ವಿದ್ಯುನ್ಮಾನ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯ
ಪ್ರಕಟಣಾ ದಿನಾಂಕ:
05 NOV 2026 5:29PM by PIB Bengaluru
ದೇಶದಲ್ಲಿ ವಾಸಿಸುತ್ತಿರುವವರಲ್ಲಿಆಧಾರ್ ಆ್ಯಪ್ ನ ಹೆಚ್ಚುತ್ತಿರುವ ಅಳವಡಿಕೆಗೆ ಅನುಗುಣವಾಗಿ, ಜನವರಿಯಲ್ಲಿ ಬಿಡುಗಡೆಯಾದಾಗಿನಿಂದ ಯುಐಡಿಎಐ 300 ಆಫ್‌ಲೈನ್ ಪರಿಶೀಲನೆ ಹುಡುಕುವ ಘಟಕಗಳನ್ನು (ಒವಿಎಸ್ಇ) ಸೇರಿಸಿಕೊಂಡಿದೆ.
ಹೋಟೆಲ್ ಗಳು, ಆತಿಥ್ಯ, ಆರೋಗ್ಯ ರಕ್ಷಣೆ, ಶಿಕ್ಷಣ, ಕಾರ್ಯಕ್ರಮಗಳು, ಗಿಗ್ ಆರ್ಥಿಕತೆ ಮತ್ತು ಗ್ರಾಹಕ ಕೇಂದ್ರಿತ ಕ್ಷೇತ್ರಗಳಾದಿಯಾಗಿ ವಿವಿಧ ಕ್ಷೇತ್ರಗಳಲ್ಲಿ ಆಧಾರ್ ಆಧಾರಿತ ಆಫ್ ಲೈನ್ ಪರಿಶೋಧನೆಯ ಬಳಕೆಯನ್ನು ವಿಸ್ತರಿಸುವ ದಿಕ್ಕಿನಲ್ಲಿ ಒಂದು ಮಹತ್ವದ ಹೆಜ್ಜೆಯಾಗಿದೆ
ಆಧಾರ್ ಆಫ್‌ಲೈನ್ ಪರಿಶೀಲನಾ ಕಾರ್ಯವಿಧಾನದ ಮೂಲಕ ಸುರಕ್ಷಿತ, ಒಪ್ಪಿಗೆ ಆಧಾರಿತ ಮತ್ತು ಕಾಗದರಹಿತ ಪರಿಶೀಲನೆಯನ್ನು ಸಕ್ರಿಯಗೊಳಿಸುವಲ್ಲಿ ಈ ಮೈಲಿಗಲ್ಲು ಒಂದು ಪ್ರಮುಖ ಪ್ರಗತಿಯನ್ನು ಸೂಚಿಸುತ್ತದೆ -- ಸೇವಾ ಪೂರೈಕೆದಾರರು ಮತ್ತು ನಿವಾಸಿಗಳು ಇಬ್ಬರನ್ನೂ ಸಮಾನವಾಗಿ ಸಬಲೀಕರಣಗೊಳಿಸುತ್ತದೆ.
ಈ ಒವಿಎಸ್ ಇ ಪಾಲುದಾರರ ಸೇರ್ಪಡೆಯು ಆಧಾರ್-ಸಕ್ರಿಯಗೊಳಿಸಿದ, ಗೌಪ್ಯತೆಗೆ ಮೊದಲ ಡಿಜಿಟಲ್ ಪರಿಶೀಲನಾ ಚೌಕಟ್ಟುಗಳಲ್ಲಿ ಬೆಳೆಯುತ್ತಿರುವ ವಿಶ್ವಾಸವನ್ನು ಪ್ರತಿಬಿಂಬಿಸುತ್ತದೆ, ಇದು ಬಳಕೆದಾರರ ನಿಯಂತ್ರಣಕ್ಕೆ ಆದ್ಯತೆ ನೀಡುತ್ತದೆ ಮತ್ತು ಡಿಪಿಡಿಪಿ ಕಾಯ್ದೆಯ ನಿಬಂಧನೆಗಳೊಂದಿಗೆ ಹೊಂದಾಣಿಕೆಯಲ್ಲಿ ಸುಲಭ ಪ್ರವೇಶ ಮತ್ತು ಕನಿಷ್ಠ ದತ್ತಾಂಶವನ್ನು ಖಚಿತಪಡಿಸುತ್ತದೆ.
ನಿವಾಸಿಗಳ ಸ್ಮಾರ್ಟ್ಫೋನ್ ಗಳಿಗೆ ಅಗತ್ಯ ಸೇವೆಗಳನ್ನು ತರುವ ಮೂಲಕ ಮತ್ತು ಆಫ್‌ಲೈನ್ ಪರಿಶೀಲನೆಗಾಗಿ ಸಾಂಸ್ಥಿಕ ಪರಿಸರ ವ್ಯವಸ್ಥೆಯನ್ನು ವಿಸ್ತರಿಸುವ ಮೂಲಕ, ಯುಐಡಿಎಐ ನಿವಾಸಿಗಳು ಮತ್ತು ಸಂಸ್ಥೆಗಳಿಗೆ ಡಿಜಿಟಲ್ ಗುರುತಿನ ಅನುಭವವನ್ನು ಬಲಪಡಿಸುತ್ತಿದೆ.
ಆಧಾರ್ ಆ್ಯಪ್ ಇಲ್ಲಿಯವರೆಗೆ ಸುಮಾರು 7.5 ಕೋಟಿ ಡೌನ್ಲೋಡ್ ಗಳನ್ನು ದಾಖಲಿಸುವುದರೊಂದಿಗೆ ಜನಪ್ರಿಯತೆಯನ್ನು ಪಡೆಯುತ್ತಿದೆ. ಈ ಬೆಳೆಯುತ್ತಿರುವ ಅಳವಡಿಕೆಯು ಭಾರತದ ವಿಶಿಷ್ಟ ಗುರುತಿನ ಪ್ರಾಧಿಕಾರ (ಯುಐಡಿಎಐ) ಮತ್ತು ನಿವಾಸಿಗಳ ನಡುವಿನ ಪ್ರಮುಖ ಡಿಜಿಟಲ್ ಸಂಪರ್ಕ ಸೇತುವೆಯಾಗಿ ಅದರ ವಿಕಸನಗೊಳ್ಳುತ್ತಿರುವ ಪಾತ್ರವನ್ನು ಒತ್ತಿಹೇಳುತ್ತದೆ, ಆಧಾರ್ ಸಂಖ್ಯೆ ಹೊಂದಿರುವವರು ತಮ್ಮ ಸ್ಮಾರ್ಟ್ಫೋನ್ ಗಳ ಮೂಲಕ ಆಧಾರ್ ಸಂಬಂಧಿತ ಸೇವೆಗಳನ್ನು ಅನುಕೂಲಕರವಾಗಿ ಕಾಣಲು , ಪಡೆಯಲು ಅನುವು ಮಾಡಿಕೊಡುತ್ತದೆ.
ಈ ಆ್ಯಪ್ 86 ಲಕ್ಷಕ್ಕೂ ಹೆಚ್ಚು ಮೊಬೈಲ್ ಸಂಖ್ಯೆ ನವೀಕರಣಗಳು, 22.16 ಲಕ್ಷ ವಿಳಾಸ ನವೀಕರಣಗಳು ಮತ್ತು 40.25 ಲಕ್ಷ ಇಮೇಲ್ ನವೀಕರಣಗಳು ಸೇರಿದಂತೆ ಪ್ರಮುಖ ಸೇವೆಗಳ ಗಣನೀಯ ಬಳಕೆಯನ್ನು ಸುಗಮಗೊಳಿಸಿದೆ. ಈ ಸೇವೆಗಳು ನಿವಾಸಿಗಳು ಕೇಂದ್ರಕ್ಕೆ ಖುದ್ದು ಭೇಟಿ ನೀಡದೆಯೇ ಆ್ಯಪ್ ಮುಖಾಂತರ ತಮ್ಮ ವಿವರಗಳನ್ನು ಅನುಕೂಲಕರವಾಗಿ ನವೀಕರಿಸಲು ಅನುವು ಮಾಡಿಕೊಡುತ್ತದೆ.
ಆ್ಯಪ್ 4.6 ಕೋಟಿ ಬಯೋಮೆಟ್ರಿಕ್ ಲಾಕ್ ಮತ್ತು ಅನ್ಲಾಕ್ ವಹಿವಾಟುಗಳನ್ನು ದಾಖಲಿಸಿದೆ, ಇದು ಬೆಳೆಯುತ್ತಿರುವ ಅರಿವು ಮತ್ತು ಭದ್ರತಾ ವೈಶಿಷ್ಟ್ಯಗಳ ಅಳವಡಿಕೆಯನ್ನು ಪ್ರತಿಬಿಂಬಿಸುತ್ತದೆ, ಇದು ದೇಶದ ನಿವಾಸಿಗಳಿಗೆ ಅವರ ಬಯೋಮೆಟ್ರಿಕ್ ಗಳ ಬಳಕೆಯ ಮೇಲೆ ಹೆಚ್ಚಿನ ನಿಯಂತ್ರಣವನ್ನು ನೀಡುತ್ತದೆ.
ಹೆಚ್ಚುವರಿಯಾಗಿ, 3.61 ಲಕ್ಷ ಆಧಾರ್ ಲಾಕ್ ಮತ್ತು ಅನ್ಲಾಕ್ ವಹಿವಾಟುಗಳನ್ನು ಆ್ಯಪ್ ಮೂಲಕ ದಾಖಲಿಸಲಾಗಿದೆ. ಬಯೋಮೆಟ್ರಿಕ್ ಲಾಕ್ ಮತ್ತು ಅನ್ಲಾಕ್ ಮತ್ತು ಆಧಾರ್ ಲಾಕ್ ಮತ್ತು ಅನ್ಲಾಕ್ ವೈಶಿಷ್ಟ್ಯಗಳು ಆಧಾರ್ ಸಂಖ್ಯೆ ಹೊಂದಿರುವವರಿಗೆ ತಮ್ಮ ಆಯ್ಕೆಯ ಗೌಪ್ಯತೆಯ ಮತ್ತೊಂದು ಪದರವನ್ನು ಸೇರಿಸಲು ಅಧಿಕಾರ ನೀಡುತ್ತವೆ.
ಈ ಉಪಕ್ರಮಗಳು ಸರ್ಕಾರದ ಡಿಜಿಟಲ್ ಇಂಡಿಯಾ ದೃಷ್ಟಿಕೋನ ಮತ್ತು ವಿಕಸಿತ ಭಾರತಕ್ಕಾಗಿ ಸುರಕ್ಷಿತ, ಸುಲಭಲಭ್ಯವಾಗಿರುವ ಮತ್ತು ತಂತ್ರಜ್ಞಾನದಿಂದ ಸಕ್ರಿಯಗೊಳಿಸಿದ ಸಾರ್ವಜನಿಕ ಸೇವೆಗಳ ಮೂಲಕ ಜೀವನದ ಸುಲಭತೆಯನ್ನು ಸುಧಾರಿಸುವ ವಿಶಾಲ ಉದ್ದೇಶದೊಂದಿಗೆ ಅನುಗುಣವಾಗುತ್ತವೆ.
*****