بحریہ، فضائیہ اور بری فوج سے متعلق مختلف مراحل کی تکمیل کے بعد 24 صحافیوں پر مشتمل دفاعی نامہ نگاروں کا کورس تیج پور میں اختتام پذیر ہوا۔

تین ہفتوں پر مشتمل اس کورس کے ذریعے شریک صحافیوں کو تینوں افواج کے کردار، صلاحیتوں اور عملیاتی ماحول کو سمجھنے کا موقع ملا۔ مختلف بریفنگز، فیلڈ وزٹس اور فوجی اہلکاروں کے ساتھ تبادلہ خیال کے ذریعے شرکا نے دفاعی افواج کے کام کاج اور دفاعی رپورٹنگ سے وابستہ ذمہ داریوں کے بارے میں معلومات حاصل کیں۔

اس پروگرام سے دفاعی افواج اور ذرائع ابلاغ کے درمیان باہمی افہام و تفہیم کو بھی فروغ ملا۔ اس بات کو اجاگر کیا گیا کہ دونوں عوامی بیداری میں اضافے کے لیے مشترکہ طور پر پُرعزم ہیں، جبکہ اس دوران آپریشنل حساسیت اور قومی سلامتی کے تقاضوں کا بھی پورا خیال رکھا جاتا ہے۔

اختتامی تقریب کی صدارت لیفٹیننٹ جنرل نیرج شکلا، جنرل آفیسر کمانڈنگ، گجراج کور نے کی۔ وزارت دفاع کے ایڈیشنل ڈائریکٹر جنرل (میڈیا و مواصلات) جناب وجے کمار کے علاوہ ڈائریکٹوریٹ آف پبلک ریلیشنز کے افسران نے بھی تقریب میں شرکت کی۔

***

ش ح۔ ش ت۔ ج

uno- 4990

(ریلیز آئی ڈی: 2322110) وزیٹر کاؤنٹر : 10