Ka Ophis jong u Myntri Rangbah duh ka ri
azadi ka amrit mahotsav

Leit jngoh u Myntri Rangbahduh ïa ka Khalsa Diwan Gurudwara kaba ha Manila, Philippines

Ha ka: 17 NOV 2026 12:01PM by PIB Shillong

U Myntri Rangbahduh ka Ri, u Shri Narendra Modi hynne ka sngi u la leit jngoh ïa ka Khalsa Diwan Gurudwara kaba ha nongbah Manila bad u la lamkhmat ruh ïa ka prokram buh mawnongrim ïa ka jingtei pynbha biang ïa ka Gurudwara ha ryngkat ka jingïadonlang jong ki Panj Pyare. Ha kane ka jingïalang, katto katne ki kynrem ki lyndan kiba kynthup ïa u Senator H.E. Francis Joseph Escudero bad u Mayor badonburom jong ka nongbah Manila, u Mr. Francisco Isko Moreno ruh u la ïadon ryngkat lang.

Kaba la seng nyngkong duh ha u snem 1901 bad pynïaid paidbah ha u 1903, kane ka shlem mane ka la ïoh ïa ka jingithuh kum ka kynhun Khalsa Diwan ha u snem 1924. Ka Khalsa Diwan Gurudwara ka don ïa ka jinglong kaba pher namar ka dei ka Gurudwara kaba rim tam ha Philippines. Ka ïai bteng ban shim ïa ka bynta kaba kongsan lyngba ki kam mynsiem, ki kam pynroi riti dustur, bad ki kam sngewlem na ka bynta ki jaitbynriew Sikh bad kiwei pat ki dkhot bynriew ha nongbah Manila.

Ka Khalsa Diwan Gurudwara ka ïai bteng ban ïeng kum ka jingkieng kaba kongsan hapdeng ka jaitbynriew Sikh kiba na India bad ka imlang sahlang jong ka Ri Phillipines.

*****


(Release ID: 2337588) visitor counter : 10