প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা তামিল নাদুগী চেন্নাইদা লুপা করোর ১৩,০০০ হেনবগী তোঙান তোঙানবা চাউখৎ থৌরাংগী প্রোজেক্ত কয়া উরেপ উয়ুং তমখ্রে, শঙ্গাখ্রে অমসুং মীয়ামদা কত্থোকখ্রে
ময়ামগী মরক্তা চেন্নাইদা লাকপা ফংজবা অসিদা নুংঙাইবা ফাওই, ঙসি অসি তামিল নাদুগীদমক পুৱারী ওইরবা নুমিৎ অমনি; ঙসিগী থৌরম অসিদা লুপা করোর লিশিং তরাহুমদোইগী ময়াগী প্রোজেক্তশিং য়াওরি; ঐখোয়না লোইশিনখ্রবা প্রোজেক্ত কয়া অমা শঙ্গাখ্রে অমসুং অনৌবা কয়া অমগী উরেপ উয়ুংসু তমখ্রে: পি.এম.
ভারতনা মাগী নাৎকী মপাঙ্গলদগী ইথিল লৌরি, সাইন্তিফিক প্রোগ্রেসকা লোয়ননা মাংলোমদা চংশিল্লি অমসুং মোদর্ন ইনফ্রাস্ত্রকচরগী খুত্থাংদা অনৌবা খুদোংচাবশিং শেমগৎলি। ঐখোয়গী হেরিতেজ অমসুং তুংলমচৎকী এস্পিরেসনশিং অসি পুন্না মাংলোমদা চংশিল্লি: পি.এম.
মোদর্ন সিতীশিংদা, ঐখোয়না হোলিস্তিক ইনফ্রাস্ত্রকচর মথৌ তাই; হৌখিবা চহি তরা অসিদা, ঐখোয়না লৈবাক শীনবা থুংনা মেত্রো নেৎৱার্ক অসি পাকশন্না পাকথোক চাউথোকহনখ্রে: পি.এম.
ঙসিদি লৈবাক শীনবা থুংনা পোর্ত ইনফ্রাস্ত্রকচরসু মপাঙ্গল কনখৎহল্লে মসিনা শিপ্পিং সেক্তরবু অনৌবা থাক্তা পুখৎকনি: পি.এম.
থাগৎখিবা:
11 OCT 2026 5:56PM by PIB Imphal
প্রধান মন্ত্রী শ্রী নরেন্দ্র মোদীনা ঙসি তামিল নাদুগী চেন্নাইদা লুপা করোর ১৩,০০০ হেনবগী চাউখৎ-থৌরাংগী প্রোজেক্ত কয়া অমগী উরেপ উয়ুং তমখ্রে, শঙ্গাখ্রে অমসুং জাতিদা কত্থোকখ্রে। ইকাই খুম্নরবা মীহুৎশিং অমসুং তামিল নাদুগী মীয়াম্বু তরাম্না ওক্লদুনা, মহাক্না ফজরবা লমদম অসিদা মহাক্কী ৱারোল হৌবদা য়াম্না নুংঙাইবা ফোংদোকখি। নুমিৎ অসিগী পুৱারীগী ওইবা মরুওইবা অদু পল্লদুনা প্রধান মন্ত্রীনা থৌরম অসিদা লুপা করোর ১৩,০০০গী অচৌবা প্রোজেক্তশিং য়াওরি হায়না লাউথোকখি। লোইশিনখিবা অমসুং লাক্কদৌরিবা ইনফ্রাস্ত্রকচর দিবেলপমেন্তশিং অসিনা ইন্দস্ত্রী অমসুং ললোন-ইতিক হেনগৎহন্দুনা রাজ্য অসিগী নহারোলশিংগীদমক অচৌবা থবক ফংহন্নবগী খুদোংচাবশিং ফংহল্লগনি হায়না মহাক্না ফোংদোকখি। শ্রী মোদীনা হায়খি, “মসিগী থৌরম অসিদা রাজ্য অসিগী মীয়ামদা ঐহাক্না নুংঙাইবা ফোংদোকচরি।”
নুমিৎ অসি শেংলবা নুমিৎ অমনি হায়না শকখঙলদুনা, প্রধান মন্ত্রীনা নবরাত্রিগী শেংলবা কুহ্মৈনা হৌবা অদু পনখি অমসুং মহাক্না মফম অসিদা য়ৌদ্রিঙৈ মমাংদা জালাকান্দেস্ৱর লাইশঙদা থৌনিবা চৎখি হায়না ফোংদোকখি। মহাক্না তামিল নাদুবু শিবা অমসুং শক্তি অনিমক্কী অশেংবা লমদমনি হায়না থাগৎপা ফোংদোক্লদুনা তীর্থগী মফম অসিদগী লৈবাক শিনবা থুংনা কুহ্মৈগী য়াইফ পাউজেল পীখি। শ্রী মোদীনা হায়খি, “তামিল নাদুগী লমদমদগী ঐহাক্না লৈবাক মীয়াম পুম্নমক্তা নবরাত্রিগী য়াইফ-পাইজেল পীজরি।”
লৈবাক অসিগী আর্কিতেক্তশিংদা মখোয়গী মপোক কুমওন্না লাকপদা ইকায় খুম্নবা উৎলদুনা, প্রধান মন্ত্রীনা ভারত রত্ন জয়প্রকাশ নরায়ন অমসুং ভারত রত্ন নানাজী দেশমুক্কী অচৌবা থৌদাংশিং নীংশিংখি। মখোয়না পুন্সি চুপ্পা হোৎনখিবা অসিনা লৈবাক অসিবু হেন্না কত্থোকপগা লোয়ননা সেবা তৌবদা অচৌবা ইথিল পীরি হায়না মহাক্না পনখি। শ্রী মোদীনা হায়খি, “ফম্পাক অসিদগী ঐহাক্না হায়রিবা অথোইবা মীওই অনি অসিগী মফমদা ইকায় খুম্নবা উৎচরি।”
মহাক্কী অঙনবদা তৌখিবা থবক-থৌরমশিংগী মতাংদা পল্লদুনা, প্রধান মন্ত্রীনা আই.আই.তি. মাদ্রাসতা লৈবা ব্রেন রিসর্চ সেন্তরদা মহাক্না চৎখিবা অদুগী মতাংদা খন্নখি, মখোয়গী মরুওইবা রিসর্চ অসিনা পব্লিক হেল্থকী লমদা চাউনা খুমাং চাউশিলহন্নবা ঙমগনি হায়না মহাক্না ফোংদোকখি। চেন্নাই মেত্রোগী অনৌবা শরুক অমা মীয়ামদা কত্থোকপদা মহাক্না নুংঙাইবসু ফোংদোকখি। “মসিগী খোংচৎ অসিগী মথক্তা, ঐহাক্না চেন্নাই মেত্রোগী অতোপ্পা শরুক অমা মীয়ামদা কত্থোকপগী খুদোংচাবা ফংখি,” হায়না শ্রী মোদীনা হায়খি।
স্পিরিচুএলিতী অমসুং মোদর্ন দিবেলপমেন্তকী মরক্তা লৈরিবা মান্নবা অমা পল্লদুনা প্রধান মন্ত্রীনা হায়খি মদুদি অরিবা মতমগী লাইশঙশিং অমসুং মোদর্ন মেত্রো অনিমক থেংনবনা হৌজিক মতমগী ভারতকী স্পিরিৎ অদু মপুং ফানা উৎলি। মহাক্না হায়খি মদুদি লৈবাক অসিনা মাগী কলচরেল হেরিতেজদগী ইথিল লৌদুনা খোঙজেল য়াংনা খুমাং চাউশিল্লি অমসুং মতম অমত্তদা অনৌবা ইনফ্রাস্ত্রকচর শেমগৎলি। “ঐখোয়গী হেরিতেজ অমসুং তুংলমচৎকীদমক ঐখোয়গী এস্পিরেসনশিং অসি পুন্না মাংলোমদা চংশিল্লি,” হায়না শ্রী মোদীনা হায়খি।
মহাক্কী পাক-চাওরবা রাজনিতীগী খোঙচৎকী মতাংদা প্রধান মন্ত্রীনা পনখি মদুদি মহাক্না ২০০১গী ওক্তোবরদা মুখ্য মন্ত্রী ওইনা অহানবা ওইনা ৱাশক লৌরকপদগী হৌদুনা সরকারগী মকোক ওইদুনা চহী ২৫ মপুং ফারকপা অসি য়াম্না মরুওইবা অমনি। মহাক্না ফোংদোকখি মদুদি লৈবাক অসিগীদমক্তা চহি চাম্মাগী তঙ্খাই অমা চুপ্না থবক তৌরকপনা মীয়ামগী দেমোক্রেসীগী শক্তি অমসুং কোওপরেতিব ফেদরেলিজমগী তঙাইফদবা ফ্রেমৱার্ক অসিদা মহাক্কী থাজবা অদু মপুং ফানা চেৎশিলহনখি। শ্রী মোদীনা হায়খি, “ঐহাক্না মতম পুম্নমক্তা রাজ্যগী চাউখৎ থৌরাংগী থোংদা লৈবাক অসি চাউখৎহন্নবা মন্ত্রগা লোয়ননা মাংলোমদা চংশিল্লি।”
রাজ্যগী থাক্তা মহাক্না থবক তৌরকপদগী মহাক্কী লৈবাক্কী মঙলান মতৌ করম্না শেম্লকপগে হায়বদু শন্দোক্না তাক্লদুনা, প্রধান মন্ত্রীনা হায়খি মদুদি মুখ্য মন্ত্রী অমা ওইনা থবক তৌরকপদগী মহাক্না রাজ্যগী থাক্তা লৈরিবা অপাম্বশিং খঙবা ঙমখি। “মরম অদুনা, প্রধান মন্ত্রী ওইরবা মতুংদা, ঐহাক্না মখোয়শিং অদু মপুং ফাহন্নবা হোৎনবতা নত্তনা রাজ্য খুদিংমক্না মখোয়গী এস্পিরেস্নেল গোলশিং ফংহনবা ঙম্নবা হোৎনখি,” হায়না শ্রী মোদীনা হায়খি।
প্রধান মন্ত্রীনা মহাক্কী মুখ্য মন্ত্রী ওইরিঙৈগী মতমদা করুনানিধি অমসুং জয়ললিতাগুম্বা শক্নাইরবশিংগা লোয়ননা মহাক্না পাংথোকখিবা মগুন লৈবা ৱারী ৱাতাইশিং অদু নীংশিংখি। পন্নীরসেলভম, ইদাপ্পাদি কে. পালানিস্বামী অমসুং এম.কে. স্তালিনগুম্বা লুচিংবশিংগা লোয়ননা প্রধান মন্ত্রীনা মখা তানা থবক তৌমিন্নখি। সরকার হোংলকপা তারবসু, তামিল নাদুগী চাউখৎ থৌরাংগীদমক মহাক্কী অচেৎপা ফিরেপ অদু হৌজিক মুখ্য মন্ত্রী ওইরিবা জোসেফ বিজয়গা লোয়ননা থবক তৌরিঙৈদা মহাক্না অদুমক লেপচবা ফিরেপ অদু হোংদনা লৈখি। “মুখ্য মন্ত্রী জোসেফ বিজয়জীগা লোয়ননা ঐখোয়না তামিল নাদুগী চাউখৎ থৌরাংগী খোঙচৎ অসি মাংলোমদা চংশিল্লি,” হায়না শ্রী মোদীনা ফোংদোকখি।
অর্বানাইজেসন অসি চাউখৎপগী মরুওইবা লম্বী অমনি হায়না পল্লদুনা, প্রধান মন্ত্রীনা তামিল নাদুদা অর্বান দিবেলপমেন্ত অসি সরকারগী খ্বাইদগী মরুওইবা মরুওইবা অমনি হায়না লাউথোকখি। সহর পাকথোক চাউথোকপা অসি শিংনবা অমা ওইনা উরোইদবনি, অদুবু মসি অচৌবা খুদোংচাবা অমা ওইনা উগদবনি, মসিদা মীয়ামগী ওইবা ত্রান্সপোর্তকী মপাঙ্গল লৈগদবনি হায়না মহাক্না অচেৎপা থাজবা ফোংদোকখি। “করিগুম্বা ত্রান্সপোর্তেসন অসি অফবা ওইরবদি, মসিনা মীয়ামগীদমক ইজ ওফ লিভিং হেনগৎহল্লি,” হায়না শ্রী মোদীনা হায়খি।
অপুনবা অর্বান প্লানিংগী তঙাইফদবা অদু শন্দোক্না তাক্লদুনা প্রধান মন্ত্রীনা হায়খি মদুদি লম্বীশিং পাকথোকহনব খক্তনা লোইবা নত্তে; মোদর্ন সিতিশিংনা তশেংনা হোলিস্তিক ইনফ্রাস্ত্রকচর এপ্রোচ অমা মথৌ তাই। হৌখিবা চহি তরা অসিদা লৈবাক শিনবা থুংনা মেত্রো রেল নেৎৱার্ক পাকথোক চাউথোকহনখিবা অদু মহাক্না থাগৎখি। “২০১৪দা, মেত্রো অসি সহর মঙা খক্তদা য়ুম্ফম ওইরম্মি, অদুগা ঙসিদি, সর্বিসশিং অসি লৈবাক শিনবা থুংনা সহর ২৫দা চেল্লি,” হায়না শ্রী মোদীনা হায়খি।
ইনফ্রাস্ত্রকচরদা য়াম্না থুনা খুমাং চাউশিল্লক্লিবা অসি পল্লদুনা প্রধান মন্ত্রীনা হায়খি মদুদি নেস্নেল মেত্রো নেৎৱার্ক অসি ২০১৪দা কিলোমিতর ২৫০ ওইরম্বা অদু ঙসিদি কিলোমিতর ১১০০ হেনখ্রে। চেন্নাই মেত্রোগী নৌনা পাকথোক চাউথোকহনবনা মসিগী নেৎৱার্ক অসি হেন্না পাকথোক চাউথোকহল্লগনি হায়না মহাক্না নুংঙাইবা ফোংদোকখি। শ্রী মোদীনা হায়খি, “মসিগী থবক অসি চেন্নাইদা লৈবা মীচম প্রজাগী খোঙচৎ অসি মীপুম খুদিংমক্কীদমক হেন্না লায়থোকহন্নবা অমসুং মখোয়গী খোঙচৎ অসি মতম চংদনা মপুং ফাহনবা ঙম্নবগীদমক তৌরি।”
দোমেস্তিক ইন্দস্ত্রীগী মরুওইবা থৌদাং অদু পল্লদুনা প্রধান মন্ত্রীনা হায়খি মদুদি রাজ্যশিংবু মপাঙ্গল কনখৎহনবা অসি লৈবাক পুম্ববু মপাঙ্গল কনখৎহন্নবগী মরুওইবা লম্বীনি। মরম অসিনা কেন্দ্র সরকারনা তামিল নাদুদা মেন্যুফেকচরিংবু পুক্নিং থৌগৎলি। মহাক্না রাজ্য অসিগী পুক্নিং থৌগৎপা অপীকপা ইন্দস্ত্রীশিং অমসুং থবক শুবা মীওইশিংগী থাগৎপা ফোংদোকখি। মেক ইন ইন্দিয়া অমসুং ভোকেল ফোর লোকেলগুম্বা নেস্নেল কেম্পেনশিংনা লমদম অসিদা কান্নবা কয়া ফংহল্লি হায়না মহাক্না ফোংদোকখি। শ্রী মোদীনা হায়খি, “ভারত মচা খুদিংমক্না তামিল নাদুগী মেন্যুফেকচরিং সেক্তর, মফম অসিগী অপীকপা ইন্দস্ত্রীশিং অমসুং মখোয়দা থবক তৌরিবা মীওই খুদিংমক্কীদমক চাউথোকচৈ।”
লৈবাক অসিগী ইন্দস্ত্রীএল পোলিসীশিংগী মায় পাকপগী মশক তাক্লদুনা প্রধান মন্ত্রীনা হায়খি মদুদি কম্পোনেন্তশিংদগী হৌরগা ফিনিশ তেক্নোলোজী ফাওবগী প্রদক্ত চেন পুম্নমক মপাঙ্গল কনখৎহন্দুনা লৈবাক অসি মালেমগী অনিশুবা খ্বাইদগী চাউবা মোবাইল মেন্যুফেকচরর ওইহনখ্রে। মহাক্না ইলেক্ত্রোনিক্স এক্সপোর্ত ১১-গুন হেনগৎলকপা য়াওনা ২০১৪দগী হৌদুনা চাউখৎপগী মেত্রিকশিং চাউথোকচবা ফাওবা পনখি। “ঐখোয়গী দিফেন্স এক্সপোর্ত অসি শরুক ৫০ হেনগৎলে, অমসুং ঐখোয়গী ইঞ্জিনীয়রিং এক্সপোর্তসু অনৌবা রেকোর্দ অমা শেম্লে,” হায়না শ্রী মোদীনা হায়খি।
ইন্দস্ত্রীএল এক্সপান্সন অসি য়ুথ এম্পাৱরমেন্তকা হকথেংননা শম্নহন্দুনা, প্রধান মন্ত্রীনা হায়খি মদুদি মসিগী অচৌবা মেন্যুফেকচরিং গ্রোথ অসিনা লৈবাক শিনবা থুংনা হকথেংননা অমসুং নাকোইননা থবক লাখ কয়া মায় পাক্না পুথোক্লে, তামিল নাদুনা য়াম্না শিংথানিংঙাই ওইবা থৌদাং লৌরি। মহাক্না এদভান্স লুব্রিকেন্ত বেজ ওইল প্রোজেক্ত অমগী য়ুম্ফম থম্বগী পাউজেল পীখি। “মসিনা মফম অসিদা অনৌবা থবক ফংহল্লগনি অমসুং লৈবাক অসিগী ইমপোর্ত হন্থহনবদা য়াম্না মতেং ওইরগনি,” হায়না শ্রী মোদীনা ফোংদোকখি।
ইনফ্রাস্ত্রকচর অমসুং ইন্দস্ত্রীগী মরক্তা লৈনরিবা মরী অদু শন্দোক্না তাক্লদুনা প্রধান মন্ত্রীনা হায়খি মদুদি মপাঙ্গল কনবা মেন্যুফেকচরিং সেক্তর অমা ওইনবগীদমক্তা রো মেতরিএলশিং মপুং ফানা পুথোক-পুশিন তৌনবা অৱাংবা থাক্কী লম্বীশিং, রেলৱেজ অমসুং পোর্তশিং মথৌ তাই। “অসিগুম্বা ইনফ্রাস্ত্রকচর অসি শেমগৎলকপা মতমদা, মসিনা তোঙান তোঙানবা থাকশিংদা থবক ফংবগী খুদোংচাবা কয়া অমসু ফংহল্লি,” হায়না শ্রী মোদীনা হায়খি।
চাউখৎ-থৌরাং অসিনা থোকহনবা শেন্মিৎলোনগী চেন রিএক্সন অদু শন্দোক্না তাক্লদুনা প্রধান মন্ত্রীনা হায়খি মদুদি কন্সত্রক্সন প্রোজেক্তশিংদা ইঞ্জিনীয়রশিং, তেক্নিসিয়নশিং, অমসুং শিন্মীশিং থবক পীনরি। অমরোমদা সিমেন্ত, স্তীল অমসুং ইক্বিপমেন্ত পুথোক্লিবা অপীকপা কম্পেনীশিং অমসুং ফেক্তরীশিংসু হেনগৎহল্লি। মহাক্না হায়খি মদুদি ঙসিগী রেল অমসুং লম্বীগী প্রোজেক্তশিং অসি লোইরবা মতুংদা তামিল নাদুগী ইন্দস্ত্রীএল অমসুং সর্বিস সেক্তরশিং অসি মাংলোমদা পুখৎনবগীদমক হেন্না ফবা কনেক্তিবিতী অসি য়াম্না মরু ওইগনি। শ্রী মোদীনা হায়খি, “মরম অদুনা ঙসি উরেপ উয়ুং তম্লিবা অমসুং শঙ্গারিবা রেল অমসুং লম্বীগী প্রোজেক্তশিং অসি তামিল নাদুগী চাউখৎপগীদমক য়াম্না মরু ওইগনি।”
মেরিতাইম লোজিস্তিক্সকী স্ত্রেতেজিক মোদর্নাইজেসনদা মীৎয়েং থম্লদুনা, প্রধান মন্ত্রীনা লৈবাক অসিগী পোর্ত ইনফ্রাস্ত্রকচর অসি তামিল নাদুনা মরু ওইবা থৌদাং লৌদুনা শিপ্পিং সেক্তর অসি মমাংদা অমুক্তা ওইখিদ্রিবা থাক্তা পুখৎনবা কন্না হোৎনরি হায়না লাউথোকখি। মহাক্না থোথুকুদিগী ভি.ও.সি. পোর্তপু মালেমগী থাক্কী মেগা কন্তেনর অমসুং গ্রীন ইনর্জী হব অমা ওইহন্নবা চাউরাক্না লুপা করোর লিশিং তরেৎ ইনভেস্ত তৌনবা লৌখিবা মরুওইবা ৱারেপ অদু পনখি। “মসিনা তামিল নাদুবু ইন্দস্ত্রী অমসুং ত্রান্সপোর্তকী মালেমগী হব অমা ওইহনবদা মতেং পাংগনি,” হায়না শ্রী মোদীনা হায়খি।
মেরিতাইম ফোকস অসিগী ওপরেস্নেল মাই পাকপগী মতাংদা পল্লদুনা প্রধান মন্ত্রীনা হায়খি মদুদি হৌখিবা চহিশিংদা ভারতকী পোর্তশিংগী স্পীদ অমসুং ইফিসিএন্সী অনিমক চাউনা হেনগৎলে। মহাক্না পনখি মদুদি শিপ তর্ন-অরোন তৌবগী মতম শরুক অনি হন্থহনবনা লৈবাক অসিগী পোত্থোকশিং অসি হান্নদগী হেন্না থুনা মালেমগী কৈথেলশিংদা য়ৌহনখ্রে। “মসিনা মরম ওইদুনা, ভারতকী পোত্থোকশিং অসি মালেমগী কৈথেলশিংদা হান্নদগী হেন্না থুনা য়ৌহনবা ঙম্লে,” হায়না শ্রী মোদীনা হায়খি।
ব্লু ইকোনোমীগী মতাংদা পল্লদুনা, প্রধান মন্ত্রীনা লৈবাক অসিগী ওসিন ইকোনোমীগী ভিজন অসিদা ঙামীশিংগী মরুওইবা থৌদাং অদু পনখি। ফিশিং হার্বরশিং ফগৎহন্নবা, লেন্দিং সেন্তরশিং শেমগৎনবা অমসুং কোল্দ চেনগী খুদোংচাবশিং ফগৎহন্নবা পি.এম. মতস্য সমপদা য়োজনা অমসুং অতোপ্পা স্কিমশিংগী খুত্থাংদা তামিল নাদুগীদমক লুপা করোর লিশিং কয়াগী অয়াবা পীখ্রে হায়না মহাক্না অকুপ্পা মরোল পীখি। শ্রী মোদীনা হায়, “ঙাশিং অসি তেক্না থম্নবগীদমক ত্রান্সপোর্ত ভেহিকলশিং লৈনবা মতেংসু পীরগনি।”
সমুদ্র মপানদা লৈরিবা কম্ম্যুনিতীশিংদা তার্গেৎ তৌদুনা তেংবাংবগী মতাংদা পল্লদুনা প্রধান মন্ত্রীনা চেন্নাই ফিশিং হার্বরগী মোদর্নাইজেসন অমসুং রাজ্য অসিদা 'সী-ৱীদ পার্ক' অমা শেমগৎপা য়াওনা মরুওইবা থবক কয়া অমা পনখি। শ্রী মোদীনা হায়খি, “কিসান ক্রেদিৎ কার্দকী খুত্থাংদা, হৌজিক্তি ঙামীশিংনা ৱার্কিং কেপিতেলসু য়াম্না লায়না ফংবা ঙম্লে।”
তার্গেৎ তৌরবা মেরিতাইম পোলিসীশিং অসিগী মশক থোকপা মহৈ-মশিং অদু উৎলদুনা প্রধান মন্ত্রীনা চাউথোকচবা ফোংদোকখি মদুদি নেস্নেল ঙাগী পোত্থোক য়াম্না থুনা হেনগৎলক্লি, মসিনা মমাং চহিদা সিফুদ এক্সপোর্ত অসি মশিং অমসুং ভেল্যু অনিমক্তা খ্বাইদগী ৱাংবা থাক্তা পুখৎলে। “মসিনা ঐখোয়গী ঙামীশিংগী ইমুং-মনুং অমসুং সমুদ্র মপান্দা লৈবা কম্ম্যুনিতীশিংদা লৈরিবা মীওইশিংগী পুন্সি মহিংসু ফগৎহল্লি,” হায়না শ্রী মোদীনা ফোংদোকখি।
তুংলমচৎকীদমক অপুনবা মীৎয়েং অমগা লোয়ননা মহাক্কী ৱারোল লোইশিনবদা, প্রধান মন্ত্রীনা তামিল নাদুবু চাউখৎপগী অনৌবা অৱাংবা থাক্তা লেপ্তনা য়ৌহনবদা মতেং পাংনবগীদমক কেন্দ্র সরকারগী মপুং ফাবা, থাজদবা ফিরেপ অদু থাজবা পীখি। মহাক্না চাউখৎলবা লৈবাক অমা ওইবগী চাউরবা পান্দম অদু মপুং ফানা চাউখৎলবা তামিল নাদু অমা অহানবদা ফংহন্নবা পুন্না হোৎনমিন্নবা হায়খি। নৌনা হৌদোক্লিবা প্রোজেক্ত খুদিংমক মায় পাক্নবা মহাক্না মহাক্কী য়াইফ পাউজেল পীখি। শ্রী মোদীনা হায়খি, “পুন্না ঐখোয়না ভিক্সিৎ ভারতকী ৱারেপ অসি ভিক্সিৎ তামিল নাদুগী খুত্থাংদা থুংহনবা ঙম্লগনি।”
***
(রিলিজ আই.দি.: 2322015)
ভিজিতর কাউন্তর : 6