পি.এম.না নবেম্বর ১৫দা জনজাতিয়া গৌরব দিবসকী থৌরমদা শরুক য়াগনি

প্রধান মন্ত্রী শ্রী নরেন্দ্র মোদীনা ২০২৬গী নবেম্বর ১৫গী অয়ুক পুং ১১দা ভিদিও কনফরেন্সকী থোংদা মহারাস্ত্রগী গাদচিরোলীদা জনজাতিয়া গৌরব দিবস প্রোগ্রামদা শরুক য়াগনি। মহাক্না ধর্তী আবা ভগৱান বির্সা মুন্দাগী ১৫১শুবা মপোক কুমওনগী থৌরমগী মীয়াম তিনবা মীফমদসু ৱা ঙাংগনি।

থৌরম অদুগী মনুংদা, প্রধান মন্ত্রীনা চাউরাক্না লুপা করোর ৩,০০০রোমগী চাউখৎ-থৌরাংগী প্রোজেক্ত ২৪৬ শঙ্গাগনি অমসুং উরেপ উয়ুংসু তমগনি। প্রোজেক্তশিং অসিনা লৈবাক শিনবা থুংনা লৈরিবা ত্রাইবেল কম্ম্যুনিতীশিংগী এজুকেসন, হেল্থকেয়র, পুন্সি মহিং অমসুং কম্ম্যুনিতী ইনফ্রাস্ত্রকচর মপাঙ্গল কনখৎহন্নবা পান্দম থম্লি।

প্রধান মন্ত্রীনা ত্রাইবেল মহৈরোয়শিংগীদমক একলব্যা মোদেল রেসিদেন্সিএল স্কুল (ই.এম.আর.এস.) ৩৮ অমসুং সর্ভিস দেলিভরী অমসুং কম্ম্যুনিতী এক্তিবিতীশিংগীদমক হবশিং ওইনা মথৌ তৌগদবা প্রধান মন্ত্রী জনজাতি আদিবাসি ন্যায় মহা অভিয়ান (পি.এম.-জানমন) গী মখাদা লৈবা মল্তি-পর্পস সেন্তর ১০০ য়াওনা প্রোজেক্ত ১৭৩ শঙ্গাগনি। প্রধান মন্ত্রীনা পি.এম.-জনমান অমসুং ধর্তী আবা জনজাতিয়া গ্রাম উতকার্শ অভিয়ান (দি.এ.জে.জি.য়ু.এ.) গী মখাদা অতোপ্পা প্রোজেক্ত কয়া অমসু শঙ্গাগনি।

আরুনাচল প্রদেশকী ইতানগরদা ত্রাইবেল রিসর্চ ইন্সতিত্যুৎ (তি.আর.আই.) গী বিল্দিং অমসুং ত্রাইবেল কলচর অমসুং হেরিতেজ ঙাক্তুনা থম্নবগী পান্দমদা মিজোরামগী আইজোলদা রোপুইলিয়ানি ত্রাইবেল ফ্রিদম ফাইতর ম্যুজিয়ম শঙ্গাগনি। ম্যুজিয়ম অসিনা মিজো ত্রাইবেল ফ্রীদম ফাইতরশিংগী থৌনা, লিংজেল অমসুং কত্থোকপশিংবু নীংশিংদুনা মিজো মীয়ামগী ইনাক খুল্লবা নাৎকী চৎনবীশিং, পুৱারীগী ওইবা লেগেসী অমসুং হেরিতেজ উৎলি। মসিগী মমিং অসি ব্রিতিশ লোইলম লৈঙাক্কী মায়োক্তা থৌনা লৈনা লান্থেংনখিবা তরা-মাপলশুবা চহিচাগী মিজো খুল্লাকপা রোপুইলিয়ানিগী মমিং লৌদুনা থোনবনি অমসুং মসি ত্রাইবেল রেসিস্তেন্স অমসুং কত্থোকপগী খুদম অমা ওইনা নিংশিংনরি।

প্রধান মন্ত্রীনা ত্রাইবেলগী অঙাংশিংদা ক্বালিতী এজুকেসন ফংহন্নবা অচেৎপা ফিরেপ অদু হেন্না মপাঙ্গল কনখৎহন্দুনা অনৌবা একলব্যা মোদেল রেসিদেন্সিএল স্কুল ১৯গী উরেপ উয়ুংসু তমগনি। ত্রাইবেল প্রদ্যুসরশিংগীদমক মার্কেৎ এক্সেস মপাঙ্গল কনখৎহন্নবা মহাক্না ত্রাইবেল মলতিপর্পস মার্কেতিং সেন্তর (তি.এম.এম.সি.) ১২গী উরেপ উয়ুংসু তমগনি। মসিগী মথক্তা, প্রধান মন্ত্রীনা পি.এম.-জনমান অমসুং দি.এ.জে.জি.য়ু.এ.গী মখাদা অতোপ্পা প্রোজেক্ত ৪২গীদমক উরেপ উয়ুংসু তমগনি।

মসি লৈবাক শীনবা থুংনা নবেম্বর ১দগী ১৫ ফাওবা পাঙথোক্;ওনা জনজাতিয়া গৌরব পখৱারাগী লোইশিনবগী থৌরমসু ওইরি। পখৱারাগী মনুংদা, ই.এম.আর.এস. মহৈরোয়শিংগা লোয়ননা রাস্ত্রপতিগী ৱারী শানখিবা, নেস্নেল ত্রাইবেল লিতরেরী ফেস্তিবেল, ত্রাইবেল হীলরশিংগীদমক ত্রেনিং প্রোগ্রামশিং, পার্তিক্যুলরলী ভলনরেবল ত্রাইবেল গ্রুপশিং (পি.ভি.তি.জি.শিং) গীদমক হকশেল অমসুং ন্যুত্রিসন কেম্পশিং, অমসুং ধর্তী আবা জনভাগিদারি অভিয়ানগী মখাদা ত্রাইবেল খুঙ্গংশিংদা কম্ম্যুনিতী সর্ভিস দ্রাইবশিং য়াওনা নেস্নেল অমসুং গ্রাসরুৎ লেবেলগী প্রোগ্রাম কয়া অমা শীনখ্রে।

****