ਭਾਰਤ ਸਰਕਾਰ ਦੇ ਮੱਛੀ ਪਾਲਣ, ਪਸ਼ੂ ਪਾਲਣ ਅਤੇ ਡੇਅਰੀ ਮੰਤਰਾਲੇ ਦੇ ਮੱਛੀ ਪਾਲਣ ਵਿਭਾਗ ਦੇ ਸਕੱਤਰ ਡਾ. ਅਭਿਲਕਸ਼ ਲਿਖੀ ਨੇ 19 ਅਕਤੂਬਰ 2026 ਨੂੰ ਉੱਤਰਾਖੰਡ ਦੇ ਪਿਥੌਰਾਗੜ੍ਹ ਦੇ ਕਲੈਕਟ੍ਰੇਟ ਵਿਖੇ ਪਿਥੌਰਾਗੜ੍ਹ ਕੋਲਡਵਾਟਰ ਫਿਸ਼ਰੀਜ਼ ਕਲਸਟਰ 'ਤੇ ਇੱਕ ਸਮੀਖਿਆ ਮੀਟਿੰਗ ਦੀ ਪ੍ਰਧਾਨਗੀ ਕੀਤੀ। ਹਾਈਬ੍ਰਿਡ ਮੀਟਿੰਗ ਵਿੱਚ ਸ਼੍ਰੀ ਸੰਜੈ ਕੁਮਾਰ ਗੁੰਜਿਆਲ, ਐਡੀਸ਼ਨਲ ਡਾਇਰੈਕਟਰ ਜਨਰਲ (ਏਡੀਜੀ), ਇੰਡੋ-ਤਿੱਬਤੀ ਬੌਰਡਰ ਪੁਲਿਸ (ਆਈਟੀਬੀਪੀ); ਸ਼੍ਰੀਮਤੀ ਗੁੰਜਨ ਕ੍ਰਿਸ਼ਨਾ, ਸੰਯੁਕਤ ਸਕੱਤਰ, ਮੱਛੀ ਪਾਲਣ ਵਿਭਾਗ; ਡਾ. ਜੇਕੇ ਜੇਨਾ, ਡਿਪਟੀ ਡਾਇਰੈਕਟਰ ਜਨਰਲ (ਮੱਛੀ ਪਾਲਣ ਵਿਗਿਆਨ), ਭਾਰਤੀ ਖੇਤੀਬਾੜੀ ਖੋਜ ਪ੍ਰੀਸ਼ਦ (ਆਈਸੀਏਆਰ); ਡਾ. ਬੀਕੇ ਬੇਹਰਾ, ਮੁੱਖ ਕਾਰਜਕਾਰੀ ਅਧਿਕਾਰੀ, ਰਾਸ਼ਟਰੀ ਮੱਛੀ ਪਾਲਣ ਵਿਕਾਸ ਬੋਰਡ (ਐਨਐਫਡੀਬੀ); ਸ਼੍ਰੀ ਪੀ. ਜਵਾਹਰ, ਚੇਅਰਮੈਨ, ਸਮੁੰਦਰੀ ਉਤਪਾਦ ਨਿਰਯਾਤ ਵਿਕਾਸ ਅਥਾਰਿਟੀ (ਐੱਮਪੀਈਡੀਏ); ਸ਼੍ਰੀ ਆਸ਼ੀਸ਼ ਕੁਮਾਰ ਭਟਗੈਨ, ਜ਼ਿਲ੍ਹਾ ਮੈਜਿਸਟ੍ਰੇਟ, ਪਿਥੌਰਾਗੜ੍ਹ; ਸ਼੍ਰੀ ਚੰਦਰ ਸਿੰਘ ਧਰਮਸ਼ਕਤੂ, ਮੱਛੀ ਪਾਲਣ ਨਿਦੇਸ਼ਕ, ਉੱਤਰਾਖੰਡ; ਅਤੇ ਹਿਮਾਲਿਅਨ ਰਾਜਾਂ ਦੇ ਨੁਮਾਇੰਦੇ, ਨਾਬਾਰਡ, ਆਈਸੀਏਆਰ-ਡੀਸੀਐਫਆਰ, ਫੂਡ ਪ੍ਰੋਸੈੱਸਿੰਗ ਇੰਡਸਟ੍ਰੀਜ਼ ਮੰਤਰਾਲਾ (ਐੱਮਓਐਫਪੀਆਈ), ਟ੍ਰਾਊਟ ਪਾਲਣ ਕਿਸਾਨ ਅਤੇ ਹੋਰ ਹਿੱਸੇਦਾਰ, ਭੌਤਿਕ ਅਤੇ ਵਰਚੁਅਲ ਢੰਗਾਂ ਰਾਹੀਂ ਇਸ ਮੀਟਿੰਗ ਵਿੱਚ ਸ਼ਾਮਲ ਹੋਏ।

 

ਕੇਂਦਰੀ ਸਕੱਤਰ ਨੇ ਭਾਰਤ ਦੇ ਹਿਮਾਲਿਅਨ ਖੇਤਰ ਵਿੱਚ ਕੋਲਡ ਵਾਟਰ ਮੱਛੀ ਪਾਲਣ ਦੀ ਮਹੱਤਤਾ 'ਤੇ ਚਾਨਣਾ ਪਾਇਆ ਜੋ ਕਿ ਰੇਨਬੋ ਟ੍ਰਾਊਟ ਫਾਰਮਿੰਗ ਲਈ ਵਿਲੱਖਣ ਅਤੇ ਅਨੁਕੂਲ ਵਾਤਾਵਰਣਕ ਸਥਿਤੀਆਂ ਪ੍ਰਦਾਨ ਕਰਦਾ ਹੈ। ਭਾਰਤ ਸਰਕਾਰ ਨੇ ਦੇਸ਼ ਭਰ ਵਿੱਚ 34 ਮੱਛੀ ਪਾਲਣ ਕਲਸਟਰਾਂ ਅਤੇ ਪਿਥੌਰਾਗੜ੍ਹ ਵਿੱਚ ਠੰਡੇ ਪਾਣੀ ਦੇ ਮੱਛੀ ਪਾਲਣ ਕਲਸਟਰ ਨੂੰ ਸੂਚਿਤ ਕੀਤਾ ਹੈ।

ਸਮੀਖਿਆ ਦੌਰਾਨ ਪਿਥੌਰਾਗੜ੍ਹ ਦੇ ਜ਼ਿਲ੍ਹਾ ਮੈਜਿਸਟ੍ਰੇਟ ਸ਼੍ਰੀ ਅਸ਼ੀਸ਼ ਕੁਮਾਰ ਭਟਗੈਨ ਨੇ ਜ਼ਿਲ੍ਹੇ ਦੇ ਮੱਛੀ ਪਾਲਣ ਖੇਤਰ ਵਿੱਚ ਪ੍ਰਾਪਤੀਆਂ ਅਤੇ ਪਹਿਲਕਦਮੀਆਂ ਦੀ ਸੰਖੇਪ ਜਾਣਕਾਰੀ ਪੇਸ਼ ਕੀਤੀ। ਉਨ੍ਹਾਂ ਨੇ ਬਜ਼ਾਰ ਸੰਪਰਕ ਨੂੰ ਮਜ਼ਬੂਤ ਕਰਨ, ਟ੍ਰਾਊਟ ਵੈਲਿਊ ਚੇਨ ਨੂੰ ਉਤਸ਼ਾਹਿਤ ਕਰਨ ਅਤੇ ਮੱਛੀ ਪਾਲਕਾਂ ਲਈ ਬਿਹਤਰ ਕੀਮਤਾਂ ਯਕੀਨੀ ਬਣਾਉਣ ਦੀ ਜ਼ਰੂਰਤ 'ਤੇ ਜ਼ੋਰ ਦਿੱਤਾ। ਉਨ੍ਹਾਂ ਭਰੋਸਾ ਦਿੱਤਾ ਕਿ ਜ਼ਿਲ੍ਹਾ ਪ੍ਰਸ਼ਾਸਨ ਇਨ੍ਹਾਂ ਚੁਣੌਤੀਆਂ ਦਾ ਹੱਲ ਕਰਨ ਅਤੇ ਖੇਤਰ ਨੂੰ ਹੋਰ ਮਜ਼ਬੂਤ ਕਰਨ ਲਈ ਮੱਛੀ ਪਾਲਣ ਵਿਭਾਗ ਨਾਲ ਤਾਲਮੇਲ ਵਿੱਚ ਕੰਮ ਕਰੇਗਾ।

ਐਨਐਫਡੀਬੀ ਦੇ ਮੁੱਖ ਕਾਰਜਕਾਰੀ ਡਾ. ਬੀ.ਕੇ. ਬੇਹਰਾ ਨੇ ਕੋਲਡਵਾਟਰ ਫਿਸ਼ਰੀਜ਼ ਕਲਸਟਰ ਪ੍ਰੋਗਰਾਮ ਬਾਰੇ ਇੱਕ ਵਿਸਤ੍ਰਿਤ ਪੇਸ਼ਕਾਰੀ ਦਿੱਤੀ, ਜਿਸ ਵਿੱਚ ਉਤਪਾਦਨ ਤੋਂ ਪਹਿਲਾਂ ਅਤੇ ਉਤਪਾਦਨ ਤੋਂ ਬਾਅਦ ਦੇ ਪਾੜੇ ਨੂੰ ਉਜਾਗਰ ਕੀਤਾ ਗਿਆ ਅਤੇ ਅਗਲੇ ਪੰਜ ਸਾਲਾਂ ਲਈ ਇੱਕ ਰੋਡਮੈਪ ਦੀ ਰੂਪ-ਰੇਖਾ ਦਿੱਤੀ ਗਈ।

ਸ਼੍ਰੀਮਤੀ ਗੁੰਜਨ ਕ੍ਰਿਸ਼ਨਾ, ਸੰਯੁਕਤ ਸਕੱਤਰ, DoF, ਭਾਰਤ ਸਰਕਾਰ ਨੇ ਆਪਣੇ ਉਦਘਾਟਨੀ ਭਾਸ਼ਣ ਵਿੱਚ, ਠੰਡੇ ਪਾਣੀ ਦੇ ਮੱਛੀ ਪਾਲਣ ਵਿੱਚ ਤਕਨਾਲੋਜੀ ਦੇ ਕਨਵਰਜੈਂਸ ਅਤੇ ਦਖਲਅੰਦਾਜ਼ੀ ਦੀ ਮਹੱਤਤਾ 'ਤੇ ਚਾਨਣਾ ਪਾਇਆ। ਉਨ੍ਹਾਂ ਨੇ ਵੈਲਊ ਚੇਨ ਦੇ ਬੁਨਿਆਦੀ ਢਾਂਚੇ ਨੂੰ ਮਜ਼ਬੂਤ ਕਰਨ ਦੀਆਂ ਜ਼ਰੂਰਤਾਂ ਨੂੰ ਅੱਗੇ ਵਧਾਇਆ।

 

ਕੇਂਦਰੀ ਸਕੱਤਰ ਨੇ ਹੋਰ ਹਿਮਾਲਿਅਨ ਰਾਜਾਂ ਨੂੰ ਸੁਝਾਅ ਦਿੱਤਾ ਹੈ ਕਿ ਉਹ ਭਾਰਤ ਸਰਕਾਰ ਦੇ ਮੱਛੀ ਪਾਲਣ ਵਿਭਾਗ ਨਾਲ ਤਾਲਮੇਲ ਕਰਕੇ ਆਈਟੀਬੀਪੀ ਅਤੇ ਹੋਰ ਹਥਿਆਰਬੰਦ ਬਲਾਂ ਨੂੰ ਟ੍ਰਾਊਟ ਮੱਛੀਆਂ ਦੀ ਸਪਲਾਈ ਲਈ ਐੱਮਓਯੂ ਦੀਆਂ ਸੰਭਾਵਨਾਵਾਂ ਦੀ ਪੜਚੋਲ ਕਰਨ। ਸ਼੍ਰੀ ਸੰਜੈ ਕੁਮਾਰ ਗੁੰਜਿਆਲ, ਐਡੀਸ਼ਨਲ ਡਾਇਰੈਕਟਰ ਜਨਰਲ (ਏਡੀਜੀ) ਨੇ ਦੱਸਿਆ ਹੈ ਕਿ ਸਿੱਕਿਮ ਅਤੇ ਅਰੁਣਾਚਲ ਪ੍ਰਦੇਸ਼ ਵਰਗੇ ਉੱਤਰ-ਪੂਰਬੀ ਰਾਜਾਂ ਵਿੱਚ ਆਈਟੀਬੀਪੀ ਨੂੰ ਟ੍ਰਾਊਟ ਮੱਛੀ ਦੀ ਕਾਫ਼ੀ ਲੋੜ ਹੈ।

ਕੇਂਦਰੀ ਸਕੱਤਰ ਨੇ ਪਿਥੌਰਾਗੜ੍ਹ ਦੇ ਕਲੈਕਟਰ ਕਾਨਫਰੰਸ ਹਾਲ ਵਿਖੇ ਪਿਥੌਰਾਗੜ੍ਹ ਕੋਲਡਵਾਟਰ ਫਿਸ਼ਰੀਜ਼ ਕਲਸਟਰ 'ਤੇ ਹੋਈ ਮੀਟਿੰਗ ਦੌਰਾਨ ਟ੍ਰਾਊਟ ਮੱਛੀ ਪਾਲਕਾਂ ਨਾਲ ਗੱਲਬਾਤ ਕੀਤੀ। ਟ੍ਰਾਊਟ ਪਾਲਣ ਕਿਸਾਨਾਂ ਨੇ ਟ੍ਰਾਊਟ ਲਈ ਬਿਹਤਰ ਕੀਮਤਾਂ ਦੀ ਜ਼ਰੂਰਤ, ਸਿਖਲਾਈ ਅਤੇ ਸਮਰੱਥਾ ਨਿਰਮਾਣ, ਅਤੇ ਵਾਜ਼ਬ ਦਰਾਂ 'ਤੇ ਗੁਣਵੱਤਾ ਵਾਲੇ ਫੀਡ ਦੀ ਉਪਲਬਧਤਾ ਸਮੇਤ ਮੁੱਖ ਮੁੱਦਿਆਂ ਨੂੰ ਉਜਾਗਰ ਕੀਤਾ। ਇੱਕ ਮਹਿਲਾ ਮੱਛੀ ਪਾਲਕ, ਸ਼੍ਰੀਮਤੀ ਰੇਖਾ ਜੋਸ਼ੀ ਨੇ ਆਪਣੀ ਸਫਲਤਾ ਦੀ ਕਹਾਣੀ ਸਾਂਝੀ ਕੀਤੀ ਅਤੇ ਦੱਸਿਆ ਕਿ ਉਸਨੇ ਫਿਸ਼ ਬਾਲਸ, ਫਿਸ਼ ਫਿੰਗਰਜਸ, ਫਿਸ਼ ਮੌਮੋਜ਼ ਵਰਗੇ ਵੈਲਿਊ ਐਡੀਸ਼ਨ ਮੱਛੀ ਉਤਪਾਦਾਂ ਨੂੰ ਬਣਾਉਣਾ ਸ਼ੁਰੂ ਕੀਤਾ, ਜਿਸ ਨਾਲ ਲਗਭਗ 5,000 ਰੁਪਏ ਦੀ ਰੋਜ਼ਾਨਾ ਵਿਕਰੀ ਹੁੰਦੀ ਹੈ। ਮੁਨਸਿਆਰੀ ਦੇ ਇੱਕ ਹੋਰ ਟ੍ਰਾਊਟ ਪਾਲਣ ਕਿਸਾਨ ਨੇ ਦੱਸਿਆ ਕਿ ਫੀਡ ਅਤੇ ਆਵਾਜਾਈ ਦੀਆਂ ਉੱਚ ਲਾਗਤਾਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਆਈਟੀਬੀਪੀ ਨੂੰ ਸਪਲਾਈ ਕੀਤੇ ਜਾਣ ਵਾਲੇ ਟ੍ਰਾਊਟ ਦੇ ਰੇਟ ਕਾਫ਼ੀ ਘੱਟ ਹਨ।

 

ਕੇਂਦਰੀ ਸਕੱਤਰ ਨੇ ਹਿਮਾਲਿਅਨ ਰਾਜਾਂ ਵਿੱਚ ਟ੍ਰਾਊਟ ਫਾਰਮਿੰਗ ਨੂੰ ਮਜ਼ਬੂਤ ਕਰਨਲਈ ਭਵਿੱਖ ਦੇਰੋਡਮੈਪ ਬਾਰੇ ਚਰਚਾ ਕੀਤੀ। ਵਿਚਾਰ-ਵਟਾਂਦਰੇ ਵਿੱਚ ਟ੍ਰਾਊਟ ਬੀਜ ਦੀ ਉਪਲਬਧਤਾ, ਫੀਡ ਸਪਲਾਈ, ਉਤਪਾਦਕਤਾ ਅਤੇ ਕੋਲਡ-ਚੇਨ ਬੁਨਿਆਦੀ ਢਾਂਚੇ ਨਾਲ ਸਬੰਧਿਤ ਚੁਣੌਤੀਆਂ ਨੂੰ ਹੱਲ ਕਰਨ 'ਤੇ ਧਿਆਨ ਕੇਂਦ੍ਰਿਤ ਕੀਤਾ ਗਿਆ, ਨਾਲ ਹੀ ਵਿਗਿਆਨਕ ਸਹਾਇਤਾ, ਮਾਰਕਿਟ ਲਿੰਕੇਜ ਅਤੇ ਮੱਛੀ ਪਾਲਣ ਵੈਲਿਊ ਚੇਨ ਨੂੰ ਮਜ਼ਬੂਤ ਕੀਤਾਗਿਆ। ਕੇਂਦਰੀ ਸਕੱਤਰ ਨੇ NFDB ਨੂੰ ਪ੍ਰੀ-ਪ੍ਰੋਡਕਸ਼ਨ, ਪ੍ਰੋਡਕਸ਼ਨ ਅਤੇ ਪੋਸਟ-ਪ੍ਰੋਡਕਸ਼ਨ ਦੀਆਂ ਭਵਿੱਖੀ ਜ਼ਰੂਰਤਾਂ ਨੂੰ ਪੂਰਾ ਕਰਨ ਵਾਲੇ ਵੱਖ-ਵੱਖ ਪ੍ਰੋਜੈਕਟਾਂ ਦੇ DPR ਜਮ੍ਹਾਂ ਕਰਨ ਦਾ ਸੁਝਾਅ ਵੀ ਦਿੱਤਾ। 

ਸਕੱਤਰ ਨੇ ਕੋਲਡ ਵਾਟਰ ਫਿਸ਼ਰੀ ਕਲਸਟਰਾਂ ਵਿੱਚ ਸਟਾਰਟ-ਅੱਪਸ ਅਤੇ ਉੱਦਮੀਆਂ ਦੀ ਵੱਧ ਤੋਂ ਵੱਧ ਭਾਗੀਦਾਰੀ ਨੂੰ ਉਤਸ਼ਾਹਿਤ ਕਰਨ ਦੀ ਲੋੜ 'ਤੇ ਜ਼ੋਰ ਦਿੱਤਾ। ਉਨ੍ਹਾਂ ਨੇ ਟ੍ਰਾਊਟ ਆਵਾਜਾਈ ਅਤੇ ਨਿਰਯਾਤ ਨੂੰ ਸੁਚਾਰੂ ਬਣਾਉਣ ਲਈ ਹਵਾਈ ਅੱਡਿਆਂ ਅਤੇ ਰੇਲਵੇ ਸਟੇਸ਼ਨਾਂ ਦੇ ਨੇੜੇ ਕੋਲਡ ਸਟੋਰੇਜ ਸਹੂਲਤਾਂ ਸਥਾਪਿਤ ਕਰਨ ਸਮੇਤ ਕੋਲਡ-ਚੇਨ ਬੁਨਿਆਦੀ ਢਾਂਚੇ ਨੂੰ ਮਜ਼ਬੂਤ ਕਰਨ ਦੀ ਮਹੱਤਤਾ 'ਤੇ ਜ਼ੋਰ ਦਿੱਤਾ। ਉਨ੍ਹਾਂ ਨੇ ਹੋਰ ਹਿਮਾਲਿਅਨ ਰਾਜਾਂ ਤੋਂ ਟ੍ਰਾਊਟ ਖਰੀਦ ਨੂੰ ਵਧਾਉਣ ਲਈ ਆਈਟੀਬੀਪੀ ਸਮੇਤ ਹਥਿਆਰਬੰਦ ਬਲਾਂ ਨਾਲ ਸਹਿਯੋਗ ਕਰਨ ਦੀ ਲੋੜ 'ਤੇ ਵੀ ਜ਼ੋਰ ਦਿੱਤਾ, ਜਿਸ ਦਾ ਸਮਰਥਨ ਇੱਕ ਸਮੁੱਚੀ ਸਰਕਾਰੀ ਪਹੁੰਚ ਅਤੇ ਕਲਸਟਰ ਨੂੰ ਮਜ਼ਬੂਤ ਕਰਨ ਲਈ ਇੱਕ ਸਹਿਕਾਰੀ-ਅਗਵਾਈ ਵਾਲੇ ਮਾਡਲ ਦੁਆਰਾ ਕੀਤਾ ਗਿਆ ਹੈ।

 

ਐੱਮਪੀਈਡੀਏ ਦੇ ਚੇਅਰਮੈਨ ਸ਼੍ਰੀ ਪੀ. ਜਵਾਹਰ ਨੇ ਟ੍ਰਾਊਟ ਕਿਸਾਨਾਂ ਲਈ ਸਿਖਲਾਈ ਅਤੇ ਸਮਰੱਥਾ ਨਿਰਮਾਣ ਦੀ ਮਹੱਤਤਾ 'ਤੇ ਜ਼ੋਰ ਦਿੱਤਾ ਤਾਂ ਜੋ ਉਨ੍ਹਾਂ ਦੇ ਤਕਨੀਕੀ ਹੁਨਰ ਨੂੰ ਮਜ਼ਬੂਤ ਕੀਤਾ ਜਾ ਸਕੇ ਅਤੇ ਨਿਰਯਾਤ-ਸਬੰਧੀ ਤਿਆਰੀ ਨੂੰ ਬਿਹਤਰ ਬਣਾਇਆ ਜਾ ਸਕੇ। ਉਨ੍ਹਾਂ ਨੇ ਉਤਪਾਦ ਦੀ ਗੁਣਵੱਤਾ, ਮੁਕਾਬਲੇਬਾਜ਼ੀ ਅਤੇ ਘਰੇਲੂ ਅਤੇ ਅੰਤਰਰਾਸ਼ਟਰੀ ਬਜ਼ਾਰਾਂ ਤੱਕ ਪਹੁੰਚ ਨੂੰ ਵਧਾਉਣ ਲਈ ਵਾਢੀ ਤੋਂ ਬਾਅਦ ਦੇ ਪ੍ਰਬੰਧਨ, ਗੁਣਵੱਤਾ ਭਰੋਸਾ, ਪ੍ਰੋਸੈੱਸਿੰਗ ਅਤੇ ਵੈਲਿਊ ਐਡੀਸ਼ਨ ਵਿੱਚ ਸਭ ਤੋਂ ਵਧੀਆ ਅਭਿਆਸਾਂ ਨੂੰ ਉਤਸ਼ਾਹਿਤ ਕਰਨ ਦੀ ਜ਼ਰੂਰਤ 'ਤੇ ਜ਼ੋਰ ਦਿੱਤਾ।

ਡਾ. ਜੇ.ਕੇ. ਜੇਨਾ, ਡਿਪਟੀ ਡਾਇਰੈਕਟਰ ਜਨਰਲ (ਮੱਛੀ ਪਾਲਣ ਵਿਗਿਆਨ), ਭਾਰਤੀ ਖੇਤੀਬਾੜੀ ਖੋਜ ਪ੍ਰੀਸ਼ਦ (ਆਈਸੀਏਆਰ) ਨੇ ਟ੍ਰਾਊਟ ਮੱਛੀ ਸਮੂਹਾਂ ਦੇ ਵਿਕਾਸ ਲਈ ਆਈਸੀਏਆਰ ਦੀ ਖੋਜ ਅਤੇ ਤਕਨੀਕੀ ਸਹਾਇਤਾ 'ਤੇ ਚਾਨਣਾ ਪਾਇਆ। ਇਸ ਦਾ ਮੁੱਖ ਉਦੇਸ਼ ਵਿਗਿਆਨਕ ਜਲ-ਪਾਲਣ ਅਭਿਆਸਾਂ ਨੂੰ ਉਤਸ਼ਾਹਿਤ ਕਰਨਾ, ਤਕਨੀਕੀ ਸਮਰੱਥਾ ਨੂੰ ਮਜ਼ਬੂਤ ਕਰਨਾ ਅਤੇ ਠੰਡੇ ਪਾਣੀ ਦੀਆਂ ਮੱਛੀਆਂ ਫੜਨ ਦੇ ਟਿਕਾਊ ਵਿਕਾਸ ਦਾ ਸਮਰਥਨ ਕਰਨਾ ਹੈ।

****

ਜੇਪੀ/ਏਕੇ

(Release ID: 2325206) ਵਿਜ਼ੀਟਰ ਕਾਊਂਟਰ : 8