প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা জয়গোপাল গরোদিয়া হিন্দু বিদ্যালয় মেত্রিকুলেসন হায়র সেকেন্দরি স্কুল, চেন্নই, তামিল নাদুগী গোলদন জুবিলি থৌরমদা শরুক য়াখ্রে
ঐখোয়গী নহারোলশিংগী ইনর্জিনা ভারতকি তুংগী ফিভমদা অচৌবা থাজবা অমা পোকহল্লি: পি.এম
ঙসিগী নহারোলশিংনা ‘বিকসিত ভারত’ অমগী মঙলান অসিবু থৌনা হাপলিবা পাঙ্গল ওইনাবা ৱাশক্লি; বিকসিত ভারত অমগীদমক মথৌ তাবা অনৌবা ৱাখল্লোনশিং অমসুং সোলুসনশিং, ভারত খক্তগী নত্তনা মালেম পুম্বগী তুংগী ফিভম শেমগনি: পি.এম
ঙসি ভারত্তা ফংলিবা লোয়নাইদ্রবা খুদোংচাবশিং অসি য়েংলগা, নহা খুদিংমক্নাা মখোয়গী তুংগী পুন্সী অদু অচৌবা কেনভাস অদুদা উবা পাম্মী; মরমদি, মসি অদোমগী মতম্নি, মসি অদোমগী খুদোংচাবনি: পি.এম
ঐহাক্না অথোয়বা সাধু থিরুভল্লুবরজিবুসু নিংশিংলি, মহাক্কী তম্বিবা অসি মহৈরোয় খুদিংমক্কীদমক য়াম্না মরু ওই; হন্দক্তা ঐহাক্না তিরুক্কুরালগী রশিয়াগী ত্রান্সলেসন অমা রশিয়াগী রাস্ত্রপতি পুতিন্দা পিবগী খুদোংচাবা ফংজখি: পি.এম
তিরুক্কুরাল অসি পুন্সী চুপ্পা অনৌবা ৱাফম অমা তমদুনা লৈবা পাম্বা পুম্নমক্কীদমক অঙকপা গাইদলাইন অমনি: পি.এম
মহাক্কী য়াম্না মমিং চৎলবা কুরাল অমাদা থিরুভল্লুবরজিনা ঐখোয়দা তাকপিরি মদুদি করিগুম্বা খরা তম্বগা লোয়ননা কনাগুম্বা অমগী পুন্সীদা মদু লৌশিনবগীসু মথৌ তাই: পি.এম
ভারতনা ২০৩০গী কমনৱেল্থ গেম্স পাঙথোক্নবা শেম শারিঙৈদা, ২০৩৬কি ওলেম্পিক্স পাঙথোক্নবা মংলান অদুসু ঐখোয়না মাংলোমদা চংশিল্লি: পি.এম
থাগৎখিবা:
11 OCT 2026 7:05PM by PIB Imphal
প্রধান মন্ত্রী শ্রী নরেন্দ্র মোদীনা ঙসি তামিল নাদুগী চেন্নইদা জয়গোপাল গারোদিয়া হিন্দু বিদ্যালয় মেত্রিকুলেসন হায়র সেকেন্দরি স্কুলগী গোলদন জুবিলি থৌরমদা শরুক য়াখ্রে। নুমিৎ অসিগী অথোয়বা থৱায়গী ওয়বা মরুওয়বা অদু ফোঙদোক্লদুনা প্রধান মন্ত্রীনা নবরাত্রিগী খ্বাইদগী অহানবা নুমিত্তা শেংলবা লম শিব অমসুং শক্তিগী লমদা চৎপদা মহাক্কী অপেনবা হরাওবা ফোঙদোকখি। মহাক্না হায়খি মদুদি ইমা সরস্বতিগী ভক্তশিংগা উনবদা নহাশিংগী পোজিতিব ওয়বা ইনর্জি, পুক্নিং থৌগত্পা, অমসুং থৱাই য়াওবা থৌনা অদু থেংনবনা কুম্মৈ অসিগী থাজবা য়াদবা নুংঙায়বা হৌরকপা অমা ওইখি।"ঐহাক্না ভারতকি তুংগী ফিভম অসি নখোয় পুম্নমক্কী মমিত্তা উবা ফঙই,” হায়না শ্রী মোদীনা থোইদোক্না ফোংদোকখি।
নহা ওইরিবা মিরোলগী অচৌবা মঙম অদু খঙলদুনা প্রধান মন্ত্রীনা অকনবা ৱাফম থমখি মদুদি ঙসিগী নহারোলশিংনা ‘বিকসিত ভারত’কী মিত্য়েংদা থৌনা হাপ্নবা অচেৎপা অপামবা অমা লৈরি। মহাক্না হায়খি মদুদি জাতিগী পান্দম অসি ফঙনবা মথৌ তাবা অনৌবা ৱাখল্লোনশিং অমসুং সোলুসনশিং অসিনা অরোয়বদা লৈবাক অসিগী তশেংবা ফিভম খক্তা নত্তনা মালেম পুম্বগী তুংগী ফিভম শেমগৎকনি।"ঙসি মালেম অসিনা সোলুসনশিং থিরি, অমসুং সোলুসনশিং অদু পিবগী মঙম অদু নখোয়দা লৈরি,” হায়না শ্রী মোদীনা অকনবা ৱাফম থমখি।
মহৈরোয়শিংবু অচৌবা মওংদা মংলান পোকহন্নবা পুক্নিং থৌগত্লদুনা প্রধান মন্ত্রীনা নহা খুদিংদা লৈবাক শিনবা থুংনা হৌজিক থোরক্লিবা লোয়বা নাইদাবা খুদোংচাবশিংগী অচৌবা কেনভাসতা মখোয়গী তুংগী ফিভম য়েংশিন্নবা তকশিনখি। মহাক্না মপুঙ ফানা থাজবা ফোঙদোকখি মদুদি মসিগী অপুনবা জাতিগী মংলান অসি মমাঙদা অমুকতা ওইখিদ্রিবা মওংদা ওইথোকপা য়াবা মতম অসিদা মখোয়গী লমজিং মখাদা মপুঙ ফানা লৈরি।"পুন্না, ঐখোয়না তৌগনি!” শ্রী মোদীনা থাজবা পিখি।
য়াম্না লুবা লনাইগী ওয়বা ৱারি অমা পল্লদুনা প্রধান মন্ত্রীনা মহাক্কী খোঙচৎ অদুগী মতুংদা লৈরিবা পুক্নিং চিংশিন্নিংঙায় ওয়বা ইন্সপিরেসন অদু ফোঙদোকখি, থা খরগী মমাঙদা নাগেরকোইলদা গীরিজা অম্মা অমসুং অঙাং কয়াগা উনখিবা অদু নিংশিংলদুনা।"মহাক্কী থম্মোয় শেঙনা কত্থোকপা, মশাদা থাজবা থমবা, অমসুং লৈবাক অসিগী তুংগী ফিভমগী মতাঙদা লেপ্পাা লৈতনা কত্থোকপা অসিনা ঐগী ৱাখলদা মমাঙদা অমুক্তা ওইখিদ্রিবা মওংদা ইথিল অমা থমখি,” হায়না শ্রী মোদীনা রিমার্ক তৌখি।
অহানবা মীফম অদুদা পিখিবা ৱাশক অদু মপুঙ ফাহন্দুনা প্রধান মন্ত্রীনা সেয়র তৌখি মদুদি গীরিজা অম্মাগী থম্মোয় শেঙনা নুংশিবা অমসুং পুৱারি ওইরবা ইন্সতিত্যুসন অসিবু মহাক্কী মশাগী ওয়বা থম্মোয় শেঙনা ইকায় খুম্নবা অদুনা মহাকপু গোলদন জুবিলি থৌরমদা মহাক্কী কৌরকপা অদু য়ানিংবা ফোঙদোকখি। শ্রী মোদীনা চেৎনা হায়খি, “চহি মঙাগী অথোয়বা খোঙচৎ অসিগীদমক ঐহাক্না বিস্ব হিন্দু বিদ্যা কেন্দ্র অমসুং হিন্দু বিদ্যালয় ইমুং পুম্নমক্কী মফমদা থম্মোয় শেঙনা নুংঙায়বা ফোঙদোকচরি।”
ইন্সতিত্যুসন অসিগী য়াম্না ইন্সপিরেস্নেল ত্রাজেক্তরি ত্রেক তৌদুনা প্রধান মন্ত্রীনা থোইদোক্না ফোংদোকখি মদুদি বিস্ব হিন্দু বিদ্যা কেন্দ্র অসি ১৯৭৫দা চেন্নইগী ‘ৱেস্ত মম্বলম’দা য়াম্না অপিকপা স্কুল অমা ওইনা সুপ্নতগী মহৈরোয় ৭ খক্তমক অমসুং য়াম্না নেম্বা রিসোর্সশিংগা লোয়ননা হৌখি। মহাক্না লিংখৎখিবশিংবু মখোয়গী অচেৎপা অপাম্বা অমসুং থুগায়বা ঙমদবা সেবাগী ৱাখল্লোন্দা থাজবা থমদুনা অহানবা খুদোংচাদবশিং মায়থিবা পিনবা অমসুং মোদর্ন ফেসিলিতিশিং নত্রগা পর্মেনেন্ত বিল্দিং অমা লৈতবসু ইন্সতিত্যুসন অসিবু মাংলোমদা পুখত্পগীদমক থাগৎখি।"মরম অসিনা অৱাবা খুদিংমক মায়োক্নরবসু ইন্সতিত্যুসন অসিনা মাংলোমদা চঙশিনখি,” হায়না শ্রী মোদীনা ফোংদোকখি।
অদুগুম্বা ইচম চম্বা হৌরকফমশিং অদুদগী পোকপা চাওনা পাকথোক চাওথোকপা অদু ফোঙদোক্লদুনা প্রধান মন্ত্রীনা মতৌ করম্না অদুগুম্বা অপিকপা অহানবা হোৎনবা অদু দিকেদ কয়াদগী অচৌবা মহৈ-মশিংগী খোঙজং অমা ওইরকখিবগে হায়বদু নিংশিংখি। মহাক্না রাজ্য শিনবা থুংনা ইন্সতিত্যুসন অসিনা হৌজিক য়ৌরক্লিবা অসিগী য়াম্না নুংঙায়বা স্কেল অদু থোইদোক্না ফোংদোকখি।"ঙসি নখোয়না তামিল নাদুগী তোঙান তোঙানবা মফমশিংদা ইন্সতিত্যুসন ১৫ লৈরে,” হায়না শ্রী মোদীনা থোইদোক্না ফোংদোকখি।
ইন্সতিত্যুসন অসিগী ফাওন্দেস্নেল ফিগরশিংবু ইকায় খুম্নবা উৎলদুনা প্রধান মন্ত্রীনা স্কুলগী বিল্দিং শাবদা শ্রী জয়গোপাল গরোদিয়াগী মরুওয়বা থৌদাংশিং অদুবু ইকায় খুম্ননা নিংশিংখি। মহাক্না হিন্দু বিদ্যালয়গী খোঙচৎ অসি থোয়দোক হেন্দোকপা মায়পাকপা অমা ওইহন্নবা মখোয়গী পুন্সী কত্থোকখিবা ওজাশিং, স্তাফশিং, মমা-মপাশিং, অমসুং এলুম্নি পুম্নমকপু মহাক্কী থম্মোয় শেঙনা থাগত্পা ফোঙদোকখি।"চহি মঙাগী কত্থোকপা, চহি মঙাগী ৱাশক, চহি মঙাগী নহা ওইরিবা পুন্সীবু মশক তাকপা,” নি হায়না শ্রী মোদীনা ফোঙদোকখি।
একাদমিক এজুকেসন অসি অচেৎপা লৈবাক নুংশিবগী মগুনশিংগা মায় পাকনা য়ানশিন্নবগীদমক ইন্সতিত্যুসন অসিবু থাগত্লদুনা প্রধান মন্ত্রীনা মহাক্কী ‘মন কি বাৎ’ প্রোগ্রামদা গীরিজা অম্মাবু পনখিবা অদু নিংশিংখি মদুদি অঙাংশিংনা জাতিগী লানমিশিংগীদমক্তা নোংমাদা লুপা অমা খকতমক কনবা ঙম্নবা ময়েক শেঙনা ইথিল পিখি। মহাক্না লুপা লাখ ৪০ মায় পাকনা খোমগৎনবা রিজোলুসন অসিদা শরুক য়াখিবা অঙাং লিশিং কয়ানা থাজবা য়াদবা অপুনবা ইম্পেক্তা অদু থাগৎখি।"তশেঙনা, কয়াদা পুক্নিং থৌগৎনিংঙায় ওয়বা খুদমনো!” শ্রী মোদীনা থাজবা পিখি।
হেনগৎলক্লিবা হোত্নরিবশিংগী অচেৎপা শক্তি অদুদা অকনবা ৱাফম থম্লদুনা প্রধান মন্ত্রীনা হায়খি মদুদি অপিকপা থৌদাংশিংনা খুন্নাইদা অচৌবা অফবা মমি অমা তাহনবা ঙমগনি। মহাক্না হিন্দু বিদ্যালয় ইমুঙবু মহৌশাগী খুদোংথিবা থোকপা মতমদা তঙায় ফদবা মিওইশিংদা মতেং পাঙবগী খুত্থাংদা ওইরবসু নত্রগা শেংদোকপগী থৌওংশিংদা এক্তিব ওইনা শরুক য়াবগী খুত্থাংদা ওইরবসু ভেল্যুশিংগী অচৌবা লিগেসি অমা এক্তিব ওইনা শেমগৎপগীদমক থাগৎখি।"অপিকপা হোৎনবা অমনা ফাওবা য়াম্না চাওবা মমি অমা তাহনবা ঙমগনি,” হায়না শ্রী মোদীনা ফোংদোকখি।
অরিবা লৌশিং লৌশিন্দুনা প্রধান মন্ত্রীনা অথোয়বা সাধু থিরুভল্লুবরবু ইকায় খুম্নবা উৎখি, মহাক্কী তম্বিবা অসিনা ঙসিগী মহৈরোয়শিংগীদমক্তা মতমসিগী ওয়বা অচৌবা মরি অমা থম্লি হায়না অকনবা ৱাফম থমখি। মহাক্না হন্দক্কী দিপ্লোমেতিক ইন্তরেক্সন অমা চাওথোকচনা সেয়র তৌখি মদুদা মহাক্না থিরুক্কুরালগী রশিয়াগী ত্রান্সলেসন অমা রাস্ত্রপতি পুতিন্দা পিখি।”মহাক্কী তম্বিবা অসিনা নখোয় মহৈরোয় পুম্নমক্কীদমক য়াম্না মরুওই,” হায়না শ্রী মোদীনা থোইদোক্না ফোংদোকখি।
থিরুক্কুরালগী মতম কুইনা চৎকদবা লমজিং-লমতাকশিংগী মতাঙদা শন্দোক্না তাক্লদুনা প্রধান মন্ত্রীনা লাইরিক অসিবু পুন্সী চুপ্পা তম্লিবশিংগীদমক অঙকপা কম্পাশ অমা ওইনা থাগৎখি। মহাক্না থিরুভল্লুবরগী মমিং লৈরবা কুরাল অমা ফোঙদোকখি মদুদা তমখিবা লৌশিং অদু কনাগুম্বা অমগী নুংতিগী পুন্সীদা এক্তিব ওইনা শিজিন্নবগী তঙায় ফদবা অদুদা অকনবা ৱাফম থমখি, মসিবু মহৈরোয়শিংগীদমক্তা মরুওয়বা লাইশোন অমনি হায়না হায়খি।
জাতি অসিবু শম্নহল্লিবা অচেৎপা কলচরেলগী মরিশিং অদু ফোঙদোক্লদুনা প্রধান মন্ত্রীনা থোইদোক্না ফোংদোকখি মদুদি অথোয়বা কবি মহাকবি ভারতিয়ারনা কাশিদা মহাক্না থেংনখিবা স্পিরিচুএল অমসুং জাতিগী ওয়বা ৱাখল্লোন অদুনা য়াম্না চাওনা ইথিল পিখি। মহাক্না মহৈরোয়শিংদা কবি অসিগী পাক চাওরবা পুন্সী অমসুং ফিলোজোফি অসি পাবা অমসুং ইন্সপিরেসন লৌনবা পুক্নিং থৌগৎখি।"স্পিরিচুএল অমসুং নেস্নেল কন্সতিত্যুসন্না থল্লবা কাশিগী এতমোসফিয়র অসিনা মহাক্কী ৱাখলদা য়াম্না লুবা শাফু অমা পিখি,” হায়না শ্রী মোদীনা ফোংদোকখি।
মহাক্কী মশাগী পারলিয়ামেন্তরি কন্সতিত্যুএন্সী অসি সেয়র তৌরবা হেরিতেজ অসিগা শম্নহন্দুনা প্রধান মন্ত্রীনা সেয়র তৌখি মদুদি কাশিগী মীয়াম্না ঙসি ফাওবা মহাকবি ভারতিয়ারবু নুংশিনা নিংশিংলি। মহাক্না নহাশিংদা কবিগী মমিং লৈরবা মন্ত্র ‘অচমিল্লাই, অচমিল্লাই’ (অচম্বা লৈতবা, অকিবা লৈতবা) অসি এক্তিব ওইনা লৌদুনা মখোয়গী ৱাখল্লোন অমসুং মংলানশিং অদু এগ্রেসিব ওইনা লৌনবা তকশিনখি।"অচৌবা মংলান অমা, তোঙান্না খনবা, অমসুং অকিবা লৈতবা ওইয়ু,” হায়না শ্রী মোদীনা অকনবা ৱাফম থমখি।
মহাক্কী মশাগী পুন্সীগী এক্সপরিয়েন্সশিং খন্দুনা প্রধান মন্ত্রীনা ফোঙদোকখি মদুদি লৈবাক অসিগী মতাঙদা মহাক্কী অচেৎপা লৌশিং অসি পাক সন্না চত্থোক-চৎশিন তৌবা অমসুং তোঙান তোঙানবা লমদমশিংগী মিয়ামদগী হকথেংননা তমজবগী খুতথাংদা শেমখিবনি। মহাক্না ১৯৯০গী ময়ায় চল্লকপদা কন্য়াকুমারিদগী কশ্মির ফাওবগী এক্তা য়াত্রাদা শরুক য়াখিবা অদু নুংশিনা নিংশিংখি, মফম অদুদা মহাক্কী লেংদবা মরি অসি গীরিজা অম্মাগা লোয়ননা অহানবা ওইনা হৌখিবনি।"মদুদগী হৌনা ঐখোয়গী খঙনরবা মরি অসি লেংদনা লৈরি,” হায়না শ্রী মোদীনা ফোঙদোকখি।
রাজ্য অসিগা মহাক্কী অচেৎপা লনাইগী ওয়বা মরি অদু ফোঙদোক্লদুনা প্রধান মন্ত্রীনা হায়খি মদুদি মহাক্কী পাক চাওরবা খোঙচৎশিং অসিনা মহাকপু জাতি অসিগী পাক চাওরবা তোপ তোপ্পা মওং মতৌশিং অসি নিংথিনা খঙবা অমসুং থাগত্পা ঙমহনখি। শ্রী মোদীনা চেৎনা হায়খি, “তমিল লোল অমসুং তামিল কলচরগীদমক ঐহাক্কী পুন্সীদা লৈরিবা নুংশিবা অসিসু অসিগুম্বা এক্সপরিয়েন্সশিং অসিদগী পোকখিবনি।”
মহৈরোয়শিংবু নেস্নেল ইন্তিগ্রেসন্দা এক্তিব ওইনা শরুক য়ানবা পুক্নিং থৌগত্লদুনা প্রধান মন্ত্রীনা নহাশিংবু পাক শন্না চত্থোক-চৎশিন তৌনবা অমসুং মখোয়না চৎলিবা মফম খুদিংদা তামিল কলচরবু চাওথোকচনা পুদুনা চৎনবা তকশিনখি। মহাক্না মখোয়দা টমিল শৈরেং, ৱারি, অমসুং চৎনবিশিং সেয়র তৌনবগা লোয়ননা জাতি অসিগী অপুনবা অসি মপাঙ্গল কনখৎহন্নবা য়াম্না তোঙানবা মফমশিংদগী লাকপা মিওইশিংগা এক্তিব ওইনা মরুপ-মপাং ওয়বগী মরি শেমগৎনবা পাওতাক পিখি।"ঐখোয়গী জাতিগী অপুনবা অসি নখোয়না শেমগত্লিবা মরুপ-মপাং ওয়বশিংনা শেমগৎপনি,” হায়না শ্রী মোদীনা অকনবা ৱাফম থমখি।
জাতি অসিগী একাদেমিক লেন্দস্কেপতা অহোঙবা পুরক্লিবা মমাঙদা অমুক্তা ওইখিদ্রিবা মওংদা স্ত্রকচরেল ওয়বা অহোঙবশিংগী মতাঙদা অকুপ্পা মরোল পিরদুনা প্রধান মন্ত্রীনা অনৌবা মিরোলদা ফংলিবা খুদোংচাবশিং চাওনা পাকথোক চাওথোকহনবগী মতাঙদা পনখি। মহাক্না অকনবা স্তেতিস্তিকেল ইভিদেন্স পিখি, মসিদা পনখি মদুদি লৈবাক অসিদা য়ুনিভর্সিতিগী মশিং অসি ২০১৪দা ৭৫০ ওইরম্বাদগী ঙসি ১৩০০ হেননা হেনগত্লে, অদুগা অনৌবা আই.আই.তি.শিং, আই.আই.এম.শিং, আই.আই.আই.তি.শিং, অমসুং এ.আই.এম.এস. কয়া হেনগৎলকপগা লোয়ননা কোলেজশিং অসি ৩৮,০০০দগী ৫২,০০০ হেন্না হেনগত্লে৷ "ঐখোয়গী অপুম্বা এজুকেসনগী লেনস্কেপ অসি ঙসি হোংলক্লে " হায়না শ্রী মোদীনা ফোংদোকখি৷
অনৌবা এজুকেসন পোলিশিনা থৌগত্লিবা ক্বালিতেতিব ইম্প্রুভমেন্তশিং অদু শন্দোক্না তাক্লদুনা প্রধান মন্ত্রীনা দোমেস্তিক ইন্সতিত্যুসনশিংবু মালেমগী ওইনা য়াম্না থুনা শকখঙবা অদু নিংশিংখি। মহাক্না পনখি মদুদি ক্যু.এস.রেঙ্কিংদা য়াওখিবা ভারতকি য়ুনিভর্সিতিশিংগী মশিং অসি ২০১৫দা সুপ্নতগী ১৪ ওইরম্বদগী খ্বাইদাগী নৌবা রেঙ্কিংদা ৫২দা য়াম্না হেনগত্লে, মসিনা হকথেংননা মহৈরোয়শিংগীদমক্তা য়াম্না চাওনা পাকথোক চাওথোকহনবগী মহৈ ওইরে।"অদোমগী ওইনা ইন্সতিত্যুসন হেন্না, চয়েৎনবা হেন্না, অমসুং খুদোংচাবা হেন্না ফংহল্লে,” হায়না শ্রী মোদীনা থাজবা পিখি।
নহারোলশিংগী তোপ তোপ্পা মঙলানশিংদা ৱা ঙাংলদুনা প্রধান মন্ত্রীনা মহৈরোয় কয়ানা নন-ত্রেদিস্নেল কেরিয়রশিং, মরুওইনা শান্ন-খোৎনবগী লমদা চৎপা পাম্মী হায়না য়াজখি। মহাক্না মখোয়দা থাজবা পিখি।
য়াম্না পাম্নবা লৈবাক্কি শান্ন-খোৎনবগী পান্দমশিং ফোঙদোক্লদুনা প্রধান মন্ত্রীনা লাওথোকখি মদুদি লৈবাক অসিনা ২০৩০গী কমনৱেল্থ গেম্স পাঙথোক্নবা অকনবা মওংদা শেম শারি অমসুং ২০৩৬কি ওলেম্পিক্স পাঙথোক্নবা অচৌবা মংলান অদুগা লোয়ননা মাংলোমদা চংশিল্লি। মহাক্না লাওথোকখি মদুদি লাক্কদৌরিবা অচৌবা মালেমগী শান্ন-খোৎনবগী থৌরমশিং লাক্কদৌরিবা অসিগা লোয়ননা হৌজিক্তি নহাশিংনা অল্তিমেৎ ওইবা প্লেৎফোর্ম, পোতেন্সিয়েল, অমসুং রাজ্য অসিগী মপুঙ ফাবা মতেং ফংলে।’’ খুদোংচাবশিং অসি লোয়বা নাইদে, অমসুং ঐহাক্না থাজৈ মদুদি অদোমগী মিরোল অসিনা শান্ন-খোৎনবগী মালেমদসু ভারতপু অনৌবা অৱাঙবা থাক অমাদা পুখৎকনি,” হায়না শ্রী মোদীনা অকনবা ৱাফম থমখি।
নহা ওইরিবা মিরোলদা মহাক্কী থাজবা ফোঙদোকলদুনা প্রধান মন্ত্রীনা হায়খি মদুদি মহৈরোয়শিংগা লোয়ননা ৱারি শানবা অমসুং মখোয়গী থৱায় য়াওবা মংলানশিং অদু ফাওবনা মশক থোকপা জাতিগী তুংলমচত্তা মহাক্কী থাজবা অদু য়াম্না চেৎশিলহল্লে। মহাক্না নহাশিংবু লাক্কদৌরিবা মতম অসিবু শেমগৎকদবা অমসুং শেংদোক্কদবা অরোয়বা হিরোশিংনি হায়না লাওথোকখি।"ভারতকি তুংগী ফিভম অসি য়াম্না মশক থোকপা ওইগনি, অমসুং তুংগী খ্বাইদগী চাওবা হিরোশিংদি নখোয়নি,” হায়না শ্রী মোদীনা চেৎনা হায়খি।
মখোয়গী তৌবা ঙম্বশিংদা মহাক্কী মপুঙ ফাবা থাজবা অদু অমুক হন্না ফোঙদোক্লদুনা প্রধান মন্ত্রীনা থৌরম অসিদা শরুক য়ারিবা মহৈরোয়শিংগী অচৌবা তেলেন্ত, থাজবা, অমসুং তৌবা ঙম্বশিং অদু থাগৎখি। মহাক্না তিনখিবা নহাশিংবু মহাককা লোয়ননা অচৌবা, পুৱারি ওইরবা নেস্নেল রিজোলুসন খরা লৌনবা কৌখি।"ঙসি ঐহাক্না অদোম পুম্নমক্কা লোয়ননা অচৌবা রিজোলুসন খরা অমুক হন্না ফোঙদোকপা পাম্মী,” হায়না শ্রী মোদীনা রিমার্ক তৌখি।
মহাক্কী ৱারোল অদু য়াম্না ইন্তরেক্তিব অমসুং ইনর্জি লৈবা ৱাশক অমগা লোয়ননা লোয়শিনখি, প্রধান মন্ত্রীনা অচৌবা মিয়াম্বু লুচিংদুনা "ঐখোয়না তৌগনি!" অচৌবা জাতিগী পান্দমশিংগী সিরিজ অমা পুরক্নবা ৱাশকখি। ২০৪৭ ফাওবগী মনুংদা চাওখত্লবা ভারত অমা শেমগৎনবা, মালেমগী শেন্মিৎলোন অহুমগী মকোক থোঙবা অমা ওইনবা, মশা মরোমদোম লেপচবা ঙম্বা মালেমগী মেন্যুফেকচরিং হব অমা লিংখৎনবা, ওলেম্পিক্স পাঙথোক্নবা, অমসুং ভারত মচা অমা থাদা থম্নবা নহাশিংবু অকনবা মওংদা কত্থোক্নবা মহাক্না তকশিনখি।
*****
(রিলিজ আই.দি.: 2322051)
ভিজিতর কাউন্তর : 8