কেন্দ্ৰীয় সচিব শ্ৰী সুধাংশ পণ্টে দিল্লী হাট, আইএনএত শিল্প সমাগম মেলা ২০২৬ পৰিদৰ্শন কৰে

আজি সন্ধিয়া সামাজিক ন্যায় আৰু সবলীকৰণ মন্ত্ৰালয়ৰ কেন্দ্ৰীয় সচিব শ্ৰী সুধাংশ পণ্টে সামাজিক ন্যায় আৰু সবলীকৰণ মন্ত্ৰালয়ৰ দ্বাৰা নতুন দিল্লীৰ দিল্লী হাট, আইএনএত আয়োজন কৰা শিল্প সমাগম মেলা ২০২৬ পৰিদৰ্শন কৰে। তেওঁৰ সৈতে ৰাষ্ট্ৰীয় অনুসূচিত জাতি বিত্ত আৰু উন্নয়ন নিগম (NSFDC)ৰ অধ্যক্ষ তথা পৰিচালন সঞ্চালক শ্ৰী প্ৰভাত ত্যাগী, NSFDCৰ DGM ৰজনীশ বাংকাৰ আৰু মন্ত্ৰালয়ৰ অন্যান্য বিষয়াসকল আছিল।শ্ৰী সুধাংশ পণ্টে বিপণীসমূহ পৰিদৰ্শন ‌কৰে। এই বিপণীসমূহত অনুসূচিত জাতি, অন্যান্য পিছপৰা শ্ৰেণী, চাফাই কৰ্মচাৰী আৰু দিব্যাংগসকলৰ অন্তৰ্গত শিল্পী আৰু হিতাধিকাৰীসকলৰ উদ্যোগিক ক্ষমতাক উত্‍সাহিত কৰাৰ দিশত মন্ত্ৰালয়ৰ নিৰন্তৰ অংগীকাৰ ফুটি উঠিছে, মন্ত্ৰালয় তেওঁলোকক তেওঁলোকৰ সামগ্ৰী প্ৰদৰ্শন আৰু বিপণন কৰিবলৈ এক সহজলভ্য মঞ্চ প্ৰদান কৰিছে। শ্ৰী পণ্টে কয় যে শিল্প সমাগম মেলাই পৰম্পৰাগত শিল্পী আৰু উদ্যোগীসকলক গ্ৰাহকৰ সৈতে সংযোগ কৰা, বজাৰ সংযোগ সৃষ্টি কৰা আৰু জীৱিকাৰ সুযোগ শক্তিশালী কৰাৰ বাবে এক গুৰুত্বপূৰ্ণ মঞ্চ হিচাপে আত্মপ্ৰকাশ কৰিছে। তেওঁ কয় যে মেলাত ১৩০ৰো অধিক ষ্টলৰ জৰিয়তে হস্তশিল্প, হস্ততাঁত সামগ্ৰী, পৰম্পৰাগত বস্ত্ৰ, উৎসৱৰ সজ্জা, চাকি, ঘৰ সজোৱা সামগ্ৰী আৰু অন্যান্য থলুৱা সামগ্ৰীৰ বৈচিত্ৰ্যপূৰ্ণ পৰিসৰ প্ৰদৰ্শন কৰা হৈছে। শ্ৰী পণ্টে কয় যে মন্ত্ৰালয়ে ২০২২ চনৰ পৰা শিল্প সমাগম মেলা আয়োজন কৰি আহিছে। এই মেলাৰ জৰিয়তে অনুসূচিত জাতি, অন্যান্য পিছপৰা শ্ৰেণী আৰু চাফাই কৰ্মচাৰী সম্প্ৰদায়ৰ ১,০০০ ৰো অধিক শিল্পীয়ে তেওঁলোকৰ সামগ্ৰী প্ৰদৰ্শন আৰু বিপণন কৰাৰ সুযোগৰ পৰা লাভান্বিত হৈছে। সচিবগৰাকীয়ে কয় যে শিল্প সমাগম মেলা ২০২৬ দিল্লী হাট, INAত ১৫ নৱেম্বৰ ২০২৬লৈকে অব্যাহত থাকিব। তেওঁ নাগৰিক, পৰিয়াল আৰু দৰ্শনাৰ্থীসকলক পৰম্পৰাগত সামগ্ৰীৰ বৈচিত্ৰ্যপূৰ্ণ পৰিসৰ অন্বেষণ কৰিবলৈ, অংশগ্ৰহণকাৰী শিল্পীসকলৰ কাৰুকাৰ্যৰ প্ৰশংসা কৰিবলৈ আৰু উদ্যোগ, অৰ্থনৈতিক সবলীকৰণ আৰু আত্মনিৰ্ভৰশীলতাৰ দিশত তেওঁলোকৰ প্ৰচেষ্টাক সমৰ্থন কৰিবলৈ আহ্বান জনায়। NSFDCৰ এগৰাকী জ্যেষ্ঠ বিষয়াই কয় যে মেলাই আৰম্ভণিৰ পৰাই উৎসাহজনক বিক্ৰী প্ৰত্যক্ষ কৰিছে, যিয়ে দৰ্শনাৰ্থীসকলৰ উৎসাহজনক সঁহাৰি আৰু হিতাধিকাৰীসকলে নিৰ্মাণ কৰা সামগ্ৰীৰ প্ৰতি বৰ্ধিত প্ৰশংসাক প্ৰতিফলিত কৰে। বিষয়াগৰাকীয়ে কয় যে অংশগ্ৰহণকাৰী চাৰিটা নিগম, যথা NSFDC, NBCFDC, NSKFDC আৰু NDFDC ৰ একত্ৰিত বিক্ৰীৰ পৰিসংখ্যা অনুসৰি, ১ নৱেম্বৰৰ পৰা ৪ নৱেম্বৰ ২০২৬ ৰ ভিতৰত মুঠ ২৯,৮৬,১১০ টকাৰ বিক্ৰী লিপিবদ্ধ কৰা হৈছে। তাৰ পিছত প্ৰায় ৫ লাখ টকাৰ অতিৰিক্ত বিক্ৰীৰ সৈতে, মুঠ বিক্ৰীয়ে বৰ্তমানলৈকে প্ৰায় ৩৪.৮৬ লাখ টকা স্পৰ্শ কৰিছে, যিয়ে মেলাত প্ৰদৰ্শিত সামগ্ৰীৰ প্ৰতি ইতিবাচক বজাৰ সঁহাৰি প্ৰদৰ্শন কৰে বুলি তেওঁ লগতে কয়। ‘প্ৰকাশ ঔৰ পৰম্পৰা – জ্যোতি সে জ্যোতি জলায়ে’-এই মূল বিষয়বস্তুক কেন্দ্ৰ কৰি আয়োজিত, ১৫ দিনীয়া মেলাই সাতটা সুকীয়া থিমযুক্ত অঞ্চলৰ জৰিয়তে ভাৰতৰ চহকী সাংস্কৃতিক ঐতিহ্য আৰু পৰম্পৰাগত কাৰুকাৰ্যক একত্ৰিত কৰে বুলি তেওঁ লগতে কয়। তেওঁ কয় যে ইয়াৰ ভিতৰত কলা আঙ্গন, প্ৰকাশ চৌক, পূজা পথ, সজাৱট বাজাৰ, ঘৰানা, স্বাদ চৌক আৰু মঞ্চ আছে, যিয়ে দৰ্শনাৰ্থীসকলক ভাৰতৰ শৈল্পিক, সাংস্কৃতিক আৰু ৰন্ধন শৈলীগত বৈচিত্ৰ্যৰ এক ব্যাপক অভিজ্ঞতা প্ৰদান কৰে। বিষয়াগৰাকীয়ে কয় যে মেলাই শিল্পীসকলক ভাৰত TULIPৰ দৰে পদক্ষেপৰ জৰিয়তে তেওঁলোকৰ বজাৰৰ পৰিসৰ সম্প্ৰসাৰিত কৰাৰ সুযোগো প্ৰদান কৰে, যিয়ে শিল্পীসকলক ই-কমাৰ্চ মঞ্চৰ সৈতে সংযোগ কৰে, আৰু পাৰ্পল ফেষ্ট, যিয়ে অন্তৰ্ভুক্তি আৰু সমান সুযোগক প্ৰসাৰ কৰাৰ লগতে দিব্যাংগসকলৰ সৃজনশীলতা আৰু সামৰ্থ্যক উদযাপন কৰে। তেওঁ কয় যে অংশগ্ৰহণকাৰী হিতাধিকাৰীসকলক মন্ত্ৰালয়ৰ শীৰ্ষ নিগমসমূহে সহায় কৰে, যাৰ ভিতৰত ৰাষ্ট্ৰীয় অনুসূচিত জাতি বিত্ত আৰু উন্নয়ন নিগম (NSFDC), ৰাষ্ট্ৰীয় পিছপৰা শ্ৰেণী বিত্ত আৰু উন্নয়ন নিগম (NBCFDC), ৰাষ্ট্ৰীয় চাফাই কৰ্মচাৰী বিত্ত আৰু উন্নয়ন নিগম (NSKFDC) আৰু ৰাষ্ট্ৰীয় দিব্যাংগজন বিত্ত আৰু উন্নয়ন নিগম (NDFDC) আছে। মন্ত্ৰালয়ে তেওঁলোকৰ অংশগ্ৰহণৰ সুবিধাৰ্থে বিনামূলীয়া ষ্টল, ভ্ৰমণ খৰচ, দৈনিক ভাট্টা আৰু তেওঁলোকৰ সামগ্ৰীৰ বাবে পৰিবহণ সুবিধা প্ৰদান কৰে বুলি তেওঁ লগতে কয়।

PR-214-TAR/KV/GA/RK