محکمہ ڈاک کی جانب سے ’اسپیشل مہم 6‘ کا نفاذ نچلی ترین سطح تک اہداف سے بڑھ کر کامیابی

وزارت مواصلات کے محکمہ ڈاک نے 2 اکتوبر سے 31 اکتوبر 2026 تک اپنے وسیع ملک گیر نیٹ ورک میں ’اسپیشل مہم 6‘ کامیابی کے ساتھ چلائی۔ اس مہم کے ذریعے ادارے نے ’سووچھتا‘ (صفائی) کو مستقل نظام کا حصہ بنانے، انتظامی کارکردگی کو بہتر بنانے، ماحولیاتی پائیداری کو فروغ دینے اور شہریوں پر مرکوز خدمات کی فراہمی کو مضبوط بنانے کے اپنے عزم کا اعادہ کیا۔

اس مہم کے دوران کلیدی شعبوں میں نمایاں کامیابیاں حاصل ہوئیں۔ محکمہ نے عوام کی 1,50,000 شکایات کا ازالہ کیا اور 1,500 اپیلوں پر کارروائی مکمل کی۔ 1.35 لاکھ مقامات پر صفائی کی سرگرمیوں کے ہدف کے مقابلے میں، محکمہ نے ملک بھر میں 1,50,000 مقامات کا احاطہ کیا۔ اس مہم کے نتیجے میں 2,03,570 مربع فٹ دفتری جگہ بھی خالی ہوئی، جسے اب تعمیری مقاصد کے لیے استعمال کیا جا سکے گا۔

سوچھتا (صفائی): نچلی ترین سطح تک رسائی

محکمہ نے صفائی کے حوالے سے ایک جامع حکمت عملی اپنائی، جس میں صفائی ستھرائی، ریکارڈ کا موثر انتظام، غیر ضروری سامان کو ٹھکانے لگانا، سائنسی بنیادوں پر فضلہ کا انتظام (ویسٹ مینجمنٹ)، جگہ کا بہترین استعمال اور دفتری عمل کو آسان بنانا شامل تھا۔ پوسٹ آفسز، بشمول برانچ پوسٹ آفسز، میل آفسز اور انتظامی دفاتر میں صفائی مہم چلائی گئی، جس میں خاص طور پر عوامی آمد و رفت والے مقامات اور مشترکہ جگہوں پر توجہ دی گئی۔

اس مہم کے ذریعے ’کچرے سے دولت‘ کے تصور کو بھی فروغ دیا گیا، جس میں ناکارہ اشیاء کا دوبارہ استعمال، شجرکاری اور خوبصورتی بڑھانے کے اقدامات شامل تھے۔ قابل ذکر بات یہ ہے کہ کولکتہ میں ’میل موٹر سروسز‘ نے لکڑی کے ناکارہ ٹکڑوں (اسکریپ) کو ری سائیکل کر کے ایک دفتری کمرے کی تزئین و آرائش کی، جو وسائل کے جدید اور تخلیقی استعمال کی ایک بہترین مثال ہے۔

سائنسی ویسٹ مینجمنٹ اور ماحولیاتی پائیداری

’اسپیشل مہم 6‘ کا ایک اہم پہلو کباڑ (اسکریپ) اور ای-ویسٹ (الیکٹرانک فضلہ) کا سائنسی بنیادوں پر انتظام کرنا تھا۔ مہم کے دوران 8.03 لاکھ کلوگرام سے زیادہ اسکریپ اور 58,514 کلوگرام ای-کچرے کو ٹھکانے لگانے سے تقریباً 3.01 کروڑ کی آمدنی ہوئی، جبکہ جگہ کے بہتر استعمال اور ماحولیاتی طور پر ذمہ دارانہ طور پر ٹھکانے لگانے کے طریقوں میں بھی مدد ملی۔

پوسٹل سرکلز نے ماحولیاتی پائیداری کو فروغ دینے کے لیے کئی اختراعی اقدامات کیے ہیں۔ آسام سرکل نے اپنےنیکسٹ جین پوسٹ آفسز میں طلباء کی شرکت کے ساتھ، ضائع شدہ پلاسٹک کے کچرے اور کنٹینرز کو پلانٹر میں تبدیل کر کے عمودی سبز دیواروں کو متعارف کرایا۔ میل موٹر سروسز، نارائنا، نئی دہلی، نے 29 اکتوبر 2026 کو اپنے بیڑے میں 16 الیکٹرک گاڑیاں شامل کیں، جس سے محکمہ کی سبز نقل و حمل کے عزم کو تقویت ملی۔

دیگر اقدامات میں پودے لگانے کی مہم، فضلہ کو الگ کرنے اور کھاد بنانے کے بارے میں آگاہی پروگرام، اور صاف ستھرا ماحول کی حمایت میں کمیونٹی کی شرکت شامل تھی۔

ڈبروگڑھ یونیورسٹی، آسام پوسٹل سرکل،نیکسٹ جین پی او وال میں تبدیل

اوپر سائیکل مواد کا استعمال کرتے ہوئے ہوا صاف کرنے والی سبز دیوار۔

میل موٹر سروسز، نارائنا، نئی دہلی نے اپنے بیڑے میں 16 الیکٹرک گاڑیاں شامل کیں

جن سمپرک ڈاک چوپال: شہریوں تک سرکاری خدمات کی رسائی

’اسپیشل مہم 6‘ کے تحت، محکمہ ڈاک نے شہریوں کے ساتھ روابط کو مضبوط بنانے اور سرکاری خدمات کو عوام کے مزید قریب لانے کے لیے ’ڈاک چوپال‘ کا اہتمام کیا۔ اس اقدام میں ڈیجیٹل انٹرفیس اور مالی شمولیت پر توجہ مرکوز کی گئی، جس میں ’لاسٹ مائل ڈیلیوری‘ (یعنی خدمات کی آخری صارف تک فراہمی) پر خصوصی زور دیا گیا۔ شہریوں کو پوسٹل لائف انشورنس، رورل پوسٹل لائف انشورنس ، انڈیا پوسٹ پیمنٹس بینک، ڈائریکٹ بینیفٹ ٹرانسفر ای کامرس، برآمدی خدمات اور حکومت کی مختلف فلاحی اسکیموں کے بارے میں آگاہ کیا گیا۔

ان ملاقاتوں اور بات چیت کے ذریعے عوامی شکایات کے ازالے، شہریوں کی آراء (فیڈ بیک) حاصل کرنے، اور انڈیا پوسٹ کی جانب سے فراہم کردہ خدمات کے بارے میں بیداری بڑھانے کا موقع ملا۔

اوڈیشہ سرکل کے بھونیشور پوسٹل ڈویژن، بالی پٹنا سب آفس میں منعقدہ ڈاک چوپال

’اسپیشل مہم 6‘ کے تحت ملک گیر سطح پر ایک روزہ خصوصی سرگرمیاں

محکمہ انتظامی اصلاحات و عوامی شکایات کے اقدام کے جواب میں، محکمہ ڈاک نے 23 اکتوبر 2026 کو ملک گیر سطح پر ایک روزہ خصوصی پروگرام کا انعقاد کیا۔ ملک بھر میں کل 1,861 ڈاک چوپال منعقد کیے گئے، جن میں 31,728 خواتین سمیت 76,343 شہریوں نے شرکت کی، اور تقریباً 55,952 مقامات پر صفائی ستھرائی کی سرگرمیاں انجام دی گئیں۔ اس پروگرام کے دوران عوامی شکایات کے 9,007 معاملات بھی حل کیے گئے۔

’اسپیشل مہم 6‘ میں کمیونٹی (عوام) کے ساتھ روابط بڑھانے کے لیے کچھ جدید اور تخلیقی سرگرمیاں بھی شامل تھیں۔ نہرو پلیس پوسٹ آفس میں اسکول کے بچوں کے لیے ’سوچھتا‘ (صفائی) اور ماحولیاتی بیداری کے موضوع پر خطاطی (کیلی گرافی) کا مقابلہ منعقد کیا گیا، جبکہ وسنت کنج پوسٹ آفس میں بچوں نے مٹی کے برتنوں پر رنگ و روغن (پینٹنگ) کرنے اور شجرکاری کی سرگرمیوں میں حصہ لیا۔ ان تقریبات کا مقصد کم عمر بچوں اور نوجوانوں میں صفائی ستھرائی اور ماحولیاتی ذمہ داری کے تصور کو اجاگر کرنا تھا۔ نہرو پلیس پوسٹ آفس، نئی دہلی، وسنت کنج پوسٹ آفس، نئی دہلی

خطاطی کی سرگرمی بچوں نے مٹی کے برتنوں کی پینٹنگ میں حصہ لیا۔

شہریوں کے تاثرات اور ڈیجیٹل اقدامات کو فروغ دینا

محکمہ نے ٹیکنالوجی پر مبنی اقدامات کی بھی حوصلہ افزائی کی تاکہ عمل کی سوچھتا کو مضبوط کیا جا سکے، رسائی کو بہتر بنایا جا سکے اور شہریوں کے تجربے کو بہتر بنایا جا سکے۔ اس سمت میں ایک اہم پہل ڈیجی پوسٹ

 ہے، جو گجرات پولیس کے تعاون سے شروع کی گئی ہے، یہ ایک منفردڈ یجیٹل میل سروس ہے جس کے تحت گجرات پولیس کی طرف سے جاری کردہ ٹریفک ای-چالان ڈیجیٹل طور پر منتقل کیے جاتے ہیں اور شہریوں کو جسمانی طور پر پہنچائے جاتے ہیں۔ یہ پہلبھارتیہ پوسٹ کی وسیع رسائی کا فائدہ اٹھاتی ہے تاکہ اس کے جسمانی پوسٹل نیٹ ورک کے ذریعہ ڈیجیٹل طور پر تیار کردہ شہری خدمات کی فراہمی کو آسان بنایا جاسکے۔

محکمہ نے شفافیت کو مضبوط بنانے اور خدمات کی فراہمی کو بہتر بنانے کے لیے ٹیکنالوجی پر مبنی اقدامات کو اپنانے کی بھی حوصلہ افزائی کی۔ اوڈیشہ سرکل اور جموں و کشمیر پوسٹل سرکلز نے ایک کیو آر

 کوڈ پر مبنی کسٹمر فیڈ بیک میکانزم متعارف کرایا، جس سے صارفین کو متعدد زبانوں میں فیڈ بیک جمع کرانے، تصاویر اپ لوڈ کرنے اور سروس سے متعلقہ مسائل کو اجاگر کرنے کے قابل بنایا گیا۔

مزید، انڈیا پوسٹ کا انشورنس مینجمنٹ سلوشن منصوبوں کی آن لائن تلاش، پریمیم اور فوائد کا موازنہ، آن لائن پالیسی ایپلی کیشنز اور پہلے پریمیم کی ادائیگی کی سہولت فراہم کرتا ہے، جس سے انشورنس خدمات شہریوں کے لیے زیادہ قابل رسائی ہوتی ہیں۔

اڈیشہ پوسٹل سرکل نےجموںوکشمیر سرکل متعارف کرایا جو صفائی کو فروغ دیتا ہے۔

کیو آر کوڈ پر مبنی کسٹمر فیڈ بیک سسٹم مختلف پوسٹ آفسز میںکیو آر کوڈ دکھاتا ہے۔

گجرات پولیس اور انڈیا پوسٹ انڈیا پوسٹ کا انشورنس مینجمنٹ سلوشن

ای چالان کے لیے ڈیجی پوسٹ ایم او یو پر دستخط کریں۔پی ایل آئی ؍آر پی ایل آئی منصوبوں کی آن لائن تلاش کی سہولت فراہم کرتا ہے۔

پائیدار اور ادارہ جاتی سوچھتا کی طرف

خصوصی مہم 6 نے محکمہ ڈاک کی صفائی کو ادارہ جاتی بنانے، انتظامی کارکردگی کو بہتر بنانے، ماحولیاتی پائیداری کو فروغ دینے اور شہریوں پر مرکوز خدمات کی فراہمی کو بڑھانے کی سمت میں مزید تقویت دی ہے۔

قابل پیمائش نتائج، اختراعی اقدامات اور پوسٹل ملازمین اور کمیونٹیز کی فعال شرکت کے ذریعے، محکمہ اپنے اداروں کو صاف ستھرا، زیادہ موثر اور صارف دوست جگہوں میں تبدیل کرنا جاری رکھے ہوئے ہے۔ محکمہ ان طریقوں کو مہم کی مدت سے آگے برقرار رکھنے اور سوچھتا اور کارکردگی کو اپنے روزمرہ کے کام کاج کے ایک لازمی حصہ کے طور پر شامل کرنے کے لیے پرعزم ہے۔

***

(ش ح۔اص)

UR No 7304