Ai khublei Diwali U Myntri Rangbahduh ka Ri ïa ki paidbah ka Ri, ong ruh ba kane ka jinglehkmen ka pyni ïa ka jingjop ïa ka jingdum

U Myntri Rangbahduh ka Ri, u Narendra Modi, u la shim ïa ka bynta ban ai khublei Diwali ïa baroh ki nongshong shnong jong ka Ri India.

Haba ai jingkren na ka liang U Myntri Rangbahduh u la ong ba kane ka tamasa jinglehkmem jong ka jingshai ka pynthaba ïa ka Ri hi baroh kawei bad ka pyni ruh ïa ka jingkut jingmut ban jop pyrshah ïa ka jingdum. U ai ruh ka jingkitbok kitrwiang da kaba ong ba kane ka tamasa jong ka jinglehkmen bad ki por ki ban sa wan kin wanrah ïa ka jingkmen, ka jingsuk bad ka roi ka par sha baroh.

U Modi u la ong ba wat ma u ruh u ju rakhe ïa ka Diwali da ka jingkmen kaba khraw bad kumba u ju leh ha ki snem ba la dep, un ïai bteng ban bud ïa ka rukom rakhe ïa kane ka jinglehkmen ryngkat bad ki shipai kiba shlur jong ka Ri.

Ïa kane ka khubor U Myntri Rangbahduh ula pynpaw lyngba ka durkhih ïa kaba la pynmih ha ka rynsan X:

“Ka Diwali basuk bad badap da ka jingkmen ïa phi baroh!”

****