উত্তৰ-পূব অঞ্চল (এনইআৰ), পশ্চিম বংগ আৰু ছিকিমৰ এনচিচি সম্পৰ্কীয় বিষয়সমূহ আলোচনা কৰিবলৈ ২০২৬ ৰ ১৫ অক্টোবৰত গুৱাহাটীত এনচিচিৰ সঞ্চালক প্ৰধান লেফটেনেন্ট জেনেৰেল বীৰেন্দ্ৰ বৎসৰ নেতৃত্বত ৰাষ্ট্ৰীয় কেডেট ক’ৰৰ বিশেষ যুটীয়া ৰাজ্যিক প্ৰতিনিধি আৰু অতিৰিক্ত সঞ্চালক প্ৰধানৰ সন্মিলন  অনুষ্ঠিত হ’ব। এই সন্মিলনত প্ৰতিৰক্ষা বিভাগৰ ৰাজ্য মন্ত্ৰী শ্ৰী সঞ্জয় শেঠে অধ্যক্ষতা কৰিব। তদুপৰি এই সন্মিলনত প্ৰতিৰক্ষা মন্ত্ৰালয়, এনচিচি আৰু অংশগ্ৰহণকাৰী ৰাজ্যসমূহৰ ৰাজ্য চৰকাৰৰ জ্যেষ্ঠ প্ৰতিনিধিসকলে একত্ৰিত হোৱাৰ সুযোগ পাব। এই সন্মিলনত এনচিচিৰ সম্প্ৰসাৰণ, কেডেট কল্যাণ, প্ৰশিক্ষণ, প্ৰতিষ্ঠানিক শক্তিশালীকৰণ আৰু প্ৰশাসনিক প্ৰত্যাহ্বানৰ সৈতে জড়িত মূল বিষয়সমূহৰ ওপৰত গুৰুত্ব দিয়া হ’ব। ই এনচিচি আৰু ৰাজ্য চৰকাৰৰ মাজত সমন্বয় বৃদ্ধিৰ বাবে এক মঞ্চ প্ৰদান কৰিব। ইয়াৰ জৰিয়তে  সংগঠনটোৰ প্ৰৱেশাধিকাৰ, কাৰ্য্যকৰীতা আৰু প্ৰভাৱ বৃদ্ধিৰ বাবে সহযোগিতামূলক পদক্ষেপ অন্বেষণ কৰাৰ বাট মুকলি হ’ব।

এনচিচিয়ে  সমাজ সেৱা আৰু সামূহিক উন্নয়নমূলক (এছএছচিডি) কাৰ্যকলাপৰ জৰিয়তে যুৱ উন্নয়ন, ৰাষ্ট্ৰ নিৰ্মাণ তথা সামূহিক  অংশগ্ৰহণত এক গুৰুত্বপূৰ্ণ ভূমিকা পালন কৰে। সমগ্ৰ ভাৰতৰ ৯৯ শতাংশতকৈও অধিক জিলাত থকা শাখাৰ সৈতে, ই শৃঙ্খলাবদ্ধ, দায়িত্বশীল আৰু উৎসাহী নাগৰিকৰ বিকাশত অৰিহণা যোগাইছে। এনচিচিয়ে  কেন্দ্ৰীয় আৰু ৰাজ্য চৰকাৰৰ যৌথ দায়িত্বৰ অধীনত কাম কৰে।

 

****

SR/Ruchi/DD

(ৰিলিজ আই ডি : 2323037) অতিথি কক্ষ : 9