صدرِ جمہوریہ ہند نے بستر دسہرہ کے موقع پر چھتیس گڑھ کے جگدل پور میں منعقدہ عوامی تقریب میں شرکت کی

صدرِ جمہوریہ ہند محترمہ دروپدی مرمو نے آج  (  23  اکتوبر  ، 2026 ء )  بستر دسہرہ کے موقع پر چھتیس گڑھ کے جگدل پور میں منعقدہ عوامی تقریب میں شرکت کی اور  خطاب کیا۔

اس موقع پر صدرِ جمہوریہ نے کہا کہ بستر دسہرہ چھتیس گڑھ کے ثقافتی فخر اور اجتماعی عقیدت کی ایک جیتی جاگتی علامت ہے۔ بستر دسہرہ کے تہوار میں پوری برادری  ، جس انداز سے حصہ لیتی ہے، وہ واقعی غیر معمولی ہے۔ اس تہوار کی مختلف رسومات معاشرے کے مختلف طبقوں کے درمیان گہرے تعلق اور اپنائیت کے جذبے کو فروغ دیتی ہیں۔

صدرِ جمہوریہ نے کہا کہ چھتیس گڑھ طویل عرصے سے نکسل ازم کی لعنت کا سامنا کرتا رہا ہے۔ مرکزی اور ریاستی حکومتوں کی مشترکہ کوششوں کے نتیجے میں یہ خطہ نکسل تشدد کے خطرے سے آزاد ہو چکا ہے اور اب تیزی سے ترقی کی راہ پر گامزن ہے۔ انہوں نے اس بات پر خوشی کا اظہار کیا کہ حالیہ عرصے میں قبائلی کاروباری افراد کو مالی مدد فراہم کرنے اور انہیں منڈیوں سے جوڑنے کی کوششوں میں مزید تیزی آئی ہے۔ انہوں نے اعتماد ظاہر کیا کہ یہ اقدامات مساوی اور جامع ترقی کے ذریعے  2047 ء  تک  وِکست بھارت  کا ہدف حاصل کرنے میں اہم کردار ادا کریں گے۔

صدرِ جمہوریہ نے مزید کہا کہ قبائلی برادریاں فطرت کی پوجا کرتی ہیں، جو زندگی کا سرچشمہ ہے۔ ترقی کے سفر میں ہمیں قبائلی برادری کے فطرت دوست طرزِ زندگی سے قیمتی سبق حاصل کرنے چاہئیں۔ انہوں نے فطرت کے تحفظ اور اس کی دیکھ بھال کی اہمیت پر بھی زور دیا۔

عوامی تقریب سے قبل  ، صدرِ جمہوریہ نے موریہ  دربار میں مقامی مانجھی اور چلکی سے ملاقات کی۔ انہوں نے جگدل پور میں رنگولی اور دسہرہ کی نمائش کا بھی دورہ کیا۔

اس سے قبل صدرِ جمہوریہ نے جگدل پور میں ماں دنتیشوری مندر میں درشن کیے اور پوجا کی۔

صدرِ جمہوریہ کی تقریر دیکھنے کے لیے یہاں کلک کریں

..................................................... ...................................................

) ش ح –    م م       -  ع ا )

U.No. 6579