نائب صدر جمہوریہ اور راجیہ سبھا کے چیئرمین، جناب سی پی رادھا کرشنن نے یورپی پارلیمنٹ کی کمیٹی برائے امورِ خارجہ (اے ایف ای ٹی) کے وفد سے ملاقات کی

نائب صدر اور راجیہ سبھا کے چیئرمین، جناب سی پی رادھا کرشنن نے آج پارلیمنٹ ہاؤس، نئی دہلی میں عزت مآب جناب ڈیوڈ میک ایلسٹر کی قیادت میں یورپی پارلیمنٹ کی کمیٹی برائے امورِ خارجہ (اے ایف ای ٹی) کے ایک وفد سے ملاقات کی۔ انھوں نے کہا کہ بھارت-یورپی یونین کے تعلقات نے حالیہ برسوں میں مختلف شعبوں میں نمایاں پیش رفت دیکھی ہے اور اسے آگے بڑھانے کے لیے بھارت اور یورپی یونین دونوں کی قیادت کا شکریہ ادا کیا۔

تعلقات کی مشترکہ بنیاد پر زور دیتے ہوئے، جناب رادھا کرشنن نے زور دے کر کہا کہ دو سب سے بڑی جمہوریتوں اور کھلی منڈی کی معیشتوں کے طور پر، متنوع اور کثیر ثقافتی معاشروں کے ساتھ، بھارت اور یورپی یونین ایک لچک دار کثیر قطبی عالمی نظام کی تشکیل میں مشترکہ مفاد رکھتے ہیں۔ انھوں نے اس بات کو اجاگر کیا کہ 2025 میں عزت مآب صدر ارسولا وان ڈیر لیین کی قیادت میں کمشنرز کے کالج کے دورے کے بعد سے قائم ہونے والے ادارہ جاتی روابط نے، حکومت کے کلی نقطہ نظر کے ساتھ، نتیجہ خیز نتائج دیے ہیں۔

اعلیٰ سطحی مصروفیات کو یاد کرتے ہوئے، چیئرمین نے ذکر کیا کہ یورپی کونسل کے صدر اور یورپی کمیشن کے صدر یومِ جمہوریہ کی تقریباًًت کے دوران مہمانِ خصوصی کے طور پر شریک ہوئے۔ 16ویں بھارت-یورپی یونین سربراہی کانفرنس کے لیے ان کے سرکاری دورے نے شراکت داری کو زبردست تحریک دی۔

تجارت اور سرمایہ کاری پر توجہ مرکوز کرتے ہوئے، جناب رادھا کرشنن نے اس بات کو اجاگر کیا کہ بھارت اور یورپی یونین مل کر تقریباًً 25 ٹریلین امریکی ڈالر کی مشترکہ منڈی اور تقریباًً دو ارب افراد کی نمائندگی کرتے ہیں۔ مجوزہ آزاد تجارتی معاہدے کو ’تمام معاہدوں کی ماں‘ قرار دیتے ہوئے، چیئرمین نے امید ظاہر کی کہ اس پر اس سال دستخط ہو جائیں گے اور اس کی تکمیل کے لیے یورپی پارلیمنٹ کی مطلوبہ حمایت طلب کی۔

ٹکنالوجی، تحقیق اور جدت طرازی میں تعاون پر خطاب کرتے ہوئے، جناب سی پی رادھا کرشنن نے اعلیٰ سطحی اسٹریٹجک ہم آہنگی میں بھارت-یورپی یونین تجارت اور ٹکنالوجی کونسل (ٹی ٹی سی) کے اہم کردار کو سراہا۔ انھوں نے باوقار ہورائزن یورپ پروگرام کے ساتھ بھارت کی وابستگی پر مذاکرات کے اختتام پر بھی اطمینان کا اظہار کیا۔

ملاقات کے دوران، چیئرمین نے آج اسپین میں ہونے والے المناک ٹرین حادثے پر بھی گہرے دکھ کا اظہار کیا۔

راجیہ سبھا کے ارکان جناب سنجے کمار جھا (صدر، بھارت-جرمنی پارلیمانی دوستی گروپ)؛ جناب سریندر سنگھ ناگر (صدر، بھارت-پولینڈ پارلیمانی دوستی گروپ)؛ جناب امر پال موریا (صدر، بھارت-پولینڈ پارلیمانی دوستی گروپ)؛ اور محترمہ پی ٹی اوشا (صدر، بھارت-جرمنی پارلیمانی دوستی گروپ) نے بھی اس ملاقات میں شرکت کی۔

***

(ش ح - ع ا)

U.No. 6865