|
വാര്‍ത്താവിനിമയ, വിവരസാങ്കേതികവിദ്യാ മന്ത്രാലയം
കേരളത്തിലെ തൃശ്ശൂര്‍ ജില്ലയില്‍ മൊബൈല്‍ നെറ്റ്വര്‍ക്ക് ഗുണനിലവാരം TRAI വിലയിരുത്തി
പോസ്റ്റഡ് ഓണ്‍:
12 OCT 2026 3:58PM by PIB Thiruvananthpuram
ടെലികോം സേവനദാതാക്കള്‍ (TSPs) നല്‍കുന്ന മൊബൈല്‍ നെറ്റ്വര്‍ക്ക് സേവനങ്ങളുടെ (വോയ്സും ഡാറ്റയും ഉള്‍പ്പെടെ) തത്സമയ ഗുണനിലവാരം വിലയിരുത്തുന്നതിനും പരിശോധിക്കുന്നതിനുമായി 2026 ജൂലൈയില്‍ കേരള ലൈസന്‍സ്ഡ് സര്‍വീസ് ഏരിയയില്‍ (LSA) ഉള്‍പ്പെടുന്ന തൃശ്ശൂര്‍ ജില്ലയില്‍ നടത്തിയ സ്വതന്ത്ര ഡ്രൈവ് ടെസ്റ്റിന്റെ (Independent Drive Test - IDT) കണ്ടെത്തലുകള്‍ ടെലികോം റെഗുലേറ്ററി അതോറിറ്റി ഓഫ് ഇന്ത്യ (TRAI), ടെലികോം ഉപഭോക്താക്കളുടെ അറിവിലേക്കായി പ്രസിദ്ധീകരിച്ചു. കവറേജ്, കോള്‍ ഡ്രോപ്പ് നിരക്ക് (CDR), കോള്‍ സെറ്റപ്പ് വിജയനിരക്ക് (CSSR), ഡാറ്റ ഡൗണ്‍ലോഡ് (DL), അപ്ലോഡ് (UL) ത്രൂപുട്ട് തുടങ്ങിയ പ്രധാന സേവന ഗുണനിലവാര (QoS) മാനദണ്ഡങ്ങളില്‍ ടെലികോം സേവനദാതാക്കളുടെ പ്രകടനം വിലയിരുത്തുകയും രേഖപ്പെടുത്തുകയും ചെയ്യുന്നതാണ് ഈ ഡ്രൈവ് ടെസ്റ്റിന്റെ ലക്ഷ്യം. ഉപഭോക്താക്കളെ ഇത് സംബന്ധിച്ച വിവരമറിയിക്കുന്നതിനും സേവനങ്ങള്‍ മെച്ചപ്പെടുത്താന്‍ ടെലികോം സേവനദാതാക്കളെ പ്രോത്സാഹിപ്പിക്കുന്നതിനുമായി ഈ കണ്ടെത്തലുകള്‍ പ്രസിദ്ധീകരിക്കുന്നു.
നഗരങ്ങള്‍, ഹോട്ട് സ്പോട്ടുകള്‍, പൊതുഗതാഗത കേന്ദ്രങ്ങള്‍ തുടങ്ങിയ വ്യത്യസ്ത ഉപയോഗ സാഹചര്യങ്ങളില്‍ എല്ലാ ടെലികോം സേവനദാതാക്കളുടെയും മൊബൈല്‍ നെറ്റ്വര്‍ക്ക് പ്രകടനം നേരിട്ട് വിലയിരുത്തുന്നതിനായാണ് ഈ സ്വതന്ത്ര ഡ്രൈവ് ടെസ്റ്റുകള്‍ രൂപകല്‍പ്പന ചെയ്തിരിക്കുന്നത്. ഇത്തരം ഡ്രൈവ് ടെസ്റ്റുകളില്‍, എല്ലാ ടെലികോം സേവനദാതാക്കളുടെയും സിം കാര്‍ഡുകള്‍ ഉപയോഗിച്ച് 2G, 3G, 4G, 5G നെറ്റ്വര്‍ക്കുകളിലൂടെ തത്സമയ ഡാറ്റ, വോയ്സ് സെഷനുകള്‍ നടത്തുന്നു. നിരവധി നൂതന ടെസ്റ്റ് ഹാന്‍ഡ്സെറ്റുകള്‍ ഉപയോഗിച്ച് വിപുലമായ സോഫ്റ്റ്വെയര്‍ സംവിധാനങ്ങളുടെ സഹായത്തോടെ ഈ സെഷനുകള്‍ തത്സമയം നിരീക്ഷിക്കുകയും വിശകലനം നടത്തുകയുമാണ് ചെയ്യുന്നത്.
TRAI നിയോഗിച്ച ഏജന്‍സി മുഖേന 2026 ജൂലൈ 21 മുതല്‍ ജൂലൈ 24 വരെ കേരള LSA-യില്‍ ഉള്‍പ്പെടുന്ന തൃശ്ശൂര്‍ ജില്ലയില്‍ ഡ്രൈവ് ടെസ്റ്റുകള്‍ നടത്തി. ഇതില്‍ നഗരപ്രദേശങ്ങളിലെ ഡ്രൈവ് ടെസ്റ്റ് - 297.9 കിലോമീറ്റര്‍, ഹോട്ട്സ്പോട്ട് സ്ഥലങ്ങള്‍ - 10, വാക്ക് ടെസ്റ്റ് - 5.9 കിലോമീറ്റര്‍, ഹൈവേ ഡ്രൈവ് ടെസ്റ്റ് - 180.4 കിലോമീറ്റര്‍ എന്നിവ ഉള്‍പ്പെടുന്നു. ബെംഗളൂരുവിലെ TRAI റീജിയണല്‍ ഓഫീസിന്റെ മേല്‍നോട്ടത്തിലായിരുന്നു ഈ പരിശോധനകള്‍ നടത്തിയത്. ഡ്രൈവ് ടെസ്റ്റ് റിപ്പോര്‍ട്ടുകളില്‍ കണ്ടെത്തിയ നിരീക്ഷണങ്ങള്‍, പരിശോധന നടത്തിയ ദിവസത്തിലും സമയത്തും പരീക്ഷണത്തിന് വിധേയമാക്കിയ പ്രദേശങ്ങളിലോ റൂട്ടുകളിലോ ടെലികോം സേവനദാതാക്കള്‍ കാഴ്ചവെച്ച പ്രകടനത്തെയാണ് പ്രതിനിധീകരിക്കുന്നത്.
ഡ്രൈവ് ടെസ്റ്റ് റൂട്ട് മാപ്പ്:
മാപ്പില്‍ നല്‍കിയിരിക്കുന്ന സൂചകങ്ങള്‍ (Legends) അനുസരിച്ച് നഗരപ്രദേശങ്ങളിലെ ഓപ്പറേറ്റര്‍മാരുടെ കോളുകള്‍, ഹോട്ട്സ്പോട്ടുകള്‍, വാക്ക് ടെസ്റ്റുകള്‍ എന്നിവയുടെ ഡ്രൈവ് ടെസ്റ്റ് റൂട്ടുകളുടെ അവലോകനം താഴെക്കൊടുത്തിരിക്കുന്ന മാപ്പ് നല്‍കുന്നു.
വിലയിരുത്തിയ പ്രധാന മാനദണ്ഡങ്ങള്‍:
1. കവറേജ് വിടവ് (Coverage Gap): ബന്ധപ്പെട്ട സാങ്കേതികവിദ്യയായ 2G, 3G, 4G, 5G എന്നിവയ്ക്ക് നിര്‍ദേശിച്ചിട്ടുള്ള ഏറ്റവും കുറഞ്ഞ സിഗ്‌നല്‍ ശക്തിയേക്കാള്‍ കുറഞ്ഞ സിഗ്‌നല്‍ ശക്തി രേഖപ്പെടുത്തിയ സാമ്പിളുകളുടെ ശതമാനം.
2 വോയ്സ് സേവനങ്ങള്‍ (Voice Services): കോള്‍ സെറ്റപ്പ് വിജയനിരക്ക് (CSSR), കോള്‍ ഡ്രോപ്പ് നിരക്ക് (DCR), കോള്‍ സെറ്റപ്പ് സമയം, കോള്‍ സൈലന്‍സ് നിരക്ക്, സംഭാഷണത്തിന്റെ ഗുണനിലവാരം (MOS).
3. കോള്‍ നിശ്ശബ്ദത സംഭവങ്ങള്‍ (Call Silence Instances): കോളുകള്‍ക്കിടയില്‍ സംഭവിച്ച നിശ്ശബ്ദതയുടെ എണ്ണമാണ് ഇത് സൂചിപ്പിക്കുന്നത്.
4. ഡാറ്റാ സേവനങ്ങള്‍ (Data Services): ഡൗണ്‍ലോഡ്/അപ്ലോഡ് ത്രൂപുട്ട്, ലേറ്റന്‍സി, ജിറ്റര്‍, പാക്കറ്റ് ഡ്രോപ്പ് നിരക്ക്.
പ്രധാന മാനദണ്ഡങ്ങളുടെ അടിസ്ഥാനത്തില്‍ തൃശ്ശൂര്‍ ജില്ലയിലെ മൊത്തത്തിലുള്ള മൊബൈല്‍ നെറ്റ്വര്‍ക്ക് പ്രകടനം താഴെ കൊടുത്തിരിക്കുന്നു .
1.തൃശൂര്‍ ജില്ല
എ) കവറേജ് ഗ്യാപ് - ഓട്ടോ-സെലക്ഷന്‍ മോഡിലുള്ള (5G/4G/3G/2G) ഡ്രൈവ് ടെസ്റ്റ് റൂട്ടില്‍ വോയ്സ് ടെസ്റ്റിംഗിനിടയില്‍ നിരീക്ഷിച്ച സിഗ്‌നല്‍ ശക്തി, ശേഖരിച്ച ആകെ സാമ്പിളുകളില്‍ മോശം സിഗ്‌നല്‍ ശക്തിയുള്ള സാമ്പിളുകളുടെ എണ്ണമായി കണക്കാക്കിയപ്പോള്‍: എയര്‍ടെല്ലിന് 38626-ല്‍ 577, ബി.എസ്.എന്‍.എല്ലിന് 38579-ല്‍ 1115, RJIL-ന് 38365-ല്‍ 686, VIL-ന് 38871-ല്‍ 802 എന്നിങ്ങനെയായിരുന്നു. കവറേജ് ഗ്യാപ്പുകളുടെ വിശദാംശങ്ങള്‍ അനുബന്ധമായുള്ള മാപ്പില്‍ നല്‍കിയിട്ടുണ്ട്.
ബി) ഡ്രോപ്പ്ഡ് കോളുകള്‍ - വിജയകരമായി നടത്തിയ കോളുകളുടെ എണ്ണത്തില്‍ ഡ്രോപ്പ്ഡ് കോളുകളുടെ എണ്ണം കണക്കാക്കിയപ്പോള്‍: എയര്‍ടെല്ലിന് 347-ല്‍ 0, ബി.എസ്.എന്‍.എല്ലിന് 359-ല്‍ 17, RJIL-ന് 348-ല്‍ 0, VIL-ന് 344-ല്‍ 0 എന്നിങ്ങനെയായിരുന്നു. ഡ്രോപ്പ്ഡ് കോള്‍ പ്രദേശത്തിന്റെ വിശദാംശങ്ങള്‍ അനുബന്ധമായുള്ള മാപ്പില്‍ നല്‍കിയിട്ടുണ്ട്.
സി) കോള്‍ സൈലന്‍സ് സംഭവം - വിജയകരമായി സ്ഥാപിച്ച ആകെ കോളുകളില്‍ 3 സെക്കന്‍ഡില്‍ കൂടുതല്‍ ദൈര്‍ഘ്യമുള്ള നിശബ്ദത ഉണ്ടായ സംഭവങ്ങളുടെ ആകെ എണ്ണം കണക്കാക്കിയപ്പോള്‍: എയര്‍ടെല്ലിന് 335-ല്‍ 0, ബി.എസ്.എന്‍.എല്ലിന് 321-ല്‍ 3, RJIL-ന് 337-ല്‍ 0, VIL-ന് 329-ല്‍ 35 എന്നിങ്ങനെയായിരുന്നു. കോള്‍ സൈലന്‍സ് ഉണ്ടായ പ്രദേശങ്ങളുടെ വിശദാംശങ്ങള്‍ അനുബന്ധമായുള്ള മാപ്പില്‍ നല്‍കിയിട്ടുണ്ട്.
ഡി) ഡാറ്റ ഡൗണ്‍ലോഡ്, അപ്ലോഡ് ത്രൂപുട്ട്:
i) ഡാറ്റ ഡൗണ്‍ലോഡ് പ്രകടനം (മൊത്തത്തില്‍): ശരാശരി ഡൗണ്‍ലോഡ് വേഗത എയര്‍ടെല്ലിന് (5G/4G) 145.43 Mbps, ബി.എസ്.എന്‍.എല്ലിന് (4G) 7.92 Mbps, RJIL-ന് (5G/4G) 328.12 Mbps, VIL-ന് (5G/4G/2G) 44.52 Mbps എന്നിങ്ങനെയായി രേഖപ്പെടുത്തി. ഡൗണ്‍ലോഡ് ത്രൂപുട്ടിന്റെ വിശദാംശങ്ങള്‍ അനുബന്ധമായുള്ള മാപ്പില്‍ നല്‍കിയിട്ടുണ്ട്.
ii) ഡാറ്റ അപ്ലോഡ് പ്രകടനം (മൊത്തത്തില്‍): ശരാശരി അപ്ലോഡ് വേഗത എയര്‍ടെല്ലിന് (5G/4G) 27.96 Mbps, ബി.എസ്.എന്‍.എല്ലിന് (4G) 5.41 Mbps, RJIL-ന് (5G/4G) 23.95 Mbps, VIL-ന് (5G/4G/2G) 14.64 Mbps എന്നിങ്ങനെയായി രേഖപ്പെടുത്തി. അപ്ലോഡ് ത്രൂപുട്ടിന്റെ വിശദാംശങ്ങള്‍ അനുബന്ധമായുള്ള മാപ്പില്‍ നല്‍കിയിട്ടുണ്ട്.
ഡ്രോപ്പ്ഡ് കോളുകളുടെയും കോള്‍ സൈലന്‍സ് സംഭവങ്ങളുടെയും ലൊക്കേഷനുകള്‍ അനുബന്ധമായ മാപ്പിലെ ചുവന്ന ബിന്ദുവില്‍ ക്ലിക്ക് ചെയ്ത് കാണാവുന്നതാണ്.
2. ഹൈവേ ഡ്രൈവ് - കൊച്ചി മുതല്‍ തൃശൂര്‍ വഴി കോഴിക്കോട് വരെ
എ) കവറേജ് ഗ്യാപ് - ഓട്ടോ-സെലക്ഷന്‍ മോഡിലുള്ള (5G/4G/3G/2G) ഡ്രൈവ് ടെസ്റ്റ് റൂട്ടില്‍ വോയ്സ് ടെസ്റ്റിംഗിനിടയില്‍ നിരീക്ഷിച്ച സിഗ്‌നല്‍ ശക്തി, ശേഖരിച്ച ആകെ സാമ്പിളുകളില്‍ മോശം സിഗ്‌നല്‍ ശക്തിയുള്ള സാമ്പിളുകളുടെ എണ്ണമായി കണക്കാക്കിയപ്പോള്‍: എയര്‍ടെല്ലിന് 18406-ല്‍ 90, ബി.എസ്.എന്‍.എല്ലിന് 18366-ല്‍ 207, RJIL-ന് 17686-ല്‍ 62, VIL-ന് 18345-ല്‍ 115 എന്നിങ്ങനെയായിരുന്നു. കവറേജ് ഗ്യാപ്പുകളുടെ വിശദാംശങ്ങള്‍ അനുബന്ധമായുള്ള മാപ്പില്‍ നല്‍കിയിട്ടുണ്ട്.
ബി) ഡ്രോപ്പ്ഡ് കോളുകള്‍ - വിജയകരമായി സ്ഥാപിച്ച കോളുകളുടെ എണ്ണത്തില്‍ ഡ്രോപ്പ്ഡ് കോളുകളുടെ എണ്ണം കണക്കാക്കിയപ്പോള്‍: എയര്‍ടെല്ലിന് 92-ല്‍ 0, ബി.എസ്.എന്‍.എല്ലിന് 94-ല്‍ 2, RJIL-ന് 87-ല്‍ 1, VIL-ന് 93-ല്‍ 2 എന്നിങ്ങനെയായിരുന്നു. ഡ്രോപ്പ്ഡ് കോള്‍ ലൊക്കേഷനുകളുടെ വിശദാംശങ്ങള്‍ അനുബന്ധമായുള്ള മാപ്പില്‍ നല്‍കിയിട്ടുണ്ട്.
സി) കോള്‍ സൈലന്‍സ് സംഭവങ്ങള്‍ - വിജയകരമായി സ്ഥാപിച്ച ആകെ കോളുകളില്‍ 3 സെക്കന്‍ഡില്‍ കൂടുതല്‍ ദൈര്‍ഘ്യമുള്ള നിശബ്ദത ഉണ്ടായ സംഭവങ്ങളുടെ ആകെ എണ്ണം കണക്കാക്കിയപ്പോള്‍: എയര്‍ടെല്ലിന് 91-ല്‍ 0, ബി.എസ്.എന്‍.എല്ലിന് 92-ല്‍ 9, RJIL-ന് 87-ല്‍ 0, VIL-ന് 91-ല്‍ 7 എന്നിങ്ങനെയായിരുന്നു.
കോള്‍ നിശബ്ദത സംഭവങ്ങളുടെ ലൊക്കേഷനുകളുടെ വിശദാംശങ്ങള്‍ അനുബന്ധമായുള്ള മാപ്പില്‍ നല്‍കിയിട്ടുണ്ട്.
ഡി) ഡാറ്റ ഡൗണ്‍ലോഡ്, അപ്ലോഡ് ത്രൂപുട്ട്:
1.ഡാറ്റ ഡൗണ്‍ലോഡ് പ്രകടനം (മൊത്തത്തില്‍): ശരാശരി ഡൗണ്‍ലോഡ് വേഗത Airtel (5G/4G)-ന് 165.81 Mbps, BSNL (4G)-ന് 10.14 Mbps, RJIL (5G/4G)-ന് 346.73 Mbps, VIL (5G/4G/2G)-ന് 22.77 Mbps എന്നിങ്ങനെയാണ് രേഖപ്പെടുത്തിയത്. ഡൗണ്‍ലോഡ് ത്രൂപുട്ടിന്റെ വിശദാംശങ്ങള്‍ അനുബന്ധമായി നല്‍കിയിരിക്കുന്ന മാപ്പില്‍ ഉള്‍പ്പെടുത്തിയിട്ടുണ്ട്.
ii) ഡാറ്റ അപ്ലോഡ് പ്രകടനം (മൊത്തത്തില്‍): ശരാശരി അപ്ലോഡ് വേഗത Airtel (5G/4G)-ന് 38.36 Mbps, BSNL (4G)-ന് 5.17 Mbps, RJIL (5G/4G)-ന് 29.92 Mbps, VIL (5G/4G/2G)-ന് 13.70 Mbps എന്നിങ്ങനെയാണ് രേഖപ്പെടുത്തിയത്. അപ്ലോഡ് ത്രൂപുട്ടിന്റെ വിശദാംശങ്ങള്‍ അനുബന്ധമായി നല്‍കിയിരിക്കുന്ന മാപ്പില്‍ ഉള്‍പ്പെടുത്തിയിട്ടുണ്ട്.
കോള്‍ ഡ്രോപ്പ് സംഭവങ്ങളുടെയും കോള്‍ നിശ്ശബ്ദത (Call Silence) സംഭവങ്ങളുടെയും സ്ഥാനങ്ങള്‍ അനുബന്ധമായി നല്‍കിയിരിക്കുന്ന മാപ്പിലെ ചുവന്ന ബിന്ദുവില്‍ ക്ലിക്ക് ചെയ്ത് കാണാവുന്നതാണ്.
IDT-യുടെ ഭാഗമായി പരിശോധിച്ച റൂട്ടിന്റെയും ഉള്‍പ്പെടുത്തിയ പ്രദേശങ്ങളുടെയും വിശദാംശങ്ങള്‍ താഴെ കൊടുക്കുന്നു:
a) നഗരം (City): തൃശ്ശൂര്‍ ജില്ലയിലെ വാടാനപ്പള്ളി, അരിമ്പൂര്‍, മണ്ണുത്തി, കുറാഞ്ചേരി, കിരാലൂര്‍, കുറ്റൂര്‍ , പൂങ്കുന്നം, കേച്ചേരി, കുന്നംകുളം, ചാവക്കാട്, പാവറട്ടി, മണലൂര്‍, ഇരിങ്ങാലക്കുട, മാള, ചാലക്കുടി, പുതുക്കാട്, ഒല്ലൂര്‍ തുടങ്ങിയ പ്രദേശങ്ങളാണ് നഗരത്തിലെ ഡ്രൈവ് ടെസ്റ്റില്‍ ഉള്‍പ്പെടുത്തിയിരിക്കുന്നത്.
b) ദേശീയപാത (Highway): കൊച്ചി മുതല്‍ തൃശ്ശൂര്‍ വഴി കോഴിക്കോട് വരെയുള്ള പാതയില്‍ അത്താണി, ഇടപ്പള്ളി, വരാപ്പുഴ, കൊടുങ്ങല്ലൂര്‍, തളിക്കുളം, ചാവക്കാട്, പൊന്നാനി, വളാഞ്ചേരി, പൈങ്ങോട്ടൂര്‍ തുടങ്ങിയ സ്ഥലങ്ങളിലൂടെ പരിശോധന നടത്തി.
c) ഹോട്ട്സ്പോട്ടുകള്‍ (Hotspot): സഞ്ചാരത്തിലല്ലാത്ത ഉപയോക്താക്കളുടെ അനുഭവം വിലയിരുത്തുന്നതിനായി തെരഞ്ഞെടുത്ത ഹോട്ട്സ്പോട്ട് സ്ഥലങ്ങള്‍ ചാലക്കുടി റെയില്‍വേ സ്റ്റേഷന്‍, തൃശ്ശൂര്‍ ജില്ലാ ആശുപത്രി, ഗവണ്‍മെന്റ് മെഡിക്കല്‍ കോളേജ് ആശുപത്രി തൃശ്ശൂര്‍, ഹൈലൈറ്റ് മാള്‍ തൃശ്ശൂര്‍, ഇരിങ്ങാലക്കുട KSRTC ബസ് സ്റ്റാന്‍ഡ്, ശക്തന്‍ തമ്പുരാന്‍ ബസ് സ്റ്റാന്‍ഡ്, തൃശ്ശൂര്‍ കളക്ടറേറ്റ്, തൃശ്ശൂര്‍ കോര്‍പ്പറേഷന്‍ ഓഫീസ്, തൃശ്ശൂര്‍ KSRTC ബസ് സ്റ്റാന്‍ഡ്, വാടാനപ്പള്ളി എന്നിവയാണ്.
d) വാക്ക് ടെസ്റ്റ് (Walk Test): 2026 ജൂലൈ 23, 24 തീയതികളില്‍ ഗുരുവായൂര്‍ ക്ഷേത്രം, തൃശ്ശൂര്‍ റെയില്‍വേ സ്റ്റേഷന്‍, തൃശ്ശൂര്‍ സ്വരാജ് റൗണ്ട് നടപ്പാത തുടങ്ങിയ സ്ഥലങ്ങളില്‍ വാക്ക് ടെസ്റ്റ് നടത്തി.
ഈ IDT റിപ്പോര്‍ട്ടിലെ കണ്ടെത്തലുകള്‍ തുടര്‍നടപടികള്‍ സ്വീകരിക്കുന്നതിനായി ബന്ധപ്പെട്ട ടെലികോം സേവനദാതാക്കളുമായി (TSPs) പങ്കുവെച്ചിട്ടുണ്ട്. IDT-യുടെ വിശദമായ റിപ്പോര്‍ട്ടുകള്‍ TRAI-യുടെ വെബ്സൈറ്റായ www.trai.gov.in-ല്‍ ലഭ്യമാണ്.
എന്തെങ്കിലും വ്യക്തതയോ കൂടുതല്‍ വിവരങ്ങളോ ആവശ്യമുണ്ടെങ്കില്‍ adv.bengaluru@trai.gov.in എന്ന ഇമെയില്‍ വിലാസത്തിലേക്ക് സന്ദേശം അയയ്ക്കാവുന്നതാണ്. അല്ലെങ്കില്‍ ബെംഗളൂരുവിലെ TRAI റീജിയണല്‍ ഓഫീസുമായി +91-80-22865004 എന്ന ടെലിഫോണ്‍ നമ്പറില്‍ ബന്ധപ്പെടാവുന്നതാണ്.
അനുബന്ധം കാണാന്‍ ഇവിടെ ക്ലിക്ക് ചെയ്യുക.
****
( റിലീസ് ഐ.ഡി: 2322409)
|