থাগৎখিবা:
12 NOV 2026 10:47PM by PIB Imphal
প্রধান মন্ত্রী শ্রী নরেন্দ্র মোদীনা ঙসি কিসান তক ভারত এগ্রিকলচরেল কনফরেন্সতা শরুক য়াখ্রে। প্রধান মন্ত্রীনা এগ্রিকলচরগী সাইন্তিস্ত, এগ্রি-ওন্ত্রাপ্রিনর অমসুং লৈবাক্কী লৌমী কয়ানা শরুক য়ারিবা মীয়ামদা ৱা ঙাঙবদা মমাংদা পাংথোকখিবা লু নালহনবগী কেম্পেনশিংদা মীদিয়ানা থৱাই য়াওনা শরুক য়াবগী অমসুং মসিগুম্বা অনৌবা ওইবা কিসান মেলগীদমক্তা নুমিৎ নিনি কাইথোকপগীদমক্তা থাগৎপা ফোংদোকখি।
কনফরেন্স অসি কুহ্মৈগী মতমসিদা দীপাবলি হেক লোইখিবগা অমসুং লৌমীগী পুন্সিগা নক্নবা মরী লৈনবা ছথ মহাপর্বকী মনুংদা পাংথোক্লি হায়না প্রধান মন্ত্রীনা হায়রদুনা বিহু, পোঙ্গল, ওনাম, বৈশাখী, সর্হুল অমসুং পোলাগুম্বা ভারতকী মরু ওইবা কুহ্মৈশিং অসি লৌউবগা মরী লৈনৈ হায়না ফোংদোকখি। “মসিনা হায়বদি, লৌউ-শিংউ অমসুং লৌ-উবা হায়বসি ঐখোয়গী চৎনবী, নাৎনি অমসুং ঐখোয়গী পুন্সিগী ফম্বাক অমনি”, প্রধান মন্ত্রী মোদীনা হায়খি।
প্রধান মন্ত্রীনা বিক্সিত ভারতকী মথৌ তাবা লৈবাক্কী পাঙ্গলগী হীরম তরেৎ (সপ্তাধারা) অমসুং মসিদা লৌউ-শিংউনা মরু ওইবা য়ুম্বী অমা ওই হায়বগী মতাংদা মহাক্না লাল কিলাদা থমখিবা ৱাফম নীংশিংলদুনা মসিগুম্বা লৌমীশিংগী মরু ওইবা অসি য়াম্না হেনগৎলে, মসিগী মরমদি লৈবাক চাউখৎপা হায়বসিনা লৌউ-শিংউবু মতমগা চুনহনবা অসিদা হকথেংননা মখা পোল্লি হায়খি। “বিক্সিত ভারত অমা শেম্বা হায়বসি লৌউ-শিংউ চাউখৎহন্দনা, লৌউববু হেন্না স্মার্ত ওইহন্দনা অমসুং লৌমীশিংদা পাঙ্গল হাপ্তনা ওইথোকপা য়ারোই”, শ্রী মোদীনা হায়খি।
ভারত মচা করোর ৫০না শুপ্নগী চহি ১২ দগী ১৩ গী মনুংদা লাইরবগী খয়াত্তগী মপান থোক্লকখি অমসুং খুঙ্গংগী অপীকপা লৌমীশিংগী মরক্তা লাইরবগী চাং য়াম্না হন্থখি হায়না পাউদমখিবা ৱর্ল্দ বেঙ্ককী পাক শন্না নৈনখিবা স্তদী অমনা উৎখিবা লৌউ-শিংউ চাউখৎপা অমসুং লৈবাক চাউখৎপগী মরক্তা লৈনরিবা নক্নবা মরী তাক্লদুনা প্রধান মন্ত্রীনা মসিগী মতম অসিগা ভারতকী লৌউ-শিংউগী সেক্তরনা নিংতম্বা হেক মতুংদগী দিকেদ অমগী শাহৌ লৌবগী চাংনা চাদা ৪দগী হেনখিবা মতমগা মপা চানখি হায়না ফোংদোকখি।
লৌমী অমসুং লৌউ-শিংউগী অখঙ অহৈশিংনা পোলিসী মখা তানা চত্থবা অমসুং মেথদ কয়া থোক্লকপগী তঙাই ফদবশিং উৎলদুনা প্রধান মন্ত্রীনা মালেমগী কৈথেল, চাবগী হৈনবী, অইং-অশাগী মওং অমসুং মতমগী মতুং ইন্না চাউখৎলকপা তেক্নোলোজীনা লৌমীশিংদা নৌনা পাঙ্গল হাপ্পগী মথৌ তাহল্লি হায়না ফোংদোকখি। “কোৎ ফৌ থন্না হাপ্পখক্তনা য়াবা নত্তে”, শ্রী মোদীনা হায়খি।
মালেমগী লৌউ-শিংউদা লাক্লিবা অহোংবগা চুনহনখিবা অমসুং চহিগী এক্সপোর্তনা লুপা করোর লাখ ৪ হেন্দুনা লৌমীশিংগী শেন্থোক হেনগৎহনখিবা অসি পল্লদুনা প্রধান মন্ত্রীনা ভারতনা হৌজিক শঙ্গোম, হৱাই, লীমোন, চেঙ অমসুং মিল্লেত পুথোকপদা মালেমগী অহানবা থাক্তা লৈরি অমসুং গেহু, লশিং, উহৈ, মনা-মশিং অমসুং ঙা পুথোকপদা মালেমগী অনিশুবা থাক্তা লৈরি হায়না পাউদমখি। “মসিদি শুপ্নগী মশিং খরা নত্তে, মসিনা ভারতকী লৌমীশিংগী তৌবা ঙম্বগী মতিক অসি কয়া য়াম্না হেনগৎলবগে হায়বা তাক্লিবনি”, শ্রী মোদীনা হায়খি।
লৌমীশিংবু নুংঙাই য়াইফহনবদা গেহু, ফৌ অমসুং চু থাবগী মমাংঙৈগী চৎনবীদা অদুমক তাশিন্দুনা লৈগদবা নত্তে হায়না প্রধান মন্ত্রীনা পল্লদুনা সরকারনা মহৈ-মরোং মখল য়াম্না থাবা অমসদি লৌউ-শিংগা মরী লৈনবা অতোপ্পা থবকশিংবু খুমাং চাউশিলহন্নবা কন্না হোৎনরি হায়না ফোংদোকখি।
গ্রীন রিভোল্যুসন্দগী হৱাই-চেংৱাইগী লমদা মশা কোন্নজবা ঙমখিবদগী হ্বাইত রিভোল্যুসনগী মতেংদগী মালেমগী শঙ্গোম খ্বাইদগী য়াম্না পুথোকপা লৈবাক অমা ওইরকপগী ভারতকী লৌউ-শিংউগী খোঙচৎ অসি পল্লদুনা প্রধান মন্ত্রীনা মমাংগী দিকেদতা শঙ্গোম পুথোকপদা চাউরাক্না চাদা ৭০ হেনগৎখিবা, য়েরুম পুথোকপদা চাউরাক্না চাদা ৯০ হেনগৎখিবা, ব্লু রিভোলুসনগী মখাদা ঙা পুথোকপগী চাংদা হান্নগী শরুক অনি হেনগৎখিবা, স্বীত রিভোলুসনগী মখাদা খোইহী পুথোকপগী চাংনা তন ৮০০০০ দগী তন লাখ ১.৫ তা হেনগৎখিবা অমসুং হোর্তিকলচর প্রদক্সন্না মিলিয়ন তন ২৮০দগী মিলিয়ন তন ৩৫০ ফাওবা য়ৌখিবা য়াওনা সেক্তর কয়া অমা খোঙজেল য়াঙনা খুমাং চাউশিনখিবা অসিগী অকুপ্পা মরোল থমখি। “ঙসিদি খোঙচৎ অসিনা য়ম্না চাউথোকচনীংঙাই ওইবা মওংদা মাঙলোমদা চঙশিল্লি তাকপা ফিগরশিং ঐহাক্না মীয়ামদা ঙসি তম্লবনি”, শ্রী মোদীনা হায়খি।
লৌউ-শিংউগী তোঙান-তোঙানবা ইহৌশিংবু পান্দম অমগী মখাদা পুনশিনবনা তুংগী লৌউবগীদমক্তা মথৌ তাবা শেনফম লাকফমগী লম্বী কয়া শেমখ্রে হায়রদুনা প্রধান মন্ত্রীনা মৈগী বিল হন্থহন্নবা সোলরগী পম্প লাখ ১২ য়েন্থোকখিবা অমসুং লৌমীশিংদা লবুক্তা সোলর পাৱরগী মতেংদগী অহেনবা চাগা লাকহনখিবা পি.এম.-কুসুম য়োজনাগী মখাদা পায়খৎপা সোলর পাৱরগী ইহৌগী মতাংদা পনখি। “ইহৌ অসিনা লৈবাক্কী অন্নদাতাবু উর্জাদাতাদা ওন্থোকখ্রে অমসুং পোত্থোক পুথোকপা হেনগৎপা খক্তা নত্তনা ঐখোয়না লৌমীগী চাগাগী কান্নফমশু শীনখ্রে”, শ্রী মোদীনা হায়খি।
সরকার অমগী মকোক ওইদুনা মহাক্না হৌখিবা চহি ২৫ মপুং ফারকপা অমসুং গুজরাতকী মুখ্য মন্ত্রী ওইনা গ্রান্দ কৃশি মহোৎসবকী খুত্থাংদা লৌউ-শিংউবু মোদর্নাইজ তৌনবা মহাক্না লেপ্পা লৈতনা হোৎনখিবা অদু নীংশিংলদুনা, প্রধান মন্ত্রীনা লৌউ-শিংউগী সাইন্তিস্ত অমসুং এক্সপর্ত চাম্মরোমনা গ্রামশিংদা দিগ্রী ৪০দগী ৪৫ ফাওবগী মনুংদা লৌউ-শিংউগী লৈহাও য়েংশিন্নবা, ঈশিং ফংবগী চাং য়েংশিন্নবা অমসুং লৌমীশিংদা মতিক চাবা মহৈ-মরোংশিং অমসুং থবক-থৌরমশিংগী মতাংদা পাউতাক পীনবগীদমক করম্না চৎলম্বগে হায়বদু শন্দোক্না তাকখি। প্রধান মন্ত্রীনা হায়খি, "ঐখোয়না লেব তু লেন্দগী ৱাখল্লোনগা লোইননা মাংলোমদা চংশিল্লি, সাইন্তিস্তশিংগী লেবশিংদা লৈরিবা লৌশিং অসি লৌমীশিংগী লমদা হকথেংননা য়ৌহনখি, অমসুং গুজরাতকী লৌমীশিংনা মসিগী অচৌবা কান্নবা ফংখি।"
গুজরাত্তা মহাক্কী গবর্নান্সকী এক্সপরিয়েন্স অসি নেস্নেল লেভেলদা য়াম্না কান্নবা ওইখি হায়না পল্লদুনা প্রধান মন্ত্রীনা হায়খি মদুদি ভারত শিনবা থুংনা সোইল তেস্তিং লেবশিংগী মশিং অসি ২০১৪দা চহী খরখক লৈরম্বা অদুদগী ঙসিদি ৮৪০০ হেনখ্রে। মসিগা লোয়ননা লৌউ-শিংউগী কেন্দ্র ৭২৫ হেনখ্রে। শ্রী মোদীনা হায়খি, ফুত এন্দ মাউথ দিজিজদগী শা-ষনশিং ঙাকথোক্নবা, লৌমী কোতি ৮ হেনবগী শা-ষনশিংদা লেম্না ভেক্সিন কাপথোকখ্রে।
রুরেল ইন্দিয়ানা এদভান্স তেক্নোলোজী শিজিন্নবা ঙম্লোই হায়বা অরিবা ৱাখল্লোন অদু চ্যালেঞ্জ তৌরদুনা, প্রধান মন্ত্রীনা হায়খি মদুদি নমো দ্রোন দিদিশিংনা ফর্টিলাইজরশিং অমসুং পেস্তিসাইদশিং স্প্রে তৌনবা দ্রোনশিং হৈ-শিংনা শীজিন্নদুনা স্কেপ্টিসিস্তশিংবু লান্না তাক্লে। প্রধান মন্ত্রীনা হায়খি মদুদি হৌজিক মসিগী শীজিন্নবগী লমসু পাকথোক চাউথোকহল্লে।
ভারতকী লৌউ-শিংউদা ইঞ্জিনীয়রিংগী থৌদাং হেনগৎলক্লিবা অদু পল্লদুনা প্রধান মন্ত্রীনা হায়খি মদুদি সাইন্তিস্তশিং, ইঞ্জিনীয়রশিং অমসুং নহারোলশিংনা শেনফম হন্থহনবা ঙম্বা সিদিং অমসুং হার্ভেস্তিং মেছিনরীশিং শেমগৎনবা অমসুং মমল হোংবা, সেন্সরদা য়ুম্ফম ওইবা অমসুং এ.আই. হৌখিবা চহিশিংদা, অপীকপা লৌমীশিংনা সরকারগা লোইননা এফ.পি.ও. ১০,০০০গী অচৌবা নেৎৱর্ক অমা শেমগৎলে, মসিনা অপীকপা লৌমীশিংগী কাংলুপশিংবু ভেল্যু ক্রিএতর ওইহল্লি অমসুং মখোয়বু ফুদ প্রোসেসিং অমসুং এক্সপোর্ত মার্কেৎশিংগা শম্নহল্লি।"
সরকারগী ময়েক শেংবা পোলিসী অমসুং পান্দমদি লৌউ-শিংউনা লৌমীশিংদা চৈথেং পীদনবা হোৎনবনি হায়না পল্লদুনা প্রধান মন্ত্রীনা হায়খি মদুদি ইরান অমসুং গল্ফ রিজনদা চত্থরিবা লানগী মতুং ইন্না মালেমগী মমল হেনগৎলকপদা নত্তনা হৌখিবা চহি ১২ অসিদা ভারতনা মমল হোংবা ফর্তিলাইজরশিং ফংহন্নবা লুপা কোতি লাখ ১৬ চাদিং তৌখ্রে। পি.এম. মোদীনা হায়খি মদুদি লুপা ৫,০০০গী মমল লৈবা দি.এ.পি. ফর্তিলাইজরগী বেগ অমা ভারতকী লৌমীশিংদা লুপা ১,৩০০দা ফংহল্লি অমসুং ইন্তর্নেস্নেল মার্কেৎতা লুপা ৩,০০০গী মমল লৈবা য়ুরিয়াগী বেগ অমা লুপা ৩০০দগী হন্থনা ফংহল্লি।
নোংচুপ এসিয়াদা নোংম-নোংমগী হেনগৎলক্লিবা লানগী মতুং ইন্না ক্রুদ ওইলগী মমল দোল্লর ৭০ দগী দোল্লর ১২২ ফাওবা থা খরগী মনুংদা হেনগৎলকপা অমসুং দিজেলগী মমল লিটর অমদা য়ামদ্রবদা লুপা ৫০ হেনগৎহন্নবা প্রেসর পীবা মতমদা সরকারনা লৌমীশিংবু করম্না ঙাক-শেল্লম্বগে হায়বগী এক্সক্লুসিব রিভেল্যু অমা শেয়র তৌদুনা প্রধান মন্ত্রীনা হায়খি মদুদি সরকারনা ইন্তর্নেস্নেল মার্কেত শক অসি নাগরিকশিং অমসুং লৌমীশিংদা শন্দোক্তুনা দিজেল লিটর অমদা লুপা ৭ খক্তদা হেনগৎহনখি। শ্রী মোদীনা হায়খি মদুদি লৈবাক অসিগী লৌমীশিংগী কান্নবা অমসুং নাগরিক দেবো ভবকী ৱাখল্লোন লৈরকপা মতমদা, অসিগুম্বা সেন্সিতিব ওইবা ৱারেপশিং লৌই।
হৌখিবা চহিশিংদা ভারতকী লৌমীশিংনা ফংলিবা মপুং ফাবা থৌনা অদু শকখঙলদুনা অমসুং চাউখৎপা লৌমীশিং, চাউখৎপা খুঙ্গংশিং অমসুং মোদর্ন, শেন্দোং লৈগদবা লৌউ-শিংউগা লোইননা বিক্সিত ভারত অমা শেমগৎনবা হেন্না চাউনা হোৎননবা হায়রদুনা মহাক্কী ৱারোল লোইশিনখিবদা, প্রধান মন্ত্রীনা কনক্লেবতা খন্ন-নৈনখিবা অদুনা লৈবাক মীয়ামদা কান্নবা পীরগনি হায়না থাজবা থমখি। "মসিদগী লাকপা অফবা ৱাখল্লোনশিং অমসুং সোলুসনশিং, সরকারনা মখোয়দা থবক তৌগনি।" হায়না শ্রী মোদীনা ফোংদোকখি।
***