'مشن یووا رکشا' کے تحت، سینٹرل بیورو آف نارکوٹکس (سی بی این) کے مدھیہ پردیش اکائی نے اکتوبر 2026 کے دوران نیمچ، جاؤرا، جواد، مندسور اور گاروت کے تعلیمی اداروں میں منشیات سے بیداری کے پانچ پروگراموں کا انعقاد کیا۔ ان پروگراموں میں منشیات سے بچاؤ، صحت مند طرزِ زندگی اور ’’نشہ مکت بھارت‘‘ کے وژن کو فروغ دیا گیا۔

5 اکتوبر 2026 کو سوامی وویکانند گورنمنٹ پی جی کالج، نیمچ کے تقریباً 200 طلباء اور اساتذہ نے منشیات کے استعمال کے نقصانات اور منشیات سے پاک زندگی کی اہمیت کے بارے میں منعقدہ ایک بیداری پروگرام میں شرکت کی۔

بیداری پروگرام – سوامی وویکانند گورنمنٹ پی جی کالج، نیمچ

13 اکتوبر 2026 کو سی بی این کی جانب سے منعقدہ پروگرام میں منشیات کے استعمال، نوجوانوں کی صحت و مستقبل کے امکانات پر اس کے اثرات اور صحت مند طرزِ زندگی کے موضوع پر گفتگو کی گئی۔ سردار پٹیل کالج آف نرسنگ، جاؤرا میں منعقدہ اس پروگرام میں تقریباً 200 طلباء و فیکلٹی ممبران اور 25 اسٹاف ممبرز نے شرکت کی۔

بیداری پروگرام – سردار پٹیل کالج آف نرسنگ، جاؤرا

15 اکتوبر 2026 کو سی بی این نے برہما کماریز، نیمچ کے اشتراک سے ایک پروگرام کا انعقاد کیا، جس میں منشیات سے مبرا زندگی اور نشہ آور اشیاء کے بارے میں بیداری کو فروغ دیا گیا۔ سی ایم رائز گورنمنٹ اسکول، جواد میں منعقدہ اس پروگرام میں تقریباً 450 طلباء اور اساتذہ نے شرکت کی۔

برہما کماریوں کے ساتھ سی بی این بیداری پروگرام – سی ایم رائز گورنمنٹ اسکول، جواد

اسی دن، سی بی این مدھیہ پردیش یونٹ کے مندسور-I ڈویژن نے 'یووا رکشا' اور 'نشہ مکت بھارت ابھیان' کے تحت منشیات سے بچاؤ، صحت مند طرزِ زندگی اور منشیات سے پاک معاشرے کی تعمیر میں نوجوانوں کی شرکت پر مرکوز ایک کیمپ کا انعقاد کیا۔ سی ایم رائز اسکول، سباکھیڑا، مندسور کے تقریباً 450 طلباء نے اس پروگرام میں شرکت کی۔

بیداری پروگرام – سی ایم رائز اسکول، سباکھیڑا، مندسور

اسی طرح، سینٹرل بیورو آف نارکوٹکس کے گاروت کے ڈسٹرکٹ اوپیم آفیسر کے دفتر نے، برہما کماریز کے اشتراک سے، 15 اکتوبر 2026 کو سنسکار ویلی ہائر سیکنڈری اسکول، گاروت میں ایک بیداری پروگرام کا انعقاد کیا جس میں تقریباً 230 طلباء نے شرکت کی۔

بیداری پروگرام – سنسکار ویلی ہائر سیکنڈری اسکول، گاروت

ان تمام پروگراموں میں شرکاء کو جسمانی و ذہنی صحت، تعلیم، خاندانی زندگی اور کیریئر پر منشیات کے استعمال کے نقصانات کے بارے میں سائنسی انداز میں بریفنگ دی گئی۔ ان سرگرمیوں میں بیداری سیشنز، سوال و جواب کے مقابلے، تعلیمی ویڈیوز، پریزنٹیشنز، مراقبہ اور پوسٹر سازی شامل تھے۔ شرکاء کی حوصلہ افزائی کی گئی کہ وہ منشیات کے استعمال کے خلاف مزاحمت کریں، صحت مند طرزِ زندگی اپنائیں اور ’نشہ مکت بھارت‘ میں اپنا تعاون پیش کریں۔

ان پروگراموں میں منشیات کی روک تھام کے لیے انفرادی ذمہ داری اور اجتماعی شرکت پر بھی زور دیا گیا۔ شرکاء نے منشیات سے دور رہنے اور اپنے اسکولوں، خاندانوں اور برادریوں میں بیداری کے اقدامات کی حمایت کرنے کا عہد کیا۔ ان پروگراموں میں مثبت شرکت دیکھی گئی اور نوجوانوں میں حفاظتی تعلیم کی اہمیت کو تقویت ملی۔

ان بیداری پروگراموں کے ذریعے، سی بی این مدھیہ پردیش یونٹ نے قوانین پر عمل درآمد کی سرگرمیوں کے ساتھ ساتھ حفاظتی بیداری اور منشیات کی مانگ میں کمی لانے کے اقدامات کو مزید تقویت دینے کے اپنے عزم کا اعادہ کیا، بالخصوص طلباء اور نوجوانوں کے درمیان۔

تعلیمی اداروں کو شامل کر کے اور انٹرایکٹو لرننگ، بیداری کی سرگرمیوں اور منشیات سے پاک زندگی کے لیے انفرادی عزم کی حوصلہ افزائی کے ذریعے، سی بی این کا مقصد نوجوانوں کو بااختیار بنانا ہے تاکہ وہ باخبر فیصلے کر سکیں اور اپنی برادریوں میں منشیات کی روک تھام کے سرگرم سفیر بنیں۔

یہ پہل قدمیاں 'نشہ مکت بھارت' کے وژن اور ایک صحت مند، محفوظ اور منشیات سے پاک معاشرے کی تشکیل کے لیے سینٹرل بیورو آف نارکوٹکس کے مسلسل عزم کی عکاسی کرتے ہیں۔

**********

 (ش ح –ا ب ن)

U.No:6269

(ریلیز آئی ڈی: 2324793) وزیٹر کاؤنٹر : 7