা মালেমদা লমজিং-লমতাক পীবা ফোরম অমা ওইনবগী পোতেন্সিএল লৈ।
মরুপশিং,
লৌশিং অসি মফম অমদগী অমদা চৎপা মতমদা, মদু ফোংদোকপগী মওং হোংবা য়াই, অদুবু মদুগী ইম্পেক্ট অমসুং মসিগী মরুওইবা থৌদাংদি মান্নৈ। মওং অমা হেক্তদা উৎলবসু, লৌশিং অসি মতম পুম্নমক্তা মঙাল শন্দোকপদা মতেং পাংই। মসিগী মশক থোকপা খুদম অমা হায়রগদি ভারতকী পঞ্চাতন্ত্রনি। মসিগী ৱারীশিং অসি পর্সিয়া অমসুং মতুং তারকপদা আরব লমদা চৎখি; কালিলা ৱা-দিম্নাগী মওং লৌরদুনা, ৱারীশিং অসি মতম কয়াগী মমাংদগী লৈরকখি। মতৌ অসুম্না, রামায়ানা ভারত্তগী খা-নোংপোক এসিয়াদা শন্দোরকপা মতমদা, মসিনা চপ মান্নবা মরুওইবা ৱাখল্লোনশিং অদু মপাঙ্গল কনখৎহনখি। কম্বোদিয়াদা, রামগী ৱারী, রেমকর হায়না খঙনরিবা অসি মফম অদুগী চৎনবী, পরফোর্মিং আর্ত অমসুং লিতরেচরদা য়াম্না চেৎশিল্লি।
মরুপশিং,
সাইন্স অমসুং মেথমেতিক্সকী লমশিংদা ক্রোস কলচরেল একচেঞ্জ অসি চপ মান্ননা মরু ওই। ভারতকী মেথমেতিসিয়ন ব্রাহ্মগুপতাগী ৱাখল্লোনশিং অসি বাঘদাদতা য়ৌখি, মফম অসিদা অল-খ্বারিজমীগুম্বা স্কোলরশিংনা মেথমেতিকেলগী লৌশিং চাউখৎহনবদা মরুওইবা থৌদাং লৌখি।
মরুপশিং,
অসিগুম্বা পুন্না চৎমিন্নবগী খুদমশিং অসি আর্কিতেকচর অমসুং ম্যুজিক অনিমক্তা উবা ফংই। সেন্ত্রেল এসিয়াগী 'মাকাম' চৎনবী অমসুং ভারতকী 'রাগা' চৎনবীগী মরক্তা অচেৎপা কলচরেলগী মরী অমা লৈ। সুফী ফিলোসোফি অমসুং ম্যুজিকেল ত্রেদিসনশিংনা ভারত্তা ক্বাৱালি চাউখৎহনবদা মতেং পাংখি। সেন্ত্রেল এসিয়াগী সমরকান্দ অমসুং হেরাৎকী লৈকোলগী চৎনবীশিংনা ভারত্তা 'চরবাগ' স্তাইলবু ইথিল পীখি। ঙসিদি মসিগী এক্সচেঞ্জ অসি লেপ্পা লৈতনা চত্থনবগীদমক, অসিগুম্বা সমিৎশিং অমসুং ইনিসিয়েতিবশিংগী থৌদাং অসি য়াম্না মরু ওই।
মরুপশিং,
ঙসিদি, মমাংদগী হেন্না খুদোংচাবা কয়া ঐখোয়না ফংলে। ২১শুবা চহি চাগী তেক্নোলোজীনা মালেম শিনবা থুংনা কলচরেল কনেক্তিবিতীগী অনৌবা ওইথোকপা য়াবশিং শেমগৎলে। মমাংঙৈদা ঐখোয়গী ইমা-ইপাবু থা কয়া চংদুনা চৎখিবা খোঙচৎশিং হৌজিক্তি সেকেন্দ খক্তদা চৎপা ঙম্লে, মসিনা লৈবাক অমগা অমগা মান্নবা মীওইশিংবু খুদক্তা শম্নহল্লি। দিজিতেল প্লেৎফোর্মশিংনা লৌশিং শিয়র তৌবা, কলচরেল একচেঞ্জ তৌবা অমসুং ইন্তর্নেস্নেল কোলাবোরেসন অসি মমাংদা ওইখিদবশিংদগী হেন্না লায়থোকহল্লে। এস.সি.ও.গী মেম্বর লৈবাকশিংনা অনৌবা ওইথোকপা য়াবশিং অসি মপুং ফানা শীজিন্নগদবনি।
মরুপশিং,
ঙসি ইকাই খুম্নরবা মীথুংলেমশিংগী মরক্তা ঐহাক্না মাইকৈ অসিগী সজেসন খরসু পীজগে। চহি লিশিং কয়াগী মমল নাইদ্রবা হেরিতেজ অসি ম্যুজিয়মশিং, লাইব্রেরীশিং অমসুং আর্কাইবশিংদা ঐখোয়গী লৈবাকশিংদা ঙাকশেন্দুনা থম্মি। অরিবা মেন্যুস্ক্রিপ্তশিং, অতাংবা তেক্সশিং, পুৱারীগী ওইবা চে-চাংশিং অমসুং আর্তিফেক্তশিং অসিনা ঐখোয়গী এঙ্গেজমেন্তগী হিরম কয়া মাংদা পুথোক্তুনা থম্মি। ঙসি তেক্নোলোজীগী মতেংগা লোয়ননা মসিগী হেরিতেজ অসিবু অনৌবা মীরোলদা থংথনবগী অচৌবা খুদোংচাবা ফংলে। ঐখোয়না অরিবা তেক্সশিংগী দিজিতাইজেসন অমসুং ত্রান্সলেসনদা তেংবাং পীনরি। জোইন্ত রিসর্চ প্রোজেক্তশিংগী খুত্থাংদা ঐখোয়গী মান্নবা পুৱারীগী অনৌবা হিরমশিং ঐখোয়না পুথোক্লি। মসিগা লোয়ননা মালেমগী শরুক অমা হেক্তদা লৈরিবা নহারোল অমনা অতোপ্পা লৈবাক অমগী কলচরেল হেরিতেজ হেন্না ফবা মওংদা খঙবা ঙম্লগনি।
মরুপশিং,
ঐখোয়গী অচৌবা লাইরিক কয়া অমা হৌজিক ফাওবদা লোন মশিং খরা খক্তদা ফংলি। এ.আই.গী মতেংগা লোয়ননা, থবকশিং অসি হন্দোকপদা অনৌবা থৌনা অমা পীরগনি। ঙসিদি, ঐখোয়না মমাংদগী হেন্দোক্না রিসোর্স কয়া অমা ফংলি, অমসুং ঐখোয়না মখোয়শিং অসি মপুং ফানা শীজিন্নগদবনি।
মরুপশিং,
ঐখোয়না মীৎয়েং চংবা মথৌ তাবা কলচরেল একচেঞ্জগী অসিগুম্বা অতোপ্পা খুদোংচাবশিংসু লৈরি। খুদম ওইনা, ঐখোয়গী লৈবাকশিংগী ম্যুজিয়মশিং অমসুং কলচরেল ইন্সতিত্যুসনশিংনা জোইন্ত একজিবিসনশিং পাংথোকপা য়াই। য়ুনিভর্সিতীশিং অমসুং রিসর্চ ইন্সতিত্যুসনশিংগী মরক্তা স্কোলরশিং অমসুং রিসর্চ তৌবশিংগীদমক একচেঞ্জ প্রোগ্রামশিংসু প্রমোৎ তৌবা য়াই। কলচরেল তুরিজম অসিসু মতেং পীনবগী মরুওইবা লম অমা ওইরকপা য়াই। ঐখোয়গী লৈবাকশিং অসিদা সিল্ক রোদশিং অমসুং বুদ্ধ হেরিতেজগা মরী লৈনবা পুৱারী ওইরবা মফম কয়া লৈরি। ঐখোয়না মফমশিং অসি শম্নদুনা হেরিতেজ সর্কিৎশিং অমসুং কলচরেল রুতশিং শেমগৎপগী ওইথোকপা য়াবশিং থিজিনবা য়াই। মসিগা মান্ননা, পুন্না চৎমিন্নরিবা কলচরেল ফেস্তিবেলশিং অমসুং আর্তিস্ত একচেঞ্জশিংগী খুত্থাংদা, ঐখোয়গী আর্ত অমসুং কলচরেল ত্রেদিসনশিং অসি অনৌবা মীয়ামদা য়ৌহনবা ঙমগনি। অসিগুম্বা খোঙথাংশিং অসিনা ঐখোয়গী নাগরিকশিংদা অমনা অমগী চৎনবীশিংবু হেন্না তম্নবা অমসুং খঙনবা খুদোংচাবা পীগনি হায়না ঐনা থাজৈ ।
মরুপশিং,
ঙসি ঐখোয়না খুমাং চাউশিল্লিবা সিভিলাইজেস্নেল দাইলোগ অসি লাক্কদৌরিবা দিকেদশিংদা অনৌবা অৱাংবা থাক্তা পুখৎনবগী থৌদাং অসি ঐখোয়গী নহারোলশিংনা লৌগনি। ঙসিগী অনৌবা মীরোল অসি তেক্নোলোজীগা য়াম্না নক্ননা মরী লৈনৈ অমসুং মালেম অসিবু হেন্না ফজনা খঙনবগী অপাম্বা য়াম্না লৈ। ঐখোয়না ঐখোয়গী নহারোলশিংদা অমনা অমগী লোল, সাহিত্য অমসুং কলচরগী চৎনবীগা মরী লৈনবা খুদোংচাবা কয়া পীগদবনি। ঐখোয়গী নহা ওইরিবা আর্তিস্তশিং, অইবশিং অমসুং ফিল্ম মেকরশিংনা ঐখোয়গী মান্নবা হেরিতেজ অসি দিজিতেল মীদিয়া অমসুং অতোপ্পা ক্রিএতিব প্লেৎফোর্মশিংগী খুত্থাংদা মথংগী মীরোলগী মীওইশিংদা য়ৌহনগনি। মসিগী মথক্তা, ঐখোয়না মফম অদুগী আর্তিস্তশিং অমসুং আর্তিসানশিংবুসু থৌওং অসিদা য়াওহনগদবনি।
মরুপশিং,
ভারত্তা, ঐখোয়না লাই খুরুম্বা নৎত্রগা থৌরম অমা পাংথোকপা মতমদা, ঐখোয়না অহিংবা জিবা পুম্নমক্কী মরক্তা অফবা ৱাখল্লোন অমসুং মালেম পুম্বগী য়াইফনবা থৌনিদুনা লোইশিল্লি। মসিগী মরমদি ঐখোয়গী চৎনবী অসিনা ঐখোয়দা 'ভাসুধৈব কুতুম্বকম'গী ৱাখল্লোন, মালেম পুম্বা ইমুং অমনি হায়বগী ৱাখল্লোন অসি তাকপীরি। মরম অদুনা, ঐখোয়গী য়াইফ-থৌরাংগী অপাম্বা অসি মালেমগী য়াইফ-থৌরাংগা য়াম্না মরী লৈনৈ। ঐখোয়না অমনা অমগী ইং-তপ্পা অসি মালেমগী য়াইফ-থৌরাংগী য়ুম্ফমনি হায়না লৌই।
মরুপশিং,
অমনা অমগী ইং তপ্পগী খনবগী খ্বাইদগী তঙাই ফদবা মচাক অসি অমনা অমবু থাজবনি! অমসুং অমনা অমবু থাজবা অসি ঐখোয়গী মরক্তা করিগুম্বা মান্নবা অমা খনবা মতমদা থোরকই। মরম অদুনা ঙসি ঐখোয়না করি মান্নবগে হায়বদা মীৎয়েং থম্বা মরু ওই। ভারতকী এক্সপরিয়েন্সতগী য়েংলগা ঐহাক্না হায়জগে মদুদি ঐখোয়না ইনক্লুসিব ওইবা ৱাখল্লোন অমা শীজিন্নবা মতমদা ঐখোয়গী দাইভর্সিতীনা ঐখোয়গী য়ুনিতীগী য়ুম্ফম ওইরকই। মসিগী মরমদি ভারত্তা লোল, পুন্সিরোল অমসুং চৎনবী মখল কয়া লৈজরবসু ঐখোয়না য়াম্না কনেক্তেদ ওইনা লৈ। ভারত্তা ঐখোয়না দাইভর্সিতী অসি এসেপ্ত তৌবতা নত্তনা ঐখোয়না মসিবু সেলেব্রেৎ তৌই। মসি বেদশিংদগী ঐখোয়না ইথিল লৌবনি – ৱারোল অসিমক সেসন অসি হৌবদা থিবা ঐখোয়না তাখ্রে।
মরুপশিং,
ঐখোয়গী বেদশিংদা অসুম্না হায়রি: সঙ্গচ্ছধ্বন সনবদধ্বন সন ৱো মনান্সি জানতাম হায়বদি, ঐখোয় পুন্না চৎমিন্নসি, ৱারী শানসি, অমসুং ঐখোয়গী ৱাখল্লোনশিং অসি অমত্তা ওইহল্লসি। অসিগুম্বা ৱাখল্লোন অসিগা লোয়ননা, অহানবা ওইনা পাংথোক্লিবা এস.সি.ও. সিভিলাইজেস্নেন দাইলোগ ফোরম অসিদা ঐহাক্না অমুক্কা হন্না নুংঙাইবা ফোংদোকচরি। ময়াম পুম্নমকপু মায় পাকপা অমসুং কান্নরবা খন্ন-নৈনবা অমা ওইনবগীদমক য়াইফ-পাউজেল পীজরি।
ময়াম পুম্নমকপু হন্না-হন্না থাগৎচরি।
খুরুমজরি।
*****