ভগবান বুদ্ধগী শেংলবা রেলিকশিং তৱাং মোনাস্তরীদা থুংখ্রে; এক্সপোজিসন অসিনা অরুনাচল প্রদেশকী বুদ্ধিস্ত হেরিতেজকী মরু ওইবা মীকুপ অমা ওইখ্রে

অরুনাচল প্রদেশকী মুখ্য মন্ত্রী শ্রী পেমা খাণ্ডুনা ২০২৬কী ওক্তোবর ৩১দা তৱাংদা নেস্নেল ম্যুজিয়ম, ন্যু দিল্লীদগী শাক্যমুনি বুদ্ধগী শেংলবা হোলী রেলিকশিং অসি হৌনবী মতুং ইন্না ওক্লদুনা অরুনাচল প্রদেশতা ভারতকী বুদ্ধ হেরিতেজগী মরুওইবা এক্সপোজিসন অমা হৌদোকখি। কলচর অমসুং তুরিজমগী কেন্দ্রগী মন্ত্রী শ্রী গজেন্দ্র সিংহ শেখাৱত, ইকাই খুম্নরবা বুদ্ধিস্ত লম্বোইবশিং, ধর্মগী লুচিংবশিং অমসুং ভক্তশিংনা শরুক য়াদুনা পুৱারী ওইরবা গাদেন নামগ্যাল লহৎসে (তৱাং মোনাস্তরী) দা শেংলবা রেলিকশিং অসি চৎনবীগী ওইবা ধর্মগী ওকপগী থৌরম অমা পাংথোকখি।

এক্সপোজিসন অসি ভারত সরকারগী কলচর মন্ত্রালয়না অরুনাচল প্রদেশ সরকার, ইন্তর্নেস্নেল বুদ্ধিস্ত কনফেদরেসন (আই.বি.সি.) অমসুং নেস্নেল ম্যুজিয়ম, ন্যু দিল্লীগা খুৎশম্নদুনা শীন-লাংদুনা পাংথোক্লি। মসিনা ভক্তশিং অমসুং মীয়ামদা বুদ্ধ ধর্মগী মরুওইবা সেন্তর অহুম - তৱাং, বোমদিলা অমসুং নমসাইনা শেংলবা রেলিকশিংদা ইকাই খুম্নবা উৎপগী খুদোংচাবা ফংহল্লগনি।

তৱাংদা হৌদোকপগী থৌরম অদুদা কেন্দ্রগী কলচর অমসুং তুরিজম মন্ত্রী, শ্রী গজেন্দ্র সিংহ শেখাৱত, অরুনাচল প্রদেশকী মুখ্য মন্ত্রী, শ্রী পেমা খাণ্ডু, ইকাই খুম্নরবা বুদ্ধিস্ত লম্বোইবশিং, ইন্তর্নেস্নেল বুদ্ধিস্ত কনফেদরেসনগী মীহুৎশিং, অতোপ্পা শক্নাইরবশিং অমসুং ভক্তশিংনা শরুক য়াখি।

থৌরম অদুদা মহাক্কী পাউজেলদা, ইকাই খুম্নরবা প্রধান মন্ত্রী শ্রী নরেন্দ্র মোদীনা অরুনাচল প্রদেশতা ভগবান বুদ্ধগী হোলী রেলিকশিংগী এক্সপোজিসন পাংথোকখিবদা নুংঙাইবা ফোঙদোকখি, মহাক্না মসি চাউরবা স্পিরিচুএল অমসুং কলচরেলগী মরুওইবা থৌরম অমনি হায়না ফোংদোকখি। চহি চা অমরোমগী মতুংদা অশেংবা পিপরহৱা রেলিকশিং য়ুমদা হল্লকপা অসি চাউথোকচনীংঙাই অমসুং নুংঙাইবা তাঙ্কক অমনি হায়না মহাক্না ফোংদোকখি। এক্সপোজিসন অসিনা ভারতকী বুদ্ধ হেরিতেজ অমসুং ভগবান বুদ্ধগী য়ুনিভর্সেল ওইবা তাকপি-তম্বীরম্বশিংবু হেন্না মপাঙ্গল কনখৎহল্লগনি হায়না মহাক্না থাজবা ফোংদোকখি।

মসিগী এক্সপোজিসন অসি লাইরমলেনদগী বুদ্ধনা লাকপগী তিবেৎকী বুদ্ধিস্ত চৎনবীদা মরু ওইবা থৌরম অমা ওইরিবা লহাবব দুচেনগা চান্ননা তামিন্নবা অসি অখন্ননা স্পিরিচুএল ওইনা মরু ওইরি।

অরিবা মতমগী কপিলাবস্তু অমসুং ভগবান বুদ্ধগী শাক্য চৎনবীগা মরী লৈনবা আর্কিয়োলোজিকেল সাইত অমা ওইরিবা উত্তর প্রদেশকী পিপরহৱাদগী শেংলবা রেলিকশিং অসি হৌরকখি। ন্যু দিল্লীগী নেস্নেল ম্যুজিয়মদা ঙাক-শেন্দুনা থম্বা, মসিগী রেলিকশিং অসি বুদ্ধিস্ত কম্ম্যুনিতীশিংগীদমক পুৱারী ওইরবা, আর্কিয়োলোজিকেল অমসুং স্পিরিচুএলগী ওইবা মরুওইবা য়াম্না লৈ।

অন আর্থিং দি সেক্রেদ পিপরহৱা: দি স্তোরী ওফ দি হোলী বুদ্ধ রেলিক্স এন্দ দিয়র দিস্কোভরী হায়না মিংথোনবা একজিবিসন অমনা পিপরহৱাদা আর্কিয়োলোজিকেল দিস্কোভরীগী পুৱারী, রেলিক অসিবু ইকাই খুম্নবা উৎপা অমসুং পিপরহৱা হেরিতেজকী খোঙচৎ, ভারততা অমুক হন্না পুরকপা য়াওনা উৎকনি।

ইন্তর্নেস্নেল বুদ্ধিস্ত কনফেদরেসননা অরুনাচল প্রদেশকী সরকারগা খুৎশম্নদুনা ২০২৬গী নবেম্বর ২দা তাৱাং, কালাৱাংপো কনভেন্সন হোলদা 'বুদ্ধিজম: হিমালয়ান রিজন অমসুং মসিগী ৱাংমদা শন্দোকপা' হায়না মিংথোনবা ইন্তর্নেস্নেল কনফরেন্স অমা শীনগনি।

এক্সপোজিসন অসি নবেম্বর ১দগী ৭ ফাওবা তৱাং মোনাস্তরীদা মখা চত্থগনি। মসিগী মতুংদা নবেম্বর ৮দগী ১৩ ফাওবা বোমদিলাগী তি.জি.এল. মোনাস্তরী (লোয়র গোম্পা) অমসুং নবেম্বর ১৪দগী ২০ ফাওবা নমসাইগী গোল্দন পেগোদাদা চৎকনি। ২০২৬কী নবেম্বরগী তাং ২১দা শেংলবা রেলিকশিং অসি নেস্নেল ম্যুজিয়ম, ন্যু দিল্লীদা অমুক পুখিনবা থৌরাং তৌরি।

এক্সপোজিসন অসিনা ভারতকী বুদ্ধিস্ত হেরিতেজ অসি অৱাং-নোংপোক লমদমগী কম্ম্যুনিতীশিংদা হেন্না নকশিন্নহন্নবা মরুওইবা খোঙথাং অমা উৎলি। মসিগা লোয়ননা ভগবান বুদ্ধগী য়ুনিভর্সেল ওইবা তাকপী-তম্বীরম্বশিং - শান্তি, নুংশি-চান্নবা, অহিংসা অমসুং অমত্তা ওইবগী ৱাখল্লোনশিংবু প্রমোৎ তৌরি।

অসিগুম্বা খোঙথাংশিং অসিগী খুত্থাংদা, ভারত সরকারনা লৈবাক অসিগী চাউরবা বুদ্ধিস্ত হেরিতেজ অসিবু ঙাক-শেন্দুনা থম্নবা, প্রমোৎ তৌনবা অমসুং শন্দোক্নবা অমসুং মালেম শিনবা থুংনা লৈরিবা বুদ্ধিস্ত কম্ম্যুনিতীশিংগা লোয়ননা ভারতকী পুৱারীগী ওইবা অমসুং স্পিরিচুএলগী ওইবা মরী অসি মপাঙ্গল কনখৎহন্নবা হোৎনরি।

***