থাগৎখিবা:
06 NOV 2026 5:33PM by PIB Imphal
|
অঙাং ওইরিঙৈদা লুহোংবা অসি ভারত্তা লেপ্পা লৈতনা লৈরিবা খুন্নাইগী ওইবা শিংনবা অমা ওইরি, মসিনা নুপীমচাশিংগী হকশেল, মহৈ-মশিং অমসুং তুংগী খুদোংচাবশিংদা চৈথেং পীরি। অদুম ওইনমক, চহি ১৮ শুরিবমখৈদা লুহোংখ্রবা চহি ২০-২৪ সুরবী নুপীশিংগী মরক্তা মসিগী চাং অসি এন.এফ.ঐচ.এস.-৫ (NFHS-5) (২০১৯-২১) দা চাদা ২৩.৩ ওইরম্বদগী এন.এফ.ঐচ.এস.-৬ (NFHS-6) (২০২৩-২৪) দা চাদা ২০.১ দা হন্থখ্রে। ২০২৪ গী নবেম্বর ২৭ তা হৌদোকখিবা বাল বিবাহ মুক্ত ভারত কেম্পেন অসিনা আইনগী ওইবা ঙাক-শেনবা, মীয়ামদা খঙহনবা অমসুং কম্ম্যুনিতীনা শরুক য়াবগী খুত্থাংদা অঙাং ওইরিঙৈদা লুহোংবা থিংনবা হোৎনবদা মপাঙ্গল কনখৎহনবদা মতেং পাংলি। মীয়ামদা খঙহন্নবা থৌরম লাখ ৬.৮৫ পাংথোকখি, শরুক য়াখিবা মীওই করোর ১২.৪৭ য়ৌখি অমসুং ৱাশক লাখ ৪২.০১ রেজিস্তর তৌখি। মসি চহি অনী মপুং ফারকপগা লোয়ননা, কেম্পেন অসিনা ২০৩০ ফাওবদা অঙাং ওইরিঙৈদা লুহোংবা লৈতবা ভারত অমগী নেস্নেল পান্দম অদু মাংলোমদা পুখৎলি।
|
অঙাং ওইরিঙৈদা লুহোংবা লৈতবা ভারত অমগী মাইকৈদা
অঙাং ওইরিঙৈদা লুহোংবা অসি আইননা অথিংবা থম্লবসু, ভারত্তা মসি খুন্নাইগী খুদোংচাদবা অমা ওইনা লেপ্পা লৈতনা লৈরি। নেস্নেল ফেমিলী হেল্থ সর্ভে (NFHS-6), ২০২৩-২৪ গী মতুং ইন্না, চহি ২০-২৪ সুরবী নুপীশিংগী চাদা ২০.১ দি চহি ১৮ শুরিবমখৈদা লুহোংখি, মসি এন.এফ.ঐচ.এস.-৫ (২০১৯-২১) দা চাদা ২৩.৩ ওইরম্বদগী চাদা ৩.২ হন্থরকপনি।
চৎনবী অসিনা নুপীমচাশিংবু হকশেলগী ওইবা অকিবা কয়া, মরুওইনা য়াম্না ঙন্না মীরোল্লকপনা থোকহনবা খুদোংথিবশিং নংহল্লি, ইমুংগী ওইবা মীওৎ-মীনৈ থেংনবগী খুদোংথিংবা হেনগৎহল্লি, মহৈ-মশিং তম্বদা অকায়বা পীরি, অমসুং লাইরবগী ফিবম অমসুং নুপা-নুপী খেন্নবা থম্বগী চৎনবীশিং মখা চত্থহল্লি।
মরম অদুনা ভারতকী খোঙথাং অসি তোঙান-তোঙানবা থাক্তা লৈরি: আইন অমনা থিংবা অমসুং চৈরাক পীবা, নুপীমচাশিংবু করম্না লৌবগে হায়বা অদু হোংদোকপা স্কিম অমা, অমসুং নবেম্বর ২০২৪ দগী হৌনা, বাল বিবাহ মুক্ত ভারত (BVMB), মসি নেস্নেল কেম্পেন অমনি মদুনা অনীমক অসি কম্ম্যুনিতীগী থবক-থৌরমশিংদা পুনশিনহল্লি।
প্রোহিবিসন ওফ চাইল্দ মেরিজ এক্ত, ২০০৬ (PCMA)
খুদোংচাদবা অসিগী আইনগী ওইবা পাউখুমদি প্রোহিবিসন ওফ চাইল্দ মেরিএজ এক্ত, ২০০৬ নি, মসি অঙাং ওইরিঙৈদা লুহোংবগী মায়োক্তা থবক লৌখৎনবগী আইনগী য়ুম্ফমনি। মসিনা চাইল্দ মেরিজ রিস্ত্রেন্ত এক্ত, ১৯২৯ (সারদা এক্ত) গী মহুৎ শিনখি, আইনগী থৌওং অসি অঙাং ওইরিঙৈদা লুহোংবা থিংবা খক্তদগী হেন্দোক্তুনা মসি মপুং ফানা অথিংবা থম্বদা হোংদোকখি, অদুগা চৈথেং ফংলবশিংদা হেন্না মপাঙ্গল কনবা ঙাক-শেনবা অমসুং রিলীফ পীরি।
"অঙাং" হায়বদি কনাবুনো:
চহি ২১ মপুং ফাদ্রিবা নুপা অমা অমসুং চহি ১৮ মপুং ফাদ্রিবা নুপী অমা। অঙাং ওইরিঙৈদা লুহোংবা হায়বদি লুহোংনরিবা অনি অদুদা অমা নত্রগা অমা অঙাং ওইবা অদুবু খঙনৈ।
লুহোংবা অদুগী ফিবম:
অঙাং ওইরিঙৈদা লুহোংবা অসি অঙাং ওইরিবা মীওই অদুগী অপাম্বগী মতুং ইন্না চৎনহন্দবা য়াই, মহাক্না দিস্ত্রিক্ত কোর্ততা, মহৌশানা মপুং ফাবা চহি শুরকপগী চহি অনিগী মনুংদা পেতিসন পীশিনবা য়াই। করিগুম্বা অঙাং অদুবু লল্লোন-ইতিক তৌখিবগী, পাঙ্গল শিজিন্নদুনা নত্রগা নমহৎতুনা পুখিবগী, নত্রগা ফত্তবা পান্দমগীদমক শিজিন্নখিবা তারবদি, মসি চৎনদ্রে।
মরালশিং অমসুং চৈরাকশিং:
এক্ত অসিগী মখাদা লৈবা মরালশিং অসি কগ্নিজেবল অমসুং নন-বেলেবল ওই। অঙাং অমগা লুহোংবা মপুং ফাবা নুপা অমা, অমসুং অঙাং ওইরিঙৈদা লুহোংবদা শরুক য়াবা, তৌহনবা, শৌগৎপা, নত্ত্রগা য়াওবা মীওইশিং (মমা-মপা অমসুং গার্জেনশিং য়াওনা), চহি অনী ফাওবগী অকনবা জেল নত্ত্রগা লুপা লাখ ১ ফাওবগী ফাইন ফংবা য়াই। নুপী মরাল লৈবশিংদি জেলদা থমবা য়াদে।
চৈথেং ফংলবশিংগী রিলীফ:
এক্ত অসিনা মেন্তিনেন্স, লৈফম অমসুং কস্তদীগী ফিবমশিংগীদমক খুদোংচাবা পীরি, অমসুং অসিগুম্বা লুহোংবশিংদগী পোকপা অঙাংশিং অসি আইনগী ওইবা অঙাংশিং ওইনা লৈগনি।
ইঞ্জঙ্কসনগী খুত্থাংদা থিংবা:
জুদিসিয়েল মেজিস্ত্রেতশিংদা থোক্কদৌরিবা অঙাং ওইরিঙৈদা লুহোংবা অমা থিংনবা ইঞ্জঙ্কসনশিং থোকপগী শক্তি পীরি। দিস্ত্রিক্ত মেজিস্ত্রেতশিং অমসুং চাইল্দ মেরিজ প্রোহিবিসন ওফিসরশিংনা থিংবদা মরুওইবা থৌদাং লৌরি, মরুওইনা মীয়াম্না পুন্না লুহোংবা অমসুং অক্ষয়া তৃতীয়াগুম্বা কুহ্মৈশিংগী মতমদা। মখোয়না মতম চানা চংলুবা, মীয়ামদা খঙহনবা অমসুং লোকেল ওথোরিতীশিংগা পুন্না থবক তৌমিন্নবগী খুত্থাংদা মসি তৌরি।
চাইল্দ মেরিজ প্রোহিবিসন ওফিসরশিং (CMPOs):
এক্ত অসিগী সেক্সন ১৬না স্তেত সরকারশিংদা ওফিসিএল গেজেত্ততা লাউথোকপগী খুত্থাংদা সি.এম.পি.ও. (CMPO) শিং খনখৎপগী শক্তি পীরি। মখোয়গী আইনগী ওইবা থৌদাংশিংগী মনুংদা অঙাং ওইরিঙৈদা লুহোংবা থিংবা, কোর্টতা চৎনবগী প্রমাণ খোমগৎপা, মীওইশিং অমসুং কম্ম্যুনিতীশিংদা কাউন্সেলিং পীবা, মীয়ামদা খঙহনবা, কম্ম্যুনিতীশিংদা ৱাখল তাহনবা, অমসুং মতম-মতমগী ওইবা রিতর্নশিং অমসুং স্তেতিস্তিক্স পীবা য়াওরি। মরম অদুনা মায়পাক্না থবক্তা ওন্থোকপদা আইন থুগাইরবা মতুংদা আইন চৎনহনবা খক্তা নত্তনা, মাংজৌননা থিংবা, কম্ম্যুনিতীনা চেকশিনবা অমসুং লুহোংবা অমা থোক্ত্রিঙৈ মমাংদা মতম চানা চংলুবা মথৌ তাই।
|
সুপ্রিম কোর্তকী ফ্রেমৱর্ক: ২০২৪ গী ওক্তোবর ১৮ দা সোসাইতি ফোর এনলাইতেনমেন্ত এন্দ ভোলুন্তরী এক্সন অমসুং অতৈ বনাম য়ুনিয়ন ওফ ইন্দিয়া অমসুং অতৈ (W.P. (C) No. 1234 of 2017) দা পিখিবা জজমেন্ততা, ইকায়খুম্নজরবা সুপ্রিম কোর্তনা স্তেতশিং অমসুং য়ুনিয়ন তেরিতোরীশিংগীদমক মপুং ফাবা ফ্রেমৱর্ক অমা থোকখি। মসিনা দিস্ত্রিক্ত অমসুং সব-দিস্ত্রিক্তকী থাকশিংদা মতম পুম্বগী ওইবা সি.এম.পি.ও. শিং লৈবদা মীৎয়েং থমখি। মসিনা পুন্না থবক তৌমিন্নবা, মোনিতর তৌবা অমসুং অৱাবা কোকহনবগীদমক অখন্নবা য়ুনিৎশিং, তোঙান-তোঙানবা সেক্তরশিংগী মীয়ামদা খঙহনবগী কেম্পেনশিং, অমসুং মরুওইবা থবক তৌরীবা মীওইশিংদা ত্রেনিং পীবদসু মীৎয়েং থমখি। তেক্নোলোজী শিজিন্নদুনা রিপোর্ত তৌবা অমসুং অকিবা লৈবা মফমশিংগী দেতাবেজশিং শেমগৎপসু মীৎয়েং থমখি।
জজমেন্ত অসিনা চৈরাক পীবদগী থিংবা, ঙাক-শেনবা অমসুং মপাঙ্গল কনখৎহন্নবগী মাইকৈদা মীৎয়েং থমখ্রে। অদুম ওইনমক, আইন খক্তনা চৎনবী অসি শৌগৎলিবা খুন্নাইগী চৎনলোনশিং অদু হোংদোকপা ঙমদে, মফম অসিদনি নুপীমচাশিংগী মহৈ-মশিং অমসুং মপাঙ্গল কনখৎহনবা অসি মথৌ তাই।
|
বেতী বচাও বেতী পর্হাও (BBBP)
আইননা অঙাং ওইরিঙৈদা লুহোংবা থিংলবসু, বেতী বচাও বেতী পর্হাও (BBBP) না মসি শৌগৎলিবা খুন্নাইগী ৱাখল্লোনশিং হোংদোক্নবা থবক তৌরি। বি.বি.বি.পি. অসি ২০১৫ গী জনুৱারী ২২ দা অঙাংগী সেক্স রেসিও অমসুং নুপীমচা অমসুং নুপীশিংগী পুন্সি চুপ্পাগী পাক-চাউরবা মপাঙ্গল কনখৎহনবা অদু খন্ননবগীদমক হৌদোকখি।
বি.বি.বি.পি. অসি মিনিস্ত্রী ওফ ৱিমেন এন্দ চাইল্দ দিভেলপমেন্তনা নোদেল মিনিস্ত্রী ওইনা লুচিংবা তোঙান-তোঙানবা সেক্তরশিংগী খোঙথাং অমনি। মসিনা মিনিস্ত্রী ওফ হেল্থ এন্দ ফেমিলী ৱেলফিয়ার, মিনিস্ত্রী ওফ ইজুকেসন, মিনিস্ত্রী ওফ স্কিল দিভেলপমেন্ত এন্দ এন্ত্রপ্রেনোরসিপ, অমসুং মিনিস্ত্রী ওফ মাইনোরিতী এফিয়র্সকা পুন্না থবক তৌমিন্নরি। স্কিম অসি মিসন শক্তিবী শরুক অমা ওইনা থবক্তা ওন্থোক্লি। মসিনা মীয়ামদা খঙহনবা, শৌগৎপা, কম্ম্যুনিতী মীয়াম্বু পুশিনবা অমসুং লমচৎ-শাজৎতা অহোংবা পুরকপদা মীৎয়েং থম্লি। মসিনা নুপীমচা অঙাংগী হিংবা, ঙাক-শেনবা অমসুং মহৈ-মশিং তম্বসু শৌগৎলি।
অঙাং ওইরিঙৈদা লুহোংবা থিংবা অসি পান্দমশিং অসিগা য়াম্না নক্ননা মরী লৈনৈ। নুপীমচাশিংগী মহৈ-মশিং শৌগৎপা, স্কুলদগী তোকপশিংগী মতাংদা খন্নবা, খেন্নবা থম্বা খুন্নাইগী চৎনলোনশিং মুত্থৎপা অমসুং ইমুং-মনুংশিংবু নুপীমচা অঙাংবু মমল লৈনা লৌনবা ইথিল পীবনা লুহোংবা থেংথহনবদা অমসুং নহা ওইরীবা নুপীমচাশিংগীদমক খুদোংচাবশিং পাকথোক-চাউথোকহনবদা মতেং পাংই।
বি.ভি.এম.বি. (BVMB) না অঙাং ওইরিঙৈদা লুহোংবদা হেন্না মীৎয়েং চংদুনা অমসুং পুন্না থবক তৌমিন্নবা আইনগী অমসুং কম্ম্যুনিতীগী থাক্কী থবক লৌখৎতুনা য়ুম্ফম অসিগী মথক্তা শেমগৎলি। আইন, স্কিম অমসুং কম্ম্যুনিতীগী থবকশিং অসি পুনশিনবা অসিনা নেস্নেল কেম্পেন অসি হৌদোকহনখিবনি।
অঙাং ওইরিঙৈদা লুহোংবা লোইশিন্নবা অপুনবগী ৱাশক অমা
আইনগী ফ্রেমৱর্ক অমসুং বি.বি.বি.পি.গী কম্ম্যুনিতীদা মীৎয়েং থম্বা অদুদা য়ুম্ফম ওইরদুনা, মিনিস্ত্রী ওফ ৱিমেন এন্দ চাইল্দ দিভেলপমেন্ত (MWCD) না ভারতপু অঙাং ওইরিঙৈদা লুহোংবা লৈতবা লৈবাক অমা ওইহন্নবগী পান্দমগা লোয়ননা ২০২৪ গী নবেম্বর ২৭ তা নেস্নেল বি.ভি.এম.বি. কেম্পেন হৌদোকখি।
মসিনা সরকারগী ইন্সতিত্যুসনশিং, স্তেত অমসুং য়ুনিয়ন তেরিতোরীগী এদমিনিস্ত্রেসনশিং, লোকেল বোদীশিং, ইজুকেস্নেল ইন্সতিত্যুসনশিং, ফ্রন্তলাইন ৱার্করশিং, সিভিল সোসাইতী ওর্গনাইজেসনশিং, লাইনিংগী লুচিংবশিং, নহারোলশিং অমসুং নাগরিকশিংবু মান্নবা নেস্নেলগী ৱাশক অমগী মখাদা পুনশিনহনখি। কেম্পেন অসিনা কম্ম্যুনিতীগী থাক্তা থিংবগী থবকশিং মপাঙ্গল কনখৎহনবা, মীয়াম্না সি.এম.পি.ও.শিংগা ফাওনবা ঙম্বা হেনগৎহনবা, অঙাং ওইরিঙৈদা লুহোংবগী রিপোর্ত তৌবা হেনগৎহনবা, অমসুং খুদংওথিনিংঙাই ওইরবা নুপীমচাশিংবু মতেং পাংনবা পান্দম থম্লি।
কেম্পেন অসিনা সস্তেনেবল দিভেলপমেন্ত গোল (SDG) তার্গেত ৫.৩ গা চুননা অঙাং ওইরিঙৈদা লুহোংবগী চাং হন্থহনবা অমসুং ২০৩০ ফাওবদা ভারতপু অঙাং ওইরিঙৈদা লুহোংবা লৈতবা লৈবাক অমা ওইহন্নবা পান্দম থম্লি। এম.দব্লিউ.সি.দি.না কেম্পেন অসিগীদমক মপুং ফানা ফন্দ পীনবা ৱাশকখ্রে, মসিদা এন.এফ.ঐচ.এস.-৫ গী দেতাগী খুত্থাংদা খঙদোকপা খ্বাইদগী চৈথেং ফংবা দিস্ত্রিক্ত ২৫৭ তা অহানবা মীৎয়েং থম্লি, মফম অদুদা অঙাং ওইরিঙৈদা লুহোংবগী চাং অসি নেস্নেলগী চাংচৎতা নত্রগা অদুদগী হেন্না লৈরি।
বি.ভি.এম.বি. পোর্তেল: নাগরিকশিংবু থবক-থৌরমশিংগা শম্নহনবা
বি.ভি.এম.বি. পোর্তেল (https://stopchildmarriage.wcd.gov.in) অসি কেম্পেন অসিগী দিজিতেলগী য়ুম্ফম ওইনা শেমগৎখ্রে, মসিনা বি.ভি.এম.বি. মপুং ফানা থবক্তা ওন্থোকপা, মোনিতর তৌবা অমসুং মীয়ামদা য়ৌহনবগীদমক সেন্ত্রেলাইজ ওইরবা প্লেতফোর্ম অমা পীরি।
পোর্তেল অসিনা চাইল্দ মেরিজ প্রোহিবিসন ওফিসরশিং (CMPOs) গী অকুপ্পা ৱারোলশিং মীয়াম্না ফংবা ঙমহল্লি। মসিনা অঙাং ওইরিঙৈদা লুহোংবগী থৌদোকশিং রিপোর্ত তৌবদা মতেং পাংই। স্তেতশিং, য়ুনিয়ন তেরিতোরীশিং অমসুং ফিল্দগী থবক তৌরীবা মীওইশিংনা মীয়ামদা খঙহন্নবা থবক-থৌরমশিং অমসুং কম্ম্যুনিতীনা মীয়াম্বু পুশিনবগী থবকশিং রেকোর্দ তৌবা য়াই।
পোর্তেল অসিনা নাগরিকশিং, ইন্সতিত্যুসনশিং অমসুং মীয়ামগী মীহুৎশিংদা বি.ভি.এম.বি.গী ৱাশক লৌনবা প্লেতফোর্ম অমসু পীরি, ৱাশক লৌবগী খোঙথাং অসি MyGov গী খুত্থাংদসু পীরি। অসুম্না, পোর্তেল অসিনা পাউ ফংনবা অমসুং রিপোর্ত তৌনবগী নাগরিকশিংদা মীয়োং থম্বা প্লেতফোর্ম অমা অমসুং লৈবাক শিনবা থুংনা কেম্পেন অসিগী চাউখৎ-থৌরাং অমসুং থবক্তা ওন্থোকপা অদু ত্রেক তৌনবগী মোনিতরিং মেকানিজম অমা ওইনা অনিমক ওইনা থবক তৌরি।
নুমিৎ ১০০ গী অখন্নবা মীয়ামদা খঙহন্নবা কেম্পেন
কেম্পেন অসিগী অহানবা চহি অসি লোইশিনবদা নেস্নেলগী হোৎনজবা অদু হেন্না মপাঙ্গল কনখৎহন্নবা, এম.দব্লিউ.সি.দি.না ২০২৫ গী দিসেম্বর ৪ দা ন্যু দিল্লীগী বিজ্ঞান ভবন্দা নুমিৎ ১০০ গী অকনবা মীয়ামদা খঙহন্নবা কেম্পেন অমা হৌদোকখি, মসিগা লোয়ননা লৈবাক শিনবা থুংনা পুন্না ৱাশক লৌবগী থৌরম অমা পাংথোকখি।
২০২৫ গী নবেম্বর ২৭ তগী ২০২৬ কী মার্চ ৮ ফাওবা স্তেত অমসুং য়ুনিয়ন তেরিতোরী পুম্নমক্তা পাংথোকখিবা থৌরম অসিনা তাঙ্কক অহুমদা মীয়ামদা খঙহনবদগী হৌনা তার্গেত তৌরবা ইন্সতিত্যুসনশিংগা পুন্না থবক তৌমিন্নবা অমসুং অরোইবদা কম্ম্যুনিতীগী থাক্কী ৱাশক ফাওবা চংশিনখি।
|
তাঙ্কক অমসুং মতম
|
মীৎয়েং থম্লিবা কাংলুপ
|
মরুওইবা থবক-থৌরমশিং
|
|
তাঙ্কক ১ নবেম্বর ২৭ - দিসেম্বর ৩১, ২০২৫
|
স্কুলশিং, কোলেজশিং অমসুং য়ুনিভর্সিতীশিং
|
মীয়ামদা খঙহনবা অমসুং ৱাখল তাহনবা সেসনশিং, দিবেতশিং, এসে ইবগী চাংদম্নবশিং, ইন্তরেক্তিব ওইবা থবক-থৌরমশিং অমসুং ৱাশক লৌবগী থৌরমশিং
|
|
তাঙ্কক ২ জনুৱারী ১ - ৩১, ২০২৬
|
লাইনিংগী ইন্সতিত্যুসনশিং, লাইনিংগী লুচিংবশিং, কম্ম্যুনিতীদা শাফু লৈবশিং অমসুং লুহোংবগা মরী লৈনবা সর্ভিস পীবশিং
|
লাইশঙশিং, মজিদশিং অমসুং অতৈ লাইনিংফমশিংগা পুন্না থবক তৌমিন্নবা; কেতররশিং, তেন্ত হাউসশিং, দি.জে.শিং অমসুং অতৈ সর্ভিস পীবশিংদা য়ৌহনবা; ইনফোর্মেসন, ইজুকেসন অমসুং কম্ম্যুনিকেসন (IEC) পোৎলমশিং উৎপা
|
|
তাঙ্কক ৩ ফেব্রুৱারী ১ - মার্চ ৮, ২০২৬
|
গ্রাম পঞ্চায়তশিং অমসুং ম্যুনিসিপাল ৱার্দশিং
|
কম্ম্যুনিতী মীয়াম্বু পুশিনবা অমসুং পঞ্চায়ত/ৱার্দকী মফমশিং অদু অঙাং ওইরিঙৈদা লুহোংবা লৈতবা মফমশিংনি হায়না লাউথোকপগী ৱারেপশিং লৌবা
|
কেম্পেন অসি সেন্ত্রেল মিনিস্ত্রীশিং অমসুং দিপার্তমেন্তশিং, স্তেত অমসুং য়ুনিয়ন তেরিতোরী সরকারশিং, দিস্ত্রিক্ত এদমিনিস্ত্রেসনশিং অমসুং তোঙান-তোঙানবা ইন্সতিত্যুস্নেল অমসুং কম্ম্যুনিতীগী থাক্কী স্তেকহোল্দরশিংগী পুন্না হোৎনমিন্নবগী খুত্থাংদা থবক্তা ওন্থোকখি। সি.এম.পি.ও.শিংগী থৌদাং মপাঙ্গল কনখৎহনবা, লোকেল ইন্সতিত্যুসনশিংবু পুশিনবা অমসুং অঙাং ওইরিঙৈদা লুহোংবা থিংবদা কম্ম্যুনিতীনা মপুং ফানা শরুক য়াবা ঙমহনবদা মীৎয়েং থমখি।
স্তেতশিং অমসুং য়ুনিয়ন তেরিতোরীশিংদা মীয়ামদা খঙহন্নবা অমসুং মীয়ামদা য়ৌহন্নবা থবক-থৌরমশিং পাংথোক্নবা, পঞ্চায়তী রাজ ইন্সতিত্যুসনশিং অমসুং অর্বান লোকেল বোদীশিং শরুক য়াহন্নবা, অমসুং দিস্ত্রিক্ত অমসুং গ্রাসরুতকী থাক্তা মোনিতরিং মপাঙ্গল কনখৎহন্নবা থৌগৎখি।
বাল বিবাহ মুক্ত ভারত: মরুওইবা মাইপাকপশিং
বি.ভি.এম.বি. কেম্পেন্না লেপ্পা লৈতনা মীয়ামদা খঙহনবা, ইন্সতিত্যুসনশিংবু পুশিনবা, কম্ম্যুনিতী শরুক য়াহনবা অমসুং থিংবগী থবক লৌখৎপগী খুত্থাংদা অঙাং ওইরিঙৈদা লুহোংবা মুত্থৎনবা নেস্নেলগী হোৎনজবা অদু মপাঙ্গল কনখৎহনবদা মতেং পাংখ্রে। কেম্পেন অসিগী মরুওইবা মাইপাকপশিং অদু মখাদা পীরি:
১. পাক-শন্না মীয়ামদা খঙহনবা অমসুং কম্ম্যুনিতীদা য়ৌহনবা
- লৈবাক শিনবা থুংনা মীয়ামদা খঙহন্নবা থৌরম লাখ ৬.৮৫ পাংথোকখি।
- মীয়ামদা খঙহন্নবা অমসুং মীয়াম্বু পুশিনবগী থবক-থৌরমশিংগী খুত্থাংদা শরুক য়াখিবা মীওই করোর ১২.৪৭ য়ৌখি।
- নুমিৎ ১০০ গী অৱেরনেস কেম্পেন্না ইজুকেস্নেল ইন্সতিত্যুসনশিং, মহৈরোয়শিং, লাইনিংগী লুচিংবশিং, লুহোংবগা মরী লৈনবা সর্ভিস পীবশিং, পঞ্চায়তী রাজ ইন্সতিত্যুসনশিং, অর্নবান লোকেল বোদীশিং অমসুং লোকেল কম্ম্যুনিতীশিংগা পুন্না থবক তৌমিন্ননবগী মওং-তানা শেম্লবা ফ্রেমৱর্ক অমা পীখি।
২. ইন্সতিত্যুস্নেল ফ্রেমৱর্ক মপাঙ্গল কনখৎহনবা
- বি.ভি.এম.বি. পোর্তেলদা চাইল্দ মেরিএজ প্রোহিবিসন ওফিসর (CMPOs) ৭১,৮৮২ উৎখি।
- গ্রাম পঞ্চায়তকী থাক্তা সি.এম.পি.ও. ৫৯,৬৮৬ খল্লে, মসিনা গ্রাসরুততা থিংবগী মেকানিজমগী য়ৌবা ঙম্বা অদু মপাঙ্গল কনখৎহল্লি।
- পোর্তেল অসিনা সি.এম.পি.ও.গী অকুপ্পা ৱারোলশিং ফংনবা অমসুং স্তেতশিং অমসুং য়ুনিয়ন তেরিতোরীশিং শিনবা থুংনা মীয়ামদা খঙহন্নবা অমসুং থিংবগী থবক-থৌরমশিং মোনিতর তৌনবগী সেন্ত্রেলাইজ ওইবা প্লেতফোর্ম অমা পীরি।
৩. নাগরিকশিংগী শরুক য়াবা হেনগৎলকপা
- বি.ভি.এম.বি. পোর্তেল অমসুং মাইগোব (MyGov)কী খুত্থাংদা ৱাশক লাখ ৪২.০১ রেজিস্তর তৌখি, মসিগী মনুংদা বি.ভি.এম.বি. পোর্তেলগী খুত্থাংদা ৱাশক লাখ ৪০.৯৬ অমসুং মাইগভকী খুত্থাংদা ৱাশক লাখ ১.০৫ য়াওরি।
- ৱাশক লৌবগী খোঙথাং অসিনা নাগরিকশিং, ইন্সতিত্যুসনশিং অমসুং মীয়ামগী মীহুৎশিংদা অঙাং ওইরিঙৈদা লুহোংবা লৈতবা ভারত অমগীদমক মখোয়গী ৱাশক অদু ফোংদোক্নবগী খুদোংচাবা অমা পীখ্রে।
৪. রিপোর্ত তৌবা অমসুং থিংবগী থবক লৌখৎপা
- বি.ভি.এম.বি. পোর্তেলদা অঙাং ওইরিঙৈদা লুহোংবগী থৌদোক ৪,৫৩৬ রেকোর্দ তৌখি।
- অক্ষয়া তৃতীয়া য়াওনা, য়াম্না খুদোংথিনিংঙাই ওইবা মতমশিংদা অখন্ননা থবক লৌখৎপা অসিদা দিস্ত্রিক্ত এদমিনিস্ত্রেসনশিং, সি.এম.পি.ও.শিং, আইন চৎনহনবা এজেন্সীশিং অমসুং কম্ম্যুনিতীগী স্তেকহোল্দরশিংনা মতম চানা চংলুবা অমসুং পুন্না থবক তৌমিন্নবগী খুত্থাংদা অঙাং ওইরিঙৈদা লুহোংবা থিংনবা হোৎনবদা শরুক য়াখ্রে।
সেন্ত্রেল মিনিস্ত্রীশিং অমসুং দিপার্তমেন্তশিং, স্তেত অমসুং য়ুনিয়ন তেরিতোরী সরকারশিং, দিস্ত্রিক্ত এদমিনিস্ত্রেসনশিং অমসুং গ্রাসরুত ইন্সতিত্যুসনশিংগা পুন্না থবক তৌমিন্নবনা অঙাং ওইরিঙৈদা লুহোংবা মুত্থৎনবগীদমক হোল-ওফ-গভর্নমেন্ত অমসুং হোল-ওফ-সোসাইতীগী এপ্রোচ অদু মপাঙ্গল কনখৎহনখ্রে।
পোর্তেল অসিনা সি.এম.পি.ও.গী অকুপ্পা ৱারোলশিং মেপ্পিং তৌবা অমসুং মীয়াম্না এক্সেস তৌবা য়াবা, থৌদোক রিপোর্ত তৌবা, মীয়ামদা খঙহন্নবা থবক-থৌরমশিং রেকোর্দ তৌবা, লোকেল মোবিলাইজেসন মোনিতর তৌবা অমসুং ওনলাইন্দা ৱাশক লৌবা শৌগৎলি। পুল্লপ, থবক-থৌরমশিং অসিনা ময়েং শেংবা, মতম চানা রিপোর্ত তৌবা, প্রমাণদা য়ুম্ফম ওইবা মোনিতরিং অমসুং তুং ইন্না থবক তৌবদা শৌগৎলি।
স্তেতশিং অমসুং য়ুনিয়ন তেরিতোরীশিংদা লাক্লিবা প্রোগ্রেস
রাস্ত্রগী থাক্তা লৈরিবা চাং অসি এন.এফ.ঐচ.এস.-৫ (২০১৯-২১) দা চাদা ২৩.৩ ওইরম্বদগী এন.এফ.ঐচ.এস.-৬ (২০২৩-২৪) দা চাদা ২০.১ দা হন্থখ্রে। অয়াম্বা স্তেতশিং অমসুং য়ুনিয়ন তেরিতোরীশিংদা এন.এফ.ঐচ.এস.-৫ দগী হন্থরকপা উবা ফংলি। দাদ্রা অমসুং নগর হাবেলী অমসুং দামন অমসুং দিউনা খ্বাইদগী চাউনা চাদা ১০.১ হন্থখি, মসিগী মতুংদা অন্দমান অমসুং নিকোবর ইথৎশিং (চাদা ৭.৪), অসম (চাদা ৬.৫), বিহার (চাদা ৬.২) অমসুং ত্রিপুরা (চাদা ৬.১) লৈ। কর্নাতকা, উত্তর প্রদেস, তামিল নাদু, মিজোরাম অমসুং কেরলম য়াওনা স্তেত অমসুং য়ুনিয়ন তেরিতোরী ২৮ না নেস্নেলগী চাংচত্তগী হেন্না ফবা ফিবমদা লৈরি।
বাল বিবাহ মুক্ত ভারতকী চহি অনি
২০২৬ কী নবেম্বর ২৭ তা নেস্নেল ওবজর্বেন্স অসিনা বি.ভি.এম.বি. কেম্পেনগী চহি অনী মপুং ফাবা তাক্লি। হেন্না মপাঙ্গল কনবা আইনগী মেছিনরী, হেন্না পাক-চাউবা কম্ম্যুনিতীগী শরুক য়াবা অমসুং হেনগৎলক্লিবা দেতাগী ফিবম অসিদা, মসিনা চাউখৎ-থৌরাংগী ফিবম য়েংশিনবা, সি.এম.পি.ও.শিং অমসুং গ্রাসরুত স্তেকহোল্দরশিংগী থৌদাং শকখঙবা, স্তেতশিং অমসুং য়ুনিয়ন তেরিতোরীশিংদগী লৌখৎপা য়াবা চৎনবীশিং শিয়র তৌবা, অমসুং থিংবগীদমক জাতিগী ফিরেপ অদু অমুক হন্না লৌখৎনবগী খুদোংচাবা অমা পীরি।
মখাতানা মীৎয়েং থম্লিবা অসি অখন্নবা সি.এম.পি.ও.গী থৌরাং মপাঙ্গল কনখৎহনবা, পোর্তেলগী দেতাগী মগুন অমসুং মপুং ফাবা ফগৎহনবা, মীয়ামদা খঙহনবা অমসুং ৱাশক লৌবগী থবক পাকথোক-চাউথোকহনবা, অমসুং মতম চানা রিপোর্ত তৌবা অমসুং থিংবগী থবক লৌখৎপা শোয়দনবা তৌবা অসিনি। মসিদা পঞ্চায়তশিং, অর্নবান লোকেল বোদীশিং, ইজুকেস্নেল ইন্সতিত্যুসনশিং, ইমুং-মনুংশিং, লাইনিংগী লুচিংবশিং, নহারোলশিং অমসুং সিভিল সোসাইতীগী শরুক য়াবা হেনগৎহনবসু য়াওরি।
এন.এফ.ঐচ.এস. কী ফিগরশিংনা উৎলি মদুদি মসিগী চাং অসি হন্থরক্লি অদুবু স্তেতশিংদা মান্নদবা মওংদা লৈরি, মরম অদুনি হোৎনজবা অসি মখা চত্থবা মথৌ তারিবা। মসি ২০৩০ ফাওবদা অঙাং ওইরিঙৈদা লুহোংবা লৈতবা ভারত অমগী নেস্নেলগী পান্দম অমসুং এস.দি.জি. (SDG) তার্গেত ৫.৩ গা চুননা লৈরি।
রিফরেন্সশিং
মিনিস্ত্রী ওফ ৱিমেন এন্দ চাইল্দ দিভেলপমেন্ত
পি.দি.এফ. ফাইলগীদমক্তা অসিদা ক্লিক তৌবীয়ু।
****