থাগৎখিবা:
27 OCT 2026 7:39PM by PIB Imphal
প্রধান মন্ত্রী শ্রী নরেন্দ্র মোদীনা ঙসি নই দিল্লিগী ভারত মন্দপমদা ইমর্জিং সাইন্স, তেক্নোলোজি অমসুং ইনোবেসন কনক্লেব ২০২৬ শঙ্গাখ্রে। কনক্লেব অসিদা ৱা ঙাংলদুনা প্রধান মন্ত্রীনা নুমিৎ অসিগী মমাঙদা স্তার্তঅপ ফাওন্দরশিংগা থৱায় য়াওনা ৱারি সান্নরবা মতুংদা মহাক্কী থৱায় য়াওবা অদু ফোঙদোকখি। মহাক্না জাতিগী নহারোলশিংগী পাক চাওরবা মিত্য়েং অমসুং থৌনা ফবা ৱারেপ অদু থাগৎখি। শ্রী মোদীনা রিমার্ক তৌরদুনা হায়খি, “ভারতকি নহারোলশিংনা খনবগী চাং অমসুং মখোয়না মাংলোমদা চংশিল্লিবা মশানা মশাবু থাজজবা অসি পুক্নিং থৌগৎনিংঙায়নি।”
কনক্লেবকি মমাঙগী এদিসন্দা মহাক্না শরুক য়াখিবা অদু নিংশিংলদুনা প্রধান মন্ত্রীনা হৌখিবা দিকেদ কয়া, মদুদা ভারতনা চহি কয়াগী মতুংদা মপান লৈবাক্কি ইনোবেসনশিং এদোপ্ত তৌদুনা নত্রগা মোদিফাই তৌদুনা সুপ্নতগী কেচ-অপ সান্নখিবা মতম অদুদা, অরিবা তেক্নোলোজিশিং শেমগৎনবা, মালেমগী ওয়বা মায়কৈশিং লেপথোক্নবা, অমসুং মালেম শিনবা থুংনা শিংনবশিং কোকহন্নবা পান্দম থম্লিবা ২১সুবা চহিচাগী ভারতকি অনৌবা ৱাখল্লোন অদুগা চাংদম্নখি। জাতি অসিনা মতৌ করম্না মখোয়গী মিশিং ইনওক্যুলেৎ তৌনবা অমসুং অতোপ্পা লৈবাকশিংদা সপ্লাই তৌনবা ইন্দিজেনস কোবিদ-১৯ তিকাশিং পুথোকখিবগে হায়বদু পন্দুনা, মসিগী অহানবা হোৎনবদা মংলান য়ৌবা অমসুং মশক খঙদবা লুনার সাউথ পোলদা লেন্দ তৌবগা লোয়ননা মহাক্না লৈবাক অসিগীদমক্তা থৌনা ফবা তেক্নোলোজিগী মিত্য়েং অমা ফোঙদোকখি।"ভারতনা তুংগী তেক্নোলোজিশিং অসি লৌশিনগদবনি, থৌনা ফনা অনৌবা পুথোকপা তাই, অমসুং মখোয়শিং অসি শেমগৎপদা মালেমদা মাংজিল থাগদবনি,” হায়না পি.এম. না ফোংদোকখি৷
জিরো অমসুং নম্বর সিস্তেম ইনভেন্সন্দগী হৌরগা এস্ত্রোনোমি ফাওবগী দিসকোভরিগী ভারতকি ইনাক খুল্লবা হেরিতেজ অদু ফোঙদোক্লদুনা প্রধান মন্ত্রীনা নোৎ তৌখি মদুদি লৈবাক অসিনা সাইন্তিফিক লিগেসি অসি মোদর্ন তেক্নোলোজি অমসুং অনৌবা থাজবগা লোয়ননা মাংলোমদা পুখৎলি, মসি হৌখিবা চহি অমদা মায়লস্তোন কয়ানা উৎলে। জাতি অসিনা ওক্তোবর ৩০দা দোক্তর হোমি জহাঙ্গির ভাভাগী মপোক কুমওন পাঙথোক্কদৌরিবা অসিগা লোয়ননা মহাক্না ন্যুক্লিয়র সেক্তরগা লোয়ননা হন্দক্তা লাকখিবা অহোঙবশিংগী মতাঙদা মহাক্কী রিভিয়ু হৌনবা খনখি।’’ মরম অসিনা ঐখোয়না ন্যুক্লিয়র ইনর্জিদগী হৌরসি,” হায়না শ্রী মোদীনা ফোঙদোকখি।
মপান্দগী পুশিল্লকপা ন্যুক্লিয়র ফ্যুএলদা থাজবা থম্বা অসিনা ইনর্জি সেক্যুরিতিদা শিংনবা অমা ওইরকপগা লোয়ননা বিকসিত ভারত অমা শেম্বদা অচৌবা ন্যুক্লিয়র ইনর্জি কেপাসিতিগী মথৌ তাই হায়না অকনবা ৱাফম থম্লদুনা প্রধান মন্ত্রীনা জাতি অসিনা মসিগী ফাস্ত ব্রিদর রিএক্তর তেক্নোলোজি অসি য়াম্না থুনা মাংলোমদা পুখৎলি হায়না ফোঙদোকখি। মহাক্না ফোঙদোকখি মদুদি থা খরগী মমাঙদা ইন্দিজিনস মেগাৱাত্ ৫০০গী প্রোতোতাইপ ফাস্ত ব্রিদর রিএক্তর অসিনা ফার্স্ত ক্রিতিকেলিতি মায় পাক্না ফংখি। পি.এম.না হায়খি " মসি ন্যুক্লিয়র ইনর্জিগী লমদা ঐখোয়গী মতম শাংবা পাঙ্গলশিং অসি হেন্না কনখৎহন্নবগী মায়কৈদা অচৌবা খোংথাং অমা ওইরে "৷
ভারতকি এম্বিসন অসি দোমেস্তিক ইনর্জি সেক্যুরিতি অমসুং তেক্নোলোজিগী ওয়বা মশা-মরোমদোম লেপচবা ঙম্বগী মথক্তা মরু ওয়বা তেক্নোলোজিশিংগী মরক্তা খোঙফম পাকথোক-চাওথোকহনবতা নত্তনা প্রধান মন্ত্রীনা চহি অসিদা স্পেস সেক্তরগী অচৌবা মায় পাকপশিং ফোঙদোকখি, মসিদা ভারতকি স্পেস স্তার্তঅপ অমনা মেদ-ইন-ইন্দিয়া রোকেৎ শিজিন্নদুনা অহানবা ওইনা হোৎনবদা সেতলাইৎ অমা ওরবিত্তা থম্নবা অমসুং লৈবাক অসিনা সেতলাইৎ দোকিং কেপেবিলিতি মাস্তর তৌবা য়াওরি। মহাক্না মখা তানা হায়খি মদুদি দোমেস্তিক স্তার্তঅপ কয়ানা নহা ওইরিবা সাইন্তিস্তশিং অমসুং ওন্তর্প্রিনরশিংদগী শরুক য়াবা হেনগত্লকপগা লোয়ননা নোভেল স্পেস সাইন্স সোলুসনশিং পুথোক্লি। শ্রী মোদীনা অকনবা ৱাফম থমখি মদুদি ঐখোয়গী পান্দমদি ক্রিতিকেল তেক্নোলোজিশিংদা ঐখোয়গী শক্তি পাকথোক চাওথোকহনবনি।
ভারতকি মল্তি-সেক্তোরেল এচিবমেন্তশিংগী শেংলবা পাক-চাওবা অসি মমাঙদা অমুক্তা ওইখিদ্রিবা মওংদা ফোঙদোক্লদুনা প্রধান মন্ত্রীনা থোইদোক্না ফোংদোকখি মদুদি চহি অসিদা লৈবাক অসিনা এ.আই.ইম্পেক্ত সমিৎ পাংথোকখি, মশাগী ওয়বা এ.আই. মহাক্না মসিমসু পনখি মদুদি জাতি অসিনা লৈবাক অসিদা ফংলিবা রো মেতরিয়েলশিংদা মপুঙ ফানা এঙ্কর তৌরবা বেত্তরি স্তোরেজ কেপাসিতি অসি এক্তিব ওইনা শেমগত্লি। পি.এম. না ফোংদোকখি, "ভারতনা মখল কয়াগী সেক্তরশিংদা মায় পাক্লক্লিবা অসি হান্না অমুক্তা ওইখিদ্রিবা মওংদনি৷"
ন্যুক্লিয়র অমসুং স্পেসতগী হৌরগা এ.আই. অমসুং সেমিকন্দক্তর ফাওবগী সেক্তরশিংদা তোপ তোপ্পা মথৌ তাবশিং লৈরবসু, মখোয়না পুন্নাা ভারতকি হেনগৎলক্লিবা পাঙ্গল অমসুং থোরক্লিবা তেক্নোলোজিশিংদা থাজবা হেনগত্লকপগী খুদম ওইনা উরদুনা, প্রধান মন্ত্রীনা লৈবাক অসিগী অথোয়বা অহোঙবশিংনা মালেমগী ওয়বা শিংনবশিং কোকহনবা ঙম্নবা ‘সোলুসন এত স্কেল’ পিবগী জাতি অসিগী অখন্নবা কেপাসিতিদা মিত্য়েং থমখি। দিজিতেল স্তেক অমসুং ইন্দিজেনস ৫জি. তেক্নোলোজিগী মায় পাকপা অদু পনখি, মহাক্না সেক্যুর ওয়বা, মিশিংগী চাংদা প্লেৎফোর্মশিং শেমগৎনবা হৌজিক চত্থরিবা খোঙথাং অদুদা অকনবা ৱাফম থমখি। শ্রী মোদীনা চেৎনা হায়খি, “ভারতনা অচৌবা মওংদা মিয়ামদা য়ৌহনবা ঙম্বা অসিগুম্বা সেক্যুর সোলুসনশিং শেমগৎপগী মায়কৈদা মাংলোমদা চংশিল্লি।”
সাইন্স অমসুং তেক্নোলোজিবু খুতসু-খুত্লাই ওইনা লৌবগী পুৱারিগী ওয়বা ৱাখল্লোন অদুগা মিওয়বা জাতিগী সেবা তৌবদা শিজিন্ননবা ভারতকি ৱাখললোনগা মান্নহন্দুনা প্রধান মন্ত্রীনা হায়খি মদুদি অচুম্বা সাইন্তিফিক মায় পাকপা অসি ইচম চম্বা পু্ন্সি ফগৎহন্নবা, অচৌবা অরুবশিং কোকহন্নবা, অমসুং হেলথকেয়র, লৌউ-শিংউ, মহৈ-মশিং, থবক পিবা, অমসুং দিজাস্তর রেজিলিয়েনস মপাঙ্গল কনখৎহন্নবা লেবতগী থোরকপা অসিনি। ভারতকি স্তার্তঅপশিংনা হিরমশিং অসিবু মরু ওইনা লৌবদা হরাওবা ফোঙদোক্লদুনা মহাকনা স্তার্তঅপশিং অমাশুং দোমেস্তিক কম্পেনিশিংনা মখল কয়াগী হিরমশিংদা থবক তৌরিবা খুদমশিং পনখি। মসিদা য়াওরিবশিংদি: ব্রেনগী থবক থৌরমশিং খঙদোক্নবা শিজিন্নবা য়াবা ই.ই.জি.গী তেক্নোলোজি, ইন্দিজেনস ৱায়রলেশ অমসুং সেতেলাইত কম্ম্যুনিকেসনশিং, অখন্নবা ন্যুত্রিসনগী পোত্থোকশিং, অনৌবা সেমিকন্দক্তর তেক্নোলোজিশিং, অমসুং স্তীল স্লেগগুম্বা ইন্দস্ত্রিগী অমোৎপশিং শিজিন্ননবা সোলুসনশিং য়াওরি। প্রধান মন্ত্রী মোদীনা হায়খি, সাইন্সকি অশেংবা মায় পাকপা অদুদি মসিনা লেবোরেতরিদগী লাপথোক্না লৈবা অমসুং ইচম চম্বা নাগরিকশিংগী পুন্সিদা অহোঙবা পুরকপা মতমদুদনি।
চেন্নাইগী আই.আই.তি.মদ্রাজতা হন্দক্তা মহাক্কী এক্সপরিয়েনস অদু সেয়র তৌরদুনা প্রধান মন্ত্রীনা মিওয়বাগী ব্রেনগী হায়-রিজোলুসন দিজিতেল ৩দি. ইমেজশিং শেমগৎনবা অমসুং কমপ্লেক্স ন্যুরোলোজিকেল দিজিজশিং লাকশিন্নবা মালেমগী ওইনা খুদম ওয়বা ব্রেন ইমেজিং তেক্নোলোজি প্লেৎফোর্ম অমা শেমগত্লবা মোদর্ন ব্রেন সেন্তর অমা হৌদোকখিবা অদু নিংশিংখি। মহাক্না লাওথোকখি মদুদি ‘সাইন্স ফোর সোসাইতি’ অমসুং ‘তেক্নোলোজি ফোর ত্রান্সফোরমেসন’না সাইন্তিফিক প্রোগ্রেশকি অরোয়বা বেঞ্চমার্ক ওইনা থবক তৌগদবনি।"অদুগা ভারতনা য়াম্না তচস্তোন অসিদা মশাবু তেস্ত তৌদুনা মাংলোমদা চংশিল্লি,” হায়না শ্রী মোদীনা চেৎনা হায়খি।
জাতি অমাগী তেক্নোলোজি শেম্বাগী তৌবা ঙম্বা অমসুং মরু ওয়বা তেক্নোলোজিশিংদা মশানা মরোমদোম লেপচবা ঙম্বা অসি অচেৎপা রিসর্চতা য়ুম্ফম ওয়বনি হায়না ফোঙদোক্লদুনা,মহাক্কী খোঞ্জেল জয় বিজ্ঞান, জয় অনুসন্ধানগী মতুংদা লৈরিবা ৱাখল্লোন অদু ফোঙদোক্লদুনা প্রধান মন্ত্রীনা অনুসন্ধান নেস্নেল রিসর্চ ফাওন্দেসনগী খোঙজেল য়াঙবা খোঙজেল অদু থোইদোক্না ফোংদোকখি অমসুং মমাঙ চহিগী ফোরম অসিদা রিসর্চ, দিবেলপমেন্ত, অমসুং ইনোবেসনগীদমক লুপা কোতি লাখ অমা পিনবা ৱাশকখিবা অদু নিংশিংখি। মহাক্না ফোঙদোকখি মদুদি হৌখিবা চহি অমদা সরকারনা মার্কেৎ-রেদি লেব তেক্নোলোজিগীদমক কমিৎ তৌখিবা লুপা কোতি ১২,০০০ অসি লন্নাই ইনভেস্তরশিংদগী লুপা কোতি ১২,০০০গা চপ মান্ননা চুশিন্নখ্রে। "মসিনা তাকপদি চহি অমখক্তদা রিসর্চ অমসুং দিবেলপমেন্তকিদমক লুপা কোতি লাখ ২৪গী অপুনবা অনৌবা কমিত্মেন্ত অমা পিখ্রে” হায়না পি.এম. না হায়খি৷
দোমেস্তিক রিসর্চ ইকোসিস্তেম অসি লেপ্তনা পাকথোক-চাউথোক্লক্লিবা অসিগী মতাঙদা পনখি, প্রধান মন্ত্রীনা হৌখিবা দিকেদ কয়াদগী ইন্তেলেকচুএল প্রোপর্তি শেমগৎপদা চাওনা হেনগত্লকপা অদু পনখি। মহাক্না নোৎ তৌখি মদুদি চহিগী ওইনা পেতেন্ত ফাইলিং তৌবা অসি চহি ১০গী মমাঙদা ৫০,০০০দগী তানা লৈরম্বদগী মমাঙ চহিদা চাওরাক্না লাখ ১.৫দা হেনগত্লে, মসিনা সুপ্নগী মশিং খক্তগী মথক্তা হেন্না লুম্না লৌবা স্ত্রকচরেল শিফ অমা উৎলি। শ্রী মোদীনা হায়খি, “মখোয় অসি ভারত্তা রিসর্চ অমসুং ইনোবেসন অসি অচেৎপা কলচর অমা ওইরক্লিবা অদুগুম্লবা অহোঙবা অদুগী খুদম্নি।”
এ.আই.গী চহি অসিদা সাইন্তিফিক জজমেন্ত অসি করম্না হেনগৎলক্কনি হায়বগী মতাঙদা ২১সুবা চহিচাগী অনিসুবা চয়োলগীদমক মরুওইবা ৱাহং অমা হংলদুনা প্রধান মন্ত্রীনা নোৎ তৌখি মদুদি মকোক থোঙবা লেবোরেতরি সাইন্তিস্তশিং অমসুং স্তেজতা নোবেল মনা ফংলবশিংনা চহি কয়াদগী অরুবা মচাশিং কোকহন্দুনা, এক্সপরিমেন্ত তৌদুনা, মায় পাকপদগী তমদুনা, লিংখৎলক্লিবা মওং মতৌশিংদা ৱাহং হংদুনা, অমসুং য়েংশিনখিবা অকুপ্পা মরোলশিং অদু খঙদোক্তুনা মখোয়গী এক্যুমেন অদু হেন্না ফগৎহনখি। এ.আই.না পোত্থোক পুথোকপা হেনগৎহন্নবা রুতিন ওয়বা থবকশিং য়াম্না থুনা পাংথোকপা ঙম্লবসু, মসিনা মনীংতম্বা ৱাখল খনবা থিঙবগী মহুত্তা হেন্না মপাঙ্গল কনখৎহনগদবনি, মসিনা রিসর্চরশিংদা হেন্না কনবা অরুবশিং, অনৌবা এক্সপরিমেন্তশিং, অমসুং ৱাখল্লোন ভেলিদেসনগীদমক্তা কনবা মতম শিজিন্নবা য়াহনগনি হায়না চেকশিনৱা পিখি। "এ.আই.না ঐখোয়দা পাওখুমশিং থুনা পিবা ঙমগনি, অদুবু পাওখুম অদুগী অচুম্বা অদু চাংয়েং তৌবগী থৌদাংদি সাইন্তিস্তশিংখক্তগী ওইগদবনি” হায়না পি.এম. হায়খি৷
সেমিকন্দক্তরশিং, ক্বান্তম তেক্নোলোজিশিং, বাইওতেক্নোলোজি, অহোঙবা মচাকশিং, রোবোতিক্স, স্পেস, ক্লিন ইনর্জি, অমসুং মথংগী মিরোলগী কম্ম্যুনিকেসনশিং য়াওনা কত্থোক্লবা নেস্নেল মিসনশিংগী খুত্থাংদা সাইন্তিস্তশিং অমসুং ইন্সতিত্যুসনশিংবু তুংগী ফিভম শেমগৎনবা দোমেনশিংগীদমক লেপ্তনা শেম শানবা তকশিল্লদুনা, মদুনা ভারত্তগী অনৌবা খোঙথাংশিং থোরক্কনি হায়না প্রধান মন্ত্রীনা অকনবা ৱাফম থমখি মদুদি সেফতি অমসুং সেক্যুরিতি অসি এ.আই., শিনথেতিক বাইওলোজি, অমসুং ওতোনোমস পুম্বদা মরু ওইনা লৌগদবনি। সিস্তেমশিং য়াওরি। ফাইনান্সিএল নেতৱার্কশিং অমসুং নেস্নেল সেক্যুরিতিদা এ.আই.গী মতমগী সায়বরসেক্যুরিতিগী খুদোংথিবশিং লাক্লিবা অসিগী মতাঙদা চেকশিনৱা পিরদুনা মহাক্না নেস্নেল সিস্তেমশিংবু ঙাকথোকপা অমসুং মিওয়বগী সেবা তৌবা ঙম্বা এ.আই.দা য়ুম্ফম ওয়বা অমসুং ক্বান্তম সেক্যুরিতি সোলুসনশিং শেমগৎনবা হায়খি। শ্রী মোদীনা চেৎনা হায়খি, “ঐখোয়গী পান্দমদি ভারতপু শক্তি পিবা অমসুং মিওয়বা জাতিগী খুদোংচাদবশিং কোকহনবদসু মতেং পাংলিবা অসিগুম্বা তেক্নোলোজিশিং পুথোকপনি।”
কনক্লেবতা রিসর্চর, ইন্দস্ত্রিগী লুচিঙবা, স্তার্তঅপ ফাওন্দর অমসুং মহৈরোয় খুদিংমক্না করম্বা তেক্নোলোজি, প্রোতোতাইপ, পায়লোৎ প্রোজেক্তা, নতরগা পোত্থোক পুথোকপদা মতেং পাংগনি হায়বা খঙদোক্নবা চহি অহুমগী অকক্নবা পান্দম অমা থম্নবা কৌরদুনা প্রধান মন্ত্রীনা মখোয়দা বিকসিত ভারত অমা শেমগত্পা ঙম্বা অনৌবা থৌওংশিং থৌগৎনবা অমসুং ভারতপু সোলুসনশিংগী মালেমগী হব ওইহন্নবা তকশিনখি। মহাক্না অকনবা ৱাফম থমখি মদুদি মীফম অসিনা শুপ্নগী খন্ন-নৈনবখক্তদগী হেন্না চত্থোক-চৎশিন তৌদুনা তেঞ্জিবল ওয়বা ফলশিং ফংহনগদবনি। পি.এম.মোদীনা অকনবা ৱাফম থমখি, “কনক্লেব অসি ৱাখল্লোনশিং পীথোক-পীশিন তৌনবখক্তদা থমগদবনি;
তেলেন্ত অমসুং রিজোলবকি থৌজাল ফংলবা মালেমগী খ্বাইদাগী নহা ওইরিবা লৈবাক অমা ওইনা ভারতকি স্তেতস অদু ফোঙদোক্লদুনা মহাক্কী ৱারোল লোয়শিনবদা প্রধান মন্ত্রীনা ইমর্জিং সাইন্স অমসুং তেক্নোলোজিদা সুপ্নতগী শরুক য়াবখক্তদা নত্তনা এক্তিব ওইনা লিচিং ওইবা মিরোল অমা য়োকখত্পগী মথৌ তাবা অদুদা অকনবা ৱাফম থমখি।
***