পোষ্ট কৰা হৈছে:
10 NOV 2026 6:32PM by PIB Guwahati
সামৰিক পৰিক্ৰমা বিভাগ (DMA) আৰু ইয়াৰ অধীনস্থ সকলো প্ৰতিষ্ঠানে প্ৰতিৰক্ষা বাহিনী আৰু সংহত প্ৰতিৰক্ষা কৰ্মচাৰী মুখ্য কাৰ্যালয় (HQ IDS)ৰ সক্ৰিয় অংশগ্ৰহণেৰে ২ অক্টোবৰৰ পৰা ৩১ অক্টোবৰলৈ বিশেষ অভিযানৰ ষষ্ঠ সংস্কৰণ সফলতাৰে ৰূপায়ণ কৰে।
বিভাগটোৱে চিনাক্ত কৰা ৮,৫০৭টা অভিযানস্থলীত স্বচ্ছতা অভিযান চলোৱা হয়। ইয়াৰ উপৰি বিভিন্ন সংস্থাই মুঠ ৩২৪টা নিয়ম আৰু প্ৰক্ৰিয়া সৰলীকৰণ কৰে। ইলেক্ট্ৰনিক আৱৰ্জনাকে (ই-ৱেষ্ট) ধৰি পেলনীয়া সামগ্ৰী নিষ্কাশন আৰু বিক্ৰীৰ জৰিয়তে প্ৰায় ৮৯.৬৮ কোটি টকাৰ ৰাজহ সংগ্ৰহ কৰা হয়।
নথি-পত্ৰ ব্যৱস্থাপনা পদক্ষেপৰ অংশ হিচাপে ৫,২৮,৪৪৩খন কাগজী ফাইল পৰ্যালোচনা কৰা হয়। ইয়াৰে ১৬,৮৩৭খন ফাইল বাতিল কৰা হয়। ইয়াৰ ফলত ৩,৫৩,২৯১ বৰ্গফুট ঠাই কাৰ্যকৰীভাৱে মুকলি হয়, যাৰ ফলত সেই ঠাইৰ উন্নয়ন আৰু বিকল্প ব্যৱহাৰৰ পথ প্ৰশস্ত হয়।
অভিযানৰ সময়ছোৱাত মুঠ ২,৯০৫টা ৰাজহুৱা অভিযোগ আৰু ৪৬৬টা ৰাজহুৱা অভিযোগৰ আপীল নিষ্পত্তি কৰা হয়। ইয়াৰ উপৰি ৯১টা সাংসদৰ প্ৰসংগ আৰু ৪টা আন্তঃমন্ত্ৰালয় সমিতি(IMC)ৰ প্ৰসংগৰ উত্তৰ প্ৰদান কৰা হয়।
এই অভিযানৰ পৰা কেইবাটাও উদ্ভাৱনীমূলক পদ্ধতি আৰু উল্লেখযোগ্য পদক্ষেপৰ উদ্ভৱ হয়। ভাৰতীয় বায়ুসেনাৰ তাম্বাৰাম ষ্টেচনে এটা বিশেষজ্ঞ বেচৰকাৰী সংস্থাৰ সহযোগত প্ৰায় ৬০ৰ পৰা ৮০ বছৰ পুৰণি ঐতিহ্যবাহী ৯টা অগভীৰ কুঁৱাৰ পুনৰুজ্জীৱনৰ কাম হাতত লয়। এই পদক্ষেপৰ ফলত প্ৰতিদিনে অতিৰিক্ত এক লাখ লিটাৰ পানী লাভ কৰাটো সম্ভৱ হৈছে। ইয়াৰ জৰিয়তে ষ্টেচনটোৰ দৈনিক পানীৰ প্ৰয়োজনীয়তাৰ প্ৰায় ১১.১ শতাংশ পূৰণ হৈছে।
আন এটা উল্লেখযোগ্য পদক্ষেপ হিচাপে দক্ষিণ নৌসেনা কমাণ্ডৰ অধীনস্থ আই এন এছ শিৱাজীয়ে আই আই টি মুম্বাইৰ সহযোগত জৈৱ-ভিত্তিক গেছিফায়াৰ বাষ্প ৰন্ধন ব্যৱস্থা স্থাপন কৰে। এই ব্যৱস্থাটোৰ এদিনত এক টন উদ্ভিদজাত আৱৰ্জনা প্ৰক্ৰিয়াকৰণৰ ক্ষমতা আছে।
এই অভিযানৰ অংশ হিচাপে প্ৰতিৰক্ষা বাহিনী আৰু সংহত প্ৰতিৰক্ষা কৰ্মচাৰী মুখ্য কাৰ্যালয়ে সামৰিক চকী, ইউনিট, ষ্টেচন, প্ৰতিষ্ঠান আৰু কেণ্টনমেণ্টসমূহত স্বচ্ছতা বৃদ্ধিৰ বাবে ব্যাপকভাৱে অৰিহণা যোগায়। একে সময়তে চৰকাৰী কাম-কাজত জমা হৈ থকা পুৰণি বিষয়সমূহৰ সংখ্যা হ্ৰাস কৰাৰ বাবেও সমন্বিত প্ৰচেষ্টা গ্ৰহণ কৰা হয়।
ৰাজহুৱা অভিযোগ, সাংসদসকলৰ প্ৰসংগ, প্ৰধানমন্ত্ৰীৰ কাৰ্যালয় (PMO) আৰু ৰাজ্য চৰকাৰৰ পৰা অহা প্ৰসংগ, আপীল তথা সংসদীয় আশ্বাসসমূহ সময়মতে নিষ্পত্তি কৰাত বিশেষ গুৰুত্ব আৰোপ কৰা হয়।
********
SR/PS/PB