યુવા બાબતો અને રમતગમત મંત્રાલય, મેરા યુવા ભારત દ્વારા, સ્વયંસેવા, અનુભવજન્ય શિક્ષણ, યુવા વિકાસ પહેલો અને અન્ય રાષ્ટ્ર-નિર્માણ પ્રવૃત્તિઓમાં યુવાનોની સતત ભાગીદારીને બિરદાવવા અને પ્રોત્સાહિત કરવા માટે 'માય ભારત' પોર્ટલ પર એક પોઈન્ટ્સ, રિવોર્ડ્સ અને રેકગ્નિશન (PRR) મિકેનિઝમ કાર્યાન્વિત કરી રહ્યું છે.

રાષ્ટ્ર-નિર્માણની પ્રક્રિયામાં યુવા ભાગીદારીના મહત્વ પર ભાર મૂકતાં કેન્દ્રીય યુવા બાબતો અને રમતગમત મંત્રી ડો. મનસુખ માંડવિયાએ જણાવ્યું હતું કે, “યુવા શક્તિ એ વિકસિત ભારતની શક્તિ છે. 'માય ભારત' ની PRR મિકેનિઝમ દ્વારા, મોદી સરકાર યુવા ભાગીદારીને માન્યતા, તક અને નેતૃત્વમાં બદલી રહી છે.”

PRR મિકેનિઝમ એક સંરચિત, માઇલસ્ટોન-આધારિત પ્રણાલી રજૂ કરે છે જેના દ્વારા યુવાનોને 'માય ભારત' પોર્ટલ પર તેમના જોડાણ દ્વારા એકત્રિત કરવામાં આવેલા પોઈન્ટ્સના આધારે માન્યતા, પુરસ્કારો અને તકો પ્રાપ્ત થશે. આ પહેલનો ઉદ્દેશ્ય યુવાનોને સ્વયંસેવા, અનુભવજન્ય શિક્ષણ, નાગરિક જોડાણ અને યુવા વિકાસ પ્રવૃત્તિઓમાં તેમની ભાગીદારી જાળવી રાખવા માટે પ્રેરિત કરવાનો છે, સાથે જ તેમને ઉચ્ચ માઇલસ્ટોન તરફ આગળ વધવા માટે પ્રોત્સાહિત કરવાનો છે.

આ મિકેનિઝમ હેઠળ, 1,000 પોઈન્ટ્સ પ્રાપ્ત કરનાર યુવાનોને ડાયરેક્ટર, માય ભારત ડિવિઝન દ્વારા સહી થયેલું એક ઔપચારિક 'માય ભારત' માનપત્ર મળશે. 2,500-પોઈન્ટના માઇલસ્ટોન પર, પાત્ર સહભાગીઓને અધિકૃત 'માય ભારત' સોશિયલ મીડિયા હેન્ડલ્સ દ્વારા માન્યતા આપવામાં આવશે, જે તેમના નામ, ફોટોગ્રાફ અને માય ભારત આઈડી (MY Bharat ID) ના પ્રકાશન માટે સંમતિ-આધારિત મિકેનિઝમને આધીન રહેશે.

5,000 પોઈન્ટ્સ મેળવનાર યુવાનોને 'માય ભારત' પોર્ટલ પર સમર્પિત 'માય ભારત ડિજિટલ હોલ ઓફ ફેમ' માં દર્શાવવામાં આવશે. હોલ ઓફ ફેમ સફળતા મેળવનારનું નામ, માય ભારત આઈડી, ફોટોગ્રાફ અને પબ્લિક પ્રોફાઇલમાંથી લેવામાં આવેલી ટૂંકી પ્રોફાઇલ પ્રદર્શિત કરશે. યોગ્ય સુરક્ષા પગલાંને આધીન, અન્ય વપરાશકર્તાઓ માટે સફળતા મેળવનારાઓને સંદેશા મોકલવાની સુવિધા પર પણ વિચારણા કરવામાં આવી શકે છે.

આ મિકેનિઝમ ઉચ્ચ માઇલસ્ટોન્સ પર ક્રમશઃ વધારેલા પુરસ્કારો પૂરા પાડે છે. 7,500 પોઈન્ટ્સ પ્રાપ્ત કરનાર યુવાનોને હાર્ડબાઉન્ડ પુસ્તક Modi@20 મળશે. 10,000 પોઈન્ટ્સ સુધી પહોંચનારાઓ યુવા બાબતો અને રમતગમત રાજ્ય મંત્રી દ્વારા સહી કરાયેલ વિલિયમ ડેલરિમપલ દ્વારા લિખિત The Golden Road: How Ancient India Transformed the World ની સહી કરેલી હાર્ડબાઉન્ડ નકલ મેળવવા માટે પાત્ર બનશે. 20,000-પોઈન્ટના માઇલસ્ટોન પર, પાત્રતા ધરાવતા વિજેતાઓને કેન્દ્રીય યુવા બાબતો અને રમતગમત મંત્રી દ્વારા સહી કરાયેલ DK દ્વારા લિખિત Treasures of India: From Antiquity to Modernity ની સહી કરેલી હાર્ડબાઉન્ડ નકલ પ્રાપ્ત થશે.

PRR મિકેનિઝમ હેઠળના ઉચ્ચ માઇલસ્ટોન્સ યુવા વિજેતાઓને વરિષ્ઠ નેતૃત્વ સાથે સીધા સંવાદ માટેની તકો પૂરી પાડવા માટે ડિઝાઇન કરવામાં આવ્યા છે. 50,000-પોઈન્ટના માઇલસ્ટોન પર, પાત્ર યુવાનોને 'વિકસિત ભારત યંગ લીડર્સ ડાયલોગ' (VBYLD) ની આગામી આવૃત્તિ દરમિયાન અથવા અન્ય યોગ્ય મુખ્ય યુવા જોડાણ કાર્યક્રમ દરમિયાન કેન્દ્રીય યુવા બાબતો અને રમતગમત રાજ્ય મંત્રીને મળવાની તક મળશે. પાત્રતા ધરાવતા વિજેતાઓની ઓળખ પોર્ટલ પરથી કરવામાં આવશે અને તેમની વિગતોની ચકાસણી 'માય ભારત' હેડક્વાર્ટર દ્વારા કરવામાં આવશે.

1,00,000 પોઈન્ટ્સના સૌથી ઉચ્ચ પ્રસ્તાવિત માઇલસ્ટોન પર, પાત્ર યુવાનોને VBYLD ની આગામી આવૃત્તિ દરમિયાન કેન્દ્રીય યુવા બાબતો અને રમતગમત મંત્રીને મળવાની તક મળશે. પસંદગી પામેલા યુવાનોની ઓળખ 'માય ભારત' પોર્ટલ દ્વારા કરવામાં આવશે અને તેમની વિગતોની ચકાસણી 'માય ભારત' હેડક્વાર્ટર દ્વારા કરવામાં આવશે. 50,000 અને 1,00,000-પોઈન્ટના માઇલસ્ટોન પ્રાપ્ત કરનાર યુવાનોનું સન્માન ઓક્ટોબર 2027 થી શરૂ કરવાનો પ્રસ્તાવ છે.

PRR મિકેનિઝમ એક પ્રગતિશીલ માર્ગ સ્થાપિત કરે છે જે ઔપચારિક માન્યતા અને ડિજિટલ વિઝિબિલિટીથી શરૂ થાય છે અને મૂર્ત પુરસ્કારો તેમજ રાષ્ટ્રીય યુવા નેતૃત્વ પ્લેટફોર્મ્સ સાથે જોડાવાની તકો સુધી વિસ્તરે છે. આ પહેલ દ્વારા, 'માય ભારત' ભારતના યુવાનોમાં ભાગીદારી, સેવા અને નેતૃત્વની સતત સંસ્કૃતિ બનાવવાનો પ્રયાસ કરે છે.

આ પહેલ "સમર્થ યુવા, વિકસિત ભારત" ના દ્રષ્ટિકોણને બળ આપે છે, અને સ્વીકારે છે કે સક્રિય અને સશક્ત યુવાનો વિકસિત રાષ્ટ્ર તરફની ભારતની યાત્રામાં કેન્દ્રસ્થાને છે. વ્યક્તિગત યોગદાનને બિરદાવીને અને વધુ જોડાણ માટેની તકો ઊભી કરીને, PRR મિકેનિઝમ યુવા નાગરિકોને 'માય ભારત' દ્વારા નેતૃત્વ, સમુદાય સેવા અને રાષ્ટ્ર-નિર્માણની તેમની યાત્રા ચાલુ રાખવા માટે પ્રેરિત કરવાનો પ્રયાસ કરે છે.

SM/DK/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com