کانکنی کی وزارت نے اپنے علاقائی دفاتر اور اپنے انتظامی کنٹرول کے تحت آنے والی تنظیموں کے ساتھ مل کر 'سوچھتا ہی سیوا' (ایس ایچ ایس) مہم 2026 میں سرگرمی سے حصہ لیا، اور ایک صاف ستھرے، صحت مند اور زیادہ پائیدار بھارت کے لیے 'سوچھ بھارت' کے جذبے کو اجتماعی عمل میں تبدیل کیا۔ صفائی کی مہمات، صفائی کے ہدف والے یونٹس (سی ٹی یوز) کی کایا پلٹ، عوامی مقامات کی صفائی اور 'صفائی متروں' کی فلاح و بہبود کے اقدامات کے ذریعے، وزارت نے صفائی ستھرائی، ماحولیاتی ذمہ داری اور عوامی شرکت کو روزمرہ کی زندگی کا ایک لازمی حصہ بنانے اور اسے ادارہ جاتی شکل دینے کے اپنے عزم کا اعادہ کیا۔

اس مہم کا آغاز کانکنی کی وزارت میں، وزارت کے سکریٹری جناب کیشو چندر کی زیرِ نگرانی صفائی کے عہد کے ساتھ ہوا، جس نے صفائی ستھرائی، حفظانِ صحت اور پائیدار طریقوں کے لیے وزارت کے اجتماعی عزم کا اعادہ کیا۔

کوئلہ اور کانکنی کے مرکزی وزیر، محترم جناب جی کشن ریڈی نے، کانکنی کی وزارت کے سکریٹری اور وزارت کے سینئر حکام کے ہمراہ، چانکیہ پوری، نئی دہلی کے یشونت پیلس مارکیٹ میں 'سوچھتا ہی سیوا 2026' کے تحت منعقدہ صفائی مہم میں حصہ لیا۔ اس مہم نے بازاروں کو صاف ستھرا اور حفظانِ صحت کے اصولوں کے مطابق رکھنے میں اجتماعی ذمہ داری اور عوامی شرکت کی اہمیت پر زور دیا۔

مزید برآں، کانکنی کی وزارت نے کھنیج ککش، جی پی او اے-3، نیتا جی نگر، نئی دہلی میں صفائی متروں اور اپنے ملازمین کے لیے ایک طبی کیمپ کا انعقاد کیا۔ یہ کیمپ کام کی جگہوں کو صاف ستھرا اور حفظانِ صحت کے اصولوں کے مطابق برقرار رکھنے میں ان کے گراں قدر تعاون کے اعتراف میں لگایا گیا تھا۔ یہ پہل قدمی صفائی ملازمین کی صحت، فلاح و بہبود اور وقار کے لیے وزارت کے عزم کو اجاگر کرتا ہے۔

وزارت کے علاقائی دفاتر نے ماحولیاتی بیداری، تخلیقی صلاحیتوں اور فضلے کو دوبارہ استعمال میں لانے کی اہمیت کو فروغ دینے کے لیے مختلف اقدامات کا انعقاد کیا، جیسے جھیلوں اور آبی ذخائر کی صفائی، اور ساتھ ہی دیگر سرگرمیاں بشمول شرمدان، مندروں اور بازاروں جیسے عوامی مقامات کے ارد گرد صفائی کی مہمات، اور اسکولوں میں مضمون نویسی اور فضلے سے فن پارے بنانے کے مقابلے شامل تھے۔

مہم کے تحت، 136 صفائی کے ہدف والی یونٹس کی کایا پلٹ کی گئی، جس میں 10,723 شرکاء نے اپنا تعاون پیش کیا۔ اس کے علاوہ، 5,498 افراد کی شرکت کے ساتھ 59 عوامی مقامات کی صفائی کی گئی۔ یہ کامیابیاں صفائی ستھرائی کو فروغ دینے، عوامی مقامات کو بہتر بنانے اور اجتماعی ذمہ داری کے کلچر کو پروان چڑھانے کے لیے وزارت اور اس کے علاقائی دفاتر کی مشترکہ کوششوں کی عکاسی کرتی ہیں۔

کانکنی کی وزارت اور اس کے علاقائی دفاتر نے 'سوَچھ بھارت' کے وژن کے لیے اپنے عزم کا اعادہ کیا، اور اس بات پر زور دیا کہ ایک صاف ستھرے، صحت مند اور زیادہ پائیدار بھارت کی تعمیر کے لیے مسلسل اجتماعی عمل، ماحولیاتی ذمہ داری اور عوامی شرکت کلیدی حیثیت رکھتے ہیں۔

**********

 (ش ح –ا ب ن)

U.No:6259

(ریلیز آئی ڈی: 2324749) وزیٹر کاؤنٹر : 8