থাগৎখিবা:
11 NOV 2026 3:14PM by PIB Imphal
প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা মাইক্রো য়ুনিৎশিংগী ক্রেদিত গেরেন্তী ফন্দ (সি.জি.এফ.এম.য়ু.) অসি ৩১/০৩/২০৩১ ফাওবা চহি মঙা শাংদোকপগী অয়াবা পীখ্রে। স্কিম অসিনা দিফোল্ট রিস্ককী মায়োক্তা নেস্নেল ক্রেডিট গেরেন্তী ত্রস্তী কম্পেনী লিমিতেদ (এন.সি.জি.তি.সি.)গী খুত্থাংদা লেন্দিং ইন্সতিত্যুসনশিংদা ক্রেদিত গেরেন্তী কভরেজ পীরি।
পি.এম. মুদ্র স্কিম হৌদোকখিবদগী সেপ্তেম্বর ২০২৬ ফাওবদা লেন্দিং ইন্সতিত্যুসনশিংনা লুপা করোর লাখ ৪৩.৩৪গী শেনফমগী লোন করোর ৬০.৩৬ হেন্না পীথোকখ্রে। জনুৱারী ২০২৬তা হৌদোকখিবা সি.জি.এফ.এম.য়ু. অসিনা লৈবাক্কী পি.এম.এম.ৱাই.গী লোনশিং পীথোকপগী মরু ওইবা কেতালীস্ত অমা ওইনা মথৌ পাংথোক্তুনা লাক্লি।
স্কিম অসিগী মরু ওইবা ৱাফম
- ফন্দ অসিগী পান্দমদি মখাদা পীরিবা ক্রেদিত ফেসিলিতীশিং অসিগীদমক্তা লেন্দিং ইন্সতিত্যুসনশিংদা (এল.আই.) গেরেন্তী পীবনি :
- প্রধান মন্ত্রী মুদ্র য়োজনা (পি.এম.এম.ৱাই.) গী মখাদা মতিক চাবা মাইক্রো ইন্তপ্রাইজশিংদা লুপা লাখ ২০ ফাওবগী পীখিবা লোন
- প্রধান মন্ত্রী জন ধন য়োজনা (পি.এম.জে.দি.ৱাই.) একাউন্তকী মখাদা বেঙ্কশিংনা পীবা লুপা ১০,০০০ ফাওবগী ওভর্দ্রাফ
- লুপা লাখ ১০দগী ২০ ফাওবগী পোর্তফোলিও লৈবা সেলফ হেল্প গ্রুপ (এস.ঐচ.জি.)শিংদা পীখিবা লোন
- গেরেন্তী কভরেজ: এল.আই.শিংগী তশেংবা রিস্ক এক্সপোজর উৎনবা ৱর্কিং কেপিতেল লিমিত অমসুং তর্ম লোন একাউন্তকী পীথোক্তবা শেনফমগা থাদোক্লিবা শেনফমগা মরী লৈনহনগনি।
- গেরেন্তী ফী: গেরেন্তী ফী অসি @১% p.a. দগী @ ০.৭৫% p.a. দা হন্থরে; এস.ঐচ.জি.গী অহোংবা লৈতে; অহানবা চহিদা ০.২৫% অমসুং মথং তারকপা চহিদা ০.৫০%কী গেরেন্তী ফী মখা তানা পীগনি।
- স্কিমগী মতম: স্কিম অসি তরাতরুকশুবা ফাইনান্স কমিসন সাইকল (শেনবা চহি ২০২৬-২৭দগী শেনবা চহি ২০৩০-৩১ ফাওবা) গী মনুংদা পি.এম.এম.ৱাই.গী মখাদা পীখিবা লোন খুদিংমক্তা চৎনগনি।
পীরিবা কান্নবা
- প্রধান মন্ত্রী মুদ্র য়োজনাগী মখাদা পীবা কোলেতরেল য়াওদবা লোনশিংনা ফোর্মেল বেঙ্কিং সীস্তেমদগী মমাংদা লোন লৌবা ফংলমদবা ওন্ত্রাপ্রিনরগী অনৌবা শুরোন অমা শেমখি।
- সি.জি.এফ.এম.য়ু. স্কিম শাংদোকপা অসিনা মথংগী চহি ৫তা লুপা করোর লাখ ১২.৬কী লোন পীথোকপা ঙম্লগনি।
স্কিম অসিনা মশাগী করবার পাকথোক চাউথোকহনবা পাম্লিবা নহাও ওইরিবা মিৎয়েং শানবা ওন্ত্রাপ্রিনরশিংগী কেতালীস্ত অমা ওইনা মতেং পাংগনি।
****