மத்திய நிதி மற்றும் பெருநிறுவன விவகாரத்துறை அமைச்சர் திருமதி நிர்மலா சீதாராமன், உலக வங்கியின் ஆளுநர் என்ற முறையில், தாய்லாந்தின் பேங்காக் நகரில் நடைபெற்ற மேம்பாட்டுக் குழுவின்  114-வது கூட்டத்தில் பங்கேற்றார். அப்போது பேசிய அவர், நிலையான வேலைவாய்ப்புகளை உருவாக்குவதற்கு உயர்தரமான மற்றும் அனைவரையும் உள்ளடக்கிய பொருளாதார வளர்ச்சி தேவைப்படுகிறது என்றும், இதற்கு பாரிய பொருளாதார நிலைத்தன்மை, திறமையான உள்கட்டமைப்பு, எளிமையான மற்றும் தெளிவான விதிமுறைகள், நிதி மற்றும் திறன்களைப் பெறுவதற்கான வாய்ப்புகள் ஆகியவை அவசியம் என்று வலியுறுத்தினார்.

பெரும்பாலான வேலைவாய்ப்புகள் தனியார் நிறுவனங்களாலேயே உருவாக்கப்பட வேண்டும் என்றும், போட்டித்தன்மை வாய்ந்த நிதி வசதி ஒரு முக்கிய முன்னுரிமையாகத் தொடர்ந்து இருக்க வேண்டும் என்றும் திருமதி நிர்மலா சீதாராமன் குறிப்பிட்டார். மலிவான, கணிக்கக்கூடிய, எளிதில் அணுகக்கூடிய நிதி வசதிகள், நடுத்தர வருமான நாடுகளுக்கான உத்தியின் மையப்பகுதியாகத் தொடர்ந்து இடம்பெற வேண்டும் என்று அவர் தெரிவித்தார். உலகளாவிய ஆளுகைக் குறிகாட்டிகள், அதுபோன்ற கூட்டு மதிப்பீடுகள் தொடர்பான இந்தியாவின் நீண்டகாலக் கவலைகளை மீண்டும் முன்வைப்பதாகவும் அவர் கூறினார். பரிணாம வளர்ச்சி,  ஆதரவுக் குரலையும் மேம்பாட்டுத் தாக்கத்தையும் வலுப்படுத்த வேண்டும் என்று அவர் வலியுறுத்தினார்.  

மேலும் விவரங்களுக்கு இந்த செய்திக்குறிப்பை ஆங்கிலத்தில் இங்கே காணவும்:https://www.pib.gov.in/PressReleasePage.aspx?PRID=2324148&reg=3&lang=1

***

TV/RB/RJ

(வெளியீட்டு அடையாள எண்: 2324918) வருகையாளர் எண்ணிக்கை : 9