আজি দিল্লী ঘোষণাপত্ৰ গ্ৰহণৰ সৈতে বিমষ্টেকৰ প্ৰথম গৃহ মন্ত্ৰীসকলৰ বৈঠক সমাপ্ত হয়।

দিল্লী ঘোষণা

আমি, বাংলাদেশ, ভূটান, ভাৰত গণৰাজ্য, ম্যানমাৰ গণৰাজ্য, ফেডাৰেল গণতান্ত্ৰিক গণৰাজ্য নেপাল, শ্ৰীলংকা গণতান্ত্ৰিক সমাজবাদী গণৰাজ্য আৰু থাইলেণ্ডৰ গৃহ মন্ত্ৰীসকল, বংগোপসাগৰ ইনিচিয়েটিভ ফৰ মাল্টি-ছেক্টৰেল টেকনিকেল এণ্ড ইক'নমিক কো-অপাৰেশ্যন (বিআইএমএছটিইচি)ৰ সদস্য ৰাষ্ট্ৰ হিচাপে, ভাৰতৰ নতুন দিল্লীত ১৩ অক্টোবৰ ২০২৬ তাৰিখে প্ৰথম বিমষ্টেক গৃহ মন্ত্ৰীৰ বৈঠকৰ বাবে মিলিত হৈছিলো:

১. এক সংযুক্ত, সুৰক্ষিত, স্থিতিস্থাপক, উন্নত আৰু সমৃদ্ধিশালী বিমষ্টেক অঞ্চল গঢ়ি তোলাৰ লক্ষ্যৰে বিমষ্টেকৰ অধীনত আঞ্চলিক সহযোগিতা শক্তিশালী কৰাৰ ক্ষেত্ৰত আমাৰ প্ৰতিশ্ৰুতিৰ কথা পুনৰ ব্যক্ত কৰিছো;

২. তদুপৰি নিৰাপত্তা খণ্ডত বিমষ্টেকৰ মাজত সহযোগিতা সাৰ্বভৌম সমতা, আঞ্চলিক অখণ্ডতা, ৰাজনৈতিক স্বতন্ত্ৰতা, আভ্যন্তৰীণ বিষয়ত হস্তক্ষেপ নকৰা, আগ্ৰাসন নকৰা, শান্তিপূৰ্ণ সহাৱস্থান, পাৰস্পৰিক সন্মান আৰু পাৰস্পৰিক লাভালাভৰ নীতিৰ প্ৰতি সন্মান জনোৱাৰ ওপৰত আধাৰিত আৰু ই সদস্য ৰাষ্ট্ৰসমূহৰ সৈতে জড়িত দ্বিপাক্ষিক, উপ-আঞ্চলিক, আঞ্চলিক বা বহুপাক্ষিক সহযোগিতাৰ পৰিপূৰক নহয় বুলি দোহাৰিছো;

  ৩. স্মৰ্তব্য যে ২০১৮ৰ আগষ্ট মাহত কাঠমাণ্ডুত অনুষ্ঠিত চতুৰ্থ বিমষ্টেক সন্মিলনত সন্ত্ৰাসবাদ বিৰোধী আৰু আন্তঃৰাষ্ট্ৰীয় অপৰাধৰ ক্ষেত্ৰত সহযোগিতা আৰু সমন্বয় বৃদ্ধিৰ বাবে বিমষ্টেকৰ ৰাষ্ট্ৰীয় নিৰাপত্তা উপদেষ্টা/প্ৰধানসকলৰ বৈঠকৰ উপৰি গৃহমন্ত্ৰী পৰ্যায়ৰ বৈঠক অনুষ্ঠিত কৰাৰ সিদ্ধান্ত গ্ৰহণ কৰা হয়।

৪. তদুপৰি স্মৰ্তব্য যে ০৪ এপ্ৰিল ২০২৫ তাৰিখে বেংককত অনুষ্ঠিত হোৱা ষষ্ঠ বিমষ্টেক সন্মিলনত কৌশলগত দিশ প্ৰদান আৰু সুৰক্ষা খণ্ডত সহযোগিতা শক্তিশালী কৰাৰ বাবে গৃহ মন্ত্ৰীৰ বৈঠক (এইচএমএম)অনুস্থিত কৰাৰ সিদ্ধান্তক আদৰণি জনোৱা হয়।

৫. বিমষ্টেকৰ অধীনত নিৰাপত্তা সহযোগিতা গঢ়ি তোলাৰ লক্ষ্যৰে প্ৰতিষ্ঠানগত পৰিকাঠামো উন্নয়নৰ ক্ষেত্ৰত এক মাইলৰ খুঁটি হিচাপে চিহ্নিত বিমষ্টেকৰ গৃহ মন্ত্ৰীসকলৰ উদ্বোধনী বৈঠক আয়োজনৰ বাবে ভাৰতৰ প্ৰচেষ্টাক আদৰণি জনাইছো।

  ৬.এইটো স্বীকৃত যে বংগোপসাগৰ অঞ্চল হৈছে এক উমৈহতীয়া নিৰাপত্তাৰ ক্ষেত্ৰ, য'ত সন্ত্ৰাসবাদ আৰু হিংসাত্মক উগ্ৰবাদ, সন্ত্ৰাসবাদ, ড্ৰাগছ সৰবৰাহ, সংগঠিত অপৰাধ, চাইবাৰ অপৰাধ,  অবৈধ ধন সৰবৰাহ আৰু সন্ত্ৰাসবাদৰ অনুকূল হিংসাত্মক উগ্ৰবাদ, মানৱ সৰবৰাহ, অস্ত্ৰ-শস্ত্ৰৰ চোৰাং সৰবৰাহ, জলদস্যু, চোৰাং চিকাৰ, অবৈধ মানৱ প্ৰব্ৰজন আৰু সন্ত্ৰাসবাদী কাৰ্যকলাপৰ বাবে চাইবাৰ স্পেচৰ অপব্যৱহাৰ আদিৰ দৰে আন্তঃৰাষ্ট্ৰীয় আৰু আঞ্চলিক প্ৰত্যাহ্বান আছে;

৭.তদুপৰি স্বীকাৰ কৰা হৈছে যে আন্তঃৰাষ্ট্ৰীয় অপৰাধ গোটবোৰে মানৱ সৰবৰাহৰ সুবিধা প্ৰদান কৰিবলৈ প্ৰযুক্তি ব্যৱহাৰ কৰি আছে আৰু সৰবৰাহৰ বলি হোৱা ভুক্তভোগীসকলক অনলাইন প্ৰৱঞ্চনা আৰু কেলেংকাৰী কাৰ্যত লিপ্ত হ'বলৈ বাধ্য কৰি শোষণ কৰি আছে, যাৰ ফলত ভুক্তভোগীসকলক বলপূৰ্বক অপৰাধ, ঋণ বন্ধন আৰু বিভিন্ন ধৰণৰ অপমানজনক কাৰ্যৰ অধীন কৰা হৈছে;

৮. স্কেম চেন্টাৰসমূহ (চাইবাৰ প্ৰৱঞ্চনা কেন্দ্ৰ)ত বাধ্যবাধকতামূলক অপৰাধ কাৰ্যত নিয়োজিত কৰা মানৱ সৰবৰাহৰ ভুক্তভোগীসকলৰ উৎপত্তি (Origin), পাৰগমন (Transit) আৰু গন্তব্য স্থান (Destination)ৰ ৰাষ্ট্ৰসমূহৰ লগতে যিবোৰ ৰাষ্ট্ৰত এই স্কেম চেন্টাৰসমূহ চালিত হয় আৰু যিবোৰ ৰাষ্ট্ৰৰ নাগৰিকসকল প্ৰৱঞ্চনাৰ চিকাৰ হয়, সেই সকলো ৰাষ্ট্ৰৰ মাজত নিজ নিজ অধিকাৰ ক্ষেত্ৰ (Jurisdictions) আৰু সীমান্তৰ সিপাৰে, দেশীয় আইন আৰু প্ৰযোজ্য আন্তঃৰাষ্ট্ৰীয় দায়বদ্ধতা অনুসৰি, আৰু ভুক্তভোগীৰ অধিকাৰক সন্মান জনোৱা 'ভুক্তভোগী-কেন্দ্ৰিক দৃষ্টিভংগীৰ' (Victim-centred approach) জৰিয়তে সহযোগিতাৰ জৰুৰী প্ৰয়োজনীয়তাৰ ওপৰত গুৰুত্ব আৰোপ কৰা হয় ৷

  ৯. জটিল আৰু ক্ৰমবৰ্ধমান নিৰাপত্তাৰ প্ৰত্যাহ্বানসমূহক স্বীকৃতি দিয়া আৰু সদস্য ৰাষ্ট্ৰসমূহক সহযোগিতা তথা উমৈহতীয়া দায়িত্বৰ মনোভাৱেৰে উপযুক্ত সঁহাৰি দিয়াৰ বাবে আহ্বান জনোৱা।

  ১০.বিমষ্টেকৰ অধীনত নিৰাপত্তা খণ্ডত আঞ্চলিক সহযোগিতা বৃদ্ধিৰ প্ৰয়োজনীয়তাৰ ওপৰত গুৰুত্ব আৰোপ, যাতে আমাৰ নিৰাপত্তাৰ প্ৰতি বহুমুখী প্রত্যাহ্বান প্ৰতিৰোধ আৰু নিৰ্মূল কৰিব পৰা যায়;

  ১১.নিৰাপত্তা আৰু উন্নয়ন পৰস্পৰৰ সৈতে জড়িত হৈ আছে আৰু নিৰাপত্তা খণ্ডত বিমষ্টেকৰ অধীনত আঞ্চলিক সহযোগিতা বৃদ্ধিয়ে কেৱল নিৰাপত্তা সুনিশ্চিত কৰাই নহয়, উন্নয়নমূলক আশা-আকাংক্ষা বাস্তৱায়িত কৰিব;

  ১২.সীমান্তৰ সীপাৰৰ সন্ত্ৰাসবাদসহ সন্ত্ৰাসবাদ আৰু হিংসাত্মক চৰমপন্থাক ইয়াৰ সকলো ৰূপ আৰু অভিব্যক্তিত  প্ৰতি তীব্ৰ গৰিহণা দিছো, এনে দুষ্কাৰ্য  য'তেই নহওক, যাৰ দ্বাৰা আৰু যি উদ্দেশ্যৰেই সংঘটিত নহওক কিয়  সন্ত্ৰাসবাদৰ প্ৰতি অনুকূল হিংসাত্মক উগ্ৰবাদ প্ৰতিৰোধ, প্ৰতিহত আৰু নিৰ্মূল কৰাৰ বাবে ৰাষ্ট্ৰসংঘৰ চনদ আৰু আন্তঃৰাষ্ট্ৰীয় আইন অনুসৰি এক বিস্তৃত আৰু নিৰন্তৰ উপায়েৰে নিৰ্মূল কৰাৰ বাবে আমাৰ সংকল্প দোহাৰিছো;  ইয়াৰ পৰিপ্ৰেক্ষিতত, ৰাষ্ট্ৰসংঘৰ নিৰাপত্তা পৰিষদৰ নিষেধাজ্ঞা ব্যৱস্থাসমূহৰ কাৰ্যকৰী ৰূপায়ণৰ বাবে আহ্বান জনাইছো, যাৰ ভিতৰত আছে ১২৬৭ নিষেধাজ্ঞা কমিটি। এই প্ৰসংগত সদস্য ৰাষ্ট্ৰ আৰু তেওঁলোকৰ পৰিয়াল আৰু প্ৰভাৱিত ৰাষ্ট্ৰসমূহৰ চৰকাৰসমূহৰ প্ৰতি আমাৰ গভীৰ সমবেদনা আৰু সংহতি প্ৰকাশ কৰিছো আৰু সংশ্লিষ্ট ঘৰুৱা আৰু আন্তঃৰাষ্ট্ৰীয় আইন আৰু ৰাষ্ট্ৰসংঘৰ নিৰাপত্তা পৰিষদৰ প্ৰাসংগিক প্ৰস্তাৱ অনুসৰি দোষীসকলক ন্যায়ৰ আওতালৈ অনাৰ আহ্বান জনাইছো;

  ১৩.সন্ত্ৰাসবাদৰ অনুকূল মৌলবাদ আৰু হিংসাত্মক উগ্ৰপন্থা ৰোধ কৰিবলৈ সহযোগিতাৰ প্ৰয়োজনীয়তাৰ ওপৰত গুৰুত্ব আৰোপ কৰো, বিশেষকৈ সন্ত্ৰাসবাদক পুঁজি যোগান ধৰাৰ বিৰুদ্ধে আন্তৰ্জাতিকভাৱে সহমত পোষণ কৰা আৰু ধন সৰবৰাহ বিৰোধী মানক, ঘৰুৱা আইন আৰু প্ৰযোজ্য আন্তঃৰাষ্ট্ৰীয় আইনৰ সৈতে সামঞ্জস্য ৰখাৰ লগতে সন্ত্ৰাসবাদীৰ উদ্দেশ্যে নতুন আৰু উদীয়মান প্ৰযুক্তিৰ ব্যৱহাৰ ৰোধ কৰা আৰু সন্ত্ৰাসবাদী নিয়োগ ৰোধ কৰাৰ বাবে ৷

  ১৪.সামুদ্ৰিক নিৰাপত্তা সহযোগিতাৰ উল্লেখযোগ্য অগ্রগতি, ১.৫ ট্ৰেক বিমষ্টেক নিৰাপত্তা সংলাপৰ সূচনা আৰু হিমালয়ান বিজ্ঞান পৰিষদৰ বাবে প্ৰচেষ্টাকে ধৰি আমাৰ নিৰাপত্তাৰ বাবে বহুবিধ প্ৰত্যাহ্বানৰ মুখামুখী হোৱাৰ ক্ষেত্রত আঞ্চলিক সহযোগিতা গঢ়ি তোলাত আমাৰ ৰাষ্ট্ৰীয় নিৰাপত্তা প্ৰধান/উপদেষ্টাসকলে পালন কৰা দৃষ্টান্তমূলক ভূমিকাৰ প্রশংসা কৰিছো।

  ১৫. ২০২১ চনৰ মাৰ্চৰ পৰা কাৰ্যকৰী হোৱা আন্তঃৰাষ্ট্ৰীয় সন্ত্ৰাসবাদ, আন্তঃৰাষ্ট্ৰীয় সংগঠিত অপৰাধ আৰু অবৈধ ড্ৰাগছ সৰবৰাহৰ বিৰুদ্ধে বিমষ্টেক সন্মিলনৰ পূৰ্ণ আৰু ফলপ্ৰসূ ৰূপায়ণৰ প্ৰয়োজনীয়তাৰ ওপৰত গুৰুত্ব আৰোপ কৰিছো;

  ১৬. ২০২২ চনৰ মাৰ্চ মাহত কলম্বোত অনুষ্ঠিত পঞ্চম বিমষ্টেক সন্মিলনত স্বাক্ষৰিত অপৰাধমূলক বিষয়ত পাৰস্পৰিক আইনী সাহায্যৰ বিমষ্টেক সন্মিলনৰ কাৰ্যকৰী ৰূপায়ণৰ বাবে আহ্বান জনাইছো,

  ১৭. মানৱ সৰবৰাহৰ ভুক্তভোগীসকলক উদ্ধাৰ, স্বদেশলৈ প্ৰত্যাৱৰ্তন আৰু পুনৰ একত্ৰীকৰণৰ বাবে ক্ৰমে প্ৰত্যৰ্পণ, দোষী সাব্যস্ত ব্যক্তিৰ স্থানান্তৰণ আৰু মানৱ সৰবৰাহৰ বিৰুদ্ধে চুক্তি আৰু মানক সৰবৰাহৰ বিৰুদ্ধে চুক্তি (এছঅ'পি)ৰ পাঠসমূহ শীঘ্ৰে চূড়ান্ত কৰিবলৈ উৎসাহিত কৰিছো ,

  ১৮. মানৱ সৰবৰাহ, নিচাজাতীয় দ্ৰব্য আৰু প্ৰাথমিক ৰাসায়নিক পদাৰ্থ আৰু অবৈধ ধন সৰবৰাহ বিৰোধী ক্ষেত্রত চূড়ান্ত কাৰ্য পৰিকল্পনাৰ কাৰ্যকৰী ৰূপায়ণৰ লগতে মৌলবাদ আৰু সন্ত্ৰাসবাদ দমনৰ ক্ষেত্ৰত সহযোগিতা সম্পৰ্কীয় উপ-গোট (SG-CCRT)ৰ কাৰ্য পৰিকল্পনা চূড়ান্ত কৰাৰ বাবে আহ্বান জনাইছো,

  ১৯. বিমষ্টেক ড্ৰাগছ অপৰাধ নিৰীক্ষণ ডেস্ক (বিডিঅ'এমডি)ৰ বিকাশৰ প্ৰয়োজনীয়তা লক্ষ্য কৰো  আৰু ব্যক্তি সৰবৰাহ তথা প্ৰব্ৰজনকাৰীৰ চোৰাং সৰবৰাহক লৈ  প্ৰস্তাৱিত বিমষ্টেক আঞ্চলিক তথ্য বিনিময় ব্যৱস্থাৰ বিষয়ে সদস্য ৰাষ্ট্ৰসমূহৰ মাজত অধিক আলোচনা কৰাৰ প্ৰয়োজন অনুভব কৰো; যি ৰাষ্ট্ৰীয় আইনী পৰিকাঠামো অনুসৰি কাম কৰিব, আৰু  সকলো সদস্য ৰাষ্ট্ৰৰ দ্বাৰা বাৰ্ষিক ড্ৰাগছ প্ৰতিবেদন সময়মতে প্ৰকাশ কৰাতো জোৰ দিও;

  ২০. বিমষ্টেকৰ পৰিকাঠামোৰ অধীনত আঞ্চলিক পদক্ষেপ হিচাপে সন্ত্ৰাসবাদ, ড্ৰাগছ সৰবৰাহ, মানৱ সৰবৰাহ, ধন সৰবৰাহ আৰু অন্যান্য আন্তঃৰাষ্ট্ৰীয় অপৰাধৰ প্ৰতি অনুকূল সন্ত্ৰাসবাদ আৰু হিংসাত্মক উগ্ৰবাদৰ বিৰুদ্ধে আমাৰ নিজ নিজ আগশাৰীৰ প্ৰতিষ্ঠানসমূহত সকলো সদস্য ৰাষ্ট্ৰৰ অংশগ্ৰহণকাৰীসকলৰ বাবে উপযুক্ত প্ৰশিক্ষণ আৰু ক্ষমতা বিকাশ কাৰ্যসূচী আগবঢ়াবলৈ নিজকে আমি প্ৰতিশ্ৰুতিবদ্ধ কৰো ;

  ২১. নিৰাপত্তা খণ্ডত সহযোগিতা গঢ়ি তোলাৰ বাবে চিটিটিচি আৰু ইয়াৰ উপ-গোটসমূহৰ ক্ষেত্ৰত জে ডব্লিউ জিয়ে গ্ৰহণ কৰা উৎকৃষ্ট কামৰ প্ৰশংসা কৰি এই ঘোষণাপত্ৰত সন্নিবিষ্ট সিদ্ধান্ত আৰু নিৰ্দেশনাসমূহ ৰূপায়ণ কৰাৰ বাবে  নিৰ্দেশ দিওঁ,

২২. ৰাষ্ট্ৰসংঘ, আন্তঃৰাষ্ট্ৰীয় আৰু আঞ্চলিক সংস্থাসমূহৰ বৈঠকৰ সমান্তৰালভাৱে বিমষ্টেক সদস্য ৰাষ্ট্ৰসমূহৰ গৃহ মন্ত্ৰালয়ৰ প্রতিনিধি দলসমূহৰ বৈঠক আহ্বান কৰাৰ বাবে উৎসাহ যোগাও যাতে এই সংগঠনসমূহৰ কাৰ্যসূচীত থকা বিষয়সমূহৰ ওপৰত সমন্বয় সাধন আৰু দৃষ্টিভংগী প্ৰকাশ কৰিব পৰা যায়;

  ২৩.এছিয়া/প্ৰশান্ত মহাসাগৰীয় গ্ৰুপ অন মানি লণ্ডাৰিং (এপিজি)ৰ পৰ্যবেক্ষকৰ মৰ্যাদা সুৰক্ষিত কৰাৰ বাবে বিমষ্টেক সচিবালয়ৰ প্ৰচেষ্টাক শলাগ লৈছোঁ, এই বৈঠকৰ প্ৰস্তুতিত ইয়াৰ ভূমিকা আৰু অৱদানৰ প্ৰশংসা কৰিছো, আৰু বিমষ্টেকৰ অধীনত আঞ্চলিক নিৰাপত্তা সহযোগিতাক আগুৱাই নিয়াত আমাৰ সম্পূৰ্ণ সমৰ্থনৰ আশ্বাস দিছোঁ; আৰু সদস্য ৰাষ্ট্ৰসমূহে গ্ৰহণ কৰা পদক্ষেপসমূহৰ পৰিপূৰক আৰু শক্তিশালী কৰাৰ লক্ষ্যৰে ইউএনঅ'ডিচি, ইণ্টাৰপোল, এফএটিএফৰ দৰে আন্তঃৰাষ্ট্ৰীয় সংস্থা আৰু অন্যান্য প্ৰাসংগিক আন্তঃৰাষ্ট্ৰীয় তথা আঞ্চলিক সংস্থাৰ সৈতে অংশীদাৰিত্বৰ সুযোগ অন্বেষণ কৰিবলৈ সচিবালয়ক উৎসাহিত কৰিছো;

  ২৪.বিমষ্টেকৰ গৃহ মন্ত্ৰীসকলৰ প্রথম বৈঠক আয়োজন কৰাৰ বাবে ভাৰত চৰকাৰক প্ৰশংসা জনাইছো, আমাক প্ৰদান কৰা উষ্ণ আতিথ্য আৰু বৈঠকৰ বাবে কৰা উৎকৃষ্ট ব্যৱস্থাৰ বাবে আমি গভীৰ কৃতজ্ঞতা জ্ঞাপন কৰিছো।

  ২৫.নিয়মীয়াকৈ আৰু সঘনাই লগ পাবলৈ আৰু আমাৰ ভৱিষ্যতৰ সভাবোৰ আয়োজন কৰিবলৈ নিজকে প্ৰতিশ্ৰুতিবদ্ধ কৰিছো ৷

***

RK / RR / AM / PR / PS/MK