પ્રધાનમંત્રીએ લિક્ટેનસ્ટેઇનના હેરેડિટરી પ્રિન્સ એલોઇસ સાથે મુલાકાત કરી

પ્રધાનમંત્રી શ્રી નરેન્દ્ર મોદીએ આજે લિક્ટેનસ્ટેઇનના હિઝ સિરીન હાઇનેસ (H.S.H.) હેરેડિટરી પ્રિન્સ એલોઇસ સાથે મુલાકાત કરી હતી.

શ્રી મોદીએ નોંધ્યું હતું કે ચર્ચામાં ભારત-લિક્ટેનસ્ટેઇન સંબંધોને મજબૂત કરવા માટેના ક્ષેત્રોની વ્યાપક શ્રેણીને આવરી લેવામાં આવી હતી.

બંને નેતાઓએ ભારત-ઈએફટીએ વેપાર અને આર્થિક ભાગીદારી કરારની પ્રગતિની સમીક્ષા કરી હતી, જેણે તેનું પ્રથમ વર્ષ પૂર્ણ કર્યું છે, અને રોકાણના પ્રવાહને પ્રોત્સાહન આપવા તથા આર્થિક સહયોગને ગાઢ બનાવવાની તકો અંગે ચર્ચા કરી હતી.

પ્રધાનમંત્રીએ X પર લખ્યું;

"લિક્ટેનસ્ટેઇનના હિઝ સિરીન હાઇનેસ હેરેડિટરી પ્રિન્સ એલોઇસ સાથે ઉત્કૃષ્ટ બેઠક યોજાઈ.

અમારી ચર્ચા વ્યાપક હતી અને અનેક ક્ષેત્રોમાં ભારત-લિક્ટેનસ્ટેઇન સંબંધોને મજબૂત કરવા પર ધ્યાન કેન્દ્રિત કર્યું હતું.

અમે ઐતિહાસિક ભારત-ઈએફટીએ વેપાર અને આર્થિક ભાગીદારી કરાર હેઠળની પ્રગતિની સમીક્ષા કરી, જેણે તેનું પ્રથમ વર્ષ પૂર્ણ કર્યું છે અને વધુ રોકાણ તથા આર્થિક સહયોગ માટેની તકો અંગે ચર્ચા કરી."

SM/BS/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com