வாடகை கார் சேவைகளில் சீர்திருத்தங்களை நடைமுறைப்படுத்த மத்திய அரசு நடவடிக்கை: வணிக வாய்ப்புகளை விரிவுபடுத்தவும் பயணிகள் சேவையை மேம்படுத்தவும் பரிந்துரை

வாடகை கார் தொழிலைத் தொடங்குவதை எளிதாக்கவும், பயணிகளின் பாதுகாப்பை வலுப்படுத்தவும் மத்திய சாலைப் போக்குவரத்து மற்றும் நெடுஞ்சாலைகள் அமைச்சகம் புதிய சீர்திருத்தங்களை முன்மொழிந்துள்ளது. குறைந்தபட்ச கார்களின் எண்ணிக்கை 50-லிருந்து 5 ஆகக் குறைக்கப்பட்டுள்ளது. மாநிலம் முழுவதும் செல்லுபடியாகும் ஒரே மின்னணு உரிமம் அறிமுகப்படுத்தப்படுகிறது.

ஜிபிஎஸ் கண்காணிப்பு, முதலுதவிப் பெட்டி, 24 மணி நேரப் புகார் மையம் மற்றும் ஓட்டுநர்களுக்குக் காவல்துறை சரிபார்ப்பு கட்டாயமாக்கப்பட்டுள்ளது. மேலும், வாடகை கார் உரிமங்களை வழங்குதல் மற்றும் புதுப்பித்தலுக்கு 60 நாட்கள் காலக்கெடு நிர்ணயிக்கப்பட்டுள்ளதுடன், புதிய வாகனங்கள் அல்லது செயல்பாட்டு இடங்களைச் சேர்ப்பதற்கு 30 நாட்களுக்குள் தானாகவே ஒப்புதல் கிடைக்கும் நடைமுறையும் முன்மொழியப்பட்டுள்ளது.

இந்தச் சீர்திருத்தங்கள் மூலம் ஓட்டுநர்களின் நலன் 2020-ஆம் ஆண்டின் சமூகப் பாதுகாப்புச் சட்டத்தின் கீழ் உறுதி செய்யப்படுவதுடன், வாடகை கார் தொழில் தொடங்குவதற்கான தடைகள் குறைந்து சிறு தொழில்முனைவோர் மற்றும் வேலைவாய்ப்புகள் பெருகும். குறிப்பாக, சென்னை, கோவை, மதுரை உள்ளிட்ட தமிழ்நாட்டின் முக்கிய நகரங்கள் மற்றும் சுற்றுலாத் தலங்களில் 'வாஹன்' (VAHAN) தரவுத்தளம் மற்றும் மாநில போக்குவரத்துத் துறையின் கண்காணிப்பின் கீழ் இத்திட்டம் செயல்படுத்தப்படுவதன் மூலம் உள்ளூர் போக்குவரத்துத் துறை மற்றும் பயணிகள் பெரிதும் பயனடைவர்.

மேலும் விவரங்களுக்கு இந்த ஆங்கிலச் செய்திக்குறிப்பைக் காணவும்: https://www.pib.gov.in/PressReleasePage.aspx?PRID=2335619&reg=3&lang=1

***

TV/NB/SU