പോസ്റ്റഡ് ഓണ്‍:
06 NOV 2026 1:50PM by PIB Thiruvananthpuram
ധൻതേരസ് ദിനത്തോടനുബന്ധിച്ച് കേന്ദ്ര സഹമന്ത്രി ശ്രീ പ്രതാപ്റാവു ജാധവ് എഴുതിയ ലേഖനം പ്രധാനമന്ത്രി ശ്രീ നരേന്ദ്ര മോദി പങ്കുവെച്ചു.
ആരോഗ്യസംരക്ഷണത്തിനും പ്രതിരോധ ആരോഗ്യപരിചരണത്തിനും ആയുർവേദം നൽകുന്ന പ്രാധാന്യം ലേഖനം എടുത്തുകാട്ടുന്നു. ശരിയായ ഭക്ഷണശീലം, പതിവായി യോഗ പരിശീലിക്കുക, മതിയായ ഉറക്കം ഉറപ്പാക്കുക, കൃത്യസമയത്ത് ആരോഗ്യപരിശോധനകൾ നടത്തുക തുടങ്ങിയ ആരോഗ്യകരമായ ശീലങ്ങൾ കുടുംബങ്ങൾ ജീവിതത്തിൽ ഉൾപ്പെടുത്തണമെന്ന് ലേഖനം പ്രോത്സാഹിപ്പിക്കുന്നു.
പ്രിയപ്പെട്ടവരുടെ ആരോഗ്യത്തിൽ നിക്ഷേപം നടത്തേണ്ടതിന്റെയും കുടുംബങ്ങൾക്കായി ആരോഗ്യകരമായ ഭാവി കെട്ടിപ്പടുക്കേണ്ടതിന്റെയും പ്രാധാന്യവും ലേഖനം അടിവരയിടുന്നു.
പ്രധാനമന്ത്രിയുടെ ഓഫീസ് എക്സിൽ കുറിച്ചു:
“ഈ ധൻതേരസ് ദിനത്തിൽ മെച്ചപ്പെട്ട ആരോഗ്യത്തിനായി പ്രതിജ്ഞയെടുക്കാം!
ആരോഗ്യസംരക്ഷണത്തിന് ആയുർവേദം നൽകുന്ന പ്രാധാന്യത്തെക്കുറിച്ചും പ്രതിരോധ ആരോഗ്യപരിചരണം എന്തുകൊണ്ട് പ്രധാനമാണെന്നും കേന്ദ്ര സഹമന്ത്രി ശ്രീ പ്രതാപ്റാവു ജാധവ് വ്യക്തമാക്കുന്നു. ശരിയായ ഭക്ഷണശീലം, പതിവായ യോഗ പരിശീലനം, മതിയായ ഉറക്കം, കൃത്യസമയത്തുള്ള ആരോഗ്യപരിശോധനകൾ എന്നിവയുൾപ്പെടെയുള്ള ആരോഗ്യകരമായ ശീലങ്ങൾ സ്വീകരിക്കാൻ അദ്ദേഹം കുടുംബങ്ങളെ പ്രോത്സാഹിപ്പിക്കുന്നു.
ഏറ്റവും പ്രധാനപ്പെട്ട കാര്യത്തിൽ നമുക്ക് നിക്ഷേപം നടത്താം — നമ്മുടെ പ്രിയപ്പെട്ടവരുടെ ആരോഗ്യത്തിലും കുടുംബങ്ങളുടെ ആരോഗ്യകരമായ ഭാവിയിലും.”
***
NK