ದೀಪಾವಳಿ, ಗೋವರ್ಧನ ಪೂಜೆ ಮತ್ತು ಭಾಯಿ ದೂಜ್‌ ಹಬ್ಬಗಳ ಶುಭಾಶಯ ಕೋರಿದ ಲೋಕಸಭೆ ಸ್ಪೀಕರ್

ಲೋಕಸಭೆ ಸ್ಪೀಕರ್ ಶ್ರೀ ಓಂ ಬಿರ್ಲಾ ಅವರು ದೀಪಾವಳಿ, ಗೋವರ್ಧನ ಪೂಜೆ ಮತ್ತು ಭಾಯಿ ದೂಜ್‌ ಹಬ್ಬಗಳ ಶುಭಾಶಯಗಳನ್ನು ಕೋರಿದ್ದಾರೆ.

ತಮ್ಮ ಸಂದೇಶದಲ್ಲಿ ಶ್ರೀ ಬಿರ್ಲಾ ಅವರು, "ಸಂತಸದ ಮಹಾಪರ್ವವಾದ ದೀಪಾವಳಿಯ ಶುಭ ಸಂದರ್ಭದಲ್ಲಿ ನಿಮ್ಮೆಲ್ಲರಿಗೂ ಹೃತ್ಪೂರ್ವಕ ಶುಭಾಶಯಗಳು. ಜೊತೆಗೆ ಗೋವರ್ಧನ ಪೂಜೆ ಹಾಗೂ ಭಾಯಿ ದೂಜ್‌ ಹಬ್ಬಗಳ ಅತ್ಯಂತ ಆತ್ಮೀಯ ಶುಭಾಶಯಗಳನ್ನು ನಿಮಗೆ ಕೋರುತ್ತೇನೆ ಎಂದು ತಿಳಿಸಿದ್ದಾರೆ.

ದೀಪಾವಳಿಯು ಕೇವಲ ಹಣತೆಗಳನ್ನು ಬೆಳಗಿಸುವ ಮತ್ತು ಸಂಭ್ರಮಿಸುವ ಹಬ್ಬ ಮಾತ್ರವಲ್ಲ; ಇದು ಇತರರ ಜೀವನದಲ್ಲಿ ಭರವಸೆ, ನಂಬಿಕೆ ಮತ್ತು ಸಂತೋಷದ ಬೆಳಕನ್ನು ತುಂಬುವ ಒಂದು ಅವಕಾಶವೂ ಆಗಿದೆ.

ಹಣತೆಯು ತನ್ನ ಸುತ್ತಲೂ ಬೆಳಕನ್ನು ಹರಡಲು ತಾನು ಉರಿಯುವಂತೆಯೇ, ನಮ್ಮ ಸಂತೋಷವು ಇತರರ ಜೀವನದಲ್ಲಿ ಸಂತಸ ತರುವುದನ್ನು ಖಚಿತಪಡಿಸಿಕೊಳ್ಳಲು ನಾವೂ ಸಹ ನಮ್ಮ ಜೀವನದಲ್ಲಿ ಶ್ರಮಿಸೋಣ. ನಮ್ಮ ಸ್ವಂತ ಕುಟುಂಬಗಳ ಮುಖದಲ್ಲಷ್ಟೇ ಅಲ್ಲದೆ, ಸಂಕಷ್ಟಗಳಿಂದಾಗಿ ಹಬ್ಬದ ಸಂತಸದಿಂದ ವಂಚಿತರಾದವರ ಮುಖದಲ್ಲೂ ಮುಗುಳುನಗು ತರಲು ಸಂಕಲ್ಪ ಮಾಡೋಣ. ಅಗತ್ಯವಿರುವವರಿಗೆ ನೆರವಾಗಿ, ಅವರೊಂದಿಗೆ ಸಂತೋಷವನ್ನು ಹಂಚಿಕೊಳ್ಳಿ ಮತ್ತು ಸಮಾಜದಲ್ಲಿ ಪ್ರೀತಿ, ಸಾಮರಸ್ಯ ಹಾಗೂ ಪರಸ್ಪರ ಸಹಕಾರವನ್ನು ಬೆಳೆಸಿ.

ನಮ್ಮ ಸುತ್ತಮುತ್ತಲಿನ ಯಾರೊಬ್ಬರೂ ಏಕಾಂಗಿಯಾಗಿ ಅಥವಾ ನಿರ್ಲಕ್ಷ್ಯಕ್ಕೆ ಒಳಗಾದಂತೆ ಭಾಸವಾಗದಿದ್ದಾಗ ಮಾತ್ರವೇ ನಮ್ಮ ದೀಪಾವಳಿಯು ನಿಜವಾಗಿಯೂ ಅರ್ಥಪೂರ್ಣವಾಗುತ್ತದೆ.

ಈ ಶುಭ ಸಂದರ್ಭದಲ್ಲಿ, ರಾಷ್ಟ್ರದ ಗಡಿಗಳನ್ನು ಕಾಯುತ್ತಿರುವ ನಮ್ಮ ವೀರ ಯೋಧರು, ದೇಶದ ಅನ್ನದಾತರಾದ ನಮ್ಮ ರೈತ ಸಹೋದರರು, ರಾಷ್ಟ್ರ ನಿರ್ಮಾಣದಲ್ಲಿ ತೊಡಗಿರುವ ಶ್ರಮಿಕರು, ಉದ್ಯಮಿಗಳು, ವರ್ತಕರು ಮತ್ತು ಎಲ್ಲಾ ಸಹಪೌರರಿಗೆ ವಿಶೇಷ ಶುಭಾಶಯಗಳು.

ಲಕ್ಷ್ಮೀ ದೇವಿಯ ಕೃಪೆಯಿಂದ ಪ್ರತಿಯೊಂದು ಮನೆಯಲ್ಲೂ ಸಂತೋಷ ಮತ್ತು ಸಮೃದ್ಧಿ ನೆಲೆಸಲಿ, ರೈತರ ಜೀವನವು ಕಂಗೊಳಿಸಲಿ, ಯುವಜನತೆಗೆ ಹೊಸ ಅವಕಾಶಗಳು ಸಿಗಲಿ, ವ್ಯಾಪಾರ ಮತ್ತು ಉದ್ಯಮಗಳು ಪ್ರಗತಿ ಕಾಣಲಿ ಹಾಗೂ ನಮ್ಮ ಭಾರತವು ಆರ್ಥಿಕವಾಗಿ ಮತ್ತು ಸಾಮಾಜಿಕವಾಗಿ ನಿರಂತರವಾಗಿ ಬಲಗೊಂಡು ಸಮೃದ್ಧವಾಗಿ ಬೆಳೆಯಲಿ.

ನಿಮ್ಮೆಲ್ಲರಿಗೂ ದೀಪಾವಳಿ ಹಬ್ಬದ ಹಾರ್ದಿಕ ಶುಭಾಶಯಗಳು."

*****