24 ਪੱਤਰਕਾਰਾਂ ਲਈ ਆਯੋਜਿਤ ਕੀਤੇ ਗਏ ਰੱਖਿਆ ਪੱਤਰਕਾਰ ਕੋਰਸ ਦੀ ਸਮਾਪਤੀ ਤੇਜ਼ਪੁਰ ਵਿਖੇ ਹੋਈ। ਇਸ ਦੌਰਾਨ ਭਾਗੀਦਾਰਾਂ ਨੇ ਥਲ ਸੈਨਾ, ਜਲ ਸੈਨਾ ਅਤੇ ਹਵਾਈ ਸੈਨਾ ਨਾਲ ਸਬੰਧਿਤ ਵੱਖ-ਵੱਖ ਪੜਾਅ ਪੂਰੇ ਕੀਤੇ।

ਪੱਤਰਕਾਰਾਂ ਨੂੰ ਤਿੰਨ ਹਫਤਿਆਂ ਦੇ ਇਸ ਕੋਰਸ ਦੌਰਾਨ ਥਲ ਸੈਨਾ, ਜਲ ਸੈਨਾ ਅਤੇ ਹਵਾਈ ਸੈਨਾ ਦੀਆਂ ਭੂਮਿਕਾਵਾਂ, ਸਮਰੱਥਾਵਾਂ ਅਤੇ ਕਾਰਜਪ੍ਰਣਾਲੀ ਦੀ ਜਾਣਕਾਰੀ ਦਿੱਤੀ ਗਈ। ਵੱਖ-ਵੱਖ ਜਾਣਕਾਰੀ ਸੈਸ਼ਨਾਂ, ਖੇਤਰੀ ਦੌਰਿਆਂ ਅਤੇ ਸੈਨਿਕ ਕਰਮਚਾਰੀਆਂ ਨਾਲ ਗੱਲਬਾਤ ਰਾਹੀਂ ਭਾਗੀਦਾਰਾਂ ਨੇ ਰੱਖਿਆ ਬਲਾਂ ਦੇ ਕੰਮਕਾਰ ਅਤੇ ਰੱਖਿਆ ਸਬੰਧੀ ਸਮਾਚਾਰਾਂ ਦੀ ਰਿਪੋਰਟਿੰਗ ਨਾਲ ਜੁੜੀਆਂ ਜ਼ਿੰਮੇਦਾਰੀਆਂ ਨੂੰ ਸਮਝਿਆ।

ਇਸ ਸੰਵਾਦ ਨਾਲ ਰੱਖਿਆ ਬਲਾਂ ਅਤੇ ਮੀਡੀਆ ਵਿਚਕਾਰ ਆਪਸੀ ਸਮਝ ਹੋਰ ਮਜ਼ਬੂਤ ਹੋਈ। ਨਾਲ ਹੀ, ਇਹ ਗੱਲ ਵੀ ਉਜਾਗਰ ਹੋਈ ਕਿ ਦੋਵੇਂ ਧਿਰਾਂ ਜਨ-ਜਾਗਰੂਕਤਾ ਵਧਾਉਣ ਲਈ ਵਚਨਬੱਧ ਹਨ ਅਤੇ ਇਸ ਦੇ ਨਾਲ ਹੀ ਸੈਨਿਕ ਅਭਿਆਸਾਂ ਦੀ ਸੰਵੇਦਨਸ਼ੀਲਤਾ ਅਤੇ ਰਾਸ਼ਟਰੀ ਸੁਰੱਖਿਆ ਨਾਲ ਜੁੜੇ ਪਹਿਲੂਆਂ ਦਾ ਵੀ ਪੂਰਾ ਖਿਆਲ ਰੱਖਦੇ ਹਨ।

ਸਮਾਪਤੀ ਸਮਾਗਮ ਦੀ ਪ੍ਰਧਾਨਗੀ ਗਜਰਾਜ ਕੋਰ ਦੇ ਜਨਰਲ ਅਫਸਰ ਕਮਾਂਡਿੰਗ, ਲੈਫਟੀਨੈਂਟ ਜਨਰਲ ਨੀਰਜ ਸ਼ੁਕਲਾ ਨੇ ਕੀਤੀ। ਇਸ ਮੌਕੇ ਰੱਖਿਆ ਮੰਤਰਾਲੇ ਦੇ ਐਡੀਸ਼ਨਲ ਡਾਇਰੈਕਟਰ ਜਨਰਲ (ਮੀਡੀਆ ਅਤੇ ਸੰਚਾਰ) ਸ਼੍ਰੀ ਵਿਜੈ ਕੁਮਾਰ ਅਤੇ ਡਾਇਰੈਕਟੋਰੇਟ ਆਫ ਪਬਲਿਕ ਰਿਲੇਸ਼ਨਸ ਦੇ ਅਧਿਕਾਰੀ ਵੀ ਮੌਜੂਦ ਸਨ।

*******

ਐੱਸਆਰ/ਪੀਐੱਸ/ਏਕੇ

(Release ID: 2322025) ਵਿਜ਼ੀਟਰ ਕਾਊਂਟਰ : 2